رواية هدمت حياتي بيديك وجاي تقول ندمت -107
ليان ناظرت واتفاجات من اللي شافته تفاجات من شافت مشاعل مع ماجد وحاظنها ومبسوطين ويضحكون
وبندر مو اقل منها صدمه
مشاعل ناظرت لليان وبلعت ريقها وناظرت ماجد
ليان قربت لمشاعل وقفت قدامها:كذبتي علي يامشاعل
مشاعل:لا ليان صدقيني ماكذبت كنت بقولك بس
ليان بقهر:بس ايش ياصدمتي فيك اتفقتي علي معاه
مشاعل ناظرت ماجد تبيه يبتكلم:انا بفهمك
ماجد:ليان
ليان صرخت عليه:انت بالذات لاتتكلم معاي
مشاعل:انتي عارفه اني احبه من اول
ليان:وانتى عارفه انه فرقني عن بندر
مشاعل:بس رجعتي له
ليان:خساره يامشاعل خساره
مشاعل خنقتها عبرتها:ليان بتتركيني
ليان:روحي ياشيخه الله لايسامحك ع غدرك فيني ولاعاد تقربين لي
مشاعل تمسك يدين ليان وتبكي:تكفين ليان لاتسوين كذا
ليان تفك يدينها:وخري عني لاتلمسيني ولاتقربين خليك مع الحبيب وناظرت بندر:خلينا نروح
بندر ناظر ماجد بكره:يالله
ليان مشت وهي ماودها تبكي انصدمت بمشاعل انصدمت حيل ولفت:ياليتك مو صاحبتي ياليتني ماعرفت وحده نفسك ومشت وبندر معاها
ماجد قرب لمشاعل اللي جلست تبكي:حبيبي
مشاعل ناظرته بسرعه:كله بسببك
ماجد:انا وش سويت
مشاعل بكاء:ماعاد تبي صحبتي ليان تركتني
ماجد يقرب لها يبي يهديها:بيبي هدي و
مشاعل راحت تركض وهي تبكي وتبي تبعد عنه وعن الكل
وماجد وراها
ماجد بصراخ:مشاعل وين بتروحين
مشاعل تركض وهي تبكي من قلبها وتمسح دموعها وصارت تركض لين طلعت ع شارع ورجولها متجرحه وتنزف بس ماكانت حاسه فيهم من اللي بقلبها
تبي تبعد وبس
ماجد يقرب لها وهو يركض:مشاعل
مشاعل لفت عليه وكملت ركضها وهي مو منتبهه لشي
ماجد صرخ بصوت عالي وهو يشوف الشاحنه اللي جايه ناحيتها:مشششششششششششششششششششششششششششششششششششششششاع ل
وبلمحة بصر صارت ع الارض والدم حولها وصل لها وهو لسه ماستوعب نزل ع رجوله ورفعها:مشاعل
كانت تشاهق:مـ..اجد بـمـ.وت
ماجد بكى وهو خايف عليها:لاماراح تموتين وشالها بيدينه والرجال اللي صدمها واقف بس ماكان ماجد بوعيه
ولا منتبه له رجع بمشاعل للبر يبي يركبها الباص ويوديها خوفه عليها ماخلاه يحس بالمسافه
وصل فيها للمخيمات وهو يصرخ:بنددددددددددددددددددر
بندر وقف:وش فيك
ماجد وهو خايف وعرقه يصب وحالته حاله:ابي المفتاح بسرعه
كل اللي بالخيام طلعو
بندر قرب لماجد يناظر مشاعل:شفيها
ماجد:مو وقته بسرع قبل يصير لها شي
ليان قربت لهم تركض:وش فيها مشاعل شفيك
مشاعل:....
ماجد حرك راسها وشافها ماتحركت:مشاعل
وجلس على ركبه وهو يحركها:مشاعل
ليان صرخت:مششششششششششاعل وجلست تحركها
ماجد جلس يبكي:كله منك انتي السبب
البنات دموعهم تنزل مو مصدقين انها راحت انها ماتت
بندر بصراخ:ماجد خلينا نلحقها
ماجد ناظرته وهو يبكي:هذي دعوتك يابندر تحققت دعيت عليها الله حرق قلبي عليها
ليان ناظرت بندر
بندر:ماجد مو وقته خلينا نلحقها
خالد قرب بسرعه وشالها:بسرعه وش تنتظرون
الكل ركبو الباص
وتركو اغراضهم
ورجعو وهم على اعصابهم واللي يبكون واللي يهدي الثاني وحالتهم يرثي لها
ومشاعل أخذها بحضنه ماجد وهو يبكي عليها
بالــــريـــاض
ببيت هديل ووليد
هديل مستسلمه لبوسات وليد لها
وليد جالس يتخيلها منار ومو حاس بنفسه
هديل بهمس:وليد
وليد يبوس عيونها:عيونه
هديل مستحيه من حركاته ولا تكلمت
وليد يقرب لاذنها ويهمس:منار اعشقك
هديل فتحت عيونها وهي منصدمه وصحت لنفسها صحت من اللي كانت فيه دفته وقامت
وليد ناظرها وهو مستغرب
هديل نزلت دموعها وتمسحهم:انا ماني منار ولا عمري بكون منار انا هديل ياوليد وهديل غير منار
وليد نزل راسه وهو تعبان:صدقتي ياهديل أنتي غير وهي غير أنتي تعبي وهي راحتي
هديل:طلقني وريح نفسك
وليد:ماتهميني وعادي اطلقك بس ابوك والناس وش بيقولون
هديل جلست على الكنبه وتبكي:تعبت ياوليد والله تعبت منك والله
وليد انسدح وتنهد:صدقيني ماراح نحب بعض مهما حاولنا
هديل عضت شفتها بالم وهي تبكي:عادي مايهمني حبك
وليد:بس خلينا نتحمل بعض فتره بسيطه وبعدها كل احد يروح بطريقه
هديل سندت راسها على الكنبه وهي تقول:طيب وغمضت عيونها وماستغربت اكثر من خمس دقايق
عشان تنام وهي تحس بتعب
وليد وهو منسدح على السرير:هديل
شافها ماردت جلس وناظرها وهي نايمه
قام وقرب لها ومسح دمعتها اللي باقيه على خدها وباسها وهو يتمعن فيها:ياليتني قدرت احبك او أنتي حبيتيني
شالها بخفه وحطاها على السرير وطلع من البيت كله
ببيت ابو ضاري
لين:طيب سعود
سعود:مازعلتي
لين:لا
سعود:اكيد
لين:اي اكيد
سعود:اجل قلبي ماطول عليك
لين:اوك انتبه لنفسك
سعود:ان شاء الله يالله باي
لين:باي
قفلت وقامت لمرام مالقتها بغرفتها نزلت لها تحت
لين:أنتم هنا
نوره:ايه وينك انتي
لين:كنت اكلم سعود
مرام تغمز لها:وش كان يبي
لين:يبي الزواج عقب شهر
مرام:وانتي شرايك
لين تجلس:ماتفرق معاي والله عادي
نوره:يعني موافقه
لين:ايه وانتي قولي لابوي
نوره:من عيوني
لين:تسلمين
مرام:يعني يبيلنا نستعجل بالتجهيز
لين:ايه
مرام:الله يوفقك معاه يارب
لين:آمين
عند تركي بالسياره
تركي:احبك هند
هند:وانا اموت فيك تركي عمري مانسيتك مو مصدقه بصير لك عقب هالسنين
تركي تنهد:حبيبتي انتي انا مو مصدق ياكل دنيتي
هند:مع اني زعلت انك تزوجت
تركي تذكر بشاير وتضايق:هند لاتذكريني فيها
هند:تحبها
تركي:كنت
هند:والحين
تركي:الحين احبك انتي لاتنسين انك حبي الاول مافي حب يجي على حبك
هند:ياعمري انت الله يخليك لي
تركي:آمين ويخليك لي حبيبتي بقفل الحين اوك
هند:طيب ياعمري
تركي:ياالله باي
هند:باي
قفل وهو يسند راسه على المرتبه
ودق جواله صوت رساله فتحها وجلس يقراها
روح لغيري أنا راضي دام هذا اللي "تبيييييييييييييييييييه"
بس اذا لقيت مثلي
اصرخ وقول
انا اشهد ان الاصابع تساوت
رمي جواله وهو يقول"اطلعي من حياتي يابشاير خلاص اطلعي وريحيني "
بفــــله رامي واحساس
رامي:تفضل دكتور
الدكتور طلع:رامي المريضه محتاجه عنايه
رامي:كيف دكتور اشرح لي وضعها بوضوح
الدكتور:يعني زوجتك تحتاج رعايه بمستشفى لين تولد
رامي:ليه شفيها
الدكتور:وضع الجنين مو مطمن وممكن انها تفقده لو ماحصلت على راحه مو لازم تتحرك ابد
رامي:طيب بوفر لها راحه بالبيت
الدكتور:يارامي مهما كان البيت ماهو نفس المستشفى لو وفرت كل شي
رامي:لادكتور انا بجيب اكثر من ممرضه ومابخليها تتحرك وبوفر كل شي
الدكتور:والله براحتك يارامي انا علمتك وانت حر
رامي:يعطيك العافيه ماقصرت
الدكتور:الله يعافيك
دخل رامي لاحساس بعد ماطلع الدكتور وهي نايمه
قرب لها وهي يلمس خدها بيده ويبتسم"الله يحميك ويحفظك لي يارب"
نـــرجع لبريطـــانـــيا
بالمستــــشفـــى
الكل على اعصابهم
ماجد رايح جاي ويده على قلبه
ليان تبكي والبنات معاها
بندر بحاله قلق مايتمنى يصير لمشاعل شي ماكان متوقع حبيبة ماجد هي مشاعل
ساعه من القلق الخوف التوتر والبكاء
طلع الدكتور
ماجد ناظره وظل واقف بعيد خايف يقرب ويسمع شي مايبي يسمعه
ليان بكاء:دكتور كيف وضعها
الدكتور:المريضه تحتضر
ليان شهقت:لا تكفى ساعدها الله يخليك ابوس يدك دكتور
الدكتور مو فاهم شي لانها تتكلم عربي:وات
بندر بالانقلش:دكتور ارجوك حاول انقاذها
الدكتور:للاسف تعاني من نزيف داخلي لااستطيع ان افعل شي
ومشي والبنات جلسو يبكون
ماجد مشى بثقل ودخل لها وهو يشوف الاجهزه عليها وشكلها حيل غير ماكان متخيل بيصير لها كذا بيوم من الايام
قرب منها وهو يحاول يكون قوي مسك يدها وباسها ودموعه بدت تنزل بالم وهو يتكلم معاها :تكفين
لاتتركيني مشاعل انا يتيم يامشاعل انتي عارفه ان مالي الا انتي كنت اقول اهلي واهلي وانا مالي احد
يتيم يامشاعل يتيم ولقيتك وصرتي لي كل شي ليه الحين بتروحين وتخليني ارجع يتيم ليه
ناظرها وهي تفتح عيونها ودموعها تنزل ويحس انها تتاسف له بنظراتها ماقدر يتحمل نظراتها
وجلس يبكي اكثر:لاتناظريني بنظرات عاجزه انتي تحبيني صح مشاعل تحبيني صح
مشاعل تهز راسها ودموعها تنزل
ماجد ابتسم بحزن ورجع يبكي:ماراح تتركيني صح
مشاعل سكرت عيونها وهي تحس بتعب ماتقدر تتكلم وهي تحس نفسها ماراح تعيش
ماجد يمسك وجهها:لاتسكرين عيونك خليك فاتحتهم
مشاعل فتحت عيونها وهي تبكي وجلست تبكي بصمت وصدرها يرتفع من شهقاتها المكتومه
ماجد ماتحمل وجلس يبكي وهو حاس وعارف ان مشاعل راح تموت راح تروح وتتركه قام وهويبعد
عنها ويوقف عند الشباك ويبكي وهو ساكت وحاس انه ماهو بقادر يمسك نفسه حاس نفسه منهار
دخلو البنات وكل وحده تبكي اكثر من الثانيه
ليان كانت تحس بتانيب الضمير تحس انها السبب وكانت منهاره لدرجه انها مو قادره تمشي وبندر هو اللي يمشيها
قربو الكل لها
ومشاعل كانت تناظر ليان وتبكي وصدرها يرتفع لانها تشاهق وكاتمه شهقاتها
ليان تقرب منها وتمسك يدها وتبكي:سامحيني مشاعل تكفين
مشاعل تناظرهم وناظرت مها وهي تبكي
مها فهمت نظرات مشاعل وقربت منها وهي تبكي :انا اللي اسفه يامشاعل انا اللي ضايقتك كثير
سامحيني
مشاعل ناظرت ماجد ورجعت ناظرت البنات وهي بحاله اعجز اوصفها بحاله عجز تعب حزن
خوف والم
ليان:مشاعل لاتموتين
مشاعل اشرت لغرور بيدها
غرور وهي تبكي:امريني
مشاعل تاشر على الاكسجين
هدى:لاخليه يضرك ان شلناه
مشاعل تهز راسها وتاشر على الكمام
غرور فكته عنها وهي تبكي:مشاعل
مشاعل بصعوبه والم:سامحوني
ماجد لف لها وهو يبكي وقرب لها وهو خايف عليها ورجع الاكسجين عليها وناظرها ويمسح على راسها:لاتتكلمين
الحين انتي تعبانه خلي الكلام لبعدين
مشاعل تهز راسها وهي تبكي وكانها تقوله"مافي مره ثانيه ياماجد"
ماجد اللي يفهم نظراته اللي تبين له انها راح تموت:لامشاعل تكفين لاتموتيني بهالنظرات تكفين
جود لفت عنهم وهي تبكي بحراره
كانت ربع ساعه بالكثير وسمعو صوت جهاز القلب
مشاعل شهقت وهي تناظر ماجد
ماجد جلس يبكي:لا مشاعل تكفين
البنات بحاله صدمه
دخلو الممرضات والدكتور وطلعهم
وجلسو برا بحاله صعبه
وجلسو ينتظر الدكتور
طلع الدكتور وناظرهم وهم يناظرونه وهم على اعصابهم خوف من اللي بيقوله
الدكتور:قدرنا ننقذها بس ماحنا ضامنين اذا بتعيش والا لا
الكل فرحو وجلسو يحمدون ربهم
ماجد جلس يضحك ويمسح دموعه وهو حاس بأمل
بالريــــاض
المســــاء
بشـــقه ضاري وفجر
صحى ضاري على صوت الجوال ورد بطفش:نعم
:.اخ ضاري
ضاري عدل جلسته:اي نعم من معاي
:...مستشفى....ياليت تجي
ضاري:ليه وش صاير
:....بس تجي تعرف
ضاري رمي الجوال وقام بسرعه لبس وركب سيارته وحرك للمستشفى
ودخل وهو على اعصابه
واتصل على نفس الرقم:الو انا بالمستشفى وينك
:... انا بمكتب...
ضاري:اوك قفل وراح للمكتب ودق الباب
ودخل وناظر لدكتور بخوف:السلام
الدكتور:وعليكم السلام اخ ضاري
ضاري يقرب:دكتور وش فيه
الدكتور:انت زوجتك فجر ال....
ضاري بخوف:ايه وش فيها
الدكتور:بالعنايه الفائقه صار لها حادث
ضاري:شنوووووووووووو
الدكتور:هدي من خوفك واسمعني
ضاري:دكتور كيف وضعها هي بنت عمتي
الدكتور:زوجتك بكل اسف اقوله لك تشوهت بشكل ماتتخيله لو تشوفها ماتعرفها هي بين الحياه والموت
ضاري:يعني ايش
الدكتور:يعني ادعي لها ولو تحسنت باراده الله راح نجري لها عمليه وراح تحتاج لعمليات تجميل كثيره
بس عمرها مابترجع نفس ماكانت راح تبقى الاثار فيها
ضاري :اقدر اشوفها
الدكتور:اسف لا
ضاري:تكفى دكتور بس دقيقه
الدكتور:انا اسف لا
ضاري وقف بضيقه:اوك يعطيك العافيه
الدكتور:واجبي
ضاري طلع وهو مخنوق مو عارف شلون يقول لابوه هالخبر
ببيت ام منار
حنين:منار بالله تفهميني هالمساله
منار:....
حنين تناظر زهور:مو معانا ذي
زهور:ايه بعالمها الخاص
حنين بصراخ:مناااااار
منار ناظرتها ببرود :نعم
حنين:وين سرحانه
زهور:لنا سنه نقرقر على راسك ولا انتي هنا
منار:لا اسمعكم بس مابي ارد
زهور:ليه طيب
منار:مزاج
حنين:طيب وش فيك انتي
منار:حاسه اني مخنوقه
زهور:من ايش
منار:من كل شي بالدنيا
حنين:ليه تسوين بنفسك كذا ليه
منار بحزن:لاني مقروده لاني غبيه والا انا ليه حبيته ليه قولولي ليه انا وش ليا بالحب هاه
زهور:الحب مو بالكيف يامنار وانتي عارفه
منار:اه يازهور وربي تعبت مو قادره
حنين:لاتقولين مو قادره قولي اقدر واقدر وبتقدري
منار:ان شاء الله
حنين:هالمسأله مو فاهمتها تشرحينها
منار:اشوف وريني
حنين تمد الكتاب:هذي
منار:اي قربي
حنين انبسطت وقربت وهي تبتسم:اي
منار ردت لها الابتسامه:ركزي معاي
حنين:طيب
زهور نطت عندهم:انا بعد
منار ببتسامه:حياكم
ام منار كانت تناظرهم وتفكر بحال منار اللي تحسها كل مالها تتعب اكثر
ببيت ابو عبدالمجيد
بشايرنزلت تحت ولقت ابوها جالس لحاله :يبه
ابو عبدالمجيد رفع راسه وابتسم:هلا يبه
بشاير:ليه جالس لحالك
ابو عبدالمجيد:وش اسوي يابوك عبدالمجيد اختفى مادري وينه وهديل تزوجت وانتي بغرفتك وعادل بحياته لاهي
وش اسوي صرت وحداني
بشاير قربت لابوها وحضنته وجلست تبكي:يبه انا متحطمه يبه
ابو عبدالمجيد يمسح على راسها:والله ادري يابوك بس خلاص انسي
بشاير:يبه انا مالي غيرك
ابو عبدالمجيد:وانا جنبك حبيبتي
بشاير ظلت حاضنه ابوها وهي تبكي
بشـــقه رائد واسيل
رائد:انا رايح لاهلي تاخرت
اسيل:طيب
رائد:بكرا بجي وابي ثوبي وشماغي مكويات
اسيل:طيب
رائد:خلاص انقلعي عن وجهي
اسيل لفت ومشت وهي تحاول انها ماتبكي
ودخلت الغرفه وبالغرفه انفجرت بالبكاء
ورائط طلع ركب سيارته وحرك لبيتهم نزل ودخل وهو ماله خلق تحقيقات متعب اللي ماتخلص
رائد:السلام
الكل:وعليكم السلام
ابو متعب:رائد يابوك انت وين تروح
رائد جلس جنب ابوه:في شغله يبه ابي اخلصها وبعدها ماراح اغيب عن البيت
متعب:وشي هالشغله نبي نعرفها
رائد:ماحد تدخل بامورك لاتدخل بامور غيرك
متعب:انا اخوك الكبير يارائد لاتنسى
رائد:على عيني وراسي بس ابوي عايش ولاتتقعد لي على الطالعه والنازله
متعب:انا الحين صرت اتقعد لك
ابو متعب:خلاص يامتعب
متعب انقهر وسكت
رائد:يمه جوعان
ام متعب:الحين اجهز لك اكل ياعيون امك
رائد ابتسم وهو يمسك يد امه ويبسوها :الله يخليك لنا
ام متعب:ويخليك حبيبي وناظرت متعب:وش صار على اختك
متعب:هذي هي بالمستشفى نفس ماتبي وتراعيها دكتوره بس لسه ماتحدد متى تطلع
ام متعب:هي شخبارها
متعب:بخير لاتحاتينها
ام متعب:الحمدلله وراحت للمطبخ تجيب اكل لرائد
وابو متعب يفكر وسرحان
ببيت عادل واماني
بالغرفه
اماني جلست وهي تحس بصدااااع فضيع
قامت وغسلت وجهها وطلعت الصاله وهي ماسكه راسها من الالم
ناظرت عادل ومشعل
اماني:كم الساعه
عادل لف عليها وابتسم:تسعه ونص
اماني:ليه خليتني انام كل هالوقت
عادل:لانك تعبانه وتركتك ترتاحين
اماني ناظرته بعتب وجلست:ميشو تعالي حبييبي
مشعل قرب لامه واماني شالته وجلست تبوسه:حبيبي تدري ماما تعبانه وتبي منك بوسه
مشعل لف لامه وباسها
عادل عوره قلبه من قالت ماما تعبانه:اماني
اماني رفعت راسها:هلا
عادل:لسه زعلانه
اماني:لا
عادل:يعني مسامحتني
اماني :كمان لا
عادل:اجل لسه زعلانه
اماني:لا مو زعلانه
عادل:والله اسف معاك حق انا اناني ماقدرت اسامحك وانتي سامحتني على شي اكبر
اماني سكرت عيونها بقوه وصورت نايف تذكرها:عادل بس
عادل قام وقرب لها:سامحيني
اماني فتحت عيونها ودموعها تنزل :الله يسامحك
عادل حضنها بقوه وهو يقول:والله اسف والله لاتبكين الا دموعك ياراس مالي
اماني ظلت تبكي ومشعل بحضنها وعادل حاضنها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك