رواية بصدري وجع كنت احسبه نام يا صدري -60

رواية بصدري وجع كنت احسبه نام يا صدري -60

حك شعره : كم عمرها ؟

: ممم اعتقد 23 مثل لمور ..

: الحين مع مين عايشه ؟

: مع أخوانها من آمها .. طبعا هي عندها عماره سكنيه .. صح ترى هي معاي أنا وقروبي في التحفيظ العصر ..

: ماشاء الله حلو كذا .. شوفي آسيل بالنسبة لـ زواجي منها راح آستخير الليلة وكان آرتحت بلغت الوالدة عنها ..

تحمست : ي لبييييه ..

: متحمسه ب الحيل لها ..

: آيييه أبيها لان فلوه السخيفه أخوها منفصل عن زوجته وعنده عيال وتقول راح تخطبها له ..

: ليه هي عارفه سالفتها ؟

: لالا بس عارفه آنها منفصله عن زوجها ..

: الله يكتب اللي فيه خير ..

: فهد ترى البنت مرآ حلوه ..

ضحك : لو آجتمع دين واخلاق وجمال كله من رضا الغاليه ..

وهي مبتسمه وفرحانه : راح تحبها وبأذن الله ترتاح عقب الصلاه .. فهد هذي حياتك بس بنات خالاتي وبنات آعمامنا وعماتنا موب مثلها .. حتى أمي تحبها وتحترمها ..

: لكن لما تجي السالفه للزواج م تدرين .. لكن الله يكتب اللي فيه خير..

وهي تشيل لابها وتبوس أخوها : بليييز آستخير الحين ..

ضحك : طيب ولايهمك ..

: آوكككي تصبح على خير .. صح فهد لاتقول لـ آمي أني آنا قلت لك عنها..

ضحك : طيب .. تعالي وش آسمها ؟

ابتسمت : الجوري ..

: آها ..

ابتسمت وصكت الباب وطلعت ..

تنهد الزواج م منه فكه وهو م يبي من القرايب فكر بشكل جدي في الجوري وحب شخصيتها وصبرها حس لو أخذها م راح يندم .. قام وضئ وصلى .. وهو يسأل الله الخيره ..

.

.

.

اليوم الثاني ..

أبها ..

حمد(أبو سامي) عصب : منتب بـ صاحي ..

: لا صاحي ..

: مهبول أبوها يجبرك تطلقها وترجع تأخذها ..!

خبل أنت ..!

: حمد الله يعافيك اتركني آتكلم مع الوالد ..

أبوه : أخوك م قال الا الصحيح .. أجل ترجعها ..!

لاماترجعها لو آيش ..

: يبه البنت م تركتني بكيفها .. أبوها وحمد عارف السالفه كلها وأكيد علمك..

: آيييه عندي علم فيها لكن م تتزوجها ..

: يبه م جيت من كندا الا لـ أجل أرجعها الله يعافيك وش يفيد الاعتراض في راحتي ..؟

: كرامتك ..

: أي كرامه وأي قلق .. أبيها من فارقتها م شفت خير ..

حمد : م تستحي على وجهك تقل عمايل هالحرمه فيك ..

عصب طارق : الله يعافيك قل خيراً أو آصمت .. رح لـ زوجتك ورجعها وفكنا .. أبوي كانه رضى فما يهمني لاأنت ولاغيرك ..

عصب حمد : وولدي اللي اجبرته يطلق مرته لاجلك وترجع طليقتك ..

: ولدك أنت جنيت عليه بتصرفك المتخلف ..رجاء حمد لاتقول من ثاني أنك سويت هالشي لـ اجلي لان الله يعلم م كنت أدري عن سواتك الا عقب طلاق سامي لـ زوجته ..

: آهدو .. وأنت ي ي طارق مالك رجعه لها ..

: يبه ..

: مالك لوى ترجعها وأنا حيي ..

كلمة أبوه كانت صارمه .. آمسك على الحكي وقام من المجلس ..

دخل لـ غرفته وأوجعه صدره يعني كان يحسب هالوجع زال عنه وأخيراً راح يجتمع معها ويودع كل الماضي الاقشر ويقتل كل ذكرى حزينه ويقول رجعتها معي وبأخذها ..

بصِدري وجعْ ?ِنت أحـَسبَہ نامْ ، يا صَدري

ليہ فاق ؟

ليہ ناداني وأنا مقفي ؟

كل هالحماس إلين آخذ الاجازه ووصل للرياض وأخوها كلمه بنفسه والحين أبوه يقول لا ..

.

.

.

الرياض

شقه الجوري ..

شكلها حوسه في البجاما : فاتك الجو البارح هبببال ..

ضحكت الجوهره : شوفي كنا بالاول متزاعلين بس عقب سهرنا بشكل رهيب من زمان م سهرنا مثلها .. حتى للحين م نمت قلت له يوصلني ويرجع ينام ..

صحت لمار وهي شايله بنتها : جيتي ؟

ابتسمت : يب .. هاتي ريتان وقومي البنات قبل م يبرد الفطور ..

شالتها : ودلبببببوسي ودلببووسي ..يارب آزرقني بمثلها ومثل عبودي ..

الجوري تحضر الفطور : يااارب ..

ضحكت الجوهره ..

وشافت البنات قايمين وكادي شايله ولدها : هيييي ولدك ..

أخذته الجوهره وحطتها على فخذها الثاني : حبيييي عبودي..

يضحك : ي عمري أنا يضحك وتوه صاحي ..

كانت تغسل كادي وسمعتها : ولدي ي عيوني ..

الجوري: ههههههههههههه م يعجني الا أذا قالت ولدي ..

الجوهره : آيييه كل شي ولدي ..

سلطانه ساعدت رتيل تغسل وجلستها جنبها : فااااتك البارح ..

الجوري جلست : أنتم اللي فاتكم تقول سهرت مع ريان ..

سلطانه : مالت عليك وعليه..

ضحكت : آغصان الجنه ي رررب ..يلا آفطروا عاد الفطور على ذوق ريان مدري وش جايب ..

: وأنتي ؟

: بس شبعانه آفطرت مع ريان .. بنات للحين م نمت بروح آنام ولاتسوون غدا ريان وصى مطعم وراح يوصل لنا الغدا ..

الجوري : احرراج معاه ..

الجوهره : عااادي .. لمور كدو فلذات آتسبادكم ..

كادي : مالت عليك كان كملتي ..

الجوري نادات آيلان وسوزي أخذوا عبدالله وريتان إلين يفطرون البنات ..

الجوري تناظر رتيل : ريتو شفيك ساكته ؟

:ولاشي ..

سلطانه : ريتو بجد شفيك ؟

دمعت : أبي آشوفكم آشوف عبدالله وريتان .. آشوف آشكالكم وتوكم صاحيات من النوم وحوسه والهواش ..

قامت كادي وضمتها لـ صدرها : حياتي أنا .. بأذن الله تشوفين ..

: متتتى بس ..!

: الجوري تمسح على شعرها : بحول الله وقوته قريب ..

من بين شهقاتها : بنات أبيييه آشتقت له ..

كادي آنصدمت للحين تفكر فيه ..!

سلطانه : قصدك طارق ؟

كادي : ومن غيره ..

: بس أبي اسمع صوته بنات م تتخيلون وش كثر مشتاقته .. طارق أصدق من حبني وأجمل شي دخل لـ حياتي بـ غير اختياري ..

الجوري :الله يجمعكم ..

: مستحيل بهالدنيا نجتمع من ثاني ..

لمار ظلت تناظرها ودموعها تتساقط م تحب تشوف أي وحده من صديقاتها حزينه ..

كفت دموعها عقب فتره : ياااه ي سخفي .. كملوا فطوركم بس م عليكم..

كادي : لايكثر أنتي موب سخيفه .. على فكره ترى ولدي نسخه محمد عشاني آحبه تقول جدتي طلع عليه ..

الجوري : صح منتشر هالشي بإن اللي تحب زوجها يطلعون عيالها عليه بس آحس مب صح ..

رتيل تحاول تدخل معهم بـ سوالفهم عشان م يتأزمون لاجلها : فيه آشياء كثيرة يقولونها الاولين ..

سلطانه : أحلى شي عيالي يطلعون على مصعب ..

كادي : خل يجون آول ..

سلطانه فيها الضحكه : انطمي ..

كادي : طيب ..بس م تبين مثل هالشي الجميل ..

حذفتها : آآآآآآآآآ آذبحك

ضحكوا صديقاتها وقامت الجوهره على ضحكهم : وجع لاتضحكون خلوا كل السوالف إلين آصحى ..

كادي : تعاااالي تكفين لاتنامين خلي نجنن سلطانه ..

وهي تجلس : فينييي نوم ..

: آجلسي بعد الفطور راح نسوي قهوة ونحلي ..

: لا راح يزيد وزني كذا ..!

الجوري وهي تعطي رتيل تفطر : م راح يضر ..

لمار : الحمل مارآ يخرب الوزن ..

كادي متأزمه : وآنشهد ..

قامت شالت ولدها وهي تبوسه بقوة : أحبببببببببببببك ..

ابتسمت وهي تشوف جوالها : فديت اللي يدق ..

: محمد ؟

: لا جدي جعلني آفداه ..

كلمت جدها وممدى صكت الا محمد يدق ..

دق جوال رتيل كان أخوها بلغها راح يمر يأخذها رفضت وعقب م قالت لـ الجوري واستأذنت بأنه يجي لها البيت قالت عادي ..

نزلت الجوال : ناصروراه شي ..!

: هو يقول حلو .. لاتخافين ..

ظلت تنتظره إلين وصل ساعدتها الجوري وآخذها ناصر وهو يجلس بالمجلس ..

صديقاتها يسمعون ومصدومات ..بس رد رتيل صدمهم :لا ناصر –تمسح دموعها- آيييه آحبه بس مستحيل آرضى لـ طارق عقب كل الاهانات اللي صارت من أبوي وبعدين أنا عممميا ..!

-بكت أكثر- عمممميا م شوف كل شي فيني م عاد يحس ..

ناصر : رتيل الرجال تعنى من كندا لـ أجلك وشاريك للحين وتقولين م تبينه..

: آييييه م آبييه مو لان فيه عيب لا حاشاه من العيوب بس طارق من حقه يأخذ مبصره مب أنا .. أنا ي خوي آنتظر لحظه مفارق الدنيا منيب منتظره لازواج ولاغيره ..

: معاك فرصه تفكرين في الموضوع طارق شاري للحين ودك ويبيك..حتى الوالد البارح كلمته في السالفه ووافق ..

: لو الكل يوافق المهم أنا م راح آوافق ..

: رتيل فكري بـ العقل والمنطق ..

م عطت آخوها رد ..

وقف : رتيل فكري للمره المليون في السالفه ..

طلع أخوها وبسرعه دخلوا لها صديقاتها ..

صرخت بقهر : لاتقولون وافقي .. أنتم م تحسون فيني أنا الحين ناقصه م شوف فاهمين أو لا ..!

عارفين شمعنى أحد يفقد البصر أو لا ..!

الجوري : رتيل العمى عمى القلوب مهوب الابصار .. شوفي كم كفيف صار للامه ذي نور يهتدى به .. الشيخ عبدالعزيز بن باز الله يرحمه كان م يشوف ومن آجل علماء هالامه الشيخ عبدالعزيز آل الشيخ م يشوف وشوفي النور في وجهه والعلم اللي الله معطيه آياه .. شوفي أحنا نشوف لكن وش سوينا لـ آمتنا ..!

ولاشي لكن الله أخذ منهم أبصارهم وعوضهم بـ نور القلوب ..

آجهشت بالبكى : أنا مو مثلهم الشيوخ عندهم آيمان بالله قوي وصبر وتحمل أنا م قدر ..!

: لا تقدرين .. وطارق توك قبل شوي تبينه جاك من كندا عارفه شمعنى جاء للمملكه عشانك ..

كادي : آخر مره تحكين كذا عن نفسك فاهمه .. أنتي رتيل لو مش عارفه نفسك ومتذكره أنتي مين أحنا نذكرك .. بلا غباء الفرصة جاتك طارق حب عمرك ترجعين ترفضينه من ثاني ..

آستغربوا البنات ورتيل نفسها حده كادي بـ الحكي ..

دمعت كادي : أنا مو أم الشلة كلها .. يعني اللي آقوله يمشي وعلى رتيل أول شي هبببله تبي تفرط في طارق من ثاني ..!

-أخذت آنفاسها-

غباء اللي يصير معاك أنا متأكده معاه راح تكونين آسعد الناس تجين تقولين بكل بساطه لا ..

أنا آقولك راح توافقين وغصب عنك رتيل أذا أنتي مو عارفه مصلحتك أحنا نعرفها ..

بكى ولدها : آسسكت أنت ..

سلطانه شالت عبدالله منها : هييي خرعتي ولدك ..

: م عليك منه يتدلع .. يلا آمشوا تنقهوى ونشوف ونوزع الشغل بيننا لـ عرس ريتو ..

ضحكوا صديقاتها ..

لمار : قررت ..

رتيل : كادي م راح آوافق ..

: آنطمي راح توافقين ..

قومتها وهي تمسح دموعها وتضمها : لاني عارفه بإن بداخلك شي للحين ينبض لـ طارق راح أجبرك..

طلعت معها من المجلس وراحت تغسل وجهها ..

الجوري : الله لايحرمنا من هالكادي ..

سلطانه تناظر عبدالله لما سكت : ي حظك في آمك صحيح خبله بس وش زينها..

الجوهره : لبى خفوقها بس تبون الجد خفت منها ..

ضحكت لمار : حتى أنا .. بس زين سوت كذا لان هالشي بداية علاج لـ رتيل..

دق الجرس وناظرت الجوري من المنظار : بنات آدخلوا داخل أخوي ..

دخلوا صديقاتها وفتحت له ..

جلس يتكلم معها

: على فكره لاتفكرين فيني شي لو خربطت بالحكي بس ميت نوووم عطيني آي فراش بنام ..

ابتسمت : طيب خل آجيب لك الفراش وملابس تبدل ..

دخلت عطته وعقب صكت الباب وهي شايله بدله أخوها : ي عمري عليه ميت نوم ..

الجوهره فيها لقافه أخذت البوك : ي قلب قلب بس عشره ريال..

ضحكت الجوري : دائما مطفر ..

: ماشاء الله وش زينه .. الجوري نفس وسع عيونك والرموش ..

: خل بعد شوي آجيب لكم صور الباقين خاصة نياف بيني وبينه شبه مجنون ..

دخلت تحضر القهوه مع لمار وعقبها يجلسون يتقهون ..

.

.

العصر

بيت أهل فهد ..

عبدالعزيز يناظره : شوف أذا أنت مقتنع ماعليك من احد محد راح يعيش معها الا أنت ..

: صليت آستخاره وحسيت مرتاح من جهتها ..

: اجل توكل على الله ..

: والوالدة ..

: خل بس تجي الحين ونبلغها سوى .. أمي همها راحتك ..

أسيل نزلت الصيبينه وراحت دنقت على فهد وهي تحاوطه بيدينها وتهمس له ..

وهو مبتسم : الحين راح نكلم آمي ..

استانست : ونااااااسه ..

عبدالعزيز : خلاص بيروح عليك الدلع كله ..

وهي تبعد وتجلس تصب لـ أخوانها قهوه : عاادي المهم فهد يتزوج..

جلست آمهم : بكلم خالتك الليلة ..

عبدالعزيز يحك ذقنه : يمه ..

وهي تأخذ القهوه من أسيل : لبيه ..

: فهد ماله خاطر ببنت خالتي ..

سكتت شوي : أجل من يبي ؟

فهد : ودي بـ الجوري صديقه لمار ..

آستغربت : وش عرفك فيها ..؟!

وهو مبتسم : النصيب .. وش رأيك فيها ؟

ابتسمت : والله ي فهد اللي تسعدك تسعدني لكن ي ولدي مطلقه وقبلها آرمله ..

: بس ودي بها يمه ..

: من عيوني أخطبها لك .. دامها اللي بخاطرك ..وراك م قلتي لي من مبطي عنها تبيها من زمان ؟

وهو مبتسم : لا .. بس طرت لي ..

عبدالعزيز فرح له : الله يوفقك ويسعدك ..أخيراً راح تودع العزوبيه..

ابتسم لـ أخوه ..

أسيل فرحانه : يمه بما إن لمور عندها راح آخليها تأخذ رأيها ..

امها : عطيني الجوال بكلم لمار وآقول لها .. ي سعد عين آمك يافهد وأنا آخطب لك ..

ارتاح لان آمه واضح عليها الراحه والفرحه بـ خطوبته ..

عبدالعزيز يناظر آمه : ي جعلني فدوه لـ ترابه شوف فرحتها وهي تكلم لمار ..

فهد : وش اجمل من ابتسامتها وآنشراح صدرها لنا ..

قام عبدالعزيز : شوي بس العيال- فجر- يدقون ..

طلع للحوش ..

: هلا ..

صوتها رايح من الضيقه : هلا بك ..

سكتت ..

: داقه عشان تسمعين آنفاسي مثلاً ..!

وهي تمشي في غرفتها : أنت ليه حكيك قاسي كذا ..!

: الله خلقني كذا ..

تمسح دموعها : لا أنت مو كذا .. بس أكيد زعلان ؟

: تاركك في بيت آهلك ومادقيت يعني وش تتوقعين غير الزعل ؟

سكتت وهي كل لحظه تمسح دموعها ..

: فجر لاتدقين الا لـ شي مهم إلين تتعلمين بإن أسرارنا تظل بيننا وإلين يطيب خاطري وآدق عليك ..

فجر:طيب وأذا أمك عرفت ماصارت مشكلة ..

: دام هالسر طلع راح يطلع غيره ..

بـ قهر : أنت تبي هالشي يجي بإي طريقه .. طيب من غير الزعل قولها في وجهي م بيك لاتسوي سوالف وانتهينا ..

بنبره : شوفي يافجر لو أبي آطلقك طلقتك ولا أحد يقدر يجبرني عليك..مهوب عبدالعزيز اللي يعيش مع وحده م تشتهيها نفسه ..

دمعت أكثر : لو صدق مثل م تقول كان دقيت آمس أو اليوم مو ساحب كأني م آهمك ..

: لانك هالفترة م تهميني .. خلاص فجر أذا بغيتك دقيت عليك

صك الجوال ورجع لها الحركه .. ولو إن بكاها ضيق خاطره بس لازم يكون درس لها ..

رجع دخل وجلس جنب فهد وكمل سوالف مع آمه اللي سألته عن فجر وقال عند آهلها تسولف مع خواتها وآمها وخلاها كم يوم معاهم ..

.

.

.

شقه الجوري ..

مصدومة تناظر صديقاتها : بنات خلاص الله يخليكم..

كادي : شكلك تبين آتفلت مثل الصباح وآعصب ..

الجوهره تأخذ دونات : آنتبهي منها ..

الجوري : م راح آتزوج .. بعدين لمار أخوك مو سبق له الزواج تبين أتزوجه حرام راح آظلمه كذا ..

لمار : لاتقولين حرام لان مو حرام .. بعدين فهد طلب من آمي هالطلب وآمي تبيك ..بليييز وافقي جوري أكيد تسمعين مني كثير وحتى من أسيل عن فهد ..

كادي تذكرت : في حصه تعبير وكانت أول حصه للتعبير قلت لهم أبي تعبير حر عن أي شي تبونه أبي آشوف قدراتكم لو تشوفين أسيل كاتبه حكي آنصدمت بصراحه وأنا اقرأ وبالنهاية تمنيت آضمها كاتبه حكي عند فهد حسيته أبوها مو أخوها بس حتى في الامثله بـ النحو كله فهد ..

لمار : متعلقه حيل فيه .. كل أسرارها عند فهد حتى آمي تقول لها آستحي أخوك رجال وهي ولاهمها ..

الجوري : بنات فهد عارفه بإن شخص مميز جداً عمري م كنت آحلم مجرد حلم بإنه يصير زوجي ولو للحظه مب زين آظلمه معي ..

رتيل تأكل دونات وكانت راح تبدأ تتكلم بدأت تشهق وتصرخ ببكا : بنننننننننات ..

فزوا صديقاتها لها ..

كادي نزلت ولدها على الارض وقامت بسرعه : ششفييك ؟ آحرقتك القهوه ..؟

يدينها ترجف وطاحت الدونات : لالا آششوفكم والله آششوفكم .. كادي صرتي دببببا ..آششششوفكم ..

كادي حطت راسها على فخذ كادي وآنهارت بكى سلطانه ضمتها وهي تبكي الجوري ظلت جالسه وتناظر وتبكي بكى فرح بهالشي المفاجئ الجوهره حاطه يدينها على فمها وتناظر ودموعها تتسرب لمار مغطيه ببنتها وجهها وتبكي ..

رتيل تشهق وتمسح دموعها بعدت صديقاتها وخرت لله ساجده لحظات طويله تخللها بكا م بكته بـ حياتها كلها ..

جلست وهي تمسح دموعها وتضحك ببكا فرحه : أشششوفكم ..الله هذا عبدالله ..

كادي آنفها آحمر من البكى : آيييه هذا هو ..لا عبدالله ليه تأكل شوكلاتي

ضحكوا صديقاتها وشالته رتيل : ياااااه جممميل جممميل ماشاء الله..

ظلت تفتح له الشوكلاته أكثر وتأكله ..

ناظرت بنت لمار : واااه ماششاء الله لمور بنتتتك ..عطيييني ..

عطتها لمار الجوري والجوري جلست على الارض جنب رتيل باستها : مااااشاء الله تهببل ..

ضحكت : أساور ..

لمار تكف دموعها وتبتسم : من آمي ..

: تهههبل ..

سلطانه جلست على الارض قبالها : آبي آضمممك مو مصدقه ..

ضمتها لحضنها ..

كادي : أبي محمد

صديقاتها يناظرونها هالبنت فيها شي ..

: والله بجد آبيييه لما آفرح بشي أحبه يكون قبالي ..

مسكت خدود رتيل : عشاكم الليلة علي في آفخم مطاعم الرياض ..

رتيل تمسح دموعها وتبتسم : خلاص أبي طارق

كادي ضربتها : غصب عنك من الصبح مو أنا آم الشله خلاص قررت..

ضحكوا صديقاتها ..

الجوري : اللهم لك الحمد حتى ترضى ولك الحمد أذا رضيت ولك الحمد بعد الرضى ..

رتيل : بجد يارب لك الحمد ..

الجوهره : كلمي آهلك بلغيهم ..

: لا أبي آضل نفس حالي قبل آبي اشوف شلون يناظرون لي ..

الجوهره : ليييه عاد حرام قولي لهم خاصة أخوانك ..

: لالا خليني آشوف شلون تصرفاتهم معي وحتى طارق آشوف يتمسك فيني أو لا ..

سلطانه : لاتخافين هو ميت فيك ..

: لو هو يحبني شوي أنا ميته فييه .. (بـ راحه نفسيه فضيعه) أنا فرحااااانه ي بنات ..

لمار : يارب لك الحمد ..

كادي وقفت : كل وحده تكلم زوجها أو ترسل له مسج لو مايرد وتقول الليلة بعد ينساها .. لاننا راح نطلع ندج دجه م سويتها وأنا عزابيه

ضحكت سلطانه : آجل عزابييه ..

كادي تضحك : آيييه .. يلا قوموا ..

جور وريتو حبايبي زواج راح تتزوجون مو تظلون مثل البيت الوقف خاصة الجوري ..

رتيل حاطه راسها على الجوري وعيال صديقاتها بحضنها : بجد جوري فهد الكل يمدحه .. وش راح تستفيدين من الرفض ؟

لو رفضتي ووصل الخبر لاهلك راح يقولون باقي تبي سطام ..

الجوهره : صادقه ريتو .. فهد ماشاءالله ولاقوة الابه م يحتاج حتى تفكير في الرفض ..

كادي تدور جوالها : مين قال راح ترفض موب كيفها فهد م ينرفض ..

الجوري : بنات كرهت الرجال والزواج ..

: فهد م فيه مثله راح ينسيك هالشي ..

: لا بنات ..

حذفتها سلطانه وهي تدور مع كادي للجوال : لايكثر راح آقول لـ مصعب..

:لالا احراج ..

: لا مو احراج .. – طلعت جوال كادي- كدو خذي ..

: آخخيراً ..

دقت على محمد وهي تجلس على الكنبه وصديقاتها على الارض ظلت تلعب في شعر رتيل : هلا حبيبي ..

الجوهره صوتها واطي : سبحان الله شوفوا النعومه اللي نزلت على كادي فجأه ..

ظلت تناظرهم يعني لاتضحكون وهي ميتات ضحك ..

قامت للغرفه تكلمه براحتها .. وسلطانه كلمت مصعب واستأذنت منه وعقب كلمت سعود أخوها ..

الجوهره : متأكده نايم م يرد ..

لمار : غريبه مساعد وافق آبات الليلة بعد ..

الجوهره : الله يسخره لك ..

: آميين .. شوفي أذا خلصنا من تدخلات لافي حنا بخير ..

رتيل مسدحه على المخدات عبدالله وريتان وتضحكهم وتتكلم معها : شوفي لمور تكلمي مع مساعد بخصوص هالشي ..

:آممم قبل آمس صارت مشكلة بسيطه بسبب آخوها وحطيت شروطي والحمدلله تعدلت الاحوال ..

الجوري : حلو عشان م يتدخل ثاني مره ..

كادي جات مسرعه : ريتو تحسين على عيونك مثل الضباب ..

: آيييه ..

: طيب قومي محمد يقول نروح للمستشفى أفضل ..

رتيل خافت : لييه ؟

: عشان تنطمن ..

كادي سحبت عبايتها وعباية رتيل : يلا آلبسي لمور خلي ولدي معاك..

الجوري تأخذ عبايتها : كلمت السواق يجهز السيارة ..

سلطانه : طمنونا آوكي ..

الجوري : آوكي ..

كتبت ورقه لـ أخوها بأنها راح تطلع وبلغت آيلان بعد تقول له لو صحى..

طلعوا البنات وسلطانه نادات آيلان وسوزي يرتبون الشقه ..

الجوهره : راح آسبح عبود لان الشوكلا لاعبه في وجهه

ضحكت لمار : ي حبي له ولـ آمه ..

الجوهره : الله لايحرمنا منها آمنا ..

.

.

.

المستشفى ..

الجوري : حبينا بس تنطمن عليها ..

كادي : لان فقد البصر جاها فجأه وبعد رجع لها فجأة ..

الدكتور : فيه حالات كثيرة مثل رتيل آخرها بنت تحت العشرين جاها فقد للسمع قبل 3 آشهر بشكل مفاجئ وقبل كم يوم رجع لها كانت نايمه وتسمع صوت خفيف في الغرفه وسبحان الله تفاجأت بأنه الصوت رجع لها – القصه واقعيه-

كادي : سبحان الله .. يعني رجوع النظر مو شي مؤقت ؟

: لالا ..أهم شي تحافظ على نفسها أكثر ..

رتيل : آوكي ..

.

.

.

الليل ..

أحد فنادق الرياض

جناحهم ..

تذكر ليلة زواجه وكيف كان فرحان والليلة العكس تماماً .. هالمره اُجبر على التوقيع بـ فعل آمه وضغطها عليه للزواج .. كل شي دين رجع له

طلاق وغصب عنه طلق رتيل مثل م طلقها من طارق ..

تعب تعبان بشكل لايعقل يكافح المرض وعايش على المهدئات مثل عيشه رتيل تماماً ..

أخته للحين تعيش بـ عزله عن الجميع حتى زواجه رفضت تحضره..

م حب زوجته الحالية ولاتقبلها .. سبحان الله رتيل م كانت تبيه والحين هو م يبي هذي حاس بضيق نفس ضيقة رتيل لما كانت معاه منه ..

: ندى ..خذي راحتك أي شي تبينه آطلبيه الليلة تعبان شوي ..

: خذ راحتك ..

ابتسم بـ آمتنان لها وأخذ العلاج ظلت تناظره وهي يأخذ الحبوب ..بحيا: عساف ..

لف لها : سمي

: سم الله عدوك .. تعبان ؟

ابتسم : مرهق شوي ..ندى آسف لاني م قدرت آسهر معاك وتكون ليلة مثل م تبين بس تعبان ..

: خذ راحتك ..

تركت الغرفه وطلعت .. وهي انسدح على السرير يحس بتعب فضيع..شوي أخذت الحبوب مفعولها ونام ..

.

.

.

عقب عدة آيام

شقة الجوري ..

وهي تناظر صديقاتها : أخواني كلهم داخل ومصعب آحراج آدخل ..وحتى ماله داعي شوفه شرعيه ..

رتيل : خذي نفس لداخل وطلعيه ..

طبقت الحركه ..

:يلا روحي لـ أخوك ينتظرك ..

آمها تناظرها ومبتسمه ..

دخلوا البنات كلهم ..

نياف : لاتخافين م فيه غريب ..

مسك كفها ودخلت ..

ابتسم فهد وهو يناظره سألها عن أخبارها وكانت الاجوبة مختصره منها..ظل يسمي عليها بداخله إلين طلعت وفيه آبتسامه وهو يتذكر كلام آسيل عن جمالها ..

تكلم مع أخوانها وآتفق على آغلب التفاصيل ..

نياف : أنا وليها .. أبوها عنده شغل ووكلني ..

ابتسم فهد : ونعم فيك .. خلاص أجل بكره نملك الصباح في المحكمه..

مصعب : الله الله فيها ي فهد تراها نورنا و ويشهد الله آنها درة ..

ابتسم : الله يقدرني وأكون عند حسن الظن ..

مشعل : وهذا عشمنا ي النسيب ..

ابتسم لهم

استأذن منهم وطلع ..

مشعل رفع يدينه للسما : عقبببالي ياااارب ..

مصعب : تزوج ..

ضحك : شوف آفكر آتزوج بس لاجيت للجد آتراجع تو عمري 25 وشو له العرس والشقى ..

مصعب : الزواج استقرار ..

نياف : ذا وجهه آستقرار لاخل بنات الناس ببيوت آهلهم عن ذا المطفوق..

ضحك مصعب : طايح أنت بالحيل من عينه

مشعل : لاحظت ..

عند البنات

الجوري : عادي واضح عليه حبوب بس احراج ..

آمها : الله يوفقك ويسعدك ..

ابتسمت لـ آمها ..

كادي : باقي رتيل بس ..

ابتسمت ..

آم الجوري : الله يكتب لها الزوج الصالح ..

كادي : موجود ي خالتي بس كم شغله تخلص ويملكون ..

: ماشاء الله تبارك الله .. الله يوفقك ي بنتي ..

شذى (أخت الجوري) : جوري ترى م معنا وقت ابداً لازم تجهزين..

سلطانه : عسكرنا في مولات الرياض كم يوم وخلصنا ..

شذى : م شاء الله عليكم .. طيب الكوفيره والزفه ؟

لمار : حجزنا كل شي .. المهم راح آطلع مع أخوي لبيتنا وبكرة راح آمرك ..

كادي ناظرت جوالها : محمد تحت ينتظرني حتى عبود مع جداني..

باست الجوري هي ولمار : مبببروك قلبي ..

وطلعوا لمار لاخوها وكادي لـ محمد

.

.

.

سيارة محمد ..

أول م ركبت سألته عن عبدالله : عسى م زعج جداني ؟

: لا مع خالي الوليد الرجال فلها ..

ضحكت : فديته ..

: فديت آمه اللي وحششتني بشكل م تتخيله .. كادي صديقاتك لهم كل آهتمامك ومحمد ..!

: له عيوني وقلبي وكلي ..

: م بي حكي ..

ابتسمت : شكل محد يغار من صديقاتي ؟

ابتسم وبجدية : لا م آغار هم صديقاتك ولهم الحق خاصة بإني عارف من قبل زواجنا صلتك القوية فيهم بس محتاج لك ..

يتبع ,,,,

👇👇👇

تعديل المقال