رواية اذا انتثر دمع عينك -30

رواية اذا انتثر دمع عينك -30

سارة : إممم لالا خلينا ناخذ شي سنبل .. شرايك بهذي أحلى ..

روان : إممم بتطلع رووعة مع الفستان ..

من جهة ثانية عند مسك وسمر ..

مسك تستشير سمر : والله محتارة شنو احط ميك أب ..

سمر : إممم أشوف فستانك أول ..

مسك خذت الكيسة وطلعت فستانها : هذا هو ..

سمر : طيب أنت شنو بتسوين بشعرك ..

مسك ورتها الكتلوج : مثل كذا ..

سمر : حلو حلو .. أجل سوي لك مكياج بس لاتخلينه أوفر .. لأن ملامحك حلوة وطريقة التسريحة اللي بتسوينها تناسب السنبل ..

مسك : أووك .. تسلمين يابعدي ..

سمر : ولو عادي ..

وعند رهف وملاك ..

ملاك جالسة على الكرسي وقاعدة تفهم الكوفيرة اللي تبغيه : أبغيك تسوينه كذا سويه هنا كيرلي وسويه كذا .. فهمتي ؟؟ ..

سارة انقزت بالكتلوج : تقصدين كذا ؟؟ .. ترا انا وروان بنسويها ..

ملاك : إييييييوا .. جيبي أوريها ..

العاملة السعودية شافتها : إيوا خلاص .. بسم الله ..

العاملة الثانية لرهف : وأنتي تبغين مثلها ولا ؟ ..

رهف : لالا شوفي نفس هذي الصورة اللي معلقة أبغى مثلها ..

العاملة : مثلها بالضبط ماتبين زيادة عليها أو شي ؟؟ ..

رهف : لالا نفسها بالضبط ..

العاملة : بس هالتسريحة تحتاج قص ..

روان شهقت : رهييف بتقصيين ؟؟ ..

رهف ترقع : إيه بقص بس على طوله ..

روان : أول شي اتصلي على أمي استأذني ولا بتذبحك ..

رهف : أووف طيب ..

واتصلت على أمها وتمت فوق العشر دقايق تترجى امها .. وشوي بتصيح .. وامها مو راضية لها ..

رهف سكرت من أمها وهي متضايقة : مارضت ..

سمر تخفف عنها : رهوف سوي مثلي كذا .. والله حلو .

رهف : خلاص سوو أي شي ..

سمر للعاملة : سوي لها مثل هذي مرة حلوة عليها ..

العاملة : ولا يهمك .. بسم الله ..

وأخيرا عند دانة ودانيا ..

دانيا خلصت الميك أب حقها وكان مو مرة ثقيل وقامت للبنات : بنااات شو رأيكن ..

البنات أنواع المدح لها ..

رهف : شكلك تبغين تنخطبين اليوم بالعرس ..

دانة بنذالة : ومن قال لكم أنها ما انخطبت ..

البنات كلهم لفو : شنوو ؟؟ ..

دانيا لفت لأختها وحركت يدها بمعنى هين ..

دانة لسمر : سموور ماقلتي لهم ..

ملاك لسمر : شنو اللي ماقلتي ؟؟ ..

سمر ابتسم وهي تنتظر دورها للميك أب : يؤ نسيت أقولكم .. مشعل أخوي خطبها قبل أسبوع ..

البنات كل وحدة فتحت عيونها على الأخر واللي شهقت من زود الصدمة خخ ..

سارة : يالخاينة وليش ماقلتي لنا ..

سمر : ما ادري حسيت الموضوع مايستاهل أني أقولكم وماصار شي ..

مسك : وأنا اقول شفيها البنت هالأسبوع رايحة بالعسل ..

دانيا بعفوية : وش دراكم أني بوافق يمكن ما أوافق ؟؟ ..

ملاك : يعني بترفضينه ..

دانيا انبهت أن أخته سمر هنا : ها .. أأ .. أسفة سمر ماكنت أقصد .. بسـ..

سمر قاطعتها : ههه عادي .. الزواج قسمة ونصيب .. وهذي حياة عمر .. مو لعبة ..

دانة بنغزة : أقول مسك شنو مسوية مع مشاري ..

مسك ارتبكت : أأ .. الحمدلله ..

ملاك : إيه صدق اليوم بتشوفينه بالكشخة ولا ؟؟ ..

مسك ماردت ..

سارة : هههه مايبغالها عاد ..

رهف : اقووول اعقلوا عن مرت أخوي ..

دانيا : عشتو من الحين ..

رهف : أكيييد هذي مسك مو اي شي ..

سمر : ههههه أقول رهف اخلصي على المرة ولا تتحركين كثير ..

رهف انتبهت للكوفيرا : سوري .. وتراني مانسيت السالفة ..

دانيا : أي سالفة ..

سارة تخصرت : سالفة الخطوبة صبري في محظر بينفتح ..

دانة : الله يعينك ..

&&&&&&&&&&&&&&&&&&&&&&&&&&&&

بنفس الوقت في الصالون الرجالي ..

عند أحمد جالس على الكرسي والحلاق يضبط له ذقنه ..

رائد واقف جنبه : من قدك يالمعرس ..

أحمد ماتكلم لأنه مايقدر قاعد يحلق ..

طلال : فله عرس ولد أختي .. من زمان عن العروس ..

يوسف اللي كان متشقق من الوناسة لأنه فك الجبس ولابس ثوب وشماغ : ألف مبروك .. عقبالي وعقبال الكل ..

الكل : آميـــن ..

يوسف لف عليهم : ول كلكم شكلكم طايحين في الحب إلا أنا ..

ريان : إلا صدق يا مشعل .. سمعت أنك خطبت دانيا صحيح ..

مشاري : أووه أووه .. أنا أدري من زمان أنه غار مني ..

مشعل : هههه أصلا مبعد يصير شي يمكن مافيه نصيب ماتدرون ..

فارس بمزح : يالخااين كذا تخون اسيل اختي .. ما ارضى تصير لها ضره ..

مشعل : أفاا عليك كل وحدة في بيت ..

ياسر : هي انت وياه مصدقين السالفة ..

رامي : تعال تعال ..

ياسر : هااه ..

رامي انحنى لياسر : ضبط لي الشماغ ما اعغف (ما أعرف )..

ياسر ناظره ببلاهه وضحك : هههه من جدك ؟؟..

رامي ابتسم بهدوء : يعني لو اعغف (أعرف) طلبت منك .

تركي : هههههه أول مرة أشوف واحد مايعرف يسوي الشماغ ..

طلال سحب رامي و وقفه قباله : تعال يابو عيون ملونة .. تعلم ..

رامي ابتسم ..

طلال يسوي له الشماغ .. ورامي واقف يناظر عمه وهو يحرك يدينه ..

طلال : بس ..

رامي ناظر نفسه بالمرايا : هههه أحس شكلي غلط ..

فيصل : صدقت .. أنت وسامي وفارس أحس أشكالكم غلط بالثوب والشماغ ..

فارس يسبل بعيونه الرمادية : شفيني .. وهـ ياملحي بس ..

سامي مسك يد فارس : ماعليك من العذال ..

فارس يستهبل ويتكلم لبناني : لك تؤبرني .. بعرف أنو أنا وانت أحلى ناس ..

سامي يضحك : ههههههه ولو ..

رائد حط يده تحت ذقنه باستهبال : الحين أبغى أعرف من البوي ومن الليدي ..

الكل : ههههههههههههههههههه ..

خلص احمد حلاقة ..

الكل : نعيييييما ً ..

أحمد الفرحة مو سايعته : الله ينعم عليكم ..

الحلاق السوري : أبضاااي .. الله يوفأقك ..

أحمد : تسلم .. أقول شباب .. شرايكم ألبس البشت ولا لأ .. احس الفكرة موعاجبتني ..

فيصل : شف هالخبل .. في عرسك وماتبي تلبس البشت ..

مشاري :انصحك نصيحة لوجه الله .. لبسه تصير رزة أكثر ..

فارس : وأتوقع أبوك بيغصبك تلبسه لو ماتبيه ..

أحمد : يعني من رايكم ..

الكل : إيــه ..

أحمد : زين زين اعصابكم .. ( وفام يتحلطم ) والله انا مسكين بليلة عرسي ويكلموني كذا ..

الكل سمعه : ههههههههههه ..

أحمد : زين واحد منكم يجيب ثوبي وغترتي من المغسلة ..

الشباب كلهم طلعت عيونهم ..

طلال : ماطلعته امس ..؟؟

أحمد ببراءة : لأ ..

يوسف : هذا اللي بيقتلني ..

رائد قام : هههه والله أنك تووحفة .. في اي مغسلة وديتهم ؟؟ ..

أحمد : مغسلة الـ ..

رائد طلع : عشر دقايق وانا جايكم ..

&&&&&&&&&&&&&&&&&&&&&&&&&&&&

في المشغل بعد ثلاث ساعات يعني على الساعة تسع الليل .. البنات كلهم خلصوا ..

دانيا : بناااات كلكم خلصتوا ؟؟ ..

البنات : إيوا ..

ملاك : ينات شوفوا مانبغى زحمة بالسيارة يعني بس كل ثنتين أو ثلاث بسيارة بس ..

روان : رايي من رايك احسن ..

سارة : صحيح عشان مايخرب المكياج ..

مسك : خلاص نتصل في مين من الشباب ؟؟ ..

دانة تحسب البنات : إذا تبغون كل ثنتين بسيارة يعني أربع سيارات .. شوفوا لكم اربع من الشباب يوصلونا ..

سمر : من الحين أنا مع مسك ..

مسك ابتسمت ..

رهف تأشر لمسك : أجل اتصلي على مشاري يوصلك انتي وسمر ..

مسك ابتسمت واتصلت على مشاري ومع الرنة الثانية رفعه ..

مشاري : هلا قلبي ..

مسك بشوي خجل لأنها مو متعودة تتصل عليه أهو اللي يتصل عليها : هلا مشاري ..

مشاري : كيف حالك يالحلوة ؟؟ إذا أنتي بخير فأنا بخير .. ها خلصتي من المشغل ؟؟ ..

مسك ابتسمت : أنا الحمدلله تمام .. إيوا خلصت .. ممكن تمرني ؟؟..

مشاري : افااا عليك تسأليني بعد .. أقول اجهزي دقايق وأجيك ..

مسك : مشاري لحظة ..

مشاري: لبيــه ..

مسك : إمم من جنبك من الشباب فاضي عشان يوصل الباقي ؟؟ ..

مشاري : دقيقة شوي .. (ونزل جواله ويكلم الشباب) .. شباااب من فاضي فيكم يوصل البنات من المشغل ؟؟ ..

ولا واحد من الشباب رد ..

مشاري : وجع كل ذا كسل ..

مشعل اللي كان جالس يلعب بلاي ستيشن ترك اليد : أنا أوصلهم ..

مشاري رفع السماعة لمسك : هلا مسك ..

مسك : هلا ..

مشاري : أنا ومشعل اللي بنوصلكم ؟؟ ..

مسك تسمع صوت موسيقى عالية وتصادم .. باستغراب : مشاري وين أنتوا الحين ؟؟ ..

مشاري : ههههه أحنا في بيت عمي بومشعل .. قطينا المعرس احمدوه وياسروه وتريك وطلال وفارس وفيصل في القاعة يستقبلون الرجاجيل واحنا رجعنا البيت ..

مسك استغربت أكثر : وليه رجعتوا أساسا ؟؟ ..

مشاري : هههههه بس كذا ماحد له خلق بالوقفة هناك مبكر .. يعني بعد شوي بنروح .. عشان لاينكسر ظهرنا نسلم على هذا ونضيف ذاك تعرفين ..

مسك : أهآآ .. ليييييش .. ( تكلم رهف ) ..

رهف اللي سحبت الجوال من مسك : أقول مطولة السالفة وهي قصيرة .. مشاري ..

مشاري : هلا ..

رهف : شووف دبر لنا سيارتين غيرك وغير مشعل .. مانبغى يصير زحمة ..

مشاري : خلاص أشوف الشباب وأرد لكم ..

رهف : أوك ..

مشاري : يلا عطي زوجتي جوالها ..

رهف تقلد عليه : عطي زوجتي جوالها .. زين ياقيس زمانك .. مسك خذي ..

مسك فيها الضحكة بس كاتمتها .. وأخذت الجوال : ألوو ..

مشاري : فديت الألوو وهلها ..

مسك ابتسمت ولا ردت ..

سارة و روان بقلقافة واقفين جنبها ويدقونها : شنو يقولك شنو ؟؟شنو ؟؟ ..

مسك تناظرهم وماردت عليهم عشان ينقهرون ..

مشاري يفكر : أقول مسك شنو سويتي بالمشغل ؟؟ ..

مسك ابتسمت : يعني البنات إذا راحو المشغل شنو يسون ؟؟ ..

مشاري يستهبل : هههه لا أقصد يعني هل يعني غيروا معالم وجهك بالاقنعة اللي يحطونها ؟؟ ..

مسك تبغى تحيره : إممم ما أدري والله ..

مشاري : خلاص أنا بشوفك وبحكم أوك ..

مسك استحت : شنو ؟؟ ..

مشاري بخبث : ههههه أقول يلا حبيبتي مع السلامة .. شوي وأدق لك تليفون عشان تطلعون أوك ..

مسك بالموت يطلع منها الحكي : طيب .. بايات ..

&&&&&&&&&&&&&&&&&&&&

من جهة ثانية في بيت بومشعل .. عند الشباب ..

مشاري سكر الجوال وهو مبتسم : أقول يلا شباب تأخرنا كثير بيلعن خير خيرنا أبوي وعمامي ..

ريان قام وهو لابس الثوب ويضبط الشماغ : الله يعيـــــــــــن ..

مشاري : شوفوا ترا البنات يبغون أربع سيارات .. عشان مايتزاحمون ..

يوسف : بعد يتشرطون ..

رائد : ماعليك منهم ..

ريان : أشوفك بصف البنات ؟؟ ..

سامي : أصلا اللي يشوف خشته مع هالشعر الطويل أضمن لك أنه مع البنات ..

رائد حرك شعره اللي لمن نص رقبته من تحت الشماغ وبدلع مصطنع : وهـ بس فديت شعري .. عيون الحساد كثااار ..

الكل : هههههههههههههه ..

مشعل : هههه لا صدق الحين أقدر أقول أنك خكري ..

رائد فك شماغه ورفع عقاله وبعربجيه : شنووو ؟؟ ..

مشعل : ههههههههههآآآآآي .. لا أصلا أنت ابو المراجل أمش بس أمش ..

رائد رجع عقاله وضبط شماغه : حسبت بعد .. قبل لاتقول خكري شوف اللي جنبك خكري ماركة اصلية مطول الشعر مع عيون ملونة ..

مشاري ناظر رامي : صدقت والله ..

رامي ابتسم : غائد (رائد) .. لو سمحت لاتدخلني .. خلقت غبك (ربك) .. شنو أسوي يعني ؟؟ ..

ريان قاطعهم : أقول تحركوا .. وتشهدوا على أعماركم تأخرنا جد ..

&&&&&&&&&&&&&&&&&&&&&&&&&&&

قبال المشغل ..

دق مشاري على مسك : هلا حبيبتي .. كيف حالك ؟؟ ..

رائد سحب منه الجوال : أقول بتسوي فيها خطاب غرام .. ألو مسك .. يلا انزلوا .. مع السلامة .. شفت مو انت تطول السالفة وهي قصيرة ..

مشاري انقهر من رائد اللي جا معاه بالسيارة ..

.. بعد ثلاث دقايق البنات كلهم نزلوا .. وتوزعو بالسيارات وكان ترتيبهم كذا ..

] في سيارة مشاري معاه رائد قدام و ورا مشاري سمر وجنبها مسك[

و

] في سيارة ريان معاه يوسف قدام و ورا ريان ملاك وجنبها رهف [

و

] في سيارة مشعل معاه سامي قدام و ورا مشعل سارة وجبنها روان [

و

] في سيارة رامي ماحد معاه قدام و وراه دانيا وجنبها دانة [

في سيارة مشاري ..

مشاري وهو يسوق لف على مسك : أقول مسك ..

مسك بهدوء : هلا ..

مشاري ناظر الطريق : غريبة ما اشوف شي فوق راسك ..

مسك استغربت : شنو ؟؟ ..

مشاري : يعني عمارة .. أأ .. أقصد تسريحة ..

سمر سمعت كلمته جات بتضحك بس مسكت نفسها وحست فيها مسك دقتها وهي مستحية ..

رائد يناظره بأطرف عينه : أستح وهذا خطيبتك وتكلمها كذا ..

مشاري : هههه لاتلومني متعقد من اللي أشوفهم بالتلفزيون .. مسك جد انا أتكلم سويتي لك شي بشعرك ..

مسك بصوت هامس : إيوا ..

مشاري ابتسم وسكت ..

&&&&&&&&&

في سيارة ريان ..

يوسف يحوس بالاشرطة اللي عند ريان : كيف حالكم بنات ؟؟ ..

رهف وملاك : الحمدلله ..

ريان : هاا ملاكووه اليوم بتوسعين الصدر .. أخيرا صار عرس ..

ملاك مبتسمة على جنب وهي مغطية وجهها لأنها حاطة مكياج : اخيــراً ..

يوسف ترك الأشرطة وتسند : أبغى أعرف أنتوا شنو تحسون فيه يوم يصير عرس ؟؟.. تقلبون الدنيا فوق تحت ..

رهف يقالها تتكلم فصحى : شعورن ماله مثيل أبداَ ..

ريان ابتسم : لو يدري عنك سيبويه كان صار معلم شورما أحسن له ..

رهف بغرور : اصلا هم معقدين اللغة العربية أكثر من اللازم ..

يوسف ابتسم يخوف ملاك : تخيلي ملاك .. يدخل قطو العرس ..

ريان : أما عليك أفكار ..

ملاك : وجع يوجعك .. فااال الله ولا فالك ..

يوسف : انا أشهد أني برجع لأمي وأنا مكسر من بعد دعوتها..

الكل : هههههههههه ..

&&&&&&&&&&

في سيارة رامي ..

كان رامي مشغل موسيقى كلاسيكيه .. أول مادخلو دانيا ودانة وطى الصوت ..

دانة ودانيا : السلام عليكم ..

رامي : وعليكم السلام .. كيف الاحوال ؟؟ ..

دانيا : بخير ولله الحمد .. وأنت شلونك ؟؟ ..

رامي لاحظ أن دانة ماردت : تماام .. مبغووك (مروك) لأخوك أحمد وعقبال ياسغ (ياسر) ..

دانيا ابتسمت : الله يبارك فيك .. وعقبالك ..

رامي ابتسم بمكر : لالا ياشيخة تو الناس .. الله لايقوله ..

&&&&&&&&&

في سيارة مشعل ..

روان اللي لابسة عباية كتف بس مغطية وجهها لأنها حاطة مكياج تكلم سامي : أقول ما اشوفك تسوق سيارتك ..

سامي مريح : ليش اتعب نفسي وفي ناس تسوق عني ..

روان لمشعل وصبعها يأشر على سامي : والله مايستاهل السيارة ..

مشعل ابتسم ..

سارة نفس روان متغطية : إييييييه صح .. مشيييعل يالخاين .. >>> الأخت قاطة الميانة بقوة هع ..

مشعل ابتسم على اسلوب سارة : آمري .. سمي ..

سارة : يالمجرم يالمجرم .. تسويها من تحت لتحت ولا تقول لنا ..

روان فهمت : إبييييه صدق شلون كذا ماتوقعتها والله ..

سامي استغرب لف لأخوه : شنو مسوي أنت ؟؟ ..

مشعل مبتسم على طريقة كلامهم ويفكر شنو مسوي : ما أدري والله ..

سارة : بعد ينكر بعد ..

مشعل : ههه إيييه عاد شنو أنا مسوي عشان أفهم ..

روان : تخطب ولا تقول لنا .. أفااا بس افااا ..

سارة : أجل هذا العشم اللي فيك .. وأنا أخر من يعلم ..

مشعل ضحك : ههههههههههههههآآآآي .. ههههههههههههههه هه هه .. ( وقام يمسح دموعة اللي طلعت ماتوقع هذا اللي يقصدونه ) .. ههه .. شرايك عشان مايعايرني ساميووه بالعانس ..

سامي ابتسم وناظره بأطرف عينه ولا تكلم ..

واستلموه سارة و روان تحقيق .. نشفوا ريقه طول الطريق ..

&&&&&&&&&

بعد خمس دقايق .. 

وصلوا الشباب للقاعة ونزلوا البنات ودخلوا داخل .. ماعدا رامي اللي وصل أخر واحد لأنه يمشي بهدوء ..

رامي : وصلنا ..

دانيا فتحت الباب ونزلت ..

دانة انحنت تعدل كعبها : دانيا لحظة بعدل الكعب ..

دانيا دخلت داخل ولا سمعت دانة ..

دانة وهي تعدل كعبها حست أن السيارة تتحرك .. وقفت يدينها عن الحركة وعيونها مركزة على رجلها .. رفعت راسها ببطئ .. وتكلمت وهي تتلعثم : أأ .. د..دقييقة .. أنزل ..

رامي حرك السيارة ولا كأنه يسمعها ..

دانة استقامت بجلستها وتوها لفت على الباب بتفتحه عشان غصب يوقف .. شافت أن الباب مقفل .. لفت عليه .. كان لابس ثوب وشماغ وصاير خوقاقي .. ولا كأنها موجودة بالسيارة .. خافت وفي نفسها "" شفيه ذا يستهبل ولا شنو ؟؟ "" جمعت قوتها وتكلمت : انت هــي وقف بنزل ..

رامي أخيرا رفع عيونه للمراية وشافها جالسه ومغطية وجهها .. رفع حاجب وباستنكار : نعـم ؟؟ ..

دانة تثقل الكلام : أقووولـــك وقـــف بنــزززل ولا بـــ

قاطعها رامي وهو يوقف بمكان فاضي مافيه سيارات ولا احد .. ولف عليها وهو مبتسم نص ابتسام : ولا شنو ؟؟ ..

هنا دانة تلفتت يمين وشمال ودقات قلبها وصلت لبلعومها : ولا بتصل على أبوي بقول لهم مو راضي ينزلني ..(وفتحت شنطتها عشان تطلع الجوال) ..

رامي بحركة سريعة لف عليها وسحب شنطتها منها بخفة وسهولة وحطها بحضنه عشان ماتقدر تاخذها .. وباستهزاء : والحين ..

دانة انصدمت من حركته .. ماتوقعتها أبداً منه .. انربط لسانها من الإستغراب ..

رامي ابتسم على جنب .. ولف عنها .. وفتح باب سيارته وطلع منها ..

دانة تراقبه شنو يسوي .. جا وفتح الباب الخلفي من الجهة الثانية اللي ورا كرسي السايق ودخل وسكر الباب .. هنا حست دانة على دمها وشهقت أول ماجلس بالكرسي اللي جنبها وقلبها يدق دق الطبول : ننننعــم ..!!!!!!!!!

رامي لف على جهتها وعطى ظهره للباب وحط أصابع يده اليمين على خده و ذراعه اتكفى فيها على السيت .. ابتسم بوجهها : سياغتي (سيارتي) وبكيفي ..

دانة خايفة وراصة على أسنانها : افتــح البـــاب ..

رامي نزل يده عن خده وتكتف : أعتقد أني قلت سياغتي(سيارتي) وبكيفي .. وكل شي فيها (وثقل الكلام) ملــكي .. ( وحرك صبعه السبابة بحركة دائرية في السيارة وأخر شي وقف صبعه في أتجاه دانة ) .. فهمتي ..

دانة قلبها وصل لبلعومها وهي تشوف صبعه يأشر عليها ..

رامي بجرئة مد يده على غطى دانة وسحبه بسلاسة وبان وجهها له ..

&&&&&&&&&&&&&&&&&&&&&&&&&&&&&

عند البنات بعد مادخلوا .. ومو منتبهين لاختفاء دانة ..

قاعدين في غرفة يضبطون أشكالهم .. مبعد يدخلون القاعة ..

مسك لفت للبنات وهي تلف حول نفسها : بنات شكلي مضبوط ..

سمر : تهبلللليييين ..

ملاك : الله يعين مشاري اللي بيتسدح ..

روان : شوي شوي على أخوي ..

مسك ابتسمت وهي تسبل بعيونها : تسلمون .. سمر تعالي معاي ..

سمر : يلا ..

رهف : انتظروني بجي معاكم ..

دانيا : قبل لاتدخلون سمو على أنفسكم ..

الثلاثي ابتسموا ومشو ..

دانيا : حركاات مطقمين ..

سارة وروان قربوا وجيهم جنب بعض وابتسموا بقوة وكأنهم بيصورون : حلوين صح ؟؟ ..

دانيا : ههههه إيوا .. انتظروني شوي ..

ملاك واقفة : ونااسة ما اصدق أن أحمد عرس .. (ورفعت يدينها ) يارب يارب ريانووه يعرس ونفتك منه ..

البنات : هههههههه ..

&&&&&&&&&

من جهة ثانية أول مادخلوا مسك و سمر ورهف .. اللي حاضرين قاموا يناظرونهم ويتهامسون ..

سمر لمسك بهمس وهي تناظر الناس ومستحية : مسك شفيهم كذا ؟؟ .. شكلي غلط ؟؟ ..

مسك ابتسمت ابتسامة ساحرة : لا ياقلبي .. هم كذا لأنهم شافونا ..

رهف لسمر : استعدي اليوم مخطوبة ..

سمر : بسم الله علي ..

أم فارس قامت من وحدة من الطاولات وراحت عند البنات وسلمت عليهم ..

أم فارس ببتسامة : تهبلووون والله .. قريتوا على أنفسكم ..

مسك بدلع رباني : أكيييد ..

كانت مسك لابسة فستان قصير فوق الركبة بالضبط .. لونه فوشي مبين بياض بشرتها .. وصاير طايح على جسمها .. ومن جهة الخصر فيه سلسلة كرستالية ناعمة ..ومن فوق صاير مثل قطعة قماش حولين زنودها ماسكين الفستان يعني بدون سيور تقريبامثل فستان الأميرة النائمة اللي بدزني من فوق >>> ماعرفت أشرحها ^^" .. ومن جهة الصدر شيفون يلمع .. ولابسة كعب لف على سيقانها فضي .. ومسوية شعرها ستريت لمن نص الظهر ومسوية بف صغير وحاطة فيه تاج صغنوون روعة وقاصة لها قذله فوق عيونها .. ومكياجها وردي هادئ خفيف فيه لمعة مع روج وردي مع القلوس .. ومع بقية الإكسسوارات من حلق وأساور وعقد .. صايرة مسك مرة مرة روووعة ..

أم فارس تناظر سمر : ماشالله مشالله عليك وأنتي يا سمر صايرة مرة حلوة ..

سمر ابتسمت بحيا : تسلمين ياخالة الحلا كله منك ..

أما سمر كانت لابسة فستان طويل لونه أسود .. كان من فوق صاير ماسك عند الصدر بدون سيور وفيه شك بطريقة حلوة وضيق لمن عند الخصر بعدين يستوسع .. وفيه فتحه من على جنب لمن فوق الركبة بشوي .. صاير فستانها مرة فخم وبالذات أنه باللون الاسود .. ومسوية شعرها الكستنائي الغامق ستريت لمن خصرها ولا حطت شي عليه .. ومكياجها كان مرة مرة سنبل لونه أسود وفيه لمعة خفيفة بالوردي وشفايفها الصغير المملوءة حطت لهم بس قلوس لأن شفايفها لونهم لون التوت من الله .. ومع بقية الإكسسوارات وعيونها الناعسة اللي تشبه عيون سامي ولون فستانها اللي مبرز لون بشترها البيضاء صايرة مرة كيووت ..

أم فارس ابتسمت على كلام سمر ..

رهف تناظر مرت عمها وهي تسبل عيونها باستهبال : وأنا يا خالة شرايك .. يعني ممكن أنخطب اليوم ..

أم فارس ضحكت : هههههه .. الله يغربل إبليسك يارهف .. أنتي حلوة بدون شي ..

و رهف كانت لابسة فستان طايح على جسمها لونه بين البيج والذهبي .. وشعرها الأسود اللي أقصر من شعر سمر بشوي .. سوت مثل سمر .. ستريت وخلته على جنب .. كان فستانها طوق على الرقبة ومن ورا الظهر تقريبا كله يبان .. ومخصر على جسمها لمن الخصر بعدها يتوسع .. ومكياجها مسوية لها مكياج بين الذهبي والأسود مع المسكرا و روجها وردي فيه لمعة بالذهبي .. صاير رووعة ..

ام مشعل وأم مشاري جاو وسلمو على البنات ..

أم مشاري : زين ماقصيتيه شحلاتك كذا .. وين أختك روان ..

رهف ابتسمت : قاعدة تتعدل داخل شوي وتجي ..

أم مشعل تناظر بنتها برضا : والله كبرتي ياسمر صرتي مثل الحلاوة ..

سمر ابتسمت لأمها بدون ماترد ..

أم مسك : تعالوا بنات أعرفكم على بعض الحريم اللي هنا ..

مشت مسك ورا أمها وكأنها عارضة أزياء .. وسلمت على الحريم بذوق وابتسامة وعرفتها أم مشاري على الحريم بأنها خطيبة ولدها مشاري .. والحريم ما قصروا قز في البنات خخ .. لدرجة أن سمر ماتتكلم بس تسلم لأنها تستحي من نظراتهم ..

رهف قامت بذوق : من فضلكم .. بنات أنا بشوف كم شي هنا تجون ..

قامو مسك وسمر بذوق واستأذنوا وقاموا ..

وحدة من الحريم أول ما قاموا البنات : ماشالله كل وحدة تقول الزين عندي .. والله أفكر أخطب بنتك يا أم مشاري ويا أم مشعل لأولادي ..

أم مشاري وام مشعل بنفس الوقت : محيرين لعيال عمهم (ناظروا بعض وابتسموا .. هم قالوا كذا عشان مايبغون بناتهم ياخذون من برا العايلة) ..

الحرمة : حسافة والله ..

الحرمة الثانية تناظر مسك وهي تتكلم مع رهف وسمر من بعيد : والله كان نفسي ببنتك يا ام فارس .. بس يلا .. الله يوفقها ..

أم فارس ابتسمت ..

بعد خمس دقايق دخلت دانيا ومعااها ملاك ..

الناس قاموا يناظرونهم وانبهروا من أشكالهم .. كل وحدة تقول الزين عندي ..

دانيا : شفتي شلون قلت لك اليوم وحدة منا بتجيها عين وحدة بوحدة تصيب ماتخيب ..

ملاك : بسم الله .. قل اعوذ برب الفلق .. قل اعوذ برب الفلق ..

دانيا ابتسمت بخفة ..

كانت دانيا لابسة فستان طويل ذهبي .. من جهة الصدر كله شك باللون الأحمر رروعة ومفتوح على شكل التفاحة بدون سيور .. ومن تحت الصدر فيه قصة ناعمة .. وضيق لمن الخصر .. يعدها يستوسع على شكل طبقات من الشيفون الذهبي .. ومنثور على طبقات الشيفون كرستالات صغيرة باللون الأحمر .. وحاطة لها ميك آب ذهبي مدموج مع الأسود و روج أحمر صاارخ .. ومسوية لها تسريحة شعرها كيرلي ومرفوع كله بس بطريقة مرة مرة حلوة وصايرة دانيا كلها على بعضها كووولز ..

أما ملاك كانت لابسة فستان طويل لونه بيج ومرة سنبل .. ماسك عند الصدر بدون سيور .. ومن ورا فيه فيونكا كبيرة باللون الذهبي محددة أطرافها بالكرستالات .. والفستان مخصر على جسمها لمن الخصر بعدين يتوسع بدون قصة .. وكانت مخليه شعرها كيرلي متروك بحرية على كتوفها وحطت مكياج خفيف باللون الذهبي مع الأسود و روج وردي .. صايرة ملاك اسم على مسمى ملاك ..

ومن ورا دانيا وملاك طلوا توأمين وهم مبتسمتين .. لالا .. عفوا مو توأمين .. كانوا روان وسارة .. مسوين نفس الفستان .. ونفس الشعر ونفس المكياج .. وصايرين جد كأنهم توأم ..

كانو مسوين لهم فستان باللون الأحمر .. من جهة الصدر مسوين قصة مربعة وفيها أكمام قصيرة مرة جبنيز .. وضيق لمن الخصر فيه كرستالات مصفوفين كحزام .. وبعدها طايح لتحت .. من على الجنب الأيمن قصير ويتدرج للجهة اليسرى طويل صاير ذيل وعلى اطراف التدرج مطرز بخيوط وردية تلمع .. وفي نهاية الذيل اسوارة كرستالية لابسينها على يدهم اليسار عشان مايطيحون .. ولابسين كعب فضي لف على الساق .. وشعرهم مسوينه كيرلي لمن أكتافهم وحاطين فيه مشبك كرستالي .. والمكياج حطوا لهم وردي فاتح مع لمعة بسيطة ومسكرا وكحلة و روج وردي مع قلوس بس .. لأنهم بروحهم حلوين .. وسارة بالذات عيونها فاتحة ماتحتاج مكياج كثير .. ولأن البنات اساسا في اعتقادهم أن المكياج الكثير يعتبر قناع يغطي جمالهم الطبيعي ..

روان تعدلت : ها .. شنو الأحوال ؟؟ ..

سارة تعدلت هي الثانية : شوفي وجيه الحريم وتعرفين ..

ملاك باستهبال : هاا .. من تبغون تاخذون ولدها أول ..

سارة و روان : هههه ..

سارة : امشو نسلم من هنا ..

وراحوا يسلمون على الحريم اللي يتفحصون البنات تفحص خخ ..

دانيا تمشي بتمايل وبخفة وتسلم على أمها وتبارك لها وعلى عماتها وزوجات خوالها .. جا دور مرت خالها خالد أم مشعل .. أم مشعل استلمتها وسلمت عليها : ماشالله تبارك الله عيني عليك باردة يابنتي .. يابخت من بياخذك ..

دانيا استحت ولا ردت ..

&&&&&&&&&&&&&&&&&&

من جهة ثانية في قاعة الرجاجيل ..

أول ما دخلوا الشباب .. كانوا كلهم لابسين ثوب وشماغ ومرسمين مرة .. بدخلتهم وكأن كل واحد ماخذ شوي من الهيبة اللي عند أبوه .. صايرين مرة كشخة ..

فارس راح عندهم وسلم عليهم : كان طولتوا أحسن .. عمامي بيكرفونكم هنا ..

ريان : لا مايقدرون شوف لنا هيبة يوم دخلنا مايقدرون يفشلونا قدام خلق ربي ..

وتوزعو الشباب يسلمون على الرجاجيل والمعرس مرة ثانية هع .. وكل واحد من الشباب أول مايسلم على أبوه ..و أبوه يعرف أصحابه على ولده ..

مر سامي عند عمه بوفارس وسلم عليه .. وبوفارس بعد ماسلم على سامي مافك يده ولف على أصحابه : هذا ولدي سامي .. رجال وبن رجال ..

سامي ارتبك أول ماسمع عمه يتكلم .. أول مرة يحس باحساس الفخر ان عنده عم كذا ومخليه بمكانه ولده فارس ..

يوسف شاف جهاد توه داخل : هلا جهوود ..

جهاد : جهوود بعينك .. كيف حالك ..

يوسف حرك رجله اللي كانت مكسورة : مادام مافيه جبس أنا بخير .. أنت كيفك يابو الشباب ؟؟ ..

جهاد : انا تمام أمش خلني أسلم على المعرس ..

&&&&&&&&&&&&&&&&&&&&&&

نرجع عند رامي ودانة في السيارة ..

أول ماسحب رامي الغطى من دانة بان وجهها له .. تأمل ملامحها المصدومة من حركته بعيونه الخضر المائلين للأزرق وهو مميل راسه لفترة دقيقة تقريبا.. مع أنه السيارة صايرة شبه ظلمة .. والنوافذ مظللين عشان كذا ماخذ راحته .. والمكان اللي موقف سيارته فيه فاضي ..

رامي بهدوء : تبغين تغجعين (ترجعين) ودموعك على خدك ..

دانة ماطلعت منها أي حركة من الروعة حتى عيونها مارمشتهم .. عدا قفصها الصدري اللي يرتفع وينزل ..

رامي مر على شفايفه شبح ابتسامة .. ورفع يده وهو ضام أصابعه : شغايك (شرايك) .. مو الحين أنسب وقت أغجع (أرجع) لك الكف اللي عطيتيني إياه ؟؟..

دانة انتفضت بالخفيف .. و عطت الباب ظهرها ولصقت فيه وهي تناظر يد رامي المرفوعة وهي خايفه .. ولا ردت ..

يتبع ,,,,

👇👇👇

تعديل المقال