رواية فرسان على جمر الغضى -18
عبله:ههههههه ايييه نكمل
شووق من بعد ماراااحو راحت لفراشها وانكتت فييه وهي تحس بوجع ماتدري وش هو سببه وظلت تبكي ببكا مكتووم
طلع ليث خارج المغاره من بعد ماسمع شهقات كانت تحاول شوق تمنعها وسال عتاب وش فيها
عتاب:الله ياااخذك يا قمااااد وكاد الي سواااه اوجعها مير المهبوله وشلووون تتولع فييه من بعد كل الي سوااه فيها
باليوم الثاني ناظر ليث شوق الي كانت جالسه بمكانه ومافاارقته التفت للبدور
ليث:ودي اشييل ركان شوي وجااايبه
قام وركان بين ايدييه وقرب من شوووق
ناظرته شوق وهو واقف قريب منها ونزل وهو يمد به ناحيتها
ظلت شوق تناظره
ليث:تدريين ان في صلة قراابه بينكم
ناظرته
شوق:وشلوون؟؟
ليث:جدتج عطاويه وانا اذكر زييين انها كانت عمتي اخت لابوي كانت تزورنا كثير وتجييب لنا عطايا كنت حينها صغير مير اذكرها زييين
شوق:انت تقرب لابووي حييييل
ليث:ايييه..... زييين والعيل ذا بعد يقرب ليييج شوووفي هقوتي ان عويناااته شبييه بعيوونج
ابتسمت شوووق وهي تناظر راكااان:صحيييح؟؟
ابتسم ليث:خذي امسكيييه
اول ماجت شوق تمسك بركان كانت البدور الي ماعجبها حديثه معها ناطه عندهم وماخذه العيل
ليث بغضب:وش الي قاااعده تسوووينه ليييه اخذتي العيل؟؟
البدور:هذا ولدي انت وش تريييد منه؟
ليث وهو يقرب منها:وتراااه ولدي
سكتت البدور وماردت علييه وسكوتها ذا مرااات يقهره
ليث:هاتييه
البدوروهي تبعد عنه:للا
ظل ليث يناظرها اشوي ومن بعدها طلع وتركها
لاكن شوقه منعه انه يظل كثير برا طالع ورجع مرتن ثانيه من بعد ماقااامت شوق وطلعت لخارج المغاره
قرب منها وهي ترضعه وصدت بجنبها عنه للجهه الثانيه ابتسم وتمدد قريب منها ظل يناظرها ومن بعدها مد يده واخذ يلعب بنهايه خصايل شعرها الملامسه ظهرها
لين ماغطت عينه ونام التفتت تناظره وهي تدري انه نام لانه بالليل كان طوال الوقت جالس معها وهي ترضع راكان هي تدري ان روووحه تعلقت كثييير بالعيل وماتدري لييه هي ساااكته عنه ومتقبله الوضع
ناظرت شوق عبله الي كانت جالسه تسااعد عتاب كالعاده بتنضيف السلاح ومن بعدها راحت تدور قوته
وظلت شوق مع قوته تساعدها كالعاده وتسالها عن البدور هل هي زوجة ليث ولا اييش
مر من وراهم ليث الي كان طالع من المغاره وسمع حجيهن وتوجه حينها لفرسه وركبها وغاب عنهم
بعد حوالي الساعه رجع ليث ومعه شييخ يملك
عتاب:من ذا يا ليث؟
ليث:ودي املك على ام راكااان...ما ودي ولدي تكون امه معبوده
عتاب هز راسه موافق على حجيه
ليث:قوته خلي البدور تجي لجل الشيخ يملك بي عليها
دخلت البدور للمغاره :يا خيه قووومي
وناظرت ناحية العيل وشافته نايم:زيين انه نااايم قومي يا خيه العطاااوي وده يملك عليييج
البدور بنظرات استغراب:وش اتقووولي؟؟
قوته:ال العطاااوي ليث ابو ركااان وده يملك عليييج ويقووول تعااالي بالخااارج معه الشيييخ الي يملك
ظلت البدور تناظر قوته وبعدها صدت عنها وهي تلم ملابس العيل الي جابهن ليث والشالات الي معهن
قوته:يا خيه ماودج تجيييين؟
البدور:للا
قوته بصوت واطي:عووووذه لييه ما ودها
طلعت قوت وقالت لليث بان البدور ما ودها
قام ودخل عليها وظل واقف يناظرها:ما ودج تقوومي لجل نملك؟
البدور ظلت على حالها ترتب بالملابس
ليث:تراااني احجي معج ما ودج اتقووومين؟
التفتت له:للا ما ودي ودك اتغصبني بعد
ليث:ما ودي راكان العطاوي تكوون امه معبوووده
البدور:وانا مهب معبوووده لحد قريييب اعاااود لديرتي وان كااان ودك بالعيل خذه
تماسك ليث عن لا يظهر غيضه
ليث:اتركي عنج الهرج ذا وقووومي لجل نتملك
البدور باصرااار:ما ودي
ليث:ليييه صااايره عنييييده قلتلج انا ما ودي رااكان تكوون امه معبوووده
البدور:اتركني لحااااالي
ليث:زييين خليييج على هووواج ....وانا مثل ماقلت ماودي راكان تكون امه معبووده وانتي اعتبري حالج من اليوم حره
ابتسمت البدور وهي صاده عنه وظلت على حالها
طلع ليث وتعذر للشيخ حينها تلاقت نظرات قوت بنظرات عتاب
قوته بارتبااك:ااا انا ودي اروووح اشوووف العيل وامه
وبالسرعه غااابت عنهم وهي رااايحه للمغاره
ظل عتاب يناظر باب المغاره الي اختفت منه قوت وراح بعدها مع ليث يودعون الشييخ
كان حينها ليث يحس بضيقه ونار تنهشه ركب فرسه هو بعد وغاااب
قرب قماد من عتاب وهو راكب فرسه ونزل منها
عتاب:وين انت من الصباااح؟
قماد:يا خوووي من البااارح وانا اشووف رجال تدور حولنا واليوووم انا تبعتهم ودي اشوووف وش سالفتهم؟؟
عتاب :وليييه ماقلت لي؟
قماد:حسبت انهم مارين مير هم اليوم بعد عاااودو
عتاب:الحال ذا ابد ما يطمن لزوووم نسوي شي ونطلب لنا عووون لجل ان انغزينا يكون اهناك من يساندنا ..زين يا خوووي خل بااالك انت للمكان وانا ودي اغييب يومين اشوف من اقدر اجيييب لجل ايكوون معنا
عاود عتاب لجل يقول لقوته انه راح يغيب ولقيها عند واحد من ابواب المغارات الي فيها الذهوب والسلاح
ناظرها عتاب باستغراب:وش اتسوووين اهنيا؟؟!!!؟
قفزت قوت:هااه وووش اسوووي كنت جااايه ادور البنت شوووق مدري هي وين راااحت؟؟
عتاب وهو يناظرها بنظرات غريبه:البنيه بالخاارج ومعها عبله
قوت:ايييه زييين هالحييين اروح لهن
اول ماخطت قوت ماااشيه مسكتها يد عتاااب بقو
التفتت له وهي ترجف وتناظره باستغراب جرها ناحيته وطوقها بيده
عتاب وكان صوته غريب متشكك من شي:وهالحيييين وش رااايج وحنا بعيييد عن عيووون الكل
قوت ارتبكت وبدت ترتجف وهي تبعد ايدين عتاب:عتااااب انت وش فيييك؟؟
عتاب:وش تعتقديييين يكووون فيييني؟؟
ابتسمت له:اقووول يا عتاااب
بعدت قوته ايديه عنها بالغصيبه
قوت وهي تركض مبتعده عنه:ترااااك انجنيييت
ظل واقف وبعدها طلع ومر عليها وهو يقول:انا رايح ومعاااود باذن الله بالمسا
قوت وهي تلحقه:وييين ودك تروووح؟؟
ركب عتاب فرسه:معاااود معاااود باذن الله خلي بااالج ياقوووته من العربااان الي عندج
ظلت قوت تناظره لين ماغاااب وبعدها التفتت لشوق وعبله الجالسات
ابتسمت عبله:من زمااان هو رجلج؟؟
حطت قوته يدها بوسطها:وش تقصدي ياحبة عييييني؟؟
ضحكت عبله:ههه ابد ماقصدت شي
قوت:ايييه تسنعي بالحجي ولا تراااني اعرف وشلووون اسنعج
هزت عبله راسهابالطاعه وهي مشغوله بالي بيدها
طوال اليوم ليث ماجا عند البدور رغم انه كااان مشتاااق حيييل لركان الا انه بعده خاطره ضايق منها ومن رفضها
الليل حل وعتاب ماعاااود وقوته جالسه تنتظر...ليث ظل جالس مع سعد الي كان عازل نفسه عن جلستهم وهو يحس انه ماوده بالجلسه وفيها حريم
اما قماد فكان كالعاااده جالس يسولف مع عبله وهي تضحك على سواليفه وشوق جالسه بمكانها وعيونها بالناار وسرحااانه كانت نظرات خفيه يناظر بها قماد شوق وهو ما وده حد يحس بنظراته ذي لها بالصباح عاتبه عتاب ان البنيه باتت تبكي ويمكن انها متولعه فييه حينها ضحك قماد من الفكره الي طرت ببالهم ونهى انها تكون صحيحه
شوق بالفعل كانت تحس باحاسيس غريبه تشدها له وماودها تشوفه جالس يهرج ويسولف مع عبله وكانت تناظر النار وتعيد ببالها كل الي كانت تسويه بالراعي وكيف كانت تعامله وكاد انه تاذى منها كثير
بانصاف الليل فتحت البدور عيونها وماشافت ليث بمكانه اعتدلت جالسه يمكن انه يكون نايم جنبها لاكن بعد ماكااان موجوود جلست وهي تحس بحالها وحيده وخذت راكان وجلست ترضعه انشغل بالها ياتراى هو وين هالحييين؟؟ وليييه ماجالجل يشووف راكااان؟؟
بعد ما ارضعته حطته بمكانه نايم ورجعت تنام وكل حين تفتح عيونها تناظر ان جا وراكان اليوم كان يصحى كثير وابد ماحست حالها نامت كل شوي يصحى ويبكي
البدور:وش جاااك اليووم انت تريييده؟؟ وهو ابد ما سال عنك
سكتته وقامت رايحه تطل على الي جالسين قدام المغاره عند النارتلاقت نظراته بنظراتها وهو كان قلبه معلق بباب المغاره ولمحها صد بنظره للنار وعاااودت هي بسرعه لمكانها
ظلت جالسه وهي تعتقد انه وكاد راح يدخل عليها لجل يشوف وش تريييد مير هو ما جا ولا جاحد بعد
حاولت انها تناام مير النوووم جافى عيونها لين ماحست ان الاصوات بالخارج هجدت وشافت شوق جايه ورايحه لفراشها الي كان بطرف المغاره بعيد اشوي عنها وصاااد
تقلبت وتقلبت وماقدرت تنام
قامت وراحت تشوف ان كان حد بعده صاااحي ولقيته هو وعبله ومحدن معهم
البدور"خسيييس جالس معها
طلعت البدور وناظرو ناحيتها وقام حينها ليث اعتقدت انه راح يمشي ناحيتها ويسالها وش اتريييد مير هو التفت عنهن ومشي باتجاه يودي لفوق الجبل
انتبهت حينها البدور لقوت الي كانت جالسه على جنب وشكلها كانت تتنتظر
قوت:هقووتي ان عتاااب الليله مهب بمعاااود
فكرت البدور ان ليث يمكن يكون منشغل باله على ليث حينها عاااودت للمغاره ونامت
ومر اليوم الثاني من غير مايعاااود عتاب ومن غييير مايطل ليث على البدور الي كانت تغلي وتحس حالها متضايقه من احساسها انها مفتقده وجوده معها...هو زعل خله يزعل
ومرت الليله الثانيه والبدور تتقلب بفراشها وحتى انها تركت راكااان يبكي ودها تشوووف ان كان يقدر يمسك حاله بعيد عنه
لاكن ليث ماقدر وهو يسمعه يبكي قام وطلب من شوق تروووح معه
قربت شوق من البدور الي ناظرتها
شوق:الليث وده يشيييل راكااان تسمحي
جلست البدور وهي تحس بوجع بقليبها وناظرت شوووق:وش الي يمنعه!!!!!!؟؟؟؟؟
ناظرت شوق ناحية ليث الي كان واقف عند باب المغاره ونظره تحت
بلعت غصه كانت بحلجها وفهمت انه لجل انه اعطاها حريتها ماوده يتعدى على حرمتها وجاااي يستسمح لجل يشووف راكااان
حطت البدور ايديها على وجهها واخذت تبكي
ليث من سمع صوتها تبكي طلع من المغااره وهو مايدري وش صااابها
شوق حملت راكاان واخذت تسكته والبدور قالت لها انها تبكي لجل ان راكان من يومين مايرضى يتركها تناام
شوق:زييين اظل انا معج واشيييله عنج اشوي لجل تنااامي
تمددت البدور وغطت حالها وهي تحاول انها توقف من دموعها ..."لييييه صرت كذا ليييه صرت ماقوء على شي هذي مهي من طبااايعي كله منه هو الي خلا حااالي كذا"
........................................
على الصباااح وصل عتاب والكل كان نااايم ورااح للمغاره الي فيها الذهوب والسلاح انصعق من الي يشوفه الجراب الي كانت مليانه ذهوب خاااليه اما جراب السلاح بعدها موجووده
عتاب وهو يدور :ووين راااحت الذهوووب وين راااحت؟؟؟!!؟!!!؟؟؟؟؟
صار يدور مثل المجنووون ويقلب كل الجراااب ومالقي شي:وييييييين رااااحت من الي بااااقها؟؟؟؟؟
طلع بسرعه ورااح للمكان الي تنااام فيه قوت ومالقيها
صرخ على عبله الي كانت طالعه من المغاره:قووووته ويييييين بالمغاااااره؟؟
عبله باستغراااب:للا يا خووووي نايمه بفرااااشها
عتاب بغضب مقد شافه حد:مهي بفرااااشها؟؟؟
التفت واخذ يصرخ بصوووت عااالي :قمااااااااااد ليييييييث
عبله بخوف:قماد والليث خذو الرجال البارح للديره الي حولنا عند الطبيب كان مستوجع كثييير من راااسه
التفت ناحيتها:خذوووه للديره وقووووته ويييين؟؟؟؟؟؟؟؟
عبله:مدري يا خووووي؟؟
.....................................
كان سعد يرتجف من الغضب ومن وجع راااسه الي يحس فيييه ليلة البارح خبره قماد عن كل الي صااار للمها من اول يوم جت فييه للديره عن شرطها وعن رد فهاااد الي ماعجب سعد وخلااااه يغلي من الغضب وهو يردد ايخسي الخسييييس ايخسي الخسييييس والله انه مايسواااا ظفرها لجل ايردها كذا
حاول معه ليث وقماد يهدووونه لاكن ماقدرو وهو يصارخ ويتوعد لين ماحس ان راااسه وده ينفجر عليييه وطاح عليهم فاقد الوعي
المها كانت كل شي حلو بحيااة سعد كان يشوفها شي كبييير ولها معزه وغلا كبيربقلبه حس بوجع من الكلام الي سمعه ومن حالها الي صارت فيييه من بعده
وبالفعل كانت المها حينها تتجرع الوجع من الي يصير لها وهي تشهد وتسمع كل يوم هند الي من تدخل بيت العمه وهي تحجي عنها وعن فهاااد
كانت تسمع عن فهاد الي تتكلم عنه هند انه انسااان ثاااني غير الي عرفته...وكاد انه يتغير ومعه وحده بزييين هند ومايربطه بيها شروط وعهوود تبعده عنها.....لزوووم ترحل من الديره ولزووم تكلم عمها الشيخ ابو طااايل قعااادها مامنه فااايده وهي طليقة اولده لزوووم ترجع لديرتها وتبعد حالها عن ناااار حبها من فهاااد
....................................
اخذ عتاب يدور بالمغاااره مثل المجنون وبعدها سمع صوت قوت بالخااارج طلع لها وهو مايشوووف شي
عتاب بنظرات ارهبت قوت اول ماشاافتها:ويييين كنتي من الصبح؟؟؟؟
قوت:هااه كنن كننت عند الغدير
مسكها عتاااب من يدها بالقو وهزها:وييييين الذهووووب؟؟؟؟؟؟؟؟؟؟؟
قوت بنظرات متفاااجئه:ذهووووب ذهووووب وييييش؟؟؟
عتاب وهو يشد عليها بالحيييييل:اسمعييييني زيييين انا مهب هبيييييل لجل تااااخذيني على قد عقلي ..وييييين الذهوووووب؟؟؟
سحبت قوت يدها منه بالحيييل:اتركني انت وش قاااعد تقووول ؟؟؟
عتاب بصراااخ:وييين الذهوووب؟؟؟؟
قوت بصراخ:وانا وش يدريييني؟؟
حينها ماحست قوت الا بحراااره تلهب وجهها من الكف الي جاااها وطيرها لجل توقع على الارض كانت ضربه خلت انفها يسيييل من الدم
انقض بعدها عتاب عليها ومسكها وهو يسحبها لجل توقف مواجهه له
من بين اسناانه كان يكلمها:وييين الذهووووب تحجي ولا والله انج تشووفي شي ابد ماجا ببالج وييين الذهوووب؟؟؟؟
قوت:قلتلك مدري؟
عتاب هز قوت:لاخر مره اقووول لج وييين الذهوووب مابه حد نيته وبغيته من البدااايه الذهووب غيييرج ...انتي اتحسبيين اني غشيييم عن كل الي تسوييينه وتدبرييين لجله هاااه
قوت وهي تحس بالالم من مسكته:ارجاااك يا عتاااب
عتاب:من البدااايه ماكااان لج مطلب تلحقييينا الا لجل شي
هزت راسها بلااا
عتاب وغضبه يزيييد:وش مقصدج من انج توافقي على جيزه مهي بحقيقه هاااه وش مقصدج من تمثيييل دور الزوجه الي تحب وتغااار ودلعها كل حييين يزيييد
كانت قوت تتالم ودموعها بدت تنزل
عتاب:ولا تقوولي انج ماكنتي تدرييين انها جوااازه كذب لانج قدرتي من بعدها تحمييين حاالج مني وانتي تقدمييين لي كل حييين عذر لجل اتركج بلحااالج..اتحسبيييين اني مافهم للي تسوييينه
والي نااااويه تسوييينه ..انا كنت بكيييفي تااارك لج كل شي وودي اشووف لوووين ودج تاااصلي مير انج تستغفلينا بلمضة عييين واتسوووين الي تريدينه وبعدها تنكري للا يا قوووت مهب عتااااب الي انتي تحسبييينه
قوت وهي تبكي:انت ليييه ما ودك تصدقني قلتلك مدري عن شيييي
عتاب وهو يهزها بعنف:كذووووب انتي كذووووب وانا مراااح اخلي شقا العمر كله يضيييع بسباااايبج تحجي وقووولي وييين ارسلتي الذهووووب تحسبييين اني مدري عن الرجال الي لقيتيهم امس عند الغدير وماجبتي لحد طارييهم تحسبي اننا غااافلييين عن كل الي يدووور حوالينا
..
قوت:كانو يسالو عن عشبه تنبت بالجبل
عتاب :كذووووب كذووب ودي افهم لوين ودج تاصلييين معي بكذبك ...انتي بليه ابتليييت فيها من اول يووووم
وكنت داااري والله اني كنت داااري يوم انج انتشبتي فينا ومارضيييتي تتركينا لحااالنا قووولي وييين الذهوووب؟؟ وكاد انج استغفلتي الجميع يوم غابو
مير انا مدري وشلوووون قماااد وليييث يتركووون الجبل
ليث:عتااااب وش الي يصييير؟؟
التفت عتاب الي كان الغضب معميه:وش الي يصييير انهبنا انهبنا وام الخبث ذي ما ودها تقووول انها السبب بالنهيبه
ناظر ليث وهو يقرب بخطاويه قوته المنهاره على الارض
ورجع التفت لعتاااب:وش انهبت يا خوووي؟؟
عتاب:الذهوووب كلها انهبت ..وادري انها هي الي انهبتها كنت حاااسس من البدااايه بالي تريييد تسويييه مير تماااهلت معها كثييير
قماد وهو نازل من حصانه ونظره بعد عند قوت:الذهوووووب عندي
التفت الجميييع لقماااد ونظراات عتاب تهدد ان كان يكذب علييه
تقدم منهم قماد:اييه الذهوب انا نقلت مكااانه البارح لمكااان ثاااني مايقدر حد يوصل له خفت من سالفة الرجال الي يحوطو حوالين الجبل
عتاب وهو متفاااجئ:وش اتقووول؟؟؟ ....
رجع والتفت ناااحية قوووت الي كانت تمسح دموعها والدم الي يسيل بقو من خشييمها ومن ثمها اشوي
تقدم عتاب من قماد وصرخ عليه:انت متوكد من الي تقوووله؟؟؟
قماد وهو يشيير ناحية المكان الي يقصده:ايييه متوكد
ومشي قماااد وعتاااب يلحقه وهناك كشف قماااد عن الذهوووب وكانت بمكانها
ظل عتاااب واقف واحساااس بالراااحه انه الذهوووب موجوده وبنفس الوقت احساااس ثاااني خلااه متضااايق من الي سوااه
عاتب عتاب قماااد وقاله قماد الاسباب الي خلته ينقلها وهو اعتقد انه راح يقول له اول مايرجع
رجعو للمكان الي كان الكل واقف فيه قوته وعبله وشووق وليث
ناظرت قوت ناحية عتاب وقماد ونظرها للارض:لقيتو اذهوووبكم؟؟
سكت عتاب ومارد عليها وهو يحس باحساااس يخنقه
التفتت لقماد وهي تكتم عبرتها:لقيتووها ياخوووي؟؟
هز قماد راسه باييه
قوت وشفايفها ترتجف والدم يعاااود ينزل مرتن ثااانيه:زييين اجل انا بريه من ذهوووبكم
وانا ابد ما جيييت معكم لجل كذا ..انا كل الي جااابني معكم ذا
واشااارت لقليبها
قوت:اهنيا شي كان يقول لي ...اني راااح احصل الامااان معكم وبالفعل انا لقيييته ...انا حااالي من حااالكم مالي ديييره ولا اهل ولا عزوووه والديره الي كنت فييها مهي بديرتي وابد مافقدني حد فيها يوم اني مشيييت ورااكم...
ناظرت عتاب:ارجاااك تسمحلي ان كنت اشغلت بااالك بالي كنت تفكر فيييه عني ....من اليوووم ريح بااالك
تركتهم حينها قوت ومشت مبتعده وهي تعاااود تمسح الدم الي يسييل وكانت متوجهه للسيوووح
غمض عتاب عيونه وهو يضرب بقبضة يده جنبه مقهووور من حاله
عبله وهي تلحقها:على وييين يا خيه؟؟
قوت:ارض الله واااسعه معااد لي اقعااااد اهنيا
التفت ليث لعتاااب:ودك تتركها يا عتاااب ترحل؟؟
ظل عتاب ساكت وهو واقف بمكانه ويناظر عبله الي كانت تلحق قوت تحاول انها تخليها تعاااود لاكنها ماقدرت
حينها ركب قماد فرسه ولحقها واخذ يحاول معها وهي تمشي متجاااهله حجيه
عاود قماد من بعد ماقدر ليها واخذ ينتظر من عتاب يسوي شي وهو واااقف يناظرها وهي تبتعد
فرسان على جمر الغضى
الجزء الثالث والعشرون
ناظر ليث عتاب وهو واقف من غير اي كلمه
ليث:عتااب البنيه رااحت ودك تتركها؟
عتاب التفت لليث:راح اتعاااود الحالها
ليث:للا ماهقوتي
عتاب:هي تدري ان الطريق الي رايحه فيه نهايته جبال ومابه اعربن اهناااك
قماد:يا خوووي البنيه تمشي وهي ماتدري وييين رااايحه ودموعها مغرقه وجهها شوف عيني وهي تدعس الشووك بطريقها من غير ماتنتبه
سكت عتاب وظل يناظرها وهي تبتعد وتبتعد
ليث توجه لفرسه ولحقها حاول معها لاكنها ظلت تمشي وماتعطيه فرصه يكمل حجيه لين ماحس انه غضبان عليها واخذيقولها ان طريقها ماهو بالطريق الصحيح
حااول وحااول وماقدر ورجع لجل ايشوف ان كان عتاب يقدر يعاااود بيها
لاكن عتاب سكت وظل واقف وحينها تركووه وراحو لجلستهم الي يجلسون فيها
تلاقت عيون قماد بعيون شوق وهو رايح يجلس وصدو اثنينتهم بالنظر لمكان ثاني
عبله:يا ويييلي راااح تتركوها تروووح لحااالها زيين وين ودها تروووح؟؟
ليث:راسها ياابس ومارضيت تعاااود هوو وش الي صااار لهم وش الي قلب حااالهم؟؟
سمع ليث صوت بكا راكان ودق قليبه
ليث:ودي اشوووف راكااان
عبله:اجييبه لك يا خووووي
ليث:للا ما ودي اياااه يطلع من المغاااره بعده صغير
مشى عتاب متوجه لاعلى الجبل وعينه كل شوي تلحق قوت الي صارت بعيييد وهو يتحرطم بخاطره ان هي وييين ودها تروووح
تلاقى بسعد الي كان واقف ويناظر لها وهي تبتعد
سعد:من الحرمه الي راااحت؟؟
عتاب وهو يعاااود يناظر ناحيتها:قووته
سعد:حرمتك؟
عتاب:كاااانت
سعد:طلقتها يا خووووي؟؟
سكت عتاب ومارد عليه
سعد:يا خوووي ووين تاركها تروووح انت طردتها؟
عتاب:للا هي بحالها راااحت
سعد:زيين وودك تتركها للا يا خوووي هذي حرمه ضعيييف والطريق الي هي ماااشيه فيها طريق خطيره وفيها كثير من وحووووش الجباااال
عتاب وهو يناظر بضيقه للصخور الي قدامه ولفراش سعد:وكاد تعاااود لحالها وييين ودها يعني تروووح وقماد وليث لحقوها مير هي عندت
سعد:لزوووم انت ياعتاااب اتعاااود فيها
عتاب:محس حااالي اني قااادر اعااااود بيها من عقب الحجي الي قلته لها ترااني يا خوووي اعتقدت انها نهبت الذهوب وهي كانت بديرتهم تنهب ذهوب الحريم ويومن رحلنا من الديره انشبت بحلوقنا وما رضيت تتركنا وش راااح يجي بخاااطرك على وحده تسوي كذا الا ان ودها شي كبير
سعد وهو يناظر عتاب:زيين وطلعت هي الي نهبت الذهوب؟
عتاب:للا
سعد:وما ودك اتعاااود بيها؟
عتاب:قلتلك ماقدر
سعد:اجل احاااااول انا معها
نزل سعد من على الجبل وطلب من قماد يعطيه الفرس ولحق بقوت
عبله:من ذا الرجاال؟
قماد وهو يناظرها بنظرات غريبه:رجاااال وش اترييييدي منه
عبله بابتسااامه:وليييه قاااعد لحاااله فوق الجبل حسبت انه رجال كبير
قماد:ايييه مير طلع رجال صغير ومزيوووون
عبله هزت اكتافها:مدري مخذت ببالي
تركها قماد وهو مبتسم ومشي لجهه ثانيه
وكانت شوق تناظرهم وتسمع حجيهم"وش ذي غيييره الله يااااخذك انت ووجهك
وقف سعد قوته واخذ يحاول معها لين ما اقنعها انها راااح تكون بحماااه هو وانه يوم راح يعاود لديرته رااح يامن لها مكان اما بديرته او باي ديره تريدها ورضيت بعدها قوت تعاود ومن وصلت راحت للمغاره ولزمتها وهي جالسه بمكان معزول وحاسه ان ضييقه كااابته على صدرها
خبر سعد عتاب بالي قاله لقوت وظل عتاب ساكت صارت بحمى رجال غيره حتى هو حس بضيقه مايدري كيف جته وزادت ضيقته اكثر
سعد خبر ليث وعتاب ان وده يعاود لديرته وبالاوله لزوم يعرف وش صاااير بالديره قبل لا يعاااود ليها وبعد وده يعرف وش صاااار للمها بديرة الشيخ ابو طايل قمااد قاله انه يوليه المهمه ذي وانه باذن الله باكر رااح يعااود بكل لعلوم الي يريدوها
جلست عبله قريب من قوت:ودج تظلي على هالحال يا خيه
قوت:اتركيييني تراااني موجوووعه كثييير
عبله:زييين انتهى كل شي لييه تضيقي على حااالج كذا... ترااانا ماتعودنا نشوووفج بالحااال ذا
قوته:مقدر مقدر ارجاااج تتركيني تراااني بالغصيبه رضيييت اعاااود
قامت عبله وتركتها وطلعت لخااارج المغاره
قربت شوق من البدور من بعد مانااام راكان وحطته قدامها كانت متمده وهي سرحااانه بفكرها
المكان صار هااادي من بعد لحركه الي كانت قوت تسويها وهي تامر وتجهز الغدا والعشى لهم
شوق اخذت تناظر للمكان وهي تفكر ان عبله من طلعت ماعاااودت يا ترا هي وييين راااحت؟؟
طلعت لخارج المغاره وشافت عتاب وليث جالسين سوا وكاد ان عبله راحت مع قماد لمكان... حست بالضيقه تعاااود ليها ورجعت للمغاره
ومر اليوم واليوم الي بعده وقماد بعده ماعاااود وسعد ينتظر على نااار
طلب ليث الي اضناه الشوق لراكان وام راكان من عتاب انه يدخل معه للمغاره لجل يشوف راكان
خبرت شوق البدور الي صارت تتضايق منه يوم يطلب الاذن لجل يشوف العيل
قامت وراحت وجلست قريب من قوت من الناحيه الثانيه
دخل عتاب وليث الي سارع ناحية راكان وشااله واخذ يحب بيديه ووجهه
عتاب عيونه لحالهن راحن للي احرمته النوم من يومين ..جالسه وبعد ملامح الحزن واضحه بوجهها
"انا وش سووويييت لها ما هقيييت من معرفتي لها ان يكووون زعلها كاااايد كذا..هي زعلااانه ولا وييييش"
التفتت البدور ناحية قوت:تجي نطلع للخارج
هزت قوت راسها وقامت معها
ليث كان وجهه ناحية راكان ومشغول معه اما عتاب فنظره تعلق فيها وهي تمر من جنبه من غير ماتناظر ناحيته.."للا للا هذي مهي بقوته ......ظل يناظر لطرف المغاره لين ماقام ليث وهو يشير له على ركان ان كان يريد يشوفه
بخارج المغاره كان قماد للتو واصل وهو ينادي على عبله وقوته وكان شايل صراير كبيره
عبله:وش ذا يا قماد؟
قماد:لقيت وانا جاي بالدرب تاجر يبيع على حمارته واشتريت كل الصرااار الي عنده
وناظر ناحية البدور:كوود يكون فيها ملابس لراكان
ابتسمت البدور ومشت بخطوات سريعه ناحيته ودها تشوف ان كان في ملابس لراكان
ترك قماد الصرارات على الارض وتوجه لاعلى الجبل عند سعد لجل يعطيه لعلوم كلها
كل وحده اخذت الملابس الي تحتاااج لها الا قوت الي جلست على صخره وما رضيت تشاركهن
كان عتاب يناظرها ويرجع يناظر البقيه حتى شوووق انضمت لهن واخذت تشوف وش يناااسبها
ابتسم وهو يتخيلها لو كانت مثل لاول وشلون كان ردة فعلها مع الثيبان كان بس يتخيلها واقفه وتصارخ عليهن وتقول للا هذا لي وهذا لي وذا مايجوووز لج وودي ذا لجل كذا ويمكن انها بالاخير تكوم على كل حاجه
التفت ناحيتها"لاكن هي ذالحيين وش بلاها ؟؟....ماهقيت انها تحس ولاتعطي للي صار اهميه اعتقدت انها تجاهل كل شي وتعاااود مثل ماكااانت...وشلووون يا عتاااب تعااود مثل ماكااانت انها تكون حرمتك؟؟
نفث عتاب نفسه والتفت طالع لاعلى الجبل يمكن انها يوم اتكون بعيد عن عينه ترجع على حالها الاولي
مشى وهو يحس انه افتقد صوتها وكل حاجه تسويها حتى هو يحس ان في شي مقيد كل حاجه كان يسويها كان دايم يتقصد ينقرشها ويخليها تجلس تصارخ عليه وتعاااتبه ....اشتاااق لخدودها الي تولع من كلمااته لكل شي فيها اشتاااق له"وش الي قاااعد يصير لي ...يا جهد البلا
باعلى الجبل كان سعد يرتج من الغضب للعلوم الي وصلته عن حال اخته
سعد:خسييييس والله انه خسييييس
فهم عتاب السالفه والتفت لسعد
عتاب:ياشييخ سعد الشيخ فهاااد رجال ابيض الوجه مير الي صااار
سعد وهو وااقف:وش الي قاااعد تقوله بعد كل الي جاها منه يقتل له رجال يعتقد انه هو الي قتلني ومن بعدها يطلق اختي ومن ثم يعرس هووو وده يقهرها للا وانا سعد اخو المها والله اني اطلع كل قهر خيتي من عينه ما حشمها من الاوله وجاي يقهره بالاخره
عتاب اخذ يقنع سعد انه يهدا ويحاول معه لجل يمنعه من انه يتهور باي شي يريد يسويه لين ماهدي سعد ورضي يجلس ووعده
سعد انهم معه وانهم ماراااح يتركونه لحاله لين ماتقر عينه بشوف اخته وكل شي يعاااود لاحسن حااال
على المسا طلعت شوق لخارج المغاره ولقيت ليث جالس عند باب المغاره لحاله والبقيه كانو فوق عند سعد باعلى الجبل
شوق:وش فيييك
التفت لها ليث :ودي بمي وملح الجرح الي بصدري بعده ينزف
شوق دورت بعيونها على عبله الي اعتقدت انها تكون قدام المغاره وقامت رايحه لجوا المغاره
شافتها البدور تدور على الملح:وش اتدورين عليه
شوق:الملح
البدور:لجل ويييش؟؟
شوق:الليث يريده وده يطهر الجرح الي بصدره بعده ينزف
البدور وهي تنزل راكان على فراشه:وعبله وييين عنده؟؟
شوق بضيق:للا مدري عنها وييين الله ياااخذ روحها
البدور ابتسمت وقااامت:لييه تدعي عليها؟
ارتبكت شوق:هااه للا انا ما ادعي عليها مير هي مدري وييين والرجال وده من يطهر جرحه انا مقوا اشوووف لجرووح
البدور:زين ظلي عند رااكان وانا اروح اودي الملح والمي
هزت شوق راسها بالموافقه وراحت ناحية راكان
طلعت البدور الي لبست لها ثوب من لثواب الجديده والي يناسب لحجمها الي رجع مثل لول ولافه شال بلونه وحاطه شوي من الكحل
شافته وهو متساند على الصخره وكاشف عن صدره وين الجرح وكان مغمض عيونه وده بغفوه قربت وجلست قريب منه وحطت الطاسه وغمست قطعة لقماش الصغيره في المي واو ل ما مدت بالقماشه على جرحه فتح عيونه ولثوااني كان يحاااول يستوعب من هي وعيونه رااافضه تصدق انها هي
ارتجف بعدها وقام بسرعه وااقف ملتفت عنها للجهه الثانيه رفعت نظرها ناحيته محتاااره وش فيييه
ليث:قووومي وعاااودي للمغاااره انا قااادر لحااالي اطهر الجرح
حست البدور بغضب يمتلكها وهي تناظره
البدور:ودك بعبله هي الي تداااوي الجرح؟؟؟؟
التفت ناحيتها وكانت عيونه منسحره من زينها بالثوب الجديد الي على مقاااسها قرب منها خطوه وهو يناظرها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك