رواية اذا انتثر دمع عينك -37
سامي لم رجوله لصدره : بس أتمنى أنك تاخذ دانيا ..
مشعل لف له : إييش ؟؟ ..
سامي على وضعه : أكييد عندها سبب .. جرب تقدم لها مرة ثانية ..
مشعل في نفسه "" هه .. تبغاني ياخوي أتقدم لها .. وهي رافضتني .. تقول عني كبير عليها .. أنا ما أروح للذل مرتين "" : بعض الأمنيات صعبة .. وصعبة كثير ..
&&&&&&&&&&&&&
عند رهف وملاك ..
جالسين بجهة شوي بعيدة عن اهلهم .. قريب من ماي البحر ..
رهف ماسكة عود صغير وترسم على الرمل وتناظر ملاك : أنتي جد تحبين يوسف ؟؟ .. ولا تستهبلين علينا ؟؟ ..
ملاك متربعة وشابكة يدينها ببعض : إمممم .. إيوا ..
رهف بنص عين : ومن متى هالحب بالله ؟؟ ..
ملاك : عادي .. كذا من ربي حبيته .. وأحلى شي لمن يكون هالحب من الطرفين ..
رهف فتحت عيونها وباستهزاء .. ومدت يدها على جبهت ملاك : بالله عليك فيك إنفلونزا ولا مسخنة .. اعترفي من وين حفظتي هالكلام ؟؟ .. من النت ؟؟ ولا التلفزيون ؟؟ ..
ملاك بعدت يد رهف : يووه رهييف .. عادي .. حرام احب ؟؟ ..
رهف : لا مو حرام ..
ملاك : طيب وأنتي ماتحبين ؟؟ ..
رهف بقلبها "" بعد من أحب .. أكيد اخوك "" .. وبكذبة : لا .. ماعلمتيني .. شدراك أن (وتقلد عليها) الحب من الطرفين .. تقصدين يوسف يحبك ؟؟ ..
ملاك سرحت شوي تتذكر قبل اسبوع .. يوم هم بالمجمع .. بعد ماكان أخوها ريان ويوسف واقفين وراهم لأن فيه شاب يغازلهم ..
~((
يوسف ابتسم بمكر : أقول ملاك ..
ملاك لفت له : هلا ..
يوسف : ممكن تجين معاي شوي أبغا أخذ رايك بشي .. طبعا من بعد أذنك ياريان ..
ريان : أوك ..
ملاك مشت : زين ..
مشوا لمحل خاص لمستلزمات التصوير .. من كاميرات وإيطارات وفريم واوراق طباعة وألبومات وووإلخ ..
ملاك تناظر الأشياء اللي بالمحل : شنو اللي بتاخذ رايي فيه ؟؟ ..
يوسف يقلب بين يدينه ألبوم حق الصور : إمممم .. أنتي أخذتي الصورة ؟؟..
ملاك مافهمت : إيش ؟؟ ..
يوسف يوضح : يوم أخذتي ألبوماتنا .. أخذتي كم صورة .. ومن ضمنهم صـ .
ملاك تذكرت وقاطعته : إييييه .. أخذتها .. (حطت يدها على خصرها) .. وليه ماخذها هاه ؟؟ .. اعترف .. متى سرقتها ..
يوسف : خفضي صوتك يانينجا (لأنها لابسة النقاب) .. ثانيا لاتتخصرين كذا قدام الخلق (أشر عليها .. ونزلت يدها من خصرها ) .. ثالثا .. (همس لها بصوت ماحد يسمعه غيرها) .. بذمتك بخلي صورتك في ألبومي بدون سبب ؟؟ .. أكيد لأني افكر فيك ياخبلة ..
ملاك ارتبكت ولا عرفت شنو تقول : أأ..أ .. شنو بتشتري ..
يوسف ابتسم على جنب : ما أقدر على الترقيع أنا .. المهم ماراح اشتري شي .. بس أتمنى أن الصورة ترجع لي ..
ملاك بنذاله : أفكر .. (واسكتت يوم حست بنظرات يوسف لها .. وتذكرت شنو قال لها من شوي ) ..
يوسف كاتم ضحكته : يلا .. نرجع عندهم ..
))~
رهف : يااااااااااااااااهووووووو ..
ملاك انقزت من صرخة رهف في أذنها : وجععع وجع موب صوت ولا الميكروفون ..
رهف حطت يدها على قلبها : قولي ماشالله أخاف ارجع لأهلي طرما ..
ملاك : الله يسمع منك ..
رهف دقتها : فيك إنشالله ..
ملاك طنشتها ..
رهف سكتت وقامت ترسم على الرمل ..
ملاك تناظر بأطرف عينها اللي ترسمه رهف : من هو R أعترفي ..
رهف انتبهت على عمرها وبسرعة محت الحروف اللي على الرمل : تتوهمين أنتي ؟؟ ..
ملاك تحرك حواجبها بطريقة استفزازية : من هو .. قولي .. ليكون رامي .. هاااه مافيه غيره .. اعترفي ..
رهف ساكته ومطنشتها ..
ملاك تدقها : إيييه .. صدتك تحبين رامي .. تحبينه ..تحبيــ .
رهف قاطعته : هـــــي أنتي خير .. مو بس رامي اللي اسمه بحرف الـ R ..
ملاك سكتت بعدين لمعت عيونها بمكر وكأنها تبغى تتأكد من اللي ببالها .. وتكلمت بهدوء وببطئ ومثقلة الكلام : أهـــآآآ .. ريـــااااانــــوووه .. إيييييييه .. تحبين ريان أخوووووي .. (تكلمت بسرعة وتأشر بصبعها السبابة ناحية وجه رهف ) .. اعترررررررررفي .. اعتـــــرفي ..
رهف ارتبكت ..
ملاك : ههههه .. السكوت علامة الرضااااااااا ..
رهف : سخيفة .. خير وإذا ؟؟ ..
ملاك تصفق : أحلـــــى أحلى يامرت اخوووي ههههههههههه ..
&&&&&&&&&&&&&&&
عند ياسر وتركي ..
ياسر لابس نظارته الشمسية وماسك في يده السنارة وحاطها على كتفه : يلا تركي .. عشان يمدينا نصيد ..
تركي أخذ سنارته ونظارته الشمسية على شعره : يلاه .. مع أني قلت لك خلنا نشتري السمك أحسن ..
ياسر يمشي : أنت شفيك كله تعتمد على فلوسك .. جرب تصيد بروحك ..
تركي يمشي جنبه : نشوف بعدين من اللي بيعتمد على فلوسه ..
&&&&&&&&&&&&&&&
عند فارس ويوسف ..
جالسين عند البحر ..
فارس ماسك الجيتار حقه اللي جابه .. شوي يعزف عليه أعذب الالحان الكلاسيكية .. وشوي يوقف عن العزف يسولف مع يوسف اللي منسدح عن الرمل ولابس نظارته الشمسية .. ويدينه مشبكهم ورا راسه وثاني ركبتيه وحاط رجل على رجل ..
يوسف يحرك رجله بالهوا : إممم حلو العزف .. بس تركه شوي ..
فارس ترك جيتاره وحطه جنبه ولف ليوسف وهو باسط رجل وثاني الرجل الثانية : وهذا الجيتار وتركته ..
يوسف : الجو رايق ..
فارس : وش فيك ؟؟ .. تشتغل بالنشرة الجوية .. أدري أن الجو رايق وحلو بعد ..
يوسف تنهد وسكر عيونه ..
فارس قرب منه ورفع النظارة الشمسية من يوسف : وش فيك ياشيخ ؟؟ .. شكل حالك منقلب فوق تحت ..
يوسف فتح عيونه بهدوء .. ناظر فارس .. وسحب يده اليسرى من ورا راسه وأشر بصبعه السبابة على جهة قلبه : هذا اللي متعبني .. عندك دوا له ؟ ..
فارس صفر وضحك : ههههههههه.. أعترف ياقيس من اللي رمتك بسهمها وصابتك ..
يوسف تعدل وجلس جنب فارس وأخذ نظارته .. وضرب فارس فيها : تتطنز أنت مع وجهك ..
فارس يحك مكان الضربة : ههههه .. جد أنت تحب ؟؟ .. هههه أحس مو لايق ..
يوسف ناظره بأطرف عينه : أجل أنت اللي يناسبك ..
فارس : أحم أكيد ..
يوسف لف وجهه للبحر بهدوء ..
فارس دقه بكوعه : هاااه .. يلا عادي قول لي من هي ..
يوسف يناظر البحر بهدوء ..
فارس : يلا عااد بلا تغلي يلا قووول ..
يوسف مارد عليه ..
فارس : جوزيف يلا .. يويو يلا .. ههه .. هذا تدليعك يويو هههه ..
يوسف ولا كأن فارس يتكلم ..
فارس : يؤ سوسو يلا .. (دقه بقوه من عند كتفه لدرجة أن يوسف طاح على جنبه) .. يلا يوسفوووه وجع تكلم ..
يوسف : آآآآآح .. وجع يوجعك انت ..(وجلس ينفض الرمل اللي جا عند كتفه) ..
فارس بجدية : من هي ..
يوسف تنهد وناظر فارس بنص عين : وإذا عرفت .. وش بيفيدك ؟؟ ..
فارس : إممم أعلمك من أحب أنا ..
يوسف فتح عيونه ولف على فارس : أحلللللف ..
فارس ابتسم : هههه .. للمصالح جاهز ..
يوسف شوي وينط في حضن فارس : من هي ؟؟ .. من هــي .. من هي ..؟؟ .. مــــــن هـــــــــــــي ؟؟ ..
فارس يبعد يوسف عنه شوي : هههههه .. طيب خلني أتنفس ..
يوسف تكتف وقابل فارس : ها يلاه قول ..
فارس ابتسم على جنب : انقلبت الأدوار مساعة أنا اسأل .. الحين أنت تسأل ..
يوسف يناظره بمعنى تكلم ..
فارس بجدية : أول أنت ..
يوسف أخذ نفس وبسرعة تكلم : أنا أحب ملاك ..
فارس يفكر : إممم تبغى الصراحة .. كنت متوقع هالشي ..
يوسف باستفهام : كيييف ؟؟ ..
فارس ببتسامة مكر .. حرك صبعه السبابة اللي بيده اليسار بحركة دائرية : أنا أعرف كل واحد من الشباب واللي يحبها من البنات ..
يوسف قرب من فارس : شلون ؟؟ ..
فارس بنفس المكر : أصلا أنا من زمان أدقق على تصرفات الشباب والبنات .. وعرفت كل وحدة من البنات اللي يميل لها من الشباب والعكس ..
يوسف : قول لي ..
فارس : بشرط ..
يوسف : واللي هو ..
فارس قرب من أذن يوسف وهمس : أنك ماتعلم أحد .. ولا تبين انك تعرف .. لأن في بعضهم مايدرون أن الطرف الثاني يحبهم أوك ..
يوسف هز راسه بـ أوكي ..
عند مشاري & مسك ..
مشبكين يدين بعض ويمشون قريب من البحر .. ويتكلمون بهدوء كأنهم عصافير الصباح ..
مشاري عيونه على مسك : حياتي ..
مسك : لبــيه ..
مشاري : عمري ..
مسك : نعم ..
مشاري : قلبي ..
مسك : سم ..
مشاري عجبته السالفة : دنيتي ..
مسك ابتسمت : آمر تدلل .. قول ..
مشاري ابتسم : حبيبتي جهزتي للأسبوع الجاي ؟؟ ..
مسك سكتت ..
مشاري ابتسم وناظر قدامه وشد على يدها : جهزتي ؟؟ ..
مسك وقفت ومشاري اضطر يوقف لأنهم شابكين يدينهم : والله مايمديني ..
مشاري اللي كان قدامها بخطوة لف رقبته لها بدون مايلف بجسمه .. وسحبها لجهته لمن صارت جنبه وابتسم : وليه مايمدي .. أصلا أنا أبغيك باللي فيك ..
مسك بخجل : بس انا ماجهزت عدل .. بليييز أخره .. بلييييييز ..
مشاري : أووف المشكلة انا ما اقدر ارد لك طلب ..
مسك ابتسمت ..
مشاري يفكر : شوفي لك أسبوع زيادة لاغيير .. عاد جهزتي ماجهزتي بطب عليك وبخطفك ..
مسك ابتسمت : ثااانكس ..
مشاري يحرك يده بالهوا : ثاانكس كذا حاف ..
مسك باستفهام : شلون ..
مشاري حرك حواجبه : يعنيـ
مسك قاطعته وهي تمشي قدامه وتسحبه من يده : امش امش ..
مشاري : ههههههه .. ماشي .. انتظر وش وراي ..
&&&&&&&&&&&&&&&&&
نرجع عند طلال وبقية الشباب والبنات اللي معه ..
رائد يناظر ساعته : غريبة الساعة وحدة ونص الظهر والجو مو حر كثير ..
طلال يناظر السما : إيه اليوم الجو رايق .. السما مغيمة على الشمس ..
سارة همست بأذن دانة .. ودانة هزت راسها بالموافقة وهي مبتسمة ..
دانيا متخصرة وهي ماسكة يد ريان : هي أنتي وياها شنو تتساسرون فيه ؟؟ ..
روان مشبكة ذراها بذراع عمها طلال : صحيح .. ماتساسرت سويرة مع وحدة إلا والشيطان مثلثهم ..
الكل : ههههههههههههه ..
سمر : ههه أجل ههه مثلثهم هههه ثالثهم ثالثهم على الأقل تنبلع ههههههه ..
روان بلامبالاة : عادي أشربي ماي وتنبلع..
سمر ابتسمت ومسكت ضحكتها ..
سارة رجعت عند خالها رائد وشبكت ذراعها بذراعه : رؤووديي ..
رائد حرك حواجبه : بلا مقدمات قولي ..
سارة تناظر اظافيرها : يعني ودي لو توافق .. يعني .. إممم دانة أنتي قولي لهم أحسن ..
دانة ماسكة عمها : طلاااال ..
طلال رفع حاجبه ويقلد عليها : نعــــم ..
دانة بسرعة : خلنا نسوق السيارة ..
رامي رفع حاجبه : تسوقون سياغة (سيارة)..
البنات كلهم : إيـــــــه ..
سمر هزت ذراع رامي : ونااسة تذكر يوم حنا ببريطانيا يوم سقت السيارة ..
رامي ابتسم : هذاك قلتيها ببغيطانيا (ببريطانيا) مو السعودية ..
طلال : سوري بنات ما اقدر ..
البنات : لييييييه ؟؟ ..
رائد حرك حواجبه : في سبراااايز أحلى من سواقة السيارة ..
دانيا : شنو هي ؟؟ ..
طلال : هو قال سبرايز .. يعني مفاجأة ..
دانيا برطمت : أوكي ..
رن جوال ريان ..
ريان شاف المتصل فيصل فابتسم ابتسامة وسيعة .. وعلى طول ترك ذراع دانيا : سوري .. بروح شوي وبجي .. ( وابتعد عنهم لمن أختفى عن أنظارهم ) ..
سمر و روان : شسالفته ..
الشباب رفعوا أكتافهم بمعنى مايدرون ..
سارة : طيب متى هالسبرايز ..
رائد هز أكتافه : والله على حسب ..
دانيا انقزت وصرخت وهي تاشر بيدينها : نوووووووف ..
نوف لفت لها .. وجات لها وهي تأشر لها تسكت : شششش بسس ..
دانيا : شفيك ؟؟ ..
طلال ابتسم : العالم كله عرف أنها نــوف ..
دانيا تفشلت ..
نوف وصلت لهم : السلام ..
الكل : وعليكم السلام ..
نوف بهمس : فضحتيني .. من بقى ماعرف إني نوف ؟؟ ..
رائد سمعهم : ههههههههههآآآآآي صدق طلال ..
ريان : وين جهاد ؟؟ ..
نوف : في الكبينة يصف الأغراض مع أبوي ..
دانة تركت عمها طلال : يلا بنات نروح الكبينة عشان بعد شوي الغدا ..
البنات : يلاه ..
&&&&&&&&&&&&&&&&&&&&&&
عند ريان ..
ريان مبتسم وهو يكلم جوال : هلااااااا وغلا فصوول هاه بشر ؟؟ ..
فيصل متشقق من الوناسة : اليوم مافيه فصوول فيه أبو الهنوف ..
ريان صرخ لدرجة أن الناس اللي حولينه لفوا لجهته : أحلللللللللللللف ..
فيصل مستانس ومتفاعل مع أخوه : والللللللله .. وقسسسسم ماني مصدق اني صرت أبووو فللللللللله ..
ريان بعد الجوال عن أذنه وقام ينطط من الفرحه ويصارخ : أخييييييرا صرت عــــــــم صررررررت عــــــم .. وااااااااااااااااو ونـــــ ..
إلا قاطعه مشعل وهو يمسكه من كتوفه : هههههه سلامات وش فيك ..
ريان انتبه على عمره : دقيقة ( ورد على فيصل ) .. أقول بو الهنوف ..
فيصل استانس أن أخوه فرحان معه ويقوله ابوالهنوف : هلااا ..
ريان : أنا بسكر ماني قادر من الفرحة ..
فيصل : هههه طيب بس لاتقول لأحد لأن أمي وابوي بعدين بيرجعونكم فاهم .. خلني أنا أبشرهم ..
ريان تنهد من الفرح : أووك بس بقول لمشعل لأنه صادني ..
فيصل ابتسم : أوك يلا سلام ..
ريان : يلا بايات ..
مشعل : شسالفة ؟؟ ..
ريان مسك يدين مشعل بحماس : بقولك بس لاتقول لأحد أوك ..
مشعل ابتسم على حماس ريان : طيب ..
ريان : مو أنا قلت للأهل أن فيصل و رُبى ماراح يجون عشانهم ودهم ياخذون راحتهم ويتمشون على كيفهم ..
مشعل : طيب ..
ريان ببتسامة من الأذن للأذن : لأن ربى ولدت وجابت الهنوووف ..
مشعل اتسعت ابتسامته : مبرووووووك .. ألــــف ألــف مبرووك ..
ريان : وناااسة صرت عم صرت عم ( وقام يترقص وهو ماسك يدين مشعل ) .. أخيييرا صرت عم صرت عم ..
مشعل ابتسم من قلب : اهجد ياولد الناس يناظرونك ..
ريان يرقص ويلحن كلامه : مايهموني مايهموووني .. بيقولون لي عموو رياان عموو ريااان .. ووااااااااووو
&&&&&&&&&&&&&&&&&&&&&
عند تركي وياسر ..
ياسر رفع نظارته الشمسية على شعره بطفش : اووووووف .. وش ذا .. ( وقام يصارخ جهة البحر ) .. يااا سممممك زط و ابلع الدودة اللي بالسنارة عشان اصيدك وفكنــــا .. أووووف ..
تركي رفع حاجبه ورفع نظارته الشمسية : لا باللـــه .. السمك الحين بيسمعون كلامك وبيـبــوسون رجولك يقولون تعال صدنا ..
ياسر سحب سنارته : أقول قم نشتري السمك أحسن لنا ..
تركي : ما أدري من قال من كم ساعة (ويقلد على ياسر) .. أنت شفيك كله تعتمد على فلوسك .. جرب تصيد بروحك .. امش أنا قايل من زماان بس انت ما طعت ..
ياسر مشى ومشى جنبه تركي : تووبة .. كلامك درر والله ..
تركي : توك تدري .. بعد مانقعتنا هنا ..
ياسر يتلفت : من وين نشتري السمك هنا ؟؟ .. مافيه سوبر ماركت هنا حق السمك ؟؟ ..
تركي ضرب ياسر على راسه بالخفيف : تعبت وانا أعلم فيك .. كل هالبحر ولا بشايف .. راح نشتري من أحد الصيادين هنا .. فهمت ؟؟ ..
ياسر : أهــآآ .. يلا خل نشوف هذاك اللي يصيد هناك ..
تركي : يلا ..
&&&&&&&&&&&&&&&&&&&&&&&
عند فارس ويوسف ..
يوسف فاتح فمــه : قــــــل ق .. (يعني قسم) ..
فارس : بالنسبة للي شفته وفهمته من تصرفاتهم .. أقدر أقول و (يعني والله) ..
يوسف مصدوم ويحرك يده : يعني .. ما أدري شلون وش أقول .. (وكأنه تذكر شي) .. أما ساميووه هالخطير .. وأنت ساكت له كذا ..
فارس تهاوى على الرمل وحط يدينه ورا راسه وسكر عيونه : يعني تبغيني أكفخ الولد .. لأني أحس ان تصرفاته تميل لأختي سارة .. وإذا صار يميل لها .. عاادي .. وهو اصلا ماسوى شي .. بس لاحظت تصرفاته إذا طرينا سارة ..
يوسف : طيب .. وأنت ؟؟ ..
فارس عقد حواجبه : أنا ؟؟ ..
يوسف : من تحب ؟؟ ..
فارس ابتسم ابتسامة صغيرونة على جنب وفي عيونه نظرة حزن : راح تعرف بعدين .. مو مستعد أنا الحين أفقد أحد ثاني بعد رنـا .. إنشالله أتمنى إذا ما انحجزت البنت أو انخطبت .. راح أخطبها .. بس كل شي بوقته حلو ..
يوسف سكت أحتراما له ..
&&&&&&&&&&&&&&&&&&&&&&&&
عند الكل بعد ماتغدوا .. على الساعة 3ونص العصر ..
دخلوا كل الشباب عند أمهاتهم .. والبنات جالسين .. فتغطوا ..
سارة : وش الطاري ؟؟
الشباب لفوا عليها مستغربين ..
سارة حركت يدها : جاين هنا ؟؟ ..
يوسف انسدح على رجول أمه : كيفنا .. جاين نستسقي الحنان من أمهاتنا الحنونات ..
الكل : ههههههههههههههه ..
الشباب قاموا يتهامسون ..
سمر : وكأني أرى مصيبة قادمة ..
ملاك : صدقتي ..
طلال : أحم .. اقول أختي ألماس (أم فيصل) ..
أم فيصل : سم ..
طلال : ودي اشوف توقعيك ..
أم فيصل : وش لك بالتوقيع ..
ريان طلع نوته مع قلم : صحيح يمه .. حتى أنا ودي أشوف توقيعك ..
ام فيصل اخذت النوته مع القلم : والله انكم فاضين .. بس يلا نجاريكم يالشباب ..
الكل ابتسم ..
أم فيصل : أقول طلالـ . آآآآآآآآآآآآآآآآآآآآآهـــ ..
البنات انقزوا مرتاعين من صرخة أم فيصل اللي رمت القلم على الأرض ..
الشباب : هههههههههههههههههههه ..
مسك حاطة يدها على قلبها: أحد يفهمنا ..
ام فيصل ترمي النوته والقلم على ريان وطلال .. وعلى محياها البسمة .. ومسوية نفسها معصبة : ماتستحون انت وياه .. اطلعوا برا ..
طلال : هههههههه .. أفااااا وأنا اخوك وتطرديني ههههههههههه ..
ريان : ههههههههه وأنا ولدك هههه حبيب قلبك .. هههههههه .. بس والله يمــه لو تشوفين شكلك هههههه تحـــــــفه .. ههههههههههه ..
رائد يضحك : هههههههآآآآي .. ماعليه يا ام فيصل ههه القلم قلمي ههههههههه .. وطلال قال بيسويها فيك .. هههههههه..
تسحب تركي وياسر من عندهم مدة دقيقتين ورجعوا مرة ثانية ..
بعد خمس دقايق الكل هدأ من الضحك ..
أسيل أخذت القلم من الأرض وتوها بتستخدمه .. إلا رمته بقوة بالأرض وهي تبكي راحت عند مشعل القريب منها : آآآآآآآآآآآ ..
الكل : هههههههههههههههههه ..
مشعل حضنها وقام ينفخ على صبعها : حبيبتي .. عورها .. انت شيل هالقلم ..
رائد أخذ القلم الكهربائي اللي يلسع من مجرد الضغط عليه : ههههههه ماحد قال لها تتليقف ..
أسيل سكتت تأشر لمشعل على صبعها وبنبرة طفولية : القلم يعوور ..
مشعل يهمز صبعها : خلاص الحين يطيب ..
بعد ربع ساعة الكل طلع من الكبينة وتوزعوا في أرجاء البحر ..
البنات جالسين قريب من البحر على شكل حلقة وداقينها سوالف ..
روان ماسكة راسها : أوووف أشم ريحة خايسة ..
سارة : ماتشمون أنتوا ؟؟ ..
البنات : إيه فيه ريحة ..
نوف : بنااات سمعوا سمعوا ..
سمر : كأنه صوت خيـل ..
دانيا : شفيك تخربطين خيل بالبحر ..
دانة وقفت وقامت تتلفت : إلا صدقت سمر فيه صوت عدو خيل .. شووفوا هناك خيالة مع خيولهم ..
البنات كلهم قاموا مستانسين ويناظرون الخيل تقرب منهم ..
مسك : مو كأنه خالي رائد ..
رهف : إلااااا .. وهذاك عمي طلال ..
دانيا : إيييييييييييييه هذا هي السبرايز على قولت رائد ..
نوف : وناااااسة .. لونهم أسود ..
روان : مالي دخل من الحين بركب واحد ..
وصلوا رائد وطلال لعند البنات
رائد لابس كاب لونه أسود : مراحب قيرلز ..
طلال : ها دانة سارة وش رايك .. مو أحسن من السيارة ..
دانة وسارة : يهبلووون ..
ملاك من قربوا بالخيل من عندهم بعدت شوي ..
جاو الشباب وتجمعوا حول الخيلين ..
مشاري يمسح على الخيل : حركات جايبين خيول ..
جهاد صفر : ماينقدر عليكم والله ..
سالم وسيف وعمار وعبدالله يناقزون : نبغى نركب .. نبغى نركب ..
رامي نفس الشي يمسح على الخيل : حقتكم ولا أجاغ (أجار) ؟؟ ..
طلال : لا أجرناهم قبل لانجي هنا .. وجابوهم وتونا مستلمينهم ..
رائد عكس الكاب لورا ومسك اللجام وقام يعدو بالخيل ويرجع لهم : لزوم شي مميز بالرحلة ..
سارة دخلت يدها بشنطتها : انتظر رائد بصوركـ .. يييييييييع .. إش ذا ؟؟ ..
ياسر وتركي ابتسموا ..
سارة تناظر داخل شنطتها وبغصة تتصنع البكى معقدة حواجبها من القهر : لااااااا شنطتي لاء هئ هئ .. من التيس اللي حط السمك في شنطتي هئ هئ ..
الكل ضحك على كلمتها : ههههههه ..
سارة تناظر ياسر وتركي : مافيه تيوس هنا غيركم ..
ياسر : ومو بس أنتي .. حتى بقية البنات ..
تركي يوضح ببتسامة استفزازية : كللل البنات وبدون استثناء ..
البنات صرخوا بصوت واحد : لاااااااااااء ..
سارة تطلع الكام حقتها وفيها ريحة سمك : لااااء الكام لاء إلا هي .. يالحمار بتخترب شنطتي هئ ..
سامي لف بسرعة : عسى مو اللي بالآلاف الغالية ..
سارة : لاء ..
سامي تنهد : إيه أشوا على بالي ..
الكل : ههههههههههه ..
وركب الكل على الخيل وسوو حركات وسباقات واستنانسوا ..
مشاري رجع بالخيل ومعاه مسك .. ونزلوا : شي .. عليكم حركات ..
رائد استلم اللجام من مشاري ..
طلال رجع بالخيل ومعاه روان : من باقي ..
مشعل : هات الخيل أنا بركب مع أسيل ..
طلال أعطى مشعل اللجام وركب عليه وفي حضنه اسيل .. وعدا مشعل بالخيل بمهارة وشعره من السرعة صاير لورا .. وبعد عنهم مسافة والكل يناظرهم ..
دانة تدق في نوف : باقي نوف و ملاك ..
ملاك رفعت يدها : متنازلة عن دوري ..
نوف : مو لازم أركب ..
رائد أعطى اللجام لطلال .. ويناظر ملاك : غريبة .. أنتي ملاك .. ما أصدق ..
سيف فضحها : تخاف من الحيوانات ..
الكل : ههههههههههه ..
ملاك جات بتفصخ النعلة : أنت انجب لا بالنعال الحين ..
رائد : أفااااا .. بس أفااا .. أنتي تخافين من الخيل ..
طلال سحبها وحاول يركبها بس هي قامت تصارخ ..
طلال : هههههههه .. (وشالها بقوة وركبها وهي تتحرك تبغى تنزل) .. رائد امسك الخيل لايتحرك ..
ملاك شوي وتصيح بس تكابر: طليييييييييل اقولك نزلني ..
يوسف : اعصابك ترا الخيل ماراح ياكلك ..
طلال ركب وراها وقام يعدو بالخيل وخصلات شعره تتطاير مع الهوا وهي تصارخ ..
طلال :هههههههههه طليييل اجل .. واااااااااا والله انه شي يالجبانة ..
ملاك طول المدة مغمضة عيونها ..
بعد فترة رجع طلال وهو ميت ضحك على ملاك .. ونزل ونزلها وهي على طول بعدت عنهم ورجعت الكبينة وهي ترجف من الخوف ..
تفرق الكل من الشباب والبنات ..
عند ملاك جالسة ورا الكباين .. بروحها ..
يوسف جا عندها : أفاا ملووك وأنا أقول أنتي شيخة البنات أشجعهم ..
ملاك منقهره : ليه ماتكلمت ومنعت عمك ..
يوسف ابتسم : عمي هو عمك .. أحسن عشان تتغلبين على خوفك ..
ملاك ساكته ..
يوسف : يلا عاد قومي عند البنات وسعي صدرك .. بكرا إذا تزوجتك وجبت لنا حيوان أربيه بالبيت وش بيصير ..
ملاك صار وجها أحمر من الفشيلة وقامت : سخييييييف ( ودخلت داخل) ..
يوسف : هههههههههههه ..
&&&&&&&&&&&&&&&&&&&
نرجع للي بقو عند الخيل ..
بقى جنب الخيل طلال+جهاد+دانيا+نوف .. اما مشعل كان ماخذ الخيل الثانية ومعاه اسيل ولا رجع ..
دانيا : صحيح جهاد وين أخوك الصغير ؟؟ .. اللي ضاع ذاك اليوم بمدينة الملاهي ببريطانيا ..
جهاد : تقصدين محمد ؟؟ ..
دانيا : إيه ..
جهاد : تركناه عند خالتي .. مايبغى يجي البحر ..
دانيا : مالت عليه أحد يعاف البحر ..
جهاد : بزر .. افتكينا منه ..
طلال انحنى بمزح : الأخت نوف .. تتفضل .. بلا دلع .. ولا بعد تبغين يصير لك مثل ملاك ..
نوف تهمس لدانيا : قولي له ما أبغى ..
دانيا بنذالة طنشتها ولا كأنها تسمع ..
قرب طلال وهو يمشي والخيل وراه ماسك اللجام : جهااد تعال ساعد أختك تركب ..
جهاد قرب من نوف : يلا نوف كلهم ركبوا إلا أنتي ..
نوف بتردد .. مع أن هي ودها تركب من زمان بس مستحية من الشباب : أوك ..
وركبت على الخيل بمساعدة أخوها جهاد ..
طلال قام يمشي وهو ماسك اللجام بيده اليمين قدام الخيل واليد الثانية ماسك يد دانيا اللي جنبه وجهاد يمشي من الجهة الثانية ..
جهاد : نوف .. أنا بروح عند الشباب .. أوك ..
نوف توها بتعترض .. إلا دانيا قاطعتها : خلاص روح .. أنا بظل معاها مع عمي ..
جهاد ابتسم على شكل نوف وهي تتوعد فيه : اوك باي ..
طلال اللي انتبه لنوف ابتسم على جنب .. وقال بصوت عالي تسمعه نوف : إمم اقول دانيا ..
دانيا شابكة أصابعها بأصابع عمها : هلا ..
طلال : ماعندك صديقات ؟؟ ..
دانيا استغربت : إلا .. ليش ؟؟ ..
طلال غمز لها : يعني عشان تخطبينهم لي .. بصراحة مليت من حياة العزوبية ..
دانيا فهمت عليه أنه يقصد نوف : إممم ابشر ادور لك .. ولا بس بس بس .. هذا وراك صديقتي ..
نوف دوروها ماتلقونها من الحيا .. تكلمت من بين اسنانها : دانيــا ..
طلال : ههههههههه.. احرجتي البنت ..
دانيا : خل نرجع ..
&&&&&&&&&&&&&&&&&&&&&
عند البنات ..
كلهم شافوا في شناطهم سمك .. وصارت شناطهم ريحتهم خايسة ..
سمر انقهرت : بناااات ليه كذا مزحهم ثقيل .. أوووف ..
رهف وملاك جالسين يفكرون كيف ينتقمون ..
دانة انقزت : لقيييييييتها..
الكل لف عليها : وشو ..
دانة دورت بوحدة من الشناط حقين أم فارس .. وطلعت بالونات : نعبي بالونات أسيل بالماي ونرمي عليهم هالأثنين ..
البنات اعجبتهم الفكرة ..
سارة جابت مسدسات الماي حقين أسيل وسالم : الحمدلله أن أمي جابت العاب اسيل وسالم ..
البنات توسعت ابتسامتهم لأنهم جد انقهروا من ياسر وتركي ..
&&&&&&&&&&&&&&&&&&&&
نرجع عند طلال ودانيا ونوف ..
طلال وقف الخيل : دانيا ساعديها تنزل .. اخوها مو قريب ..
دانيا ساعدت نوف تنزل .. ونزلت ..
دانيا : يلا نروح عند البنات ..
نوف ماصدقت على الله : يلا..
مشت دانيا و وراها نوف ..إلا طلال نادى : نوووف ممكن ..
دانيا سمعت عمها وتعمدت تمشي وتتركهم ..
نوف أحتارت تلف لطلال ولا تلحق دانيا .. بس بالأخير لفت لطلال : نعم ؟؟ ..
طلال ركب على الخيل ورمى عليها شي : أتمنى تقبلينها مني .. ( ولف بالخيل واختفى عن أنظارها ) ..
نوف ناظرت بالشي اللي رماه عليها .. شافت ميداليه بحرف الـ N بشكل حلو وسنبل .. فكرت شوي واستحت لمجرد التفكير ان طلال يحبها .. وعلى طول حطت الميدالية بشنطتها ومشت للكبينة .. وكل هاللي صار دانيا شافته من بعيد واضحكت على شكل صديقتها ..
&&&&&&&&&&&&&&&&&&&&&&
في الليل على الساعة تسع بعد ماتعشو واستانسوا ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك