رواية افهم ترانا لايقين لبعضنا كنك نهائي الكأس وانا هلالي -20
بعد يومين في بيت ام اياسر يوم الجمعــــه
ريم ..ماتدري ليــش هاالتنـآقض اللي فيهاا تضارب مشاعر بداخلها تحس قلبها بدآ يميل له وعقلها يخوفهـآ رفعت جوالهاا وهي تنتظر منه اي رسـآله لو حتى دقه لاكن من طلع يوم الاربعاء ماله حس حست انها فقدت ازعاجه بالجوال ومسجاته محتـآجه وجود ندى بجنبها حتى تكلمها بكل شي خبت عليهـآ :يمــه
ام ياسر :لبيه
ريم:كم باقي ساعه ويوصلون اخواني طفشت من حآلي ..
ام ياسر :خلاص بيجون الحين
دق جوآلها برساله ريم لفت راسها بسرعه ظنته من سعود لاكن كانت من ساره انها راح تزورها اليوم ..
حطت يدها على خدها وهي تطالع امها اللي تخيط
:يمه..ابوي كان يحبك قبل لايتزوجك
ام ياسر رفعت راسها مستغربه سؤالها: ليش تسألين
ريم :بس كذا ابي اعرف
ام ياسر:لا طلبني من بيت هلي والحب يجي بعد الزواج
سمعت الباب ينفتح لفت راسها وهي تشوف بدر داخل
بدر يحب راس امه :والله يايمه فاتكم ونااسه احسن سفره بحياتي وناااسه وناااسه(متعمد يقهر ريم)
ريم تطالعه نص عين:والله الوناسه اني جالسه البيت بدون ماشوف وجهك
بدر يضحك ويقرب يسلم عليها وبعدها دخل ياسر وندى ورجع للبيت الحياه من جديد...
حرك الملعقه على المكرونه وهو سرحان مزاجه من يومين مورايق ابد قرر يبعد عن ريم هاالفتره اذا يقدر وبعدها يكلم ياسر ينفصل عن اخته ضغط على قلبه حط في باله يمكن السفر يخفف عليه ويقدر يتناساها بعدها رفع راسه وهو ياخذ نفس
سعود:يبه ابطلع لابها مع اهلي
لمياء تحط الملعقه وهي فرحانه
ابو يوسف : خلاص مدام العمال جو خذهم ووسفرهم
عفاف:نبي كندا
سعود: مع زوجك ان شاءالله
لمياء:انا ابي ماليزيا ماابي ابها ولاتبي تودي ريم لها ..
سعود دق قلبه بطاري ريم طالعها بنظره بارده كأنه جرحته بلع ريقه وهو يوقف
عفاف: طيب متى سعود
سعود يتهرب مايبي يبان شي بوجهه :رايح ادور حجز باالمطار اذا نقدر اليوم بس رجاااء ماابي خالتي تطلع معنا ...
المغرب ساره وريم وندى مجتمعين
ندى بحزن: وكيفها عهد الحين
ساره : متحمله وصابره
ندى :ساره تروحين لعمتي..؟
ريم تضايقت : ندى صكري الموضوع جالسين ننبسط
ندى اعطتها نظره ورجعت تكمل سؤالها لساره
ساره: صحتها بدت تتحسن
ريم تقطع السالفه:ساره اشربي قهوتك حبيبتي
دقايق دخل ياسر وهو مايدري بوجود ساره
ندى :يااسر سااره.
ياسر بدون شعور لف وجهه عليها وهو يطالعها
ساره انحرجت وخبت راسها وراء ريم
طلع ياسر وهو يبتسم بداخله بفرحه
ريم تسحب شعر ساره من وراها :خلاص راح
ساره خدودها حمراء قامت تعدل جلستها
ريم تضحك:هذي نعتبرها شوفه شرعيه
ساره : دبه..
ريم :ههه لايقين على بعض ياحبوبه
ساره تغير الموضوع وهي منحرجه ...
جاااسم انتهى من مناقشته واخذ ممتازه حس بفرحه تملي عليه بهاالعالم حط ملابسه باالشنطه حتى يتجه للمطار للسعوديه ماخبر اهله انه راح يجي اليوم خلاها مفاجأه
سامر :خلصت .؟
جااسم:يله نطلع
ركب معه للسياره بأتجاه المطار
سامر:جاسم شوف من ورانا
جاسم يلف راسه وهو يشوف ديم :شكلها جايه معي للسعوديه بعد ههه
سامر ابتسم بحزن وسكت فتره بعدها سأل جاسم بأستفسار ::جاسم ماتحس قلبك يميل لها
جاسم: باالاول لاكن الحين ماتعني لي اي شي
سكت سامر وهو يتنهد
جاسم:ايش فيك
سامر : جاسم ماادري ليش هالبنت تشدني
جاسم ضحك بقوه:لايكون طحت في حبها
سامر :حذرتك وانا اللي شكلي رحت فيها
جاسم بجديه:يارجال من جدك ..؟
سامر :ماادري ايش مشاعري تجاه ديم لاكن تلفت انتباهي في كل مره وصاير تجي في بالي
جاسم سكت مستغرب:كيف تميل لها وهي قلبها عند احد غيرك
سكت سامر ولارد عليه حتى نزل للمطار دقايق وسمعوا ان الطياره راح تقلع
وقف سامر وبجنبه جاسم وهو بيمشون تجاه الطياره
:جاااااااااااسم
جاسم لف ظهر يطالع من اللي يناديه لكن انصدم بديم اللي نطت عليه وهي تحضنه بقوه وتصيح
سامر طالع ديم بنظرات ماقدر يفسرها جاسم
انحرج جاسم من ديم مد يده بخفيف يبعدها عنه لاكن تمسكت فيه اكثر:بحبك ماترووح ياجااسم راح اموت نفسي ازا بتروح من هون
احتار جاسم
سامر بضيق:جااسم راح تفوت الطياره عليناا
جاسم سحب ديم بقوه وهو يطالعها تبكي بقوه وشعرها على وجهها حرك رجله وبعد عنها وهو يمشي بأتجاه الطياره
ديم تطالعه بحزن طاحت منهاره على الارض تصيح بين الناس بصمت جاسم كمل طريق اما سامر وقف يطالعها من بعيد بعدها ركب الطياره ..
ريم قالت كل شي كان هم على قلبها لندى بعد ماطلعت ساره حست مثل الجبل انزاح عليها وهي بحضن ندى اللي تهديهاا
ندى :خلاص ياريم ابدي حياه جديده معه وين تلاقي واحد زي قلبه بهاالزمن
ريم تشهق:محتاره احس فقدته هااليومين احس بتناقض بداخلي مره ابيه ومليون مابيه
ندى :هذا خوف طبيعي حاولي تهدين من نفسك حبيبتي وخذي القرار بهدوء انا لو مكانك وافقت عليه وتمنيته بقربي
ياسر دخل عليهم :ريم ايش فيك
ندى تصرف : مافي شي
ياسر:والدموع ؟
ندى : تذكرت شي وجلست تبكي
ياسر :اممم نمشيها هاالمره ..
ريم تمد يدها على المناديل وتمسح دموعها
ندى :ياسر تصدق عهد حبيبيتي سقطت
ياسر بصدمه:هااا؟
ندى : الجنين مات
ياسر يطالع ندى وهو ساكت
ندى :الله يكون بعونها وبعون سامي والله رحمتها باالحيل خليني اروح لهم اشوف عمتى وعهد
ياسر وقف وكلمه ندى تتردد في باله وهو يطالعها والصدمه باين على وجهه
ندى :شفيك
طلع ياسر بدون مايرد عليها
ندى بأستغراب:ايش فيه انقلب وجهه..؟
ريم : يمكن علشان سامي صاحبه وشايل همه ...
عجز الطب يعالج حاله خالد او حتى يعرف ايش فيه اخر حل لهم انه يمكن مصدوم من شي قوي اثر عليه سمحوا له باالخروج في ظل بيئه مريحه ولايتعرض لاي مشكله ابد بعد مادخل للبيت خصصت له سمر غرفه تحت صحيه فيه علاجاته والاشياء اللي يحتاجه مع ممرضتين ينتبهون عليه ويقمون بعلاجه تطمنت على كل شي قربت عند خد خالد لازم تعامله احسن معامله مثل ماقال لها الدكتور باست مع خده وهي تبتسم
خالد يطالعها ...طالعته بعده بنظرات حزن ماقدرت تخفيها وطلعت لغرفتها تبدل لبسها
وترتاح شوي انقهرت من ابوها اللي ماجاء يزوره حتى محمد تحس انه مايهمه خالد كثير تلحفت وهي ترفع شعرها بيدينها بكره راح تقول لدلال يمكن لاشافها يتحسن شوي تذكرت انها زاعلته قبل لايصير له شي لاكن جلس يضحك معها وهي شاركته باالفلم المها راسها من التفكير بعدها نامت من بين افكارهاا.....
بولايه فلوريدا جلس على حضنها وتلاعبه بحنااان :توتو يله حبيبي علشان تصير كبير زي بابا
تركي يفتح فمه وياكل
ماريا تطالعه بحب :ياحبيبي والله بطل انت
دخل فارس وهو يشوف ماريا منسجمه مع تركي ابتسم بحزن وهو يتمنى ان هاالشي بيده ويملي عليها البيت اولاد منه وبنات
جلس بجنبهاا :كيف توتو اليوم
ماريا :اهلين حبيبي متى رجعت
فارس :لسى حياتي مشتاق لك ولتركي
ماريا تشيل تركي :يله حبيبي بووس بابا
فارس :يضمه وهو يحاول يضحكه ..ويدعي ربه مايحرمه منهم
منار جالسه على الارض ظنت ان فرحتها راح تدوم بعد ماسوت اللي يملي عليها ضميرها بخالد لاكن تظل تحس باالحزن بداخلها وهي تتذكر تركي
تمنت تعرف عنه هو الحين مرتاح ولا عايش مثل امه رفعت رجلها وهي تسمع صوت الهدووء وتطالع في فراغ فكرت وين تروح بعد ماتطلع لاكن ماتدري ؟؟
حست باالجوع من زمان مادخل الاكل للبيت تعيش على المويه وبس نزلت للمطبخ لاكن كل شي فاضي
طلعت منه وراحت تكمل شغلها لعلها العجوز ترحمها وتجيب شي يهدي جوعها
الساعه 9..الليل
ريم جالسه بين اهلها وهي قلبها على الجوال
ياسر جالس وهو مو معهم ..
ندى وام ياسر يسالفون مع بعض
بدر نايم على الكنب ...
قطع عليهم الجوو صوت الجرس ...
ندى:غريبه من الجاي الحين..
ياسر وقف وطلع يفتح الباب ...
جاسم ينتظر احد يفتح الباب وكله شوق انفتح الباب وظهر له ياسر
ياسر يطالعه وهو متفاجأ:جسوووم قرب عند يضمه :ايش هاالمفاجأه ياالغالي الحمدالله على السلامه
ندى تسمع صوت ياسر العالي فزت واتجهت للباب وهي تطالع جاسم بصدمه صرخت تنادي على امها:يمـــآآآآآآآآآآه جأأأأأأأسم جااااء ..
قام بدر يركض وام ياسر وراه وريم وقفت حست ان رجلها تحسنت وبكره راح تطلع للمستشفى الكسر بسيط والتم بسرعه
جاسم يحب راس امه ويبوس يدها ويضمه له :والله مشتااق لك ياالغاليه
ام ياسر تصيح:وليش ماقلت لنا انك بتجي
جاسم:اسوي لكم مفاجأه
ام ياسر :ادخل ياحبيبي نورت البيت
ريم تطالع جاسم بشووق
جاسم يسلم عليها:يوه يوه ايش صار لك بسم الله عليك
ياسر :طايحه من الدباب
جاسم:ماتشوفين شر ريووم
ريم بفرح كبير:الشر مايجيك والله فرحتنا بهاالطله احسن مفاجأه
جلس معهم بفرحه وهويتطمن عليهم واحد واحد ...
سمر فزت من النووم مرتاعه طالعت الساعه وتضايقت انها نامت كل هاالفتره ولانزلت تتطمن على خالد نزلت بسرعه ودخلت عليه
قربت بهدوء وهي تطالعه مفتح وعينه على السقف سألت الممرضه اذا نام قالت من طلع وهو مانام جلست جنبه ويدها على راسه
خالد يحس انه زي الحلم وان احد يرميه من الجبل عشر مرات ماحس بوجود سمر رغم انه صاحي لاكن مرات يدخل بحلم يتعذب فيه قلبه يبكي بأسبابه رجع لوعيه وهو يشوف سمر كأنه يطلبها تساعده تحس فيه تنقذه من اللي هو فيه..
سمر سرحانه وهي تحرك شعر راسه وبالها بعيد موحاسه فيه ابد انه جالس يموت بين يدها حتى النوم ماذاقه...
الساعه 2 الليل قامت منار من الحلم وهي مرتاعه جلست وهي تتلفت كأنها تدور احد حلمت بثعابين وكلابه يلحقونها وصراخ خالد كان حزين باالمره خذت نفس تطرد الخوف منها قامت وفتحت الشباك وطلعت راسها وهي تتنفس بقوه وقلبها يدق حست انها هدت بعد دقايق صكرت الشباك ورجعت لسريرهاا تكمل نومهاا...
الساعه عشر الصبح .... طلعت ريم من المستشفى بعد مافكت اللي برجلها اصرت ان جاسم يوديها هو .
بعدهاا رجعت للبيت تنام شوي قبل لايأذن الظهر ...
رمت شنطتها باالغرفه:وه اخيرا امشي بطلاقه دخلت تاخذ شاور وبعدها ارتاحت على السرير مدت يدها على جوالهاا مافي اتصال ولامكالمه حست بضيق محتاجه مسج منه يمكن بعدها تقدر تاخذ قرارها انقلبت على جنب وهي تفكر (الجو هادي وانا مشتاقه لازعااجه..رفعت الجوال وسجلت اسمه اول كان بدون اسم كتبت سعود تأملت اسمه وهي تكرره بداخله بعدها غمضت عينها تستعد للنوم ...
رجع ياسر من الدوام وقبل لايدخل البيت شاف حمد قرب عنده يسلم عليه
حمد:توني جاي من سامي
ياسر:خبرته عن زوجته
حمد:اي
ياسر بضيق:ايش اخباره
حمد:تضايق كثير لاكن مافي يده الا الصبر سالني اذا ابوها عندها قلت تقول ساره من كم يوم مقفل جواله طلب مني اني اقولك تجيه زياره قريب
ياسر عرف ايش يبي منه سامي :خلاص ابجيه قريب ان شاءالله يله يالحبيب استئذنك ...
في بيت ام راشد ....الظهر
هديل جالسه عند راس امها تشربها علاجهاا
ام راشد تحاول تنطق حتى قدرت تنادي هديل
هديل بصدمه طاح الكيس من يدها تطالع امها اللي تكلمت :يمه..؟
ام راشد:وين عهد من امس ماشفتها
هديل تفتح عينها :يمه تتكلمين قامت بسرررعه لعهد
:عهد عهد امي نطقت والله بأذني سمعتها...
عهد:ها..؟ امي وقفت بتعب وركضت وراها تجااه امهاا...وهي بداخله فرحااانه ...
جاسم يسولف مع امه وهو مافصخ شماغه مايبي تنتبه للسماعه اللي بأذنه ..
ام ياسر: رفعت راسي ياولدي مابقى الا العروس تفرحني فيك
جاسم :لا خلاص مقرر اتزوج اول مااجي
ريم : احم احم
جاسم :ايه مب انتي لحالك تتزوجين وبس
ريم سكتت ولاردت عليه
ام ياسر : ابشر ياوليدي ادور لك العروس بنفسي عندي وحده تسوى البنات كلهم
دخل ياسر وسلم بعدها جلس ..
جاسم : من هي يمه ..؟
ام ياسر: ومن غيرها ساره بنت حلال ومزيونه
ياسر فز بطاري ساره :ايش فيها
ريم غمضت عينها ماتبي تشوف الصدمه بوجه ياسر ..
ام ياسر : نخطب جاسم لساره
ياسر فتح عيونه يطالع امه وهو مصدوووم ....؟؟؟
لعيون الزعلانين علي هذا البــآرت وتقبل الله منكم طاعتكم ..
البارت 20..||
تدري وش اللي مصبر قلبي في
بعدكـ ؟!
إحساس في قلبي يقول : أني على
بالـكـ
جاسم يحاول يتذكر ساره: ايييه ساره والله لي الشرف
ام ياسر وفرحتها باينه على وجهها: خلاص اكلم امها باالموضوع
ريم وياسر ساكتين بدون اي تعليق ..لف جاسم راسه ببرائه: ياسر ماعندك نيه تخطب ونحط زواجنا بيوم ..
ريم ركزت نظراتها على ياسر حست الضيق على وجهه لاكن مستحيل تقول شي وهو اللي حذرها ماتقول لاحد بعدها نزلت راسها تضغط بجواله تتهرب من الموقف ...
ياسر عينه على الارض وهو نفسه يرمي نفسه على اخوه ويخنقه بيده :مابعد لقيت اللي تناسب لي ..
ام ياسر تتشكى:اخوك هذا جنني ماادري متى يقرر يتزوج والله نفسي اشم ريحه عياله قبل لااموت
ياسر بهدوء:الله يطول بعمرك يمه (وقف) ابروح اتقيل شوي دايخ من الشغل ..
طلع وهو يركز باالي قاعدين يقولونه لحقته ريم ومسكت يده وهو بيصعد للدرج :يااااسر!
ياسر يلف راسه بحزن :نعم
ريم تضغط على يده:ياسر تكلم قول شي
ياسر يفكر.:ريم خليني دايخ مااشوف الطريق
ريم بعصبيه:يعني شلون.ساره بتروح من يدك وانت تتفرج .؟
ياسر يفك يده منها ويطلع لغرفته وهو حاس بأنفاسه تضيق دف الباب بعصبيه وقفله وراه وقف بوسط الغرفه وهو يهز راسه وينفض كل الكلام اللي تقوله امه وجاسم حس بأعصار داخلي تعب وهو ينتظر حلمه حتى يكبر وبلحظه ينهدم ؟؟؟
ريم طقت رجلها باالارض بقهر ودخلت عند امها جلست وهي بالها عند ياسر
جاسم : ريوم متى ناويه تحددون الزواج..؟
ريم رفعت راسها وهي مرتبكه:ها ماادري تو ماحددت
جاسم :اي ادري انكم ماحددتوا متى يعني بتحددون خلاص قربنا ندخل شهر 8 وبعدها رمضان ودراسه
ريم تتحلطم بداخلها يوه منك ياجاسم القاها منك ولامن ياسر وقفت تتهرب :قريب نحدد بعدها طلعت
في ابها~
عفاف واقفه عند راس سعود النايم :من الصباح والدنيا مطر طلعنا نتمشى زهقت انا ولمياء..قوووم
سعود يرفع يده من تحت المخده ويشوف الساعه : لاتزعلين ابطلعكم الحين
عفاف وهي خايفه من رده فعل سعود: سعود ..
سعود رجع يغمض عينه :همم احد مسلطك علي اليوم
عفاف :اممم جدتي راح تجي مع سالم تصدق زعلت لما ان احنا جينا هنا ولاخذنها ويانا
سعود بضيق:اووه جدتي لو تفكني من طاري نوف كان خذتها ويانا لاكن هناك نكد وهنا بعد (رمى اللحاف على وجه عفاف وقرب عند الغساله وكلام كثير يتردد بداخله :خلاص ياسعود ريم راحت منك ليش تتضايق يعني بيصير اللي هم يبون بلع ريقه بضيق اخذ المناديل يمسح وجهه وطلع
عفاف مبوزه : ياشينك لاصرت ضايق
ووقف عند شنطته وهو يفتح سحاب بنطلونه
عفاف :هييه انت انا هنا
سعود : طيب اللبيب بالاشاره يفهم
عفاف تغمض عينها :وجع يااللي ماتستحي وطلعت بسرعه
سعود يضحك عليها غير لبسه وطلع لامه باالصاله والمفاتيح بيده:يله يمه نطلع..؟
ام يوسف :اصبر شوي تو مكلمه جدتك تقول باالمطار خليها مره وحده نطلع مع بعض
عند ام راشد
.عهد ماقدرت تمسك نفسها وهي تشوف امها :الحمدالله على السلامه يمه
ام راشد تحط يدها على شعرعهد وتنطق بصعوبه:وينك امس قلبي عورني عليك ياالغاليه..؟وليش وجهك صاير كذآ لاتتعبين نفسك يابنتي اهم شي صحه ولدك
دفنت راسها بحضن امها اكثر وتزيد من بكاها :يمه راح رااح..!!
ام راشد بأستغرب :راح ؟
هديل لفت راسها بتقوم ... صحيح شايله على امها كثير لاكن ماقدرت تنحرم من حنانها اكثر من كذا صعب عليها تواجه امها بااللي صار لعهد وهي اللي تخاف عليه اكثر من عهد نفسها
ام راشد تقرب عند اذن عهد: يابنتي شصار لايكون ؟؟!!..وبعدها سكتت كأنها عرفت
هديل لفت راسها على امها وهي تبلع عبرتها هزت راسها بمعني اي ..
ام راشد حست بضيق كبير بصدرها تحمد الله بداخله قبل لاتجزع على شي كاتبه لها تذكرت لما عهد ترفعها اكيد هي السبب سكتت وضمتها اكثر لها وهي تهديها وتصبرها واني ربي بيعوضك عشر عيال بداله..!
طلعت هديل للمطبخ تجمع الصحون على بعضها وتدخلها بمكانها وتفكيرها بعهد وحالها سمعت صوت الباب الداخلي ينفتح تركت اللي بيدها حتى تستقبل ابوهااا مشتاقه له كثير طلعت وهي تمسح يدها باالفوطه اللي على كتفها ... وقفت وهي تطالع عماااد ..
فتحت فمها بتتكلم
عماد يقرب عندها :وين امي ..؟
هديل ترجع بخوف :ايش تبي منها
عماد بعصبيه :قلت وين امي ..؟
عهد سمعت الصوت وطلعت من الغرفه للصاله فتحت عينها بقوه وهي تطالع عماااد
عماد لمح عهد من بعيد طالعها بنظرات خافت منها وركضت داخل لامها دقايق ودخل عماد ..وراها
ام راشد بتعب:ايش اللي جابك
عماد :ابي فلوس ..؟
هديل تدخل وراه وهي ماسكه قلبها لايسوي شي لعهد :امي مامعها شي
عماد:انتي اسكتي وتقلعي عن وجهي وبعدين انتي (يأشر على عهد)ماحذرتك تدخلين البيت
هديل :هي الداخله وانت الطالع
عماد لف على هديل وضربها بكف قوي
هديل تصرخ وهي تمسك خدها
عهد تمسك بيد امها بخوف
عماد:قلت طلعي لي دراهم
ام راشد :مامعي شي
عماد:مب علي تكذبين والضمان وينه
هديل تقرب وتمسك ثوبه بصراخ:اطلع ياوقح والله اكلم ابوي يجي يطردك
دفها بقوه حتى صقعت باالباب وطلع من الغرفه لغرفه امه
هديل طلعت وراه بتلحقه لاكن امها وقفتها:خليه ياخذ اللي يبي اهم شي لاتتأذون منه..
هديل توقف ويدهاعلى ظهرها تخفف الالم دارت بعينها تدور على الجوال تكلم ابوها اخذته وانتظرته يرد لاكن كان مغلق حست بقهر وجلست على الارض عند امها
عهد تطالع هديل اللي مانزلت منها ولا دمعه غبطتها على قوتها وصبرها تمنت تكون مثلها قامت وقربت عندها:ظهرك يألمك
هديل :لا لا بس اخاف ياخذ الفلوس اللي فوق ماعندنا شي غيرها هالشهر
عهد ترفع راسها وهي تتنهد:بيعوضنا ربي
نزل عماد بعد مااخذ الفلوس كلها وصكر باب الشارع بقوه ...
هديل قامت من غير شعور تركض على الدرج حتى وصلت للصندوق فتحته وانصدمت ان كل شي اخذه دفت الصندوق على الارض بقهر: الله ياخذك يامجرم.قامت وهي تتذكر ان امها خلص علاجها ومفكره تشتريه لها اليوم و نزلت تحت مصره ان تكرر اتصالها بأبوها. او تروح لبيته..
بواشنطن..
سمر:يله خالد حبيبي علشان خاطري
خالد الكاس على شفايفه عاجز يفتحها حس بيد سمر تحاول تشربه و شرب شوي
الممرضات حوله مبسوطات انه يشرب كان معتمد على المغذي وبس ..
فرحت كثير بعد ماخلص كاس العصير حست انه تحسن اليوم اعطت الممرضه الكاس وباست يد خالد بفرحه وابتسامه كأنها ام بتشجع طفلها
بعدها قامت تطلع ؟.. فجأه وقفت بخوف على صرخه الممرضات التفت بسرعه على خالد وانصدمت باالدم اللي يطلع من فمه وينتشر على ملابسه مثل النزيف .. اهتزت شفايفها بخوف على خالد اسرعت له والممرضات يحاولون يساعدونه
سمر :خالد ايش فيك ؟
خالد وجه تلون لون اسود حاس ان روحه راح تطلع وبدت تطلع اصوات غريبه منه كأنه صوت واحد مخنوق ويتكلم
سمر تصرخ على الممرضات يسوون اي شي ؟؟
الممرضه سحبت التلفون و اتصلت على الدكتور المشرف على علاجه انه يجي بأسرع وقت
ربع ساعه والدكتور وصل دخل وطلب من سمر ترتاح بعد اذنها باالغرفه الجانبيه حتى ينهي فحصه طلعت سمر تنتظره بقلق عند الباب.. دقايق وطلع الدكتور ماعرف ايش فيه باالضبط ..؟؟ كل شي يظهر له سليم كاالعاده ..طلب منها ماتعطيه اي شي وتكتفي باالمغذي بهاالفتره على الاقل..
وصلته للباب وطلع بعد ماشكرته رجعت بسرعه وهي تبي تشوفه وترتاح فتحت الغرفه كان هادي وانفاسه سريعه مسكت يده بحنان تتحسس انه طيب او لا طلبت من الممرضات يغيرون ملابسه والشرشف حتى يرتاح قربت الممرضه تنفذ اللي طلبته
سمر بعدت شوي وهي تطالعهم محتاره ايش تسوي حتى يرجع لطبيعته حاولت تتذكر اذا كان شي بشغله ضايقه او احد من اصدقائه لاكن ماتعرف احد غير واحد ونست اسمه اعطت نفسها فرصه تتذكره عجز عقلها تأففت بقهر وقررت تتصل بأبوها قريب وتطمنه على خالد دام هو مااتصل ..
ام يوسف تسلم على امها وترحب فيها وتحاول تطيب خاطرها:الحمدالله على السلامه يمه
سعود وقف ولف بظهره يسلم على جدته عبس بوجهه وهو يشوف نوف واقفه مع جدته
ام يوسف :وين امك ونوال يانوف ,,؟
نوف تجلس وعينها على سعود:امي جالسه عندها خالتي مها ونوال ماتبي تجي..
دخلت لمياء وعفاف يسلمون عليهم..سعود واقف عند الباب حاس بكتمه بوجودها اتجهه للباب بيطلع
ام يوسف:سعود وين رايح يله طالعين معك
سعود وقف وهو متنرفز ويصبر نفسه : طيب انتظركم باالسياره
ام يوسف :لمياء تعالي خذي هاالاغراض وحطيها بكيس وانتي ياعفاف خذي شنطه امي ودخليها بالغرفه
نوف استغلت الفرصه ان الكل مشغول ولازم تنفذ اللي جايه علشانه سحبت نفسها بهدوء وطلعت لبرآ ,,,
قربت عند شباك سعود تضربه بدلع وعلى وجهها ابتسامه تسحر
رفع عينه عليها وهو يشوف وجهها مثل القمر يحس هاالجمال يتجدد ويفتن اكثر
نوف بضحكه خفيفه:وين رحت افتح الباب ارركب ..
نزل عينه منها فتح القفل وهو يتمنى يضربها بكف دايم يطيح بهااالموقف معها ركبت بأزعاج وفتحت الشباك طالعته مع المرايا اللي قدام حست انه مومعها ابد
نوف: واااو الجو رومانسي مااره شي خيالي هالغيوم والمطر
سعود يسمعها وهو سااكت
نوف :سعود ..؟
سعود ببرود :همم
نوف:اعرف اماكن حلوه هنااا خليني اوصفها لك ..
سعود طنشها وفتح الباب ياخذ الاغراض من لمياء ويركبها السياره
نوف انقهرت :اووف منه غثثيييث ..
لمحت جدتها جايه بسرعه سحبت الطرحه وغطت وجهها بخوف قربت جدتها بتفتح الباب
ام يوسف تناديها عند سياره سالم :يمه تعالي وياك نركب مع سالم وخلي البنات مع سعود
فرحت نوف ماتبيها تنكد عليها ولاتاخذ راحتها ...
ركب الكل واتجهوا للمنتزه ..بعد ربع ساعه وصلوا للمكان المحدد نزلت ام يوسف وهي ماسكه يد امها تمشي بخفيف حتى جلست على الفرشه اللي فوق العشب استئذن سالم يروح مع ربعه
مدت عفاف القهوه لسعود اللي جالس معهم اخذها وهو يسمع سوالف امه وجدته بملل من دخلت جدته وموده اعتفس وزادت عليه نوف
عفاف تنادي لمياء ونوف: يله خلونا نروح نتمشى
نوف توقف:يله
الجده :سعود ..؟
سعود عارف ان جدته ماعندها الا سالفه نوف :لبيه
الجده :ماني مرتاحه الا اذا صارت نوف ام عيالك ..
سعود بداخله لاحووول على هاالنوف ابتسم وهو يحاول يهديها: مايصير خاطرك الا طيب قومي يمه نمشيك بهاالمكان جو حلو ويشرح الصدر
الجده : لاخذت بنت الاغراب لاانت ولدي ولاني اعرفك
سعود متفاجأ :يمه الله يهدديك لاتقولين هالكلام
الجده معصبه ولاردت عليه ....
سعود بخاطره (اقول اقوم اصرف لي ) قام من عندها و مشى لمسافه بعيده جلس على الكرسي رفع وجهه للسماء وقطرات المطر تجي على وجهه تأمل المكاان الشمس مختفيه بين الغيوم معطيه الجو جو شاعري تمنى ريم وياه بها اللحظه حاول يتناساها لاكن ماقدر رفع جواله وهو يتمنى منها مسج :شلون تبين اتخلى عنك يا ريم شلون تبيني اتقبل دنيتي بعد ماشفتك ليييه في كل مره انجرح منك ليييه عض على شفايفه بكل قهر وصورتها وصوره نوف وكلام جدته جاء على باله بهاااللحظه مايدري احيان يجيه امل انه على بال ريم وانه ممكن بيوم تتصل فيه لاكن يرجع يتحطم كل طال انتظاره...بعدها قاام يمشي بدون هدف لمح من بعيد نوف المبتسمه كاالعاده ومعها لمياء وعفاف احتار يروح لهم يغيرون الجو عليه حط عينه على نوف :شلون باخذ راحتي وهي معهم وقف بعيد حتى انتبهوا له
عفاف تأشر عليه من بعيد انه يجي ...قرب عندهاا
عفاف:سعود فيك شي
سعود: ايش تسوون هنا
عفاف حاسه فيه شي :نتظر دورنا بهااللعبه
سعود:ابقص تذكره وجايكم
بعد دقايق رجع سعود وهو يكلم لمياء:زحمه ماقدرت اخذ لي تذكره بنتظركم هنا
ركبت عفاف ولمياء اما نوف استئذنت بكذب انها بتروح لجدتها وراجعه ابعدت مسافه قريبه حتى اشتغلت اللعبه اخذت نفس وتقدمت لسعود اللي جالس على الكرسي قربت عنده وجلست
طالعها سعود بحزن ومازالت كلمه جدته ترن بأذنه وكمل نظرته على الرايح والجاي يحاول يتجاهل وجودها
نوف تلعب بأصابعها وبهدوء :شكلك متضايق
سعود مطنشها مثل كل مره
نوف متنرفزه:سعود ليش ماترد علي ..
سعود عطاها نظره قويه:عدلي حجابك!!
نوف بغنج :اوكي علشان خاطر عيونك اعدل (سحبت الطرحه وتغطت) بس قولي ايش مضايقك والله تصدق مايليق عليك الا خفه الدم والبسمه
وقف سعود بيمشي ...
نوف مسكته مع يده : طيب قول اي شي
سعود بدون شعور ناظر يدها الناعمه ماسكه يده
نوف ضغطت على يده كأنها تنبهه من سرحانه
رفعت يدها الثانيه تسحب الطرحه على وجهها وهي تبتسم
سعود واقف يطالعها بصمت
نوف بدلع : ماابي احد يضايقك وربي
في هااللحظه نزلت لمياء بعد ماانتهت اللعبه وتقدمت لسعود بسرعه لاكن وقفت مصدومه وهي تطالع سعود ونوف اللي كانوا واقفين ويدهم مشبوكه في بعض وكل واحد يطالع الثاني حاولت تتمالك نفسها عند الناس رجعت لوراء شوي
سعود رفع عينه للمياء الواقفه وراء سحب يده بأرتباك من نوف واتجهه لبعيد ...
نوف تناديه وهي ماانتبهت للمياء:سعوود سعوود
قربت لمياء وبصوت كله قهر :نووووف؟؟!!
نوف تلف لها بكل غرور : خيــر؟!
لمياء للحين مصدومه التفتت تدور عفاف حاسه ان ودها تهرب وقبل لاتحرك رجلها :ايش اللي شفته من تو..؟
نوف تعدل طرحتها :مالك شــغل ..!
لمياء تطالع نوف من فوق لتحت بأحتقار بعدها اتجهت لامها والموقف يتكرر عليها
قبل اذان العصر فـي بيت ام ياسر
الروايه مفتوحه وحاطتها على وجهها وهي مغمضه بعدها جلست ورمت باالروايه على الجدار بقوه ودموعها على خدهااا: السخيفه ليش تموته ليششش..؟
بعدها قامت بسرعه وجلست على الارض ورجعت تفتحها تكمل ايش اللي راح يصير
ندى تفتح الباب على ريم:بسم الله شفيك جالسه باالزاويه قربت لعندها وهي تطالع اللي بيدها عرفت انها متحمسه باالروايه:خبله الحمدالله ناقصين تزيدين عليك الهم
ريم ترفع راسها: تصدقين خيري اللي قلت لك عنه مات
ندى :ههه طيب اللي بيشوفك يقول حقيقه علميني ماارسل سعود ..؟
ريم حست كان احد حارق قلبها اخ ياندى ليش تقلبين اوجاعي مسحت دموعها وبحزن:لا ماارسل
ندى :طيب يله انزلي علشان نتغدا
ريم تهز راسها :طيب..
اخذت الروايه وحطتها باالدرج مسكت الجوال بيدها تدور اي شي من سعود لاكن مافي جديد فقدت رنته الخاصه لما كان يزعجها اشتااقت له واليوم اكثرر بعدها نزلت ..وهي تسمع الجوال يرن دخلت ترد على المتصل..ساره تذكرت اللي قالت امها عن جاسم خذت نفس وردت عليها
ساره :اهلين ريوم
ريم:هلا قلبي
ساره :ريم انا طالعه للعهد ازورها ودي تطلعين معي
ريم بضيق:من جدك ياساره تقولين هاالكلام
ساره:عهد مالها ذنب ياريم
ريم :ذنبها انها بنت اللي ماتتسمى
ساره:ريم عمتك هذا ماهما يكون
ريم:مالي الشرف تكون لي عمه كذا ولاسمحتي ياساره لاتجيبين سيرتها لي مره ثانيه
ساره:خلاص عاد لاتزعلين نفسك اسفين ياالحبيبه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك