رواية اذا انتثر دمع عينك -43

رواية اذا انتثر دمع عينك -43

سارة دقت مسك : قولي له إيه ..

مسك بخجل باين في ابتسامتها : بلعب ..

مشاري : موافق أنا ..

سامي : أوكي ..

تركي وياسر بعد ماتشاوروا : وأحنا معاكم ..

طلال : شرايك رائد ؟ ..

رائد ابتسم : عادي نمشي الوقت ..

ملاك : يعني الحين كل الشباب بيلعبون .. والبنات ؟ ..

رهف : باسم كل فريق البنات موافقين ..

ياسر : الله عليك يالكوندريزا رايس ..

الكل : ههههههههههههه ..

ملاك : يالله جيبوا ورق وقلم ..

سامي وقف بيجيب .. إلا سارة قاطعته : وقف وقفف أنت ..

سامي لف عليها مستغرب : نعم ؟ ..

سارة : خل سمر تروح .. انت لو رحت ماراح ترجع إلا بعد نص ساعه غرفتك حووسه ..

الكل : هههههههه ..

فارس بنص عين : سويرة إيش دراك ان غرفته حوسه .. ؟

سارة ببساطه : هو من قبل راح يجيب مفتاح سيارته ومارجع إلا بعد ربع ساعه ..

سامي فتح عيونه : يالكذابة عشر دقايق ..

ملاك تدق على الطاولة : بس انت وياها .. سمر قومي وخلصينا ..

قامت سمر تجيب ورق وقلم .. ورجعت بعد دقيقتين ..

ملاك ضبطت كل شي وخلت الأوراق على الطاولة بعد ماسفطتهم : خلصت .. يلاه نبتدي ؟؟ ..

الكل : إيه ..

ملاك : اول شي تعالي روان ..

روان قامت : هلا ..

ملاك تأشر : خذي الورق وهزيهم في يدينك وأنا اختار ..

روان سوت اللي قالت عليه ملاك وتركت الورق على الطاولة مرة ثانية ..

ملاك : خلاص ارجعي .. بسم الله .. أي وحدة أختار .. إممم

الكل على اعصابه ..

ريان : اخلصي عليها ..

ملاك اخذت ورقه : طيب طيب .. هففف .. ( وفتحت الورقه وقرت الأسم ) .. أول شخص بيسأل هووو .. ( وناظرت عيون الكل ) .. رامي ..

رامي وقف وراح عند ملاك : يسس ..

ملاك : متحمس الاخ (هزت الورق واختارت الأسم الثاني ).. يااسر ..

رامي تخصر : ستوووووووب ..

الكل لف عليه ..

ملاك : خير اخ رامي ..

رامي : ليه خليتي غوان (روان) تهز والشباب لأ .. عيدي عيدي ..

ملاك بنص عين : بنشوف يالمتشرط .. تركي تعال ..

تركي يهز بالورق ويهز ويهز ..

ملاك : بسس تقطعوا الاورااق ..

تركي : لالا خليهم ..باقي عشان لايعترض رامي ..

سمر : ارتج راسي .. يالله ..

تركي حط الورق على الطاولة ورجع : يلاه اختاري عدل ..

ملاك اختارت : أووه حركات بنت ..

البنات حطوا يدهم على قلبهم ..

ملاك : دااانه ..

رامي بقلبه "" يسسسس يسس "" ..

دانه ارتاعت : هااه ..

ملاك : وجعاه قومي ..

دانه قامت .. على يسار ملاك دانه وعلى يمين ملاك رامي ..

ملاك بنذاله : رامي اسأل اسأله عدلة مو خرابيط ..

دانه خزت ملاك : اسكتي يا إبليس ..

ملاك : ههههه ماعليك منها ..

رامي مبتسم وناوي نيه : أوك ..

الكل متحمس ..

ملاك : تفضل اسأل ..

رامي يراقب رمشت جفنها : دانه ..

دانه بربكة خفيفة : نعم ..

رامي باختصار شديد وهو يعرف غلاه عندها : تحبيني ؟؟ ..

انحبست الأنفاس وسكت الكل .. ودانه بوهت ( فهت ، استدلخت أي شي خخ ) .. وبنفس اللحظة اللي نطق فيها رامي كلمته التقت عيون ريان ورهف .. وبعدوها عن بعض بسرعه ..

ملاك تظنه يمزح : رامي اسأل ..

رامي يأشر : أنا سألت .. أنتظغها ( انتظرها) تجاوب ..

ملاك سكتت .. بعدها لفت على دانه وبعيون شر : هههه جاوبي ..

دانه وكأن كلام ملاك رجع لها الهوا لرئتينها .. وبهمس : أجواب ؟؟ .. ( وعلت صوتها شوي باستنكار تنقذ نفسها ) .. هو أنت سألت أصلا ؟؟ ..

الكل وبدون استثناء : إيـه ..

دانه لفت عيونها بنظرة سريعه على الكل .. وتكتفت تحاول تضبط توترها : مافهمت على السؤال .. من أي ناحيه ..

رامي كان متكتف .. رفع يده اليمين وحطها على ذقنه يفكر : إمممم من ناحيه أني ولد عمك ؟؟ ..

دانه سكتت حايرة ورفعت حاجبها تفكر ..

يوسف : ماتحسون أن السؤال جريء شوي ؟؟ ..

ريان دقه : انثبر أحسن لك ..

دانه بسرعه وكأنها لقت الإجابة : إيه أحبك ..

الكل طلعت عيونهم من الإجابه .. ورامي ابتسم ..

دانه تكمل كلامها عشانم يفهمون : لأنك ولد عمي من لحمي ودمي وكل أولاد عمي أحبهم ليه أكرههم .. وأنت مانت بعدوي عشان أكرهك ..

الكل ارتخت اعصابهم من الإجابه .. أما رامي خفت ابتسامته بس مازالت ..

مشاري : هههههههه يقطع هالإجابه يادانه ..

رامي يدري أنها تحبه بس هو حب يحرجها : هههه شكرا على الإجابة ..

ورجع رامي ودانه كل واحد مكانهم ..

ملاك تفرك يدينها متحمسه : اسمعو .. اللي يطلع اسمهم ويسألون بعض راح أعزل اسمائهم عن البقيه لمن تخلص الأسماء اوك ؟؟ .. يعني الحين رامي ودانه نشيلهم من القرعه ..

سارة : وانا أقول مين طالعه عليه .. أثرك علي طالعه يابنت عمي ..

رهف تضرب ساره على راسه : يالغبية انتي طالعه عليها لأنها أكبر منك ..

ملاك : تسلمين رهوف فهميها خخ..

روان تنآظر الأسمآء : يالله ملاك .. تراني تحمست ..

ملاك : طيب قومي ساروه هزي الورق ..

سارة تصطنع الغرور قامت : أحححم وخروو وخروو عن طريقي من قده اللي بيطلع اسمه بس ..

يوسف + رهف + فارس + ملاك +تركي + روان + ياسر بصوت واحد : شوووي شووي لايطيح نصك ..

سارة بلحظتها .. بغت تطيح بس مسكت بملاك اللي قربت عندها .. فتحت عيونها على وسعها : وجع يوجعكم .. أدري فيكم عيونكم حاره ..

الكل : هههههههههههههه ..

سارة وقفت جنب ملاك متكفته وشوي انحرجت : هفف ..

ملاك تناظرها من على جنب : يالله هزي الورق وفكينا ..

سارة جمعت الورق من على الطاولة وهزتهم ورمتهم : اختاري جعل عيونك مابقول ..

ملاك دفت سارة بخشونه : جب أنتي هذا اللي بقا البزران يتكلمون ..

مشاري : ملاك هدي شوي شوي كسرتي البنت ..

ملاك بنص عيونها ناظرته : مين حطك محامي لها .. بس لانها أخت المدام صرت تدافع ..

الكل ناظر مشاري ..

مشاري : ههههههه ..

ملاك اختارت ورقه وناظرت ساره : سويرة الورق يحبك طلع اسمك ..

سارة ما استوعبت : هااه .. ( وانتبهت ) هههه يعني انا اللي اسأل نياهاهاهاهههه يالله انتظركم ..

مسك : الله يستر منك ياسويرة ..

سارة بنذاله : لاتخافين لو طلعتي مابسألك إيش حركات مشاري معاك ..

مسك انصبغ وجهها بالوردي من كلام سارة ..

سكتت سارة .. وانتبهت للي قالته ونظرات الكل لها ..

سارة : هااه أمزح أمزح .. يمــه منكم ..

رامي : سويرة والله أنك خربانه يبغالك جلسه عند مشعل ..

ملاك تضيع السالفة : الحين يعني مابنكمل اللعبه .. ريانوه قوم هز الورق ..

ريان وكأن ماحد يكلمه : اقول ميشوو كأني سمعت أحد ينادري ريانوه !! .. فيه أحد اسمه ريانوه هنا ..

مشاري ابتسم : أبد سلامتك يمكن تتوهم ..

ملاك طفشت وبصوت عالي وتناظر السقف : ريااااااان سلطااااااااااان الــ تعااال ..

ريان وقف بطوله وأخذ جواله وحطه بجيبه : إيه أعقلي .. في البيت ساكت عليك اما جنب الناس اعقلي ..

ملاك : اخلص علينا يابو ..

ريان أخذ االورق وهزهم بخفه ورماهم : وبلا حركات المصبنه ..

ملاك عيونها على الورق واختارت ورقه وفتحتها : ارجع مكانك الله يستر عليك .. الأسم اللي طلعـ .. ريانووه جيب الورقه وجع ..

ريان اللي كان ورا ملاك أخذ الورقع منها : انثبري .. الأسم اللي طلع بنت .. رهف .. الله يعينك على سويرة ..

رهف فزت بقوة يوم سمعته ينطق باسمها : هلا ! ..

الكل لف عليها على ردة فعلها باستغراب ..

رهف لفت عيونها على الكل بطريقه تلقائية و وقفت للحظات عيونها السودا عند عيون واسعه عيونه البنية الغامقه عند ريان اللي ماسك الورقه ويناظرها وعلى شفايفه ابتسامه صغيرونه على رده فعلها ..

ريان اشر لها بيده بالخفيف وكأنه يمزح : بنت عمـــــييي .. شكلها انصدمت أن سويرة بتسألها ..

الكل : ههههههههههه ..

سويرة : هييهيهيهي ماتضحك ..

رهف انتبهت لنفسها واحمدت ربها أن ريان انقذها بطريقه غير مباشرة .. راحت عند ملاك وريان بدوره رجع جلس : سارة بليز اسألي سؤال سهل ..

سارة تفكرة : إمممم مراعاه لشعورك بس .. راح افكر بسؤال خفيف وحلو ..

دقيقتقين صمت قاااتل بالنسبة للجميع ..

سارة متكتفة ورافعه يدها اليمين لذقنها ومسكرة عيونها .. تفكر بسؤال لرهف : إمممم .. ( فتحت عيونها بهدوء تناظر رهف ) ..

روان : سارة ماصارت تفكير ..

سارة فجأءة لمعت عيونها وكأن سؤال جا في بالها وبحماس ونزلت يدينها : لقييته ..

رهف : الله يستر ..

فارس : ههه سويرة شوي شوي على البنت ..

سارة ببتسامة خفيفة : لابتوبيك ..

رهف رفعت حاجبها : شفيه ؟ ..

سارة حركت حواجبها : إيش الكلمة السرية للدخول حقه ..؟

رهف ببساطه : سؤالك سهل الكلمهـ . ( فجأة سكتت وفتحت عيونها بسارة ) ..

سارة : ههههههه سؤالي سهل طيب قوليها ..

سمر : ههه سارة شتبغين بكلمة جهازها ..

رهف بقلبها "" الحمدلله مازل لساني شنو اقول لها أقول لها .. ولا بعد تبيني اقول قدام الكل !! .. لالا مستحيييييل .. ياربي .. الله يقطعك ياسويرة "" ..

سارة بفخر : هاه رهيييف اعترفي ..

رهف بربكة وتفكر بسرعه : ما أقدر أقول .. ليه سموها كلمة سرية .. يعني سرية ..

سارة بنذاله : وليه سمو لعبة الإعتراف لعبة الإعتراف ؟؟ .. لأنها للإعتراف ..

رهف بربكة تحس عيون الكل عليها : هفف طيب بقولها .. لك بس في اذنك .. ولا مافيه ..

سارة تسوي نفسها تفكر : أوك يالله ..

ريان : أنا اعتررض ..

سارة قربت عند رهف عشان تقول لها : جب بس ..

ريان طلع عيونه : نعم !!..

سارة ماعطته وجه : يالله رهف ..

رهف قربت من سارة وحطت يدينها حولينا فمها وهمست بأذن سارة : توعديني أنك ماتقولين لأحد ؟ ..

سارة بسرعه : يب ..

رهف بنفس الهمس ونفس الوضعية : بقول لك بس انتبهي تطلع منك ردة فعل أوك ناظري الأرض وأنا أقولك ..

سارة : حشى مو كلمه سر أخاف حقت البنك ههه .. أوك ..

الكل يناظر بترقب ..

رهف بأقل صوت عندها عشان ماحد يسمع : كلمه السر هيـ.. .. ( وبصوت عالي ) طلييييييييييل بعــد ..

طلال اللي نقز وحط اذنه عشان يسمع .. بعد شوي وسد أذانه : ههههه وجع وجع قلنا قطي الميانه بس مو طليل قوية .. هههههههه لهالدرجة ماتبين أحد يعرف الكلمه ..

رهف بربكة تحس طلال يعرف الكلمة وهو أساسا مايعرفها خخ بس من الوسواس خخ : طلال لو سمحت ..

طلال حك راسه : يعني مافيه أمل ..

رهف : ولا عايشة ..

طلال رجع مكانه : هيهيه ماتضحكين ..

رهف ماردت عليه وهمست بإذن سارة : الكلمة هي رقم جوال ريانــ

وبسرعه رهف حطت يدها على عيون سارة لاتناظر ريان وتنفضح وبهمس : وجع قلت لك لاتناظرين ..

مشاري : هههه رهييف اعترفي أكيد في جهازك شي خطير عشان كذا ماتبغين أحد يعرف ههههههه ..

سارة تنزل يدين رهف عن عيونها : ههههه خلاص والله مابسوي شي ( وهزت حواجبها) شوكرا يا أوم كلمة سرية ( وناظرت بدون شعور ريان وانتبهت على نفسها وسوت أنها تناظر كل الشباب ) هههههه ..

رهف ترجع لمكانها : وياويلك إن سمعت أن احد عرف ..

سارة حطت قبضت يدها على صدرها ومسكرة عيونها : سرك في بـييير لاتخافين ..

ملاك تسوي مثل المذيعين : أخيرا افتيكنا من رهيف مع أن أحنا ما استفدنا شي بس سويرة .. يالله نكمل .. وش اسمه .. ايه مسك تعالي هزي الورق ..

&&&&&&&&&&&&&&&&&&&&&&&&&&

في نفس الوقت في بيت بوفارس ..

أم فارس تدور على اسيل داخل البيت : أسووول .. أسيييل .. أسووولــ

قاطعها سالم : أسيل أخذها مشعل بيتهم .. كلهم هناك ..

أم فارس : متأكد ؟؟ ..

سالم هز كتوفه : إي مع أن اللي قال لي عماروه ..

أم فارس هزت راسها : أهآ ..

وراحت أم فارس عند التليفون تتصل على جوال مشعل تتأكد عشان يطمئن قلبها ..

&&&&&&&&&&&&&&&&&&&&&&&&&&&&

في بيت بومشعل ..

وبالذات في مكتب مشعل ..

رن جواله على المكتب وأخذه بسرعه يرد عليه عشان ماتجلس أسيل من صوته : ألوو .. هلا أم فارس .. إيه أسيل عندي .. العذر والسموحه أخذتها بدون ما أقولك .. ( وابتسم ) .. لاعادي كل أم لازم تتأكد على عيالها .. أوك .. فمـآن الله ..

سكر مشعل جواله ورماه على المكتب وناظر أسيل اللي بحظنه نامت .. ابتسم .. وكمل كتابه في الأوراق اللي قباله ولا حرك أسيل من بين يدينه وهو يسمع أصوات الشباب والبنات في الصالة ..

&&&&&&&&&&&&&&&&&&&&&&&&&&&&

في بيت بومشعل

وفي الصالة بالذات ..

مشاري شهق : لااا ليه انا .. ما ابغى .. اعتررررض ..

ملاك تفرك يدينها ببعض حركات شيطونه : نياهاهاهاهههههآآي ماراح أرحمك ..

مشاري لف على مسك : ليه هزيتي الورق كذا ليه طلع اسمي مع مليكه ..

الكل : هههههههههههه

وبكذا ظلوا كل دقيقة يختارون اسمين ويسألون بعض .. وبقول لكم باختصار الأشخاص الباقين اللي سألوا بعض ..

ملاك سألت مشاري ..

سمر سألت روان ..

فارس سأل طلال ..

ياسر سأل ريان ..

مسك سألت يوسف ..

رائد سأل تركي

وبقى أخر ورقتين حقين سامي & دانيا ..

ملاك بحماس : باقي شخصين سامي ودانيا أنا الحين بسحب اسم واللي يطلع اسمه بالأول هو اللي يسأل أوك ..

سامي ودانيا : أوكييي ..

ملاك بسرعه سحبت اسم : سامي ..

سامي ابتسم : أنا أسأل ..

دانيا ردت له الإبتسامه : وأنا مستعده ..

سارة تحمست : سامي خل ختامها مسك .. (ثم لفت على أختها ) ما اقصدك أنتي خخخ ..

سامي يحك ذقنه ببتسامه : ولا يهمك ..

دانيا : لاتسوي مثل سويرة تجلس تفكر مده طويلة ..

سامي لمعت عيونه العسلية فجأة : هههههه لا تقارنيني فيها .. هي بطيئة استيعاب ..

سارة فتحت عيونها على وسعها : نعم .. ما اقدر أنا .. أجل أنت السريع استيعاب ..

سامي أشر لساره بعد ما القى عليها نظرة خاطفه : اكرمينا بسكوتك ..

ياسر يحرك مفتاح سيارة ريان في اصبعه : مطول شكلك على السؤال ..

سامي بجدية لدانيا : دانيا أنتي تحبين أخوي مشعل ؟؟ ..

ياسر طاح منه المفتاح وجمد .. يراقب ردة فعل أخته ..

والكل نفس ياسر ..

أما دانيا وكأنها مبعد تبرمج السؤال بمخها .. ماطلعت منها ردة فعل غير الهدوء ..

سامي بنفسه "" والله لو يدري مشعل عني والله لايقتلني خخخ الله يستر إنشالله ماغلطت اني سألتها هالسؤال .. ياويلي لو يدري بس مشعل ^^" "" ..

طلال انفجر ضحك : ههههههههههههههههآآآآآآآآآآآآآآآي .. ههههههههههههههههه .. آآآي يابطني هههههههههههههههه .. ( ومسح دموعه اللي طلعت من عيونه ) .. ههه ما أدري شفيهم عيال خالد ( بومشعل ) على بنات عبدالهادي (بوأحمد) مع الحب ..

رائد ضحك : هههههههه صدقت .. ههه الأول يسأل تحبيني والثاني يسأل تحبين اخوي هههههههههههه ..

الكل ماعدا دانه ودانيا اللي انحرجوا : ههههههه ..

سامي ورامي ابتسموا ..

ملاك لفت على دانيا : سو وت ؟؟ جاوبي ..

دانيا تتصنع البرود تغطي ربكتها : إممم أعتقد إجابتي راح تكون مثل دانه ..

سامي بدهاء وابتسامه مكر : دانيا سؤالي واضح .. تحبينه ؟؟ يعني حب حب .. يعني الإجابة يا إيه يا لأ .. اختاري ..

دانيا بدون تفكير للي بتقوله : أكيد لأ ..

سامي انمسحت الإبتسامة عن وجهه وصارت ملامحه ماتدل على شي وسكت ..

الكل سكت ولا أحد تكلم ..

دانيا : خلاص خلصت اللعبة صح ..

سامي بهدوء وهو ياخذ نفس ويعطيها ظهره : إيـه .. ( ومشى على جهة الكنب بأبطئ شي عنده وجلس ) ..

&&&&&&&&&&&&&&&&&&&&&&&&&

في هاللحظة ..

في مكتب مشعل ..

كانت عيون مشعل مفتوحه بشكل يدل على عدم التصديق ويناظر الورق اللي قدامه ..

وكأنه انصعق بالكلام اللي سمعه ..

ضغط على القلم اللي كان يكتب فيه بيده اليسار .. وشد على أسيل اللي محوطها بيده اليمنى وجالس على الكرسي ..

هو سمع كلامهم كله لأن أصواتهم كانت شوي عاليه و المكتب قريب من الصالة فـ شي طبيعي يوصله الصوت ..

ارتخت عيون مشعل وهو يناظر الورق وكأن الحزن خيم عليه .. نزل نظره بهدوء لأسيل ..

ظل فترة يناظرها فجأة انرسمت ابتسامة صغيرونه ماحد يعرف سرها حتى مشعل نفسه مايعرف سببها .. وباس أسيل على جبهتها بلطف ..

ترك القلم على الطاولة ومسك أسيل بيدنه الثنتين وضمها بهدوء .. بالتالي تسند على الكرسي بارتياح وسكر عيونه وكأنه بينام ..

بعد خمس دقايق .. مازال على وضعيته مرخي نفسه..

حس بحركة .. بمقبض الباب ..

والباب ينفتح .. فتح عيونه ببطئ وهدوء ..

وعدل جلسته شوي ..

ابتسم بوجه يوسف وبصوت فيه بحه خفيفة : تفضل .. أحححم ..

يوسف دخل وسكر الباب وراه وتقدم لمن مشعل وجلس بكرسي قبال المكتب : إممم .. بدون مقدمات اتفقنا أحنا أن كل كم دقيقة يدخل واحد منا ويطرح مشكلته أو أي شي يعاني منه ويستشير الدكتور الأخصائي ( وابتسم ابتسامة بينت ضروسه ) .. أتمنى تتفرغ لنا يعني .. لاتفشلني تراني جاي أول واحد شادين فيني الظهر ..

مشعل ابتسم ومازال محوط أسيل بيدينه : حلوو أخيرا تنازلتوا .. حاس أن عندكم بلاوي .. ( وابتسم يطمن يوسف ) بس لاتخاف الدكتور عمره مايفضح مرضاه ههههه ..

يوسف : ههههه ..

مشعل بجديه : تفضل وقول كل اللي بقلبك .. انسى أني ولد عمك أنا دكتورك .. فضفض ..

يوسف مشبك يدينه ويناظرهم ومبتسم : اسمع بقولك إياها بدون حيا .. ترا الحيا بصوب وأنا بصوب .. ( وسكت شوي ) .. أنا أحب وحدة من بنات عمي ..

مشعل بذكاء : ملاك صح ؟ ..

يوسف رفع راسه مستغرب وابتسامته على شفايفه : إيه .. ول عليك شلون عرفت ..

مشعل غمز له : سر المهنه ..

يوسف بجدية : المشكلة مو بالحب ..

مشعل يسمع له ولا يقاطعه ..

يوسف : المشكلة أن البنت بغت تروح علي كم مرة بس ربك ستر ..

مشعل قدم شوي لقدام : دامك تحبها ليه ماتقدمت لها .. على الأقل مثل مايقولون فترة حجز عشان ماتروح لغيرك ..

يوسف حك راسه : ماهو أنا كلمت ابوي .. وقلت له .. تخيل إيش قال ..

مشعل يسايره : إيش قال ؟؟ ..

يوسف : يقول لي لازم أداوم على محاظرات المسجد اللي بعد صلاة الظهر مدة اسبوعين بعدين أتقدم لها ..

مشعل باستنتاج وابتسم يناظر عيون يوسف : وأنت طبعا ماتروح ..

يوسف : عليك لمبة بس هو مايدري يظن طول هالمدة أني أروح والصدق أني أطلع مع فارس خخخ ..

مشعل : طيب .. هي تعرف ؟؟ .. أقصد ملاك تعرف أنك تحبها ؟؟ ..

يوسف : بصراحة بصراحة .. إيه قلت لها .. عشان كذا وعدتها أني بتقدم لها بأقرب فرصة وهي بكذا رفضت اللي تقدم لها ..

مشعل : وأنت متأكد أنك جاد وتبغيها وتحبها ؟؟ .. يمكن نزوة وتترك البنت بعد فترة ومعلقها بحبك ..

يوسف سكت بعدها رفع عيونه وفيهم لمعه غريبة لعيون مشعل : يشهد ربي علي اني أحبها .. بس ابوي اللي موقفني .. إيش اسوي ؟؟ ..

مشعل ابتسم : ليه ماتسمع كلام أبوك ..

يوسف صار وجهه كذا -_- : أقولك صعبة يبغاني أروح مسجد ومحاظرة وما أدري إيش استغفر الله ما اعرف ..

مشعل : ههه .. طيب أنت اقنع ابوك بطريقتك ..

يوسف ارتاح شوي : مع أني أعرف أني باكل كم كف من أبوي بس ماعليه ..

مشعل : وتقدر تسهلها أنك تسوي مثل ماقال لك أبوك ..

يوسف وقف : لاتعيدها مرة ثانية لا أعطيك كف ..

مشعل رفع حاجبه ..

يوسف حك راسه : نسيت أنك الدكتور العذر والسموحه خخخ ..

مشعل : على كل حال .. انتبه لنفسك وانتبه لكلامك اللي تقوله لملاك .. لأنك ماتعرف إيش ممكن يصير .. فلاتعلقها في خيوط وعودك كثير ..

يوسف بجدية : أوكيي .. يسلم لي هالراس والله ..

مشعل ابتسم وحرك اسيل بيدينه بالخفيف : ولو العفو ..

يوسف : ما أدري ليه حاس أنك اليوم راح تشتغل فوزية الدريع خخخ ..

مشعل : هههههههه قوية .. أقول ناد اللي بعدك ..

يوسف : هههههههههه أوك .. سلام ..

أول ماطلع يوسف راح للصالة وهو يحس بهم وانزاح من قلبه ..

ورما نفسه على الكنب بقوة : آآآآآآآآآآآآآآآآآآآهـ ..

فارس : ههههه هاااه بشر ؟

يوسف بهدوء مبتسم : والله يمدحون الدكتور مشعل يفك ازمات ..

الكل : ههههههههههههه ..

يوسف : اللي يبغى يدخل الحين يدخل ..

مشاري قام وأخذ يد مسك بيده : تآمرونا على شي ؟؟ ..

ريان يناظره مستغرب : وين تو الناس ؟؟ ..

مشاري : لاتو الناس ولاغيره بنروح بيتنا ..

روان تستهبل : أنتظرني بجي بيتنا معاك ..

مشاري صار وجهه كذا -_- : روينه بلا عبط .. أنا قلت بيتنا يعني بيتي أنا ومسك ..

روان : أهآآ .. عادي بجي بيتكم ..

مشاري لف على مسك ويكلم روان : قلبي وجهك ..

روان : على أي صفحة ؟؟ ..

مشاري سحب عليها : مسك إذا تبغين تسلمين على أمك الحين قبل لانمشي ..

ياسر : ووووووويووووو سحب عليها كككككك ..

روان : ما أصدق إلا أنا بحظيرة دجاج ..

ياسر بكل بساطه رماها بالتحفه الصغيرة : ججججب يالبزرة ..

روان صدت التحفه بذراعها اليمين وصرخت : آآآآه ياحيووااااااااان .. يالهيس يالتيس ..

ياسر : يالبقرة ..

روان تحك ذراعها تالمها : تمساااح ..

ياسر + تركي : سحليــه ..

رائد صفق : أحلى أحلى صرنا بحديقة الحيوانات ..

طلال وقف : على ريالين على ريالين الدخول والفرجه بريالين حياكم ..

الكل ماعدا روان وياسر : ههههههههههههه ..

ريان : أحلى عم ويشجع ..

طلال وجهه كذا ^_^ ..

فارس : صدقت وأحلى خال بعد ..

رائد : أححم ..

ياسر بنظرات استحقار لروان : عنزة ..

روان ترد له النظرة : جحش ..

رامي :هدووو ألفاظكم أحنا في غمضان (رمضان) ..

مسك بترجي وبهمس عشان ماحد يسمعها : بليييز خلنا نجلس شوي ..

مشاري يقاله صارم بهمس : نووو نوو يالله ..

مسك برطمت بالخفيف : إنشالله .. تآمر أمر ..

مشاري ناظرها بأطرف عينه ومبتسم بالخفيف : يالله مشينا .. نشوفكم على خير ..

مسك تلبس نقابها : باي ..

الكل : بايات ..

طلال عيونه على الباب اللي خرجوا منه مشاري ومسك : مين كان يصدق أن مشاري راعي المغازل راح يعقل ..

رائد ضربه على كتفه : نسيت أن اللي أخذها مسك بنت أخت رائد ..

طلال : تكفى عاد ما أقدر انا .. ياخال عم جد أبوي ما أدري إيش حك ظهري ..

الكل : ههههه ..

سامي يمد يده بين روان وياسر وسحب يده : أووه في مجال كهربا هنا أنتبهوا ..

سارة لروان : تألمك ..

روان ماسكه يدها : بصراحة إيه أشك أنها انشلخت ..

ملاك مسكت يدها : اشوف .. يألمك هنا ؟؟ ..

روان : أأأح وجع لاتضغطي بقوة ..

رائد قام عند روان يقاله بيشوف يدها : أشوف يدك ..

روان وجهها كذا -_- : خير بو الشباب ! ..

رائد : عادي انا دكتور فـ إيزي .. أشوف يدكــ

طلال اللي سحب يد رائد اللي بتمسك يد روان ودفه بدفاشه وجلس بقوة جنب روان وعلى يساره سمر اللي نقزوا ثنتينها من قوة جلسته : يالله ضف .. انا فيه .. مايحتاج مساعداتك ..

سمر تتعدل : ههه شوي شوي الكنب بيتكسر ..

طلال بنص عين ناظرها : اسكتي بس ..

رائد : يالدفش شفت شسويت طيرتهم من الكنبة ولا البعير يجلس كذا ..

طلال يمسك يد روان : تسلم يالناقه ..

روان : عمي شوي شوي والله تعورني ..

طلال بعد مافحص يدها : لا الحمدلله مو كسر .. شكلها بس بتورم كم يوم ..

روان : حسبي الله عليك يا ياسرووه .. هيين والله لأنتقم ..

ياسر يستهزئ ويحرك راسه ويقلد على روان بمسخرة : هين ياسرووه والله لأنتقم .. كلي تراب بس ..

سارة ولعت عيونها كل شي إلا روان صقيقتها الصقوقه .. وسوت الفزعه وقامت تلحق ياسر : تعديت حدودك .. أنا اللي بوكلك تراب ..

ياسر يحاول يتصدى ضربات سارة له ويحاول يبعد عنها يقاله مايبغى يضربها : سويرة بعدي عني أحسن لك ..

سارة مو مهتمه تحاول تضرربه يمين وشمال .. بالتالي قام يرد عليها ياسر بنفس الحركات .. ويمسك يدينها وهي تمسك يدينه وضرب ومضارب ^_* .. والكل جالس يناظرهم كنهم بمسرحية خخ ..

فجأة من كثر حركة سارة وهي تضرب بياسر انفكت شيلتها .. توها بتنزلق عن راسها .. إلا حست بشخص حط يده على راسها يثبت الشيلة من وراها ..

تركت ياسر ومسكت الشيلة تصلحها ولفت وراها : فروس شوفهـ .. ( سكتت ) ..

سامي ببراءة : بس شفت شيلتك بتطيح وهنا الشباب وو

سارة رفعت يدها بوجهه بمعنى يكفي : طيب انقلع عن وجهي ..

سامي يسوي نفسه بيعطيها بوكس في وجهها : على الأقل كلمة مشكور تراها تنفع ..

سارة بتأفف : مشكور -_- ..

فارس قام و ضرب جبهتها بأطرف صبعه: أنتي عقلي بلا حركات المصبنه .. وأنت ياسروه أعقل وامسك لسانك ..

يوسف صفق والكل لف عليه : يعني ماراح تدخلون عند الدختور مشعل !؟ ..

فارس رفع يده : أنا راح أدخل الحين .. وبليييز بليييز تكفون لاتتقاتلون ..

دانة : شفتوا ولد خالي كيف مو مثلكم ..

فارس بهبال : لا بس عشان مايفوتني الحماس ..

الكل : هههههههه ..

فارس : ودااااااااااااعااا أحبـــــــــكم سأدخل الان ..

الشباب والبنات باستثناء رامي وسمر : ضف وجهك ..

فارس : هههه هيييين ..

ودخل فارس عند مشعل ..

&&&&&&&&&&&&&&&&&&&

عند مشاري & مسك ..

وصلوا بيتهم .. ومسك أول مادخلت خلعت العباية بفوضوية ورمتها على الكنب وجلست متربعه جنبها وهي متكتفه .. وتناظر مشاري اللي خلع الكاب من على راسه وطيره بالهوا .. و وقف قبال مسك ..

مشاري : شفي الحلو زعلان ؟ ..

مسك مبرطمه : هذا جينا البيت وتركنا الفله والوناسه .. استانست ؟ ..

مشاري ابتسم على جنب .. وانحنى لها .. دخل أصابعه بين خصلات شعر مسك وعفس شعرها بفوضوية : أكيييييييييد .. الود ودي أحبسك هنا ولا أحد يشوفك غيري ..

مسك فتحت عيونها على وسعها من كلامه : مشاااااااااري ..

مشاري شاف نظراتها : هههههههههههه .. لأني أحبك ما ابغى أحد يناظرك .. أنا أناني أبغى كل هالجمال لي وحدي .. وحدي أنا ..

مسك استحت ونزلت نظراتها للأرض ولا تكلمت ..

مشاري جلس ملاصق لها وهو محاوطها بيدينه ومسكر عيونه : مسوك قرصيني .. عطيني كف ..

مسك صار وجهها أحمر : هااه ..

مشاري نفس وضعيته ولافتح عيونه : أقولك عطيني كف .. كف قووي ..

مسك مستحيه وتحاول تفك نفسها منه : مشاري شكلك تعبان ..

مشاري بجدية فتح عيونه : مسك أقولك عطيني كف قوووي ..

مسك احتارت وقامت تلعب بأصابيعها من التوتر ..

مشاري فكها ومسك يدها اليمين : أقولك عطيني كف قوووي ..

مسك بتردد : متأكد ؟؟ ..

مشاري : وأنا أمزح الحين مثلا ؟-_- ..

مسك رفعت يدها : كيفك أنت اللي قلت ..

مشاري : يالله قوووي مو تلعبين كف قوووي ..

مسك سكرت عيونها بقوة .. وبسرعه ضربته كف بأقوى ماعندها لدرجه أنها سمعت صوته .. وبسرعه فتحت عيونها : أسفه ماكنت أقصـ .

سكتت من منظر مشاري ..

مسك بخوف : ميشو .. شفيك ؟؟ .. ميشوو رد علي والله خوفتني ..

مشاري كان مسكر عيونه وأثار أصابع مسك ظهرت بالخفيف في خده : آآه .. ( وفجأة طاح على وراه على الكنب برومنسية ) .. يعني أنا ما أحلم .. أنتي حقيقية ومعاي ..

مسك عصبت بالخفيف من حركته مسكت أطرف تي شيرته وهزته : طيحت قلبي .. لاتعيدها ..

مشاري فتح عيونه وتحسس خده : قوي كفك بس حلو هههههههههههههههههههههههههههههههه

مسك فجأة ماتعرف ليه جاتها نوبة ضحك مع مشاري وشبكو مع بعض بالضحك ^^ .. >>> مهابيل هيهيهي =d

&&&&&&&&&&&&&&&&&&&&&

في مكتب مشعل ..

يتبع ,,,,

👇👇👇

تعديل المقال