رواية اذا انتثر دمع عينك -9
أم مشعل ناظرته مستغربه
مشعل : يمـه هذا فارس ولد عمي محمد بوفارس
أم مشعل ابتسمت : هلا بك ياولدي ماشالله كبرت
فارس ابتسم وهو لحد الحين منزل راسه : أخبارك ياخالة ؟
أم مشعل : الحمدلله بخير على كل نعمة .. وأنتوا اخباركم أخبار الوالدة والوالد إنشالله بخير ؟
مشعل دخل عرض وباستهبال: يمـه يووه شنو والدة ( ولف على فارس) فارس عندكم وحدة ولدت وأحنا ماندري ؟
ام مشعل ضحكت على ولدها الي مايترك حركاته
فارس :ههههه .. كلهم طيـبين
سامي دق فارس بكوعه بالخفيف : لاتسوي نفسك تستحي ترا أمي هي امك ماتاكل
أم مشعل : هههه فارس عادي أرفع راسك
فارس رفع راسه وابتسم
ام مشعل : مشـعل وين اختك سمر ما اشوفها
بهاللحظة دخل رامي البيت وراح عند أمه وباس راسها : إيه إيــه سألي عن بنتك سمووغ(سموور) وأنا لاتسألين عني يعني انا مو ولدك لي الله بس
أم مشعل ابتسمت بحنان : أنت ولدي وكبير .. بس سمر أهي بنتي الوحيدة وأخر العنقود سكر معقود
مشعل : يمـه لاتخافين سمر في بيت عمي بوفارس خذوها البنات وماراح يرجعونها إلا بكرة لانهم قالوا بيخلونها تنام معاهم
أم مشعل : الحمدلله على الأقل تندمج مع بنات عمامها وعماتها
رامي توه ينتبه لفارس وفارس بادره وبسرعة قال: أنا فارس ولد عمك محمد قبل لاتسأل
الكل : هههههههههههههههههههه
رامي ابتسم له : مايحتاج تقول .. بشغه (بشره) حنطيه وعيون غماديه(رماديه) أكيد فاغس (فارس) ولد عمي محمد
فارس ابتسم : تصدق حتى انا أفكر كيف طلعت كذا حنطي وعيون رمادية
سامي : وووووع رامي خربت اسمه من فارس لـ فاغس ييع
رامي لف على سامي : أقول شنو ذنبي إذا أنا فيني لتغه ها ؟
مشعل : اجلس بس اجلس خلف الله عليك .. وين كنت طول هالمدة
رامي: يعني يوميا لازم تحقيق يا اخي كنت ادوغ(ادور) بالشواغع (بالشوارع)
مشعل يناظر ساعته : الله تدور للساعة 11 الليل
فارس : هههه مشعل ترا رامي رجال مو بنت
إلا يدق جوال فارس
فارس شاف الرقم ورد : هلا
يوسف : ومرحبا .. أخبارك
فارس : أقول لاتسوي فيها رسمي توني اليوم شايفك بالمدرسة اختصر
يوسف : بل بل كلتني بقشوري
فارس ابتسم : الزبدة
مشعل دخل عرض كعادته : زبدة وسمنه وزيت
فارس سمع مشعل: هههههه
يوسف نفس الشي سمع كلام مشعل : من هذا الي تكلم ؟
فارس : مشعل ولد عمي خالد
يوسف : مشعل ولد عمي خالد ليه !! أنت وينك ؟
فارس : في بيتهم بعد وين؟
يوسف : تصدق حسبته طباخ يشرح يقول زبدة وسمنة وزيت خخخ
فارس : طيب اخلص
يوسف : طيب على قوله مشعل الزبدة والسمنة والزيت أني طفشاااان حد أم الدعايس
فارس : وكل هالهذرة تقول لي طفشان طيب طفشان شنو اسوي لك أرقص يعني
يوسف : ياليت
فارس : هه هه بايخة
يوسف : اسمع أنا بجي معاك
فارس : وين معاي ؟
يوسف : لبيت عمي خالد يالذكي ليه بس أنت الي تستانس
فارس : طيب طيب بس أسألهم
يوسف : شنو تسألهم بيت عمي بدخل وبطلع متى ما ابغى
فارس تجاهله وسأل مشعل : مشعل ترا يوسف يبغى يجي بيتكم عادي
مشعل : بالله عليك ذا سؤال لا أقوم اعطيك كف قل له البيت بيته يجي
فارس : ههه (ويكلم يوسف ) سمعته
يوسف : إيه قلت لك خخ يلا خمس دقايق وأكون عندكم
فارس : طيب سلام
يوسف : باي
سامي : يعني بذمتك أحد يسأل هالسؤال ؟ حياه بكل وقت
فارس : ههه بس فشلتوني
&&&&&&&&&&&&&&&&&&&&&&&&&&&&&&
}.. نرجع للبلد اللي يسموها بلد الحرية والإستقلال
"أمريكــآ"
خلصت المحاظرة الي كانت مثل العظم بالبلعوم بالنسبة لرائد وطلال
رائد وهو شايل كتابه بيده ويطلع من الكلاس ويستنشق الهوا : تصدق ياطلال ما صدقت تخلص هالمحاظرة مليت شكلي برجع السعودية بأقرب طيارة
طلال : هههههه يا أخي خلاص مابقى شي كلها شهر ونص ونرجع ومعانا الشهادات الي ترفع الراس
رائد : آآآآآآآه هالشهادة طلعت من عيونا والله
طلال : ههههههه
واتجهوا على وحدة من الحدايق العامة
رائد : أقول اليوم حساب الغدا علي شنو تبغى ؟
طلال : أي شي تطلبه أطلب لي نفسه
رائد : أوكي
طلال : هذا أنا بجلس على هذا الكرسي انتظرك
رائد : طيب
راح رائد شرا لهم برجر من النوع اللي تكون دبل وعصير ليمون فرش ورجع لطلال
شاف وحدة أمريكية جالسة جنب طلال وتتميلح عنده وطلال بس يبتسم لها
رائد : طلالووه و وجع بعد هالبرصة لا اكب الي بيديني على راسها
طلال : هههه شفيك انت ؟
رائد : خلها تقوم عشان أكل وأنا متهني
الأمريكية شافت رائد قامت من عند طلال وقامت تتلزق فيه ومسكت ذراعه وتتكلم معاه بالانجليزي
&&&&&&&&&&&&&&&&&&&&
خلوني أعرفكم على رائد وطلال
رائد : عمره 25 سنة يدرس هو مع طلال طب بأمريكا .. بالنسبة لشكله .. خوووقاقي .. بشرته بيضا مايله للإسمرار .. عيونه وساع وكحيله لونهم أسود ملامحه تجنن شفايفه موردين شعره كثيف وطويل شوي .. ودايم ماتفارقه ابتسامته الي تطيح الطير من السما بس على اخر سنة بأمريكا مل من الأمريكيات وتلزقهم فيه فصار ماتنشاف ابتسامته إلا نادرا ..
طلال : عمره 25 سنة يدرس مع رائد طب بأمريكا .. من ناحيت شكله .. حلو وكوول أسمراني عيونه كحيله لونهم بني غامق .. ملامحه ملامح خليجية خشمه سلت سيف .. شعره نفس رائد كثيف وطويل بس ناااعم مررة أكثر من رائد .. جسمه شوي معضل وحلو .. يتميز بنظرته إذا ناظر أحد في عيونه مباشرة يضيع في عيونه .. وهو ورائد دوم مع بعض مايتفارقوا إلا نادرا
وإنشالله راح تعرفوا دورهم أكثر بالرواية مع الأجزاء الجاية ..
رائد وهو صاك على اسنانه عشان لايذبحها ويناظر طلال : طلال بعدها عني لا أحفر لها قبر هنا
طلال : هههههه
رائد غمض عيونه وهو يعد : طلالوووه واااحد اثنيييين
طلال قام بسرعة وسحبها منه وكلمها بالأنجليزي بمعنى خلاص باعدي عنا مانبغاك ويانا وهي طبعا تحججت وراحت وهي تتحرطم بالأنجليزي
فتح رائد عيونه وجلس على الكرسي : اووف خذ أكلك
طلال جلس جنبه: رؤد اضحك الدنيا ماتستاهل خلاص بنرجع اصبر
رائد ببتسامة خفيفة : طيب لنا الله يلا أكل والعشا عليك
طلال وهو ياكل غص باللقمة : كح كــح
رائد يمد له عصير الليمون : ههههه شفيك ؟
طلال بعد ماشرب العصير : لا بس بقولك العشا نفس الشي برجر نفسك خخخ
رائد : أيا البخيل أكل بس اكل ههههههه
طلال : هههه إيه هذا رائد الي نعرفه .. شرايك نتصل على الأهل
رائد وهو توه بياكل اول لقمة رد بانفعال : لالالالالالالااااااا
طلال رفع حاجبه : شفيك (ويقلد عليه ) لالالالالالالاااااا لك ساعة متنرفز وتحن على راسي تبغى تشوفهم ويوم أقولك كلمهم تقول لا .. خير شفيه ؟
رائد : لا بس عشان نسوي لهم سبرايز فهمت
طلال : أهآآ .. أقول خلاص شهر ونص من الحين لمن نرجع أبغاك ترجع رائد الي يبتسم فاهم
رائد ببتسامته الي ماحد يعرف يقلدها : على أمرك ماطلبت شي
وظلوا ياكلون وكل دقيقتين تمر عليها وحدة أمريكية تتميلح عليهم بس طلال ورائد ولا ماعطينهم اي إهتمام ياكلون وهم يسولفوا .. بالأخير خلصوا اكل وكانت بنتين أمريكيات واقفين قبالهم قاموا بيمشون رائد وطلال .. طلال ناظرهم وابتسم وغمز لهم والبنات ماصدقوا على الله يعطونهم وجه .. أما رائد ابتسم ابتسامته المعتادة وخقوا عليها ورسل لهم بوسه بالهوا ومشوا
طلال يدق رائد بكوعه بالخفيف : ابن اللذين عليك حركات هاا .. والله شكلك بتخترب على نهاية الدراسة
رائد : هههه مو أنت قلت لي ابتسم .. خلاص هذا انا خلني أفلها خلاص
طلال : أقول لايكثر أنا قلت ابتسم مو تترسل بوسه بالهوا .. امش امش و انت ساكت
وراحوا على شقتهم وكل واحد منهم اشتغل باللي عليه
&&&&&&&&&&&&&&&&&&&&&&&&&&&&&
نرجع للسعودية عند بيت بوفارس
الساعة 11 ونص ..
البنات جالسين بالحديقة وانواع السوالف ..
مسك وهي ماسكة شعر سمر الكستنائي الطويل ولافته على رقبتها : اللــه الله ياحظه رجل المستقبل على هالشعر بس ماشالله تبارك الرحمن
سمر : هههه تركي شعري
مسك : والله حلو ما أقدر
روان : حلو يجنن أقول رهف طلعت لك منافسه بالشعر
رهف : إيه بس شعرها اطول من شعري تقريبا بثلاث سانتيات
ملاك : ههههه حشى متى قستي شعرها هههههههه
سارة : ههههه اقول مسووك تركي شعر البنت أذيتيها
مسك تركت شعر سمر وهي تضحك : ههههههههه خلاص تركته ذبحتوني
رهف : أقول سموورة خلي أمك تجي هنا عند عمتي أم فارس تغير جو أحسن لها
ملاك : إي والله خليها توسع صدرها
مسك و روان وسارة بنفس الوقت : إيه يلااا
سارة : إيه عشان حتى أمي تتونس مع أمك
سمر استانست على بنات عمها وعماتها وابتسمت لهم : طيب
واتصلت على أمها من جوالها لانها كانت جايبته معاها وقالت لها تعالي عند أم فارس بس أم مشعل رفضت
مسك : سمر عطيني الجوال أكلمها انا
سمر : أوكي خذي
مسك : السلام عليكم
أم مشعل : وعليكم السلام
مسك : خالة أنا مسك بنت بوفارس عرفتيني ؟
أم مشعل ابتسمت : إيه عرفتك هلا بك مسك أخبارك ؟
مسك : الحمدلله بخير وأنتي إنشالله بخير ؟
أم مشعل : الحمدلله على كل حال
مسك : اقول خالتي ممكن طلب
أم مشعل : أطلبي يابنتي ولا يردك لسانك
مسك : خالة تعالي عند امي ونسيها و ونسي عمرك .. خالة عاد يلا بلا تغلي لاتكسفيني وتفشليني وجنبي البنات
أم مشعل : هههههه خلاص خلاص هذا أنا جاية عشان ما أكسر بخاطرك
مسك : تسلمين ياخالة
أم مشعل : الله يسلمك مع السلامة
مسك : مع السلامة
وسكرت الجوال
مسك تحرك شعر سمر : شرايكم بنات اقنعتها تجي
سمر تسحب شعرها من يد مسك : هههه طيب شنو دخل شعري تركيه يابنت الناس
طبعا بعدين البنات خبروا أم فارس ان أم مشعل بتجي عندها وأم فارس ماقصرت استقبلتها على احر من الجمر
وسلمت أم مشعل على البنات قبل ماتدخل داخل الفله وطبعا مدحت في البنات لمن قالت لها أم فارس خلاص لا يشوفون نفسهم الحين
&&&&&&&&&&&&&&&&&&&&&&
عند الشباب في بيت بومشعل ..
دق جرس الباب وراح سامي يشوف من ودخل ومعاه يوسف ومشاري وريان : حياكم تفضلوا
ريان : زاد فضلك
فارس : يوسفوه شنو أخرك كذا قلت خمس دقايق صارت نص ساعة
يوسف وهو يجلس على الكنب جنب فارس : لا أبد بس شفت مشاري وريان بطريقي سولفت معاهم وقلت لهم أني جاي هنا وجاو معي
مشعل : هلا هلا ريان ومشاري لا ماشالله صرتوا طولي
مشاري وريان : ههههههه هلا وغلا بمشعل
يوسف : أقول مافيه أحد هنا حرام ؟
سامي : لاخذ راحتك أمي راحت بيت عمي بوفارس وأختي راحت نفس الشي لبيت عمي بوفارس وبتنام هناك
مشاري : أهآآآ .. من عذر رهييف و ملاكووه و روانووه قاطين حالهم هناك شكلهم مسوين عزيمة
مشعل : شرايكم حتى أحنا نسوي عزيمة وناموا كلكم هنا
فارس : لالالا
سامي : شنو لالالا أنت اول واحد تسكت طاردينك البنات من بيتكم طردة محترمة
الكل : هههههههههههههههه
ريان ابتسم : رامي شفيك أنت ماتتكلم سلم يارجال ولا بريطانيا نستك أهلك
رامي : ههههههههه لا ابد هلا بك أجلس
وجلسوا الشباب يسالفون واتفقوا أنهم ينامون في بيت بومشعل ..
مشعل : أقول شباب خلونا نطلع الحديقة أحسن نغير جوو
يوسف : يكلامك صح يلا
الشباب يلا
وطلعوا وجلسوا بحديقة الفله حقت بيت بومشعل ..
وجلسوا يسولفون فجأة سمعوا صوت
مشاري ويحط صبعه على فمه : ششششششش
الشباب سكتوا
وسمعوا صوت تطبل
فارس : شكلهم البنات بالحديقة جالسين
وبما أن بيت بومشعل وبيت بوفارس جنب بعض وبينهم باب فالشباب يقدرون يسمعون أصوات البنات
&&&&&&&&&&&&&&&&&&&&&&&
عند البنات بالحديقة ..
ملاك : ههههههه والله تحفة أخوك ياسمر
روان ولا بعد يقول (وتقلد على مشعل وهو جالس وطريقة كلامه) : بس أنا أبغى أسولف وياها
البنات : ههههههههههههههههههه
سارة : لالا شوفي بعد الي قهرني الحمدلله أني مسكت نفسي يوم سكرتي منه يامسك مد جواله (وتقلد على طريقة كلامه وجلسته ومدت ذراعها ورا ظهر سمر ومدة اليد الثانية لجهة روان ) وقال : خذي .. سمر إذا تبغين تروحين الحين روحي .. قسم كنت بقوم أذبحه كذا ( وهي تحط يدينها على رقبتها وتسوي نفسها بتخنق روحها)
البنات :ههههههههههههههههه
الشباب كلهم لفوا على مشعل مبتسمين الي نقع ضحك بس بدون صوت أما مشاري من سمع سارة تقول أن مسك سكرت من مشعل قام يفكر ويقول في نفسه "" يعني مشعل كلمها بالجوال .. كيف ؟.. لالا يامشاري تعوذ من إبليس أكيد شي تافهه ماله داعي "" ونسى السالفة أو بالأحرى تناساها
سمر : ههههه روان سارة خلاص ههههه أخوي ما ارضى عليه
سارة ك بس تصدقين شي شي عليه حركات بس لايثقل دمه زياده ويخرب شكله
رهف : ليه شفيه شكله ؟
روان : بس لأن شكله خطيير تقدرين تقولين كشخة بس لايثقل دمه ويخرب شكله بتصرفاته
ملاك : إيييه ذا المشعل الي اول مقلقنا دايم يقول بيقتلنا
سارة : إييه عليك لمبة وبيطبخنا مدري وشو
الشباب كلهم نقعوا ضحك على مشعل بس بدون صوت ومشعل تفشل شوي بس يتبسم
رهف : ليكون لحد الحين ماعقل ولا لسه عقله له جناحين يحوم فوق راسه مو راضي يركب
البنات : هههههههههههههههه
سارة : ههههههههه خلاص خلاص لاتحشون بالرجال
سمر : أنتوا ماكأنكم حشيتوا وخلصتوا ههههههههه
روان : ههههههه يلا نغير السالفة الحين يسمعنا أخوك بعدين ماندري وش نسوي
مسك : اجل سارة جيبي الجيتار حقك بسرعة
سارة بسرعة راحت جابت الجيتار حقها وجلست على الكرسي وحطت رجل على رجل ومسكت الجيتار عشان بتعزف : يلا
رهف : أقول سمر مشتهة اسمع صوتك وأنتي تغنين
سمر : لالا
روان : سمر يلا عاد بلا تدلع
سمر : لالا استحي ما أقدر
ملاك بعربجية: سموور يلا بلا دلع لا أصكك بالصحن هذا
طبعا الشباب كلهم ساكتين ويسمعون كلام البنات وكلهم ضحكوا بالخفيف عشان لايسمعونهم البنات يوم قالت ملاك بتصك سمر بالصحن لان صوتها صاير عربجي مرة
مسك : بس بس يالدفشه خلاص أنا بغني معاها عشان تتشجع
مشاري من سمع صوت مسك خلاص قام يفكر فيها
سمر بتردد : أوكي
سارة : شنو بتغنين عشان أعزفها وانتي تغنين
سمر تفكر : إممم صدفة ومن بين كل الناس
سارة : أووووكييك
فارس سمع سمر اختارت صدفة وتذكر الموقف الي حصل له معاها
بدت سارة العزف و راون و ملاك و رهف يدقون على الطاولة بطريقة حلوة
سمر مسكت يد مسك وغمضت عيونها
والشباب كل واحد يناظر الثاني يسمعون العزف وينتظرون ..
سمر بصوتها الناعم وهي لحد الحين مغمضة:
صدفه ومن بين كل الناس علقني
من يوم شفته وعيني جات في عينه
(وتذكرت سمر أول مرة شافت فارس )
مسك ضغطت على يد سمر تشجعها وكملت مسك معاها بصوتها العذب:
حسيت شي في عيونه حيل يجذبني
لما ابتسم بانت بوجهي تلاوينه
سمر فتحت عيونها بشوي شوي وناظرت مسك وهي تغني وابتسمت لها
أما عند الشباب كان جو غير من سمعوا صوت سمر ومسك صار عندهم هدوء وسكون
خلوني اوصف لكم أشكالهم..
كانوا فارشين لهم بساط على الأرض وجالسين
مشعل كان متربع ومن سمع صوت أخته ابتسم ومشاري من سمع صوت سمر ابتسم وزادت ابتسامته يوم سمع صوت مسك العذب فانسدح على رجول مشعل وغمض عيونه ورخى جسمه وهو يسمع بانصات
أما يوسف و رامي وسامي الي كانوا يلعبوا أونو تركوا اللعب وجلسوا يسمعون وكل واحد يناظر بوجه الثاني ببتسامه
أما ريان الي كان يسولف مع فارس سكت وجلس يسمع
وأخيرا فاااارس من سمع صوت سمر ناظر الباب الي يفصل بين بيتهم وبيت عمه خالد وسرح شوي وقام يردد الأغنية معاهم بصوت خفييييف
ريان انتبه لفارس وابتسم عليه ودقه بكوعه بالخفيف وغمز له .. وفارس مافهم معنى غمزة ريان بس ابتسم له
نرجع لجو البنات
سمر ومسك وقفوا عن الغنى وناظروا بعض مبتسمين وهم مشبكين يدين بعض
سارة منحنية شوي لأنها تعزف على الجيتار وكملت بصوتها الهادئ الصافي اللي يخترق القلب بسرعة :
سلم علي وجلس جمبي وكلمني
كل الحواجز تلاشت بيني وبينه
الشباب كل واحد يناظر الثاني .. مشعل يناظر فارس وهو يأشر على الباب الفاصل بين بيتهم وبيت عمه ويحرك شفايفه بدون كلام "هذي سارة" هز فارس راسه بمعنى إيه
البنات كلهم بصوت واحد وحلو مررة كملوا :
خذ ايديني بايديه وقام يوصفني
ولا تمنيت ايدي تترك ايدينه
قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه
خلصوا البنات الأعنية بس لازالوا يطبلون وسارة تعزف على الجيتار و شوي شوي يزيدون بالتطبل لمن صار التطبل سريع والعزف على الجيتار سريع
إلا سمعوا تصفيق حار وبعدن قام يزيد وتصفير وكلمات مدح .. البنات كلهم وقفوا وكل وحدة على راسها أكبر علامة استفهام
فارس يصفق : الله الله الله شنو هالأصوات العذبة لالا
مشاري يصفر : أنا ما أقدر ترا أحنا ذبنا ودخنا
ريان ويوسف : بصراحة شي عجيب ما نصدق عندنا مثل هالبنات
رامي يصفر : ليه طايحين من عيونكم والله لو يصيرغون (يصيرون) مغنيات يسفطون هالمغنيات الفاشلات على جنب
سامي : ماشالله عليكم بس
مشعل : لالا بجد أصوات ولا أحلى .. سارة أجل أنا بطبخكم هاا ولا بذبحكم هااا
الشباب خلاص ضحكوا بأقوى ماعندهم :هههههههههههههههههه
البنات تفشلوا أنواع الفشايل ولا ردوا
مشعل عرف أنهم مستحين ومتفلشلين بنفس الوقت ! فحب يزيد عليهم : لالا والي تقول أن مخي يطير فوق راسي هذي قوية عاد يابنت العم
عند البنات خلاص تفشلوا حدهم .. وسارة وروان ماقدروا يكبتون فشيلتهم قاموا يضحكون بقوة : هههههههههههههههه
وبعدهم نفس الشي البنات قاموا يضحكون : ههههههههههههههههههههههه
بعد خمس دقايق صار المكان هدوء ..
ملاك تجرأت : وانتوا الي ماتستحون على وجيهكم جالسين تتسمعون علينا ها ؟؟ من متى وأنتوا جالسين ؟
مشعل يناظر الشباب : من بديتوا تحشون فيني ههههههههآآآآي
ريان : أقول بناات ودنا نجلس عندكم شوي .. شرايكم شباب ؟
الشباب كلهم بتأييد : إيـــــوآ
ملاك : دقـيقة نتشاور
مشعل : ليه بتحررون فلسطين ههههههه
الشباب :هههههههههههههه
فارس : هههههههههه الله يرجك بس
ملاك : شرايكم بنات ؟
روان: انا ماعدي مانع
سارة: وانا ماعندي دواس
رهف : عادي أهم جلسوا طول المدة يسمعونا يعني ماراح تفرق لو جلسوا معانا
مسك : مافيها مشكلة
سمر : حتى أنا رايي من رايكم
ملاك : أجل خلاص كل وحدة تلبس عبايتها وشيلتها وتجلس
البنات : أوكي
وراحوا البنات بسرعة لبسوا عباياتهم الكتف ولفوا شيلتهم وجلسوا مثل ماكانوا (طبعا هم مايتلثمون أو يتنقبون عن عيال عمهم)
سارة : أوكي هذا أحنا بنفتح الباب
فتحت سارة الباب ورجعت على الطاولة حقتهم وجلست تاكل كيكتها
أول من دخل مشعل : السلام عليكم
البنات : وعليكم السلام
يوسف : سلام .. أفا ماتعزمونا على الكيك
البنات : وعليكم السلام
ملاك : ماحد منعك تعال خذ لك
ودخل سامي وفارس وريان ورامي : السلام
البنات : وعليكم السلام
روان : ماشالله جيش جيش
يوسف يخفف دمه : شباب على جثتي اليوم كلكم ميتين
الكل : ههههههههههههههههه
مشعل سحب له كرسي وجلس مع البنات في الطاولة
ملاحظة الطاولة كبيرة يعني فيها فوق العشر كراسي زايدة
مشعل يناظر سارة : أفا سارة تاكلين قدامنا ولا تعزمينا
سارة رفعت عيونها بدون ماترفع راسها ودفت له الكيكة الكبيرة يقص له : قص لك أعتقد عندك يدين
فارس : ممكن ترتبوا أماكنكم نبغى نجلس
البنات على طول قاموا وجلسوا جنب بعض والجهة الثانية من الطاولة جلسوا فيها الشباب وصار الترتيب كذا
( يوسف قباله رهف ، ومشاري قباله مسك ، مشعل قباله سارة ، سامي وفارس جالسين جنب بعض وقبالهم سمر ، رامي قباله ملاك ، ريان قباله روان )
مشعل ييناظر بالكيكة وهو يقصها ويبتسم : أبغى أعرف من الي قالت ان عقلي يطير فوق راسي هاا
البنات ولا وحدة تكلمت
مشعل : ههههه شفيكم بس اسأل ماراح أسوي شي
رهف تجرأت ورفعت حاجبها : أنا استانست ؟
مشعل ابتسم : إيه
سارة وهي ماسكة شوكتها فيها كيكة وتناظر الشباب وتأشر بالشوكة : من هذا ؟؟
الشباب كلهم لفوا على الشخص الي تأشر عليه سارة
سامي : هههههههههه هذا رامي أخوي ماعرفتيه
روان : هذا أخوك قل ق (يعني قسم)
مشعل دخل عرض : و (يعني والله)
سارة : لالالا جد هذا أخوكم رامي ؟
فارس : إييه أخوهم شفيك سارة
سارة رجعت تاكل الكيكة : لا بس أحس خلقته غريبة شوي عن اخوانه
رامي أخيرا تكلم : ليه شنو الغغيب (الغريب) فيني ؟
ملاك وسارة وروان تركوا شوكهم وقاموا يناظروا رامي نظرات غريبة
ملاك : بالله عليك عدها
سارة : إيه يلا قولها
روان : ما اصدق أخيرا
رامي ماعرف شفيهم : شفيكم تناظغوني (تناظروني) كذا ؟
مسك : هههههههه
ريان يكلم رهف : شفيهم ؟
رهف : هههه لا بس مستانسين على لتغه الراء
رامي ابتسم : أهآآ
سارة : الله يخليك الله يخليك قول اسمي
مشاري : هـي أنتي يابنت استحي على وجهك
سارة طنشت مشاري : قول سارة قوول
رامي ابتسم : سااااغة ساااااااغة (ساارة ساااارة) ها خلاص
روان وسارة وملاك : ياااااي
روان : حتى أنا قول روان
سامي : توني أدري أن بنات عمي طاير منهم العقل
ريان : بدري تو الناس تعرف
رامي ابتسم : هههههه غواااان (روااااان ) خلاص بس
ملاك : حتـى أنـ .. (بعدين سكتت )
رهف : هههههههه تكسر الخاطر ملاك مافي اسمها حرف الراء
الكل : هههههههههههههههههههههه
سمر طول الوقت تحاول ماتناظر بفارس مع أنه فارس أبدا مو مفتكر فيها ..
سارة : أقول مشيعل >>> العمة تمون بزيادة
مشعل : هههه مشيعل مرة وحدة .. سمي
سارة : كم عمرك ؟ 24 ولا 25 ؟
مشعل ابتسم : 29 سنــة
الكل انصدم ماعدا سمر و رامي وسامي الي ابتسموا
ملاك : كــح كـح ماي ماي
سمر : خذي
سارة تحسب بيدينها وهي متعجبه : ما أصدق حركاتك وشكلك يقول عنك 24 أو25 بالكثير
مشعل : والله العمر عمر الروح
مسك بعفوية: لالا ماشالله عليك شكلك شباب مررة من يقول أنك 29 .. حلو ماشالله
مشاري اشتعلت الغيرة عنده بس سكت
سامي : بيقول لك الحين الشباب شباب الروح كل شي عنده الروح خخخ
الكل : هههههه
وجلسوا يسولفون سوالف متفرقة
مسك : مشاري ممكن كاس البيبسي الي جنبك حقي
مشاري وهو توه بيشرب من الكاس ناظرها بسرعة وبعدين شرب شوي وقال وكأنه مايدري مبتسم : سوري ما ادري (ويسوي نفسه كأنه بيعطيها أياها)
إلا مسك استحت منه وابتسمت مجاملة : لا بصب لي ثاني
مشاري هز كتوفه بلامبالاة ومن داخل قلبه يرقص : أوكي
طبعا ما حد منتبه لهم لانهم يسولفون
ومشاري طول الوقت يخطف نظرات لمسك ويشرب من البيبسي شوي
سارة تضرب يدها على الطاولة : أحللللللللف
نهــــــآآية البارت الثــ عشــر ــــآلـث .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&
~| البــآرت الرآبـــ عشر ـــع |~
مسك : مشاري ممكن كاس البيبسي الي جنبك حقي
مشاري وهو توه بيشرب من الكاس ناظرها بسرعة وبعدين شرب شوي وقال وكأنه مايدري مبتسم : سوري ما ادري (ويسوي نفسه كأنه بيعطيها أياها)
إلا مسك استحت منه وابتسمت مجاملة : لا بصب لي ثاني
مشاري هز كتوفه بلامبالاة ومن داخل قلبه يرقص : أوكي
طبعا ما حد منتبه لهم لانهم يسولفون
ومشاري طول الوقت يخطف نظرات لمسك ويشرب من البيبسي شوي
سارة تضرب يدها على الطاولة : أحللللللللف
فارس ناظر سارة : شفيك الحين بعد .. على شنو (ويقلد عليها) أحلللللللللف
سارة ولا كأنها تسمع فارس تناظر مشعل مفهية فيه وفاتحة فمها شوي علامة الصدمة
سمر وهي تسكر فم سارة : هههههههه شفيك عادي
فارس : سمر شفيها ؟؟
سمر ببتسامة خفيفة وبدون ماتناظر فارس وتناظر أخوها مشعل : أسأل مشعل شنو قال لها
فارس : مشعل شنو قلت لها ؟
مشاري: أكيد شي قوي عشان يصير فيها كذا ولا أنا غلطان يامسك (يبغى بأي طريقة يحتك بمسك)
مسك بدون ماتناظر مشاري وتناظر سارة : يمكن
رامي : هههههههه قول لهم شنو قلت لها وخلص نفسك
مشعل ابتسم من دون مايرد
يوسف : عاد يلا مشعل قول
مشعل يصب له ميرندا وكاتم ضحكته : أبدا بس قلت لها .. قلت لها قلت لهااا (يبغى يلعب بأعصابهم)
ملاك بعربجية : اووه مشيعل يلا قول جالس تقول (وتقلد عليه بطريقة تضحك مرة ) قلت لها .. قلت لها قلت لهاا .. خير درينا أنك قلت لها قول لنا الحين
مشعل رفع كاس الميرندا حقه بمستوى فمه وابتسم : اسمي الدكتور مشعل لو سمحتي وقلت لها أني دكتور نفسي بس
لحظة صمت
الكل انصدم ويوسف و رهف شرقوا بالبيبسي ..
يوسف ورهف : كــــــح كح كح
روان وملاك يناظروا مشعل وهم مو مصدقين : د .. دد دددكتووور
مشعل ابتسم لهم بثقة : الدكتور مشعل
سارة انتبهت للكل الي كانوا مصدومين : هههههههههه فويرس الحين أنا الي فاتحة فمي ها .. شوف فمك مفتوح كأنه مغارة علي بابا الذبان داخلين طالعين خخخ
مشعل ورامي وسامي وسمر : ههههههههههههه
سارة وقفت من كرسيها وحطت يدها اليمين على الطاولة تثبت نفسها ويدها الثانية مدتها لجهة فارس الي كان يناظر جهة مشعل وحطتها تحت ذقنه عشان تسكر فمه .. انتبهت لسامي الي كان كرسيه لاصق بكرسي فارس ابتسمت له ابتسامة سريعة .. ورد لها الأبتسامة سكرت فم أخوها فارس وهي تضحك ورجعت جلست
يوسف : والله انك مو هين يامشعل دكتووور ولا دكتووور نفسي مرة وحدة
روان : ما اصدق ظنيتك تشتغل بشركة موظف عادي مو دكتوور قوية
رامي : ليه أخوي طايح من عينك
ملاك : لاحووول .. ابغى أعرف من مخليك محامي عنه كل دقيقة تدافع عنه
رامي ابتسم وهو يناظر مشعل : إذا مادفعت عن شعول من أدافع عنه
سارة : الله الله إذا فيها شعول أكيد وراكم شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك