رواية ايه احبك قلتها والصدى غطى المكان -3
عند ناصر
وليد : ناصر ليش ما ترد
ناصر : هذا و احد من الربع ماذيني و مالي خلق له يقول اطلع معاه باجر و انا مالي مزاج ابد
رائد: تفاهم معاه مو بالاسلوب هذا بعدين يزعل عليك
ناصر : لا عادي ما يزعل اقول خلنا بالهجو الممتع و خل السالفه هذي عنك
شاف تيليفونه يضوي بدليل تلقي رساله و هو صامت قرى الرساله كان مكتوب فيها
(( ياولد الناس قلبي وين مثله تلاقي قلبٍ عطاك الحب ما قال هات جيتك وروحي شلتها لكبكفين وفي التالي رمح الخيانة جزاتي))
ناصر وصل حده ظلمته انا خاين يامريم ورد عليها:
(( الخيانه لي قلت لحبيبك احبك و بعدها تنسى كلامك هذي الخيانه الصحيحه مو قلب وفى و فقد حبيبه ))
مريم خنقتها العبره لا الحين شايل عليها من كلامها اليوم بس هي ما تقصد حبت تدافع عن كرامتها وردت:
((سلمت قلبي لانسان احواله بقلب ثاني))
ناصر قام و طلع برا البيت عشان يكلمها انغث منها اتصل عليها
ناصر : ان كان الخطا في عالمك عادي ماني من الي لي جرحته ضحكلك
مريم : هذا دفاع عن كرامتي يا ناصر مو جرح انا انجرح ما عمري جرحت
ناصر : كرامتج و ليش من مس كرامتج
مريم بدت تبجي : لا ابد بس تكلم غيري و تواعد غيري و تحب غيري و تلعب علي
ناصر قاطعها : انا شوفي عاد اناصبرت عليج و على تصرفج المتسرع ما نطرتي تفهمين السالفه
مريم : تقولك حبيبي و تقول ما تحب غيري
ناصر تعب منها مو راضيه تفهم الموضوع : مريم خلاص الي بينا انتهى الي ما تحملين بعقلج لو شويه ثقه ما اظن انه بنستمر اسف مع السلامه
سكر التلفون وراح لانه سعد ناداه على العشآ على الساعه 12 الكل راح بيته
شالي بيصير بين مريم و ناصر؟؟؟؟
و سليمان عرفتوا من يحب شراح يصير بينه و بين ورود؟؟؟
______________________________
نهـــــــــــــ البارت ـــــــــــــــاية
ملاحظه [ البارتات قصيره لان ببدايه الروايه بس وعد اذا شفت تفاعل عجبني بضغط على نفسي وبنزل لكم بارتين ]
مع السلامه :)
البارت السادس :
كان الاسبوع هذا الي قبل الاختبارات الفاينل حقت نص السنه عطله اسبوع للدراسه و الاحد الجاي تبدي الاختبارات
مر الاسبوع الاختبارات اكيد ثقيل على الكل و طبعا الاكثر مريم لانها مو فاهمه السالفه لين الحين
و الحمد لله الكل نجح
و ابو سعد كان مزهب المخيم بالكامل و باجر الطلعه ( طبعا عطله نص السنه 15 يوم )
عند مي و مريم..
مي : مريم شفيج مو مستانسه من الطلعه
مريم : بلا
مي : زين شفيج قومي جهزي اغراضج باجر من الصبح راح نطلع
مريم : شنو اغراضي بس ملابسي
مي : يووووه انتي الحجي ضايع معاج ..... و طلعت و اتصلت على الشله الي هم ( رهف و عايشه و عاليه ) و كلمتهم عشان باجر واغراض يجيبونها معاهم الشله ما يكتفون بملابسهم بس ؟!
____________________________________
& يوم الطلعه &
كل العايله موجوده هم و عيالهم حتى عبد العزيز رفيج فهد معاهم و مع اخوه فيصل .......
* اعرفكم على عبد العزيز و اخوه فيصل :
عبد العزيز انسان محب لصديق عمره فهد و هو يحبه حسبه اخوه و هو عايش مع اخوه فيصل بيت و احد لان ابوه متوفي من 4 سنين و امه من قبل سنه و فيصل مررررررررح و هو تعرف على محمد اخو فهد و صار و ياه ربع حييييييييل ....... >>>>> نفس الطبع ...
&&&& بعيد عن الديره ( بالمخيم ) &&&&&&&&
موقع المخيم هو بعيد شوي عن شوارع البر و و مافي حولهم مخيمات واجد عشان ياخذون راحتهم ........
و صل الكل اقولكم ترتيب الخيام ...
هم صايرين نص دائره و في خيمه بعيده شوي للحارس و السواق ...
خيمه لابو سعد و زوجته و عياله
و ابو ناصر و زوجته و عياله
و عبد العزيز و اخوه
و ابو وليد و عياله و زوجته
و ابو سليمان و ابو فهد
و ابو علي نسيب ابو ناصر و عياله علي و الهام و عايشه و زوجته
و ابو سلطان
و طبعا غير خيام المطبخ بين كل كم خيمت مطبخ و خيمت الديوانيه و خيمت العيال و خيمت الحريم و خيمت البنات ..
( اكثر تركيز بالمخيم راح يصير على البنات و العيال )
**** خيمت العيال ****
وصل مسج حق ناصر من مريم و ناصر انغث منها لمن كان يبيها و ميت عليها ما تتصل و الحين لمن جرحته اذته
( الحب لا يقتل لاكنه يعلق بين الحياه و الموت )
طلع ناصر بره و اتصل عليها
مريم: الو
ناصر : مريم شتفسرين سر هالرسايل لي عرف سعد شتوقعين رده فعله مسجات من اخته حق ولد عمها شالي بيخطر بباله
مريم : ابي اعرف السالفه لو سمحت
ناصر حب يذكرها : لو سمحت هالمره بعديها لكن المره الجايه احسب احساب تصرفاتك متى كنت معاك عشان اكون ضدك
مريم قاطعته : بس يا ناصر لا تزيد همي اكثر
و سمعها تبجي و قلبه عوره و سدت الخط ...........
برب
******** عند البنات ********
مها فقدت مريم و اطلعت برا لانها طولت ....
لقت مريم تمشي بدون هدف بالبر لحقتها ...
مها : مريم شالي صار ليش تبجين
مريم و هي تبجي حذفت نفسها بحضن مها و قعدت تبجي و قالتلها الي صار
مها : ليش تتصلين يا غبيه الولد جرحه ما طاب انا مصدقتج انج ما تقصدين بس اثبتيله هالشي
مريم : مها خلينا نتمشى لان ما اقدر اقعد و انا متضايقه بعدين البنات بيحسون
راحت هي و ياها تمشو و قعدو مكان بعيد شوي عن المخيم
***** عند العيال *****
ناصر : شباب عن اذنكم ابي اروح اتمشى شوي
وليد : ناصر فيك شي
ناصر : سلامتك
سامي : ناصر اجي معاك
سلطان ما كو شغل: انت ما تفهم خل الولد على راحته
سامي : هذا جزاي اونسه بالطريق
رائد طننشهم : ناصر روح لا تطول علينا
ناصر : نص ساعه ماني مطول
طلع ناصر يتمشى
سعد : شفيه ناصر من عقب الحادث متغير
سليمان : قصدك من يوم الحادث و هو متضايق
عبد العزيز : خلو يغير جوا لاتكبرون السالفه
فهد : ما فيه الا العافيه ان شاء لله
* عند مريم و مها *
مها جابت لابتوب مريم من داخل . هم مكانهم و رى جبل صغير قعدو فيه........
مها : يلا مرايم ابي اسمعهم من صوتج احسن
مريم : والله مالي نفس
مها : انتي اختاري تكفين
مريم : اوكي
هم ما يدرون ان اول ما سمع صوتهم ناصر و قف و سمعهم
تعال ارجوك اسمعنيوش اللي صار بغيابك
انا في غيبتك عني كثير الهم طاويني
تعال ابطلق الدمعه على صدرك وباسبابك
عجزت القى بعد صوتك دفىليل يواسيني
تعال ارجوك يالغالي وقف صوتي على بابك
يناديلكدخيل الله دخيلك بس يكفيني
تحريتك تجي شوق تضم الروح باهدابك
تجيبك "فزعة العاشق" وكلمة "لا تخليني"
عطاشا قلوبنا تبكي فراقصابها وصابك
تهب الريحتجرحني تبعثرني على ترابك
وعطر قد سكن روحي على دربك يوديني
قصيدي كل ما تطري على باله وبعتابك
يسولف للورق عنك قلم حسّاسبيديني
تعال اشرح على قلبي وزيد بقسوة عتابك
أبيك بقربي .. تفرحتي وتزعلني .. وتراضيني
واذا ما جيتني عاني ولا كان الولع جابك
من اقصى الشوق بضلوعي بأجيلك يا نظر عيني
بأجيلك يا فرح عمريبكل احسّاس هلاّ بك
على نفسي أبي أضحك وأقول انك "تناديني"
مها : مريوم ليش الدموع ياقلبي خلي بقلبج شويه امل
مريم : بس انا شفتها و سمعتها و الله ما اتوهم تكفون افهموني و الله احبه ياناس مو راضي يفهمني السالفه
ناصر انصدم ان في احد يدري عنهم.......
ناصر : بس انا عرضت عليج افهمج انتي الي تجاهلتيني يامريم
مها و مريم استقربوا من وجوده : نااصر
ناصر : مريم انا قلت ابي اقولج السالفه و انتي رفضتي صح و لا لا
مريم منزله راسها ماتدري شتقول و مها : يلا انا رايحه عن اذنكم
ناصر : وين وين مدام عرفتي الي بينا تسمعين الكلام باذنج
و ناصر قالهم منوا تكون رهام
مريم : بس
مها : مريم
ناصر : عفويه يامريم لا يروح بالج بعيد بعدين هي اكبر مني خلي عقلج براسج
مريم : ناصر والله اسفه بس و الله -----
ناصر : مها
مها : هلا
ناصر : طالبج الفزعه لا تخلينها تقلب علي ترى و الله حياتي من دونها تنعاف
مريم و مها و ناصر :ههههههههههههههههههههههههههههههههههههههههههههههههه ههه
ناصر : يلا اشوفكم على خير مع السلامه
مريم و مها : مع السلامه
00000 : ناااااصر
- منو الي نادى ناصر ؟؟؟
- و ليش جاي بالاساس؟؟
نــــــــــــــــ البارت ــــــهاية
البارت السابع :
ناصر : نعم
ورود : شالي مقعدك هني
ناصر : تراج فاضيه حدج قاعد اتمشى و لقيتهم و سلمت حرام يعني
ورود : اها لا مو حرام
ناصر يستهبل : لا يرحم والديج يمكن يعني حضرتج محرمه السلام شي ما شيات يعني
ورود : وليه
مها: امري ورود بغيتي شي
ورود : أي بغيت مريم عمي يبج بخيمتكم
مريم باستغراب: ابوي
ورود : أي لا تطولين
مريم : اوكي دقايق
راحت ورود
مريم تكلم مها : مهاوي اخذي اللابتوب معاج
ناصر : اقول مريوم
مريم : هلا
ناصر : عندج ايميل
مريم : أي ليش
ناصر : عطينياه مو احسن من التليفون
مريم : بس لا اسفه مقدر
ناصر : قال ماتقدر قال اقول روحي شوفي عمي شيبي فيج و مها عطيني ايميلها
مريم : يلا مع السلامه
ناصر : مع الف سلامه
راحت مريم تشوف ابوها شيبي و مها عطت ايميل مريم لناصر
* بخيمت ابو سعد *
ابو سعد : ها شرايج
مريم : يبه اسمحلي لا
ابو سعد : عطيني سبب مقنع و ما راح اجبرج على شي ما تبينه
مريم : اولا توني صغيره و ثانيا ما افكر بالزواج الحين
ابو سعد : بس انا ما قلت الحين قلت السنه هذي خطبه و لمن تخلصين الثنويه ملجه بعدين العرس و انا ما اشوف بالرجال شي ينعاب و لونه مو كفو ما راح اوافق
مريم متضايقه : يبه تكفه انا ما اعترضت على الولد انا معترضه على الموضوع كله يبه الله يخليك ما افكر بالزواج
ابو سعد : انا بلغتج عشان ما تقولين ابوي سوى شي غصب عني
مريم تعبت من المحاولات : يبه بس انت ماراح تجبر بنتك على شي ما تبيه
ابو سعد : بس لمن بنتي ما تعرف مصلحتها وين لازم تنجبر على الشي الصح
مريم : يبه الله يخليك ما ابي
ابو سعد : مريم خلاص انا ما راح اتردد عن الي براسي يلا مع السلامه
مريم قعدت بالخيمه متضايقه و ابوها خلاها و طلع
* عند الرجاجيل *
ابو ناصر : شفيك يا خوي متضايق فيك شي
ابو سعد : مريم مو موافقه على الخطبه
ابو ناصر : ليش و انت ناوي تجبرها
ابو سعد : هذى الي بيصر لمصلحتها
ابو ناصر : انت من صجك ياخوي حنا ما دخلنا مدارس و تعلمنا عشان نطبق هالنوع من التعامل على عيالنا هي ماتبيه كيفها و توها صغيره الله يرزقها بواحد احسن منه ان شاء الله يمكن خيره و الولد متفهم ما اظن انه بيزعل و الله يرزقه
ابو سعد : مدري يا خوي تو الناس في و قت عشان نرد عليهم ما ني مستعجل بالرفض يمكن البنت الله يهداها و توافق
ابو ناصر: الله يكتب الي فيه الخير ان شاء الله
_______________________________
برب
مها : مريم ما اظن ابوج بيسوي شي دون رضاج
مريم : انتي ما شفتي شكله جاد
مها : تهقين شيبي يسوي ناصر لي درى
مريم : شيبي يسوي يعني ما يقدر يسوي شي ما بيده شي الله يستر بس
_________________________
سعد : الصراحه انا الولد مو متقبله كلش
سلطان : اذا مو متقبله ارفضوه
سعد : بلاك ماتعرف ابوي
وليد : الله يهديه
ناصر داخل عليهم مستانس اخر و ناسه
ناصر : منو الي الله يهديه لا يكون انا
رائد : شاللقافه و انت من جاب سيرتك
ناصر : افااا
سليمان : اقول تعال اقعد
راح ناصر و قعد يم سليمان
ناصر : شالسالفه الجو متكهرب
سامي : لا بس مريم تقدملها واحد و عمي ابو سعد بيوافق و سعد مو بالع الرجال خير شر
ناصر مثل الي كابين عليه ماي ثلج مو قادر ينطق
ناصر : زين و هي شرايها
فهد : رافضته بس عمي الله يهداه
ناصر قعد شوي عشان ما يحسون بالموضوع قام كلم ابوه على اساس ان هو اولى من الغريب و ابوه تفاجأ بناصر على انه توه صغير و ماخلص دراسته و ما اشتغل و ناصر اقنعه انه يبيها و ماراح ياخذ الا هي و ابوه رضى بس على شرط ما تتم الخطبه الا بينه و بين اخوه و محد يدري الا لمن تكون نفسك ( يعني يخلص دراسه لانه بالاساس مو محتاج فلوس ) و قال لمن ابو سعد يهدى شوي بالايام الجايه يكلمه مو الحين .................................................. ..
______________________________________
عبد العزيز طالع من الخيمه قاعد يدور حول الخيام يعني يتمشى و فجأه صدم فيه شي
نوره مرتبكه : اااسفه اخوي سامحني و الله ماشفتك
عبد العزيز : لا ما صار الا الخير
نوره : عن اذنك
راحت نوره و راح عبد العزيز الي مو عارف للحين منو هذي
ساره تبي تلعب بـأ عصاب نوره: يالي ما تستحين فضحتينا بالرجال شكبرج مره وحده لزقتي فيه
نوره شوي و تدمع لانها مو قاصده و علبالها هو اخذ عنها فكره<<<<<< توسوس البنت : كله منج انتي الي لحقتيني
ساره : نورو يالخبله عادي اضحك شفيج
نوره : اخاف ياخذ عني فكره اني كنت متعمده
ساره : ما ينلام اذا اخذ فكره لازقه فيه و ما ياخذ فكره
نوره شوي و تبجي خلاااااص: سارو اذا ما انطميتي اذبحج
ساره : يالخبله عادي عزوز ما يحط بباله
نوره : انتي شعرفج فيه اخاف صاقعته قبلي
ساره : جنج تدرين
نوره : شنو ؟؟؟؟؟
ساره : يمه منج
نوره : لا يروح فكرج بعيد
ساره : اضحك عليج يالدايخه هذا رفيج فهد اخوي من كانوا صغار يعني حسبه اخوي
نوره : اها
- شراح يصير بين مريم و ناصر ؟
- و الشله المتهوره ليش مختفين ؟
- و سليمان و ورود ؟
نهـــــــــــ البارت ـــــــــــآأية
البارت الثامن:
لوتحن المشاكل عقب حب الخشوم كان حبيّت خشم المشكلة وإستحت
ناصر: يبه لي متى لمن عمي يجبرها
ابو ناصر : ناصر احمد ربك اني قلت راح اكلمه توك صغير خلص الثنويه وذيك الساعه يحلها الف حلال
ناصر: يبه انا قلت غير مريم لا .. كان ماتبي تشوف رقعت و جهي لا تزوجنياها و هذيك الساعه تلاقيني ان شاء الله
ابو ناصر: ناصر شوف انت منو تحاجي ترفع صوتك ياخساره تربيتي بس
ناصر حب راس ابوه: يبه سامحني بس انت كلمه و اذا رفض ما افتح حلقي بالموضوع و لا اجيبلك سيره
ابو ناصر : انا راح اكلمه بس على شرط
ناصر : امر
ابو ناصر: محد يعرف بالموضوع اذا كلمت عمك الا انا و انت و عمك غيرهم لا و لا تحلم بمريم حتى امك ما تعرف بالموضوع الا لمن تاخذ الشهاده
ناصر ماصدق خبر : ولا يهمك بس متى تكلمه
ابو ناصر : لهالدرجه مستعجل
ناصر تفشل : لا يبه بس سؤال
ابو ناصر : اليوم ان شاء الله بس مثل ما وصيتك
ناصر قبل لا يكمل ابوه : ابشر بسعدك و انا ولد ابو ناصر
ابو ناصر:ههههههههه ما ينقدر عليك
______________________________
عند الشله المتهوره
عاليه : والله ملل
عايشه : و انا اشهد
مي : ودي اعرف العيال شيسون ما ملو
رهف ساكته لا حياه لمن تنادي مو متفاعله مع النقاش الهام>> قال هام
عايشه : رهف
رهف من غير نفس : هااااا
مي : وجعه صارلنا دهر نتناقش وين و صلتي
رهف : و صلت للحدود و ردوني ممنــــــــــوع
عاليه : يالله لا تبلانا من المملل ما تنلام البنت لي هوجست
رهف: متحطمه كانت فكره براسي بس عظم الله اجركم انتقلت الى رحمه الله تعالى
عايشه : اجرنا و اجرج بس شنهي الفكره قوليها
رهف : احسن لكم ما تعرفون لان راح تتحطمون مثلي
مي :جربي لا تخشين شي بقلبج يا وخيتي الدنيا ما تسوى>> شكووو
رهف : الفكر هي
البنات معاها : ايه
رهف : هي
قامت مي و صكتها على راسها : تكلمين و لا شلون >> تهدد
رهف: وجعت جدي أي و الله
مي: لا بس على بالي الحجي موقوف بمخج بس الحمد لله كفلته و طلع برائه
رهف : سخيييييفه
عاليه : تحجين و لا شلون
عايشه : وانا اشهد
مي : و انتي ما عندج غير الشهاده شهادج مرفوضه
رهف : المهم
البنات اندماج حاد >> اما حاد فنتق :ايه
رهف : الفكره يابنات هي
مي عطتها نظره
رهف : و ذمتي بكمل لا تطالعيني جذي
عاليه : اخلصي
رهف : شوفو الفكره ان لو هذا لو يعني المفروض لو عندنا
مي : هذي شكلها اليوم ما تبي توصلها البر
عايشه : ابشرج و صلت البر
مي من الطفش تصرخ: رهف و وجع اخلصي بيصير المغرب و حنا ما خلصنا
رهف من الخوف : ابشري ست مي لو يعني عندنا كامره جان حطيناها بزاويه من خيمت العيال و شفنا شيسون يعني مراقبه حركات شورايكون بس للا سف لا يوجد العامل الرئسي من المعادله الي هي الكامره فيعتبر العامل الرئيسي مفقود >>> دخلت عالم الرياضيات
مي : بس هههههه
عاليه : احسن الله عزاكم
عايشه : نورينا يا ست مي
مي : و الي يجيبلكم الكامره مستعدين للتحدي و المغامره
عايشه : من صجج
مي : طايحه من درج عيونج انا
رهف: والله انج داهيه
مي : ما عليج زود
المهم << اقول انقلعي.. اتفقو البنات شيسون بالضبط واخذو التوصيات من الراس الداهيه (( مي ))
_______________________________
ابو ناصر قال حق اخوه السالفه و اهم مايتزوجون الا عقب ما يدخل ناصر الجامعه
ابو ناصر : ها ياخوي شقلت
ابو سعد : و حنا وين نلقا مثل ناصر بس محد يدري تدري الفتره مو هينه
ابو ناصر : ابشر يا خوي
ابو سعد : على خير ان شاء الله
-----------------------------------------------------
عند مريم و مها
مريم : مهاوي من زمان ما دخلت المسن يمكن القى صديقاتي موجودات يعني اطلع من الهم الي انا فيه شوي
مها : يلا اوكي انا شابكه اخذي الابتوب و ادخلي على ايميلج اروح اجيبلنا شي ناكله و الله جعت و بسبتج انتي و الحلو ما تغدينا
مريم :ههههههههههههههه
دخلت مريم على ايميلها و غير ت التوبك على حسب الجو الي هي فيه
(( زفافي لغيرك لا تسميه زفاف بل موتن بطىء اخطاوا تسميته))
محد شابك من صديقاتها نطرت شوي يمكن في احد يحن على حالها و يشبك
دخل عليها ايميل غريب بتوبك(( يعلم الله مالك بقلبي شريك))
مساء الخير لاحلى احباب مساء الحب و الاحساس و الطيبه
مريم باستغراب؟؟؟
نعم داش عرض منو معاي
هي نست سالفت ايميل ناصر من البلاوي
ناصر يدري انها ما تعرف غيره و واثق منها بس فاضي حب يخبل فيها::
معجب
مريم: اقول الخلا مع السلامه الظاهر مغلط تاكد
ناصر : احبجججججججج
مريم: حبتك القراده قول امين
ناصر: هههههههههههه
مريم : ضحكت من سرك بلا
ناصر: و انتي توزعين ايميلاتج على الناس و تنسينهم
مريم استوعبت <<< الف مبروك و اخيرا
ناصر : مريم انا ناصر ها صوتي و صل
مريم : انا اسفه ناصر مقدر اكلمك مع السلامه
ناصر حب يخلي الوضوع عادي كاي واحد يغار من حبيبته لمن يتقدملها احد : بُشُيًلَ مْـٍنَ عًمٍـًريً اٌيًـاْمٌ وٌلَُكَ اُهٍـدَيًهٌـاُ بْـٌسُ خٌوْفًيِ إًُنٌكً فًـيَ وًُصُـلً غًيَـٌرْيِ تًُقًضَِيَهًـاُ
مريم خنقتها العبره : ناصر الله يخليك افهمني ما بيدي شي
نااصر :بسس انا بيدي >> يا قوي
مريم : ناصر ابوي بيجبرني و انا ما ابيه
ناصر : منو يقول بيقدر يوصلج و ماراح تشوفين عقب اليوم
مريم: ناصر الرجال ما له شغل لا تتهور
ناصر: خايفه على مشاعره
مريم: انا اعرفه يعرفني اخاف على مشاعره
ناصر : المهم حاكره نفسج على سالفه ما تسوى ليش انسي و لا يجي على بالج لانج اذا ما كنتي لي ماراح تكونين لغيري باااااااي
مريم خافت لا يتهور و لا شي شكله واثق: ناصر
طلع ناصر قبل ما يسمع ردها...
______________________________
رائد بيدخل الخيمه و شاف البنات و هم يحطون الكامره و سمعهم
دخل و خلا خطتهم تمشي وضع الكامره ايزي
رائد : شباب قربوا
قربو الشباب و كل واحد فوقه علامه استفهام كبر دماغه
رائد قالهم يتمصخرون ما عندهم شغل رزق و لعبه جايتهم من السما
عبد العزيز يبي يعرف منو الي صدمت فيه شغل اغنيه صدفه و حذف نفسه على الارض و انسدح على ظهره : اااه
سليمان : اشوفها طالعه من قلب
عبد العزيز ضابط الدور : يقولون الحب جمره و طاحت بالشليل
سليمان : انا اشهد بس شتسوي بالناس الدجه ليقلتلهم غالين قالو يسلموو
رائد : وانا اشهد >> داش عرض
ناصر : و انا بعد و ياكم
فهد: اشوف صارت محاذف
وليد : شي مجاني ما يردونه و لا تصدق هذولي عندهم احساس
سلطان : و انت الصاج شوف و جيهم بالاول
سعد : اللهم ابعدنا عن طريقهم يا رب و لا تبلانا مثل ما بلاهم
سامي : اللهم امين
نـــ ـــ ـــ ـــ ــ البارت ـــ ــ ــ ــ هـاية
نشوفكم على خير =)
البارت التاسع:
البنات ردو اخذو الكامره و راحو خيمت البنات الثانيه بيورونهم انجازهم العظيم
دخلو الخيمه ولقو البنات متجمعين ( مريم – مها – ساره – ورود- نوره . الهام – منال )
مي وصلت الكامره بتلفزيون اللي كان بخيمه البنات حق الدي في دي و انصدمو من الي شافوه
- ورود من سالفه يسلموو استوعبت >>> كلللوووووولليشش
- مريم تدري بغلاتها عند ناصر يعني موجديده السالفه عليها>>>>> واثقه
- نوره الي فهمت عبد العزيز و انصدمت من جرئته>> صاقعه فيه ما تبينه يتجرأ
ساره الي ماتت ضحك على العشاق: طلعوا مو هينين و لا عزوز صدفه و تطالع بنوره الي فهمتها الله و اعلم صدفه و لا شي ثاني
منال : لا والآآه طالعه من قلب
نوره زلت السان : شنو ما فيه غير عبد العزيز ما علقتو الى على صدفه يا كثرهم العشاق
مها : اقول اسكتي بس هو الوحيد الي مضبط نفسه و ماشي مع الجو طالع رومنسي حاط اغنيه بعد
البنات : ههههههههههههههههههههههههههههههههه
من بعدها البنات الي راحت خيمت اهلها و نامت و الي راحت تتمشى و الي قعدوا يسولفون
من الي راحوا بينامون ورود و منال و عاليه و عايشه و الهام و مريم و مها
والي قاعدين يسولفون رهف و مي << ما يخلصون
والي يتمشون ساره و نوره
ورود و هي رايحه خيمت اهلها التفتت على الصوت
سليمان : ورود
ورود بدى العداد 6000 : هلا
سليمان : نسيت اقول شي
ورود ؟؟؟ : شنو
سليمان : يسلموووو
ورود دوروها اختفت سيده على خيمتهم
سليمان : يالله احمدك يارب و اخيرآ استوعب الدجه ههههههههه
العيال الي نامو كلهم ما عدى عبد العزيز و رائد و فهد
فهد : عزوز دايخ ابي انام خلق الله كلهم نامو
عبد العزيز : روح نم انا قاعد عند رائد
رائد: عزوز لا تعطيه و جه غرامه نوووووووم
عبد العزيز : وانت الصاج صاك راسي من الصبح يلا شمقعدك رح اخمد
فهد : والله لو ما فيني نوم جان علوووم
رائد: اقول تيسر بس
راح فهد ينام و بقوا رائد و عبد العزيز
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك