رواية فرسان على جمر الغضى -17

رواية فرسان على جمر الغضى -17

اول ماقام فهاد الي كان نايم بمجلس ابووه الشيخ وقف يناظر الحلال من بيعيد وهو يمشي من امس وهو ملاحظ ان الرعيان عددهم قل

تفاجئ بهند تدخل عليه المجلس من صباح الله خير

فهاد:هنـــــــد وش اتسوييين اهنيا؟؟

هند:صبحك الله بالخيير ياشيييخ فهاااد

فهاد وهو يتلفت حوله:الله يزين صباااحج ماقلتيلي وش جااايبج اهنيا؟؟

هند وهي تمشي لوسط المجلس:ودي اسلم على عمي الشيييخ

فهاااد:الشيخ له مجلس ثاااني غير مجلس الرجال ذا يستقبل فيه العمه والي ترييد تحجي معه

هند:بس انا مهب من حريم الديره انا حرمة ولده وماعلي ان جيييت لمجلسه

فهاد: حنا سلومنا مهي مثل سلومكم المره والرجال سوا بالمجلس

هند بنظره تعالي:ماودك اياااني اجلس بمجلس الشيييخ

فهااد:للا ماودي

هند:زيين

مشت خطوتين ورجعت تلتفت له:فهاااد انا ماودي يستوي لي عرس من بعد عين ابووي وماودي انااام بالبيت الحالي مرتن ثاااانيه لزووم يا فهاااد تجي وتنااام ببيتك

فهاد وهو يكتم قهره:اسمعيييني زييين يا هند ...الوقت ذا مايسمح لي اني اعرس انا رجال وراااي ثااار لزووم بالاوله اخلص منه ومن عقبها يصييير خير

هند بغضب:انتبه يا فهااااد تراااني مهب المها لجل تاجل عرسك لبعد ماتاااخذ الثااار انا صرت بيتك وانت ملززوم تكووون عندي

فهاد:انتي ماتفهمييين ياحرمه

هند:للا ما افهم وما تنااازل عن اي حق لييي وانت ملزوووم بي

تركته هند ومشت وفهااد يحس بناار ثانيه تحرقه

......................................

مع صريخها الي زاااااد حط ليث ايديه على وذااانه وهو ماوده يبعد عنها بعييييد

قماد الي كان ينااظر ليث انشغل باله بشوق الي بالمغاااره وش هو حاالها هالحييين وكاد ان الامر صعيييب عليها حيل

حس انه ندمان انه اجبرها تكون بالمغاره وهو معتقد ان السالفه راح تخلص قريب لاكن الامر طول وبعدها الحرمه تعاااني من الوجع ونينها وبكاها اوجع الجميييع

مع الصرخه الاخيره الي جننت ليث وكان قايم لجل يدخل المغاره انعدم الصوووت ووقف وهو يرجف من الخووووف وبعدها بحيييين سمع صوت العيل وزاااادت حينها دقاااات قلبه وظل جامد بمكانه

قماد من ورااه صرخ وهو يستبشر:اولدت اولدت

وركض قماااد لجل يبلغ عتاب وقوت

كان ليث حينها منحرق انه مايسمع اي صوووت للبدور وحتى العيل يسمع بكااه شوي ويختفي عنه كان بالنسبه له واقف دهر لين ماطلعت عبله وهي تبكي وتبكي

ناظرها ليث وهو مرعوووب

لاكنها ظلت تبكي حينها ابعدها عن طريقه ودخل للمغاره اسرع بخطاويه ناحيتها وشافها مغمضه عيونها وعليها لحااف يغطيها بالكااامل ظل واقف يتاملها هي ميته ولابعدها حيه

العجوز كانت مشغوله بلف العيل وتهديته

ليث بانفاس متقطعه:وش سويييتي بيها؟

ارتعبت العجوز اول ماسمعت صوووته :عين من الله خييير ياولدي عين من الله خييير وكل شي ترااه بيد رب العالمييين

صرخ:وش الي صاااار لهاااااا هي مااااتت

البدور حينها فتحت عيونها وناظرته وحس هو ان مااااي باااارده نزلت عليييه ومن بعدها غمضت عيونها ....ردت الروووح فييه ومشي كم خطوه يتاملها

العجوز:يا ولدي الله يهديييك ماودك تشيييل العيل

ليث انتبه للي تقوله ومكان متخيل انه يشييله:هو ولد؟

العجوز: اييه ولد تعااال تعااال وخذ العيل تراااني تعبت حيييل

قرب ليث وجثى قريب من البدور وقربت منه العمه واعطته العيل وخذه وهو مايعرف وش الشعووور الغريب الي صاااابه مايدري هو ولده ولا لا مير قلبه يقول انه هو ابووه

ابتساااامه واااسعه شقت وجه ليييث وهو يحمله

ليث:ياويييييلي صغيييير حيييييل....يا عمه هو صحيييح كذا اشيييله

العجوز بابتسااامه:ايييه امسكه من اهنيا واهنيا

ليث:حييييل صغيير

البدور كانت تناظره وهي تفتح عيونها شوي وتسكرهن من التعب شوي

اخذ ليث يضمه لصدره وهو يهزه لجل يسكت ويناااظره بسعااااده كبيره..كان يحس ان اوجااااااع كثيره بدت تعلن رحيلها من صدره ومشااعر مقد حس فيها بيوم تغزو روحه وسعاااده سعااااده وصلت للسما وهي تسحبه معها

كان يناظر العيل الي بحيااته مقد شاف عيل بحجمه ولابشكله الي يخلي الفرحه تغمرمن يشوفه

ظل ليث يناظره ويناظر كل جزء فيه عيونه وخدوده وفمه الي يفتحه يدور بيه شي ايدياته الي يحركهن وكانه يريد يمسك بهن شي

مشاعر ابد ماقد حس فيها ولا انه يتخل نفسه بيوم يكون بالوضع ذا

ناظر ليث العمه:ياعمه العيل هقوتي جويع

ورجع يناظر البدور الي غمضت بعيونها اول مادريت ان وده يناظرها

العجوز:ماهقوتي ان امه تقدر هالحييين ترضعه هي تعبت حييل

ليث:زيين وش اسووي اجيييبله من حليييب النوووق

العجوز:للا يا ولدي ماعلييه يظل كم سااعه من غيير مايشرب شي المهم تسكته لين ماتقوم امه وتقدر ترضعه

ليث بابتسامه اكبر وهو يناظره:زييين اظل اجل شااايله

غمضت البدور عيونها مستسلمه للنوم من بعد ماتطمنت على العيل وهو بيدين ليث

كانت سعااادته كبيره وهو ينااظره ويناظر كل شي بوجهه

ليث:يا ويييلي وش لعوينااات ذي الصغييره

عند باب المغاره سمع ليث اصواتهم جايه ووقف عتاب وقوت وقماد من بعد مادخلو يناظرونه ابتسم لهم وقام وهو شايله ويمشي بتاني من خوفه عليه ليصير له شي

قربو منه اكثر وهم يناظرو العيل شي جديد ومشاعر غريبه مقد حسو بيها بحياااتهم

قوته وهي تناااظره:ياويييييلي هو ذا العيل

ناظرت قوت عتاااب:والله انه صغييير

ابتسم عتاب وهو يناااظره بيدين ليث:عطاااوي يا خوووي؟؟؟؟

ليث:قليبي يقووول انه عطااااوي ...ودي اسميييه ركااان العطاااوي

عتاب وهو يمد يده ليد العيل ويمسك فيها ومن بعدها اطلق ضحكه عاليه لان العيل مسك اصبعه

اجتمعو عيال العطاوي حوالين العطاوي الصغير وكانت فرحتهم غير من غير مايدرون ان البنت الي واقفه معهم هي بعد عطاويه

ابتسم قمااااد وبعدها عيونه جالت بالمكان اتدور شووق وين هي وما شاااف لها اي اثر ومشي عنهم رااايح يدورها

لقيها في ابعد مكان عن الي يصير للبدور جالسه وكان روحها طلعت منها تناظر لقدام وهي متشووف الي قدامها الساعات الي مرت فيهن من شوي كانت اصعب ساعااات عاشت فيهن

وكانها كانت بكااابوس ماصدقت انها صحيت منه

قرب منها قماد وهو مرتهب من شكلها كذا وجلس قريب منها يناظرها ابد ماكانها جالسه معه ونظرها لبعيييد

قماد بتردد وهو مايدري وش صااابها:الــ......... الحرمه جابت عيل

ماردت علييه ولا التفتت ناحيته وظلت على حالها

قماد:العيل ........... العيل صغييير حيييل ومثل القمر

على حالها وحتى ان عينها مارمشت من جلس

توتر قماد ازود:انتي وش فيييج؟؟

وعلى حالها

قماد:ما ودج تشوووفي العيل؟

مد يده وحركها قدام عيونها

قماد بضيقه:تراااني ابد مااحب الي قاااعده تسويينه...ناااظريني

التفتت له شوق واخذت تناظره شوي

قماد:وش بج ياحرمه؟؟

شوق:ابد......ما جاببالي بيوم ان الشيطان يمشي على الارض متمثل شكل بني ااادم

قمااد:وش تقصديييين؟؟

شوق:مقصدي واااضح..انت ابد منت بني ادم

كتم غضبه:انتي الي تقولي كذا ليييه ؟؟....ماكنتي تدري عن حاالك والي كنتي تسويييه..

شوق:انا مجبرت حد اني اذيه بكيفي انت تدري انه مكاان ودي قعااادك بمجلس ابوووي وانت الي كنت تسعى للي يصير لك

مير انت ناظر وش سويييت بي وانت تدري ان جدتي عطاويه ابد ذا مامنعك تسوي الي تسويه بي ذليتني وحتى ان ملابسي نتنت على ولا رضيت اني ابدل ثوبي ..الجوووع فتك بي وبكل مره تجبرني اكل طعاام ادري انك نثرت حبات الرمل فييه..وهذي هي ايدي مافكرت بيوم وش صااار فيها من بعد

من بعد حريق لقهوه

ناظر ايديها الي كانت متاثره من الحرق

بدت دموعها تنزل

قماد:اسكتي انتي الي شفتيه اهون كثييير من الي كنت ناااوي اسويييه فيك غير ماشفع لك الا ان جدتك عطاويه مثل ماتقووولي كان حينها شفتي الي يصير لك هالحيييين اهون بكثير

شوق:الي شفته اليوووم كان كثييير كثيييير

وقف قماد:ولجل كذا انا نفسي طااابت منج ومعااادلي فيييج لزمه وحقي واخذته انتي حره وتقدرين تعاودين لديرتك مع الي ودك تعاااودي معه...واعرفي ان الي جااااج قليل عن الي كان ودي يجيييج وذا تحذييير مني مرتن ثاااانيه

ما يخطر ببالج تدوسي لي على طرف

تركها وراااح منضم للبقيه وهناك كانت قوت تحاول بليث الي كانت الوسيعه ماتاااسع لفرحته وسعااادته انه يعطيها العيل وعتااب يضحك عليها

ليث تركهم ورجع يجلس قريب من البدور وهو يهز العيل اذا كان وده يبكي

قوت وهي مقهوره:هووو ليييه ما وده يعطيني اشيييله شوي

عتاب بخبث:شفتي وشلووون هو العيل زوووين هااه ماودج تجييبي لنا عيل

ارتجفت قوت:للا للا

عتاب:ليييه يا نظر عيييني انا ودي بعيل

التفتت عنه قوت ومشت طالعه من المغاره وعتاب يلحقها وهو مبتسم

قوت:قلت ماودي يعني ماودي

عتاب:زين وش الي يمنع هو تعب قليل ومن بعدها تقومي بالسلااامه

قوت التفتت له وهي خاايفه :انت وش قاااعد تقووول ماتفهم ماودي

عتاب بعند:مير انا ودي ولزوووم تجيبي لي عيل

ناظرت قوت عتاب الي كان يحجي معها بجد وهو كاتم ضحكته لناظراتها المستغربه

عتاب:انا رااايح للرجال فوق اشووف وش هو حاله ...وسالفة العيل ذي لزوووم تفكري فيها زيييين لانها دخلت برااااسي

تركها وهو يمشي بعيد ووده يضحك بصوت عااالي

لمت قوت بيديها حواليها وهي تحس برجفه تسري بجسدها

.................................

عند الغدير وقف فهاااد وهو يشوف زول وحده يعرفها جالسه عنده

نزل من فرسه وقرب منها

فهاد:المهااا وش الي قاااعده تسوينه اهنيا؟؟

وقفت المها وهي تحس ان بصدرها غصه مابعد روحت عنها وهمت بالرجعه

اعترض طريقها فهااااد:وش اتسوي اهنيا وانتي تدرييين اني محب جيتج للغدير

ناظرته المها:معاااد لك على امر يافهاااد حرمتك ببيتك هي الي خل اوااامرك عليها

فهاد:تعااانديني يالمهااا

المها:اتركني يافهااااد اتركني وين ودك اياااني اظهر ضيقتي

تركته وهي تعاااود لبيت العمه وظل هو يتبعها بنظرات عيونه لين ما اختفت

هند بعدها قابلت الشيخ ابو طايل ولزمت عليه انه يقنع فهاااد يظل معها بالبيت وانه لجل كرامتها لزووم يظل اسبوووع عندها قبل مايفكر يروووح مرتن ثااانيه لطلب الثااار والشيخ حينها اجبر فهااااد بالشي ذا الي وافق وهو منجبر

.........................................

اول مافتحت البدور عيونها كان لازال ليث جالس وهو بعااالم ثاني مع العيل يناظره ويمسك يده

البدور:وش اتسوي بالعيل

ناظرها ليث:اولدي؟؟

البدور:للا مهو بولدك

انخطف حينها لون ليث وصااار وجهه اسود وهو يشوف السعاااده الي كااان فيها تنهدم

ليث:اجل من ابوووه؟؟

ظلت البدور تناظره وهي ملاااحضه سوااد وجهه:ولدي انا لحااالي

ارتااح حينها ليث لاكن السعااده فرت منه وهو يعيش الشك مرتن ثااانيه

العمه حينها طلبت من عبله وقوت يساعدن البدور لجل تجلس لان العيل كان يبكي كثير وهو جوعااان وودها اياااه يرضع منها

جلست قوت وعبله البدور ونظرات ليث عليها وعلى حالها التعبااان كان يشوف ان مافيها طاقه واوجعه ذا كثير

بدت دموعها تنزل :والله ماقوا ماقوا

العجوز:يابنيتي لزوووم العيل يرضع شدي حيييلج لجله اشوي

مسحت البدور دموعها ورضيت بالي يريدن يسونه

قربت منها العجوز ورفعت يدها لجيبها ودها تساعدها لجل تطلع ثديها لجل العيل يرضع

ناظرت البدور ليث الي ارتبك ونزل نظره لتحت وحينها استسلمت للي تريده العجوز

العجوز:هات العيل ياولدي

بارتباااك قرب ليث بالعيل

العجوز:حطه اهنيا بحجر امه

قرب ليث اكثر وحطه قدامها والعيل بعده ماسك بصباااع ليث

كان ليث يناظر الي يصير قدامه وهو مرتهب ومنتظر لحضة ان العيل يرتوي مشااعر اغرب واغرب كانت تنتااابه

.... ورضا البدور بوجوده هذا اكبر دليل ان العيل ولد......دموع كثيره نزلت من عيونها وهي تحس بعد بمشاااعر ثانيه ماكااانت متخيله انها راااح ترضى بالعيل ذا على قد ماكرهته من اول يوم دريت انها حااامل

نزل ليث راسه وحب على يد العيل سعيد بشوفته يرضع ومن بعدها انتقل لخده يحبه عليييه حينها كتمت البدور انفاااسها وهو قريب منها كل هالقرب

فرسان على جمر الغضى

الجزء الثاني والعشرون

اول مارفع ليث راسه من بعد ماحب العيل تلاقت عيونه بعيونها وكانت البدور منحرجه من قربه الزايد لها

ليث:ترااني سميته راكاان

سكتت البدور وهي تناظر لمكان ثاني

ليث:راكاان العطااااوي ...ليييه ماقلتي لي من الاوله انه ولدي؟؟

كانت تحس برجفه تجيها وهي صاده بنظرها عنه وسااكته

قرب منها ليث وحبها على جبينها وبالسرعه رفعت يدها ومسحت الحبه الي طبعها بجبينها

ابتسم ليث:هذا وانتي بعدج مااسترديتي عافيتج تسوين كذا ..اجل وش راااح تسوييين بي باااكر

البدور :تسوي نفسك ماتدري انه كان ولدك؟

ليث:ماكنت ادري؟

ناظرته بتشكيك:ماكنت تدري؟ اجل وش الي قلب حالك وخلاااك تكف يدك عني وتدور رااحتي وحتى يوم اني طعنتك ابد ما اشتككيت ويوم انك دريت بالرجال الي ارسلني للشيخ حماااد حينها رميتني على القاااع وابد ماهمك حالي من عقب..انت بس صبرت علي لجل ولدك وودك تاااخذه مني وانقلع انا حينها خذه خذه انا ماودي اياااه

ليث بغضب:تعوذي من ابليس ياحرمه العيل بعده يرضع

بعدت البدور العيل وهي تصرخ:ماودي اياااه ماودي اياااه خذه

خذت العجوز العيل وطلبت من ليث يتركها:يا ولدي اتركها ترااها والده اليوووم ووكاد انها تعييب وماتدري وش اتقوول ..اتركها تريح شوي

قام ليث ونظراته لها نظرات مصدوم من حالها

كانت تنتحب من البكى وهي متكومه على حالها

البدور:ماودي العيل ماودي ايااااه خله ياااخذه خله ياااخذه ويتركني بحااالي

العجوز:يابنيتي تريحي تريحي

طلع ليث وكان كل شوي يعاود للمغاره ويشوف وش هو حالها

....................................

جلس عتاب جنب سعد الي كان ينام فتره ويرجع يصحى شوي

عتاب:ياخوووي تانس بشي

سعد:مدري احس اني تعباااان حييييل وودي اني اروووح لعربنا واشوووف خيتي

عتاب:ماعليييه ياخوووي هالحييين انت تعبان تريح كم يوووم ومن بعدها ناخذك لقبيلتك ولزوووم تكون بعافيتك انت هالحييين بنظرهم ميت ووكاد انها رااح تكون صدمه ليهم

غمض سعد عيونه وهو يحس فعلا انه تعباااان حيل

البدور نامت وخلت العجوز العيل جنبها نايم وظل ليث فتره طويله جالس يناظرهم وماوده يفارقهم

العجوز ترخصت من عقبها وقام ليث لجل يعاود بيها وتعذر منها من الي جاها منه

قماد قال لعتاب انه معاااد له دخل ببنت الشيخ طايل وان كان ودهم يعاودو بيها يعاودو

عتاب:وشلووون ودك نعاااود بيها نقول انها كانت مع عيال العطاوي لجل ننتشب معهم انت نسيت القرابه الي بيننا

قماد:سو ياخوووي الي ودك تسوييه مير انا ارخصت لها ومعااادلي بيها لزمه

مشى قماد خطوتين ورجع التفت لاخوه وكان شعره سايح على عيونه:وان كان ودك تبيعها لاي رجال يمر جنب الجبل تراها فكرتن زينه ههههههه

عتاب:انقلع يالخسيييس

نادى عتاب قوت وطلب منها تهتم بشوق

ناظرت قوت عتاب:انت وش بيييك على النسوووان؟

ابتسم عتاب:ليييه؟؟

قوت:ماودي اياااك تناظر حد غييري

اشار لها عتاب على عيونه وولعت قوت من الخجل

...................................

دخلت هند بيت العمه ومعها حرمه طلبت منها هند تكون معها دوووم وراح تعطيها بالمقابل مال

وقفت هند تناظر المها بطرف عينها

العمه:تفضلي يابنيتي تفضلي

هند وهي رافعه راسها لفوق:يا عمه انا الليله عرووس وودي اياااك بسااالفه ودي نكووون لحالنا

قامت المها وراحت للشق وهي تدري ان كل الي راااح تقوله هند وكاد راح تسمعه وبالفعل سمعت كلامها وكان ودها الارض تنشق ولا تسمع ان فهاد الليله راح يمسي عند هند....وش بقي فيه القلب مكان ما انوجع فيييه

على المسا انجبر فهاد انه يروح يمسي عند هند الا انه اول مادخل للبيت ظل جالس بمجلس البيت طلعت له هند وهي متزينه وجلست قباله

هند:مسيييك بالخير يافهااااد

كان حاسس بغصه تخنقه وهو يفكر ان المها هالحييين وكاد تدري انه ممسي الليله اهنيا

هند:ماودك اتحجي معي يا فهااااد

فهاد:زينيلي افراااشي اهنيا ودي امسي هنا

قامت هند بكل غيض:قلتلك يا فهاااااد انا مهب المها مهب المها

قام فهاد ومسكها من يدها وهو يحجي معها بصوت باين فييه الغضب والقهر:وانا يابنت الاجوااااد ماتجبرني حرمه على هواها بالغصيبه

تمسكنت حينها هند:ليييه تقول كذا يا فهااااد انا مابغيت الا اني اخليييك تنسى هواها انت يافهاااد من بعد ما طلقتها معااااد بقاااادر على رجعتها المها صارت امر منت بقااادر بيوم تقدر ترجعها وانا ودي اكووون العوض يا فهااااد لجلك ولجل راااحتك

تركها فهاد وبعدها الغصه بصدره:اجل اتركيييني اتركييييني لحااالي ويصييير خير من بعدها

هند:زييين راح ازين لك الفراش وراااح اصبر يا فهاااد لين ماتجي لحاالك

.............................................

بنصاص الليل صحيت البدور وشافت ليث نايم قريب منهم ومايفصله عنها الا العيل اعتدلت جالسه وناظرت بالمغاره وماكان حد حولهم حست برجفه

بعدها التفتت لليث كان شكله غييير وهو نايم ومقرب برااسه قريب من العيل والي ماكانت تدري عنه البدور ان ليث طول الوقت وهو شايل العيل يهديه لين ماينام لجل يتركها تنام وترتااح

فتح عيونه وشاف انها صاحيه وهي جالسه نط جالس:ترييييدي شي؟؟

ناظرته وصرفت نظرها لقدام من غير ماترد عليييه

قام وجاب طاسه بها حليب وقرب جالس قريب منها

ليث:خذي اشربي

البدور وهي تناظره بنظرات كره:ماريييد اتركني لحااالي

ليث:لزوووم تشربي لجل العيل

البدور وهي تهم توقف:خذه واعطيييه انت

واول ماوقفت حست بدوخه وجلست بسرعه وهي تحط ايديها على راسها

ليث قرب منها ومسكها:وش فيييج وش الي يوووجعج؟؟

البدور بعصبيه:قلتلك بعد عني واتركني

ليث:زيين زييين مير اقعدي ولا تفكري تقوومي من مكااانج انا رااايح اشوووف وحده من الحريم لجلج

طلع ليث ولقي قوت وعتاب وعبله وقماد جالسين قريب النار سهرانيين

عتاب:وش عندك يا خوووي؟

ليث:قوووته تعااالي اشوي

قوت:يا جهد البلا ودك اياااني انا؟!!!؟

نطت عبله:ودك اياااني اجي انا يا خوووي؟؟

ليث بنفااذ صبر :تجي وحدتن منكن

الثنتين لحقن ليث ووصاهن انهن يشوفن البدور وش اتريييد وطلب منهن انهن يقنعنها لجل تشرب الحليب

طلع ليث وجلس قريب من عتاب

ابتسم عتاب:اويلاااااه تحيد يا لييث يومن انك تقولي ياخوووي حنا وش لنا بالحريييم حنا ورانا ثااار ولزوووم نخلص منه هذا حنا ابتلينا بيهن وماندري وش انسوووي لجلهن

قماد مؤيد:اييييه يا خوووي حتى انت كنت تقووول لي كذا وهذا انت والقوته ما تفااارق عييينك وانا يومني كنت اتسلى ماكااان يجوووز لكم

ليث كان مشغول باله بالبدور واصرارها انه يبتعد عنها وشلووون وده يخليها تتقبله

ومرت عليهم ثلاثة ايام البدور اصبح العيل ياخذ كل اوقاتها وهي تحس بسعااده تكتمها من وجوده معها وكان ليث ملازمها وماكان بينهم اي حديث كان ينام جنبهم واكثر اوقاته بالليل يشيله ويتركها تنام كانت اتحس براااحه من وجوده معهم وهو موفر ليها كل حاجه اما ليث فالعيل كان شي ابد ماخطر بباله انه يكون فيوم بحياته ومسؤل عنه كثير كان يناديها بام راكان وكانت تتجاوب معه بالنظرات

عتاب كلم شوق وقال لها انها حره وانه وده يعاود بيها لقبيلتهم مير تصبر عليه كم يووم لجل ايرتب احوالهم وانتقالهم من الجبل ذا وبالفعل ارحلو من الجبل ذا لجبل ثاني كان اكبر ومغاراته كثيره وكانو ناقلين فييه الذهب والسلاح

سعد كان على حاله يحس ان فكره مشوش.. مرااات يذكر الي مضى كله ويعزم انه يعاود لديرته.. ومراات يحس بتعب وان كثير اامور مايذكرها عتاب طلب منه انه يرتااح ووعده انه راح يشوف طبيب يعطيه اعشاب تساعد على ترجيع عافيته وذاكرته بشكل اقوء

من بعد لعصير جلس عتاب مشغول بحاجه بيده تخص السلاح وجت عبله وجلست جنبه واخذت تساعده بحكم ان زوجها من قبل كان راعي اسلاح وهي تفهم بالامور ذي

وطووال الفتره كانت عبله اتحجي معه عن رجلها الي مات وشلون كانت احوالهم وعتاب عجبه حجيها وتونس بيه حييل .. واعجبه اكثر.. الشغلات الي كان يجهلها كانت اتقولها له

من بعيد كانت عيون قوت تناظرهم وهي تجهز العشى ومعها شوق الي بدت اتميل لقوت وتساعدها بالي تريده

اما قماد فكان يجلس اكثر اوقاته مع سعد ويشوف وش يريد

قام عتاب ومشي رايح لجهه ماكان فيها حد

غير قوت الي كانت تجمع الحطب وتحطه فييه

ابتسم ليها وصدت عنه وهي مقهوره

تعجب منها عتاب وترك الي بيده وراح ناحيتها لاكنها همت انها تتركه ومسكها من يدها

عتاب:على وييين يانظر عيييني

قوت وهي تبعد يده:اتركني اتركني وش اتررريد مني وانت متونس مع الحرمه تسولف عليها

عتاب ضحك:انا اسولف عليها !!!؟؟تراها هي الي تسولف على وسوالفه حبيتها كثيير

قوت وهي تسحب يدها من يده:اتركني اتركني وخلك معها

سحبها بالقوء ولفها بيديه وهو يضمها لصدره

عتاب:وش الغييييره ذي الي اقتلتج

قوت تفاجئت بالي يسويه واخذت تحاول تخلص حالها منه:عتاااب اتركني اتركني وش الي قاااعد تسويييه

عتاب:يعني لزوووم مني بكل مره اذكرج اني رجلج

قوت وبدت تتضايق من الي يسويه:زيين زيين مهب اهنيا العيووون كلها علينا

تركها عتاب وهو يناظر بعيونها:اسمحيلي ترااني مراات انسى حااالي وودي اني اضمج بين الضلوووع

قوت واخدودها ولعت من الخجل:للا ودك اياااني انسى الي كنت تسوييه من قبل اشوي وانت جالس تسولف معها

عتاب:يا وييييلي وكاااد انج تغااااري؟؟؟

قوت:انت تدري انه ماودي اياااك تناظر حد غييري

عتاب:والعييين ابد ماتشووووف غير القووووت...اقووول يا قوووته اليوم انتي زااايده من الحلا وش الي جد فيييج

تركته واحمرار وجها باين له ومشيت وهي تشيل الحطب رايحه للنار

من بعدها وعتاب طوال الوقت وعيونه تتبع قووت وهي تحس بالخجل من نظراته ومن بعد ما انتهو من العشى جلس عتاب بمكان بعيد يفصل بينه وبين الي جالسين حول النار صخره كبيره

الجبل كان عباره عن كهف كبير مفتوح نصفه للخلا احجاره من فوقهم تغطيهم ومفتوح من قدام وتتبعله مغاره كبيره وين ماكانت البدور فيها اما البقيه فكان اكثر جلوسهم قدام باب المغاره وين الاحجار الكبيره منتشره

مرت قوت ومسكها عتاب وجرها لجل تجلس معه

قوت:عتاااب

عتاب:تعااالي واجلسي معي ماودي شي اهنيا ترانا قريبين منهم

قوت وهي خجلانه:للا حنا اهنيا محدن يشوفنا

عتاب:زييين ليييه خايفه احنا جالسين معهم مير تفصل بيننا وبينهم الصخره ذي والي وده يمشي من اهنيا لزووم يكون كاشفنا من ويييش انتي خااايفه

قوت بتردد وخجل:وش انريييد نجلس الحالنا خلنا نجلس معهم السوالف مع قماااد زييينه وتونس

عتاب:ايييه ما ودج اياااني اسولف مع الحرمه وانتي ودج تسولفييين مع قماااد

قوت:ايييه عتاااب انت تغااار؟؟

عتاب:وليييه ما اغااار مهب حرمتي

قوت بابتسامه:زيين زيين هذا انا معك وش ودك تسولف لي

عتاب وهو جالس اتكى على يده وهو يناظرها ومد يده وسحب الشال:بالاوله ودي اياااج تخلعي الشال ذا

غمضت قوت عيونها وهي تحس بيده تتخلل شعرها

قوت بهمس:للا للا يا عتاااب حنا قلنا نجلس نسولف بس

تركها عتاب وهو يتمدد ويشبك ايديه ورا راسه:زيييين نسوووولف

عند النار ماظل حد غير عبله وشوق وقماد الي كان يناظر عبله وهو مبتسم

قماد:يا وييييييلي ويلااااه اليوووم المسا غييير غييير

عبله ضحكت وهي تفهم لكلام قماد وتدري انه راعي نسوان

عبله:وش الي تغير اليوووم بالمسا؟؟

قماد وهو يقوم ويجلس قريب منها:كل شي اليوم فييه تغير هو الي يجلس ورفيقه القمر ما ودج ايااه يكون مسااه غيير صحيح ان الجو فييه غيم مير ماعلييينا خله بحاله

ناظرت شوق ناحيته وهي تدري انه يعنيها بالغيم ورجعت تناظر قدامها

شوق"والله انه بجح وقليل خاتمه الله ياخذك انت وهي معك"

ظل قماد يسولف مع عبله متجاهل شوق الي جالسه بالطرف الثاني من النار وهي تحس بنااار بصدرها عليه من قله الادب بحجيه مع عبله الي كانت تجاريه بسوالفه

البدور بالمغاره صحيت وحست بانفاس قريبه منها انتبهت حينها ان في يد مطوقه خصرها وشخص نايم وراها شهقت وهي تريد تجلس واعتدل ليث بسرعه وهو يتكي على يده ويناظرها

ليث:وش فيييج

البدور:انت انت انت وش اتسوووي اهنيا؟

ابتسم ليث وناظر العيل الي لقيه اليوم نايم بمكانه:هو خذا مكاني وانتي مكانه وانا مالقييت الا مكااانج

كانت اتريد تجلس وهو مانعها من الجلوس:عاااودي وناااامي

البدور:لييه ما ودك تتركني بحااالي؟

ليث:زيين ودج ايااني انااام بعيد عنج انا رااايح اقووم مير خليييج قريبه من راكاان

زفرت البدور بغيض والتفتت عنه لجهة راكان وهي تمد يدها وتطوقه

ظل ليث يناظرهم باستمتاع ورجع وعاود ينام مرتن ثانيه من غير مايبدل مكانه الا انه كف يده عنها

عتاب وهو يناظر قوت الي كانت سانده جسمها على صخره:ما ودج تجي وتحطي راسج على يدي

وبعدها اشار لصدره:او اهنيا

قوت بابتسامه:للا

سكت عتاب وظل يناظر للسما والنجوم:اقووول يا قوووته

قوت وهي تلعب بخصايل شعرها:وش اتريييد؟

عتاب:صحييح ما ودج تجيبي لي عيل؟؟

احمرت اخدودها وهي تسب فيه بخاطرها لانه بس يريييد يحرجها

قوت:للا للا ما ودي وش لووون اجيب عيل من بعد ماشفت الي يصير للحرمه يا ويييلي انا مقوء على شكت الشووكه تريدني اتوجع كل الاوجااع الي جتها للا ما ودي

عتاب بخبث:زييين اجل ارخصيييلي اعرس حرمتن ثااانيه

ناظرت قوت عتاب بغيض:اعرس انت وشف وش راااح يصير لك انت وهي

ضحك عتاب بصوت عاالي ومسكها من قبل لا تقوم وتروووح وهو يراضيها

قماد:ايييه الغيم اليوووم ابد ثااابت ما وده يحرك من مكااانه

عبله:ارجاااك يا قماااد تراااك هلكتني من الضحك

قماد:زييين وش راييج ببيتين من القصيييد

عبله:تعرف تقصد يا قماااد

قماد:اييه اعرف مير انا بوادي والقصيييد بوااادي

عبله :ههههههه اجل قل وش عندك

قماد وهو يحرك رموووشه وشعره بعده نازل على جبينه:زييين لجل عيووونج يا عبله راااح اورجيييج وشلووون راح اقول لج البيتييين

عبله :وانا اسمع

قماد وهو يفكر:ايييه ..اسمعي...

لجل عينن ناظرتها ودي احرك جنووون القصيييد بخاااطري

واكتب من القصيد بيتين اوصف فيييه ناعم الخد الي فتني

ضحكت عبله بصوووت عالي:هووو ذا القصيييد يا قمااااااد ههههههههه

قماد:ايييه تريثي علي والله ان ودي اقووول القصيييده مير امهليييني

عبله:ههههه للا للا ما ودي اسمع شي يكفي الي قلته

شوق كان ودها تقوووم وتبتعد من المكان وهي تحس بالنااار تشتعل ازووود ورااعي قصيييد بعد

قام قماد ومد يده لعبله وهي مسكت بيده وقامت

قماد وهو يغمز بعينه:يالبيييي الناااس الفاااهمه

مشي قماااد وهو يحثها تمشي معه الا ان صوت عتااب وقفه

عتاب:وييين ودكم اتروووحو يا قماااد؟؟

وقف قمادوهمس:يا جهد البلا هذا من وييين جاااي؟؟

التفت قماد لعتاااب:اهنيا اهنيا يا خوووي ودنا نشم هوا

عتاب وهو يمشي لناحية النار:اهنيا الهوا زيييين

قماد:يا خووي وش فيييك حنا هوااانا غييير

التفت بسرعه قماد وجرا بسرعه وهو ماسك بيد عبله الي جرت ورااه بعد وهي تضحك

قربت قوت من عتاب:شفت شفت الحرمه ذي انا قلييبي مهب متريح منها ابد رجالها ميت وماعليييها كل شوي مع واحدن من الرجاال

ناظر عتاب قوته بطرف عينه ومشي عنها وظلت قوته تنكت بمكانها

بمكان بعيد جلس قماد وهو يضحك انه قدر يهرب من عتاب وطلب من عبله تجلس قريب منه

جلست قريب منه وهي تضحك

قماد:هاااه ودج ايااانا نكمل بيتين القصييييد

عبله:ههههههه ايييه نكمل

شووق من بعد ماراااحو راحت لفراشها وانكتت فييه وهي تحس بوجع ماتدري وش هو سببه وظلت تبكي ببكا مكتووم

طلع ليث خارج المغاره من بعد ماسمع شهقات كانت تحاول شوق تمنعها وسال عتاب وش فيها

عتاب:الله ياااخذك يا قمااااد وكاد الي سواااه اوجعها مير المهبوله وشلووون تتولع فييه من بعد كل الي سوااه فيها

يتبع ,,,,

👇👇👇

تعديل المقال