رواية اذا انتثر دمع عينك -39

رواية اذا انتثر دمع عينك -39

ملاك : مو بس وناسة إلا أنواااع الفلايل .. عقبال ريانوه يارب ..

رهف مسكت ملاك : تعالي أنتي يالسخيفة .. ليه ترسلين مسج في آخر الليل .. وقسم أنك فاضية ..

ملاك عقدت حواجبها : أي مسج ..

رهف : اللي تباركين لي زواج مشاري ..

ملاك مازالت معقده حواجبها .. فجأة ابتسمت وتوسعت ابتسامتها اكثر : إيييييييييييه .. والله مو أنا .. يمكن ريانووه .. إلا أكييد ريانوه ..

دانيا : شسالفة ؟؟ .. اعترفي .. ياما تحت السواهي دواهي ..

دانيا كانت لابسة فستان ابيض لمن الركبة .. يشبه فستان رهف من فوق عند الصدر .. علاق على الكتوف .. ومن عند الصدر مفتوح بشكل سبعة .. ومن ورا صاير علامة إكس بشرايط فضية .. ومن تحت الصدر ملفوف بقطعة من نفس الفماش الأبيض وعليه قطع صغيرة تلمع مرايا لمن فوق البطن .. وبعدها ينساب بنعومة .. وحاطة لها مكياج وردي مع دخاني .. ومرولة شعرها (يعني كيرلي بس لفات كبار) .. وتاركته على كتوفها بحرية .. ومع الإكسسوارات .. طالعة شي خطييير ..

7

7

.. صورة للفستان ..

ملاك دقت رهف : هااه أعترفي شنو رسل لك .. شنو ؟؟ ..

رهف استحت من البنات اللي يتنظرونها ترد : انقلعي أنتي وأخوك ..

روان : ماعليكم منها مسوية مستحية خخ ..

ملاك راحت ورا رهف : تعالي جد شنو كتب لك ..

رهف تخصرت : وبأي حق تقولين له اني أحبه .. وأصلا ليه أنتي واثقة اني أحبه ..

ملاك بنص عين : مفضوحة يابنت عمي مفضوحة ..

رهف سكتت ..

ملاك : جد شنو كتب ..

رهف ميلت فكها : اسأليه ويقولك ..

ملاك : أووف ياملغك إذا ثقلتي دمك .. اعترفي ..

رهف : بس بس .. بارك لي زواج مشاري بس .. ارتحتي ..

ملاك بنص عين : بسس ؟؟ ..

رهف : إيه بس ..

من جهة ثانية عند الحريم ..

الحرمة : الف مبرووك يا ام مشاري .. منه المال ومنها العيال يا أم فارس ..

أم فارس وأم مشاري : يبارك بعمرك .. عقبال عيالك ..

الحرمة تناظر وحدة من البنات : من هو هذي اللي ماسكة الكعب بيدينها ..

أم فيصل افتشلت : هذي بنتي ملاك ..

الحرمة : ماشالله عليها .. اسم عى مسمى .. تهبل .. والله يا أم فيصل ودنا نناسبكم ببنتكم ملاك ..

أم فيصل ابتسمت : لنا الشرف أحنا .. بس نشوف أبوها و رايها ..

الحرمة طول العرس تراقب ملاك .. وتصرفاتها .. وتدعي أنها تكون من نصيب ولدها..

&&&&&&&&&&&&&&&&&&&

عند الرجاجيل ..

بومشاري اللي واقف جنب ولده يسلم على الرجاجيل : تصدق يامشاري هذا أسعد يوم بحياتي ..

مشاري ابتسم على كلمة ابوه : أسعد من يوم أخذت أمي المزيونه ؟؟ ..

بومشاري فرحان : وأكثر ..

مشاري ابتسم على جنب ورفع حاجبه بنذاله : واللي يعلم أمي ..

بومشاري : أفاا بس أفاا يامشاري وأنا أبوك .. أنت ماحد يمزح معاك ..

مشاري : ههههههههههههههه ..

جا طلال : هاااه المعرس شفيه يضحك ..

مشاري على ابتسامته : هههه توك قلتها معرس أكيد بضحك ..

طلال ناظر ساعته : على فكرة يلا قم معاي نروح عند مسك لأنك بتنزف أنت وياها بنفس الوقت ..

مشاري اللي كان لابس ذاك الثوب الأبيض الناصع .. وناسف شماغه بطريقه حلوة .. وحالق .. ومضبط شعره .. وعلى ذراعه البشت .. وقف : لازم البسه ؟؟..

طلال : لاحوول .. بنعيد سالفتك مثل احمدوه .. أيه لبسه بس مو الحين بالزفه زين ..

مشاري ابتسم : زين ..

فارس جا جنبه : معاكم ..

طلال ابتسم : راز الفيس مثل التيس ..

فارس : وإذا خاطبك الجاهلون فقلهم سلاما .. مشاري يلاه ..

طلال : شف ابن اللذين .. يلاه مشينا .. ما الومك مسك بتروح عند مشاري ..

مشاري خزه : شتقصد ..

طلال توهق : ما أقصد شي ..

فارس ومشاري : ههههههههه ..

مشاري : ههه حسبت بعد .. يلاه ..

يوسف جا لهم : ستوووب ..

الثلاثي لفوا عليه : نعم ؟؟ ..

يوسف حك شعره من تحت الشماغ : مايصير أجي معاكم ؟؟ ..

مشاري بهدوء يخوف : عيد ماسمعت ..

يوسف بلعانة : مايصير أجي معاكم ..

مشاري سوا نفسه بيضربه : انثبر هنا ..

سامي : ههههه ما اوصيك يامشاري .. استانس ماعليك من أحد ..

مشاري : تسلم يالحبيب .. هذا الناس ..

رائد : أنا بجي معاكم ..

مشاري : لا حول هي حملة ولا مسيرة .. لا بعد تعالوا كلكم ..

الشباب بمزح : يلاه ..

مشاري : ماصدقتوا على الله انثبروا ..

رائد : بنت أختي ..

مشاري أشر قدامه : أفا عليك بنت اختك .. توني أدري .. قدامي أدخل قبلي بعد ..

رائد غمز له : ولو ..

ريان : ألف مبروك ميشو ..

مشاري ابتسم :عقبالك ..

مشعل سلم عليه ببتسامه جذابه : جرب الزواج وقل لنا شنو شعورك .. تنصحنا ولا لأ ..

رامي دقه بذراعه : لا بعد .. عزالله ماحد بيتزوج ..

الكل : هههههههه ..

ياسر : غريبة وين فصول .. أقصد بوالهنوف ..

تركي : وأخوك أحمد ماجا من شهر العسل طولوا كأنهم ..

ريان : فيصل جا سلم قبل ساعة وراح عند ربى .. تعلم يامشاري الحب من أخوي ..

مشاري بنص عينه : قصدك أهو اللي يجي عندي أعطيه كورس ..

الكل : ههههههههههه ..

ياسر : أحمد على أنه مفروض يجي اليوم أو بكرة .. بس ما ادري شسالفته ..

سامي يأشر على مشاري : مطول هنا ولا ماتبغى تروح .. أنا أروح بدالك ..

مشاري مشى : لا أبد مشينا ..

طلال ورائد وفارس وطبعا المعرس مشاري وأبوفارس استئذنوا من الرجاجيل ..و طلعوا من قاعة الرجاجيل متوجهين لقاعة الحريم يدخلون عند مسك ..

&&&&&&&&&&&&&&&&&&&&&&&&&&&&&

من جهة ثانية عند قاعة الحريم ..

كانت واقفة قبال أم مشعل ومنحرجة ومتفتشلة منها ..

أم مشعل بهدوء : أنا يادانيا ما ابغى اضغط عليك واخطبك من اهلك مرة ثانية .. قلت هالمرة باخذ رايك قبل وإن صار فيه نصيب خطبتك رسمي مرة ثانية من اهلك .. وترا مشعل شاريك ويبغيك .. وطالبك بالأسم ..

دانيا بحيا : إنشالله .. عن أذنك .. ( ومشت ) ..

أم مشعل ابتسمت : الله يكتب فيه الخير ..

&&&&&&&&&&&&&&&&&&&&&&&

عند مسك بغرفة العروس ..

بعد ما طلعت سارة ودانه من عندها ودخلت ام فارس .. عشان بيدخلون طلال ورائد وفارس ومشاري وابوها بوفارس عندها يسلمون عليها ..

أم فارس فتحت باب الغرفة الثاني عشان الرجاجيل مايمرون على قاعة الحريم .. ولابسة عبايتها عشان طلال بيدخل معاهم : حياكم كلللللللللللللللوووووووووش ..

طلال : أحم أحم تسلمين يا ام فارس تزغرطين بعرسي إنشالله ..

أم فارس : أنت أشر وأحنا نفصل ..

رائد يأشر لمشاري اللي وراه :أنت خلك اخر واحد تسلم ..

بوفارس قرب من بنته وعينه دمعت من الفرحة وسلم على بنته على راسها : والله كبرتي يامسك .. وتزوجتي ..

مسك ما استحملت وحضنت ابوها وبصوتها الصيحة : خلاص يبه بكنسل كل شي ..

الكل ضحك ومشاري ابتسم على كلمتها : هههههههههههههه ..

بوفارس ابتسم وبعد بنته بحنان : ههه .. أنا مستعد .. بس مشاري بعدين من يواسيه ..

الكل : ههههههههههه ..

طلال قرب منها وسلم عليها : أشوف مكياجك عسا مالعبو فيك مثل اللي بالتلفزيون .. يحطون علبة الألوان كلها .. لالا قمر .. أم فارس ..

أم فارس : آمر ..

طلال يأشر : أبغى وحدة مثل مسك ..

أم فارس ببتسامة : عاد هذي صعبة مسك مامنها ثنتين ..

رائد سلم على مسك : ياحبيبة قلب خالك .. مشاري إن زعلك ولا سوا شي من هنا ولا هناك .. دقي علي وأوريك فيه .. أللللللف مبروووك .. مع أني زعلان ..

مسك بخجل : ليه ..

رائد قرص خشمها بالخفيف : تتزوجين قبلي يالخاينة ..

مسك ابتسمت بحيا ..

فارس قرب من اخته و وقف قبالها .. مد يده يصافحها : الف مبروك ..

مسك مسكت باقت الورد باليد اليسرى وصافحت أخوها بخجل :الله يبارك فيك ..

فارس شدها ناحته وحضتها وخانقته العبرة : والله بشتاق لك يالدوبة ..

مسك تمسك نفسها وبهمس : أححم .. حتى انا ..

فارس بعد عنها وباسها بخدها : وش يقولون بعد .. إممم عقبالي إنشالله ..

الكل : هههههه ..

مسك تناظر الأرض وفيها الصيحة ..

فارس بحنان : مسك .. خلاص ..

مشاري اللي لحد الحين ماشاف مسك عدل لأنه بعيد عنها شوي وحولينها عمها وخالها وأخوها وأبوها فما شافها عدل : بس قلبتوها مناحة وقسم بالله ماراح أكلها ..

فارس يناظر أخته : انت أسكت لا اللحين أخذ أختي وأمشي واخلي العرس لكم بدون عروس ..

الكل ابتسم على تفكير فارس .. لأن فارس ومسك بينهم سنتين بس .. وقراب من بعض كثير مايتصور فارس أن أخته راح تنتقل من بيتهم .. وأنها كبرت وبتتزوج ..

فارس ابتسم من ورا قلبه لأنه يحس بحزن بقرب فقد اخته من بيتهم : الف مبروك مرة ثانية ..

مشاري قرب منهم .. الكل بعد عن مسك .. صار قبالها تماما ..

&&&&&&&&&&&&&&&&&&&&&

نروح لجو ثاني ولمكان يختلف تماما عن أجواء العرس ..

فيصل جالس جنب ربى في السرير ولابس الثوب الأبيض بدون الشماغ وحاضن بنته الهنوف بين يدينه : زعلانة أنك ماقدرتي تروحين زواج مسك ..

ربى بهدوء وخجل : صحيح أني أخذت بخاطري شوي وفي نفسي أروح .. بس دامك معاي مايهمني العرس ..

فيصل ابتسم وقرب منها باسها على خدها بالسريع : فديتك والله ..

ربى : فيييصل ..

فيصل : نوووو نووو .. مافيه أحد اسمه فيصل هنا .. فيه بو الهنوف بس ..

ربى ابتسمت ..

&&&&&&&&&&&&&&&&&&&&&&

نرجع للبنات بالقاعة ..

سارة توزع ابتسامات وتسلم على فلانة وتكلم علانة .. بعد ماخلصت .. راحت عند بنات عمها ..

دانيا : أووم الشهرة أنتي من بقى ماسلمتي عليه ..

سارة بدلع رباني : ما ادري بس أشوف الكل يمد يده يسلم علي .. عيب اردهم ..

ملاك : يالزفووت أنتي و روينووه صايرين ناعمييين وحلويين ..

روان وسارة :تسلمين ..

رهف جات عند البنات : بنات ترا مشاري ومسك بعد ربع ساعة بينزفون ..

دانة : أجل بنات يلا أخر رقصة قبل لايدخلون ..

سمر : ما كنا قلبنا المسرح رقص ..

روان دقتها : شفيك ذا عرس مشاري مو اي أحد .. يلاه ..

وقاموا كل البنات عند المسرح يرقصون آخر رقصة .. على قولتهم ^__^ ..

&&&&&&&&&&&&&&&&&&&&&&&

في غرفة العروس ..

مشاري وقف قبال مسك .. وسرح فيها خمس دقايق ..

طلال : يالحبيب شفيك ؟؟ ..

مشاري وهو خاق : هااه ؟؟ ..

الكل : ههههههههههه ..

مشاري انتبه على عمره .. ومسك وجهها بلطف وباسها عند جبهتها : ألف مبروك علي وعليك ..

مسك بخجل ممزوج بحيا .. بهمس : الله يبارك فيك ..

مشاري بدون مقدمات وعيونه على مسك : المصورة وينها ..

الكل ابتسم ..

بوفارس : أول شي قبل المصورة .. هذي مسك يامشاري امانة في رقبتك .. تصونها وتحميها .. عطيناك لؤلؤة من بيتنا .. وإنشالله تكون قد الثقة ..

مشاري لحد الحين خاق : ولو أصير لها محار ..

رائد : الله على التشبيه ..

فارس : اقول نادو المصورة نصور ونطلع ..

وجات المصورة .. واخذ كل واحد صورة بروحه مع مسك .. بعدين صورة جماعية .. وطلع الكل ماعدا طلال اللي قال بيجلس لمن إذا جا وقت الزفة بيرجع قاعة الرجاجيل و مشاري اللي جلس مع مسك .. وام فارس طلعت ترتب الأوضاع برا حق الزفة ..

طلال يراقب حركات التصوير وهو يضحك : ههههه ..

مشاري بعد ما التقطت المصورة الصورة لف عليه : خير بو الشباب ممكن تتفضل برا ..

طلال : هههه لا مو ممكن أبغى آخذ خبرة قبل الزواج ..

مسك اللي مرة منحرجة من المصورة .. ومن حركاتها ..

المصورة تأشر : ممكن توقف وراها وامسكها من عند خصرها وقرب وجهك من خدها ..

طلال فقع ضحك على مسك اللي ارتبكت زود من وجوده : هههههههههه ..

مشاري نفذ أوامر المصورة وهو مستانس ..

مسك قامت ترجف وتحس أن اطرافها تجمدت من البرد ..

مشاري حس فيها ولمها لصدره بقوة من ورا وهو يهمس : بلاش خوف ..

المصورة انتهزت الفرصة وصورتهم ..

مشاري ومسك بعد ماخلصوا فترة الإحراج اللي بالنسبة لمسك وهي التصوير .. كانو جالسين على كنبة على جنب ومعطين الباب ظهرهم .. ويسولفون بهدوء ونعومة كأنهم طيور الحب .. ومشغلين موسيقى هادية .. وطايرين في عالمهم الخاص ..

وطلال واقف قبال جدار المرايا يضبط شماغه ..

انفتح باب الغرفة بهدوء .. ودخلت وحدة لابسة فستان أبيض كأنها ملاك .. ومبتسمة .. انمحت ابتسامتها يوم شافته واقف قبال المرايا .. وعيونه عليها مو قادر يشيلها ..

طلال دوروه ماتلقونه .. خق عليها شوي .. عض على شفايفه وفي نفسه "" آآهـ يامحلى محاسن هالصدف .. أووف هالنوف عليها جسم يشق الراس .. ولا الشفايف .. "" ..

نوف اللي الصدمة اربكتها .. تراجعت لورا بهدوء وسكرت الباب وقلبها يدق طبول .. كانت هي متواعدة مع دانيا أنها تلقاها في غرفة العروس .. ناظرت شكلها وشكل فستانها الأبيض الطويل .. ماسك عند الصدر .. وضيق لمن الخصر وبعدها ينساب بهدوء .. وفي فتحة من على جنب لمن نص الفخذ .. وشعرها الستريت .. ومكياجها البنفسجي الفاتح مع اللمعة الفضية وروجها الاحمر الصارخ ..

7

7

.. صورة للفستان ..

قلب وجهها ألوان .. وفي نفسها .. "" لالالالا .. واااا فشيلتي فشيلااااه .. شنو بيقووول عني الحين .. مستحيييل .. هئ هئ .. بيقول عني وحدة قليلة ادب .. يااااربي .. "" ..

دانيا : نووووف ..

نوف ارتبكت : هـ هلااا ..

دانيا : هلا بك .. تو الناس تشرفين .. تعالي لبسي عباتك بيزفون المعرس والعروسة الحين ..

نوف في نفسها "" البس العباية شبعده ياحظي "" : أوك ..

~| وقــــــــــــــــــــــــــــــت الزفـــــــــــــــــــــــــــــــــــــــه |~

تم نثر بتلات الورد الأحمر على الممر المؤدي للمسرح .. وطفوا انوار القاعة .. وخلوا أنوارها الصفراء الهادئة اللي فوق الممر بس ..

صوت رعد وبرق انتشر بأرجاء القاعة .. بعدها صوت ساعة بيك بانك يدق ويصدح ..

وانفتحت الستاير اللي واقفه وراها مسك بجمالها المبهر .. ومشاري وبوسامته الجذابة .. ومتماسكين بذراع بعض ..

يتقدمهم عبدالله الصغير أخو مشاري لابس ثوب وغترة بيضا وعقال وبشت أسود صغير .. وماسك يد أسيل اللي جنبه .. لابسه فستان أبيض وعلى شعرها تاج كرستالي وماسكة باقة ورد جوري احمر مثل مسك .. مع روجها الوردي ومكياجها الطفولي .. صايرين مرة مرة كيوووت يهبلوووون ..

ومع أول خطوة خطاها مشاري ومسك اشتغلت موسيقى تايتنك الهادئة .. وكانوا يمشون بهدوء والكل يسمي ويقرا عليهم ..

والكاميرات في جميع الزوايا يصورون كل لقطة وكل بسمة من العروسين .. والبنات اللي بالقاعة خاقين على مشاري ومنبهرين من جمال مسك .. والكل يدعي لهم بالتوفيق ..

بعد كم دقيقة وصلوا هالعصفورين للكوشة و وقفوا عندها واشتغلت الإنارات .. والقاعة أمتلت أصوات زغاريط وتصفير .. واشتغلت الأغاني .. و روان و رهف فصخوا عباياتهم وباركوا لأخوهم ..

دخل فجأة بو مشاري بدون مقدمات والكل قام يصفق ويصفر ..

بومشاري سلم على مسك : بسم الله ماشاء الله .. ألف ألف مبروك يامسك تستاهلين مشاري ويستاهلك مشاري .. وأنت يامشاري .. ماوصيك على مسك ..

مشاري بهاللحظة شعوره ماتوصفه كلمات .. ومسك كذالك ..

بومشاري اللي باين عليه الفرحة ومستعجل : هديه سريعة لكم ..

وأشر بصبعه لرهف اللي واقفة جنب الكوشة .. رهف سحبت خيط من ورا الكوشة .. فجأة قاموا يطيحون فلوس قطع ميات على العروسين .. بكميات كبيرة .. والكل قام يصارخ ويصفر ..

بعد نص دقيقة انتهت بالونة الفلوس ..

مشاري متشقق من الوناسة وينزل الميات من على غترته ومن على طرحت مسك : وش اقول ..

بومشاري : والله ثم والله ماتغلى عليك ياولدي ..

وطلع بومشاري من جيبه حزمة فلوس ورماهم بالهوا فوق مشاري وقاموا يتهاون عليه : تستاهل تساهل والله ..

مشاري قام يضحك : هههههههههه بس يبه خلصت فلوس البنك ههه ..

اللي على المسرح سمعوه وضحكوا : ههههههههه ..

بومشاري ببتسامة سلم على المعاريس من جديد : يلاه وألف مبرووك .. (وطلع من القاعة) ..

&&&&&&&&&&&&&&&&&&&&&&

برا القاعة .. بعيد عن صوت الإزعاج والأغااني .. في مكان يعتبر ورا القاعة بشوي .. تعتبر مثل الحديقة ..

كانت واقفة بدون عباية .. تكلم أخوها يجيب لها بندول لأن راسها صدع من صوت الأغاني العالية : عاد يلاااه أقوولك جيب لي بندولـ ..

صدمت فيه .. وكان كاشخ بثوب وشماغ .. ماتوقعت أن في احد من الشباب ممكن يدخل بالحديقة الخلفية للقاعة .. مسكها من كتوفها .. لأنها كانت تمشي بالعكس لورا : سلامتك من الصداع .. شوي شوي ..

حست بقشعريرة سرت بكل جسمها .. هذا هو صوته .. مستحيل ماتميزه .. لفت بتلقائية وهي منصدمه .. وبهمس : رامي ..

رامي سحب جوالها من يدها وسكر في وجه ياسر اللي كانت تكلمه ومسكه بيده اليسار .. وباستهبال قرب منها .. ومد صبعه على جفن عينها الأيسر ولمس الظل وناظر صبعه .. بعدها ناظرها : مين ؟؟ لاتقولين أنتي دانة ؟؟ .. إلا دانة .. أووه متغيغة (متغيرة) باللوك الجديد .. الله كل ذا عشاني ( وغمز لها ) ..

دانة لحد الحين منصدمة ومو مستوعبة شي ..

رامي بجرأة نزل نظره لجسمها اللي الفستان مبرز تفاصيله وصفر .. وحضرة الست دانة توها تحس على عمرها .. حست نفسها تغلي من الفشيلة .. وبتلقائية منها .. مسكته من كتوفه ولفته بقوة .. وخلته يعطيها ظهره ..

هالحركة خلت رامي يضحك : ههههههههههههه .. ما أقدغ (ماأقدر) أنا على الغصاصي (الرصاصي) ..

دانة انتبهت على عمرها وسحبت يدينها بسرعة من كتوفه وهي منحرجة .. هي ودها تهج .. بس تحس رجولها مو شايلتها عشان تروح ..

رامي حس أنه زودها حبتين .. فظل معطيها ظهره وقاعد يرفع اطراف الشماغ لفوق بطريقة عشوائية بس حلوة .. ومبتسم .. رن جوالها بيده .. شاف المتصل أخوها ياسر ..

لف نص لفه بيعطيها الجوال شافها تركض عشان ترجع للقاعة .. صرخ : جوالك .. بحطه بالأغض (بالأرض) خذيه ..

وحطه بالأرض بين الحشيش وهو يرن ولف يطلع من الحديقة .. هي لفت ومالقته ظلت دقيقتين .. لمن تأكدت أنه راح .. رجعت بسرعة .. وأخذت جوالها من بين الحشيش ولحد الحين يرن .. ردت : هلا ياسر .. هاه .. الصوت اللي مساعة ؟! .. أأ إيه هذا واحد من البزران .. طيب خلاص ما أحتاج بندول .. لالا قلت ما احتاجه .. باي ..

طل عليها رامي مرة ثانية وهو يضحك : هههههههه وآحد من البزغان (الزران) هااه .. على كل حال خذي (ورما عليها شرحة حبوب بندول .. لأنه من قطع التدخين صار البندول كانه حلاوة بجيبه يخفف ألم راسه) .. باي .. ( وراح ) ..

دانة القفت الحبوب .. وارتاعت أنه سمعها ..دخلت داخل بسرعة .. خافت أنه ينط لها مرة ثانية .. وبلعت لها حبتين بندول .. وحست أن الصداع خف ..

&&&&&&&&&&&&&&&&&&&&&&&&&&

نرجع للمعاريس .. مشاري & مسك .. على الكوشة ..

جالسين جنب بعض .. ومشاري مقرب عند أذن مسك يكلمها .. ومسك تسمع له .. لأن صوت الأغاني مغطي على أصواتهم ..

مشاري مبتسم ويكلم مسك : يلا نمشي ؟ ..

مسك ارتاعت وقربت وكلمته بأذنه : لا بدري .. تونا داخلين ..

مشاري توه بيرد عليها .. إلا جات أخته رهف اللي كانت ترقص ..

رهف مبتسمة وغمزت : لاحقين على الهذرة بعدين ..

مشاري ومسك ابتسموا ..

روان جات : مسك قومي رقصي ..

مسك هزت راسها نفي : لا ..

روان : يلا عاد بليييز .. على الخفيف لأنك عروس .. بليييييييييز ..

مسك : لالالا ..

رهف : مسك عاد يلاه بلا دلع ..

مشاري وقف وفضخ البشت حقه .. وحطه على كتوف مسك .. والبنات اللي في القاعة قاموا يصارخون ويصفرون ..

مشاري سحب مسك من يدها لمن وقفها .. وابتسم : عاد أنا مشاري .. أحم احم .. ماتردين لي طلب ..

مسك ابتسمت وتناظر بنات عمها اللي جالسين على اول طاولة ويأشرون لها .. أنها ترقص معاه ..

روان ورهف يرقصون .. وام مشاري وام فارس هم بعد يرقصون ^_^ ..

قامت مسك ترقص رقص هادئ جدا .. مع انه الاغنية حماسية.. بس لأنها العروس .. ومشاري يتحرك معاها وماسك يدها يرقصها .. أخذ مشاري منها الباقة وأشر لها .. وعطاها إياها مرة ثانية وأعطوا الحضور ظهرهم ..

مشاري يعد بصوت عالي : وااااااااااااحد اثنييييييييييين ثلااااااااااااااااثة ..

مسك رمت الباقة بقوة في الهوا لوراها .. والبنات صفروا وصارخوا انقزوا يتلقفونها .. وطاحت الباقة بيدين نوف .. اللي احتارت فيها .. والكل صفق ..

نوف لدانيا : شنو اسوي فيها ؟؟ ..

دانيا غمزت لها : احتفظي فيها يمكن تعرسين قريب ..

نوف ضربتها على كتفها بالخفيف .. بس بعدين حطت الباقة بلطف على الطاولة اللي جالسين فيها البنات ..

مشاري رجع يرقص مع مسك .. رفع أطراف غترته البيضا لفوق .. و أخذ أطراف البشت الأسود من جهة خصرها اللي لبسه مسك .. وقام يحركه وهو مبتسم .. وهي تجاريه وتشوف الفرحة تشع من عيون مشاري بشكل ماتصورته .. وقلبها يرقص فرح ..

قرب مشاري منها .. وطبع على خدها قبلة سريعة مما خلا القاعة كلها تصفر وتصارخ وتشجعه أكثر بعد ^_* ..

وقفت الأغنية والبنات صعدوا على المسرح ( طبعا كلهم لابسين عباياتهم الكتف مع نقاب حتى سارة لأنهم متزينات ) ..

دانيا لمشاري : لااا عاد الحين بتخرها يا مشاري اصبر شوي ..

مشاري يضحك : ههههه الله يصبرني ..

وجلسوا مشاري ومسك على الكوشة .. والبنات واقفين يراقبون رهف و روان اللي يرقصون ويشجعونهم ..

&&&&&&&&&&&&&&&&&&&&&&&&&&&&&

عند الشباب في قاعة الرجاجيل .. بعد ساعتين .. يعني على الساعة 12 ونص تقريبا ..

الرجاجيل قامو ينفضون من المجلس وكل وآحد يتيسر على بيته .. يعني بقى في القاعة الشباب مع أعمامهم وكم رجال .. فأخذوا الشباب راحتهم ..

جهاد : هالمعرس .. وين طمر .. ماراح يرجع .. أبغى ابارك له ..

يوسف : لا أبشر دامه دخل داخل ماراح يطلع .. عندك أخو العروس بارك له احس لك ..

جهاد : صدقت والله .. مبروك يافارس وعقبالك ..

فارس : تسلم من بؤك للسما ..

سامي : من قلبك ؟؟ ..

فارس مبتسم : ومن أعماق وجوف قلبي بعد ..

ريان : شفيك مشعل أحس أن صوتك اليوم متغير شوي ..

مشعل كح وابتسم : كح كـح .. لا بس صابني برد شوي ..

فارس : سلامات ماتشوف شر ..

مشعل ببحة : أحححم كحح .. الشر مايجيك ..

: هااااااااااي قااااااااايززز شباااااااااب ..

الشباب نطوا : هلاااااااااااااااا أحمدووووووووووووووه ..

رامي : وين الناس .. متى جيت ؟؟ ..

أحمد ببتسامة عريضة : للتو واللحظة جيت لكم من المطار .. هااه عسا مافاتيني شي ؟؟ ..

ياسر : إلا خلص العرس ارجع بيتكم ..

أحمد رفع حاجبه : هاااه بوالشباب أشوف كأنك تطرني من عرس ولد عمي ..

سامي : تعال انت ماعليك منه .. تعال سولف لنا شوي قبل لا يجون عمامي ويستلمونك ..

أحمد بطريقة مضحكة جلس بينهم كأنه مسوي شي : إبه والله صدقت ..

الشباب : ههههههههههه ..

&&&&&&&&&&&&&&&&&&&&&&&&

في قاعة الحريم ..

الحريم نفس الشي قامو ينفضون من القاعة ومابقى غير اهل المعرس والعروس وكم حرمة تنتظر السيارة تجيها ..

مشاري ومسك .. جالسين يقصون الكيكة اللي قبالهم ..

مشاري حاط يده على يد مسك اللي ماسكة السكينة : بسم الله الرحمن الرحيم ..

ملاك : حشى ذبيحة هي ..

مشاري بعد ماقص الكيكة مع مسك : أصلا انتي وش عرفك لازم نتبدي حياتنا باسم الله ..

ملاك : وحياتكم تبتدي بالكيكة ..

الكل : ههههههههههههههه ..

مشاري رفع حاجبه .. ورفع السكينة وهو جالس لجهتها : هااااه اعقلي ..

ملاك رفعت يدينها : انسحااااااب ..

الكل : ههههههههههه ..

دانة حست بأحد يحط يدينه على عيونها : بناات بلا سخافة .. مين ؟؟..

لفت دانة ودققت بالبنت المتنقبة : جنووووو .. (وحضنتها) .. هلا بالعروسة القديمة ..

جنى ضحكت وضربتها : انا عروس قديمة ..

البنات لفو وسلمو عليها .. وجنى سلمت على مسك وباركت لها ولمشاري ..

سارة : طبعا قديمة .. هذا الجديدة ( وأشرت على مسك) ..

جنى تلفتت بالقاعة وكلمت دانيا : حسافة مالها فايدة كشختي .. ماحد شافني فيها ..

دانيا غمزت لها : أحمدووه يتهنى فيها ..

جنى ابتسمت بحيا .. وضربت دانيا بالخفيف : ياثقل دمك ..

دق جوال سارة ..

سارة : الو .. هلا .. هااه .. إيه الحريم راحوا مابقى إلا أحنا والمعاريس .. بتدخلون ؟؟ .. بعد خمس دقايق ؟! .. ( ناظرت مشاري اللي يأشر لها بمعنى بذبحك .. واشر لها بيده بمعنى بعد عشر دقايق .. ) .. فارس شوف بعد عشر دقايق أنا أتصل عليك عشان تدخلون اوك؟ .. يلا باي ..

مشاري تنهد بارتياح و وقف ..

سارة : شفيك ؟؟ ..

مشاري : تبغيني أظل هنا ويجون الشباب ويستقعدون لي .. وبالذات رائدووه .. مسك يلا مشينا .. عشان إذا جو مايلقونا ..

البنات : ههههههههههههههه ..

سمر : بس مايمديكم تمشون بعشر دقايق ..

مشاري فصخ غترته ورماها بحضن مسك .. وخلا العقال على راسه مع الطاقية .. والبشت نفس الشي رماه في حضنها ..

مسك باستغراب : مشاريـ .. آآآآآآآآآآآآآآآآآآآآ ..

مشاري اللي رفع مسك بين ذراعينه وقام يركض فيها بالممر عشان يطلع : ههههههههههه كذا يمديني .. بناات وحدة منكم تجيب العباية ..

البنات : هههههههههههههههههه ..

وصحيح مشاري ما اخذ خمس دقايق إلا مشغل سيارته ومسك جلست ورا عشان فستانها وانطلق لبيته اللي ابوه بانيه له من زمان عشان إذا تزوج يسكن فيه ..

البنات بالقاعة ..

سمر : أنا اشهد يارهف أن أخوك مشخوط ..

رهف : تو الناس .. بس تصدقين ماينلام .. مادام رائد وفارس بيدخلون بينكدون عليه ..

البنات ابتسموا لأنهم يدرون بفعايل رائد وفارس ..

سارة اتصلت على فارس وقالت له يجون ..وفي أقل من دقيقة دخلوا الشباب .. وتحمدوا البنات لأحمد رجعته بالسلامة من شهر العسل ..

تركي : وين مشاري ؟؟ ..

روان : راح بيته ..

رائد نقز وتوه بيروح يطلع إلا مسكه مشعل يمنعه .. ورائد مسوي نفسه معصب وعلى شفايفه الضحكة : ابن اللذين اوريه .. يستفرد فيها المسكينة ولا خلانا نسلم عليها على الأقل ..

الكل : هههههههههههههه ..

طلال شاف باقة الورد حقت مسك على وحدة من الطاولات وسحب منها وردة : يؤ نست باقتها ..

سارة : لامانستها .. الباقة حق نوف .. لان مسك رمتها بالهوا وتلقفتها نوف ..

طلال حط الوردة بجيب ثوبه الأمامي : أهآآ ..

يوسف : والله عليكم حركات زعط يالبنات ..

رهف : أنت وش معرفك بهالسوالف ..

فارس جلس على الكوشة متربع : تصدقون شباب .. أحس هالعرس مو مثل عرس احمدوه حماسي .. أحس ماله طعم مثل عرس احمدوه ليه ؟؟ ..

رائد : إلا له طعم ونص .. بس لأن مشاري اخذ مسك معاه .. وماراح نشوفها كل يوم بالبيت ..

طلال أخذ دانيا على جنب معاه : دويين الحين الحين تخطبين لي صديقتك ..

دانيا : خير بوالشباب فاصلة فيوزاتك ..

طلال بترجي : والله أنها تشق الراس .. جرررح .. خطبيها الحين ..

دانيا خزته : متى شفتها أنت ؟؟ ..

طلال : شفتها وبس .. بلييز يلاه ..

دانيا : هي أنت شوي شوي .. على الأقل بكرة .. لو اقول لها الحين .. مليوون بالمية راح ترفضك ..

طلال المسكين انصدم : ليييييييه ؟؟ ..

دانيا : مالك بسوالف البنات .. أكيد البنت بتستحي وبتقول بدون تردد لا .. أما إذا كلمتها بكرة راح تقول لي أفكر .. وطبعا انت واحد ماتنرد ..

طلال استسلم : أوك ..

فارس : والله الكوشة ذوق ..

يوسف جلس جنب فارس بالكوشة اللي كانت عبارة عن كرسي عريض يكفي لشخصين وبصوت عالي : شباب يقولون أن اللي يجلس على كوشة المعاريس .. يتزوج بعد كم شهر منـ ..

إلا كل الشباب جلسوا بالكوشة إلا جهاد وأحمد ومشعل ..

البنات : هههههههههههههههههه ..

يوسف انفغص بينهم وقام يصارخ : وقسم بالله اكذب .. من خزعبلات عقلي قلتها .. قومووو عني ..

روان : هههههه تستاهل ..

فارس اللي حس انه شوي ويصير صفيحة : قووووموو و وجع بختنق .. ريانووه يالدووب بيموت قوم عني .. راميووه قوم عن جنبي أحس كليتي راحت فيها ..

رامي اللي مدخل نفسه بين بقوة جنب فارس ويضحك : هههههه .. ماحد قالك تجلس ..

فارس يدف في ريان لعل وعسى يقوم : وانا وش دراني أنكم مهابيل تصدقون الخبل يوسفوه ..

الكل : هههههههههههه ..

فارس : الحين كلكم تبغون تتزوجون ..

الشباب بصوت واحد : إيـه ..

الكل : ههههههههه ..

سامي اللي حاشر نفسه جنب يوسف بالغصب : هههههه سمعته يقول عنك خبل ..

يوسف يحاول يتنفس جد .. لأن طلال وتركي جالسين فوق رجوله : آهـ قـ.. قوو.. قوومو عنننيي بمووت ..

ياسر ورائد الي كانو جالسين على أطراف الكوشه .. وبطنازة : مسكين ..

الكل : ههههههههه ..

يوسف مد يده لمشعل يستنجد : مشعل ساعدني ..

مشعل تكتف وببتسامة : حلها بروحك .. انت سويت بنفسك ..

يوسف بصوت عالي : وقسم اللي اللي يجلس على الكوشة بيصير معنس طول عمرهـ

إلا كل الشباب انقزوا وقاموا عن الكوشة ..

البنات : هههههههههههههههه..

يتبع ,,,,

👇👇👇

تعديل المقال