رواية افهم ترانا لايقين لبعضنا كنك نهائي الكأس وانا هلالي -8
بعد ماطردهم عماد
فتح عماد الباب وعينه على عهد (بنظره قويه ..)
عهد حاولت تتمالك نفسها وكأنها مايهمها وجوده..
قرب عماد لها وبصوت كله قساوه:اشوفك تتبسمين اليوم وفرحانه انك بتنزفين لعشيق القلب؟!!
عهد بعدت عنه بخوف ..عماد يقرب اكثر لها :كم مره نمتي معه ..؟!!!!!!!!!
عهد حست رجفه بجسمها من الصدمه وبصرخه اعطته كف من غير شعور: وخر عني ياحمار انا اشرف منك
ومن خوياتك ..
عماد وقف مسك شعرها بقوه وسحبه كأنه بتقطع من عروقه (صاحت عهد بألم )
هديل كانت قريبه من الغرفه تدعي لاختها سمعت صراخها
ركضت للغرفه وفتحت الباب (كان عماد يضرب عهد بقسوه)
هديل بصراخ:عمااد وخر عنها ياكلب0 قربت يدها الصغيره تجر ثوبه من وراء يبعد عنها )
ام راشد تدخل الغرفه يدها على راسها:ياربي ياربي خل اختـــــــــــــك وخرررر عنها
عماد يحط رجله على وجه عهد اللي تنزف اسنانها دم :هذي ابموتها اليوم ابدفنها
هديل تصرخ وتصيح تجره لاكن كان اقوى منها : ركضت من غير شعور لسامي باالمجلس
سامي باالمجلس رفع ساعته الساعه 9:30 (افف شفيه هذا راح وجلس سنه )
تفاجأ بدخوول هديل فتح عيونه بقوه على شكل هديل اللي تبكي
هديل بصوت متقطع من البكاء: بيموتها (تأشر لمكان بعيد)
سامي يوقف موفاهم شي ..؟؟
هديل ضاع االكلام منها:عماد عهد عماد
سامي قرصه قلبه لما ذكرت اسم عهد وعماد:(ركض وراها )
دخل للغرفه التفت على عماد اللي يضرب امه التفتت للجهه الثانيه شاف عهد على الارض
قرب بحقد عند عماد ومسكه بقوه مع كتفه :انت حيوان وكلب ماعندك احساس..؟
عماد بصراخ :وخر يدك لااطلعك من هنا للقبر
سامي بجديه :الزم حدك لحد هنا يكفي ..؟؟
استغلت ام راشد وجود سامي قربت لعهد اللي على الارض تتألم خربت تسريحتها وسال كحلها من دموعها :
قومي يابنتي قومي ليذبحك؟؟
نزلت لمستواها تحاول توقفها على كتفها طلعت بسرعه للصاله خلتها تتسند على الكنب
هديل تجيب المناديل تمسح الدم اللي ينزف من فم عهد
(عهد عيونها للسقف بشرود ودموعها تنزل على خدها بصمت)
ام راشد تصيح وهي تشوف شكل بنتها ضمتها:خلاص يابنتي الله ياخذ اخوك ويفكنا منه يارب ..
صراخ سامي وعماد واصل للصاله ..؟؟
هديل بخوف :يمه بيموت الرجال..؟
ام راشد توقف :لاحول ولاقوه الابالله مدت يدها على شرشف الصلاه وتتجه للباب الخارجي
هديل :يمه وين تروحين..؟
ام راشد وهي خايفه:ابدور احد في الشارع يجي يفك هاالرجاجيل من بعض
طلعت ام راشد للباب شافت راكان وياسر ينتظرون سامي
ام راشد تمشي بتعب :ياعيال رفيقكم بيموته ولدي ..
ياسر بخوف التفت على راكان و ركضوا للداخل
(داخل المجلس)
قرب راكان لسامي وسحبه رح خذ زوجتك وانا ابتولى امره وياسر
سامي وكل عماد لهم و طلع للصاله
ام راشد بخوف:ياوليدي عسى ماتأذيت
سامي ببتسامه يطمن ام راشد اللي شكلها يرحم: لا خليت اخوياي يتفهمون وياه
التفت لعهد اللي على الكنب :خالتي اباخذ زوجتي واطلع الحين
قرب منها ..
سامي بحنان يحط يده على راس عهد :انتي بخير..؟
عهد غمضت عيونها وهي تشوف الجرح وجه سامي
قرب سامي اكثر وشالها قربها اكثر لصدره واتجهه للباب لحقته ام راشد بعبايه واغراض عهد
ياسر :ياعماد تعوذ من الشيطان وخل عنك هاالتصرفات
عماد: اطلعوا برا مابي اشوف هاالوجيه السود في بيتي
ياسر وراكان سحبوا نفسهم وطلعوا من البيت
ام راشد بغرفتها حاسه بتعب في قلبها
هديل تعطيها المويه والحبوب تقرى عليها
فتح عماد الباب كان مقفل
دف الباب برجله بقوه وهويحاول يفتحه
هديل عرفت انه عماد وطنشته ورجعت تكمل تلاوتها باالمصحف
نزل عماد وهو مثل الشيطان وطلع لربعه ..
لمياء واقفه عند نوف اللي بيدها عبايتها:ماصدقت يانوف كل هذا الدموع علشان بطنك يألمك
نوف وهي تاخذ شنطتها بتطلع لسواق اللي ينتظرها نزلت راسها ماتبي الكذب يبان من عينها : صدقيني تعبانه
شوي
لمياء :طيب ابحاول اصدقك ياقلبي بس ماابيك تخبين علي شي
نوف وهي تطلع :اذا فيني شي ابقولك يله باي
طلعت نوف ولمياء واقفه مستغربه ..
وصلت نوف للبيت قابلتها امها بأبتسامه :جيتي مبكر..؟ دققت في وجهها وقرصها قلبها
:نووف ايش في وجهك..؟
نوف وهي تتهرب :تعبانه شوي
دخلت لغرفتها رمت شنطتها
وبعدها حضنت المخده وسمحت لنفسها تبكي وبداخلها تقسم انها راح تتزوج سعود حتى تقهر قلب منار اللي
خذته منها (بظنها ان سعود يرسل لمنار)
لفت للجهه الثانيه تفكر لها بشي لازم تسويه ..
دخل سعود للشقه حط العشاء في المطبخ غلفه بقصدير لايبرد وازعاج الاغاني واصل لاخر الدنيا
خالد يغسل الكاس :ايش اللي معك
سعود :عشاء منار وشلون اعطيها والعيال عيونهم على الغرفه
خالد : شسوي اطردهم علشان ست الكل وبعدين ياسعود تراني صرت اتمشكل معك من تالي كله من اسبابها
سعود مايبي يناقشه وطلع .. جلس على الكنب فتح له المجله بملل
حس بأحد يجلس جنبه لف راسه لنور اللي جالسه بجنبه بفستانها الاسود لنصف الفخذ والظهر طالع
حس بقرف ورجع راسه للمجله يكمل قرايه
نور مقهوره ماقدرت تلفت انتباه سعود قربت اكثر منه
سعود رفع راسه :لااحسن تعالي اجلسي بحضني
نور :ياليت امنيتي ..
سعود:روحي يابنت ماني لم حركاتك هذي
نور بضحكه مايعه :طيب ليش جاي هنا
سعود بضيق قام وجلس على الكنب الثاني
قامت نور بدلع وراحت لحاتم ..
خالد يجلس قبال سعود
سعود:وش فيكم مستنزلين اليوم
خالد :حاسدنا ياابوي تعال معنا للمجلس
سعود :معجباتي مب مخليني على راحتي
خالد بمزح :يااخي انا لو ادري ان احد معجب فيك طردته وشو خلصوا الناس مابقى الاانت
سعود:هههه شف وراك اكبر دليل
التفت خالد لمي وسحر اللي يطالعون سعود ..:
خالد:اجل اغير وجه نظري واقول الف بنت تتمناك
سعود وقف بيطلع :يااخي انا ماابي هاالاف ابي وحده تتمناني وبس(بقصده ريم)
خالد :وين رايح اجلس
سعود:لا ماابي انكد عليك وناستك ولاتنسى عط منار العشاء
خالد:سعيدان اجلس ابطرد هاالمخفات الحين خلك جالس
سامي يفتح الباب وووراه عهد
دخل الشقه اضاءه رومنسيه وشمعات وريحه عطور ماليه المكان
ضحك وفي داخله على راكان(منت هين ياراكان)
دخلت عهد وراه بتعب من ضرب اخوها
سامي حاس فيها فتح باب غرفه النوم وبيده اغراضها حطها على الارض
قرب منها :خذي راحتك ابجيب عشاء واجي ..
دخلت الغرفه وصكت الباب فسخت العبايه قربت عند المرايا تشوف شكلها
كانت محيوسه شعرها مكياجها فستانها حزنت على حالها في عروس تصير كذا بليله زفافها جلست على السرير
تبكي بحزن
رجع سامي حط الاكل على الطاوله جلس بتعب ينتظرها طلع كيس الصيدليه فتحها وطلع قطنه
ينظف جرحه ويحط لزاق على خده رفع راسه للغرفه (تأخرت )وقف واتجهه للغرفه (فتحها )
عهد راسها على السريرمثل الطفله اليتيمه اللي محتاجه امان
سامي يطالعها بحزن
قرب منها:عهد فيك شي ..؟
عهد ماردت عليه انحرجت ترفع راسها ووجها يروع
سامي مد يده على وجهها يرفعه :عهد ردي
عهد ترجع تخبي وجهها ودموعها
سامي شدها بقوه له وتقابلت عينها بعينه غمضت عينهاو(نزلت راسها )
سامي بنبره حنونه: عهد.؟
انتبه لدموعها ضمها لصدره عهد زادت من صياحها وهي بحضنه كأنها حست باالامان معه
سامي يحرك يده على شعرها : اخوك هذا ماراح اخليه دين وراح ارده لها ماارضى احد يلمس عهودتي
عهد قلبها يدق بعد مانطق اسمها
سامي :يله ياقمر قومي بدلي ملابسك علشان ناكل
رفعت راسها من حضنه وهي منزلته كأنها ماودها يشوف حالها كذا
سامي حب يغير الجو :بس شكلنا انا وياك تحفه اللي بيشوفنا بيقول طالعين من حرب داحس والغبراء ماكنا
عرسان
عهد ابتسمت بصوت مسموع
سامي يبادلها البسمه:يله انتظرك بره ماابي اشوف دموع الحلوين
.
منطقه عجلون شمال عمان الاردن
الساعه 12 الليل ..
يقلب الاوراق ويجهز بحثه اللي بيسلمه بكره للجامعه..سمع صوت دق على بابه رفع راسه مستغرب باالعاده
محد يجيه هاالوقت وهو ساكن بحي شعبي
بعيد عن اصدقائه قام وفتح الباب
ديم 18 سنه اردنيه شعرها اشقر غامق بيضاء طويله عيونها رمادي فاتح
جاسم : نعم
ديم برجاء:معليش عمو اسفه على ازعاجك بس بدي شي اكلوه
جاسم بأستغراب توقع انها من الفقراء اللي حول الحي من شكلها: طيب انتظري دقايق
دخل خذى معلبات وحطها بكيس مع خبز وطلع لها:تفضلي
ديم :بشكرك عمو كتير
جاسم :لا عادي اذا بدك حاجه ثانيه انا باالخدمه
دخل البيت وصكر الباب وبداخله يحمدالله على النعمه ورجع يغوص في بحوثه
الجمعه ...
الظهر ..
سمعت صوت المفاتيح تدخل في الباب فزت ووقفت تستقبله
سامي ببتسامه :كيفك اليوم
عهد بحياءوهي تجلس:بخير ليش ماصحيتني
سامي يجلس بجنبها : خليتك ترتاحين شوي
عهد (سكتت )
سامي : حاسه بتعب اليوم..؟
عهد :لا الحمدالله
ببتسامه:طيب ياقمر خلينا نطلع اي مكان وبعدها نروح لساره عزمتنا تقول مسويه مفاجأه لنا بدلي لبسك علشان
نطلع
عهد وقفت :طيب ابدل لبسي (راحت للغرفه)
عينه عليها حس براحه كبيره معها وبدى قلبه يميل لها (حمد ربه قرر يعوضها بكل شي)
قام ودخل للغرفه وراها
عهد استحت من وجوده تبي تبدل لبسها
سامي حس عليها وطلع ينتظرها ..
المغرب ..
ريم مستعده للحفله اللي مسويتها ساره رفضت تخلي ريم تجي تساعدها بحكم انها متعاونه مع ناس ينسقون
الحفله واستأجرت كذا خدامه
لبست فستانها الازرق وسوت لشعرها كيرلي
ندىفتحت الباب:واااو قمر يادبه غطيتي علي
ريم تعدل مكياجها: والله انتي القمر طالعه عارضه ازياء بهاالفستان
ندى : وه استحيت
ريم :منار ماترد تمنيت انها معنا والله ..
ندى :حاولي تدقين مره ثانيه
ريم :طيب (رجعت حاولت كم مره وبعدها ردت منار)
ريم :هلا قلبي
منار:اهلين ريوم
ريم:منار اليوم انتي معزومه ضروري تجين
منار احتارت:مدري ريم اشوف الظروف بس ايش المناسبه
ريم :زواج سامي امس واليوم حفلته عازمين كل الناس
منار :اممم خلاص احاول واعطيك خبر ..
صكرت من ريم وهي محتاره ماتبي تحرج نفسها مع سعود اللي ماقصر معها
قررت تروح مع الليموزين بس احتارت ماعندها فستان تلبسه ابد
رجعت تتصل في ريم
ريم:ها فرحيني
منار:خلاص ابجي بس
ريم:مافي بس ولاحاجه
منار بأحراج:ريم ماعندي فستان
ريم رحمت منار باالحيل:يابعد قلبي تعالي انتي للبيت بسرعه واعطيك من فساتين ندى نفس جسمك
منار بحزن:خلاص ابطلع الحين جايتك..
فتحت باب الغرفه تطلع ..كانت الغرفه في الصاله قدام المجلس مكشوفه
خالد بالصاله لمح منار بعبايتها تتجه للباب:لاالظاهر البيت بيتك ماخذ الوضع سرداد مرداد
منار وقفت بخوف من اخر مره ضربها ماعاد شافته :طالعه لصاحبتي
خالد يتقدم لها ويسحب الجوال من يدها: مو كل مره تسلم الجره واذا طلعتي من الباب الحين احلمي بالرجعه
تحملتك بمافيه الكفايه
منار تتأمل عيونه بكره :انا لو لاقيه لي بيت كان ماشفت وجهي هنا
خالد بضحكه: لاتبكين ياماما في كم شقه عيال محتاجينك اعطيك عناوينهم
منار لفت راسها ورجعت لغرفتها وقفلت الباب
(اه ياربي ايش اسوي بهاالدنيا تعبت منها تعبت جلست على السرير مقهوره
خالد رمى جوالها على الكنب وجلس يكمل برنامجه
دق الجوال رفعه (المرجوجه)
خالد في داخله (هذي خويه سعود ) ههه خليني اوسع صدري عليها
خالد: هلا
ريم بأستغراب :مين
خالد بضحكه: ليه ران عليكم الجرس علشان تقولين مين..؟
ريم ظنته اخو منار:لو سمحت ابي اكلم منار
خالد: اها تبين منار وليه
ريم :بتعطنيها او لا
خالد يبي يقهرها: طيب انتي ريم
ريم :اف وبعدين معك انت(صكرت السماعه)
خالد يضحك (مدري ليش سعود رايح جو مع هالخشنه)
حط عينه على خلفيه الجوال اللي كانت صوره تركي قرب الصوره يتأمل بهاالطفل مايدري ليه انشد له كثير وهو
مايدري من ..؟
ساره بفستانها الاحمر اللي كان هديه من ياسر طالعه قمر سوت مكياجها بمشغل ورجعت للبيت تتأكد من كل
شي
الكراسي والطاولات والحلويات والبوفيه والدي جي
كل حاجه منسقه بترتيب ماقصرت امها معها غير انها بتسوي زفه لعهد مجهزه لها الفستان اللي شرته اليوم لها
كهديه وخلت سامي يجيب لها كوفير
تصلح لها مكياج ..
صعدت لغرفتها بعد ماتطمنت على كل حاجه
خذت جوالها تكلم سامي لايتأخر
بعدها كلمت ريم
ريم:اهلين سوسو
ساره:ريوم تأخرتي علي
ريم :انتظر منار
ساره بفرحه:ردت عليك
ريم :ايوه تقول شوي واجيك
ساره :خلاص بس لاتتأخروا ابيكم تستقبلون الضيوف معي
ريم: ندى وامي جاين يساعدونك ..
طلعت الكوفيره من عند عهد دخل سامي وبداخله شوق يشوفها
عهد تتأمل بشكلها عند المرايا وهي لابسه الفستان اللي جابه سامي من ساره مبين جسمها لون اخضر غامق
مع شعرها اللي صبغته لها الكوفيره بأشقر
سامي وقف عند الباب وعينه عليها وقف فاك ثمه من حلاوتها
عهد انحرجت من نظراته :
سامي بهدوء : احلى ملكه جمال بحياتي
عهد احمرت خدودها
سامي بضحكه خبيثه يقرب منها: لازم اشبع فيك قبل لاانحرم منك كل هاالساعات
عهد لفت راسها تدور شنطتها بتصريفه
سامي ضحك عليها:يله حبيبتي ساره بتذبحني لو طولت اكثر من كذا
عهد لبست عبايتها مسك يدها وطلع معها ..
ريم مازالت في البيت تنتظر منار اللي تأخرت رفعت ساعتها الساعه تسع :تأخرت كثير..؟ طلعت من الغرفه
واتجهت لبيت ساره وهي خايفه لاصار لمنار شي
دخلت اتجهت للمرايا تعدل من شكلها رشت عطرها المفضل وطلعت للضيوف اللي بدو يجون
ساره تسلم ريم :وين منار.؟
ريم :والله انتظرتها لاكن ماجت مدري ليش ..؟
ساره:ياعمري يامنار لايكون صار لها شي
ريم تحاول تطمنها :ان شاءالله كل خير
ساره دق جوالها
:اهلين سامي
سامي :انا بالباب الثاني تعالي هناك
ساره :ريم انا بروح استقبل عهد وسامي مع الباب الثاني
ريم وهي تسلم على الضيوف:خذي راحتك قلبي..؟
ياسر وفي يده كرتون ببسي يدخله مع الباب اللي ورى جمع الكراتين على بعض وبعدين شالها يدخلها لداخل
ونواف يساعده
اخذ الكرتون ودخل للبيت لمح بنت واقفه وقف يتأمل وهو شاك هذي ساره ولا
ساره ماانتبهت لياسر
ياسر: ياربي تكون هاالملاك هي دقق في ملامحها كأنه يحفظها وابتسم لما شاف الفستان اللي طالع خيال عليها
نزل الكرتون على الارض وطلع قبل لايشوفه نواف..
وقف سامي يسلم على نواف دخلت عهد لداخل لمحتها ساره من بعيد وصات تأشر لها
قربت عهد من ساره
ساره تسلم عليها:هلا بالغاليه حياك ياعيوني ادخلي داخل وارتاحي في البراد واتجهت للمطبخ تضيفها
ساره طلعت من المطبخ معها العصير :وااو عمي سامي ذوق ماخذ له ملكه جمال
عهد ببتسامه/:تسلمين عيونك الحلوه
ساره ارتاحت لعهد :تفضلي قلبي العصير
دخل سامي من الباب الداخلي:سلااااام قطوتي
ساره حطت العصير على الطاوله وركضت لسامي تضمه وهي فرحانه
سامي: بس بس خنقتيني
ساره بضحك :اي جاء احد بدالي يحضنك وصرت مغتني
سامي يجلس جنب عهد ويحط يده على خصرها ويقربها اكثر له:شرايك بعروستي؟؟
ساره بضحكه:بس خل هاالحركات في البيت عندك عذارى
عهد ميته من الحياء ضحكت على ساره
ساره :يله سامي مافي وقت بعد ساعه بتبدا زفتكم
سامي منصدم :اي زفه
ساره:مو قلت مفاجأه سويت لكم احسن زفه
سامي :ساره ليش تكلفين على نفسك
ساره:تستاهل اكثر يله ابخليكم الحين ولاجاء موعد الزفه رجعت لكم ..
طلعت ساره
سامي يلف راسه لعهد وبحنان : شرايك بساره
عهد :شكلها عسل
دخلت ام نواف تسلم عليهم وتبارك لهم ....
(بعد ساعه)
دخلت عهد لزفه مع سامي والاضاءه خفيفه والحضور منبهرين من جمال هاالعروس
جلست عهد بجنبها سامي واصوات الدي جي تغني بأسمهم
ريم اللي جالسه على الطاوله ببتسامه: ماشاء الله طاح في وحده ملاك
ام ياسر تطالع عهد (وكأنها تتذكر شي)
ندى:حست ان عهد ملامحها مب غريبه عليها
طلع سامي وتقدموا الضيوف يسلمون على العروسه
وقفت ريم واتجهت لساره:وااااو تجنن ماشاءالله
ساره: فديت قلب عمي يستاهلها
ريم يله ابروح اسلم عليها مع امي ..تقدمت ام ياسر تسلم على عهد
عهد رفعت راسها لام ياسر حست بشي ماتدري ليش سلمت عليها والبسمه اختفت من شفاتها
ريم:الف مبروك ياقمر الله يوفقك يارب معك صديقه ساره
عهد تسلم على ريم :الله يبارك فيك تشرفنا والله..جلست عهد بعد مانتهت من السلام بجنبها ساره تمنت عهد لو
امها معها
حست باالوحده بينهم رفعت راسها تدور
على الحرمه اللي سلمت عليها ماتدري ليش حست بقلبها شي من بعد ماشافتها ...!!
كملوا الجميع سهرتهم برقص وفرح ويوم حلو في حياه عهد اللي حست انها ملكه بهااليوم ...وتعوضت خير
بحب سامي لها
الساعه 1:30
سامي : اشغلناك وعليك بكره امتحان
ساره وهي تودع سامي :لاتشيل هم مخلصه كتابي من الخميس
عهد ببتسامه:مشكوره ساره ماقصرتي
ساره بضحكه :ولو عهوده تستاهل
سامي :يله عهد نمشي
ساره :الله يحفظكم ياالغوالي طلعوا و (صكرت الباب)
دخلت لغرفتها وهي مهدوده بدلت لبسها ببجامه مريحه وبداخله تحس براحه كبيره
في هاالوقت كان جاسم نايم فتح عينه الوقت متأخر وصوت طق الباب قومه (فتح الباب)
تفاجأ انها نفس البنت اللي باالامس
ديم : عمو كتير اسفه بس بدي اشي يسد جوعي ..
جاسم بأستغراب : انتظري
دخل وجمع الاكل اللي عنده وطلع لها
جاسم يمد الكيس :هذا لك ولاهلك
ديم منزلها راسها بعدها حطت عينها بعينه :بشكرك عمو
جاسم لفتت انتباها عينها الرمادي معطيتها شكل بريئ :ولايهمك
تحركت ديم لبعيد صكر الباب وفي داخله( الوقت متأخر وتطلع البنت بها الوقت )
رجع يحاول يكمل نومه لاكن ماقدر قرب وقت الدوام قام واتجه للجامعه وجلس بالكافتريا مع سامر
جاسم مع سامر
جاسم: مدري الصراحه مااعرف بيتهم لاكن بنت مثل القمر
سامر: خل عنك هاالحركات احنا جايين ندرس ونرجع
جاسم:والله مب قصدي شي ياشيخ بس استغربت من هاالبنت وقلت سالفتها
سامر : لاعاد تفتح لها ياجاسم مو معقوله اهلها يرضون بنت تطلع بهاالوقت
جاسم :والله الفقر باين عليها رحمتها وقلت اعتبرها صدقه لي..
سامر وهو يوقف :انتبه لنفسك ولاتصير على نياتك ياحلو يله ابروح اكمل بحثي
نزل جاسم راسه يكمل اكله وصوره ديم في باله
بدايه الامتحانات الساعه 6:15
رفعت ريم شعرها لفوق مالها خلق ابد تعدل من شكلها مرهقه من بعد الحفل
لبست لبس واسع مريح اخذت كتابها وجوالها اللي ازعجها من قامت من النوم فتحت الرسايل وهي عارفه انها
من سعود
الرساله الاولى_(سبحان الله من سواك لين اصبحت تفرق عن سواك
وسبحان من خلاني اقول جعل العمر فداك)
الرساله الثانيه_(ربي يوفقك بأمتحاناتك ياقلبي )
ريم.. (اوه شدراه اني اختبر بعد ...) نزلت تحت
...صبااح الخير
ام ياسر :هلاببنيتي تعالي كلي لك شي قبل لاتطلعين
ريم تمد يدها على كاس الحليب الدافي :يمه وين ياسر تأخرت كثير
ام ياسر قامت تنادي (ياسر)
بدر :ريم صبي لي حليب
ريم راسها بالكتاب :ماني فاضيه لك ماتشوف اذاكر
بدر:يوه منك... قام اخذ الابريق
ريم تطالع الساعه :تأخرت بدر خذ مفتاح ياسر وودني الجامعه
بدر انبسط :اجيب المفتاح وانتي البسي عبايتك
سعود قايم مبكروهويحس بنشاط ركب سيارته وفي باله يروح لمكان معين
وقف عند مطعم وجاب له سندويشات يفطر عليها
اتجهه لحاره ريم وقف بمكان بعيد ينتظرها تطلع
ريم طلعت عند السياره تنتظر بدر يجيب المفتاح
سعود :يطالعها شاك هي ريم اولا تقدم اكثر للبيت وفز قلبه (الا ريم نفس شكلها ) وقف يطالعها بحب
ريم حست بوجود السياره الواقفه رفعت راسها تشوف هاالرجال اللي جالس يطالعها
انحرجت منه ونزلت عينها على الكتاب تتجاهله
سعود بداخله(لبى العيون اللي جابت العيد فيني)
لمح بدر وهو يطلع حرك سيارته لقدام
ركب بدر واتجه للجامعه
سعود وراء السياره يتبعهم
فتح جواله وارسل لريم(اخوك سريع خلي يهدي السررعه)
ريم ارتاعت من الرساله تلفتت لوراء كأنها تدور هاالمجهول
بدر :وشفيك انقرصتي
ريم ماتبي بدر يشك:لا بس اشوف كان زحمه
بدر :الزحمه قدام ..
ريم مقهوره وودها تفجر الجوال طنشته
وقفت عند الجامعه ونزلت
ارسل لها سعود ( اها انتي بجامعه الامام ترى لي واسطات فيها لو تبين اي خدمه تحت امرك)
وقفت ريم بالشارع تتلفتت وهي خايفه لايكون هاالمجهول يتبعها لاكن لقت الشارع مليان سيارات ماتدري اي
واحد فيهم
جاها مسج (ليش واقفه ادخلي قبل لايفوتك الاختبار ياروحي ههههه)
ريم ارتفع ضغطها دخلت الجوال باالشنطه ودخلت للجامعه وهي مقهوره .. رجع سعود لشغله ولما جت الساعه
عشر طلع ياخذ منار كالعاده لولدها
اما ساره فأخذها سامي من الجامعه بعد ماامتحنت للشقه عند عهد بحكم انه بيطلع اليوم يسوي مقابله في
وظيفته
عهد مبسوطه مع ساره بالحيل
ساره:عهد عندي سؤال ومنحرجه
عهد ببتسامه: لاعادي اسألي
ساره:كم عمرك
عهد:ههه طيب ليش منحرجه انا عمري 18
ساره:واااو اصغر مني فديتك طيب ابي اعرف اكثثر عنك عطيني اسمك الكامل واخوانك كل شي عنك
عهد :انا عهد فايز العبدالله
ساره :انتي من العبدالله
عهد :اي ليش مستغربه
ساره :لا بس نفس عايله ريم وندى ..
عهد تتذكر ريم :اها اللي لابسه ازرق
ساره :ايوه
عهد :هي سلمت مع امها صح
ساره :اي ام ياسر
عهد جلست تفكر
ساره :شفيك وين رحتي ..؟
عهد ببتسامه :لا ولاشي معك
.................
البارت الثاني عشر
يوم الاحد...
دخل للمطعم عرف صاحب المطعم مطلبه طلع له بقايا اكل الصبح وسلمه له
اخذها بيده وبداخله يحمد ربه على النعمه رجع بخطوات سريعه لبيت الطيني اللي يسكنه
عبدالقادر من جنسيه صوماليه مقيم من الرياض اشتغل مع هاالفئه من خمس سنين بعدها ندم على كل شي
اتقن اللهجه السعوديه وحفظ القران جزء من ترك هاالخليه الارهابيه
يستنى الفرصه اللي تسمح له يسلم الشرطه الامانه اللي بيده لاكن كان خايف لانه كان معهم خمسه سنين
انعزل عن المجتمع خايف ان الشرطه تتابعه
دخل البيت وهو حاس بتعب غريب بجسمه اليوم
فتح الكيس وسمى بالله واكل
بعدها تسند على الجدار الخشن وهو يحس بدوخه قويه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك