رواية اذا انتثر دمع عينك -32

رواية اذا انتثر دمع عينك -32

رهف : بنات امسكوني تراني خقيت ..

سمر ابتسمت : بصراحة شي خطيير ..

ملاك و روان يشجعونهم يلااااا يلااااا اوووووه .. عاااشوو .. إيووووا .

دانة تناظر طلال و رائد وعجبها رقصهم .. وناظرت رامي .. وفي نفسها "" من يقول أن هذا رامي اللي بالسيارة "" .. وصرخت لعمها طلال : طلال خف شوي البنات بيتسدحون ..

الكل بدون استثناء ضحك : ههههههههههههههه ..

فارس قرب منهم وتلثم بشماغه وهو يرقص معاهم .. وماسك يد سامي يسحبه معاه .. وسامي يضحك ويرقص معاهم ..

بعدها بدقيقتين ياسر وتركي وقفوا تطبل والكل وقف تصفيق ..

رهف لياسر وتركي : لالا أنتوا اثبتوا اليوم أنكم شي .. عليكم تطبيل خطيير ..

ملاك : إيه ماعلامهم شي .. حلو تطبيلهم ..

فارس فك اللثام : يوسفووه ليه مارقصت ..

يوسف بغرور مصطنع ويعدل شماغه ويتكتف : سوري ما ارقص هنا أخاف بعض الناس تخق (وناظر البنات) ..

الكل : ههههههههههههه ..

مشاري : وااثق مررة ..

رائد يهف على نفسه بيدينه بطريقة مايعة وبدلع مصطنع ويعلي صوته شوي عشان يسمعه الكل : أقوول تلووولــي ..

طلال يجاري رائد ويضبط شماغه بس يتكلم عادي : هلا حبـي وقلب تلوولـي أنا ..

الشباب والبنات تكتفو ويناظرونهم كيف يتكلمون ومبتسمين ورافعين حواجبهم ..

رائد شبك ذراعه بذراع طلال ويكمل كلامه بطريقه مايعه : تعبت وانا أرقص .. في ناس عيونهم قزتنا قز بسم الله علينا .. اتوقع في عين صابتنا صووح ؟؟ ..

طلال ابتسم : سلامتك ياحياتي من التعب .. إذا على الناس اللي خقوا فهم أكيد خقوا وذابوا بعد .. على هذا الجمال .. أما عين ماأتوقع عيونهم باردة وأنا حصنتك ياقلبي قبل لاندخل ..

الكل انفجر ضحك عليهم وعلى طريقة كلامهم : ههههههههه ..

سمر بهمس لرهف وهي تمسك ضحكتها : الحين مين البنت ومين البوي فيهم ؟؟ ..

رهف علت صوتها عشان يسمعونها : بصراحة اثنينهم شكلهم خكرين .. بس أتوقع البوي طلال والليدي رائد ..

ملاك : صدقتي اشك أن رائد رجال ..

رائد وهو مشبك ذراعه بذراع طلال ناظرها بقوة ونص ابتسامة على شفايفه : تعالي قربي هنا عندي و اوريك كيف رجــال ..

ملاك افتشلـــت مررة وبلعت لسانها ..

الكل : هههههههههه ..

دخلت أسيل القاعة لأنها كانت عند أمها مع الحريم برا في الجلسة اللي برا تبع القاعة .. وكانت تركض تبغى تصعد المسرح .. وصايرة مرة مرة تهـــبل و كيوت .. لابسة فستان وردي منفوش وصاير طفولي .. وعلى شعرها القصير اللي يوصل لمن نص رقبتها حاطن لها تاج كرستالي وردي .. و روج وردي مع كحلة فوق عينها باللون الأسود بالموت البنات سووها لها لانها تتحرك .. و واضح عليها تورد خدودها الطبيعي لأنها بيضا ..

شافها رائد وهي تركض لناحية الكوشة .. ابتسم ابتسامة واسعة وشالها بالهوا وقام يدور فيها ويرميها بالهوا ويبوسها : ياللــــــــه ما أقـــــدر انا ترا ذبت اناا .. كيوووووووووووت .. ياااربي هالبنت تهــــــــــــــبل ..

الشباب طارت عيونهم على اسيل .. بجد كانت مرة كيوت كأنها لعبة ..

ريان أخذ أسيل من رائد وباسها وصفر لها : أسوول شهالحركاات .. تبغين أخطبك أنا ؟؟ ..

ياسر : الحين شنو تحبون بهالمفعوصة ..

تركي : صدقت .. عادية مو شي أحسها ..

طلال والشباب قربوا منهم : شنوو ؟؟ ..

تركي وياسر خافو : هااه ولا شي ..

الكل : ههههههه ..

رائد وطلال : حسبت بعد ..

أسيل طبعا مافهمت على ريان .. بس استانست يوم شافت الشباب كلهم تجمعوا عليها .. وبعفوية : إيوا ..

الكل : ههههههههههههه ..

مشاري : لا البنت بالمررة خاربة ..

سامي اخذ أسيل وعاجبه شكلها : هي مايصلح تخرب البنت انت .. أسول أنا أخذك أحسن من هالشايب أووكي ..

فارس دقه من كتفه : الحين أنت ياللي بتكحلها عميتها .. جيب اختي .. (فارس حاول يسحب اخته من سامي بس اسيل متعلقة فيه من رقبته) .. أسيلووه فكي منه .. أنا أحسن ..

سامي بعد شووي عن فارس : يا اخي هي تحبني غصب تجيك ..

أسيل تناظر عيون سامي بتركيز .. وببراءة طفولية صرخت وكأنها استنتجت شي خطير : ثـــــــآآرة ..

سامي استغرب منها : إيييش ؟؟ ..

أسيل تتحرك وهو شايلها : ثــااارة ثــاااارة ..

مشعل : عطها سارة ..

سامي : ههه طيب طيب أعصاابك .. (قرب من سارة) .. خذي ..

سارة مدت يدينها تاخذها ..

أسيل تعلقت في سامي وبطفولية : لاااااا ..

سامي مسكها عدل : هاااااه .. أجــل ؟؟ .. هذا (ويقلد عليها) ثـــااااارة ..

أسيل تأشر على عيون سامي لدرجة أنها حطت صبعها السبابة الصعنون على عيونه : نفث ثــاارة .. ثــاارة عيوونــها .. نفثهــا ..

سامي رمش عيونه كم مرة يحاول يفهم اللي تقوله ..

الكل ضحك على طريقة تفكير أسيل : ههههههههه ..

سامي ابتسم ع تفكيرها : هههه إيه نفسها ..

ريان : لا ماشالله يا فارس اختك عندها عقل تربط بين ألوان العيون ..

يوسف نقز : أشووف (وقام يناظر عيون سارة ) ..

سارة ارتبكت وحركت يدها بالهوا : هــي أنت .. خير شنو تبي ؟؟ ..

يوسف يناظر عيونها ومسوي نفسه مركز ..

سارة عصبت : يوسفوووه ياعل عيونك البط إنشالله ..

يوسف ولا كأنه يسمعها لف على سامي وقرب وجهه منه يناظر عيونه يقاله يركز : إممم إي والله تقريبا نفس اللون بس سارة افتح حبتين ..

مشعل : سبحان الله توك تحس ..

أسيل توها تنتبه لمشعل .. وعلى طول صرخت : مثـــــــــعل ..

مشعل أخذها من عند سامي : يالبيــه قلبي أنا ..

ريان حط يده على قلبه : ما أقدر أنا على الرومنسية ..

ياسر : هيــن بقول لدانيا .. عندك سوابق بعد .. معاي دانة صح ؟؟ ..

دانة ابتسمت : أوك معاك .. بعد اختي تنغش من البداية ..

رامي بنغزة : يؤ من اللي تكلمت ليكون دانة ؟؟ .. افا ماتوقعتها تصيغين (تصيرين) ضد أخوي مشعل ..

روان قاطعتهم وهي تتكلم بالمايك : شبااااب شباااب بنااات لسن تو مي ..

تركي : بالله عليكم واحد يترجم لي كلام كوندريزا رايس ..

الكل : هههههههههههه ..

فارس : ماذا لديك ياغلامـة ..

روان : والله لدي الكثير والكثير .. المهم .. عندي فكرة خزعبلية شي شي .. خطيرة وجهنمية وسكرة بنفس الوقت ..

طلال : بالله عليك شنو خزعبلية ؟؟ ..

رائد : و شلون جهنمية وسكرة بنفس الوقت ؟؟ ..

ريان : هاتي ماعندك يا أم لهــب ..

روان : حسنــا يا أبا جهـل ..

يوسف حط يده اليمين على خصره واليسار يأشر فيها : ومتى تخلص مسرحية الجاهلية ذي ؟؟ ..

مشاري : روووني ماعليك منهم قولي بسرعة .. أعرف خططك الحلوة ..

روان : تسلم يابعدي .. هذا الأخو ولا بلاش .. والخطة عشانك والله ..

الشباب والبنات : نورينا ..

روان بمكر : شباب بناات شرايكم نشوف شكل مشاري ومسك على الكوشة ؟؟

رامي وريان بنفس الوقت : مافهمت ؟؟ ..

روان : أحم يعني نمثل أن اليوم العرس ومسك تجلس على الكوشة ومشاري نزفه هنا ..

الشباب والبنات كله أيدو ماعدا طبعا مسك المنحرجة ..

مسك بقلبها "" روانوووه ذبحك على يدي إنشالله "" ..

مشاري ابتسم ابتسامة وسيعة وهو يناظر بأطرف عينه مسك : إيوا يلا شباب أنا بوقف هناك في بداية الممر وما أوصيكم بشي ..

تركي : انا وياسر بنظل هنا نطبل ..

البنات محاوطين مسك ..

مسك : هي أنت وياه .. ماهو على كيفكم ..

رهف بخبث : والله زوجك موافق ويبغى .. مالك كلمه انتي الحين ..

مسك : لا والله ..

ملاك : ندري أن امنيتك اليوم قبل بكرة تجلسين مع مشاري .. بس مسويه فيها ثقل ..

سارة : يلا يا اختي بلا ثقالة دم جلسي على الكوشة وفكينا ..

فارس قرب منهم يبغى يقطع نقاشهم ومسك يدها وسحبها للكوشه من تحت كلام البنات ..

فارس وصل للكوشة : خلاص بنات ازعجتونا .. وأنتي يلا اجلسي بلا مصالة زايدة ..

روان : هــي ..

رهف : فتح عيونك ..

ملاك : أشك أنك متعمد ..

دانة : فارس ..

فارس لف عليهم وهو ماسك يدين أخته : هااه ..

سارة تأشر على وحدة جنبها : مسك هنا يالحوول ..

فارس ضغط على يدينها وكأنه يبغى ينفي اللي بباله .. قلبه قام يدق دق الطبول .. لف عليها وهو يفكر يمكن هي .. هي الوحيد اللي ماسمع صوتها بين البنات الحين وهم يكلمونه .. ناظر بعيونها كانه يبغى يميزها عدل .. توه ينتبه لرجفتها ..

قرب رامي منهم ومسك يدين أخته ويدين فارس وفصلهم عن بعض تحت عيون الشباب والبنات اللي تناظر الموقف : خلاص .. ماصاغ (ماصار) شي .. سمووغ(سموور) حبيتي قومي للبنات .. (وسحب فارس معاه ) ..

تحركت سمر تبعد عنهم وقلبها يدق دق يبغى أوكسجين .. لأنها حبست أنفاسها من مسك يدينها فارس .. وحاولت تلقط أنفاسها .. ورجعت عند البنات ..

مسك لسمر شافت رجفة يدها اللي تحاول تخفيها ..: قلبي سمر هدي نفسك ..

سمر تحاول تبتسم وهي تحاول تخفي الرجفة اللي سرت بصوتها : يلا مسسك .. روحي للكوشه وخلصينا ..

مسك رضخت للأمر الواقع وقربت للكوشه وجلست وهي بالمرة منحرجة ومتفشلة وحولينها البنات يشجعونها ..

أما الشباب كلهم راحوا عند بداية الممر اللي يوصل للكوشة .. وكلهم ضبطوا أشكالهم .. وضبطو الشمغ حقينهم .. وفي هاللحظة دخلوا الأمهات وهم لابسين عباياتهم ومتنقبين ..

أم فارس : راائد .. شسالفة واقفين هنا ؟؟ ..

رائد يحاول يوصل لهم المعلومة : أحم .. أبد والله نزف مشاري لمسك ..

الأمهات فهموا على عيالهم وضحكوا عليهم وجلسوا على وحدة من الطاولات يتفرجون عليهم ..

ياسر أخذ المايك : أحم .. تجريب المايك واحد اثنين تجريب المايك طلال رائد تخيلوا الحين يتصلون عليكم يطلبونكم لمناوبة ؟ ..

طلال ورائد تخيلوا هالشي وقاموا يصارخون : قل خيـــر ولا انثبر ..

ياسر : طيــب لو .

الشباب كلهم قاطعوه من بعيد صرخوا : يابوووك أخلص علينا ..

ياسر ضحك : ههه .. طيب أعصابكم يلا ..

(ونزل المايك عند الطاولة عشان يطلع الصوت عدل وقام يطبل هو وتركي ) ..

وتحركوا الشباب حولين مشاري يتبسمون .. وكانوا كأنهم فوج طيور .. كلهم بثوبهم الأبيض وشمغهم .. ومشاري يمشي كأنه معرس بس ناقصه البشت .. والحريم كأنهم صدقوا .. قاموا يزغرطون ويصفقون .. والبنات من عند مسك يشجعونهم ..

مشاري يمشي وصاير شكله رزه وقدامه اسيل تمشي ومستانسة تبغى توصل لمسك الجالسة ومتنقبة ..

وصل مشاري للكوشة .. وهو حدة متشقق من الوناسة .. والحريم صعدوا المسرح يباركون >>> من جدهم صدقوا خخخ ..

وجلسوا على الكوشة ومشاري لصق بمسك لصقة كأنه صمغ بتكس خخ .. وحاط يده على أكتافها ..وماخذ راحته وهو يشوف الشباب يرقصون ويرقصون أم أحمد وأم فيصل لأنهم حلال عليهم .. والبنات طبعا يشجعونهم ..

بعد تقريبا ربع ساعة .. الكل تعب .. وصارت الساعة ثلاث الليل ..

أم أحمد : الله يبارك فيكم عقبال الشباب والبنات ..

الشباب والبنات بعبط بدون استثناء : الله يسمع منك ..

الكل : ههههههههههه ..

أم مشاري بمزح : عيال أخر زمن والله .. يلا ربع ساعة ونمشي ..

تفرق الكل يشوف شغله ويرتب أموره عشان بيمشون ..

مشاري ماسك يد مسك : وين المصورة ؟؟ ..

دانة : الله بالخير .. مشاري ترا الساعة ثلاث المصورة في بيتهم الحين ..

مشاري : ياحسافة .. أقول سويرة ..

سارة : نعم ..

مشاري : جبتي كامرتك ؟؟ ..

سارة تشوف شنطتها اللي على كتفها : دقيقة .. إيوا ..

مشاري : تعالي لحقيني .. صورينا ..

سارة : أووك ..

وصلوا عند غرفة العروس ..

سارة : دقيقة .. دانيا داخل مع صديقتها ..

ودخلت سارة ..

سارة : مراحب .. ترا بنمشي بعد شوي .. وممكن تطلعون مشاري ومسك بصورهم هنا ..

دانيا لنوف : يلا ..

بعد دقيقة طلعت دانيا ومعاها نوف وسارة ظلت داخل .. وبنفس اللحظة مر جنبهم مشعل يمشي جنب أمه يسولف معاها .. ولا أنتبه لهم .. أما دانيا حست بخجل لأنه خاطبها .. ونوف بفشيلة لانه شافها بدون عباية .. ومشوا للبنات ..

دخل مشاري مع مسك الغرفة ..

مشاري سكر الباب وقابل مسك وفك نقابها .. وصفر باعجاب : اذوب أنا .. خقه والله خقه ..

مسك بخجل : أحم .. طيب لف ..

مشاري : ليــه ؟؟ ..

مسك : أنا بفصخ عباتي .. وأضبط شكلي وإذا قلت لك لف .. تلف أوك ..

مشاري بحماس لف صد عنها : أوووك يلا .. ولا تطولين ولا بلف ..

مسك بسرعة فصخت ورتبت شكلها ..

مشاري يناظر ساعته : مسك ترا مرت دقيقة ونص .. بلف ..

مسك واقفة وراه : يلا ..

مشاري لف عليها وطير عيونه : مســك ..

مسك ابتسم و ردت ..

مشاري وعلى وجهه علامات الإستغراب : شنو هذا ؟؟ ..

مسك ارتبكت .. يمكن فيه شي : فيه شي ؟؟ ..

مشاري فجأة حضنها بقوة وهو مو مصدق : مسك اليوم نتزوج أحسن ..

مسك انحرجت مرة وخصوصا أن سارة تناظرهم وهي متكتفة ..

سارة : يااااهووو أصوركم ولا أمشي ..

مشاري بعد شوي شوي عن مسك وهو يناظرها بالفستان الفوشي وصايرة مرة روعة .. مسك خصلة من شعرها وقام يحركها : طيب استني أستوعب القمر بعدين صوري ..

مسك بخجل : ترا بطلع ..

سحب مشاري مسك لصدره وهي معطيته ظهرها ومحوطها يدينه : يلا صوري ..

سارة رفعت الكاميرا عشان تصور : مسك ارفعي راسك ..

مسك دوروها ماتلقونها حركات مشاري معاها وقدام اختها سارة .. مو قادرة ترفع عينها عن الأرض ..

مشاري همس لها : ارفعي راسك ولا أنا أرفعه ؟؟ ..

مسك رفعت راسها بصعوية وتناظر قدام ..

مشاري بنفس الهمس : شطورة يابعد قلبي ..

سارة صورتهم : والله رووعة الصورة ..

مشاري فك مسك ولفها لجهته وحط يدينها على رقبته .. ويدينه على خصرها .. وناظر بعيونها : يلا ..

مسك قلبها يدق دق وتناظر بعيون مشاري اللي تناظرها بحب حست انه يقرا افكارها وفاهمها ..

سارة : الله على الرومنسية بس .. صورتها ..

ومشاري كل دقيقة مطلع له حركه وسارة تصورهم ..

سارة : مشاري .. أعقل والله أني استحي .. أخاف أخترب ..

مشاري : ماعليك .. أنتي صوري ..

سارة : وإذا أمي شافت الصور والله أنها تقصفني بصاروخ نووي ..

مشاري : ماعليك .. أنتوا عندكم طابعه ؟؟ ..

سارة : إيوا .. ليش ؟؟ ..

مشاري : حلو .. انا بكرة أجي بيتكم أطبع الصور على ورق تصوير .. وأنتي حذفيهم من الكاميرا .. أوك ..

سارة : طيب بس أنا مالي شغل .. تراني أنا استحي ..

مشاري ماسك مسك : أنتي بس صوري ..

سارة : ومسك موافقة ؟؟ ..

مشاري ناظر مسك بترجي : مسك يلا .. عادي .. انا وأنتي مملكين على بعض .. يعني أنا زوجك عادي ..

مسك انحرجت مررة من كلمة زوجك ومن طلب مشاري .. ونزلت راسها ..

مشاري : السكوت علامة الرضا ..

سارة : أنا بطلع مالي شغل فيكم ..

مشاري : سوييرة .. صوري ذي الصورة وطلعي ..

سارة : طيب أنا بضغط الزر بعد ما أعد للثلاثة وأنا مسكرة عيوني اوكي ..

مشاري : طيب ..

سارة ضبطت الزوم للكاميرا وثبتت يدينها ولفت وجهها وهي مغمضة : مالي دخل فيكم .. وااااحد .. اثنين .. ثلاااااااثة .. يلاااااا .. (وضغطت زر التصوير ) ..

مسك جسمها ولع ضو .. وصار مرة حار .. من حركة مشاري .. وحست بأنفاسه .. وتحس بأي لحظة بيوقف دقات قلبها .. وانتفض جسمها .. وبصوت هامس بالموت ينسمع لدرجة أن مسك ظنت أن الكلام مايطلع من فمها وبصوت خجول ومهزووز بقوة : خخ .. خخللل..خخلللاصصص ..

مشاري سمع صوتها وحس فيها .. ترتجف بشكل مو طبيعي .. خفف من ضمته لها .. وبعد عنها تدريجيا بس لا زال قريب منها .. وضمها مرة ثانية بخفيف : خلاص ماصار شي .. سارة خلاص اطلعي ..

سارة فتحت عيونها وسكرت الكاميرا على طول ورمتها بشنطتها : طيب بس إن سويت لها شي الحين .. بقول لابوي ..

مشاري ابتسم : لاتخافين أنا أخاف عليها من نسمة الهوا ..

سارة طلعت من الغرفة بهدوء ..

مشاري يناظرها بحب : قلبي مسك يلا نمشي ..

مسك وهي تحاول تضبط دقات قلبها ورجفتها وخجلها .. أخذت عبايتها بهدوء وقاعدة تلبسها ..

مشاري حس في مسك ويبغى يغير لها الجو : إلا بسألك قريتي على نفسك في العرس ؟؟ ..

مسك هزت راسها بدون ماتتكلم .. وخلصت لبسها للعباية ..

مشاري مسك يدها : حبيبتي ماله داعي الرجفة ترا عادي .. تراني ماسويت شي كبير أو غلط .. يلا عاد اضحكي ..

مسك ابتسم ابتسامه صغيرونه على اسلوب مشاري عشان يخليها تتكلم ..

وطلعوا برا الغرفة ..

والكل توزع على السيارات كالتالي ..

الأباء والأمهات كل واحد أخذ زوجته وعيالهم الصغار مع الخدامات معاهم ..

أما الشباب توزعوا مثل أول ماجاو كذا مع تغير بسيط : ..

] في سيارة مشاري معاه رائد قدام و ورا مشاري سمر وجنبها مسك[

و

] في سيارة ريان معاه يوسف قدام و ورا ريان ملاك وجنبها رهف [

و

] في سيارة مشعل معاه طلال قدام و ورا مشعل دانيا وجبنها نوف [

و

] في سيارة رامي معاه سامي قدام و وراه دانة وجنبها سارة و روان [

و

] في سيارة فارس ماحد معاه قدام و وراه ياسر وتركي [

في سيارة مشاري ..

الجو هادي ومشاري مشغل موسيقى كلاسيكية ومكبر على الصوت شوي ولا أحد يتكلم ..

رائد استغرب من سكوت مشاري .. لان مشاري من يجلس مع مسك لازم يسولف معاها ولو بس يسألها عن حالها : فيــه شي ..

مشاري لف عليه بهدوء ولف مرة ثانية على الطريق : لأ .. ليش ؟؟

رائد حرك كتوفه : ما ادري .. بس كذا إحساس ..

مشاري في قلبه "" والله لو يدري كان صارت علوم "" .. وبهدوء : أهآآ ..

ورجع السكوت للسيارة غير صوت المسجل اللي يصدح فيها ..

في سيارة ريان ..

يوسف : يعني فليتوها ..

رهف : إيه .. من ناحية فليناها فليناها .. بس أحس جسمي تكسر ..

ريان : على الأقل يتكسر بالرقص .. أحسن من أنه يتكسر وانتي واقفة كل دقيقة تسلمين وكل دقيقة تصبين قهوة .. والله حالة ..

ملاك : أبغى أعرف وش تحسون به في عرس الرجاجيل ؟؟ ..

يوسف مروق بعد هالتعب : شعور أي مواطن سعودي متوعدين فيه إذا ما سوى شي ..

ملاك : الله لو أحد من خوالي هنا ويسمعك تتوقع شنو يصير ..

رهف : ياحبيبتي ياملوك أفكارك بالمرة سلبية ..

يوسف : فال الله ولا فالك .. أعوذ بالله ..

ريان يبغى بأي طريقة يسولف مع رهف : أجل اليوم كاشخين .. شنو بتسوين في عرس اخوك يارهف ؟؟ ..

رهف بعفوية : ياقلبي والله يمكنـ (وعضت على شفايفها بقهر على زلة اللسان هذي) ..

ملاك تحرك حواجبها : أجل ريانوه قلبك هاااع ؟؟ ..

يوسف ضحك على كلام ملاك : هههههههههه ..

ريان يبغى يقهر ملاك : ياااربي .. تعلمي .. هذا الناس اللي لسانهم دايم معسول مو انتي مالت عليك ..

ملاك تكتفت وتسندت وهي تناظر ريان بأطرف عينها اللي مو مبين على ملامح وجهه أي تعبير لكلمة رهف .. وتناظر رهف اللي تناظر الشباك بهدوء : الله يعلم مافي القلوب ..

يوسف : وانا أشهد ..

في سيارة مشعل ..

مشعل جالس بالكرسي اللي جنب السواق ومخلي عمه طلال يسوق سيارته .. ويسولفون بهدوء عن أوضاع المستشفى ..

طلال : دانيا وين بيت صديقتك ..

دانيا لفت على نوف : وين بيتكم ..

نوف : في حي الـ .. في شارع الـ ..

دانيا : في حي الـ .. في شارع الـ .

طلال عقد حواجبه : ماعرفته ؟؟.. مشعل تدله ؟؟ ..

مشعل : لا والله ..

طلال : صديقتك تدل حيهم ؟؟ ..

دانيا لفت على نوف ونوف هزت راسها بـ إيـه : إيه تعرفه .. وصفي له ..

نوف أشرت على نفسها باستنكار وبهمس : أنا بقول وانتي قولي له ..

دانيا بنذاله لانها تدري أن صاحبتها خجولة شوي من الشباب اللي ماتعرفهم : والله كفيك .. أنا مو ببغاء أردد الكلام .. قولي له ترا عمي ماياكل ..

مشعل وطلال ابتسموا ..

نوف تمنت تذبح دانيا بهاللحظة : أححم .. جنب مركز الـ . لف يسار .. فيه شارع اسمه الـ . الفله اللي لون بابها نحاسي ..

طلال يسمع صوتها الهادئ المرتبك وهي توصف له : أهآآآ .. عرفته .. خلاص ..

نوف ماصدقت على الله تخلص كلامها تسندت بارتياح واتصلت على بيتهم تقول لهم أنها جاية ..

في سيارة رامي ..

الهدوء سيد المكان .. كل واحد ساكت مهدود حيله بعد العرس ..

وصوت أغنية أنجليزية هادئة مصغر عليها رامي .. وصوت روان وسارة يتهامسون عن الأشياء اللي شافوهم بالعرس .. وكل واحد مع تفكيره ..

سامي ساكت وكل همه النوم لأنه بجد تعب ومانام عدل .. أما رامي ودانه تفكيرهم منحصر بالثاني .. ويفكر بشنو يفكر الثاني ..

في سيارة فارس

فارس يسوق ويحس أنه شوي بينام .. إلا أن ياسر وتركي يسولفون فوق راسه عشان لايسهو ويصير فيهم حادث ..

فارس : طيب تروك بس اسكت شوي .. راسي أحسه بدا يألمني ..

ياسر : ماعليك منه .. والله أنت شوف نفسك عيونك شوي وتسكر من النوم ..

تركي : إيه .. كلها دقايق ونوصل ..

فارس تنهد وتمنى أنه ركب مع أحد يسوق بداله : طيب سولفوا ولا بجد بنام الحين ..

في بيت بوم مشعل أول ماوصلوا ..

سمر صعدت على طول لغرفتها تدور الفراش ..وأم مشعل نفس الشي ..

سامي يحس نفسه بالموت يمشي لأنه دايخ مره ويحس بتعب شوي ويكح بالخفيف ..

رامي ينبه سامي : سامي استخدم البخاخ الحين عشان لاتجيك نوبة ..

سامي يدور في جيبه وهو شبه مغمض عيونه : طيــب .. (واستخدم البخاخ) ..

مشعل مر جنبهم واسند سامي .. اللي يحس أنه شوي وينام بالدرج : ههه عاد بلا تدلع .. بوصلك هالمرة بس ..

سامي يحس عيونه جمر : تسوي خير ..

رامي ومشعل وسامي صعدوا فوق وكل واحد توجه لغرفته ..

&&&&&&&&&

بعدها كل واحد وصل بيتهم وناموا .. كل واحد بهمه وفرحه .. ويتمنى يكون بكرا يوم جديد حلو عليهم ..

في اليوم الثاني على الساعة 2 الظهر ..

في بيت بو أحمد ..

جا احمد مع جنى يسلم على أهله قبل لا يسافر مع زوجته شهر العسل ..

أحمد سلم على أمه وأبوه وجنى نفس الشي ..

أم أحمد : صباحية مباركة ياعرووسة وعريس ..

أحمد وجنى : الله يبارك فيك ..

أحمد : أقول وين البنات وياسر ؟؟

بو احمد : أمس ماجينا من القاعة إلا على الساعة ثلاث ونص تقريبا وعلى طول ناموا ..

أحمد ابتسم بمكر : أهآآ .. جنوو تعالي معاي ..

أم أحمد وبو أحمد ابتسموا على حركات ولدهم .. وهذا تزوج ولا عقل ..

دخل أحمد وماسك جنى بيده لغرفة البنات و ولع الأنوار : بناااااااااااااااااااات قوووومووا انا وصلت ..

دانة عقدت حواجبها وغطت وجهها بالبطانية : ياسرووه أنقلع براا ..

أحمد : أعووذ بالله الأخلاق مقفلة .. أقوووولكم جلسووا أنا المعرس وصلت .. بسافر ماليزيا بعد ساعة ..

دانيا حطت المخدة على وجهها : استغفر الله .. هلا احمد مبروك .. يلا تروحون وترجعون بالسلامة .. طف النور .. وسكر البااب ..

جنى ابتسمت على تصرف احمد ودانيا ..

أحمد سحب البطانيات بقوى من دانيا ودانة وانحاش وهو يسحب جنى بسرعة ..

أحمد سمع صراخ خواته : ههههههه ..

جنى : حراام عليك ..

أحمد : هه ماعليك منهم .. يلا مشينا ماعلينا من ياسروه .. نزور اهلك ونروح المطار ..

جنى : يلا ..

&&&&&&&&&&&&&

على الساعة ثلاث العصر ..

في بيت بومشاري ..

مشاري لبس ملابس سبورت لونهم رمادي وفي يده كيس فيه ظرف لأأوراق طباعة خاصة حق الصور و ألبوم صور جديد .. ومتجهز للطلعة .. استوقفه صوت رهف من وراه ..

رهف : مشاري ..

مشاري لف عليها : هلا ..

رهف قربت منه : شوي ممكن ..

مشاري فهم على أخته أنها تبغى تكلمه في موضوع : اوكي (وجلس على كنب) .. قولي ..

رهف : إممم وين بتروح ..

مشاري بهدوء : عند مسك ليه ؟؟ ..

رهف : إممم بسألك سؤال ؟؟ .. ممكن ؟؟ ..

مشاري : أوكي ..

رهف : انت مرتاح مع مسك ؟ ..

مشاري استغرب بالمرة من سؤال أخته : أكييد مرتاح ليه تسألين ..

رهف : أأ .. ما أدري بس امس يوم جينا بنمشي من العرس كلمتها ماردت علي .. وأنت

مشاري ابتسم بالخفيف وعرف ليه أخته تسأل .. لأن مسك من وقت الصورة مرة مرتبكه : إيوا .. وانا إيش ؟؟ ..

رهف : أأ .. أنت تصرفاتك مع مسك في المزرعة من قبل وكذا وحتى يوم الملكة .. وتراني لاحظتك في الملكة كأنك مجبور أو متألم شي كذا ؟؟ ..

مشاري عقد حواجبه : مجبور ؟؟ متى ؟؟ ..

رهف : أنت في الملكة تنهدت بطريقة غريبة يوم جيت بتطلع من الصالة .. ماعجبتك مسك ؟؟ والله مسك جمال ودلالـ

مشاري قاطعها وهو يضحك : هههه لو من اليوم لبكرا تمدحينها ماوفيتي حقها .. أنا في الملكة تنهدت بألم صحيح .. لأن الوقت ماكفاني أملي عيني من مسك .. فهمتي ولأن أبوها وأبوي غصبوني اطلع من عندها .. فهمتي ؟؟ ..

رهف فهمت : أهآآآآآآآآ ..

مشاري وقف : هاا بغيتي شي ثاني ؟؟ ..

رهف ابتسمت : لا .. والله يوفقك وننتظر عرسك ..

مشاري لبس نظارته الشمسية : ربك كريم .. خلي العروس تحدد اول .. (وطلع) ..

&&&&&&&&&&&&&

في بيت بو فارس ..

الكل نايم عدا مسك اللي جلست لأن مشاري قال لها انه بيجي .. ويوم درا أنها نايمة كان بيهون بس مسك أصرت عليه ..

مشاري دخل بعد مافتحت له الخدامة : هلا مسوك (وحضنها) .. كيف حالك ؟؟ إذا أنتي تمام انا تماام ..

مسك ابتسمت بخجل : الحمدلله ..

مشاري رفع الكيس اللي بيده : أول شي أول شي لازم نطبع الصور ..

مسك ابتسمت : طيب نصعد فوق لغرفة الكمبيوتر وأنا اجيب الكام حقت سارة ..

مشاري : يلا ..

وبالفعل بعد خمس دقايق تم طباعة الصور .. ومسك ماتجرأت وناظرتهم .. ومشاري نسقهم بالألبوم ..

مشاري سكر الألبوم : خذي الألبوم هذا واحتفظي فيه كل مانصور صورة نحطها هنا أوكي ..

مسك مسكت الألبوم بخجل : أوك ..

وطلعوا برا غرفة الكمبيوتر ومسك دخلت غرفتها وحطت الألبوم في أحد الأدراج وطلعت لمشاري ..

وظلوا يسالفون كأنهم عصافير الحب تقريبا نص ساعة بعدها قام مشاري ..

مشاري : أكلمك بالليل أوك قلبي ..

مسك خدودها موردين شوي : اوك ..

مشاري بسرعة باسها من عند خدها ومشى ..

مسك تحسست خدها بحرج .. وجلست على التلفزيون عشر دقايق .. إلا وعمها طلال دخل ..

طلال : هااي ..

مسك : هايات .. خلصت مناوبة ..

طلال تنهد : ياليت .. ساعة بريك بس ..

مسك : أهآآ .. و رائد ؟؟

طلال ناظر مسك وهو مضيق عيونه : قال بيظل هناك أحسن له .. مسك شنو ذا ؟؟ ..

مسك : شنو ؟؟ ..

طلال حرك ياقة بلوزتها اللي مغطية رقبتها : ذا اللي هنا ..

مسك ارتبكت وتذكرت أمس : هاا ؟؟ .. يمكن بعوضة ..

طلال فهم وميل فكه ولا علق : أهآآ .. أجل بعوضة أجل ..

مسك انحرجت وقامت : أأ انا بنام شوي ..

طلال مسكها من يدها وجلسها : وين رايحة أجلسي .. عادي مافيها شي ..

مسك مفتشلة وساكته ..

طلال مايبغى يحرجها : قومي سوي لي عصير برتقال من تحت يدك إذا ممكن ؟؟ ..

مسك قامت بسرعة : اوك ..

طلال ابتسم على حركة مسك وهو مريح على الكنب ..

وبعد خمس دقايق جات مسك بالعصير : تفضل ..

طلال : زاد فضلك .. أهم شي أنك مسويته مو الخدامة ..

مسك ابتسمت : إيـه..

طلال شرب شوي : إممم ممكن سؤال ؟؟ ..

مسك : تفضل ..

طلال : شنو اسم صديقة دانيا ؟؟ ..

مسك عقدت حواجبها : أي وحدة ؟؟ ..

طلال : اللي بالعرس ..

مسك فهمت عليه وابتسمت : أهآآ متى شفتها ؟؟ ..

طلال : عاد يلا مسك .. شفتها وخلاص ..

مسك : اسمها نوف .. اللي راحت معانا بريطانيا ..

طلال : إيـــــه وأنا أقول وين شفتها من قبل ..

مسك : متى ناوي ؟؟ ..

طلال : على شنو ؟؟ ..

مسك تحمست : تخطبها ..

طلال : ارقدي يابنت .. توني صغير ..

مسك : لااا والله أجل ليش تسأل ؟ ..

طلال : مجرد إشباع فضول لا أكثر ..

&&&&&&&&&&&&&&&&&&

يتبع ,,,,

👇👇👇

تعديل المقال