رواية بصدري وجع كنت احسبه نام يا صدري -56

رواية بصدري وجع كنت احسبه نام يا صدري -56

قولك لك أخذ مني 50 وقال عطيني بوصلك..

ابتسم فهد : عطيني آياه ..

: طيب .. بس فهد فلوه راح تمر للبيت عادي أروح معاها ؟

يعرف أبوها وأخوانها وكلهم ثقه : آيييه ي أبوي روحي معها ..

: آوكي .. تبي عزام ؟

: لا خليه إلين آرجع .. انتبهي لنفسك بابا ..

: آوكي .. مع السلامه ..

صكت ورجعت تحذفه :حمممار ..

حذفها ب الشبشب وطلعت بسرعه في الدرج ..دخلت لمار بيت آهلها قام عزام : آوم كرشه جات

ضحكت وهي تسلم عليه : لايكثر ..

وهي تنزل عبايتها :وين آمي ؟

شافت آمها وتقدمت سلمت عليها وشافت أسيل نازله مستعجله سلمت بسرعه ..

آمها : كلمتي فهد ؟

: آيييه سمح لي لما عرف آنها فلوه ..

لمار تعدل شعرها وتجلس : وين ؟

: راح آطلع آزور الجوري ..

: سلمي عليها كنت بروح لها بس قالت لا آمرها لان قسم الامراض السرطانيه مهوب زين علي بمرها في بيتها ..

: آوكككي ..

لبست عبايتها وأخذت الباق وطلعت ..

عزام : يمه ترى هالبنت مدلعه خير تطلع مع صديقتها ؟

: أنت رفضت توصلها وفهد عنده شغل وبعدين فلوه عارفتها وعارفة آهلها جيراننا وآقرب لنا من بعض القرايب ..

راحت آمهم ..

لمار : يمه ارتاحي ..

ابتسمت : شوي وبجي ..

عزام : كيفك مع رجلك ؟

وهو مبتسمه وتعدل جلابيه الحمل الهادئه : الحمدلله للحين تممام ..

: بس يتصرف بشكل غبي عطينا خبر ..

ضحكت ..

دق جواله وطلع لـ ربعه وهي قامت لامها ..

.

.

.

مستشفى عساف ..

صوته ثقل من التعب : دلال ..

: عساف لاول مره بحياتك آسمع لنا .. ماراح تطلع لو طلعت من هنا ماراح ترضى تشوفك رتيل ..

ويده على نص وجهه : آبي آشوف ضناي ..

دمعت : ياحبيبي ضناك الله يعوضك خير ويجعله مقدم صالح مات..

صوته متهدج : عارف مات .. بس أبي آشوفه ..

: ياعيون أختك كيف تشوفه تلاقيهم دفونه ..

جلس بتعب : لا محد يتجرأ ويدفنه .. أنا أبوه ..

طلب من ولد أخته جواله ..

: آسمعني مشاري أبي آشوف البيبي ..

: مات ..

: أبي آشوفه عطني اسم المستشفى ..

عطاه مشاري وصك الجوال ..

نزل الجوال عمره م توقع اليوم اللي يجيه يصك مشاري بوجهه ..سندوه عيال خواته وطلعوا معاه ..

ركب سيارته آمر السواق يتحرك للمستشفى الاخر .. دلال كانت في المستشفى تتكلم مع الاطباء بحالته أخوها مع ولدها وولد أخته والباقين طلعوا مع خالهم..

.

.

.

نزل من السيارة : م فيني شي ي عيال ..

تقدم ومشى عقب سؤاله مشى معه موظف دخل لـ ثلاجة الموتى عطوه ولده دموعه غرقت طفله شهقاته كانت مدويه ..خلص الاجراءت الخاصة ب الدفن ..

المسؤول : فيه آسعاف راح ينقل بعض الوفيات للمقابر تبيه ينقله ؟

ولد أخته حكى عنه : ي ليت ..

مسك خالهم وطلعوا من المستشفى على المسجد لتأديه صلاه الموتى وعقبها المقابر .. بللت دموعه أطراف كمه أصعب موقف مر على عيال أخته ..

حالة خالهم م كانت تسمح يجلس بـ غير المستشفى .. دائما م تستخدم المهدئات والمنومات لحالات الانهيار التام برغم إنها لاتجدي نفعاً سوى الخلود لنوم عميق وتعاودنا الحاله بمجرد الاستقياظ مرة أخرى ..برغم إن بعض الفقد لاتجدي معه المهدئات مهما كان قوتها لان المصاب جليل ..

.

.

.

عقب عدة آيام

بيت الجوري

مشعل : لا بجلس معها ..

نياف : أنت شغلك كل شوي استلام م ينفع ..

مشعل : أنت من فجر ربي إلين العصر

زايد : اقعد أنت وياه و لاتزعجون الجوري ..

جلست عقب م أخذت شاور طويل : تو دق عمي أبو سطام راح يمرنا..

نادات آيلان لاجل تسوي قهوة ..

مشعل نزل الريموت : الجوري أنتي بس علميني وشاللي تبينه بالضبط ولك كل شي يصير ..

: أبي الطلاق من سطام ..

نياف : متأكده ي الجوري ..

بـ شبه آبتسامه : مليون في الميه ..

مشعل : ابشري بـعزك لك اللي تبينه ..

: ياااه مشعل لو تطلقني منه مدري شاللي راح آجازيك فيه .. لو تبي عمري آفديك فيه ..

قام وجلس قبالها وهو يبوس راسها ويمسك على ذقنه : مهوب على رجال إن م نفذت لك هالطلب .. اعتبري طلاقك منه سالفة وقت ..

: أتمنى ..

: آبشري بـ طلاقك يالغاليه ..

دق الجرس وقام نياف فتح الباب وقف مشعل وزايد سلموا على خالهم وسلمت عليه الجوري ..جلس سطام جنب أبوه م كسر عينه عنها وهي جالسه بين نياف ومشعل ..

مشعل بدأ ب الحكي : زين إنك جيت ي سطام .. أنت قبل كل شي ولد خالنا والجوري بنت عمتك م ترضى على نفسك تجلس معها وهي رافضتك ..

: منيب مطلقها ..

نياف : أنت قد قلتها من قبل م تبيها وأكيد للحين مانسيت ..وشاللي استجد بالسالفه ؟

يعدل شماغه : الجوري منيب مفرط فيها والحين هي بنت عمتي كيف آطلقها..

مشعل يخيره : أجل طلق آمجاد ..

عصب منه : مالك شغل ..

ضحك وخالط ضحكه عصبيه خفيفه : أجل أختي ..

: أنت وش دخلك ..!

احتد صوته : أختي ..

أبو سطام : اذكروا الله ..

مشعل : لااله الا الله .. خالي تراك عزيز وغالي تفاهم معه لاجل يطلقها..

: ياولدي الجوري آعصابها تعبانه ..الطلاق مطروح كـ حل آمامها بهالفترة العصيبه خلها تهدأ وعقبها الجوري راح تغير رأيها ..

قامت أخذت القهوه وأخذها زايد وهو يصب القهوه لهم ويعطيهم التمر ..

الجوري تناظر خالها ومشعل والجدال بينهم قايم ..

تكلمت : عمي من زمان أبي الطلاق من سطام هالقرار مب وليد معرفتي لـ سالفتي مع آهلي ..

سطام : أبوي يصير خالك مهوب عمك ..

مشعل : أختي لاتكلمها بهالاسلوب تكلم اللي تبي بطريقتها ..

: مشعل أنت لاتتدخل ..

ضحك وهو يتقهوى ويتكلم مع خاله .. تمنى سطام للحظه يكب فنجان القهوه بوجهه مستفز هالانسان بشكل فضيع ..

: شف مافيه رجال فيه نخوه يرضاها على نفسه ويجلس مع وحده م تبيه..معروفين الرجال لامن قالت له م بيك ونفسها كارهته م يفكر ويرمي اليمين ..

سطام احتد صوته : مشششعل ..

م هتم له وكمل : م يرضى تبقى على ذمته غير الرخوم ..اللي مافيهم رجوله ..

الجوري : آعتقد يـ سطام حكي مشعل واضح ..

خالهم : دام الحكي وصل للدرجة ذي بينكم مالي جلسه ..

نياف وقف : خالي اجلس ماعليك من مشعل وسطام ..

خاله : لا وأنا خالك ..

طلع وسطام يناظرها : أبيك بس شوي ..

: اللي تبي تقوله قوله هنا ..

: أبيك وحدنا ..

: ماعاد فيه بيننا آسرار ..

قام وسحب كفها دفه مشعل : لاتبطي تجبرها ..

الا ينفذ اللي يبيه : آسمعيني بس أبيك شوي وعقبها آطلقك ..

نقلت نظرها بين أخوانها ..

: قلت لك آطلقك بس أبيك وحدنا ..

: بروح معه لاني أبي فك القيد ..

مشعل : خذي راحتك سطام حذاري تكون كاذب .. م تطلع من هالبيت الا وأنت مطلقها والا الله يحسن عزا خالي فيك ..

خزه وهو يمسك كفها دخل فيها لغرفتهم صك الباب : لي حق بكل اللي أبيه منه..

: لك الحق لكن نفسي كارهتك ..

ماسك كفوفها : الجوري .. أنا أحبك بجد كيف تبيني آطلقك ..

غرقت عيونها : وينك لما كنت بحاجه هالحب ..!

: أنسى الماضي ..

: راح آنساه لاتخاف بس بتكون معاه ..

صدمة كلمتها م تركته يتراجع عنها ..

وهي تبعده بهدوء : الجرح ي سطام ..

: دامك زوجتي للحين أنت تحت آمري ..

بعدت عنه أكثر : آقولك الجرح للعملية لاتقربه وتقول تحت آمرك ..!

جات تطلع سحب كفها : لا بعد بخاطري شي ي الجوري ..

نظراته م تطمن هالانسان ابداً ..!

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

البارت الخمسين

بيت الجوري ..

: سطام بجد تعبانه منك .. خلاص ..

: خلاص وأنتي ناويتها طلاق ..!

الجوري لو ذقتي من حبي م عتقد يجي لك قلب تتركيني ..

ابعدت عنه بالموت : من ذاق الذل والمراره مع شخص مثلك م عتقد لو قلت راح آعطيك العمر واعيد لك كل العمر الماضي آرجع لك .. ماعاد فيني حس واحساس آقدر آبادلك فيه ..

ظل يناظرها ..

تحركت من مكانها : اعتقد من شفتني وأنت كنت رافضني إلين هاللحظه مب معذبك الا شكلي ولنا باللي قبل لحظات دليل ..

بسرعه وهو يتحرك ويوقف وراها : لالا أنا بجد احبك ..

: أي حب يرحم أهلك ..!

سطام أنت وعدتني تطلقني طلقني ..

وهو عاض على لسانه ويناظرها : لا ..

: أنت قلت راح تطلق ..

: قلت حكي بس م قدر ..

: شوف سطام كل فترة تحمل آمجاد وتسقط البيبي فـ آتق دعوة المظلوم ..

: عارف ظلمتك كثير كثييير واللي يصير لـ آمجاد والحمل من آسباب ذنبك .. بس م قدر آفرط فيك .. غبي أنا ..!

: الغباء لو ضيعت زوجتك من يدك اللي ضحيت في البيبي لاجلها كذبت علي لاجلها جرحتني كثير لاجلها آرجع لها هي تحبك وأنت تحبها لانها هي ماتحبها مثلي لاجل شكلها ..

كف دموعها : مشكلتك للحين تعتقدين م حبك ..

بإلم : آيييه للحين ومتأكده منك أنت تحب بس جمالي مسوي لك هوس ترى الجمال راح يروح .. خلينا نكسب عمرنا ونعيش لاتخاف أنا كرهت الرجال والزواج خلاص منيب متزوجة ولاراح آفكر مجرد تفكير راح آضل طليقه سطام مب زوجة لـ غيره ..

: لا تكذبين ..

يااااه وش كثر هالانسان آناني حتى لو طلقها يبيها تظل له لو آسم ما يهم المهم م يأخذها غيره ..

: آقسم بربي كرهت الزواج والرجال ..

: واللي برى ..

بقهر : ذولاي أخواني ..

: أخوانك مب رجال ..!

: رجال غصب عنك ولاتغلط عليهم ..

: أجل تقولين كارهه الرجال ..

: اللي مثلك ومثل اللي قطوني فهمت الحين ..!

عصب منها : يعني غيري وغير أبوك وعمك م راح تكرهين ..!

صدت عنه : ياخي طلق طلق (تنهدت بضيق) طلق ياسطام ..

: لا .. راح آكلم عمتي تجي تعقلك ..

: اللي قطوني وأنا صغيره م راح يدخلون بيت لي (صرخت فيه وتإلمت بشدة من العملية) فهمت أو لا ..

: الجوري راح آنسيك كل شي بدر مني ..

بضحكه آمتزجت بإلم : هيهات آنسسى ي سطام ..

هيهات ينسى القلب شخص لعبه

وهيهات يدله خافقي منك هيهات

جلست على طرف السرير : سطام الحر لامن قالت له مره م بيك يطلقها لو كان حبه لها أكثر من حبه لنفسه وأمه وأبيه ..

الا الكرامه كانك شاري كرامتك طلقني وانا أعرفك الا الاهانه م ترضاها على نفسك ..

عقب لحظات صمت بينهم وكلن معطي الثاني ظهره ودموعه تتساقط ..

تفاجأت فيه وهو ينطقها وصوت بكاه يقطعها ..

: شكراً بحجم السماء لانك نفذت رغبتي والله يسامحك عن كل شي صار لي منك ..والله يرزقك بـ طفل يعوضك عما فقدت ..

: وتدعين لي ..!

وشاللي راح تستفيدين ..!

تنفست براحه وهي مبتسمه : لانك قطعت آخر شي بيني وبين الماضي ..

قامت من مكانها على حركته تألمت بشدة من ضمته لها ..كانت ساكنه تماماً له إلين ابعد عنها : دخلتي في حياتي غصب عني وطلعتي منها غصب عني .. يعني بكلا الحالتين م كان لي الخيار فيك ..

تكف دموعها : كل شي صار لنا بحياتنا مكتوب من وأحنا ببطون آمهاتنا بالشهر الرابع ..

شهق : أنا كيف طلقتك ..!

وأنا أحبك آقسم بربي يالجوري أحبك يكفيني بس لما أجيك وأنا ضايق اطلع والمود رايق ..

: الحب جاء متأخر كثير عانيت منك ولاشكيت عذابي منك على غير الله سبحانه وتعالى..

انسحبت بهدوء وطلعت لاخوانها وهي مبتسمه : طلقني ..

ابتسم مشعل وزايد عكس نياف خاف تكون فترة ظروف وضغوط عصبيه وبالتالي تندم ..

دخل له نياف تكلم معاه ..

مشعل اختفت ابتسامه شوي شوي وهو يشوفها تجلس وعيونها مغرقه دموع : الجوري ليكون تحبينه للحين ؟

رفعت عيونها في أخوها : لا واللي خلقني بس آشفقت على حالي فرحانه بـ طلاقي ..!

شافته طالع مع نياف ظل يناظرها لفترة ..

مشعل : ترى مهيب حلالك لاجل تناظرها ..

خزه بنظره وهو يصك الباب ويطلع ..

نياف : مشعل احترم الرجال ..

بحرقه وهو يجلس : كل م تذكرت كذبه على الجوري وحركاته أكرهه وأتمنى لو أذبحه .. والقهر أنك تنقهر على بالك أنها غريبه عنك وتطلع من لحمك ودمك .. آخخ بس ..

نياف : خلاص الله يعوض الجوري خير ..

مشعل يناظرها : خلاص ابتسمي هالجمال اليوسفي وتبكين ..

نياف ابتسم وهو ينزل شماغه : هييي تراها آختك ..

: ويعني أختي م فيها شي لو تغزلت فيها ..

قام : لمحت قبل شوي كب كيك كنت راح آسعبل عليه ..

ابتسمت وصوتها مبحوح : آرسلته لمار قبل شوي ..خل آقول لـ آيلان تجيبه ..

: لالا م يحتاج دال المكان ..

مشى للمطبخ جاب الكب كيك عطاهم وجلس جنب الجوري : لعيون اخوك خذي ..

ابتسمت وأخذت منه ..

مشعل : الجوري حزنك على شي فات م راح ينفع .. أبيك تنسين الماضي وكل شي له علاقه فيه .. ارسمي لحياتك من جديد كأنك توك طلعتي للدنيا ..

زايد : عيشى يومك لاتفكرين لاتفكرين ببكره .. آتركي كل لحظه بلحظاتها هنا تحسين للدنيا لذه ..

: طلاق وتطلقت وعمي وخلصت من سيطرته علي .. أشياء كانت السبب الرئيسي في عذابي والحمدلله آنتهت ..وبأذن الله هي فترة وتعدي ..

مشعل : إن شاء الله ..

نياف : الجوري شرأيك نبعد عن أجواء الرياض لفترة ..

: المشكلة دوامي يوم السبت ..

مشعل : تأخذين آجازه مرضيه ..

: م عتقد يعطوني ..

مشعل : لا ي بعدي .. بس وين التقارير الطبيه ..

: كلها في الشنطه ..

: آجل تأخذين وتريحين عملية صعبه .. لو غيرك ي الجوري كان طريح الفراش عقب كل الاشياء اللي صارت ..

رجعت ظهرها وهي تناظر في الكب كيك عيونها كلها تموج من الدمع ظلت ساكته كل م تذكرت سوايا آمها وأبوها فيها تكره نفسها..

نزل مشعل الكب كيك من يده وضمها : تتساقط دموعك ليه ..!

قام نياف وخر الكب كيك وجلس قبالها أخذها من مشعل وهو يكف دموعها : دمعتك تهز أخوانك وتحرقهم حرق .. آمرينا بس وشاللي خاطرك فيه وننفذه ..

وهي مندقه : م فيني شي بس يمكن فرحة إني خلصت من سطام وهالشي كان حلم بالنسبة لي (رفعت راسها) بروح آنام ..

: تو الناس تنامين ..

: فيني نوم ..

نياف : بنروح نصلي العشاء ونجيب معنا عشا وعقبها نومي ..

كانت راح تعترض م سمح لها نياف : روحي ارتاحي إلين نرجع وهالعله يبي الفكه من البيت راح ينشب لك ..

وهي تبتسم لـ عيون أخوانها : محد يمل من مشعل على الاقل راح يصير معي أحد في البيت ..

زايد يأكل كب كيك ويتقهوى : غثيث م تعرفين هالانسان ..

ابتسمت ..

مشعل : الجوري لاتأخذين عني فكره غلط ترى آنسان طيب وحبوب ودمي خفيف ..

ضحكت : م راح أحد يغير فكرتي ..

ضحك وهو يحرك حواجبه ..

نياف : بزر ..

ضحكت على أخوانها ..

مشعل يدق جواله كلم وصك : عمممل استلام تعال آآآآآخخ انتحر مثلاً ..

نياف : وراك آستلام ..

: آيييه دوام من 12 إلين 8 الصبح ..

الجوري : دوامك وقته غلط ..

وهو يوقف : زفت دوامي بشكل مأزمني بس الحين مأخذ دورة حاسب راح تفيد في الترقيه الجايه ويتعدل معها الدوام ..

: بجيك الصبح بأذن الله تعالى بس بروح أخذ البدلة في بيتنا ..

: ممم راح تسكن معي ؟

وهو مبتسم : تبيني ؟

ابتسمت : م فيها حكي جيب أغراضك كلها قبل م تروح لـ شغلك لاجل آجهز لك غرفة ..

مسوي يتنكس وحبتين : اخيراً تحقق الحلم ولي غرفه وحدي ..

ضحكت وهي تشوفه يطلع .. قامت لـ غرفتها وهي تشوف أخوانها يطلعون كلن لـ مكان ..

.

.

.

بيت أبو سطام ..

شقه سطام *امجاد ..

امجاد : طيب شفيك ..!

أحد من أصدقائك صار له شي ؟ أهلنا ؟

صرخ فيها : اطططططططططلعي ..

طلعت من الغرفه ونزلت لبيت اهله بسرعه : مدري عمتي يبكي شكل أحد صاير له شي ..

عمتها مصدومه : ولدي يبكي ..!

طلعت معها ..

سهى : متى جاء ؟

: من شوي ..

دخلت آمه وجلست جنبه : سطام ضناي شفيك ؟

مهما كبرنا وتغيرت أحجامنا وأشكالنا وبدأت علينا ملامح الكبر جلياً لاغنى لنا عن أحضانها .. ملجأ لنا لا أصدق منه شفوق بنا لدرجة الجنون ..

امجاد مصدومه وهي تشوفه يبكي بحضن آمه ويتكلم كلام م فهمته ..

سهى : طلق ..!

آمجاد سحبت سهى وطلعوا برى الغرفه : شفييه ؟

سهى تجلس : شكله والله اعلم طلق الجوري ..

ابتسمت تلقائيا : تممممزحين

سهى انقهرت : وجع اخوي يبكي وأنتي فرحانه ..

: آييييه فرحانه م جربتي يكون لك وحده تشاركك في زوجك ..

: ولايهمك أخوي وحزنه عليها ..

: لو يحبها بجد م عمل في كل شي .. محد يحب أحد ويعذبه .. أخوك لو عمل فيني اللي سواه في الجوري كان أبوي واخواني ذبحوه ..

: آمجاد سلامات ..

: ذا الجد ..

غرفتهم ..

: خلاص ي ولدي ربي م كتب لكم الا هالنصيب مع بعضكم ..

عيونه مغشيها الدمع : يمممه والله يمممه أحببها لو سويت فيها كل شي بس أني أحبها يمه ..

: آآه ي سطام ياما قلت لك لاتفرط فيها وانتبه لها لكن م سمعت الحكي اللي م يطيع والدينه ي سطام م تزين له دنياه .. أبوك جاب لك كل شي تبغاه لاجل توافق عليها بس الله يصلحك ي سطام الله يصلحك ..

تعاتب وهو وقت عتاب ..!

وقت لوم ..!

وقت تأنيب ..!

أرتمى في أحضانك م يبي غير حضن دافي ينسيه الامه وطيشه وتهوره .. م يبي لاعتاب ولاغيره من جٌمل اللوم ..

.

.

المستشفى ..

ناصر : مشاري روح لبيتك وأنا جالس معها والوالدة بعد ..

: رتيل أنا قريب منها وأعرفها واعرف لطبعها كلكم روحوا وآتركوني معها..

آمه : ي ولدي اختك تحت تأثير المنومات مهيب عارفه أحد ..

: المهم أني آضل معها ..

معطيهم ظهره وغافلته دمعه من عيونه على مفرشها الابيض .. فقدت البيبي ونظرها ونفسيتها دمار عايشه على المنومات كل م صحت رجعت للانهيار من ثاني ..ومن ناحيه ثانية رفيق دربه غدر فيه .. وعمل هالعمايل في أخته وهو اللي وثق فيه ولاصدق إي شي عنه ..

انتبه لـ ناصر : ي رجال روح آرتاح وجهك غادي من التعب والخلع بيدك يبي له راحه ..بكرة تعال لها وحاول تسأل ديم عن صديقاتها هم قريبات منها بـ الحيل ..

مشاري : وين جوالها ؟

طلعه ناصر من جيبه : هذا هو ..

أخذه مشاري : خلاص راح آشوف .. ناصر آنتبه تغفل عنها ..

: لاتوصيني ..

طلع مشاري ..

آمه : ناصر ريح نفسك ..

: آريح والغاليه ذا حالها .. م بعد شفى غليلي منه ..

: ياناصر وش يفيد لو أخذته بـ ذمتك ..!

اتركه حسبنا الله فيه ..

تنفس بعمق وهو يجلس قريب من أخته وبخاطره ألف شي وشي آهم شي طلاق رتيل من عساف ..

وقف مشاري له تاكسي .. عطاه العنوان وظل ساكت الالم من يده م يجي ربع آلمه على أخته ..

حس بيد السواق : سم ..

يبي له يوصف البيت ..

وصف له البيت ألين وقف عطاه المشوار ونزل ..

وقفت ديم وهي تشوفه : هلا مشاري ..

:السلام ..

:وعليكم السلام ..شخباركم ؟

: الحمدلله ..

مسك كفها ودخلوا لـ غرفتهم رمى نفسه على السرير : وين دانه ؟

: توها نامت من شوي .. شخبار رتيل ؟

: حالها م يسر ياديم ..

جلست قباله : ي حياتي عليها الله يكتب لها الاجر م صحت طيب ؟

: الا بس تعبانه الدكاترة م يقدرون غير على المنومات .. م كاسر ظهري غير فقدها للشوف ..

: إن شاء الله فترة وتزول .. صدقني كثير صارت لهم صدمات آثرت على مركز النظر في القشرة الدماغيه وإلياف العين ..

: كل الدكاترة يقولون كذا كـ آستنتاج مبدئي الفحوصات لما تصحى رتيل من حالتها ..

: بأذن الله تتشافى بس طلقوها من هالزفت .. يمكن يغير نفسيتها هالخبر ..

: بكرة بروح آتكلم مع عساف ..(تنفس بضيق) للحين منيب مصدق بإن صديقي يسوي كذا ..!

: حسبي الله عليه .. م يستاهل الصداقه ولا الاحترام ..

بحرقه : قهر قهر إني آنخدعت فيه كان بالنسبة لي الاخو والصديق وآنخدعت فيه .. صدمتي فيه كبيرة جداً حاولت الاقي مبرر واحد للي سواه م قدرت ..

: لاتتحسف عليه .. م يستاهل ..

تنفس بـ قهر : صديقي ي ديم ..

جلس على صوت بنته آنشرح صدره لـ صوتها : جيبيها ي ديم ..

قامت : دانه بلا دلع ..

كانت تبكي عطتها الرضاعه وحطتها في حضنه باسها : فديت هالوجه..

قامت ديم وتركته مع بنته حضرت له ملابس ورجعت لهم : حبيبي قوم خذ لك شاور ..

نزل بنته وقام ساعدته وهو ينزل ثوبه كان واضح عليه الالم ..

دخل يأخذ شاور حطت بنتهم في سريرها عطتها رضاعتها .. تركتها ومشت تحضر له عشا خفيف ..

م تركتها بنتها كل شوي تبكي رجعت لها وأخذتها حطتها في الهزاز ابتسمت لبنتها .. كملت عشاء مشاري .. لفت وهي تشوفه مندق ويشيل بنته : مشاري يدك ..

ابتسم بتعب : يروح إلمها بشوفتي لـ ضحكتها ..

ابتسمت : أنت مدلعها شوف قبل شوي م سكتت إلين جبتها هنا ..

ابتسم : دلوعة أبوها أنا آفداها ..

شالت الصيينه وجلست .. أخذتها منه وهي تأكلها زبادي : تعشى وعقبها نام ..

ابتسم : وأنتي ؟

ابتسمت له : هالشي م راح يتركني آنام دامها صحت ..

ضحك على بنته وهي تحاول تمسك الملعقه من آمها : عطيها ..

: آييييه على عشان توسخ نفسها ..

: طلبتك عطيها ..

ابتسمت وعطتها جلستها على الطاوله الصغيره ويده ورى ظهرها لاجل م تطيح : شووف بالله شلون تأكل نصه دخل في البجاما ..

بنته وحركاتها وبرائتها غيرت مزاجه كثير ..

خلص أكل شالت ديم العشا وسحبت الزبادي من دانه وهي تبكي : مشاري لاتشيلها شوي وجايه ..

ظل مبتسم على بنته وشفايفها المتقوسه وتبكي : عجلي ياديم ..

رجعت لهم شالتها أخذت لها شاور سريع ولبستها وهي تضحك : الحمدلله على النعمه الحين ليه تضحكين ..

حطها مشاري على صدره وتركتهم وهي تشيل ملابس مشاري وبنته..

رجعت : خلاص حبيبي خلها وأنت تنام ..

: دندون بابا ننام ..

قامت ديم وتركتهم لاجل ترتب باقي الشقه رجعت عقب فترة ابتسمت:حبايبي ..

شالتها بهدوء وتحرك مشاري بهدوء : نام نام ..

صوته مخدر نوم : خليها بحضني ..

تركتها بحضنه وغطته زين .. انسدحت وهي تفكر في رتيل مهيب مجرد أخت زوجها .. ظل لسانها يلهج لها بالدعاء إلين غفت ..

.

.

.

بيت الجوري ..

غطت أخوها زايد وطلعت من غرفته .. ضيقه بصدرها م تركتها تغفي ولاتنام .. تعبانه نفس وجسد آرتفع صوت بكاها بمجرد تفكيرها في آمها وأبوها شلون رموها وآنكروها كأنها ولاشي ضيقه بصدرها كتمتها زاد تفكيرها بـ طلاقها ضمت نفسها وهي تبكي ..فترة أخذتها حاله آنهيار مرت فيها.. راسها ثقل من البكى وإلمها راسها من التفكير حست نفسها مشوشه بس رست على أنها تنكر آمها وأبوها وتنساهم مثل م نسوها مثلهم مثل سطام تركها بأهم الفترات وتطلقت منه شهقت وهي تتكي بيدها على الطاولة م تنكر أنها أخذت هالقرار عن قناعه تامه بس بداخلها شعور غريب ..قامت أخذت علاجها وهي تمسح دموعها : لااله الا الله ..

فرشت سجادتها وهي تلف جلالها وتصلي الوتر .. لانها على يقين تام بإن م غيره سبحانه بيكون معاها ..

بمسح دموعي و أذكر الله وصلي

والله مابه شخص يسوى دموعي

و الـي نكـرني و راح خـله يـولـي

ما طاح من صدري خف الضلوعي

.

.

.

يوم آخر

بيت جد كادي

محمد جالس قبالها : طيب خففي توتر .. مافيها الا العافيه إن شاء الله ..

: محمد أنا متأكده رتيل والجوري فيهم شي حتى سوس ولمار م قالوا لي كل مره يقولون بخير بخير بس مب بخير ..

جدتها : يابنتي الله يهديك تلاقيهن آنشغلن ..

: لا متأكدة جدتي فيهم شي .. حتى الجوري صوتها متغير لما كلمتني ولامرت ..!

محمد : طيب أنتي كلمتيهم ..

: الجوري آيييه بس حتى صوتها متغير ..

جدتها : دقي عليها واعطيني اياها ..

دقت على الجوري وعطت جدتها .. ردت وكان صوتها متغير فعلاً مثل م قالت سولفت معها وقالت راح تمر كادي العصر ..

جدتها : بتجيك العصر ..

: باقي رتيل ..

محمد : لاحول ولاقوة الا بالله .. كادي توك والد مهوب زين التفكير الزايد راح يوتر نفسيتك ويتعبك ..

: مححمد صديقاتي ترى أنا أعرفهم م يقطعون ..

تركها وقام هالبنت كل همها صديقاتها م همها نفسها ابداً ..

: جدتي ..

ناظرتها جدتها ..

: أبي أروح لـ رتيل ..

جدتها انفجعت : بنتي توك والد مالها يومين كيف تروحين.. يالله شايله نفسك ولاأنتي قادرة تتحركين ..

سكتت وحطت كفها على بطنها م تنكر إنه يألمها ويالله تتحرك..

: جدتي بطني يألمني ..

: خليني آسوي لك شي حار زين لك ..

طلعت جدتها دق جوالها : آهلنن سوس .. تمممام .. حتى عبدالله تمام .. شخبارك ؟

: الحمدلله ..

يتبع ,,,

👇👇👇

تعديل المقال