رواية افهم ترانا لايقين لبعضنا كنك نهائي الكأس وانا هلالي -7
خالد بخوف :خير ليش انتم هنا ..؟؟
سعود بجديه:يله على السياره اللي تحت..
تجمعت الخدامات عليه وشالوه وهو يصرخ ويتوعد في سعود اللي يضحك عليه
نزلوا واتجهوا لسياره سعود وركبوه باالقوه
سعود وهو يطالع الخدامات بأبتسامه ثانكيو ثاانكيواااا فتح باب السياره وركب
خالد: يعني زين كذا تفشلني عند هاالخدم
سعود:مافشلتك بلعكس وسعت صدرهم تلقاهم من زمان يتمنونك
خالد :والله لو ماني تعبان كان شفت شي ماشفته ياقليل الادب
سعود :ههههه طيب وين نروح لاي مستشفى اوديك
خالد:اي مستشفى
سعود:مدري عنكم ياالاغنياء عندكم مستشفيات خاصه
خالد: لاانا متواضع ماتهمني هاالاشياء
سعود:اي العب على غيري
.................................................. .......
الثلاثاء الساعه 6.54المغرب ..
بأرتباك دخل على اخوه حمد اللي جالس في المجلس
سامي :سلام ابو نواف
حمد يرفع عينه من الجريده :هلا وغلا
سامي :حمد عندي موضوع ولازم افاتحك فيه اليوم
حمد يحط الجريده على جنب :خير سامي ايش صار
سامي :(علم حمد باالسالفه كلها)
حمد بصدمه:وملكت عليها..؟؟؟؟
سامي :هذا اللي صار
حمد :لاحول ولاقوه الابالله وليش ماخليتني اتفاهم مع الرجال يعني ابخليك تتزوج وانت ماكونت نفسك
سامي : خلاص ياحمد جزاي واباخذه الحين بعد بكره ابروح اخذها
حمد بعصبيه:شفيك انت مخلي الزواج لعبه ايش اللي بتاخذها بكره
ساره دخلت وبيدها القهوه
سامي سكت مايبي يصدم ساره
ساره بأبتسامه بينكم اسرار نطلع..؟
حمد: عمك هاالخبل متملك وبعد بكره زواجه
ساره بصدمه:ايش متملك
سامي :ساره بعدين اتفاهم معك بهالشي بس ابعلمكم اني بعد بكره اخذها ولاادري وين احطها فيه
حمد : خلني اتفاهم مع الرجال
سامي :خلاص تملكت مافي كلامك فايده معه
حمد: طيب اجل الزواج لبعدين
سامي :اخوها شيطان ياحمد ماابي اظلم البنت زياده لو خليتها اكثر بين ايديه بيذبحها
حمد وهو مب مستوعب : انا ماني راضي بزواجك منها طلاقها اذا كان اهلها بايعينها عليك باالرخيص
سامي متضايق وصوته مرتفع: حمد انا حطيت عندكم خبر وهذا الشي غصب عني اذا بتجي معي يوم الخميس حياك ولاتخاف ابدور لي وظيفه بسيطه اقدر اصرف عليها وباخذ شقه
اسكن فيها لين ربي يفرجها (وطلع من المكان)
ساره مو فاهمه شي :يبى فهمني شصاير..؟
حمد قام بضيق:وخري عن وجهي انتي وهاالمجنون (طلع )
ساره تايها :شسالفه؟؟
......................................
هديل تصك باب الشارع بعد مااخذت الكيس من ولد اخو صديقتها الصغير ركضت لفوق قبل لايشوفها عماد
فتحت غرفه عهد وهي تلهث من الركض
عهد:شفيك..؟
هديل ترفع الكيس بأبتسامه:الفستان ..
عهد تطالع الكيس بحزن وسكتت
هديل تجلس جنب عهد وتبوس خدها:عهد ماعليك ابخليك قمر في ليله عرسك واذا على ملابسك ابعطيك ملابسي في عندي جديده صح اني دبه بس ملابسي
بتصير حلوه عليك
عهد تتنهد وتقوم بضيق:لاتشيلين همي هديل خلاص اجلس معه كم يوم وارجع لك
هديل:كيف تتطلقين يعني..
عهد تهز راسها ودموعها على خدها..
هديل :خبله انتي يعني بظنك عماد بيرحمك بعدها ..!!
قامت هديل تسحب الفستان وتوريه عهد:شرايك باالذوق عاد عليك بتطلعين قمر ..
عهد عينها على الفستان تطالعه بصمت
هديل بأبتسامه :وجبت لك شي حلو بعد( فتحت الكيس الثاني) صندوق شكله انيق وبداخله قميص نوم طويل لونه سكري
عهد كشرت واحمرت خدودها:هديل ايش هذا؟؟؟
هديل بضحك:وصيت رنيم الفستان قالت اختي بترسل هديه حلوه لعهد شرايك..؟؟
عهد تلف راسها:بس ياهديل لاتحرجيني وبعدين انتي صغيره على الحركات وانا ماابي البسه رجعيه لاخت صديقتك مع اني عارفه انك انتي اللي موصيتها
تشتريه..!!
هديل :انتي غبيه غبيه وانا ماراح امشيك على رايك
.....................................
فتحت جوالها وباست صوره ولدها اللي خلفيه جوالها فتحت على قائمه الاسماء
بدت تدق على ساره مشتاقه لها لحد هنا يكفي
لاكن ماردت انقطع الخط ..
ضغطت على رقم ريم ..
ريم بصرخه :منوووووووووووووووووووووووووووووووور
منار بضحكه خفيفه:اح اذني
ريم بضيق :زعلاااانه منك حيل حيل
منار :ادري والله ريوم بس ياليت تعذريني
ريم :منار انا صديقتك اللي يصبيك يصيبني ليش صوتك كذا فيك شي
منار تحاول تخلي صوتها طبيعي:لا الحمدالله مافي شي بس يمكن من الشوق
ريم :يابعد قلبي منور لازم نشوفك
منار:تقدرين تطلعين اليوم
ريم :لا والله مااقدر تعالي للبيت عندي واخلي ساره تجي رجيتك منار علشان خاطر قلبي اللي يحبك
منار خانقتها العبره:طيب احاول اجيك بعد العشاء
ريم بفرحه:صدق والله ابطير من الفرح
منار: ابأكد عليك بعد العشاء
ريم :طيب طيب انتظرك ترى ابحط الجوال عند اذني لين تدقين مره ثانيه
منار:ههه طيب حبيبتي يله اخليك الحين..
.................................................. ................
بعد تحقيقات وضغوط على محمود اعترف بكل شي واعترف بأسامي كل اللي معه باالحدث
كان مايعرف الا اسم طلال وبندر
الكامل اما ابو جهاد وجماعته مايعرف الااساميهم
تجمعت خمس دوريات حول الاستراحه يراقبونها من بعيد بعد اوامر من العقيد ماهر.. لحد مايجيه الامر بتفتيشها ..
اما طلال مازال في العنايه تحت رقابه مشدده من الشرط بعد مابلغ عليه محمود ..
قامت ريم من مكتبها ونزلت تحت تعطي امها خبر
مرت على غرفه الضيوف وشغلت المكيف وبخرتها
ندى :ايش عندك ..
ريم بفرحه :يمكن منار تجي
ندى :صدق والله احلى خبر
ريم :طيب ابروح اتجهز وانتي دوري حلا سهل وصلحيه لنا
ندى :طيب
دخلت غرفتها وطلعت روبها واستعدت تتحمم سمعت رساله ركضت تفتحها تظن انها من منار
(مو من طبعي أسرح وأفكر..
........لكن حبك خلق فيني التفكير ..<المرسل تولين(سعود)
(ريم ماقدرت تغير اسمه لان كثير يدق ماتبي احد ينتبه ففضلت تخلي اسم تولين اضمن لها)
ناظرت الرساله بأحتقار ودخلت تحمم
.................................................. .
بيده الجوال يرسل لريم جاه اتصال من منار
سعود: نعم منار
منار منحرجه:سعود ماابي اكلف عليك لاكن ابي منك طلب
سعود: تحت امرك
منار بتردد:ابي ازور صديقتي ريم
سعود حس بدوخه لما جابت طاريها: متى
منار:اذا كنت فاضي بعد العشاء
سعود بفرحه بس يخفيها:خلاص بعد العشاء امرك
منار:مشكور مع السلامه
سعود حس ان الدنيا ابتسمت له معقوله بيروح اليوم لبيت ريم
ماجاء على باله ابد (دخل للبيت والابتسامه على وجهه)
لمياء : سعود جابك الله
سعود :امري يابعد قلبي وحياتي انتي
لمياء بأستغراب :شفيك..؟
سعود:مافيني شي سبحان الله ناس ماتعودوا على الكلام الحلو
لمياء:ههه ماتعودت منك اكيد فيه سر اليوم
سعود :اه ياقلبي لايوقف اسكتي بس
لمياء:لاعاد جد فرحني شكلك مبسوط ولا علشان ملكتك بعد اسبوع
سعود: ماشريتي فستان للملكه
لمياء بأستغراب:سعود وافقت على نوف ..؟
سعود: انتم خليتو لي فرصه اوفق او لا ..؟
لمياء: انت ساكت ماعارضت
سعود: لمياء عجزت مع امي كم مره لاكنها تضيق حتى اليوم ماحطت عينها بعيني ضايقه مني يله انا بروح البس وراي مشوار..
...............................................
ريم عند المرايا تمشط شعرها وتعدل مكياجها الخفيف يزيد من حلاوتها استغربت من ساره اللي ماترد رجعت تحاول الاتصال بها
ساره :هلا ريوم.
ريم:سوسو وينك؟
ساره :مع امي انشغلت شوي
ريم :عندي لك بشاره منار بتجي بعد شوي
ساره بفرحه:جد والله..؟ فرحت لما شفت مكالمتها مع ان كان سامي مضيق صدري
ريم:ليش
ساره:ريم سامي زواجه بعد بكره
ريم بتكذيب:من جدك ؟؟؟؟؟!!!.
ساره بأستعجال :لاجيتك بعلمك بساالفته الغريبه..
.................................................. ..
منار تكلم ريم اللي توصف لها البيت وريم ماتخلي حركاتها ومزحها وهذا يزيد من ضحكات منار
سعود مرجع راسه لوراء وهو يسوق السياره يتمنى لو يسمع صوتها مشتاق لها.باالحيل فتح جواله وارسلها
( إربط حزامك | حبيبي . باخذك منهم . و أطيير
تصدق إني .. طول عمري ما أحب إلا الصعب
أعترف " مجنون " في حُبك رغم عقلي الكبير.
فجأة من الله " أحبك " بليا أفعال و سبب . )
منارتطالع الطريق تتأكد: ايه خلاص وصلنا لحارتكم
سعود وهو يحفظ المكان زين :اي بيت فيهم..؟
منار:البيت البيج ..
وقف سعود مسافه بعيده شوي بعد ماطلبت منه منار مايبي يحرجها
نزلت منار وهو يراقبها :انفتح باب البيت ودخلت (تنهد بقوه وعينه على الباب)حرك سيارته لبعيد..يطلع من الحاره
نهايه البارت
البارت الجاي يوم الخميس
البارت الحادي عشر
الخميس ..الصباح الساعه 10
ماتدري ليش هيله اليوم تجي على بالها كثير وهي ماتحب طاريها
رفعت غطاء القدر وحرق يدها :اح اففف منك ياهيله ماكفاني شرك وحتى وانتي بعيده
ندى : يمه شفيك تكلمين نفسك
ام ياسر تغطي القدر وهي تفرك مكان الحرق ماردت على ندى ..
ندى تقرب من امها تساعدها وبحزن:يمه لحد الحين تفكرين فيها ؟
ام ياسر :اللي سوته ياندى ماهو صغير علشان انساها بها السهوله
ريم تدخل عليهم : سكتت ندى وام ياسر
ريم : شفيكم وجيهكم متغيره ..
ندى تمد الصحن لريم :وديه للغرفه وخلي اللقافه عنك
ريم بشك : انتم ياالثنتين فيه اسرار بينكم وانا مدري ومصيري اعرف
ندى تضحك:مب من صالحك تعرفين ههه
ريم طلعت تودي الصحن ودخلت على ياسر
حطت الصحن على الطاوله بدون كلام
ياسر: بسم الله شوي شوي على الصحن ياالعربجيه
ريم :والله هاالصحن المفروض اكسره على راس اختك
ندى تدخل :ههه سبحان الله الملاقيف بيموتون لافاتهم شي
ريم تطنش ندى: ياسر بعد الفطور ابطلع للمول مع ساره وابيك تودينا
ياسر فرح بطاري ساره: من عيوني
ندى : غبيه مالقت تشتري الفستان الا اليوم
ريم : امها رافضه انها تحضر عرس سامي دام ابوها رافض بعدين وافقت
ياسر:خلاص ان شاءالله
(في بيت ابو يوسف)
يوسف مع امه في غرفتها
ام يوسف بضيق تشتكي ليوسف وبحضنها مازن :هاالولد صغير ولايعرف مصلحته
يوسف :يمه لاتضيقن نفسك ابتكلم معه
ام يوسف :ماني راضيه عليه الا لمن ييوافق على نوف شيخه البنات عطينا الناس كلمه ولاابي افشل نفسي مع
امي واختي
يوسف يوقف :خلاص بروح اتفاهم وياه
طلع من غرفه امه ودخل على سعود لقاه نايم( صكر الباب وخلا الموضوع يتكلم فيه بعدين
قرب من غرفه لمياء طق الباب ودخل
لمياء بأبتسامه:هلا بالغالي متى جيت؟
يوسف يجلس على السرير: توني جاي امي مكلمتني تبيني بموضوع سعود وجيت؟
لمياء بضيق: الله يهديها امي مب كل شي غصب..
يوسف : ليش انتي بصف سعود بعد.!؟
لمياء : لابس كل واحد ياخذ الشخص اللي يريحه اول كنت ابيه ياخذ نوف بس هو رافض باالمره اخاف يظلم
نوف معه
يوسف : اتفاهم معه ويصير خير ان شاءالله
لمياء: وين زوجتك.؟
يوسف :ماجت جيت انا ومازن بس
لمياء توقف :مزوون وينه حبيب عمته ؟
يوسف بأبتسامه :مع امي ليش واقفه اجلسي كملي مذاكرتك
لمياء: لا خلها مره وحده مع نوف تجي اليوم واذا كر معها..
وصــل يـآسر للمول نزلت ساره وبقى ريم توها بتنزل
ياسر: ريم انزل معكم..؟
ريم بأبتسامه: ليش تستأذن بأدب.؟
ياسر :بس علشان اصير برستيج عند ساره
ريم :ههه عاد ساره نازله ماتسمعك يله ننزل..
نزل ياسر وقفل الباب بعدها اتجه لساره وريم اللي ينتظرونه..
تقدم ياسر ومشت ريم وراه
ريم بهمس لساره :حاسه ان بعض الناس حاطين عينهم عليك..؟
ساره تتلفت لوراء :من..؟
ريم بضحك عالي :خبله وعلى نياتك اقصد اللي قداام(تأشر على ياسر)
ساره بحياء تدف ريم:اقول تقلعي هناك..
ريم تضحك على ساره ودخلوا المول
ياسر وقف :ريم انا بخليكم الحين اذا خلصتوا دقو علي
ريم تمسك يد ساره :طيب يله ساره ..
تمشى في السوق لمح له محل فساتين
دخل وهو يتخيل له شي يصلح لساره
لمح له فستان احمر موديله ناعم وراقي مره قرب يدقق فيه
رفع جواله يدق على ريم
ريم مشغوله مع ساره تحوس لها على فستان ..
ريم :هلاياسر
ياسر:ريم لقيتوا فستان..
ريم :لا والله لحد الحين احوس
ياسر وهو خايف ان ريم تشك :طيب في محل هنا دخلت فيه باالصدفه حلوه فساتينه وفي فستان حلو تعالوا
ريم ماسكه ضحكتها وبداخلها مكشوفه ياياسر:خلاص دقايق واكون عندك
لفت تدور على ساره مالقتها راحت جهه اليمين تدور عليها
...ساره هنا وانا ادور عليك
ساره تأشر على الفستان المعروض :ريم شرايك بهذا خقيت عليه
ريم :حلو لاكن تعالي ياسر يقول في محل فيه فساتين حلوه رفعت ريم تدور اسم المحل اللي قاله ياسر
ايوه هذا (صار نفس المحل اللي واقفين عنده ) دخلت ريم تدور ياسر
:ها ياسر وين الفستان اللي تو قلت عليه
ياسر يطلب من صاحب المحل يطلعه
ريم :واااو هذا اللي عاجب ساره من تو واقفه عنده(رفعت راسها لساره وقربت منها)
ريم:اها صار في تشابه اذواق
ساره :هذا نفس المعروض
ريم بضحكه خبيثه: اخوي عنده ذوق مثل ذوقك
ساره بحياء:بس يادبه
ريم راحت لياسر :ايوه هذا عاجبها
ياسر:خلاص ابحاسب عليه انا
ريم :طيب خلي اجيب مقاسها
دفع ياسر الحساب وكان الفستان ب3000 خذا الكيس وسلمها لريم ساره كانت مب راضيه يحاسب لاكن كان
مصر
طلعوا من المول وياسر فرحان بداخله ان ساره بتلبس شي منه..
سامي فتح عيونه بخوف التفت على راكان اللي توه قايم
سامي:مسرع جاء الخميس..؟
راكان:ههه علشانك ماتبيه يجي جاء بسرعه
قام سامي بكسل وهو يتثاوب :كم الساعه..؟
راكان يطالع ساعته:11
سامي :يوه لازم اطلع اخلص اشغالي
راكان : خلاص انا بجيب عمال ينظفون الشقه وبخليها تلمع
سامي بابتسامه شكر :الله يخليك لي ولايصدمني فيك مثل طلال
راكان: طلال ضل الطريق لافاق من غفلته ندم
سامي اللي كان نايم عند صديقه من اللي صار معه مع اخوه حمد رجع يناقشه في الموضوع مره ثانيه لاكن
ضايق منه وملزم عليه يطلقها ولاهو متكلف في
بنت الناس اذا كان اهلها مايبونها صار نقاش سقيم بينهم طلع من البيت ضايق ولارجع له ..
قام لبس ثوبه واستعد يطلع للبيت دخل داخل متجه لغرفه ساره
ساره تفتح الكيس الفستان جلست تطالع السعر وه فشله خليته يدفع هاالمبلغ
بس والله هو ذوق بعد جلست تتأمل الفستان بشرود
قطع شرودها صوت عند باب غرفه سامي قامت بسرعه متجهه له
فتحت الباب الاسامي واقف عند بابها في نيته يطق عليها
ساره:سامي رجعت..؟(كان معطيها خبر برساله انه عند صديقه)
سامي بأبتسامه : شخبار الحلوين.؟
ساره :سامي امي وافقت احضر زواجك تعال (مسكت يده)
دخلت غرفتها ورفعت فستانها :وشريت فستان بعد
سامي: تبين ابوك يضربني
ساره:اذا ابوي ماراح يحضر انا ابحضر هذا زواج سامي مو اي احد
سامي يحط يده على كتفها : لا ساره امتحانك السبت وبعدين ابجيبها من بيت اهلها واطلع بسرعه
ساره بحزن :تردني ياسامي
سامي :والله مافي قاعه ولاشي اباخذ البنت واجي
ساره تجلس وبيدها الفستان : كلمت عمي فهد ..؟
سامي :عطيته خبر بس اعتذر ماعنده اجازه
(فهد اخو حمد وسامي متزوج وساكن بجده بحكم عمله ماعنده عيال...)
ساره بهدوء: طيب وين بتسكن فيه ..؟
سامي :واحد من ربعي عطاني شقته اسبوع لحد ماالقى وظيفه وبيت
ساره ضاق صدرها من ابوها( لو كانت في جدتي كان مارضت سامي يصير له كذا):سامي خذ غرفتي وجناحي
كله انا ابنزل بغرفه جدتي
سامي :له له تكفي الشقه ياساره الحمدالله وياسر بيتوسط لي عند واحد يوظفني..معارفه كثير ولاراح يقصر
تنهدت ساره بضيقه : طيب ايش اسم عروستك
سامي مرت على باله عهد وابتسم: اسمها عهد
ساره بضحكه بريئه:الله حلو اسمها من كبره.؟
سامي :تصدقين مدري
ساره:ههه من جدك تخيل انها اكبر منك
سامي يتذكر شكلها وهي تركض :لا شكلها صغيره
ساره :اشوفك كل ماجبت طاريها تصرح لايكون مغرم ههه
سامي بضحكه:لا بس كل ماسألتي اجلس اتذكرها
ساره: الله يعوضك خير وتحبها وتصير تموت فيك
سامي بحزن :الله يسمع منك ..
الساعه سبع المغرب في بيت ام راشد..
لفت الروب على جسمها الناعم بعد ماخذت لها شاور رفعت راسها على المرايا وقطرات الماء على وجهها
ماتخيلت ان زواجها يتم بها الطريقه
اخذت المرطب ترطب بشرتها
قبل لاتجي سلمى اللي تأخرت ومعها خالتها السوريه تشتغل بمشغل معروف
هديل من وراء الباب:عهد سلمى وصلت..
عهد نشفت شعرها بسرعه ولبست جلست تنتظر سلمى تصعد لغرفتها
التفتت على فستان فرحها الابيض تتأمله بحزن نزلت دمعه يتيمه على خدها مسحت الدمعه ببتسامه وعدت
نفسها ماتبكي اليوم راح تقهر عماد
بأبتسامتها وفرحتها مثل ماحرق قلبها بشكوكه (تمنت ان ابوها يوقف بجنبها لاكن عاشت يتيمه وابوها حي)
:عهوووده افتحي
قامت عهد بأستعجال تفتح الباب لسلمى :
سلمى تبوس عهد:اهلين بالغاليه ان شاءالله بخير
دخلت ماري وراها :اهلين بأحلى عرووووس
(عهد منزله راسها )
ماري :شو شو مابدي اشوووف امووره زعلانه تعالي هون حبيبتي راح اخلي زوجك يموت عليكي اليوم
جلست عهد على الكرسي وسلمت نفسها لماري وبداخلها تشكر سلمى وهديل على وقفتهم معها..
العشاء .
بيده بياله الشاهي واليد الثانيه جواله ..يضغط فيه
دخلت عفاف :سعود في واحد يبيك عند الباب
سعود يحط البياله ويوقف: من حاتم ..؟
عفاف وهي طالعه: اي
طلع سعود من غرفته وخلى جواله على الطاوله في الغرفه
نوف بغرفه لمياء ترمي الكتاب بملل:خلاص لمو مليت خلينا ننزل تحت شوي نغير جو
لمياء تحط الكتاب :يله
طلعت من غرفتها وهي في الممر تسمع صوت جوال سعود
لمياء وقفت :لحظه نوف بشوف سعود هنا ولا.؟
فتحت لمياء الغرفه وبعدها صكرتها..
نوف بفضول :موجود..؟
لمياء وهي تنزل :لا شكله طالع وناسي جوال مثل العاده..
دخلت المطبخ ومعها نوف طلعت كوبين تصلح لهم موكا بارده
نوف تسحب الكرسي وتجلس وهي تفكر (جاء على بالها منار اللي شاكه ان بينها وبين سعود علاقه ولازم تتأكد
بأي طريقه )
وقفت نوف طاالعه
لمياء :وين رايحه .نوفه؟
نوف:بروح الحمام واجي..
طلعت وصعدت الدرج تمشي بخطوات سريعه قبل لاتكشفها لمياء فتحت غرفه سعود تقدمت بتوتر عند الكنب
مدت يدها على الجوال وفتحت على الرسائل
تقرى الرسايل وتشوف رسايل ريم اللي مغير اسمها بلقب ( غلاك يكفيني) وهي مصدومه
سعود ودع حاتم بعد مااخذ منه جهازه اللابتوب رقى فوق لغرفته لقاها مفتوحه دخلها بهدوء انصدم بوجود
نووف...؟؟؟؟
ام راشد بيدها المدخن ملت البيت بزغاريدها لما شافت عهد نازله من الدرج وعليها الفستان مثل الجوري
الفاتنه بشعرها البني اللي مسويه فيه تسريحه
ناعمه ومكياجها مخليها ملكه جمال وريحه عطرها تسبقها
ضمت بنتها وهي تقرا عليها وتدعي من قلب لها
هديل :لابسه فستان فوشي طالعه نعومه شاركت اختها باالفرحه بشريط الطق ..
جلست عهد على الكنب وهي تبتسم على سلمى وماري اللي يرقصون
دبكه شاميه ..وهديل تحاول بس ماعرفت
جلست هديل جنب عهد وهي تلهث بتعب : اف منهم مايتعبون وهم يرقصون هاالدبكه
عهد بضحك :هذي ضريبه السمنه
هديل:بس عاد انا جسمي ريان الكل يتمناه ههه
قامت هديل للمطبخ وطلعت الكيك والعصيرات
ام ياسر تكلم جاسم من الاردن ...
..اهم شي ياحبيبي تنتبه لدراستك وتفرحني بشهادتك
جاسم:ابشري ياالغاليه سلميني على اخواني كلهم
ام ياسر :طيب ياحبيبي وانتبه لنفسك
جاسم:في امان الله
ام ياسر:يحفظك ربي
ريم تجلس بجنب امها وكتابها بيدها ..
ام ياسر :يسلم عليك جاسم
ريم بشوق :جسوم والله اشتقنا له باالحيل ليتك يمه ناديتيني احاكيه
ام ياسر :مابغيت اطول عليه .. شخبار ساره استعدت لزواج
ريم :شرينا الفستان يجنن يمه بس خساره سامي رافض يقول مافي قاعه ولاحاجه بس اخذ عروستي واطلع
ام ياسر: الله يعوضه خير ويوفقه يابنتي
ريم :امين يااارب..
نوف متجمده بمكانها من نظرات سعود لها ..
سعود بأستغراب:نوف..؟
نوف ارتبكت وتحركت تطلع من الغرفه
سعود رجع لوراء وسد الباب بجسمه:ايش تسوين بغرفتي..؟
تجمعت الدموع بعينها وبرجاء:وخر عني ابطلع
سعود بنظره استفسار:ليش كنتي ماسكه جوالي ..؟
نزلت راسها وبعدها صارت تبكي بصوت مخنوق: مااتشرف بواحد يخطبني وهو يحب له بنت شوارع
سعود انصدم نزل يده من الباب
طلعت من الغرفه وهي تركض لبرا ..اتجه لجوال وخذاه بيده شاف الرسايل مفتوحه ..(وعرف ايش تقصد)
دخلت نوف للغرفه رمت نفسها على سرير لمياء وهي تصيح من قلب
سعود خذى الجوال وطلع من غرفته بتردد وقف عند غرفه لمياء طق الباب بخفيف :نوف؟
نوف وقفت من البكاء وهي تسمع صوت سعود ..
سعود :نوف ابقولك شي اتمنى تفهميني..؟
نوف ركضت لوراء الباب تسمع سعود
سعود:نوف بكون معك صريح ترضين تتزوجين واحد ويظلمك ولايقدرك..
نوف ساكته تسمع ودموعها على خدها
سعود يقرب اكثر عند الباب :ادري انك تسمعيني.. نوف الله يرزقك بواحد يحبك ويسعدك غيري ماابيك تتعلقين
فيني هاالكثر لاني ماارضى اني ازعل بنت خالتي
بحسبه اختي واظلمها بعدين (رجع لوراء ونزل عند الدرج)
نوف انهارت على الارض وهي تصيح وبصوت عالي
سعود يسمع صياحها (حزن بداخله) لاكن لازم ينهي هاالشي معها ..
تجهز سامي وراكان وياسر وراح كل واحد بسيارته لبيت (ام راشد)
وصلوا للبيت اللي مظلم مافيه الانور واحد بس ولاكأن بنتهم بتنزف اليوم ..
نزل ياسر يدق جرس البيت بعدها نزل سامي وراكان ..
(سامي لابس الثوب الابيض والغتره البيضاء والبشت الاسود مخلي شكله كشخه وريحه العود تفوح منه )
فتح الباب عماد اللي كان لابس قميص البيت محتقر سامي بأستقباله بهااللبس
اما( راشد) من بعد مادرى عن اخته صار غيباته عن البيت كثير ولاحضر الليله البيت..
ياسر حاقد على عماد وبلهجه فيها احتقار : انت اخو العروسه..؟
عماد والزقاره بفمه التفت على سامي:ليش جايب دشيرك معك ..؟
سامي بضيق وبداخله (يصير خير ياعماد خلي اخذ اختك باالاول) : هم هلي ولامو من حقهم يحضرون العرس..
عماد بأبتسامه احتقار:ادخل خذ زبالتك ولاعاد اشوف رقعه وجهك انت وهي وهلك ينتظرونك بررا مالهم مقعد
داخل البيت..
ياسر وده ينهي هالشخص من الحياه بس مايبي المشاكل :خلاص سامي ادخل وانا بنتظرك برا
تنهد سامي بضيق وانقلب وجه اسود من حقده على عماد دخل داخل وانتظر في المجلس..
عهد مثل الملاك جالسه باالغرفه لحالها بعد ماطلعوا اهلها علشان يدخل (سامي )اما سلمى وماري راحو البيت
بعد ماطردهم عماد
فتح عماد الباب وعينه على عهد (بنظره قويه ..)
عهد حاولت تتمالك نفسها وكأنها مايهمها وجوده..
قرب عماد لها وبصوت كله قساوه:اشوفك تتبسمين اليوم وفرحانه انك بتنزفين لعشيق القلب؟!!
عهد بعدت عنه بخوف ..عماد يقرب اكثر لها :كم مره نمتي معه ..؟!!!!!!!!!
عهد حست رجفه بجسمها من الصدمه وبصرخه اعطته كف من غير شعور: وخر عني ياحمار انا اشرف منك
ومن خوياتك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك