رواية اذا انتثر دمع عينك -20

رواية اذا انتثر دمع عينك -20

أختي والله حاسة فيك بس ما أعرف إيش هو .. "" ورجعت غرفتها تحاول تنام ..

عند مسك بعد خمس دقايق قامت من على السرير عشان بتبدل وفي راسها مليون فكرة وفكرة .. انتبهت لجوالها شاشته نورت وطلع صوت يعلن عن وصول مسج .. ماعطته أي أهتمام لأنها مالها خلق .. بعد ثلاث دقايق بعد مابدلت فستانها .. وجلست على التسريحة مسحت المكياج الخفيف .. وتوها بتفك القلادة اللي لبسها مشاري تذكرت كيف لبسها .. طاحت دموعها من القهر والحرج اللي كانت فيه .. وفكتها بهدوء وفكت الحلق .. ناظرت الدبلة .. حست أن فرحت مشاري موجودة بالدبلة .. توها بتفصخها وبترميها بغضب وقهر .. إلا صوت جوالها يرن بموسيقى كلاسيكية هادئة ..

مسك خذت نفس طويل .. والجوال لازال يرن .. قامت سحبت جوالها بدون ماتناظر شاشة الجوال وردت بصوت هادئ فيه بحة : ألووو ..

.. : أخيييرا رديتي .. كيف حالك .. إذا أنتي بخير فأنا بخير قبل لاتسألين ..

مسك ابتسمت بألم : أنا الحمدلله بخير ..

. : مسك ليه تبكين ..

مسك عرفت أنها راح تنكشف : من يبكي ؟؟ أنا ؟..

.. : علي يامسك ..

مسك بهدوء : كاشفتني يارنا دايم كاشفتني ..

رنا بحنيه : مسك حبيبتي .. صوتك مبين أنك تبكين وطريقة كلامك .. فضفضي لي .. قولي .. أنا أسمع لك ..

مسك والدموع بدت تغرغر بعيونها : ما اقدر ..

رنا : مسك لاتخافين .. فضفضي لي .. ماراح يطلع شي لأحد .. وأنتي عارفتني عدل ..

مسك شهقت وقامت تبكي وقالت لرنا كل شي من شافت الفيديو من أماني لمن أبوها أجبرها وحذرها أنها تعلم احد وإلى هذي اللحظة اللي تكلمها فيها ..

رنا اللي انصدمت من اللي تعانيه مسك .. وبحكمة قالت : كل هذا يامسك .. وأنتي ماقلتي لي ..

مسك تبكي ولاترد ..

رنا خلت مسك تبكي براحتها : مسك تبغين رايي ..

مسك بهمس : إيوا ..

رنا : صدقي قلبك مو عقلك .. أنتي شفتي مشاري وتصرفاته معاك ..

مسك بحزن : والفيديو ..

رنا : وهذا المشكلة الفيديو .. لازم في شي يبرره .. وأماني هذي راعية مشاكل .. تبغى تفرقك عن مشاري بأي طريقة ..

مسك بصوت أقرب للهمس : ونرجع لنفس النقطة .. الفيديو .. إيش عرفها في مشاري ..

رنا : هذا السؤال جوابه عند مشاري .. وانا أنصحك يامسك لاتخلين أماني تخرب حياتك .. وأتبعي قلبك ..

ظلت رنا تهدئ مسك مدة خمس دقايق لمن هدت نسبيا ..

رنا : يعني لو أنا منك يتقدم لي واحد مثل مشاري وافقت ..

مسك : طيب .. رنا ..

رنا : هلا ..

مسك بمزح : تبغين أخوي ؟؟..

رنا بمزح : إيوا عادي كم تبغين المهر ..

مسك بجدية : ترا أخوي خطبك قبل كم يوم وقالي اكلمك ..

رنا بفجعة : هااا .. شنو قلتي ..

مسك حست بصديقتها وضحكت عليها بالخفيف : ههه أدرري أنك سمعتي ..

رنا تلون وجها : مسيك بلا مزح سخيف ..

مسك ابتسمت على صديقتها : ليه أكذب بهالأشياء .. وإذا مو مصدقتني أخليه يكلمك بكرة ..

رنا : هاه .. لالا .. أنا مو موافقة ..

مسك : رنو بلا عيارة .. تراه أهو اللي جاني وقالي .. وبعدين خير ياطير ليه ترفضين اخوي .. مو توك تقولين لو يتقدم لك أحد زين ماترفضينه .. ليه أخوي مو زين ولا مو .

رنا بصوت عالي : مســـــــــــــــــــــــك ..

مسك وقفت عن الكلام ..

رنا : ههههه .. الحين رجعتي مسك القديمة ..

مسك تحاول أنها تتحاشى سيرة أنها خلاص لمشاري : ها شنو اقول لأخوي .. ؟؟

رنا : شنو شنو شنو ؟؟ .. خليني على الأقل أفكر ..

مسك : طيب مبدئيا شنو ؟؟ .. تراه شكله يفكر فأبغى ارحمه ..

رنا تلون وجهها : مبدئيا .. يعني مبدئيا أنا موافقة ..

مسك فرحت من قلب : صــــدق .. فديييييييييييتك والله يارنوو .. ما اصدق ..

رنا بحياء : مسك خلاص ..

مسك : والله ما اصدق .. شكلي بكرة بجي المدرسة ..

رنا : شنو تجين .. لالا .. أنتي اكيد الحين تعبانة .. وثانيا أنا قلت لك مبدئيا ..

مسك : اقول رنو ياويلك إن غيرتي رايك .. يابعد قلبي أخوي لازم بكرة ضروري أقوله ..

رنا تحاول تنهي السالفة : اقول يلا مع السلامة بنام بكرة وراي مدرسة مو مثلك ..

مسك : أوكي بايات ..

سكرت من عند رنا وشافت المسج .. كان من مشـاري .. كان يسألها فيه عن حالها ..

رمت مسك جوالها على السرير .. ورمت نفسها على السرير .. وجلست تفكر مرة ثانية في كلام رنا لها .. حست أنها راح تبكي من الحيرة .. إلا رن جوالها مرة ثانية .. وردت عليه بدون ماتناظر الشاشة .. : ألوو ..

مشاري : يالبى الألوو وأهلها ..

مسك لارد تناظر السقف ..

مشاري برومنسية خلت مسك تعيد تفكيرها للمرة المليون : كيف حال الحلوة ..

مسك تذكرت كلام أبوها .. وبصوت هامس : بخير ..

مشاري ببتسامة حست فيها مسك : ماراح تسأليني عن حالي ؟؟ ..

مسك بلعت ريقها .. وبصوت بالموت ينسمع : كيف حالك ؟ ..

مشاري : هه ولو أني ماسمعتك عدل .. بس انا بسابع سما دامك بخير ..

لحظة صمت ..

مشاري : مسك ..

مسك بهدوء : نعم ..

مشاري : فيك شي .. صوتك متغير ..

مسك بكذبة تبغى تنهي المكالمة : إيوا لاني كنت نايمة ..

مشاري : أهآآ .. أسف اني أزعجتك وقطعت نومك .. تصبحين على ألف خير قلبي ..

مسك بمجاملة : وأنت بخير ..

سكرت الجوال وراحت في سابع نومة من التعب والتفكير ..

&&&&&&&

في غرفة فارس ..

جالس على جهازه وشابك على النت وفاتح المسن ..

جالس يشتغل ويحمل برامج وأفلام .. فجأة طلعت له نافذة المسن .. " تم تسجيل دخول دنيـا ردية "

فارس شوي وتطلع عيونه على طول فتح النافذة ..

معاند زمانه ( فارس ) : مرحبا بالقاطعة .. كيف حالك سوسو ؟؟

دنيا ردية : هلا .. أنا بخير .. أنت ؟؟

معاند زمانه : الحمدلله .. ليه مقاطعة كذا ؟؟

دنيا ردية : ظروف ..

معاند زمانه : أوكي بعذرك هالمرة .. بس على الأقل ولو إيميل واحد ..

دنيا ردية : معاند .. بقولك شي ..

معاند زمانه : قولي بدون ماتستأذنين ..

دنيا ردية : أنا أعرف الحين اني غلطانة أني اكلم ولد من ورا أهلي .. فابغاك تحظرني وتحذفني ..

معاند زمانه : بس أنا أعتبرك مثل أختي ..

دنيا ردية : انت تعتبرني مثل اختك ؟ ..

معاند زمانه : إيوا ..

دنيا ردية : وترضاها على أختك تكلم واحد بالنت ؟؟..

فارس سكت فترة بعدين رد ..

معاند زمانه : أوكي .. بس اتمنى أنك ماتنسيني .. بحظرك وبحذفك .. مثل ماتبغين .. واسمي فارس .. بس حبيت أقول لك اسمي لاني مارضيت اقولك إياه من قبل ..

دنيا ردية : عاشت الأسامي يافارس .. ومقدرة تعاونك معاي وتفهمك .. في حفظ الرحمن ..

معاند زمانه : في أمان الله ..

سكر فارس المحادثة وحط البلوك وحذف الإيميل .. وحز في خاطره .. بس هو مايرضاها على خواته ..

&&&&&&&&&&&

عند سمر ..

بعد ماسكرت المحادثة خذت لها نفس وتذكرت اسمه وفي نفسها "" فارس .. يمــه ليكون فارس ولد عمي .. لالا يمكن تشابه بالاسماء بس .. بس خلاص انا بحذفه "" .. مع أن سمر ماتبغى تحظره بس هذا اللي كان لازم يصير من زمان .. وسوت بلوك ودليت .. وطفت الجهاز ونامت بارتياح ..

&&&&&&&&&&&

عند رامي ..

رامي منسدح في فراشه يتقلب .. وفي نفسه "" معقولة يادانة تذكغين ( تذكرين ) لحد الحين .. بس أنا غاح ( راح ) أغجع ( أرجع ) لك الكف اللي سلفتيني إياه اليوم .. ""

&&&&&&&&&&&&

عند دانة ..

نفس حال رامي تتقلب بفراشها .. وفي نفسها "" لحد الحين مانسيت يارامي .. لحد الحين .. بريطانيا وسنينها مانستك .. الله يستر منك ""

&&&&&&&&&&&

في يوم الأربعاء ..

مسك قالت لفارس عن موافقة رنا المبدئية .. وفارس استانس بالمررة ..

وطبعا الموضوع سر بين فارس ومسك ..

وفي الليل جا بوفارس .. وكلم مسك .. ونصحها عن مشاري .. وحاول يعرف السبب الحقيقي ورا رفض مسك المفاجئ في الملكة لولا أنه أجبرها .. بس هي قالت .. أنها ماتقدر تفارقهم ومن هالقبيل .. لمن اقتنع ابوها بهالسبب ..

&&&&&&&&&&&&&&&

بعد شهر من هذي الأحداث ..

طبعا مشاري طول هالفترة مايشوف مسك .. لان البنات والشباب منكدين عليه .. بس يكلمها جوال وماياخذ عشر دقايق لان مسك تطلع لها كل مرة حجة .. وهو يسايرها يبغى يشوف أخرتها معاها ..

وفارس ينتظر الفرصة المناسبة عشان يفتح موضوع خطبته لرنا مع أمه ..

ولا في أحداث مميزة في هالشهر ..

&&&&&&&&&&&&&

يوم الخميس ..

عند الشباب في المجلس في بيت بومشعل متجمعين ..

سامي قرب شوي من أخوه مشعل : صدق يعني أنت تفكر تتزوج ..؟؟

الشباب كلهم سكتوا ..

مشعل عقد حواجبه : من قال .. ؟؟

سامي : أنا قلت .. لاتسوي نفسك نسيت أنت يوم تحديت رامي ..

رامي : إيوا شكلك بتثني كلمتك ..

مشعل : أهآآآ .. ( وابتسم وقال بصوت عالي كل اللي بالمجلس سمعه ) .. : تقصد حبيتبي بعد قلبي .. عليها عيون جناااااان .. وحلوة ..

سامي والشباب فاتحين فمهم من طريقة كلام مشعل ..

مشعل بثقة : شفيكم .. كلكم تعرفونها أنا أبغاها وما ابغى غيرها ولا راح ياخذها أحد غيري ..

سامي فاتح فمه : طيب من هي ؟؟

مشعل بثقة كبيرة : باخذ سوسو بنت عمي بوفارس ..

نهــــــآآية البارت الثــ والعشرون ــآلث .. ^^

أرائكم وتوقعاتكم تهمني ..^^

&&&&&&&&&&&&&&&&&&&&&&&&&&&&&&

~| البــآرت الرآبـ والعشرين ــع |~

مشعل عقد حواجبه : من قال .. ؟؟

سامي : أنا قلت .. لاتسوي نفسك نسيت أنت يوم تحديت رامي ..

رامي : إيوا شكلك بتثني كلمتك ..

مشعل : أهآآآ .. ( وابتسم وقال بصوت عالي كل اللي بالمجلس سمعه ) .. : تقصد حبيتبي بعد قلبي .. عليها عيون جناااااان .. وحلوة ..

سامي والشباب فاتحين فمهم من طريقة كلام مشعل ..

مشعل بثقة : شفيكم .. كلكم تعرفونها أنا أبغاها وما ابغى غيرها ولا راح ياخذها أحد غيري ..

سامي فاتح فمه : طيب من هي ؟؟

مشعل بثقة كبيرة : باخذ سوسو بنت عمي بوفارس ..

المجلس صار هدوووووء بشكل غريب .. ولا أحد تحرك ولا شي وكأن الوقت وقف .. وكان بالمجلس ( مشعل ـ رامي ـ سامي ـ فارس ـ يوسف ـ تركي ـ ياسر ـ أحمد ـ ريان ـ مشاري ـ فيصل ) ..

فارس بفهاوه : هااااه ..!

يوسف : سمعتوا اللي سمعته ..

ريان : فيصل قم معاي نروح المستشفى أبغى اشوف إذا في أذني ماي ولا لأ ..

مشاري : خذني معاك ..

سامي ساكت ويناظر أخوه بنظرات عدم تصديق ..

أحمد وفيصل استغربوا بعدين ابتسموا على الخفيف على ردة فعل الشباب ..

رامي باستغراب : قلت من ؟؟..

ياسر وتركي بهاللحظة انتبهوا للكل .. واستغلوا الفرصة ..

ياسر غمز لتركي .. ولف للشباب وهو واقف : شبااااب شكلنا كلنا ماسمعنا عدل .. خلونا نعيد السؤال من البداية ..

تركي وقف جنب ياسر : إيوا .. واحد اثنين ثلاثة .. يلا ..

الشباب طبعا وببلاهة من زود أنهم يبغون يكذبون اللي سمعوه عادوا كلامهم ..

سامي قرب أكثر من عند أخوه مشعل .. وهو يبلع ريقه : صدق يعني أنت تفكر تتزوج ..؟؟

الشباب على ماهم عليه من الجمود بس عيونهم تتحرك ..

مشعل ابتسم على حركتهم .. وقام يعيد الكلام اللي قاله من قبل وفيه الضحكة : من قال ؟؟..

سامي بحيرة : أحم كح .. أنا قلت .. لاتسوي نفسك نسيت .. شقلت بعد .. إيوا .. أنت يوم تحديت رامي ..

رامي بتعجب وينتظر يتأكد من كلام اخوه .. وأتوماتيكيا عاد كلامه اللي قاله قبل : إيوا شكلك بتثني كلمتك ..

مشعل شوي وينفجر من الضحك: أهآآآ .. ( وابتسم وقال مرة ثانية بصوت عالي .. وقام يثقل الكلام ويتكلم ببطئ عشان يسمعون عدل) .. : تقصـد حبيبتي بعد قلبي .. عليها عيــون جناااااان .. وحلوة .. هااا .. سمعتووووا ..

سامي والشباب كل واحد يناظر الثاني من طريقة مشعل .. اللي يقول عنه يتكلم عن وحدة هايم فيها ..

مشعل وفيه الضحكة : ها خلاص .. وقلت لكم من قبل أنا ما راح أخذ غيرها ولا راح أخلي غيري ياخذها ..

سامي بلع ريقه كذا مرة .. وبتردد وكانه يبغى يسمع اسم غير : طيب من هي ؟؟

مشعل ببتسامة وهو رافع حاجبه : باخذ سوسو بنت عمي بوفارس .. بـس خلاص .. أشوفكم صدقتو ياسروه وتريك .. ماراح أعيد الكلام ..

فارس يأشر على نفسه : يعني بتاخذ أختي ..

مشعل ببتسامة : إيوا .. بصراحة من أول ماشفتها خذت قلبي ..

الكل سكت .. وفجأة انفجروا ضحك ..

مشعل ببرود يناظرهم : عفوا فيه شي يضحك .. ؟

رامي وهو يضحك ويمسح دموعه : هههههآآآآي .. هههه .. هه .. ما أقدغ (ما اقدر) .. هههههه .. والله ظنيت أن هاليوم ماغاح ( ماراح ) يجي .. هههههه .. مو مصدق أنك غاح ( راح ) تصيغ ( تصير ) غو غو.. غومنسي ( رومنسي ) لهالدغجة (لهالدرجة) ههههههههههههههههههآآآي ..

الشباب ماتوا من الضحك : ههههههههههههههههههههه ..

مشعل وقف على طوله ببرود ..

الكل وقف ضحك ..

فيصل : شفيك ؟؟ ..

أحمد : ليكون زعلت .. ترا هذي حركاتهم عادي تعود ..

مشعل لف عليهم وعلى وجهه شبه ابتسامة وعيونه يطلع منها المكر : أنا مو رومنسي هاا ..

رامي بمزح : أبدا من قال .. أصلا الغومنسية ( الرومنسية ) ناخذها من عندك ..

مشعل وكأنه مخطط على شي : تتمسخر ..

رامي بهدوء وببتسامة : لا ..

مشعل بتحدي : تتحداني ..

الشباب قاموا يصفقون ويصفرون : أوووه رجعنا للتحــدي ..

رامي ابتسم وهو رافع حاجبه باستفسار : عــلى ؟..

مشعل : على أني ( ويقلد على رامي ) غووومنسي ( رومنسي ) ..

رامي وفيه الضحكة : أتحدى ليش لأ .. بس المقابل شنو ؟؟..

مشعل : اي شي عادي ..

رامي حس أن مشعل جاد بكلامه فحب يصعب التحدي : طيب .. اللي يخسغ (يخسر) بالتحدي يطلع البنات والشباب اليوم أي مكان يبغونه وطبعا التكاليف من فلوسه .. شغايك (شرايك) ..

مشعل بلا مبالاة : أوكي .. جهز فلوسك بس ..

الشباب قام يصفرون ويصفقون ..

ريان : أوه أوه .. شباب جهزوا حالكم للطلعة ..

يوسف : بصراحة تحدياتهم لاتعوض ..

أحمد : حدهـا ..

فيصل تحمس شوي : طيب متى راح يصير التحدي ؟ ..

مشعل بثقة ولا مبالاة : الحييييين .. أروح عندها واسلم عليها .. وأقولها كلمتين عسل من قلبي ..

فارس اللي يظن أن مشعل مستحيل يسويها : أوكي يلا نروح عندهم ..

الشباب : يلا ..

&&&&&&&&&&&&&&&&&&&&&&

عند البنات .. في الحديقة ..

طبعا البنات اليوم تجمعوا .. وقرروا يفلونها .. لأنهم عرفوا أن الشباب متجمعين في بيت بومشعل .. فقالوا أن الشباب من أحسن منهم وتجمعوا في بيت بوفارس ولأن لهم شهر كامل من بعد ملكة مسك ماتجمعوا .. كانوا جالسين بالحديقة وفارشين لهم بساط في الأرض وحاطين لهم أكل مسليات من حلويات وبطاطسات وغيرها .. ويسولفون ..

سمر : بناااااات ..

البنات كلهم سكتوا ..

ملاك : شفيك يامال الضربة .. ؟؟

مسك : تضربك إنشالله ياملييك .. لاتدعين على بنت عمي ..

رهف لسمر : اخلصي علينا .. إيش تبغين ..

سمر تأشر على الباب اللي يفصل بين بيتهم وبيت عمها بوفارس : في أحد يدق الباب ..

البنات كلهم وبلا استثناء عيونهم انتقلت للباب ..

روان : يمكن حرامي ..

دانيا دقت روان على راسها : اي حرامي مع وجهك .. أكيد واحد من الشباب ..

دانة : شوفوا شنو يبغون .. سارة قومي فتحي ..

سارة بالعناد هي كانت متربعة صارت منسدحة : أسفة عندك رجول تروحين تفتحين فيها الباب ..

دانة : مالت عليك يالسودانية ..

سارة بنذاله ولا هامها شي : عادي ..

سمر بتوقف : أنا بقوم ..

مسك مسكت سمر من يدينها وجلستها وقامت هي : اجلسي انتي أنا أفتحه ..

مسك وقفت عند الباب : ميــن ؟؟!!

في الجهة الثانية من الباب ..

مشاري قلبه يدق دق وفي راسه كلام كثير ويحاول يرتبه ويبغى يشوف مسك بعد هالشهر الطويل ..

رد مشعل : انا مشعل ممكن شوي ..

مسك عقدت حواجبها : خير فيه شي ؟؟ ..

مشعل : لا بس أنا والشباب نبغاكم شوي ..

مسك : ثواني أقول للبنات عشان يلبسون العابيات ..

مشعل : ننتظرك ..

مسك رجعت للبنات : بناات مشعل يقول بيبغانا في شي هو والشباب .. يعني لبسوا عباياتكم ..

سارة : أووف ياذا المشيعل والشباب والله أنهم مزعجين ..

دانيا : صدقتي يعني غصب يدخلون ونلبس العبايات ..

رهف : قولي لهم مالنا خلق نلبس عبايتنا ..

ملاك : إيوا .. قولي لهم ينقلعون ..

مسك : وجع .. بصراحة أنا استحي اقول هالكلام لهم .. وحدة منكم تروح ..

سمر : شدعوة بنات أكيد يبغون شي ضروري ولا ما كان جاو كلهم ..

روان : سمور واللي يرحم والدينك سكتي لاتدافعين عنهم ..

دانة : لا جد صحيح كلام سمر يمكن يبغون شي ضروري ..

دانيا قامت : خلاص حلاص قمنا نلبس ..

راحوا كل البنات و البسو عباياتهم و رجعوا مكانهم ( طبعا مثل ماقلت لكم من قبل هم يلبسون عباية كتف وشيلة ويكشفون وجيهم لقرايبهم ) ..

راحت مسك وافتحت الباب ..

فارس أول واحد دخل : وأخيرا طولتوا ..

ملاك : واثقين أن احنا بنفتح يعني ..

دخلوا باقي الشباب : السلام ..

البنات : وعليكم السلام ..

مشاري وكأنه أسد أنقض على فريسته .. على طول مسك يد مسك ولمها على صدره بأقوى ماعنده : وحشتيني موووت ..

البنات والشباب كلهم لفوا على مشاري ومسك وبصوت واحد : هـــــــــــي انت ..

مشاري وهو لحد الحين لام مسك لصدره .. ناظرهم بنظرات حارقة ممزوجة بقهر : انثبروا وانطموا .. شهر كامل ماشفتها ولا شي .. كله بالتليفون .. هذا ولا شي من حقي .. انقلــعوا ..

الشباب والبنات خلاص انفجروا ضحك : ههههههههههههههههه ..

فارس : خلاص والله كسرت خاطري .. حتى أشوفك اليوم لابس اليوم أسود يالمسكين يعني تعبر عن حزنك خخخ ..

كان مشاري لابس تي شيرت أسود نص كم .. فيه رسومات عشوائية بالأبيض .. وجينز كحلي غامق مايل للأسود .. وصاير شكله كوولزز ..

مشاري متشبث بمسك وكانها بتطير منه : ومن تكون انت عشان تقول كسرت خاطرك .. اذلف مالت عليك من نسيب ..

الكل : ههههههههههههههه ..

ياسر وتركي : وييييييييييييووو لقط لقــط لقط وجهك ويييييييييييييييوووو ..

مسك اللي ذابت بين ذراعين مشاري وقلبت ألوان همست له : بس كفـاية ..

مشاري بنفس الهمس : لا مو كفاية .. اليوم لنا جلسة مع بعض مو حالة ذي ..

مسك ببحة ومفتشلة قدام الشباب والبنات : بعدين خلاص .. شوفهم يناظرونا ..

مشاري بعناد وبصوت عالي : ينقلعون الحين كلهم ويضفون .. انا ساكت عليهم من زمان .. أشوفهم مصخوها ..

الكل : هههههههههههههههه ..

رامي وكانه تذكر : مشيـــعل التحدي يلا ..

الشباب كلهم سكتوا ويناظرون مشعل ينتظرون أنه ينفذ التحدي .. والبنات على روسهم علامة الإستفهام ..

ملاك : أي تحدي ؟؟ ..

روان : شسالفة .. ؟؟

سارة : الله تحدي بس على شنو ؟؟..

مشعل قرب من سارة : على هذا .. وانحنى لجهتها وهوا يبتسم .. وصار قريب منها بالمرة ..

بس سامي مسك تي شيرت أخوه مشعل بقوة من جهة ظهره : مشيعل بلا سخافة ..

مشعل لف على أخوه سامي وبنظرة قاتلة وبعد يدين سامي : وخر عني ..

وانحنى مرة ثانية على سارة .. وسحبها لناحيته وبااااااسها على خدها بأقوى ماعندها : بعد قلبي والله .. أنتي عسل على قلبي والله .. أنا أبغاك لي .. أنا وبس ..

الشباب كلهم فاتحين فمهم على أوسعه ..

فارس يأشر على مشعل : أأ كــيف .. شلوون ..

يوسف فاتح عيونه : ما أصدق ..

فيصل وأحمد بفاتحين عيونهم : شنو سويت أنت الحين ..

ريان : ليش سويت كذا ..

ياسر وتركي : يعني أنت ..

رامي وسامي كملوا : يعني هالتحدي كله مقلب في مقلب .. ؟؟

مشعل اللي كان حاضن أسيل بين يدينه ويبوس خدودها وهو يبتسم : أي مقلب ؟؟ .. أنا قلت لكم أحب سوسو بعد قلبي وما حد بياخذها غيري .. وهذا هي الحلوة بعد قلبي شرايكم تهـــبل صح ..

فارس يأشر على سارة : بس أنت قلت سوسو ..

قاطعه مشعل وهو يرمي اسيل بالهوا ويمسكها ويضحكها : إيوا أنا قلت سوسو .. ماقلت سارة .. أنا كنت أعني أسيــل وأنا أدلعها سوسو .. مو بس سارة اللي يسمونها سوسو ..

الشباب انفجروا ضحك على تفكيرهم : هههههههههه ..

( لان مشعل انحنى لجهة سارة عشان أسيل كانت بحضنها .. فانحنى لجهتها وسحب أسيل لجهته ..)

البنات اللي ماتوا ويبغون يعرفون شسالفة .. بس دانيا سألت ..

دانيا : شسالفة ؟..

مشعل بعد مازهق أسيل من كثر ما باس خدها قرب من عند دانيا ينزلها عندها : السالفة ومافيها أنهم تحدوني أني أجي وأكلم حبيبة قلبي سوسو .. مسكيها وانتبهي لها ..

دانيا مسكت أسيل من عند مشعل وجلستها جنبها .. والبنات فهموا السالفة بعد ما ركبوا كلام الشباب اللي الحين وكلام مشعل ..

سامي : ماااالت عليك يامشيعل وعلى مزحك الثقيل ..

رامي : صدقتك وأنا اللي استانست قلت خلاص بيتزوج ..

ريان : ههه ولا وكلنا فكرنا بسويرة

مشعل : ما أقول إلا خلف الله على أم(ن) جابتكم بس .. وعلى تفكيركم ..

الشباب : ههههههههههههههه ..

فارس وكأنه تذكر .. راح على طول عند مشاري ومسك ويحاول يسحب مسك منه : بعد انت الثاني عن أختي .. خنقتها .. بس خلص الوقت ..

مشاري سحب مسك بقوة .. لدرجة أنها صدمت في صدره .. وطوقها عشان لاياخذها فارس : انقلع ضف وجهك مالك دخل .. أنا زوجها .. رح رح .. تسلط على أحمدووه ..

مسك لاتسألون عنها لان الدم تجمع بوجها من الخجل ولا هي قادرة تتحرك .. جسمها تخدر من مسكة مشاري لها ..

فارس يحرك حواجبه : والله لمن أكون اخو خطيبته ساعتها بتسلط عليه ..

مشاري حس ان مسك جد بدت تختنق لأنه حس بتنفسها السريع ولأنه لامها بالقوة .. ففكها عنه بس مسك يدها اليسار بيده اليمين : أووه .. بتروح ولا كف يعدلك أنت ..

فارس بطريقة تضحك بالمرة : خلاااص خلاص كل شي ولا الكف ..

مشاري ناظره باستحقار وقهر ..

يوسف : هههههههههه فويرس شفيهم على خواتك .. شوف مشاريوه اخذ مسك .. ومشيعل على قولته يبغى أسول .. مابقى لك إلا سويرة مبعد يجيها الدور ..

فارس : أحم بعد شسوي إذا خواتي حلوات وطالعين علي ..

الكل : يالواثــق ..

فارس : هههههههه ..

ريان : تعالوا الحين من فاز بالتحدي ..

مشعل ورامي بنفس الوقت : أنـــا .. ( وناظروا بعض ) .. لاااااا ..

مشعل : أنا اللي فزت ..

رامي : وتسمي هذا فوز .. كيف فزت ؟؟

مشعل : هذا أنا رحت عند حبيبتي وحضنتها وبستها وكلمتها .. يعني أنا اللي فزت ..

رامي : لا والله .. يالغشاش .. مايصيغ (مايصير) لانك تدغي (تدري) أنه مقلب .. صح شباب ..

مشاري : إيوا صحيح .. مشيعل مايصير هذا غش ..

مشعل : مالي دخل أنا اللي فزت ..

ريان وفارس يغايضون مشعل : غشااااااااااااش ..

ياسر وتركي نفس الشي : غشاش غشااش ..

مشعل رفع حواجبه : ماهميتوني ..

يوسف : هههههه والحل يعني ؟؟ ..

فيصل : انا عندي الحل ..

أحمد : واللي هو ؟؟ ..

فيصل : نص تكلفة الطلعة على رامي والنص الثاني على مشعل ..

رامي ومشعل : اتفقنا ..

رامي : مع أنه مفغوض (مفروض) ما أدفع لأنك دكتوغ (دكتور) وعندك ماشالله .. وأنا المسكين طالب جامعي ..

مشعل : أقول لاتتمسكن ..

يوسف يصفق : يلا بنات وين تبغون تروحون ؟؟.. لأن الخاسر أهو اللي بيدفع تكاليف الطلعة حقتنا ..

البنات فجأة كلللللللللللهم كل وحدة تقول مكان وصار فوضى ..

مشعل صـرخ صرخة سكتتهم كلهم : بـــــــــــــــــــــــــــــــــــس ههههههه شفيكم بس مكان واحد بنوديكم ..

دانيا : تبغون رايي .. نروح مطعم الحين .. مدامنا مبعد نتعشى ..

رهف ناظرت ساعتها : صدقتي شي حلو الحين الساعة تسع وخمس وثلاثين دقيقة يعني نص ساعة نحوس بأحد المجمعات والباقي في المطعم . شرايكم ..

البنات كلـهم وافقوا على الفكرة والشباب نفس الشي .. وقالوا لأهلهم أنهم بيتعشون برا عشان لايحاتونهم .. وطبعا كلهم لابسين عباية كتف ماعدا دانيا ودانة .. وكلهم لابسين نقاب ماعدا سارة و روان الكاشفين وجيهم ..

مشعل : الحين على تقسيم السيارات مانبغى ناخذ كل السيارات لاتصير مسيرة .. شوفوا .. أنا معاي رامي وسمر سامي ..

مسك : لا سمر أبغاها معاي ..

مشاري قرب منها وهمس في أذنها بهدوء ورومنسية : أوص لهالدرجة مو محتملتني .. حبيبتي بس اليوم تكفين .. أبغى أخذ راحتى معاك على الأقل ولو لساعة وحدة بس ..

مسك انحرجت مرررة من كلام مشاري لها .. وفي عقلها تفكر بكلام رنا مليون مرة ..

مشاري : خلاص أنا ومسك مع بعض ..

فارس : لاتنسى تراني معاكم ..

مشاري صدق منقهر : أفففف .. انت جد متى راح تفك عني .. لاتخليني إذا خطبت أنكد عليك ..

فارس : لكل حادث حديث ..

وبعدها تفسموا على السيارات التالية ""( سيارة مشعل : معاه رامي وسامي وسمر ) ـ ( سيارة ريان : معاه ملاك و روان و رهف وتغلغصت معاهم سارة) ـ ( سيارة فيصل : معاه يوسف ودانيا ودانة) ـ (سيارة أحمد : معاه تركي وياسر ) ـ ( سيارة مشاري : معاه مسك وفارس ) "" ..

في سيارة مشاري ..

مسك جالسة جنب مشاري .. وفارس جالس ورا بالنص ناقز بينهم ..

مشاري : حبيبتي مسك شرايك ب .

إلا يقاطعه فارس : لا تقول حبيبتي ..

مشاري تجاهل فارس : شرايك ياقلبي نجهز لل .

إلا يقاطعه فارس مرة ثانية : لاتقول ياقلبي ..

مشاري من زود التعصيب لان فارس جد ملله من ركبوا السيارة وهو مجننه .. سحب بريك قوي وهو يسوق .. زين ماصدم : يا أخي تراك أزعجتني .. أقلقتني اتركني وزوجتي لحالي .. ولا ترا أحذفك من النافذة الحين ..

فارس خاف هالمرة من مشاري : ههه خلاص بعقل ..

مشاري لف على مسك اللي عيونها غرغرت لأنها ارتاعت من سحبة البريك المفاجئة .. وخافت يصير حادث .. مسك يدينها يطمنها : حبيبتي لا تبكين ..

مسك من الخوف : لاتسوي كذا ..

مشاري : حبيبتي خلاص .. أنا مستحيل أسوي شي مايرضيك ويلا وهذا السيارة وحركناها وأوعدك دام فويرس منثبر ماتستوي هالحركات ..

في سيارة مشعل ..

مشعل يسوق وجنبه رامي و ورا سامي وسمر ..

سامي مسند راسه على النافذة ويناظر الشارع بشرود .. وتكلم وهو مو حاس : لو أن أبـو . ( إلا انتبه لنفسه وسكت وانتقل نظره بين أخوانه اللي بين عليهم أنهم فهموا شنو قال .. بس مابينوا .. بس هو حس فيهم .. رجع ناظر النافذة وهو يفكر) ..

وصلوا أحد المجمعات .. ونزلوا البنات والشباب ..

يوسف وكأنه تذكر : مشعل مشعل ..

مشعل : هلا ..

يوسف يأشر على البنات : سلاحف النينجا ههههههههههههههه ..

مشعل وبقية الشباب : ههههههههههه ..

ريان : بنات هالله هالله في الصرف ماوصيكم الحساب تراه على رامي ومشعل ..

رامي ومشعل ظربوه بالخفيف على ظهره ..

البنات : ههههههههه ..

وانتشروا البنات والشباب بالمجمع ..

عند مشاري ومسك وفارس في الكوفي ..

مشاري : فارس يرحم أمك وأبوك خلاص روح عنا .. احنا بمكان عام .. اتركنا على الأقل ربع ساعة بعدين تعال الزق على كيفك ..

فارس يفكر : إمممم أوكيك ربع ساعة وراجع ياويلك إن سويت شي من هنا ولا هناك ..

مشاري ماصدق على الله : إيوا روح أنت أول ولا يصير شي ..

وراح فارس يتمشى .. وترك مسك ومشاري لوحدهم ..

مشاري أول ماطلع فارس من الكوفي جلس جنب مسك .. لان يوم كان فارس موجود ماخلاه يجلس جنبها خلاه يجلس قبالها .. ومسك يدينها بنعومة : كيف حالك يالغلا ..

مسك بهدوء وماكان ودها أن فارس يقوم ويتوحد فيها مشاري : الحمدلله ..

مشاري ميل وجهه لوجها وبهدوء وحزن : مسوك قلبي شفيك .. ترا قلبي طول هالشهر حاس أن فيك شي ..

مسك بلعت ريقها وبصوت أشبه بالهمس : مافيني شي ..

مشاري يضغط على يدينها أكثر : إلا فيك وأنا ادري أن فيك شي من يوم الملكة .. بس شنو هو ما أدري ..

مسك تحاول تسحب يدينها بهدوء بس مشاري ماسكهم عدل : لو سمحت شوي ..

مشاري قرب يدين مسك لصدره بحزن : أولا أنا زوجك يعني مابهدك .. ثانيا شفتي كيف .. أنتي ماتبين حتى ألمسك لييييه ..

مسك في نفسها "" أخليك تلمسني بعد مالمست غيري .. ليه يامشاري تعذبني أكثر ليه "" فنزلت راسها وحاولت تتدارك دموعها .. إلا أن مشاري رفع راسها واستغرب من الدموع اللي فيها .. وعلى طول مسحهم وهو في قمة استغرابه : مسك ليه تبكين ..

مسك تذكرت كلام ابوها وتداركت نفسها : ماني متخيلة أني راح أترك أمي وأبوي وانتقل لبيت ثاني ..

مشاري ظل يناظرها فجأة ابتسم : لا تحاتين ياحياتي .. بحطك بقلبي مو بعيوني ..أنتي بس تعالي ( وغمز لها ) ..

مسك صار جسمها مرة حااار من كلام مشاري

مشاري حس فيها : هههههههههههههه ..

&&&&&&&&&&&

يتبع ,,,,

👇👇👇

تعديل المقال