رواية بصدري وجع كنت احسبه نام يا صدري -35

رواية بصدري وجع كنت احسبه نام يا صدري -35

ساد الصمت بينهم وركبوا تاكسي وعيون كلن منهم تراقب شي عينها على شوراع لندن وتبي توصل لـ رتيل وعينه عليها بعشق فاضح ..

لحظات ووصلت ..

مصعب : هذي الفيلا ..

نزلوا ..

سلطانه: لاتتركه يمشي بنأخذها ونطلع ..

مصعب : إن شاء الله ..

لحظات وفتح الحرس مع دق جرس الفيلا الخارجي ..

سلطانه: فيلاً عساف ؟

الحارس: آييه .. مين أنتي ؟

ناظرت مصعب وهو يتكلم مع التاكسي : زوجة أخو مدام رتيل وأخوها ..

الحارس يناظرهم : شوي طيب ..

دق على عساف ومايرد ..

: طيب تفضلوا ..

دخلوا ..

دقت على رتيل وطلعت لها وهي تركض وارتمت بأحضانها بكل قوة :جيييتيي أخيراً..

بكاها بكى رتيل : بس ي بعد قلب صديقتك ..

مسحت دموعها : نطلع ..

الحارس: ممنوع ..

رتيل محتميه بصديقتها : كل تراب مهوب شغلك وبطلع ..

الحارس: لو سمحتي لاتسوين مشاكل مع طويل العمر وتفضلي لداخل مع الضيوف..

رتيل : لا ..

مصعب وهو واقف برى نادى الحارس : شفيك تتكلم مع البنات كذا ..!

الحارس: المدام ممنوعه من الخروج وهي الحين تبي تطلع ..

مصعب : لييه طيب ؟

الحارس : طويل العمر رافض خروجها ..

تقدمت ولاقدر يلمسها لان عساف محذرهم لاحد يلمس طرف آصبعه جزء من جسدها لو تسوي اللي تسويه ..

بعصبيه : بطلع ومالك شغل فيني فاهم ..

تنهد بزعل واضح ولاقدر يسوي شي ويدق على عساف ولايرد ..

مصعب : هذا رقمي أتركه يدق علي وقله هي بـ آمان ومع صديقتها ..

ركب السيارة وصك باب الفيلا ..

مصعب كان مندق ويناظر جواله ومنحرج لاول مره يصير معه هالموقف ووراه رتيل وسلطانه ..

طلبت منه سلطانه ينزلهم بأحد الاسواق المعروفة .. نزلوا وعطاها جواله الثاني : حطيه معاك احتياطاً ..

أخذته ..وحرك التاكسي من عندهم ..

رتيل يدينها تشد كفك سلطانه :اخييراً شفتك ..

سلطانه تمسك كفوفها ويجلسون بأقرب كافيه :ها طميني شخبارك؟ وليه وجهك ذابل كذا ؟

رتيل نتهدت : عايشه مع آنسان حقير حقير ..كل حياته ضرب الحيوان ..

سلطانه: كسر .. ليه طيب؟

رتيل: ماعرف آسكت وهو يمد يده ..

سكتت شوي : سوس أبي آغير جو مابي آجيب طاريه آبداً ..

سلطانه شدت على كفها : ولايهمك من عيوني ..

دق جوال رتيل بعيون دامعه: عساف ..

سحبت سلطانه الجوال : خيير موب يكفي حابسها ي التسلب ..

رجع وناظر الجوال وشاف رقم رتيل وبعصبيه : خيير مين أنتي ؟

سلطانه : انطم ولاكلمه .. لاتسوي فيها رجال وتستقوي على بنت ..

عساف بعصبيه : بنت الناس لاتخليني آحطك براسي عطيني زوجتي ..

سلطانه تستهزئي فيه : أنت مين تحطني براسك لعنبوا مرجله تعرفها..ورتيل ماتبيك ولاتبي تشوف ولاتسمع لك صوت ..

عساف بعصبيه : بنننت عطيني آياها آحسن لك ..

سلطانة : الظاهر عطى مصعب رقمه دق عليه وتفاهم معاه واترك حركه تستقوي على بنات ..

صكت الجوال ..

رتيل : فدديييتك ..

ابتسمت لها : قومي تبين نروح للفندق وترتاحين لان وجهك بجد تعبان ..

رتيل : ي ليت ..

قامت معها ووقفت تاكسي لاجل يوصلهم للفندق عقب ماعطته العنوان ..

.

.

.

الرياض ..

المجمع ..

الجوهره : شرأيكم بالبلوزة ..

الجوري: إليييمه ..خذيها ..

شافت بلوزة شتوية أعجببتها : الوانها إلييمه ..

كادي : حلوه تناسب السكيني اللي من شوي شريناه ..

لمار : تعالي في محل جيته من فترة فيه بلايز وتشيرتات رهيبه ..

أخذت لها ..

الجوري : خذي على مقاسك آوب آوسع ..

ابتسمت .. وأخذت على مقاسها حاسبت وطلعوا من المحل ..

لمار : هالمحل آعششقه كل لبسه كيوت ..

الجوهره : ماحب الشي الكيوت ذا ..

الجوري: انثبري هماك راح تغيرين اللوك ..

الجوهره: الا ..

كادي : آجل انثبري ..

ابتسموا صديقاتهم .. دخلوا للمحل .. أخذو منه كم بلوزة وطلعوا عقبها دخلوا لمحل عطور ومكياج ..

كادي : جممميل هالمححل جداً .. أنا وخالتي سحر نجيه دوم ..

أخذو منه وطلعوا وعقبه دخلوا لمحل خاص بالاحذيه والشنط والاكسسوارات ..

جلسوا وهم يطلبون لهم ..

كادي : ظهههري قضى ..!

الجوري : ياويلك لو يصير للبيبي شي نقولك من الصبح اجلسي ورافضة..

ضحكت : أذا الله كاتب له يعيش بيعيش .. منيب متشفقه عليه الا لان محمد ميت عليه ..

الجوهره : وكان قبل مايبي ..؟

كادي : لا شكله من بدري يبي البيبي بس من ردة فعلي حتى كنا راح نجهضه بس خالتي هددتنا ..

الجوري : حرام عليكم روح ..

الجوهره : مهبول وهي آهبل منه ..

ضحكوا البنات ..

لمار : جوهره راح ترجعين له ؟

بضيق: أكييد برجع له دامه مبعد عن بعض الحركات ..وحتى مابي آهلنا يشكون بوضعنا .. وبالشقه اصلاً به غرف كلن منا بحاله ..

الجوري: مهيب حل .. صدقيني جوهره الرجال له قوه موب كل مره بتقولين بنام وحدي بيسكت شوفي سطام متزوج واللي يحبها بس كل شوي ناط لي الغرفه وكل مره بعذر .. تفاهمي معه بالهدوء وارجعوا لوضعكم العادي لان واضح بأنه يحبك..

الجوهره وهي تعدل غطاها : يحبني ..!

قصدك يحب رغبات غبيه ..

الجوري بضيق حالهم نفس بعضهم : الله يعين ..

كادي كانت راح تتكلم ودق جوالها : محمد ..بنات كم الساعه ؟

لمار تناظر جوالها : 10 وبنهايتها ..

ردت : هلا محمد ..

محمد : هلا بقلبه .. آنا بسيارتي برى المجمع اطلعي لي ..

كادي : حبيبي أنت .. شوي وكنت بطلع للبيت ليه تعبت كذا ؟

ابتسم : فديت مهنا كلافه .. آنتظرك عند بوابة 2

: آوككي ..

شالت شطنتها والاغراض حقتها : بنات بروح محمد تحت ..

وقفوا صديقاتها ونزلوا معها .. أخذت له قهوة وكرسبي كريم ..

نزل من سيارته من شافها شال الاكياس منها والقهوة ..ياحبها له هالانسان ..ركبت جنبه أخذ منها الكرسبي وحطها له بينهم والشنطه حطها بالخلف ..: الله لايحرمني منك ..

ابتسم :ها كيف الفطور ؟

ابتسمت : ححلو .. وشريت كم غرض لنا بعد ..

عطته الدونات والقهوة

ابتسم :لي ؟

وهي تعطيه : اكييد فديت عمرك ..

أخذ منها وهو يحرك ويطلع من مواقف المجمع ..

: مريت البيت ؟

: آييه بدلت وجيت لك ..

وقف قبال آشاره وآخذ القهوة وهو يشرب بهدوء وهي حاطه كفها على خدها من ورى غطاها وتناظره وبقلبها الله لايحرمني منك يامحمد ..

.

.

.

بريطانيا ..

الفندق ..

مصعب : سلطانه توه كلمني الرجال وعساف رجال ونعم فيه ليه ماتبيه ..!

سلطانه : أنت تعرفه ..!!

مصعب : اكيييد آعرفه تدرين بأنه ولد عمتي ..

انصدمت بشكل ..: لحظه شلون ولد عمتك ..؟ وأنت ماقلت لي من قبل ؟وحتى ماحضرت الملكة لانك كنت مع سعود تتعشون ..!

مصعب : شلون آقولك وأنا توني آعرف بأنه زوج صديقتك ..عساف شوي وبيمر والحمدلله بأني قريبه والا مهوب ساكت ..وبعدين كان عشاي مع سعود آهم مع أي حضور ..

سلطانه شوي وتجن : مصصعب كيف ماعرفت من الفيلاً بأنه ولد عمتك ..وحتى المستشفى شلون لما تنومت بأنه حق ولد عمتك ..!

مصعب : مهيب من كثر سفري للندن ..والمستشفى يكون بعلمك عنده غير ذا كثير بالرياض واعتقد ماعندي حصر لاملاك عساف ..!

الحين شوي وبيجي وهو معصب من دق علي ..

سلطانه : تفاهم معه يتركها البنت تعبانه ححيل والحين نامت ..

دق عساف عليه : تعال آييه ..

صك منه ..ودخلت لصديقتها وهي نايمه ..

سمعت صوت عساف بالصالة حاد صوته هالانسان ..

مصعب : عساف وراك اركد الله يهديك .. البنت تعبانه وهي الحين نايمه..

عساف : آشلون تطلع من الفيلاً بدون آذن ..

همس له : يارجال خف على البنت .. لاتتركها تكرهك خلها مع سلطانه تراها ماجت من الرياض الا لاجلها ..

عساف بتقطيب حواجبه : أنت تدري؟

مصعب: شلون آعرف تو الحين آدري بأنها زوجتك .. اركد وعين من الله خير البنت بـ آمان وهي نايمة ..

عساف: تعالوا للفيلا كلكم .. هناك آريح لها وبتكون مع صديقتها لاتخاف..

مصعب : خلها براحتها .. توكم متزوجين ولابد من هالتصدام بالافكار .. مهوب من آول زعل تسوون كذا ..

سكت شوي : طيب بجلس أنا معها ..

مصعب : شوي وبرجع لك ..

عساف: تعال هنا أنت متى سويت عرس ولاعزمتنا ..

استغرب : أنا ؟

عساف: آييه ..

مصعب: لاسويت ولاهم يحزنون عرسي بعد كم آسبوع ..

عساف: طيب واللي هالحين معاك هماها زوجتك ؟

مصعب ابتسم : آييه زوجتي بس جينا هنا لاجل زوجتك ..

عساف: طيب وشلون وضعكم ؟ ورى ماجا واحد من آهلها بدالك وشهو حكي الناس وتوكم مملكين ؟!

مصعب : محد يدري من آهلنا ولا آهلها الا أخوها ..وأنت كتم على الخبر وبعدين كلن منا بحاله ..

وهو يسند نفسه : حلوه ذي زوجتك ونايمه بجناح وبجناح.. لو يعرفون جدانا القدامى بحالك كان صار فيها قبايل ..

ضحك مصعب : وش عليك أنت خلك بحالك ..

عساف : هي اللي تبيها من فوق الـ 7 سنين ؟

ابتسم له ومشى ..

طلع ودق على سلطانه وطلعت له بصالة الجناح : يبي يشوفها بس شوي ..

وهي متكفته : رتيل نايمة وماتبي تشوفه ..

مصعب : مصر يشوفها وتراها زوجته .. خليهم يمكن تنحل سالفتهم ..

سلطانة : لاتفكر ..

احتار مصعب هذي عنيده وهذاك آعند ..

طلع لـ عساف ..

مصعب : خلاص ياخي ..

عساف بعصبيه : دامها عناد غصب عنها بدخل إن جينا للحق تراها زوجتي ولاآبن آمه يمنعني عنها ..(بنره ) أخذتها غصب عن ناس كثير ورجال لهم مكانتهم تجي بنت وترفض لا مهيب حلووه ..

مصعب : لاحول ولاقوة الا بالله ..

دخل لـ سلطانه وناداها ..

رتيل : جا ..

سلطانه: ماعليك .. غريبه صحيتيي ..

رتيل : راسي يعورني آبي حبوب تخفض الالم ..

سلطانة قامت : خل آشوف شنطتي ماتخلا بالعادة ..

دورت وشافت حبوب العلاجات وكلها مهملتها ..!

غضت النظر ودورت الفيفادول طلعته وعطت رتيل وهي تنزل الكوب من كفها ..

رتيل : آتركيه يدخل ..

سلطانه: نامي وخليه يأكل تراب برى ..

رتيل خايفه على سلطانه منه تعرفه شري : لا فديتك خليه يدخل ..

وقفت واحترمت رغبتها : آوكككي ..

طلعت وعدلت حاجبها وهي تلبس نظاراتها دنق عساف ولف من سمعها تقول لمصعب يدخل ..

آنصك باب الجناح عليهم ودخل للغرفه وهو يشوفها مرفعه راسها على المخده ..: ماسبق وعذبت أحد أحبه الا أنتي ..!

: يعني لازم هالمشاكل والصوت الحاد لاجل تشوفني .. وش تبي ؟

وهو ينزل الجاكيت : بجلس معاك .. لو هالتعب موب مالي وجهك كان لي تصرف ثاني لاجل تعرفين كيف تطلعين من البيت بغير آذني ..

: تضرب قصدك ؟

آضرب وآذبح بعد .. دام المرجلة عندك كذا ..

يناظرها ويمتع عيونه بعيونها الملمعه من التعب والدمع : دام تصرفاتك كذا ماراح تعرفين وتذوقين رجولتي الحق .. ولالك من رجولتي سوى القسوة والاهانات..

: من قالك آبي تصير مثل باقي الرجال ..!

دامك آخذت وحده من آحضان غيرك تبي تصير رجال وعلى بالك عندك شي من الرجولة لاجل تظهره ..!

كان يشد كفها بقوة : تبين آذبحك هنا ..

: براحتك ..

ذبحه برودها وجلس يناظرها : آمسكي لسانك لا آقصه لك ..

بخز : العين بالعين والسن بالسن والجروح قصاص ..

بضحكه : أنا زوجك محد يقدر يكلمني فيك ..

بتعجب : الوالد ماينقص فيه بولده هذا اللي آعرفه بشرعنا ودييننا .. آما الزوج يهبئ ..

ناظرها شوي : بسكت لاجل وضعك المزري ..!

دق على مصعب : خلاص بجلس معاها .. ههههههه زين ..سلام ..

صك الجوال ونزله جنبه وهو ينسدح جنبها :لاتجادلين ولاتتكلمين لاني بنام مرهق بالحيل ..

غمضت عيونها لاجل تغفى وتأخذ الفيفادول مفعولها ويهدئ الالم ..

ارتاح بأنها ماقالت شي وبدأ يغفي ..

***

عكس سلطانه ومصعب طلعوا من الفندق لاجل تسلم على أبوها ..

مصعب : لو قالك الوالد تجلسين عنده بتجلسين ؟

سلطانه من ورى نظارتها : لا , آوب مود تعكير ..

مصعب ابتسم يعني بتجلس معاه ..

سلطانه : للحين موب متخيله بأنه ولد عمتك ..!

: لييه طيب ؟

سلطانه : هو من نجد صح ؟

ابتسم : آييه عمتي متزوجه من نجد ..

سلطانه: آها ..

آكتفت بـ آها وعيونها تناظر طرقات لندن ..

.

.

.

الرياض ..

بيت جد كادي ..

محمد : الليلة ..خلاص يعني لا آجي الحين .. يالله تساهيل تساهيل.. أشوفك المغرب ..تعال بتحرك طيران أو باصات .. خلاص المغرب بكون هناك بأذن الله ..

صك جواله وضاق صدره شلون بيقولها لها ..!

دخل وشافها تسولف مع جدتها وتوريها الملابس اللي شرتها .. ماحب ينغص عليها ويقول هالخبر ..

لفت وشافته : غريبه مابترجع للشغل ؟

يبتسم لعيونها : لا بريح هنا ..

كادي : آوككي آجل نام إلين يخلص الغدا ..

: بطلع آجيب الغدا ..

وقفت : لا روح ريح ..

وهو مبتسم : بطلع آجيب .. ومنها آجيب خالتي سحر خليها تتغدا معنا بما آن زوجها بشغله ولاهو راجع الحين ..

طلعت معه : متأكد مافيك شي ؟

محمد وهو يملس خدها: لا حبيتي شفيك بس .. بروح خالتي وعقب نجيب الغدا..كلمي خالي الوليد وسلمان ..

تناظره وهي ماسكه طرف شماغه : غريبه تبيهم يتجمعون ؟!!

وكفه بخدها ويصرف : لاجل ماتتعبين وتحضرين غدا ثاني ..

باسها وطلع ..

وبقلبها: ربي يحفظك ..

دخلت لجدانها وتالي طلعت لغرفتها لاجل ترتبب الملابس الجديدة ..

.

.

.

العصر ..

تتابعت شهقاتها وهي تناظره بصدمة ماتوقعت اببداً .. كل لحظه ويوم تكذذب الخبر..

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

البارت الخامس والثلاثين

بيت جد كادي ..

مسح دموعها واحتار معها ضمها لصدره بكت آكثر ..رفع وجهها وهو يناظرها ويتكلم معها ويهديها تبكي أكثر ..لو تكلم معها بكلمه وحده يهديها مافهمت له وبكت ..ضمت نفسها واستهدى بأنه ينادي خالته وجات ومعها جدتهم معها ..

محمد : تكفون هدوها ..

جدته بضيق :ومتى بتسافر ؟

محمد وهو يطلع الدرج مع جدته وخالته : المغرب بنحرك من الرياض ..

جدته : ي ضنا جدته الله يحفظك ويردك سالم ..

وقف عند باب الغرفه وهو مخنوق ماقدر يدخل لداخل وساكت ..

جدتها جلست وهي تهديها: يبجي بعون الله والمشكلة قربت تتنهي لاتبكين كذا ياكادي بيجي إن شاء الله ..

جاتها الصدر الحنون لها بكل لحظاتها آمها وجدتها وصديقتها وكل شي بحياتها بكت أكثر وهي تحط راسها بحجر جدتها : لايسسافر هناك قتل وكل شي .. ماببببي..

خالتهم دمعت عيونها محمد موب بس ولد أختها هو قريب منها بدرجة خياليه يسولف لها يشكي لها وتشكي له كفت دموعها دخل الوليد وجلس على السرير وهو يمسك كادي : حبيبة خالها بيرجع بعون الله وكل فترة بنقط لـ أبها وبنشوفه ..

خالتها : خلاص حبيبتي شوفي الوليد قالك بيوديك هناك وبيجي محمد وبيشوفك ..

احتواها خالها وهي تبكي : لا خاااالي آخاف مايرجع .. أنت تشوف هناك فيه شهداء..

الوليد يمسح على شعرها : آفا خلي عندك ثقه بالله عز وجل .. بأذن الله يرجع لك سالم غانم ..

وجه كان متغير بالحيل وضايق ..

الوليد : طيب وعد لو جات فترة آوديك بالويكند آبها وعاد محمد يجينا ..

قومها خالها وغسل وجهها بيده وهو يمازحها : مالت عليك سافرت دورة برى ولابكت علي كذا ..

حاول فيها تضحك ولاطاعت قلبها مأكلها عليه ..

لعب خالها بشعرها : محمد شف دلوعتك سكتها خلنا ننزل تنقهوى ..

جدته : الله يهديك ياكادي ..

أخذ الوليد امه وسحر وطلعوا ..

تقدم وصك الباب وهو يضمها : ي بعد محمد وعيونه وقلبه ..

حاول يهديها بس ماله لوى ابداً .. بكاها اللي تبكيه بكى شخص مودع للحياة وهالشي ضيق محمد أكثر ..

.

.

.

بيت أبو سطام ..

جلس جنبها وتضايقت :سطام خيير ..

وهو يحط راسه على كتفها ويده على خصرها : خيير ها ..بسوي أكثر خليك كذا بس..

الجوري حاولت تنفض نفسها منه : سطام لاتجي آمك آو أحد .. خلاص ياخي ..

ضحك وهو يرفع راسه : حححلوه ياخي تعربجتي ..

ماعلقت وتكتفت بزهق منه ..قامت من شافت عمتها معاها القهوة وأخذتها منها وهي تجلس جنبها ..

انقهر : ماقمتي لاجل لامي ماتبين تجلسين جنبي ..!

الجوري تسفهه وتعطي عمتها فنجان قهوة ..وقامت لاجل تعطيه من أخذ الفنجان مسك كفها ..: يالله هيي بلا حركات..

عمتها ضحكت: اجلسي يابنتي جنبه هالولد جنني ..

جلست على دخول أبو سطام ..هدوء عم عليهم الاثنين حست بيده على خصرها وهي تهمس له : اللي تبيه بسويه بس لاتحرجني قبال آهلك ..

بنذالة وهو يمسك خصرها : وعد

فكرت للحظات مجنون بيطلب أي شي تعرفه وخابرته وهي تطلع نفسها من الموقف وتأخذ القهوة وتسكب لعمتها ..ضحكت آم سطام من قلبها ..

أبو سطام ضحك : وراك ؟

لاول مره تشوف عمتها تضحك كذا وفهمت بأنها عرفت بأنها منحرجة من سطام وحركاته ..

سطام مقهور: عطيني ححلا ..

لفت عليه وهي تناظر عمتها اللي ضحكت ثاني وعطت ولدها ..

سطام يأخذ من آمه: كان ارتحتي يمه ..هي واقفه وتجيب..

جلست الجوري بعيده على الكنبه الثانية ..

أبوه: سطام وينك تأخرت اليوم عن الدوام وبعدين معاك ؟

سطام :راحت علي نومه..

أبوه : الله يهديك ويصلحك كبرت وكبر معك همك .. من بين أخوانك ماعقلت متى بتعقل ..الحين مفروض أنك أبو ولازلت بحركات المراهقين ..

كانت كلمة أبو سطام عفوية جداً مايقصد فيها الجوري لكن الجرح غاير كل ماجابوا طاري الاطفال وكلما تذكرت عقمها ..

زادت كلمته على الجرح ملح وآلتهب أكثر ..!

.

.

.

بريطانيا ..

جناجهم ..

بعناد : مابي أكل معاك ..

:تبين صديقتك كلي ..

: مابي ..

وقف من الطاولة بزعل : ترفعين الضغط ..

ابتسمت وهي بداخلها آنتصار على رفعة ضغطه ..

رجع لها : وبعدين يعني ..!

رتيل : روح عني لاجل مايصير شي ..

زفر انفاسه : رتيل ونهايتها معاك ..؟

: مابيك ..

بضيق أكبر: عارف ياقليلة الاصل والتربية قلبك معاه ..

بلمح بصر كبت العصير بوجهه : أنت مو متربي أنت فاهم

(قالتها وهي تصرخ وترص على أسنانها وتبكي بنحيب وإلم)

ناظرها وهو يمسح وجهه من العصير وللمرة الاولى مايعصب ماينفعل لانه شاف آنهيار للبنت غريب رتيل للمرة الاولى تبكي بحضرته للمره الاولى تتابع شهقاتها للمره الاولى تسمح لدموعها بالنزول آمامه ..لكن مو للمرة الاولى تتشنج بحضوره ..

صرخ بخخخوف : رتتتتيل ..

صارت تحاول بكل شي تأخذ آنفاس توقف عن شد شعرها وهي تحرك كل اطرافها لاجل تتفس ..

رفعها وهو يبكي قبالها خانته دموعه لانه يحبها ويعشقها ويموت بتراب تطئ رجولها عليه ..مسح على وجهها بالماء وركض وهو يأخذ ما بارد حطه على وجهها بخفه .. إلين صارت تأخذ آنفاسها بتنفس طبيعي ..

دنق لاجل ماتشوف دموعه عقب ماشافها رجعت لحالتها الطبيعيه لاجل ماتشوف دموعه وهي تخونه خوف عليها حب لها عشق فيها ..

قام من السرير بسرعة ودخل لدورة المياه ..فك الما عليه بملابسه وهو يبكي حاله وحبه لها وهي تعشق غيره .. موب أي عشق عشق آتضح بأنه ماقدر للحين يشتريه بكل ماعطى ..!

بكى بحرقة أكثر وهو يبكي والما تسلل لفمه وعيونه المفتوحه ..

جلس وهو يبكي حاله أكثر وأكثر لاجل ماتشوف حبها يذله مثل كل مره ..

حالها كان اسؤ منه وهي تبكي حالها وعنادها اللي كل ماله يضيعيها أكثر ..!

من سنة ثالث لما شافها وهي تعانده بكل شي إلين وصل لمتبغاه بس ليته أخذها والقلب خالي ..!

.

.

.بيت أبو سلطانة ..

أبوها : الله يهديك ليه تصرين على السفر وبهالوقت مفروض تنتظرين إلين يتم الزواج

وهي توقف : جيت لاجل آسلم عليك وعلى أخواني ..

فهم المغزى من حكيها ..

أبوها : طيب اجلسي تعشي إلين يجون أخوانك من المدراس ..

سلطانة وهي تأخذ حجابها : وقت ثاني لاني بطول بلندن ..

زوجة أبوها : طيب اجلسي لاجل تشوفينهم مهوب صديقتك اللي جيتي مشوار لاجلها

بنظره : ليتك ماتتكلمين معاي .. وصديقتي لا أحد يجيب لها طاري .. والشرهه مهيب عليكم ولاعلى اللي قالك لكم عن هالجيه وسببها .. الشرهه كلها علي أنا..

أبوها: طيب ليه معصبه ..؟

ضحكت وهي تلف حجابها : عن آذنك ي أبوي ..

أبوها : شلون الحين تدبرين آمورك بلندن ..يابنت اعقلي ..

سلطانة: دبرتها من وأنا صغيره كيف بالحين ..!

طلعت من الفيلا الكبيرة لمصعب اللي ينتظرها من فترة برى ..لانه رفض يجي ويدخل معاها لاجل محد يحس ..

بإلم تغاضت عن برود أبوها تعرفه يطاوع زوجته بكل شي ولاقدر يقولها تجلس ويلزم عليها لانه يحسب حاسب زوجته والدليل تركه لها وهي صغيره لاجل زوجته..

نزل مصعب وناظرت وهي مستغربة ..

ابتسم : من سيارات ولد عمتي .. تعالي ..

ركبت جنبه ..

: ها كيف الوالد ؟

: الحمدلله ..

مصعب : سوس شفيك ؟

: ولاشي ..

مصعب : شلون ولاشي والصوت نبرة فيها شي ..!

ناظرته : قلت مافيني شي .. أبي اروح للفندق ..

ماعلق على جفاها بالاسلوب وجاوبها : إن شاء الله ..

تبي تبكي تبي تصرخ تبي تقول بأنه بحاجه أبوها وتحس أن وراها عزوه وسند وذخر وأنها مشتاقة لمه منه تحسسها لو للحظه بأنها مهيب يتيمه وأبوها وأمها فوق الارض من الاحياء ..

ملت من شعور اليتم بحياتهم .. ملت من القسوة اللي تعلمتها من جفا من حولها..قست طبعها وطبيعتها من مر ماتعرضت له ..

وقف قبال الفندق ونزلت وهي تناظره : احجز لي جناح ..

: ليه ؟

: بجلس معاك بجناح واحد مثلاً ..!

: طيب زوجك ..

بنظره طولت ولاحملت أي معنى له .. : آوككي شكراً ..

حجزت لها وعينه تناظرها وشوه البنت بس ..!

أي ظروف شكلت منها هالشخصية القوية .. الغربيه .. المتمردة على عاداتنا وتقاليدنا..!

ماتهاب ولاتخاف الا خالقها ولاتسوي الا اللي يرضي الله سبحانه ثم يرضيها ..

أخذت الكرت وطلعت .. أخذ كرت جناحه وطلع وراها ..

فكت حجابها وهي تناظره : هلا ..

: زعلتي من شوي ترى مهوب قصدي بس أننا زوجين ..

: زوجين وللحين بحدود صح والا ..مصعب لاتفكر باني سمحت لك بالسفر معاي معناها خوف أو شي من هالقبيل .. لا بس أنت حجزت وسكتت ..

سحبت كفها من يدينه : لاتفكر تلمسني لو للحظه ورجاء تفضل ودي ارتاح إلين تصحى رتيل ..

حزت بخاطره كرامته مع هالبنت .. وهو يسحب نفسه من الجناح بسرعة لاجل مايزعلها ويزعل هو ..

حطت نفسها على السرير وجوالها يدق رفعت نفسها بثقل من التعب شافتها رتيل : هلا ريتو ..

رتيل بصوت تعبان : ويننك ؟

سلطانه: توم أجره جناح وشكلي بنام ..

رتيل: بجي انام عندك ..

سلطانه : وعساف ؟

رتيل : مدري عنه شكله يأخذ شاور ..عطيني رقم الجناح ..

سلطانه وهي توقف : مدري أنا بجيك ..

قامت من جناحها وطلعت شافتها برى أخذتها ودخلوا للجناح وهي تنزل شنطة اليد وجوال رتيل ..

رموا آنفسهم بعنف على السرير ..

رتيل: ودي انام ..

ابتسمت : تدرين آحس صرت آشوف الشخص آثنين بججد ميته نوم ..

حطوا روسهم وناموا بمجرد تغميض عيونهم وهم يحاولون يتناسون كل همومهم ..!

.

.

.

الرياض ..

بيت جد كادي ..

غرفتهم ..

شهقت وهي تتعلق برقبته ..بكى لبكاها وحزنه لفراقها أكبر من أي شي ممكن يصير..!

:حبيتي بروح خويي تحت ينتظرني ..

باس راسها وكفها وكل وجهها : انتبهي لك ..

طلع من الغرفه وهو ينزل بسرعة من الدرج ويبكي ..

ضم جدته وخالته وعيالها وجده ..

جدته تناظره وهو يسلم على سلمان وتمسح دموعها بطرف شيلتها : استودعتك الله أنت وجنودنا والله ينصركم على عدو الدين والوطن ..

شاف سلمان حط كتفه : آنتبه لكادي هي آمانتك خلك قريب منها وطلعها دوم ..

كلمات قالها محمد لـ سلمان حركت نخوه بداخله وشعور غريب ماحسه من قبل ..!

الوليد حب هالحركة والتوصية كثير لعل سلمان يتغير ويحس بكبر الخطأ ..

ودع محمد : انتبه لنفسك والله يحفظك ياخالك وكادي لاتخاف عليها..

طلع ولاهوب قادر يحكي يحبها وهالكلمة ماتجيب ولاتعبر بشي من اللي بقلبه لها..

ظلم الحب لو قال بأنه يحبها وبس .. هي عشق مهاد وطفولة ومراهقه وشباب ..

ركب سيارة خويه ..

عبدالله ابتسم : بترجع بحول الله ..

لف يناظر الطريق وساكت ويبي عيونه ماتذرف الدمع لانه بجد من فراقها ضايق مخنوق متألم كثرها وأكثر ..

يتبع ,,,

👇👇👇

تعديل المقال