رواية بصدري وجع كنت احسبه نام يا صدري -40
الرجلين حتى يقام في الصف). والأحاديث في هذا المعنى كثيرة.
ووصيتي لكل مسلم أن يتقي الله وأن يحافظ على الصلاة في الجماعة، وأن يحذر التشبه بالمنافقين في التخلف عنها. وفقني الله وجميع المسلمين لما فيه رضاه والسلامة من أسباب غضبه إنه سميع قريب.
___________
[1] سورة البقرة، الآية 43.
[2] سورة النور، الآيتان 36، 37.
[3] أخرجه ابن ماجه في كتاب المساجد والجماعات، باب التغليظ في التخلف عن الجماعة برقم 793.
[4] أخرجه مسلم في كتاب المساجد ومواضع الصلاة، باب يجب إتيان المسجد على من سمع النداء برقم 653.
من فتاوى الشيخ عبدالعزيز بن باز رحمه الله تعالى وآسكنه وإيانا الفردوس الاعلى من الجنان .
***
حكم صلاة من صلى في بيته هل صلاته مقبولة أم باطلة؟
صلاة الرجل في بيته مقبولة أم لا مع العلم بأنه يصلي كل الأوقات فى جماعة ماعدا صلاة الفجر يقوم بصلاتها فى بيته أول الوقت.
الفتوى :
الحمد لله والصلاة والسلام على رسول الله وعلى آله وصحبه أما بعد:
فإن الصحيح من أقوال أهل العلم أن أداء الصلاة في الجماعة واجب، لكثرة الأحاديث الصريحة والصحيحة الدالة على ذلك.
وعليه، فمن صلى منفرداً مع وجود الجماعة، فقد عصى الله تعالى وأثم، والصلاة صحيحة على قول الجمهور. أما قبولها من عدمه فهو من الأمور الغيبية التي لا يطلع عليها إلا الله سبحانه.
وفي الأخير ننبه السائل إلى أهمية صلاة الفجر خاصة في الجماعة، فقد ورد الحث عليها، والترغيب فيها، ففي صحيح مسلم: "من صلى الصبح في جماعة فهو في ذمة الله، فانظر يابن آدم لا يطلبنك الله في ذمته بشيء".
وفي الصحيحين: "من صلى البردين دخل الجنة" فلا ينبغي للمسلم أن يفوت على نفسه هذا الخير الكثير والوعد الصادق.
والله أسأل أن يوفقنا جميعاً.
والله أعلم.
مركز الفتاوى .
***
ريان : بس هالمره ..
بأسى : وتترك آبليس يروح لاعاونه وهو فرحان بأنه قدر عليك ؟!
: بس تعبان
: ي حبيبي ي ريان ابليس يعطيك ويزين كل شي لاجل ماتروح تصلي بالمسجد وحتى يمكن مايتركك تصلي هنا ..
آذن المغرب ابتسمت له : يلا حبيبي قوم وضيء ..
قومته وهو مكسل بالحيل دخل وضئ للمغرب وطلع وهي تعطيه المنشفه نشف وجهه وهو ينزل الاكمام ..
طلع للمسجد وهي تناظره من الدريشة موب قلة ثقه لا ..بس لاجل تكون شاهده على آول طرق تصحيح حياته ..
ابتسمت ودعت بين الاذان والاقامه : ي رب ثبته على طريق الحق والصلاح ..
.
.
.
بيت آهل الجوري ..
آخر الليل ..
هم بقلبها ماشالته من قبل مثله ..تحرك كل إلم بجسمها مع حركتها من وضيعتها الغلط بالنومه ..جالسة ورى الباب ونومتها غلط ..
شافت الساعة آخر الليل ..ضاقت من آنفاسها وعاتبت نفسها بدموع ليه تأخرت عن الصلاه ..
وضت وصلت فروضها وصلت الوتر معها..جلست على سجادتها وهي تستغفر إلين سمعت الاذان للفجر رددت معاه الاذان ..
***
عن أبي سعيد الخدري رَضِي اللَّهُ عَنهُ أن رَسُول اللَّهِ صَلَّى اللَّهُ عَلَيهِ وَسَلَّم قال :"إذا سمعتم النداء فقولوا كما يقول المؤذن" مُتَّفَقٌ عَلَيهِ.
وبعض الذين عرفوا هذه السنة لا يعرفوا عنها الكثير من أحكامها وأريد في هذا البحث أن أبين هذه الأحكام :
أولا : الترديد وراء المؤذن في الأذان :
- حكمه :
أنه سنة مستحبة .
- ماذا يقول المتابع :
أن يقول مثل المؤذن تماما ماعدا عند حي على الصلاة وحي على الفلاح فيقول لا حول ولا قوة إلا بالله
للحديث عن عمر بن الخطاب رضي اللّه عنه قال : قال رسول اللّه صلى اللّه عليه وسلم: "إذَا قالَ المُؤَذّنُ: اللَّهُ أكْبَرُ اللَّهُ أكْبَرُ، فَقالَ أحَدُكُمْ: اللَّهُ أكْبَرُ اللَّهُ أكْبَرُ،
ثُمَّ قالَ: أشْهَدُ أنْ لا إِلهَ إِلاَّ اللَّهُ، قَالَ: أشْهَدُ أنْ لا إِلهَ إِلاَّ اللَّهُ، ثُمَّ قالَ: أشْهَدُ أنَّ مُحَمَّداً رَسُولُ اللَّهِ، قالَ: أشْهَدُ أنَّ مُحَمَّداً رَسُولُ اللَّهِ؛ ثُمَّ قالَ: حَيَّ عَلى الصَّلاةِ،
قالَ: لا حَوْلَ وَلاَ قُوَّةَ إِلاَّ باللّه؛ ثُمَّ قالَ: حَيَّ عَلى الفَلاح، قالَ: لا حَوْلَ وَلاَ قُوَّةَ إِلاَّ باللَّهِ؛ ثُمَّ قَالَ: اللَّهُ أكْبَرُ اللَّهُ أكْبَرُ، قالَ: اللَّهُ أكْبَرُ اللَّهُ أكْبرُ؛
ثمَّ قالَ: لا إلهَ إِلاَّ اللَّهُ، قالَ: لا إلهَ إِلاَّ اللّه مِنْ قَلْبه دَخَلَ الجنَّة". رواه مسلم في صحيحه
***
طلعت من غرفتها وقفت بصدمة وهي تشوف شكلها بالمرايا حطت كفها فمها ودمعت من شكلها والبقع الباينه على وجهها ونحرها .. ماقدرت تصحيهم ورجعت لغرفتها وهي تصكها على وتبكي :يمممه آآآه ييمممه
بكت حالها شكلها لونها المتغير بسبب ضربهم وأهانتهم لها ..
فزت من شهقاتها ودق باب الغرفة بتصرف أقل مايقال عنه هجمي ..فتحت وهي تمش دموعها ..
أبوها يناظرها ب احتقار دنقت من نظرته البشعه ..
:وراك صاحيه ؟
بصوت مبحوح : لـ صلاة الفجر
:تصلين وتنزلين تزيين لي الفطور ..
: إن شاء الله ..
مشى من عندها ولبست جلالها لاجل تصلي وتنزل تسوي له الفطور بجد مهيب حيل أي ضرب من صبح ربي ..ولا آهانه اللي جاها البارح يكفيها عمر ..
.
.
.
الفندق ..
مصعب عطاها الكرت : بمركم العصر الحين بروح آنام ..
سلطانة :شكراً ..
ابتسم لها وهو يلمس خدها : صلي الفجر وناموا بـ آمان الله ..
سلطانه :بجد ميته نوم ..
وهو مبتسم : واضح عليك الارهاق ..
سلطانه مبتسمه : طالع منها بالارهاق ..
ضحك لها .. خافت عليها من نظرته باين عليه مهوب بخير واضح بأنه مرهق بجنون :مين راح يوديك ؟
مصعب : بشوف أي تاكسي
سلطانه : لانام هنا دام فيه غرفه ثانية ..
لمح بنبرتها خوف عليه
وهي تمسك كفوفه وتدخله للغرفه : نام هنا ..
ناظر السرير وابتسم : شكله بالحيل مغري
ابتسمت : من الارهاق .. تبي آجيب شنطتك ؟
: آيييه فديتك ..
دخلت سحبت الشنطه وجابتها له ..:يلا نوم العوافي ..
باس راسها وهو يقربها له ..حمرت منه ومن قربه ولاقدرت تصده مثل كل مره ..
ابتسم وهو يبعد : روحي نامي
طلعت ولاهمس ولاحرف ..ضحك من قلبه :أحححححببببها ..
عكسها دخلت للغرفه وصكت وهي تتحسس وجهها وهو آحمر :شاااللي صار لي بس
حست فيها وناظرتها رتيل وهي مبتسمه : شسوى ؟
رمت نفسها على السرير جنب صديقتها وهي محمره : باسني وجابني لحضنه وكأني شي آلي تحركت له مثل مايبي
رتيل وهي تمسح على شعرها : لاتتدمين عطيه كل اللي يبيه .. اللي مثل مصعب حرام تردين له طلب
ضحكت : حسيت بأنوثتي معاه .. (بهمس )يأسر بحركاته وتصرفاته ي رتيل ..
رتيل برغم تعبها وإلمها المميت الا إن هالخبر رفع من نفسيتها كثير وخاصة بأن سلطانه تهمها كثير سعادتها ..
ضحكت سلطانه وغطت وجهها : لاتناظريني كذا
ضحكت رتيل : خلاص ناااامي ماراح آناظرك ..
كل وحده حطت راسها واللي بداخلها فرحه عجزت عن تصوريها واللي تداري همومها والامها ..
.
.
الساعة 7 الصباح
بيت آهل لمار ..
عزام يتحلطم وهو نازل مع فهد : حتى النوم بالاسبوع من قلق الجامعة ماتهنيت فيه..
فهد يضحك : حقك علينا طال عمرك .. بس اليوم بنأخذك ..
آمهم تضحك : الله يصلحك ي فهد كان خليته ينام إلين الفجر مانام ..
فهد يبوس كف آمه : صبحك الله بالخير .. هههههههههههه خليه ينام بدري
عزام وهو يبوس آمه وينسدح بحضنها : يممه ولدك الصغير خليهم يرحموني..
عبدالعزيز نزل وشافه منسدح على رجول آمهم ..باس كفوف وراس آمه :صباح الخير ..ولد قم عن رجل آمي ..
ضحكت آمهم وهي تلمس شعر ولدها بحنان : خلوه ينام إلين تفطرون ..
نادات الشغاله لاجل تجيب باقي الفطور لـ عيالها : عزام ضناي تبي تقوم تفطر مع أخوانك ..
وهو بحضن آمه ومغمض عيونه : لا ..
عبدالعزيز وهو يجلس لاجل يفطر : فهد ذا بيروح بالكدش كذا
ضحك فهد وهو يجلس : خله براحته .. وبعدين أي طاقيه وشماغ بيتجي مع كدشه
ضحكت آمهم : صادق .. الله يصلحه ..
نزلت لمار وأسيل سلموا على آمهم وجلسوا ..
آمها :انزلوا افطروا ..
لمار : عندي يمه تحليل ..
أسيل : مابي .. بفطر من برى ..
فهد : راح تطلعين مع لمار ؟
أسيل فرحانه : آيييه بشوف شلون لمار مع البيبي
سكت فهد مايقدر يقول عن مساعد لاجل مايحس عزام وقتها لو تصير مذبحه مهوب طالع ولايبي المشاكل ..
عبدالعزيز : عزام قم عن آمي خلها العزيرة تجلس بجنبي ودي بها ..
عزام وهو يقوم وانسدح على لمار ..
فهد :الله يصلحك مالقيت هالعصلا ولا حامل وتنسدح على رجلها ..
مارد عليهم وضحكت لمار وكفها على جنب أخوها وتناظر وتسمع حكي آمها وأخوانها ..
عبدالعزيز يسكب لامه قهوه ويعطيها من التمر ويطلع اللي بداخله : خذي ي الغاليه..
آمه : آنا آفداك ي المعرس ..
ابتسم لعيون آمه والا هو ضايق من هالسالفة وفهد واقف له ورافض فك الخطوبة..
أسيل تذكرت :صححح عزوز تدري فجر راح تجي معنا ..
رفع راسه من فطوره وابتسم : من اللي راح يوصلكم ؟
أسيل : السواق (وهي مبتسمه) شرأيك تجي؟
ضحك :فكره مهيب ببطاله ..
ضحك فهد من قلبه ورحم مساعد ماله لوى يشوف لمار ابداً بهاليوم..وقف وهو باقي يضحك :أكرمكم الله..
عبدالعزيز ضحك من ضحكه : وراك ؟
وهو يضحك ويمشي لاجل يغسل: آفططر ووصلهم بس ..
ضحك عبدالعزيز وكمل يفطر ويسولف مع آمه ..
رجع فهد وهو يقوم عزام : عزام مشينا ..
قام لـ فهد : برجع بدري بنام ..
فهد : يصير خير ..تعالي لمور شوي ..
قامت لاخوها وهي تطلع معه للحوش ..
وهو مبتسم : مساعد وش بيصير عليه ؟
لمار : مممم مابي آروح معاه ..
فهد : آدق عليه لايجي ..
لمار : ي ليت فهد لان موب مود مساعد من هالصبح
خربط شعرها : إن شاء الله ..طميني لما تطلعين من الدكتورة ..
لمار مبتسمه: من عنوني .. فهد كلمت مساعد ؟
:قريب بكلمه وبشوفه ..لاتشيلن هم دام فهد وأخوانه لك ظهر وسند
بحب وفخر وثقه : مابيوم شلت هم دامكم معاي الله لايحرمني منكم ..
عزام طلع وهو يناظر فهد : فهد ياخي خلني ارجع آنام ..
ضحك فهد وتطمن دامه راح يكلم مساعد بأنه مايمر : خلاص روح نام..
فتح عيونه المكسله زود : تمزح
ضحك : رح نام قبل ماغير الراي
وهو يرجع لداخل بسرعة ويطلع لغرفته .. طلع عبدالعزيز وكان بيصك فيه : وراه هالمهبول ؟
فهد يضحك : بيروح ينام ..
عبدالعزيز ضحك : ركد هالولد ي حي ي قيوم .. آقول لمار تعالوا لـ سيارتي بوصلكم أنا ..
فهد شاف لمار تدخل لـ داخل وناظر أخوه : وش نيتك ؟
عبدالعزيز مبتسم : بنت عمك منيب عبدالعزيز إن ماخليتها تشيل هالتفكير المتخلف من مخها ..
ضحك فهد : لاتروع البنت بس ..
ضحك عبدالعزيز ومشى لـ سيارته وطلع فهد لـ سيارته ..
شاف خواته يركبون ابتسم وهو يسولف مع لمار ..
أسيل : عزوز ..
عبدالعزيز يناظرها من المرايه : عيونه
: عنوني أنت مر بيت عمنا ..
وهو مبتسم : آوككي ..
لمار : عرفت ي أسيل فجر بأن عزوز راح يوصلنا ..
أسيل بضحكه شريره : لا .. خليها تتفاجئ ..
ضحك عبدالعزيز ..وهو يوقف قبال بيت عمه ..
دقت أسيل وقالت راح تطلع ..
عبدالعزيز : غريبه طالعات كلكن ؟
أسيل: نبي نشوف وضع لمور ..
ابتسم وجلس يحوس بجواله ..إلين حس بفتحه الباب ..سلمت وركبت جنب أسيل..
حرك من بيت عمه وهو ساكت ..
فجر بهمس : ذا فهد ليه ماقلتي ؟
أسيل ابتسمت : ذا عزوز ..
بصدمه وهمس: كذابه ..
آسيل ضحكت : والله ..
حمر وجهها وانحرجت بالحيل بهمس أكثر : ليه ماقلتي لي ؟
أسيل : عادي خطيبك ..
سكتت فجر وهي منحرجه .. شوي وهم واصلين للمستشفى فز قلبها وهي تشوف عبدالعزيز حاط يده على مرتبة لمار ويناظر لـ ورى لاجل يدخل سيارته بأحد المواقف ..
: نزلنا ..
نزل من سيارته شافهم نزلوا ضغط بزر الريموت ومشوا لداخل.. طلب ملف أخته وطلعوا للاتنظار ..مسك كفها وفزت وهو يهمس لها : وراه ترفضين بس ..
فكت كفها منه وبحده : ماعتقد بيننا شي رسمي لاجل تمسكني كذا ..
آعجبته الحده بصوتها وعصبيتها : عادي قريب بيصير ..
ماحب يكثر معها بالحكي وحب حدتها معه .. هذي اللي يأمن على بيته وعياله معها..
جات أسيل ومعاها ماي وجلست جنب اختها وفجر ..عكس لمار اللي كانت شايفه وضع أخوها وفجر ومبتسمه ..
نادتهم الدكتورة ودخلوا البنات مع لمار وهو يلعب بالايفون .. وكل شوي يخسر ويرجع يعيد انقهر هاللعبه لعبته ماعرف بإن اللي داخل مع خواته شاغله فكره..
ربع ساعه وهن طالعات وقف وهو يمشي جنب لمار ويسألها عن وضع اليبيبي ..ركبوا السيارة :أسيل وين تبين تفطرين ؟
أسيل : لاعزوز آبي فربتشينو من ستار بكس ..
عبدالعزيز : ي بابا آفطري بفطور صاحي
أسيل : مابي عزوز ..
: الله يصلحك ي خوك ..
لحظات ووقف قبال ستار بكس وسأل لمار وفجر رفضت ..
مجرد مانزل ..
فجر :أف ف ف احححراج
ضحكت أسيل : خققه آخوي صح
فجر : فاضضيه ..حرام كان قلتوا لي
لمار : عااادي فجور ..
فجر باحراج : لا والله موب عادي .. سلامات اطلع معاكم ..
أسيل : مالت عليك بس .. المهم شفتي الفلم اللي قلت لك عنه ..
فجر : لا ..
أسيل :ومتحمسة وبشوفه وبشوفه مالت
فجر : مافييه وقت ابداً .. بس بشوفه عقب مارجع للبيت ..
أسيل : بشوف رأيك فيه يجنن ححيل كله آكشن ..
تفاجأت لما انفتح الباب من عندها ..عطاها عبدالعزيز دنق أكثر وأسيل مستانسه على وضعهم ..عطى أسيل الفربتشينو ودونات وجاب لـ فجر مثله موكا كراش ودونات وبعد لمار ..فتح المرتبة بالوسط وكل ريحة عطره اخترقتها وخدرتها منه وهو مندق ومدخل راسه ونص جسمه للسيارة من غير جنب كتفه اللي جا على عبايتها وتكئ على جسمها ..
: حطوا هنا ..
وخر وصك الباب وهو يركب جنب أخته .. ماقدرت تأكل وطول وقتها تحاول تستوعب اللي صار ..
وقف قبال بيت عمه ولف : آفا فجر ليه مااكلتي ؟!
نزل من سيارته على فتحتها للباب أخذ الموكا والدونات وهو يصك الباب ويهمس لها وهو يعطيها : أنا أبغاك وشاريك .. وملكتنا قريبه جداً لاتفكرين ب أشياء مالها داعي..
ماردت عليه وهي ذايبه من حكيه وطريقته بالحكي وأسلوبه الجميل ..مشت عنه وهو يناظرها إلين دخلت لبيتهم ..
ابتسم وركب سيارته وحرك لبيتهم لاجل يوصل خواته وتالي يروح للشركه ..
طالعين يفطرون وعقبها كلم ربعه وأخذ واحد منهم ملتزم لاجل محد يقدر يتكلم معه بموضوع الرجعه ..
آشهد شاهدين ورجعها له
ثامر : كل هالفرحة وتقول ماتحبها ؟!
سطام يضحك : بروح آخذها وبننام في فندق وبعوضها .. البارحة من دونها ماحبيتها ..
ثامر : حجزت بفندق ؟
سطام : آيييه ..
ثامر : تركد ثاني مره واترك الطلاق ..
ضحك أكثر : ثامر الشيخ داخل ماقصر ..
ضحك ثامر وركب سيارته : قطني للشقه وراي دوام ومتأخر
ناظر سطام الساعة 12 الظهر : بمرها .. آقول ثامر آجيب لها هديه
ثامر يناظر الصك : آكييييد جيب لها ..تدري خل نمر وعقبها قطني للشقه ..
حرك سطام وهم يسولفون إلين وصولوا لـ سوق نزلوا ودخلوا ..
سطام : آجيب لها ذهب آو إلماس ؟
ثامر : كيف الميزانية ؟
ابتسم : لاتحاتي حلووه ..
ضحك ودخلوا لمحل ..
ثامر : خذ لها هالاساورة ودبلة ..
كان بيرد بس جواله يدق شاف رقم آمجاد آغلق جواله وناظر ذوق ثامر ب آعجاب : ي ولد وش هالذوق الفخم ..
ثامر مبتسم : آنا ثامر ي بعدي ..
ضحك سطام وأخذها لها ..
حاسب وطلعوا حطها بجيبه ..
شوي ووصل ثامر للشقه وعقبها راح لبيت عمه ..استجمع آنفاسه وهو ينزل ..فجعه عمه ابتسم لما شافه وسلم عليه ..
أبو الجوري يدخله للمجلس :حياك الله
سطام يضبط الغترة :الله يسلمك ..كيف حالك ؟
أبو الجوري :بخير الله يسلمك ..
سطام كان منحرج وجا يتكلم بس تفأجا من حكي عمه : أنا أدري آنها غلطت وهي تنام برى البيت لكن جاها ماتستحق مني ..
ضاق بشكل مايكفيها ضرب منه ..!
تكلم وهو يناظر عمه : توني راجع من المحكمه ورجعتها ..
عمه : وكيف رجعتها بهالسرعة
سطام بنبره : ربي عالم بحبي لها ..
ابتسم عمه براحه : بقوم آقولها تجهز إلين تتغدا معنا وعقبها تروحون ..
سطام بسرعة: لالا ياعم ناوي آطلع مع الجوري تنغدا برى خلها تعجل تكفى ..
وقف عمه وهو مبتسم ..
من ربكته ماقدر يجلس ووقف وهو يناظر شوي علها تجي ..
الجوري تناظر أبوها وعيونها تتساقط دموع : رجعني سططام ..!
أبوها مستانس : آيييه آخلصي واجهزي
الجوري : مابييه لييه يرجعني ..؟
أبوها وهو يشوفها تبكي وتشاهق وبحده : الجوري البسي عباتك بسرعة..
بدموع وشبه صرخه: موب رايحه ..
صرخ أبوها وعلا صوته إلين وصل لـ سطام بالمجلس اللي استغرب الصوت والحده والبكا ..
وهي تبكي وقفها قبال الباب :البسي وانقلعي ..
آمها : خلاص ي الجوري فكينا من أبوك وقلقه .. الله يهديك ي بنتي ..
وهذا هو شاريك توه آمس مطلقك واليوم مرجعك ..
رجع أبوها من المجلس : امشششي الرجال برى ..
حطت غطاها على وجهها وشنطتها بكفها طلعت وهي ذليله ومكسوره من بيت عزوتها ..!
يااااه ي صعب الشعور وقسوته وإلمها ..
مؤلم جداً إن تلجأ لهم ويخونوا الثقه ..
شافها وابتسم من أعماق أعماقه فتح لها الباب ركبت ..كرهته بشكل لايعقل وهو يركب جنبها كتمت شهقاتها وبكاها ونحيبها المقهور ..نفضت كفها المتلون بالبقع البنفسجية من ضربهم لها ..سكت وهو يوقف قبال الفندق وصوته متردد : الجوري انزلي ..
هو رفضها بيقدم أو يأخر شي ؟
بيغير شي من واقعها ؟!
بيرجع كرامتها اللي راحت منهم ؟!
نزلت وصعدت معه للجناح فتح الباب ودخل وراها .. دخلت للغرفه وصكت الباب وراها ..فكت غطاها على دخوله للغرفه ..
: اطلع واتركني ..
جلس جنبها : وأتركك وأنا اللي ماهنا لي نوم .......
صرخه صدرت عقب شوفه لوجهها وكفوفها وبصوت متألم : لييه لييه كل كذا ؟!
الا الجوري ماتقدر تكف دموعها ابداً وهي تناظره : منك لله أنت وأبوي الله حسيبكم..
تعلثم : جـ ,, آقصد ,,, (ماعرف يصيغ عباره)
وهي تناظره ب احتقار : ماقدرت تناظرني من البقع ها ..!
أجل لو تشوف شاللي بداخلي وكم تشوه بسببكم شاللي راح يصير لك (علا صوتها ببكا )
سطام وهو متأزم : جوري ..
جاتها القوه ودفته عنها بقوة : وخخخخر ..
جلست على الارض وهي تبكي وتبعده عنها .. حاول يجيبها لصدره يضمها يحتويها لكنها قابلت كل قربه منها برفض تام وهي تصرخ وتشد شعرها لاجل يطلع ويتركها..
وهو متأزم : خخلالالاص جوري تكفين خلالاص والله بطلع
صك في الدولاب وعقبها في الباب ولاحس وهو يصكه وراه ..جلس بالصالة وهو يرجف : ي الله ..
نزع الطاقيه ورماها بالارض لان الغتره والعقال طاحوا وهو مع الجوري..
جلس على حال أكثر من ساعه ماعاد سمع بكاها ولاشهقاتها الا بين وبين..دخل ولاقها نايمه على الارض مجرد ماحركها تألمت رفعها بخفه وحطها على السرير ..جلس على السرير وعيونه تناظرها بإلم ..من لمس البقع تألمت .. ضاق من نفسه وقام طلع من الغرفه ماتحمل بعدها رجع لها وهو ينسدح قبالها ولاقدر يلمها لاجل ماتتألم وتصحى ..
.
.
.
الفندق الآخر
سلطانه ساعدت رتيل لاجل تدخل تأخذ شاور .. وحضرت لها الملابس : شاور الهنا..
صكت الحمام ومشت لـ مصعب شافته منسدح جلس لما شافها :صليت الظهر ؟
مصعب : آيييه وتوني جاي من المسجد .. سوس كلمتي سواقك ؟
سلطانه مبتسمه : آييه جا ؟
: آيييه .. آرحمه هالشايب بجيب لك سواق ويكون معاه بس نتركه يرتاح
وهي مبتسمه : لاتحاول لو قلت له كذا زعل ..لاني كل فترة آكلمه ويعصب علي
ضحك مصعب وهو يسألها : شيعني لك هالشايب ..
وهي تناظر كفوفها : بحنانه حنان جدي وبخوفه علي خوف المحب وبوقاره وقار الشياب الدينين .. يكفيني بس شعور آمان وراحه لما آسولف معاه .. ويكفيني بعد بأنه مثلي تماماً ..
يناظرها : اسألك سؤال غبي
رفعت راسها وابتسمت : اسأل
:تكشفين عليه ؟
ماجاوبت عليه للحظات : آييه آفتش عليه .. يمكن تقول غلط بس هو يعني لي شي كبير وشايب ويعتبرني بنته وأوقات لما نكون نسولف وتلقائيا آقوله جدي ..
ابتسم ولاعلق ..
وهي تناظره : ممم عسى نمت زين ..
وهو هايم فيها : يكفيني إنك قريبه مني ..
ابتسمت له ..
: طيب شاللي تبينه منه ؟
سلطانه : لاجل رتيل راح تروح للمستشفى ..
:فيها شي ؟
بضيق وهي تقوم : الكلى تألمها بشكل .. وحتى يبي علاج مكثف لاجل فقر الدم ..
وهو يقولها : عساف هنا بالرياض ويسأل عنها ..
: خله يبعد عنها أحسن له ..حالة رتيل ماساءت الا عقب ماتزوجها ..
رمت تهديدها وطلعت من غرفة مصعب ..
دق على عساف وهو يتنهد بضيق قاله ضاق عساف من تعبها : شوف مايهم خلاص خلها معها بس تروح للمستشفى حقي هناك أطباء على مستوى عالي جداً لها الله جبتهم من بلادهم لعلاجها ..
مصعب : بكلمها شوي وبنطلع للمستشفى..
عساف : طمني أول بأول
مصعب: بأذن الله ..
نادى سلطانه وقال لها فكرت واقتنعت وهي تبي أطباء كويسين لـ رتيل : آوكككي..
دخلت لـ رتيل ولبست وهي ورتيل ..
رتيل : لا مابي مستشفى عساف..
سلطانه : بكون معاك طول الوقت وهناك أطباء مميزين ..
طلعوا من الفندق للمستشفى مع سواق سلطانه ..وسلطانة مبتسمه على الحوار بين مصعب وسواقها .. أعجبته طريقه مصعب يزنن وهو يحكي مع الشيبان ولاتنسى تصرفه وقال بأنه راح يسوق عن العم سعد لاجل يرتاح من السياقة بـ زحمه الرياض ..
من دخلت ودخل مصعب ناظر الشايب : عم آرتاح هنا ..
جلس العم سعد وهو يناظر هالمستشفى الفخم وشوي لقى نفسه يستغفر مثل كل أوقاته يعشق الانس بقربه من الله عز وجل ..
سلطانه : طلب لها حجز جناح
الموظف: آيييه والحين تقدرون تجون معاي وكل الاطباء حسب الجدول لهم راح يجونها..
سلطانه : آوككي شكراً ..
مشت ولفت لاجل تناظر العم سعد ومصعب جالسين طلعت مع رتيل ودقت على مصعب بأنها راح تجلس مع رتيل وأغراضها ويا رتيل يوديها لبيتها ..
لحظات ودخل طاقم طبي مسكت كفها وهي تتكلم مع الدكاتره ..
سلطانه : الحين فحوصات ؟
المترجم يناظر الدكتور وترجم حكيه : يقول يفضل الان ..
تكلمت معهم وتالي نزلوا للاشاعات والفحوصات الثانية ..
.
.
.
عقب عدة آيام ..
بيت آهل سطام ..
غرفتها ..
تناظر البقع خفت كثير ارتاحت خاصة بإن وراها مدرسه ..ابتسمت اخيراً بدرس وبلهى بعمري ..
دخل سطام وهو يناظرها : الجوري كم يوم مر وأنتي حتى تناظريني كأني ولاشي عندك ؟!
خلاص السالفه آنتهت ورجعتك لو ماأبيك مارجعتك من ثاني يوم ..
وهي تحط كريم لاجل البقع :انتهت بالنسبة لك لكن أنا كل شي تسويه فيني قاعد يتراكم بقلبي ويشيل بأسبابك صرت آشيل ويمكن آحقد بعد ..
حزنت على نفسها وهي تقول هالحكي ..
سطام : الجوري ..
وخرته عنها : سطام أنا عقيمه تذكر هالكلمه قبال آمك وآمجاد وسهى ؟!
(بحده ممزوجه بجرح خالد) جاي هاللحظات عندي لييه وأنا مابجيب لامك الحفيد..
دفته عنها : آففف منك تقرفني خلاص سطام روح لها هي راح تبادلك مثلما تضحك لها راح تضحك لك تدلعها راح تدلعك لكن أنا لا .. أنا موب آنثى ..!
صدت ذا كلامه لها ..تكرره له لاجل يفهم ويعرف شكثر هو قاسي وجارح ..
: آسف ..
الجوري تصد عنه ب قرف : الله يخليك ماعاد تمشي ولاعدت آسامح ..
تذكرت وهي تسحب الهدية من الدرج : خذ الهديه ..
يناظرها : هديتك ..
: وأنا ماستقبل هدايا ..وبالذات منك أنت ..
رجعت تكمل تحط مكياج لاجل يخفي هالعيوب لان البندري راح تمرهم ..
بقهر : تكشخين لييه وأنتي كارهتني ؟
ماناظرته : مهوب شغلك ..
فتحت الدولاب وهي تطلع لها بلوزه هاي نك لاجل ماتبان الاثار وطويله الاكمام مع تنوره سكيني آسود ..لبست الفالت وتناسته ..رشت العطر وجات لاجل تنزل رصد لها على الباب : مدري على بالك اللي قبالك حجر لاجل مايحس بهالشي الفخم قباله ..
طرت لها فكرة منها مايسوي لها مشاكل ومنها تشوفهم آمجاد وترد له لو جزء بسيط من حركاتها معها ..لحظات وكرهت هالتفكير رد لها صوت بداخلها اتركي هالطيبه ماجابت لك الا الذل ..
: سطام ممكن ننزل
حاولت تجامله قد ماتقدر غصه عذابها لها بحلقها باقيه ..
مسك كفها ولاسحبتها منه خل تحرق قلبها شوي مثل مايسوون فيها دوم وهو حاسبه معها بس تجلس تحت ..
بإلم : خصري لاتشد عليه ..
خفف قبضته عن خصرها : كذا زين ..
: ماله داعي تمسك بخصري اصلاً ..
وقفها وهم راح ينزلون وحطوها كلها : والحين شرأيك بس ؟!
فكت يدينه : عيب ترى ..
وهو ينزل معها : عيب ليه أنا وشو مثلاً ؟ تراي زوجك ..
بحسره : من ندامة الحظ ..
شافتها عمتهم والبندري استغربت الجوري بأنها جات ..
سلمت عليها وضمتها وعقبها سلمت على سطام وكانت بالحيل عاتبه عليه : لولا غلاتك وقربك لنفسي كان ماسلمت عليك ..
وهو يمسك الجوري ويجلسها جنبه : آفا لييه ؟
عمته: هذي سواه تطلق الجوري ..
بضيق : كانت غلطه وعصبيه والحمدلله شوفيها جنبي ..
شد كفها :ولانيب مفرط فيها من ثاني ..
عمته : لو كررت هالشي من ثاني أنا بوقف بوجهك ..
ضحك : حسستيني بأن الجوري بنت أخوك وأنا الغريب ..
عمته: غلاتك وغلاها غير ..الا كيفك ي الجوري طميني عنك ؟
الجوري : الحمدلله .. شخبارك وكيف البنات غريبه ماشوفهم ؟
البندري : الحمدلله .. نزلوا للسوق الترم الثاني قرب وهن يبون يشترون أغراض..
الجوري: يسعدهم ربي ..
البندري : وكيف متحمسة للمدرسه ؟
ابتسمت : بالححيل ..
يناظرها : أي شغل ؟
الجوري ناظرته : قدمت وانقبلت بالتدريس ..
عدل جلسته ويناظرها زبن : وأنا ؟
:شفيك ؟
سطام : وشو اللي شفيني ؟!!
مفروض تقولين لي وتعطيني خبر بأنك راح تدرسين ..
عمته : عندك اعتراض على شغلها ؟
سطام : أكييد مابيها تشتغل ..
الجوري : كيفك المهم أنا ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك