رواية اذا انتثر دمع عينك -27
رائد وفارس كل واحد مسك مشاري من جهة من كتفه وسحبوه لقدام وهم يمشون ..
مشاري : خييييير خييير ؟؟ ..
فارس : تراك ماتنعطى وجه أبدا ..
رائد : خليناك على راحتك يوم ببيرطانيا بس الحين أحلم ..
مشاري : تراها زوجتي ..
فارس : انزل وأنت ساكت ..
أما الباقي قاعدين ينكتون ويضحكون ..
استقبلهم بالمطار فيصل و زوجته ربـى ..
وراح الكل على بيته وناموا نومه أهل الكهف بعد تعب السفــر ..
&&&&&&&&&&&
في بيت بو فيصل ..
في غرفة ملاك .. الظهر ..
رن جوالها .. وبعد خمس مرات من المحاولة رفعت وردت بعصبية : خيير ؟؟ ..
روان : أعصااابك .. أعصااابك علينا ..
ملاك : اوف شتبين قطعتي علي حلمي ..
روان : أقول قومي صحصحي .. ترا فيه عزيمة في بيت عمي بويوسف اليوم بالليل ..
ملاك وهو مسكرة عيونها من النوم : طيب والمناسبة ؟ ..
روان : ما ادري يقولون عشان أن يوسفوه نجا من الغرق ..
ملاك : أهآآ .. قلتي للبنات ؟؟ ..
روان : إيه قلت لهم .. يلا باي .. عندي بزنس ..
ملاك تقلد روان : باي عندي بزنس .. ضفي .. ( وتسكر في وجهها ) ..
&&&&&&&&&&&&
في بيت بو مشعل ..
كانوا متجمعين بالصالة ..
سمر تحاول تفوز على سامي بالبلايستيشن .. ومشعل منسدح على الكنب يناظرهم ويعلم سمر بعض الأزرار عشان تفوز عليه ..
مشعل : سمووور يميييين يمييين و إكــس ..
سامي : أنت ياليت تكرمنا بسكووووتك .. لالا .. هههه خلي ينفعك مشيعل ..
سمر : لاااااااا .. أوووف .. على الأقل قص علي وخلني أفوز ..
مشعل قام من الكنبة وجلس جنب أخته : عطيني شوي ..
سمر عطته : خذ ..
مشعل هز راسه : شوفي ..
وصحيح ما أمداه دقيقة إلا خسر سامي : هههه شفت ..
سامي : خلااااص درينا انك أحسن منا و تعرف تلعب ..
مشعل : ههههه عشان ما تقول خلي مشيعل ينفعك ..
أم مشعل اللي كانت جالسة ماسكة كتاب ثقافي >>> تعجبني هالأم هع .. انتبهت لرامي اللي جالس معاهم وسرحان وكأنه يفكر : رامي فيك شي ؟؟ ..
رامي رفع عينه لامه وناظرها فترة بعدها قطع صمته : يمــه .. أنا أبغى أتزوج ..
مشعل وسامي وسمر لفو عليه ويناظرونه مستغربين : إيييش .. ؟؟
رامي يناظر أمه : يمه أنا أبغيك تخطبين لي وحدة ؟؟ ..
أم مشعل سكرت الكتاب اللي بيدها وهي تناظر ولدها رامي ومنقهرة : أسفة يا رامي ..
رامي انفعل : لييييه يمــه ؟؟
أم مشعل بقهر واضح : أسمع يارامي هذا كلمتي بقولها .. إن خطبت أو فكرت مجرد تفكير تخطب انا مو راضية عليك ليوم الدين ؟؟ ..
نهــــــآآية البارت الثـلـــــــــــــآثين .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&
~| البــآرت الوآحـ والثلـآثـين ـد |~
رامي انفعل : لييييه يمــه ؟؟
أم مشعل بقهر واضح : أسمع يارامي هذا كلمتي بقولها .. إن خطبت أو فكرت مجرد تفكير تخطب انا مو راضية عليك ليوم الدين ؟؟ ..
رامي وقف وعينه على أمه منقهر : وشنو سبب هالغفض (هالرفض) .. ؟؟ ولا مو من حقي ؟؟ ..
مشعل يحاول يهديهم : رامي لاتعلي صوتك .. أكيد أمي عندها سبب مو كذا والطريق .. ( ولف على أمه ) .. يمـه ليه هالرفض ؟؟.. لاتخلين الولد على عماه عطيه سبب ..
أم مشعل تناظر مشعل : أسأل نفسك قبل لاتسألني ..
مشعل استغرب من كلام أمه : اسأل نفسي ؟؟ ..
سامي وسمر عيونهم تتنقل بين أمهم ومشعل المستغرب ورامي المنقهر ..
أم مشعل : إيه أسأل نفسك .. شنو تبغى الناس تقول هاا .. تقول أم مشعل على آخر عمرها تزوج الصغير قبل الكبير .. هاا ..
الكل يناظر أم مشعل لمن استوعبوا اللي قالته ..
مشعل تلقائيا ابتسم .. بعدها ضحك وقام جلس جنب أمه : ههه هه يمــه .. ههه يعني بتعلقين أخواني لمن أنا أتزوج ههههه .. خلي الولد يكمل نص دينه .. هه ماعليك مني ههه ..
أم مشعل : شف هالولد .. أحر ماعندي ابرد ماعنده ..
مشعل يحاول يمسك ضحكته : ههه .. أحم .. يمه .. أحــم .. أنا قلت لك إذا لقيت اللي تناسبني راح تعرفين قبلها .. وهذي بوسه على الراس حق أغلى الناس ..
ام مشعل حز بنفسها أنه ماتزوج لحد الحين : بعد عني بعـد .. أدري تبغى تلعب علي بكم كلمة .. بس هذا كلمتي ولا راح أثنيها .. إذا تزوجت أنت يامشعل .. أخلي رامي يفكر يخطب ..
مشعل ابتسم نص ابتسامة وقام يحك شعره بيده اليسرى : عااد يمـه تخيلي أن اللي يبغيها رامي .. تنخطب وتوافق .. ذيك الساعة بيزعل ولا راح يتزوج صدق ..
رامي كان يناظر أمه على أمل أنها تسمع كلام مشعل ..
أم مشعل سفهته وفتحت الكتاب ورجعت تقرا ولا ردت عليه ..
مشعل حاول يمين شمال يكلم أمه بس هي ماعطته وجه أبداً .. لمن طفش : أم شعووول .. يرضيك أنا ولدك البكر كذا تسفهيني ..
أم مشعل اللي يشوفها يعرف على طول أنها مندمجة بالقراءة ولامعطيته وجه ..
مشعل ناظر سمر وسامي ورامي وهو يفكر فجأة ابتسم ابتسامة خفيفة وغمز لأخوانه .. ورمى نفسه على الكنب ومدد يدينه على ورى الكنب .. ورجع راسه لورى وهو يناظر السقف .. وقال بهدوء وطفش : خلاص شكلي بتزوج .. (وناظر أمه بأطرف عينه) ..
أم مشعل مسترسلة بالقراءة ولا كأنها سمعت شي ..
مشعل رجع يناظر السقف وتنهد وقام يكلم نفسه بصوت مسموع : آآآآآه .. شكلي بخلي أمي تدور لي ..
أم مشعل على طول سكرت الكتاب ولفت على ولدها : خلاص أنا عيني على وحدة من زمان ..
مشعل على وضعيته بس رفع راسه وابتسم بمكر : هههه يعني يوم أكلمك ماتعطيني وجه .. بس حق سالفة الزواج جاهزة ..
أم مشعل عرفت ان مشعل كان يلعب عليها : مشعــل ..
مشعل يستعبط : لبــيه ..
أم مشعل : خلاص أنا اليوم راح أخطبها لك .. وأنا متأكدة أنها تناسبك ..
مشعل بفضول : إذا اليوم بتخطبينها يعني هي من عايلتنا ؟؟ ..
أم مشعل ابتسمت له لأنه أخيرا سأل : وتعرفها ..
سمر بهاللحظة انقزت جنب أمها من الجهة الثانية لأن مشعل جالس على يمينها : من هـي ؟؟ ..
سامي قرب من أمه وجلس على الطاولة اللي قبالها : إيه من هي اللي بتعطينها للشايب ( يقصد مشعل ) ..
مشعل ناظره بأطرف عينه وهو شبه مبتسم ولا رد ..
أم مشعل : بعد ما أخطبها راح تعرفونها ..
الكل ماعدا رامي : لاااااا ..
مشعل : يمـه مايصير .. قولي لي شنو أسمها عشان اعرف إذا تعجبني ماتعجبني .. تناسبني ماتناسبني ..
أم مشعل : يعني تشكك بذوقي .. بقولك بس هاااا .. إذا عرفت اسمها الحين أتصل على أهلها عشان نحدد موعد بكرة نجي عندهم وأكلمهم بالموضوع ..
سمر وسامي باستغراب : ليه بكرة ؟؟ ..
مشعل توهق مع أمه أهو أساساً مايبغى يتزوج بس يمزح معاها وهي صدقت : يوه يمـه .. ليه كل شي سريع سريـع .. وأنا بس سألتك عن اسمها ولا قلت أبغيها ولا لأ ..
أم مشعل : أولا عشان البنت ماتروح من يدينا .. ثانيا عشان ماتقدر تتهرب وتقول ما أبيها وما أدري إيش من خرابيطك ..
مشعل قام يحك راسه يحاول يطلع له مخرج من هالورطة : يعني أفهم إني مغصوب ؟؟ .. يمـه أخاف ماتناسبني وتوهقين بنت الناس معاي ..
أم مشعل : لا مو مغصوب بس أنت بصراحة مصختها ..
مشعل قام يفكر وقرر أنه يسأل أمه عن اسمها عشان يعرف إذا ما تناسبه يقنع أمه بطريقته : طيب قولي لي اسمها وبكرة روحي عند أهلها ..
أم مشعل ابتمست : دانيا بنت عمك بو احمد ..
مشعل ناظر امه وهو معقد حواجبه : دانيا ؟؟ ..
سمر ابتسمت : الله تصدقين يمه أحسها تناسبه ..
سامي بمزح : هااا شراي الشايب ؟؟ ..
مشعل مو مع سامي يفكر بدانيا هل تناسبه أو لا : أهآآ .. بس مو كأنها صغيرة علي ..
أم مشعل : يووه شنو صغيرة يا مشعل أنت 29 وهي 22 بينكم سبع سنوات تقريبا عادي ..
مشعل حط يدينه على راسه يفكر وبنفسه "" ساميوه يقول شايب .. بس أنا مافيني شيب .. بس أنا صحيح بدخل الثلاثين ولاتزوجت .. ولازم أفرح امي .. لازم أتنازل شوي عن أفكاري الصعبة "" وتنهد : خلاص يمه اللي تشوفينه ..
أم مشعل يقال صار عندها عيد قام تزغرط ذيك الزغروطة : كلللللللللللللللللللللللللللللللللللللللللللللللوووووووووووووووووووش
مشعل وسامي وسمر ورامي ناظروا أمهم مستغربين بعدها ضحكوا : ههههههههههههه ..
مشعل : هههههههههه يمه لهالدرجة تبغين الفكة مني ..
أم مشعل الفرحة مو سايعتها والإبتسامة من الإذن للأذن : والله ماصدق أن هاليوم جا ..
سمر : وهذا أنتوا ماكلمتوا أهلها ..
سامي يتصنع الغيرة : أجل أنا إذا خطبت غصب عنكم بتسون لي أكثر من مشيعل ..
أم مشعل : توك صغير ..
رامي أخيرا تكلم : وهذا مشعلوووه وافتكينا منه .. وأنا يعني متى ؟ ..
أم مشعل : إذا ملك أخوك راح نكلم أهل اللي تبغيها .. بس الحين مافيه ..
رامي ضرب رجله بالأرض : يووه يمه شنو يصبغني ( يصبرني ) لذاك الوقت ..
ام مشعل : كل تأخيره فيها خيره .. ( وقامت لغرفتها) ..
في بيت عبدالرحمن ( بويوسف ) ..
يوسف جالس على طاولة المطبخ وعكازته جنبه ومتكتف قبال أمه ويناظرها تسوي حلويات وكيك : يمـه لاتعبين نفسك .. خليني أتصل على المخبز يجيبون كل شي جاهز ..
أم يوسف تحط الكيكة في الثلاجة بعد مازينتها : لا خلاص مابقى شي .. وأنت روح أرتاح في الصالة ..
يوسف مسك عكازته يلعب فيها وبمزح : يمه شفيك .. كل دقيقة روح أرتاح روح أرتاح .. شايفتني عجوز .. قولي طردة ماتبغيني ..
ام يوسف ابتسمت له : لا مو طردة بس شنو تسوي هنا ..
يوسف نزل بخفة من الطاولة مع أن رجله للحين فيها جبس .. وراح لجهة البسكوت اللي أمه سوته وأخذ له وحدة وأكلها : شغلتي والله هنا أني أذوق اللي تسويه أم يوسف وأعطيها رايي ..
أم يوسف شالت الصحن من قدام يوسف لأنها تدري أنه راح يقضي عليه : هههه لو ظليت دقيقة وحدة هنا راح تخلصه .. يلا روح عند أخوك تركي ..
يوسف : تريييك مالت عليه جالس على التلفزيون .. لو عندي أخت .. كان جلست معاها .. وساعدتك الحين ..
أم يوسف ابتسمت لتفكير ولدها ..
يوسف وكأنه قرر يطلع من المطبخ .. وقبل لا يطلع : جد يمـه ليه مسوين عزيمة عندنا .. لاتقولين عشاني نجيت من الغرق .. تراه سبب سخيف مع أحترامي ..
أم يوسف : إممم عادي .. حرام نسوي عزيمة في بيتنا ؟؟ .. مافيها شي ..
يوسف وهو يمشي بهدوء بالعكازة : طيب إذا بغيتي شي أنا بغرفتي على جهازي .. مو تتصلين على أبوي ..
أم يوسف ببتسامة : إنشالله ..
&&&&&&&&&&&&&&&&&&
على الساعة ثمان الليل الكل تجمع بيت بو يوسف ..
وبما أن عايلة بويوسف صغيرة مو كبيرة فـفلتهم مو كبيرة بالمرة متوسطة الحجم .. الرجاجيل جلسوا بالمقلط .. والحريم بالصالة .. والبنات والشباب بالصالة الثانية المفتوحة على صالة الحريم ..
ريان : يعني متى زواجك .. ؟؟
احمد : بعد اسبوع بإذن ربي ..
سامي ببتسامة صفرا : الله يتمم عليك ..
أحمد ابتسم : تسلم ..
ملاك : اقول مو كأنه ناقص أحد ؟؟ ..
فارس : تقصدين رائد وطلال ..
ملاك : إيـه ..
فيصل يناظر ساعته : بعد عشر دقايق تنتهي مناوبتهم ..
سارة : أجل انت مناوبتك متى ؟؟ ..
فيصل : من الساعة وحدة للصبح ..
دانيا : واعليا وعليك يا أخوي .. الطب ومايسوي .. وأنت متى مناوبتك ؟؟ ( تقصد مشعل ) ..
مشعل ناظرها بنظرات لها معنى : من الصبح للظهر دوام عادي ..
يوسف حط رجل على رجل بشوي شوي عشان رجله لاتألمه : أجل يبغالي أدخل طب النفسي مثلك أريح عمري .. ما ابغى أتجرجر بالمستشفيات في نص الليل ..
رامي : بتدخل طب ..
يوسف : أكييد .. بعد الجهاد والحرووب في علمي مستحيل ما أدخل طب ..
رهف : وأنتوا طب ؟ .. ( تقصد سامي و فارس ) ..
فارس وسامي : إنشالله ..
وجلسوا يسالفون ربع ساعة ..
رامي دق أخوه مشعل بالخفيف وهمس له : وجع قزيت البنت قز .. غض البصغ (البصر) ..
مشعل نزل عينه عن دانيا كان يحاول يدرس كل حركة تسويها وتعابير وجهها .. ابتسم على كلام أخوه ..
مسك : مو كأن خالي رائد وطلال تأخروا
ما أمداها تخلص كلمتها إلا طلال ورائد دخل وهم يتنحنحون بصوت عالي ..
طلال ورائد : أحـــم أحم يااااولد طررييييق ..
الكل : تفضلوا ..
طلال ورائد بنفس الوقت : الدكاترة وصلوووا ..
الكل : ههههههههه ..
وجلسوا جهة صالة الشباب والبنات ..
مشاري : بل بل بل .. ( ولف على مسك الي قباله ) لو طاريه المليون مو احسن ..
طلال ورائد على طول طلال بعد سمر عن يمين مسك ورائد بعد سارة عن يسارها وخلو مسك بينهم : يابعد حيي والله ..
فيصل : غريبة تأخرتوا شوي ؟؟ ..
رائد يحرك شعره : آآآآهـ بس كانت عندنا عملية وتأخرنا فيها شوي ..
دانة بمزح : وعسا ماذبحتوا المريض ..
طلال ابتسم : ههه لا فال الله ولا فالك .. الحمدلله نجحت العملية ..
تركي : ترا مو بس أنتوا اللي عندكم شهادات من أمريكا .. والله مو بس أنتوا الدكاترة في البلد ..
أحمد : صدقت بهاذي ذبحونا دكاترة ودكاترة ..
رائد تنهد : على بالكم هالشهادت جات من هنا والطاير ..
طلال : هذي تعب سنين .. هذي شقا عمر ..
رائد : هذي اللي خلتني أبكي بسبب صعوبتها .. وبعدتنا عن أهلنا ..
طلال : صدقت أهم مو حاسين بهالشي إلا لمن يجربون الغربة سبع سنوات بعدين خلهم يتكلمون ..
تركي : بــس بس بس الله لايقوله بس أني أتغرب .. بدرس هنا عسكررية وبفك عمري ..
الكل تخيل تركي عسكري انفجروا ضحك : ههههههههههههه ..
مسك : ربى انتي الحين بأي شهر ؟؟ ..
ربى بهدوء وابتسامة صافيه : الثامن ..
مسك : ربي يسهل عليك ..
روان : يؤ بالثامن مو مبين عليك كأنك الخامس أو السادس ..
دانة : ماعرفتوا جنس البيبي ؟ ..
فيصل : لا مانبغى نعرف ..
أحمد : ليـه ؟؟ ..
ملاك تقلد على فيصل : نبغاها سبرااايز ..
الكل : هههههههه ..
ريان : إذا جا ولد شنو بتسمونه ؟؟ ..
ربى : إنشالله عبدالله ..
مشاري : وإذا بنت ؟؟ ..
دانيا تدخلت وبغرور اصطناعي : أكيييييد مايبغى لها دانيـا ..
مشعل : وااثقة ..
دانيا : ويحق لي ..
الكل : ههههههههههه ..
سارة ورهف : مصدقة عمرها ..
فيصل : ههه لا شنو تبغين بنتي تتعقد بنسميها الهنوف ..
دانيا : قطييعة الهنوف .. من يحصل له أصلا الشرف أنه يسمي ورعانه علي ..
ياسر يقاله بيسولف : أقول مشاري متى تتزوج ؟ ..
مشاري ناظر ياسر بعدها ناظر مسك بأطرف عينه : والله لمن المدام تحدد الموعد ..
رائد بصوت الكل سمعه : مسك شرايك آخذه وآخليه لتجارب التشريح ..
الكل : ههههههه ..
سمر لروان بهمس : روان قومي معي لدورة المياه (وأنتوا بكرامه) ..
روان بنذاله وهي مبتسمة : قولي لسارة ..
سمر لسارة : سارة قومي معاي لدورة المياه .. (ويوم حست أن سارة راح ترفض قالت برجى) .. بلييييز ..
سارة : طيب طيب ..
وقاموا ثنتينهم ..
تركي : ويـن ؟؟ ..
سارة : بلا لقافة ..
سمر : ساارة .. ( ولفت عن تركي وهي تبتسم ) بس تدليني دورة المياه ..
تركي ناظر سارة وهو يرفع حواجبه يغايظها : أهآآ ..
راحوا لجهة دورة المياه .. دخلت سمر وسارة واقفة جنب الباب ماسكة عباية سمر وتناظر نفسها بمراية المغاسل اللي جنبها ..
فجأة جا سامي يركض وهو حاط يده على فمه و انحنى جهة أقرب مغسلة واستفرغ وهو يكح ..
سارة استغربت من حاله كان من دقايق مافيه شي .. بس انقرفت يوم شافته يستفرغ فلفت وجهها وهي مغمضه ..
سامي وقف استفراغ وفتح ماي المغسلة وتمضمض وغسل وجهه وهو متكي بالمغسلة يحاول يصلب طوله و منزل راسه يكح بقوة وعيونه دمعت .. قام يتكلم بصعوبة وبصوت مبحووح ويناظر سارة بعيونه العسلية الناعسة : كــح كح .. سس سااررة .. كح ..
سارة لفت وجهها لجهته وهي تفتح عيونها ببطئ وخايفة من حالته : شفيك ؟؟ ..
سامي يحاول يفك أزرار قميصه الفوقيه بصعوبة بيده اليسرى ويده اليمنى متكي فيها بالمغسلة : كح ممششعـل كــح كح كح .. نن نـاديــه كــح .. (وكتم صرخته اللي كانت بتفلت منه وهو على وشك البكاء) آآآآآآهـ .. كــح كح ..
وسالت دمعته على خدينه وهو يرجف وبسرعة لف ظهره لسارة مايبغى تشوفه بهالحالة .. بس سارة مافاتها دمعته ماستحملت أول مرة تشوفه يبكي .. رمت عباية سمر .. وقربت منه بهدوء .. بعدها رفعت راسها بتروح تنادي مشعل .. شافت مشعل واقف يناظر سامي بخوف ممزوج بروعة ..
مشعل راح عند سامي ومسكه وقام يهزه بخوف : سااامي ساااااامي .. أنت معاااي ساااميووه و وجع رد علي ..
سامي رفع يده لحلقه وهو يتنفس بصعوبة وهو يبكي بصمت .. ومشعل فهم عليه وقام يدور بجيوب سامي بتوتر : ويييين ذلف
ولقى مشعل البخاخ وحطه في فم سامي الي يبكي ويده على بطنه ..
طلعت سمر من دورة المياه (وأنتوا بكرامة) .. وانفجعت بشكل أخوها سامي وشكل مشعل الخايف عليه حطت يدها على قلبها .. سارة اللي كانت تراقب بصمت شالت العباية وعطتها سمر وهي مازالت مصدومة من بكاء سامي : ألبسي يمكن يجي أحد ..
لبست سمر عبايتها باهمال وجلست جنب سامي ومسكت يده وخايفة : سامي شفييك ..
سامي مارد عليها بس سكر عيونه يحاول يمسك دموعه مايبغى أحد أكثر يشوفهم .. وضغط على يد سمر بقوة يمكن يخف الألم اللي يحس فيه شوي لدرجة أن سمر حست أن يدها راح تنكسر بس ماقالت شي .. بعد دقايق رجع تنفس سامي للطبيعي بس لازال يتلوى من الألم ..
مشعل بشك : سامي شفيك ..
سامي مسك بطنه مو قادر يتحمل حاس ان بطنه يتقطع قطعة قطعة .. و وقف مرة ثانية واستفرغ ..
مشعل : بطنك .. شنو ماكل ؟؟ ..
سامي يتكلم بصعوبة : ووولا ششـي ..
مشعل : ساامي لاتكذب .. وجهك أصفر .. شنو أكلت أمس واليوم ..
سامي غسل وجهه مرة ثانية : مما أكلت ششي .. بب بس أكلت جهر اللومي (بودرة بيضا لونها أبيض حامضة عرفتوها ^^" هع ) ..
مشعل صطره كف على وجهه وهزه بقوة من كثر خوفه عليه : انت حمااار .. ماتفهم .. من أمس ماكلت شي واليوم نفس الشي .. ولا بعد تاكل شي حامض تبغى تجيك قرحة المعدة أنت .. وأنا أقول ليه وجهك شاحب .. الحين الحين تاكل ولا راح يغمى عليك .. سارة
سارة فهمت وتحركت : طييب ثواني ..
سامي اللي كان على الأرض يتنفس بسرعة وماسك بطنه بيده اليمين ويده اليسار على خده .. حس بمشعل وهو يجلس جنبه ويناظره بنظرات حنية .. بهدوء قال سامي وهو يحس بتأنيب الضمير : أأ .. أسسـف ..
مشعل حط يدينه على جبهته وحركهم لمن رجع بعض خصلات شعره لورى و وصلت يدينه ورى رقبته وهو يتنهد بعدها نزلهم لعيونه مرة ثانية وكأنه يفكر : لاتتأسف ..
بسرعة البرق راحت سارة المطبخ وجابت فطيرتين وعلبة عصير .. مدتهم لمشعل وهي تلهث : خذ ..
مشعل أخذهم ومد فطيرة لسامي وفتح العصير له : أكل والحين ..
سامي متضايق ومعدته تألمه ويناظر الأرض : ططيب بس هنـا مم.. ما أبغى أطلع عششان أمي
مشعل فهم على سامي أنه مايبغى أمه تحاتيه : أنا بجلس معاك لمن تخلص ..
وبدا سامي ياكل ومشعل جالس جنبه على الأرض ..
سارة حست على دمها .. ومسكت سمر : قومي نرجع ..
سمر : بس
سامي بلهجة أمر وهو يناظرها بعيونها : ارجعي ..
سمر تركت يده وقامت بهدوء وراحت مع سارة للصالة ..
مشعل يناظر أخوه سامي ويفكر بنفسه "" سامي ورامي هالأثنين بيجننوني .. واحد بيذبح نفسه بالتدخين وحزنه على أبوي .. والثاني مهمل مرضه اللي ممكن يقتله بأي لحظة تساهل فيه والسبب لأن أبوي راح .. آآآآآهـ لو أنك يا يبا موجود كان عرفت تتصرف معاهم وماكان حالهم كذا .. ما أقول إلا الله يرحمك .. "" ..
&&&&&&&&&&
أول مارجعوا سمر وسارة .. الكل قام يناظرهم وعلى وجيهم علامات الأسئلة ..
رامي ناظر سمر وبحذر : سمغ (سمر) .. سامي فيه شي ؟؟ ..
سمر عيونها تتنقل بين الكل .. وماردت على رامي ..
فيصل : سمر أخوك فيه شي ؟؟ لأن مشعل راح له ولا جى للحين ؟؟ ..
سارة ترقع : شفيكم كذا .. مافيه شي ..
رامي وقف : أنا أقوم أشوفه .
إلا يقاطعه مشعل الي توه دخل ومعاه سامي : لي كلام وياك بالبيت .. ( ويلف على رامي ) .. هذا هو شوفه .. مافيه شي بس شكل معدته قالبة عليه شوي ..
بعد فترة مو طويلة .. طلع مشعل مدة خمس دقايق ورجع ومعاه جاو الرجاجيل ماسكين أوراق معاهم للصالة وتجمعوا كلهم .. والبنات والشباب على روسهم علامة استفهام ..!
بوفارس تكلم : طبعا كلكم عارفين أن أحنا اليوم متجمعين في بيت أخوي عبدالرحمن بويوسف عشان يوسف أنه نجى من البلا اللي كان راح ياخذه ..
يوسف نفخ ريشه ورفع يدينه بطريقه استهباليه : شكرا شكرا شكرا أخجلتم تواضعي .. لاداعي للتصفيق شكرا شكرا ..
الكل : هههههههههههههههههههه ..
بويوسف : ههه اهجد ياولد .. وهالتجمع له سبب ثاني ..
الكل لف على يوسف يضحكون عليه : وييييييووو فشلوووووه فشلووووه ..
يوسف تفشل شوي : ههههههه .. الله يصلحك يبه فشلتني خخ ..
بومشاري يسأل الشباب والبنات : فيه شي ماتعرفونه ونسيتوه من فترة والغريبة أن ما حد منكم سأل عنه ..
روان وسارة طق فيهم عرق اللقافة : شنو ؟؟ ..
رهف تفكر : إممم مافيه شي ..
دانيا نفس الشي تفكر : صحيح مافيه شي ..
ملاك : طيب قربوا لنا ..
دانة : ليه هو أنتي في اختبار ..
سمر ومسك : عمي شنو ؟؟
مشعل ابتسم : يوه معقولة ماعرفتوا ..
الشباب كلهم ساكتين ويناظرون الرجاجيل ومشعل ولا قالوا شي ..
بو أحمد رفع جريدة كان ماسكها : نتايج الإمتحانات ..
هنا الكل قاموا يناظرون بعض توهم يذكرون أنهم ما استلموا نتايجهم لأنهم كانوا مسافرين .. وكل واحد قام يناظر الثاني بنتظرات توتر وقلق ..
بو أحمد باستفسار : هاا نبتدي بالأولاد ولا البنات ..
البنات بسرعة : لالالالا الشباااب أول أول ..
الشباب قاموا يصارخون : لالالالا البنااات أول .. الليدي فيرست ..
بو مشاري رفع أوراق في يده : خلاص أنا ببتدي ..
البنات عيونهم تعلقت في بومشاري ..
بو مشاري يناظر الأوراق في يده : روان ..
روان فز قلبها : إيــوا ..
بومشاري ابتسم : مبرووك ممتاز 86% ..
روان انقزت وحضنت أبوها : صحيح .. اشووف أشووف ..
بومشاري عطاها شهادتها : خذي ..
روان خذت شهادتها ورجعت جلست وهي مبققة عيونها بالشهادة والبنات التموا عليها ..
روان لأمها : شفتي يمه أنا اذاكر .. أبغى الحلاوة منك ..
أم مشاري تبتسم : إنشالله ..
بس بومشاري قاطعهم : رهــف ..
رهف حطت يدها على قلبها : لبيــه ..
بومشاري يناظر الدرجات حقينها : 88% ألف مبروووك ممتاز ..
رهف انقزت وراحت عند ابوها وسلمت عليه وباسته على خده بفرح : الله يبارك فيك ..
أم مشاري : ألف مبروك ياراهف تستاهلين ..
رهف باست راس أمها : تسلمين ..
بومشاري ابتسم ولف على بوفيصل : خذ شهادة بنتك ..
بوفيصل أخذ شهادة ملاك وابتسم وهو يناظر ملاك : هااه ملووك تبغين تشوفين شهادتك ..
ملاك تناظر أبوها بخوف : قول ..
بوفيصل يلعب بأعصاب بنته : لالا يا ملاك شنو هذي الدرجاات (ويعقد حواجبه) ملاك شنو هذي ؟؟ ..
ملاك طاح قلبها حطت يدها على قلبها : كم خذت ؟ ..
فيصل يخوف ملاك : أكيييد درجات نازلة انا أعرفك ماتذاكرين ..
ريان يكمل عليها : صدقت كم مرة اشوفها تلعب قيم بوي في أيام الإختبارات ..
هنا ملاك شوي وتصيح : يبـه ..
بوفيصل : خذتي خذتي نسبتك هي .. إممم ..
أم فيصل : هههه لاتلعب في أعصاب البنت ..
ملاك أعصابها شوي محروقة عليها خخ .. قامت وراحت عند أبوها : يبــه قول لاتلعب فيني ..
بوفيصل معقد حواجبه : 87% ..
ملاك تناظر أبوها لفترة لمن استوعبت قامت تصارخ وحظنت أبوها : وااااااااا .. حرقت اعصابي .. عاد أنا أبغي هدية على هالنسبة ..
بوفيصل يضحك : ههههه لاتستعجلين ..
بومشاري يعطي مشعل شهادة سمر : خذ ..
مشعل اخذ شهادة سمر وهو يبتسم : سمر ..
سمر قلبها يدق ولا دق الطبول : هلا ..
مشعل يأشر على خده : اول تعالي عطيني بوسة واقولك ..
الكل : ههههههههههههه ..
سمر قام وهي تضحك : وهذي بوسه يلا قول ..
مشعل : 97% مبرووك ..
سمر راحت على طول لرامي اللي فتح ذراعينه لها ..
رامي مبتسم : ألأف مبغوك (مبروك) تستاهلينا والله ..
سمر مو سايعتها الفرحة : تسلم ( ولفت على أمها اللي نفس الشي فتحت ذراعينها لها ) .. شرايك يمـه ..
أم مشعل : كفو ياسمر الله يوفقك ..
سامي بمزح دق أكته بكوعه بالخفيف بعد ماخف ألم بطنه بعد ما أكل : أقول سمور بس درينا أنك خذتي نسبة عالية .. اهجدي ..
سمر ابتسم لأخوها ..
طلال يحضن سمر : ماعليك منها لاتخرب عليها .. بنت أخوي والنعم فيها ترفع الراس ..
روان ورهف وملاك بصوت وآآحد : وأحنااااا ..
طلال يحرك حواجبه : أقول هي أعلى نسبة فيكم تستاهلها وأكثر بعد ..
رائد يناظر سارة ومسك ودانيا ودانة : بعد من بقى من البنات هاا ..
بومشاري أعطى أخوه بوفارس شهادات سارة ومسك : استلم ..
بوفارس : تسلم .. ها مسك ولا سارة .. من أول ..
مسك وسارة كل وحدة تأشر على الثانية بنفس الوقت : هـي .. لالا أنتي .. خلاص ..
الكل ضحك على أشكالهم : هههههههه ..
بوفارس : سارة ..
سارة ناظرة ابوها : عطني إياها من الأخير ..
بوفارس ابتسم على استعجال بنته : 89% مبرووك ..
سارة صرخة ذيك الصرخة اللي خلت الكل يسد أذانه خخ .. وراحت لأبوها وسحبت منه الشهادة مو مصدقة : أشووف أشووف واااااو .. روانوووه شوفي شوفي ..
رائد قام وشاف شهادة سارة وضربها على ظهرها بفخر : ألف مبرووك تقر عينك فيها ..
سارة وقفت عند الكنبة وتهاوت عليها وهي حاطة يدها على قلبها : وقسم ولا الولادة ..
الكل : هههههههههه ..
بوفارس : مسك تتوقعين كم ..؟
مسك تفكر بثقة : إمم يمكن سبعة وتسعين أو سته وتسعين ..
بوفارس : لا 98% ألف مليون مبروك ..
مسك استانست وخذت شهادتها بعد ما باست راس أبوها وسلمت على أمها .. الكل فرح عشان مسك وباركو لها ..
طلال هنا نقز وطبطب على ظهرها : ماهي بغريبة طالعة علي ..
رائد نقز هو الثاني ومسك يد مسك : من يقول .. أصلا هي طالعة علي ..
طلال تخصر : من يقول .. ؟؟
رائد : أنا أقول ..
طلال : لااا ..
رائد ينعم صوته مثل البنات : إيييه ..
طلال : انقلع طالعة علي ..
رائد : انت الي ضف هي طالعة على خالها جميل العرب رائد ..
طلال : يالواثق ..
مشاري هنا وقفهم : بس بس .. لا أنت ولا هو .. طالعة علي خلاص ..
طلال ورائد لفوا عليه بنفس الوقت : اسكــت ..
الكل : ههههههههههههههه ..
بو احمد : وطبعا بناتي دانة ودانيا انجحوا بنسبة حلوة ..
الكل بارك لهم ..
بوفيصل : والشباب نفس الشي اللي بالجامعة انجحوا ..
بوفارس : بــس ..
الكل لف على بوفارس ..
بوفارس : بس فيه خمس أشخاص شهاداتهم ماقلناها ..
بويوسف : تركي 79% إنشالله المرة الجاية أحسن ..
تركي ولا هامه : إنشالله يبـه ..
بوأحمد : ياسر ..
ياسر ابتسم : هلا يبــه ..
بو أحمد : 79% مثل تركي إنشالله نسبة احسن في السنة الجاية ..
ياسر معتبر هالنسبة حلوة بالمرة بالنسبة له و شاق الضحكة : إنشالله ..
ريان لف يوسف وفارس وسامي : باقي الثلاثي المرح .. نسبة العمر اللي تحدد مستقبلهم ..
الكل لف عليهم ..
بوفارس رفع الجريدة اللي كان ماسكها : هذي يبغالها الجريدة .. من يبغى اول ..
أحمد : أنا أقول فارس ..
مشاري : خلنا نشوف حقت سامي ..
فيصل : لالا يوسف ..
مشعل : أنا أقول نشوف حقت فارس ..
دانيا : ليه مانشوف حقت سامي بالأول ..
روان : لا حقت يوسفوه أول ..
سارة : لالا بس فارس اخوي اول ..
وجلسوا يتناقشون من يقولون نسبته أول ..
يوسف علا صوته وقطع عليهم : أحنا على أعصابنا وأنتوا تتناقشون من الأول .. أقول بلا خوف بلا هم قولوا نسبتي أنا أول ..
بوفارس ناظر بويوسف وهو يبتسم : خلاص خذ قول نسبة ولدك ..
بويوسف أخذ الجريدة وظل يقرا فيها يسوي نفسه يدور اسم يوسف مع أنهم حاطين دوائر بالأحمر على اسم فارس ويوسف وسامي .. بس هو يبغى يلعب بأعصابه ..
بعد دقيقتين تقريبا مل يوسف : يووه يبا كل ذا تدور أسمي ..
بويوسف ابتسم وسوا نفسه لقى الأسم : بس بس لقيته ..
يوسف ماسك عكازته : يبـه من الأخر لو سمحت ..
بويوسف : يعني لازم تعرفها ..
يوسف رص بيده على العكازة : يبـــه ..
بويوسف ابتسم لولده : مبروك يالدكتور ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك