رواية بصدري وجع كنت احسبه نام يا صدري -58

رواية بصدري وجع كنت احسبه نام يا صدري -58

أسيل ظلت تناظرها آعجبتها شخصيتها كثير توها طالعه من عمليه كبيره وتطلقت وصدمه آهلها برغم كذا شكلها عادي ..

يالله آعشق تماسكها وقوتها في مواجهه مشاكلها ..

.

.

.

مرت عدة آشهر على آبطالنا لم يتغير الكثير في حياة رتيل لازالت تعاني من نفسيه سيئه ..رجعت من رحلتها العلاجية وكما هي لم تتغير ..!

عساف المرض كل م ماله يزيد ويكابر وفقده لـ رتيل وطفله مأثر عليه كثير ..

الجوري بدأت بحفظ القرآن ونفسيتها تغيرت للأفضل الا بشي واحد آمها وأبوها للحين عاجزه تتقبلهم من داخلها برغم أنها تكلمهم بين فترة وفترة والجرح لازال منهم م برى ..

سطام يحاول ينساها ويلهي نفسه بـ شغله بس للحين م قدر ..

كادي * محمد

مصعب* سلطانه

حياتهم من أجمل م يكن ..

لمار*مساعد ..

آستقبلوا طفلتهم وحياتهم كذلك جميله جداً ..

الجوهره*ريان ..

تحاول تنسى م تقدر .. موقفه حياتهم الخاصة وهو محترم قرارها وعارف كل وضعها وفرحان كثير بـ التغيير الحاصل في شخصيته..

عبدالعزيز*فجر

حياتهم هادئه برغم تساءلات الكل عن عدم حملها للحين .. لانهم فضلوا الاحتفاظ بالابتعاد عن الانجاب في الفترة الحالية لهم آنفسهم ..

.

.

.

بيت آهل فهد

عبدالعزيز شايل ريتان بنت لمار ويلاعبها ..

آمه : عبدالعزيز ..

: لبيه

: م ودك مرتك تترك الحبوب وتحمل ..

ظل يناظر آمه للحظات شلون عرفت ..

: ياولدي مهوب زين تستخدم الحبوب وتوها يمكن تسبب عقم ..

: إن شاء الله ..

: عرفت من عمتك واستغربت خاصة إنك من قبل قلت م تأخذ موانع ..

انحرج : توها تستخدمها ..

انسحب فهد من المكان وطلع على آنه يكلم ..وعزام ماسك نفسه لايضحك ..ضربته آسيل : تعلم تعلم من فهد ..

خزها : كلي تراب ..

جات لمار ومعاها القهوه نزلتها آستغربت : أجل وين فهد ؟

آمها : قام شكله يكلم ..

صبت لامها وأخوانها من القهوه وعطتهم الحلا ..

وراحت تشوف فهد ..شافته واقف يحوس بجواله : فهد ..

لف : لبيه

ابتسمت: تعال تقهوى ..

: من عيوني .. الا ليه مساعد مادخل ؟

: الليلة الجمعه ببيت آمه عاد قطني هنا وراح ..

ويده على كتفها : وكيفه معاك ؟

: الحمدلله تممام ..

: الله يديمها ..

جلسوا وأخذ فهد بنت أخته : أبوي آنتبهي لها من السمنه الزايده

وهي تصب له القهوه وتحطها قباله مع الحلا : إن شاء الله ..

عزام قام وأخذها : لا وين خليها م تقدر تناظر من السمنه ي حبي لها خخبله على أسيل

امه : وجع ياعزام وراه تقول عن بنت أختك خبله ..

فهد يتقهوى ويضحك : بلاه خبل ..

: الله لنا ياريتان الكل يسب فيني عشاني قلت عنك خبله ..

لمار تضحك : دامك خالها شي أكيد

حذف لمار بالمخده ورجع يلاعبها : آروح ملح على الاساور آقص يدي أذا مهيب من آمي

امه تضحك : آيييه ذوق عجايز ..

ضحك : أحلى عجوز شافتها عيوني ..

: آيييه آييه م نخلص من كلامك ..فهد العطله جات وهالعطله مامعاك فكه خلاص راح آخطب لك ..

بسرعه : لالا يمه الله يعافيك لا .. زواج مافي راسي اببداً ..

أسيل : يممه مين حاطه في راسك ؟

: خالتك عايشه تو بنتها مي متخرجه من الجامعة وقريبه لنفسي وأبيها..

فهد تنهد بهدوء : يمه الله يعافيك زواج ابداً مالي فيه .. والقرايب بالذات شايلهم من مخي ..

عزام : بنات خالتي عايشه جمال والتزام خذ منهم ..

آمه ابتسمت : عزام زين نطقت بـ شي زين ..

رفع حواجبه وهو يضحك ..

عبدالعزيز : تزوج ي رجال الوالدة أكيد عارفه الزين وحتى مافيه أزين من القرايب ..

عزام : وافق ..

أسيل : تدري ليه يبي تتزوج عشان يفضى له الجو ..

ضحك فهد : منيب متزوج ..

آمه : فهد كأنك تبي رضا آمك خلني آزوجك بنت خالتك ..

فهد : رضاك آشتريه بـ عمري لكن يمه زواج لا ..

أخذت بخاطرها : لامن حطيتيني بـ قبري .....

قاطعها وفز قلبه وهو يجلس قبالها : لاتقولين ي الغاليه كذا .. ولك اللي تبينه ..

آنشرح صدرها : آجل بكلم خالتك بـ مجرد رجعتها من مكه ..

ضاقت أخلاقه وبجلستهم آثنين ضاقوا فهد من سالفة زواجه المفاجأة وعبدالعزيز من حركة فجر وهي تقول لـ آمها وهو اللي محذرها محد يدري ماله مود للمشاكل ..

.

.

.

بيت مصعب

صدمة قوية بالنسبه له ..

:سعود توفى..!

وين ومتى ؟!

كانت جالسه تتقهوى طاح الفنجان من كفها وشي سرى بجسمها كله رمى جواله على صرختها وبكاها ..

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

البارت الواحد والخمسين

بيت مصعب ..

رفعها بسرعه سلطانه مب أخوك واحد من قرايبي ..

ببكى لا تلععععب علي .. الا أخوي ..

آقسم بالله مب أخوك ..حتى شوفي راح آدق ..

دق وجاها صوته حط راسها على صدره هلا سعود .. كيف الحال .. الحمدلله كلنا بخير .. ليتك تمرنا .. ي رجال تعال ... أبيييه شي مهم ..وكلمة سلطانه المعتاده لاتسرع ..

صك من سعود وهو مخنوق من اللي تبكي في أحضانه ومن وفاة قريبهم..

دق على عياله وعزاهم واعتذر عن السفر لـ آبها بسبب ظروفه..

خلاص ي سوس أخوك بخير .. خلاص حبيبتي ..

تنفس لاحول ولاقوة الا بالله .. الله يغفر له ..

ناظر كفها ي حبيبتي ليه م تنتبهين ..

طاح قلبي على بالي أخوي ..اصلاً م حس بحرارة القهوة ..

شفتي ي سلطانه شوفي بس تشابه آسامي وش سوى فيك ..!

سامحي أخوك مافيه أحد معصوم من الخطأ يكفي أنه من تزوجنا كل اسبوع يجينا ويطلبك وتردينه .. عارف بإن قلبك كله عليه وتبين تتهنين بـ ضمته ترى الشيطان يوسوس لك .. قطيعه الرحم مهيب زينه ..

ظلت تمسح دموعها وتناظره ..

مصعب أخوك خلاص الحين بيجي آنسي م فات كله .. ترى مالك الا سعود وهو مثلك ..

مصعب لما أخوك يتركك ويقولون آنه مات وبرضاه وعشان دراسه..!

-ضاع معها الحكي وسكتت لان العبرات حاصرتها-

مصعب عارف شي قاسي جداً .. لكن العتب م يفيد وأخوك لو طنش كان معاك حق لكن حتى حاله منقلب ..يكفي كل آسبوع يجيك ويطلع من بيتك مكسور الخاطر ..

من سمعت الجرس هلت دموعها قومها معه وهي ترجف ترى لو م آستقبلتي سعود عدل وصفى خاطرك عليه راح آزعل منك ..

خزته بنظره لايكثر ..

ضحك وفتح الباب حيا الله النسيب وعياله ..

سلم عليه وعلى عياله ..

مثل كل مره معود نفسه م تسلم عليه وأوقات كثيره م تنزل تسلم الا بحاله وجود سلطانه الصغيره وسلطان سلموا على عمتكم ..

مصعب ناظرها وهي تسلم عليهم مسك كفها سلمي على أخوك ..

م تبي يامصعب..

لا تبي تسلم عليك .. أختك كل آسبوع وبليله جيتك دموعها تبلل مخدتها وتسأل عنك وتخاف عليك وتكلم مرتك كل يوم ..قلبها م به آرق منه بالذات لك ي سعود ..

أخذها من زوجها وضمها لصدره ولـ آول مره عقب الزعل تبادله وتبكي بصوت محروق ..

شال مصعب سلطانه ومسك بيد سلطانه تعالوا ي بابا ..

جلسهم ونادى سوزي شيلي القهوه وجيبي للحلوين طلبهم ..

ابتسم وهو يشوف سعود ماسك كف أخته ويجلسها جنبه ..

سعود كانت تبكي من قبل شفيها ؟

ظل يكف دموعها ويعدل شعرها كأنها ذيك الطفله ..ومصعب يقول له السالفة لاحول ولاقوة الا بالله الله يغفر له ..

وعاد أختك من سمعت الطاري تروعت حتى شف كفها انكب فنجان القهوه ..

باس راسها ي نظر أخوك ..

ناظر الشغاله وهي جايه طلب منها كريم للحروق ..

م عندكم صيدليه

ابتسم مصعب لا والله ..

ضحك سعود صيدليه صغيره ضروري تكون بكل بيت ..

مصعب بيت آهلي فيه .. عط الشغاله آسم الكريم وتجيبيه ..

ناداها مصعب وجات نزلت القهوه وجابت الموكا لـ عيال سعود ..

اسمه ميبو ..

طلعت الشغاله وهو يناظر كفه أخته آنتبهي حبيبتي ..

رفع راسه لـ ولده يبي يجلس جنبه ابتسم وش تبي ؟

أنت

ضحك مصعب جيبوا مرتي لـ عندي أجل ..

سعود ضحك وهو يجلس ولده على الطرف الثاني آترك أختي جنبي ولو إن شكلي راح أخذها تجلس معي كم ليلة ..

مصعب ابتسم لالا م تنفقنا كذا ..

ضحك سعود شوفي وجهه كيف قلب .. ياخوي بس كم ليلة ..

راح آجيبها في الويكند

وهو يضحك ي ساتر ..

قامت وهي تصب قهوه لاخوها وزوجها .. ابتسمت وهي تشوف ولد وبنت أخوها يجلسون جنب أبوهم كلن بمكان وهو يناظرون ..

ضحك مصعب وهو يجلسها جنبه آييه خلونا كذا .. سعود عيالك عندهم حب تملك لك

ضحك وهو يتقهوى حتى نسيبي مهوب سالم ..

ضحك ابداً

.

.

.

بيت جد كادي ..

خالتها ي خببله توه آربعه شهور شلون يجلس ..

لا مب كيفيه لازم يجلس ..

خالتها خخبله .. يمه آرحمي هالولد منها ..

جدتها تضحك ..

جدها كادي وأنا جدك هاتيه

شالته وهي تبوس ويضحك .. حطته بحضن جدها شوف ي دب لو تمسك في لحيته جدي ي ويلك بروح للمطبخ احضر مع خالتي العشاء

جدتها تضحك هالحين درى عنك لو هددتي هذا هو يضحك ..

عبدالله أنا أمك استح على وجهك

سحبتها خالتها الله يعوض على ولدك خير ..

وهي تضحك وتاكيه على خالتها وش نسوي العشاء ؟

خالتها جدانك نسوي لهم قرصان وأنا وأنتي والعيال مكرونه ..

وولدي

ضحكت خالتها الله ي الدنيا كبرنا وصار عندنا ولد

ضحكت وهي تطلع الدقيق أحببببه خالتي م توقعت أحبه هالكثر ..

خالتها مبتسمه اسم الله على عبدالله أحد م يحبه..

وهي تبتسم م يبي لها عاد ولدي

ضحكت خالتها الا وين محمد وخوالك ؟

حمودي طالع مع سلوم .. وخالي الوليد عازمه واحد من ربعه على تمايم ولده ..

الوليد مب ناوي يتزوج ..

كادي تعجن القرصان جدتي كل مره تحاول فيه وهو يقول لا باقي بدري ..

يبي له جلسه ودي نفرح فيه ..

تحمست وهي تلف لخالتها راح تكلميه يتزوج ؟

وهي تقطع البصل وتكف دموعها من البصل آحح يحرق .. آيييه يبي له قهوه وحلا ..

نقطه ضعفه ..

جا ولد خالتها كادي جدي يقول وين رضاعه عبودي

تقلب عيونها وتتذكر آممم يمكن عند جدتي ..

خالتها بديتي تأكلينه ؟

ولدي ؟

آييه ..

آيييه آشياء خفيفه .. آمس كنت أنا وسلوم نأكل آيسكريم وعطيناه شافتنا جدتي هزأت فينا إلين قالت بس ..

ضحكت خالتها تستاهلون مب زين توه صغير ..

يناظرنا خالتي ويأكل يدينه عاد خفنا على آنفسنا ..

آمحق آم ..

ضحكت آهببببل يكفي بس محمد كل م شافني يقولي تهبلين وأنتي آم

ضحكت خالتها خبله أنتي ورجلك ..

.

.

.

11 ليلاً

شقه عبدالعزيز فجر ..

م مر لـ فجر لاجل يأخذها ولاحتى دق عليها .. ولارد عليها .. بدل وحط راسه رد عليها اخيراً ..

عبدالعزيز ويننك ؟

ببرود في الشقه ..

آستغربت آيييه ..

وشو اللي آيييه ..!

ليه م ترد ولامريت تأخذني ..

خليك ببيت آهلك ..

عبدالعزيز شفيك ؟ صاير شي ؟ زعلتك بشي وأنا مدري ؟!

مدري عنك ..

وش سويت طيب ..!

شوفي نفسك وش مسويه .. الظاهر متفقين من زمان أسرارنا م تطلع برى شقتنا لكن أنتي بذكائك قايله لـ آمك عن موضوع الحمل ..

طيب آمي سألتني وكل مره تسأل إلين متى آكذب عليها وآشغل بالها..

آنقهر وجلس تشغلين بالها بـ وشو ؟

عبدالعزيز آمي على بالها فيني شي لاجل كذا قلت لها ..

وآمك قالت لـ آمي وسألتني الليلة وانحرجت بشكل .. شكلي كان بايخ وأنا قايل لها من قبل م تستخدمين ..

طيب وش ذنبي كان آمي قالت ..!

ذنب لسانك .. يلا بنام ..

بدموع م راح تجي ..

بقسوه لاخليك ببيت آهلك إلين ترضى نفسي ..

آوكككي عبدالعزيز خلك إلين ترضى نفسك خذ راحتك ..

صكت بوجهه ..ظل يناظر الجوال فترة طيب ي فجر آعلمك هالتسكيره شلون ..

رجع ظهره على السرير وآمتدت يده تلقائيا لـ مكانها تنهد بضيق وهو يسحب مخدتها لحضنه ويسلي خاطره فيها ..

.

.

.

بيت مساعدلمار

عدلت ريتان بـ سريرها ..

مساعد نمت ؟

لا .. ترى آمي سألت عنك الليلة كثير تبي تشوفك وتشوف ريتان..

عادي نروح لها بكرة أو تجي عندنا ..

كان جيتي الليلة ..

كانت الجمعه في بيتنا وكل أخواني وخواتي هناك ..

بس فاطمه وعبير م جاوا ..

لا فاطمه بعد صلاه العشاء وعبير كان ولدها تعبان و ماقدرت..

المهم لازم المرات الجاية تجين معي لـ بيت آهلي ..

آسبوع عند آهلك وآسبوع عند آهلي هذا الاتفاق بيننا ..تبي نروح قبل ليلة لـ آمك أو تأخذها م عندي مانع بس بكل جمعه لـ آهلك آكون موجودة لا حبيبي حتى آهلي لهم حق فيني ..

وآمي ؟

مثل م قلت لك ..

قامت ودخلت تبدل ..جلس ينتظرها إلين خلصت ..

لمار لازم نشوف لنا حل اليوم كل أخواني زوجاتهم معهم وعيالهم الا أنا..خاصة بإنه الشهر الوحيد في السنه اللي يتجمعون فيه أخواني وخواتي..

قلت لك اللي عندي ..

طيب بأخذ ريتان معي وبتكون تحت نظر آمي وآنتي خليك عند آهلك وعقبها آمرك ..

عصبت منه أنت تبي تطلع مشكله من تحت الارض .. عرضت عليك كل الحلول ولارديت على واحد منها ..

عصب هو الثاني لاترفعين صوتك ..

تركت له الغرفه والجناح كله ..

آفففف

انسدح بالعرض وهو يحط المخدات على وجهه حس نفسه غبي متهور هم من قبل بينهم اتفاق على هالشي ..

يمكن كلام آمه وأخوه بإنه مفروض م يعطيها الصلاحيه كذا وتفرض آسبوع عندهم وآسبوع عند آهلها وتره وحس بإن ماله شخصيه..تعوذ من آبليس وتذكر زعلها آخر مره وشلون أخوانها سحبوها منه وشاللي عمله عشان ترجع له ..

بعد المخدات وقام هو غلطان ولازم يراضيها ..طلع من الجناح وشافها واقفه بشكل مائل على الجدار قبال القزاز وضامه نفسها ..عدل وقفتها وهو ضامها من وراها حقك علي ..

إلين متى راح تتأثر بـ أخوك لافي وكلامه ..

تنفس وهي على صدره ماله شغل ..

مساعد كل الحكي اللي دار بيننا متأكده من حركات أخوك .. ترضى فهد وعزام يتدخلون في حياة عبدالعزيز وفجر ..

سكت ..

اللي م ترضاه على أختك لاترضاه على زوجتك .. تعبت آقول لـ آخواني كل شي تمام وأنا آكذب مفروض آقول كل شي بخير عداً سماح مساعد للافي بالتدخل في حياتنا ..

كف دموعها وراسها تحت نحره آسسف عارف إني غلطان ..

الله يخليك وش ينفع الاسف بس ..

أخذها لاحضانه أكثر وظل ساكت ..مسكت يدينه ولاآن قلبها مساعد..

لبيه ..

مفروض العتب لي والا ..

بشبه ابتسامه العتب لي على نفسي .. لمور لاتزعلين..

مساعد لايتدخل لافي ولاغيره في حياتنا .. هي ملكنا وحدنا وماراح آسمح له يخربها..

ابتسم وهي تتكلم تغيرت شخصيتها كثير خاصة من جابت ريتان..

طيب لك اللي تبين بس روقي .. م عهدت هالتوتر فيك من قبل ..

لان لو سمحت لـ أخوك وسكت له راح تتضرر حياتنا وحياة بنتنا..لو م حترم نفسه راح آكلم فهد يتفاهم معاه ..

لفها له خير إن شاء الله منيب مالي عيونك ..

برفعه حاجب أنت مو قادر تقولها له بصريح العبارة لاتتدخل بحياتي لانه أخوك بس فهد ممكن يقولها له ..

ويدينه على آكتافها لاتدخلين أخوانك من ثاني في مشاكلنا ..

ولاتسمح لـ لافي يتدخل في حياتنا لان أخواني م راح آدخلهم الا من تدخلات أخوك ..

كانت في طريقتها وحدتها في الحكي توضع حد لكل شي وتضع النقاط على الحروف ..

خضع لها لان معاها الحق بكل حكيها .. أذا يبي حياتهم تستمر لازم يضع حد لـ أخوه ..

م حكى ومشوا لـ غرفتهم ركضت وهي تسمع صوتها تبكي رفعتها قلبببي أنا ..

مساعد ي روحي أنا شكلها تبكي من فترة ..

آيييه شوف دموعها ..

ظلت تمشي فيها في الغرفه وهي ضامتها إلين هدأت وأخذها منها مساعد جلس فيها على السرير وهو يحاول يرضعها جلست وابتسمت لاحبيبي راح تشرق بـ طريقتك ذي ..

وهو مبتسم طيب علميني كيف ؟

جلست تمسك يده بهدوء وراح تشرب الحليب عادي ..

ظلت تناظره وهو مندمج مع بنته ويرضعها شخصيته جميلة جداً وحنون معها ومع بنتهم أكثر بس أخوه ذا لازم تشوف له صرفه مع تدخلاته الغير مبرر لها ..

.

.

شقه مشاري*ديم

: آيييه بنات .. مشاري أنت تخون ؟!!

ليييه عاد ؟

راح يجن : آقسم بالله م عمري طلبت منها صور اصلاً م تكلمت معها بس هالبنت بالذات ناشبه لي ..

وكفها على جبينها للحين مب مصدقه : مشاري مهما كانت م تستحي م راح ترسل لك الصور ..شوف شلون ؟!!

: طيب شوفي الحين ..

جلسها جنبه : راح ابدأ معاها محادثه وتشوفين أذا لي علاقه أو لا ..

ظلت تناظر وصوتين في الغرفه شهقاتها وصوت في المحادثه ..

صك لابه وأخذها لـ حضنه : أججل أخونك ..!

قلت لك من قبل اللي عنده مثلك مستحيل يناظر لغيرك ..

رفعت نفسها منه : بجد ؟

ابتسم : ديم أنتي عارفه مستحيل أخونك ولا مع وحده من طالباتي ..!

: وش راح تسوي ؟

: شفتي اللي سويته معاها حملتها المادتين وراح آرفق كل تصرفاتها ومحاولاتها بـ سي دي لـ أدراة القسم وتتخذ معها الاجراء المناسب..وراح آقدم بناء على هالشي طلب نقل نهائي من جامعات البنات ..

: آحسسسن شي سويته ..

مسك آنفها : طلعنا عصبيين وغيورين بعد ..

ابتسمت له وتنفست بـ راحه..

: آسسفه لاني ظنيت فيك ظن السوء ..

: مشكلتنا الظنون .. الله لايرده من تدريس بكاك وضيق خاطرك..

نظراته ضيعتها واحرجتها آهتدت أنها تقوم : قولي دانه مثل كل مره ..

ضحكت وهي تناظر بنتها نايمه وتناظره ..

:هههههههههههههههههههههههههه نايمه راح تصحيها مثلاً ..

وهي تحوس بنفسها : مم عاادي تسهر معنا ..

طفى المودم وتقدم لها : كأني آشم ريحة نذاله ..

ضحكت : طيب تحبها بوقت ووقت

ضحك بقوه : آييه وراك شي

: مشششاري

: ي لببباها ولبى نطقها لـ مشاري ..

.

.

.

اليوم الثاني

بيت أبو رتيل ..

عبدالرحمن جلسها في الصاله ..

: بليز دحوم لاتشفق علي ..اطلع مع ربعك عيش حياتك مثل قبل لاترتبط فيني ..

: اولاً أنا م شفق عليك .. ثانياً ربعي كلن مسافر وبعضهم يدرسون صيفي..وبعضهم آهلهم جايين من برى الرياض ..

: طيب وين ولد ناصر وعيال نورة ؟

: ولد ناصر مع عيال خواله وعيال نورة محمد يجهز لـ سفره والباقين تلاقينهم مع ربعهم ..

: محمد راح يسافر ؟

: آيييه اخيراً رضخت نورة للامر الواقع ..جاءت أوراقه للقبول في الابتعاث قبل فترة ولما خلصها قال لـ نورة ..

: الله يوفقه يدق ويكلمني بين فترة وفترة بس م سبق وقال ..!

: لان م كان يبي السالفه تنتشر وتوصل لـ آمه ..

رجعت ظهرها على الصوفا وهي تسأله بحزن كبير : عيوني وين تناظر الحين ؟

آدمت كلمتها كل شي فيه وجاوبها برغم الالم : م فيه غيرنا في الصاله .. أنتي الحين قبال شاشه البلازما ..

: م شوف وقبال tv

: وين أبوي وأمي ؟

: طالعين لبيت نورة يتقهوون معها ..

تألمت لـ حالها وظلت ساكته ..

عبدالرحمن وهو ماسك كفها : شاللي يسعدك بس .. والله يارتيل لـ آنفذه لك بس شرط آشوف آبتسامتك بصدق ..

غمضت عيونها تمنع دموعها تتسرب وعقب فترة : م تقدر لان اللي أبيه مستحيل أحد يرجعه لي ..

ضاقت آنفاسه أكيد بصرها ..

بحزن : كل الاطباء يقولون يبي لي رحلة وتكون مع آشخاص أحبهم وابعد عن جميع مصادر التوتر والقلق ..أي رحلة وأي شي ممكن يرجع لي بصري..!

قطع الرنين حديثهم المفعم ب الحزن ..

تحسست جيب البلوزة وطلعته وهي تتحسس الازرار ردت : آهلين ..

الجوري : هلا والله ريتو شخبارك ؟

: الحمدلله .. شخبارك ؟

: تممام ..الحين وينك ؟

: جالسه مع دحوم في بيتنا ..

: مم راح آسرقك منه ..

ابتسمت : لـ وين ؟

: تجلسين معي في شقتي ..

: وأخوانك ؟

: ميشو في شغله ونيوف مسافر في شغله وزيود كله مع ربعه ..

: آوكي ..

: شوي وراح آمرك ..

صكت منها : جوري راح تمرني وتاخذني

ابتسم على الاقل تطلع وتغير جو : طيب خلي ننادي ميار وتساعدنا لاني راح آحوس الدولاب ..

ابتسمت بإلم : دحوم شكلي تغير ؟

: يصير آتغزل فيك

ابتسمت : مشكلتك تحاول ترفع في معنويات آنسانه ميته بكل آحساسها..

: ليه متشائمه كذا ..!

: م فيه شي يستحق آتفاءل عشانه ..

: لا فيه ..

: وشو ؟

: أشياء كثيره ..

: مثلاً ؟

: الدراسة ليه م تكملين ؟

ضحكت إلين غصت بدمعها : آدرس ..!

م شوف عبدالرحمن كيف آذاكر وآدرس ..!

آنهت النقاش وهي تنادي الشغاله : بليز جيبي عبايتي والشنطه ..

عبدالرحمن : وين راح تطلعون ؟

: أكيد بيت الجوري وأنا بهالحاله وين آروح ..!

سكت أخوها وظل يناظرها ..

: عطني يدك

مسك كفوفها ..

: قاسيه أوقات كثيره ب الحكي معاك وطريقتي غبيه آسفه كثير..

وكفه الثاني على خدها : م صار شي ..

جابت الشغاله عبايتها حطتها جنبها .. ممداها تبعد كفها الا جوالها يدق عطاها عبدالرحمن وردت ..

نزلت الجوال وساعدها أخوها تلبس العباية : ريتو م بدلتي ..

: عادي الجوري ..

حطت الغطى كامل وعبدالرحمن معها ..

أخذتها الجوري وركبتها جنبها ..

عبدالرحمن : الجوري الله يعافيك انتبهي لها ..

: إن شاء الله ..

ركبت وآمرت سواقها يحرك ..

دق عبدالرحمن على آمه وبلغها بإن رتيل طلعت مع الجوري لاتكلمها ولا أبوه يتركونها تستانس ..

.

.

.

شقه الجوري ..

: لان محد يستاهل آبكي عشانه .. آفضل شي آعيش كل يوم بيومه ..

: الجوري أنا آمر بنفس المعاناه .. لاتقولين عادي ..

:آممم شوفي ريتو للحين بداخلي جمره من كل شي صار لي .. بس جالسه آتناسى إلين آنسى ..

: راح تظلين موهمه نفسك بـ النسيان ..

: لا راح آنسى .. شوفي سطام نسيته صحيح هو ولد خالي وأوقات لما آمر آمي يكونون هناك كلهم وآشوف زوجته بس عادي جداً حتى لما يمر طاريه مثله مثل أي شخص ..

: وآمك وآبوك ..

: آممم تبين الجد للحين بداخلي عتب وزعل كثير منهم .. حاولت آسامحهم من كل قلبي م قدرت ..

: وعمك الزفت ؟

ابتسمت : عاد ذا بـ الذات بجد بجد آكرهه ..

ضحكت رتيل : حقيير ..

دق الجرس : أكيد وحده من البنات جات ..

: ليه أحد راح يجي ؟

: آيييه كلمت كل البنات ..

ابتسمت ..

فتحت آيلان وكانت كادي أخذت منها الجوري عبدالله وهي تضحك : معصبه لييه ؟

: ذا ثقيل بسم الله عليه وكل شوي يمسك الغطى ومحمد عنده شغل ومستعجل م قدر يطلع الاغراض معاي لانه راح يوصل جداني لـ بيت خالي ..

رتيل مبتسمه وهي جالسه وتناظر حضنها م قدرت تناظر : كدو

ضحكت وهي تنزل العباية : عارفه قلت قصه عمري وأنا عند الباب ..

دنقت وهي تضمها بقوة : آشششتقت لك ..

: ي لبى قلبك وأنا آكثثر ..وين عبود ؟

حطته الجوري بحضنها : هذا هو ..

باسته وهي تعدله في حضنها : ياااه ليتني آشوفه ..

كادي : بأذن الله تشوفينه قريب ..

: في الجنة آن شاء الله ..

كادي بإلم : بإذن الله في الدنيا والاخره ..

ابتسمت وهي تبوس كف عبدالله وتعدله في آحضانها : النظر حلم بالنسبة لي .. وحلم يحاصرني دوم ..

حلم النظر طول العمر ما غادر أذهان الكفيف

وأنا الكفيف اللي تحاصر ذهنه أحلام النظر

الجوري : بأذن الله تشوفينه ..الله على كل شي قدير

كادي تغير المود الكئيب لهم : بنت في مفاجأه مجهزتها ..

ضحكت الجوري : طيب آنثبري لاتخرب ..

رتيل تحمست : وشو ؟

: لاع مب قايلين ..

: تكفففون ..

يتبع ,,,,

👇👇👇

تعديل المقال