رواية حياتي راح اظل احبك لاخر ثانية بحياتي -12
هالرساله جود سكرتيرة راشد الي غيرها
راما بنفسها ( شنو تقصد هذي بأن راشد يحبها..)
وقاطع افكارها صوت جوال راشد يرن
راشد : الووو .. ياهلا ... اوكي صار ماراح اتاخر ان ششاء الله .... مع السلامه
راما انصدمت صح كلم مثل ماتقول البنت الي راسله الرساله
راما : منو
راشد : السكرتير
راما ( قصدك السكرتيره ) : اهاا
راشد : وش فيك ماتاكلين
راما ( انا مالزم احكم بدون مااتأكد راشد مستحيل يسويها ونا بتصل ع هذي وعرف منو هي ) : مالي نفس ابي ايس تكفى لا تقول راح امرض
راشد : ههههههه اي والله ياقلبي مايصير راح تمرضين
راما : انزين انا ابي ايس
راشد : ههههههه اوكي .. نتاالي
نتالي جات : نعم بابا
راشد : جيبي ايس كريم
نتالي : اوكي
جوال راما يعلن عن وصول رسالة
راشد : ههههههه وش القصه رساله بعد رساله
راما : هههههههه هذي صديقتي - فتحت الرساله وكانت ( شفتي كلمته قدامك وقلت له ابيه بكره يجيني ع الفطور وراح يجي وبتشوفين )
راما انقهرت لن جد سمعت راشد يقول اوكي صار ماراح اتاخر ان شاء الله بس سكتت ( انا لزم اتصل واعرف منو هذي )
راما : انا شبعت
راشد : ياقلبي ماكليتي شي
راما : لا شبعت ماكله مع البنات بس ماحبيت تاكل لحالك
راشد : فديتك
راما : يلا ياقلبي بطلع انام
راشد : اوكي حياتي نوم العوافي
راما وهي تطلع الدرج : الله يعافيك حبي - ودخلت جناحها وصكت الباب وجلست ع الكرسي وتصلت ع الرقم ورن رن رن لكن ماكو حد رد
راما : وش فيها هذي ماترد - وتصلت ثاني ولكن بعد ماكو حد رد
راما : اووف - ورسلت لها رساله ... وكانت " منو انتي ..؟؟ "
وبعد 10 دقاايق وصلت راما رساله وكانت " منو يعني حبيبت راشد عشيقته زوجك يموت فيني وبكره راح يجيني ومن الصبح بعد لنه راح يفطر عندي )
راما رمت الجوال وجلست تفكر وشوي دخل راشد
راشد : حبيبي للحين مانمتي
راما قامت وراحت ع السرير : الحين بنام - وتغطت
راشد استغرب هي اصل ولا ناظرت فيه بس طرد هالفكره من راسها وراح نام جمبها
---------------------------------------------
الساعه 8:00 صباحاً
سيف جالس بمكتبه يوقع ع الاوراق وشوي اندق الباب ودخا صقر
سيف : ياهلا
صقر : ياهلا فيك طال عمرك
سيف : ها ان شاء الله تشافيت
صقر : بفضل الله ثم انت طال عمرك
سيف : يلاه الحمد لله ع السلامه
صقر : الله يسلمك
سيف : يعني خلاص بترجع شغلك
صقر : اكيد طال عمرك
سيف : زين البارحه كلمووني ويقولون انهم راح يصدرو ثلاث شاحنات مخدرات انت الي عليك انك ترسل اكبر طاقم شرطة تخبر كل مراكز الشرطة يبيهم يمسكوهم متلبسين وماابي
ولا واحد من رجالي يكون هناك
صقر : صار طال عمرك
سيف : بس انتبه ان تخبرهم بنفس الوقت الي تحرك فيه الشحنات ابيهم يمسكوهم ويفكوني
صقر : ان شاء الله طال عمرك
سيف : مشكور
صقر : العفوو ياطويل العمر
سيف : خلاص فيك تتفضل .... وبنفسه ( بتشوفوون منو هو سيف وان صار الي ابيه يكون انتقمت لــ مي وابوي وبكذا يعرفون بعد اني افضل منهم لني ماقتلتهم مثل ماقتلوو امي ابوي
ابد ماراح اصير مجرم مثلهم ولا اني اقدر اقتلهم واحد واحد )
عواد : شايفه يابنتي كلهم يطلعون بدري ويتركونا حنا الاثنين بس ع الفطور
نهال : يلا جدوو سيف عنده شغل ورنيم اول محاظره لها بعد ساعه
عواد : يلا الله يوفقهم
نهال : امين
عواد : الا انا كني اذكر ان بهالشهر اكون عيد ميلاد ياسيف يارنيم والله ناسي
نهال : لا مااعتقد انه سيف لني اعرف عيد ميلاده متى
عواد : يعني اجل اكيد رنيم
نهال : اي ممكن
عواد : الا انا متأكد ... سمر
سمر جات : اي طال عمرك
عواد : شوفي عيد ميلاد رنيم متى بالظبط بأي يوم بهالشهر
سمر : انزين
-----------------------------------------
صحت راما من النوم وماشافت راشد وقامت تسبحت وبدلت وشافت ع الطاولة ورقه فتحتها وكان مكتوب فيها ( حبيبتي انا طلعت بدري لجل شغل وكان لزوم اطلع ساعه 6 مابغيت
اصحيك من بدري وكنت بقول لك البارحه بس انتي نمتي ياقلبي من تصحين اتصلي علي لن اخاف اتصل ونتي نايمه ويصير اصحيك .. احبك )
راما تذكرت الرساله الي وصلتها امس وبنفسها ( يعني صج راح لها ... يبي فطر وياها ) وشقت الورقه بقهر ورمتها بالزباله ( ماراح اتصل )
ونزلت تحت تفطر وجلست ع الطاولة وماشافت الخبز الي تبيه
راما : انجي
انجي جاتها : اي مدام بدك شي
راما : وين الخبز الي كنت دايم اكل منه
انجي : راشد بيك بيأول ( بيقول ) مابيصير تاكلي منه وأل ( وقال ) لي جيب لك خبز ينفع للحوامل
راما ( يعني قصده مره مهتم ) : اقول جيبي الخبز
انجي : بس مدام
راما : لا تقعدين تبسبسين وجيبي الخبز الحين
انجي : حاضر مدام
راما ( انزين ياراشد تاركني ورايح تفطر وياها ها يالله ) وحطت راسها ع الطاولة ونزلت دموعها وصارت تبكي
وجات انجي وشافت راما تبكي : مدام فيكي شي
راما قامت : ونتي شنو خصك - وطلعت جناحها بسرعه وصكت الباب ورقدت ع السرير تبكي
--------------------------------------
عواد : اي متى
سمر : سبحان الله ياطويل العمر بالاسبوع هذا
نهال : جد اي يوم بالظبط
سمر : يوم الثلاثاء يعني بعد يومين من اليوم
عواد : وااايد زين
نهال : زين جدي يوم تذكرت
عواد : اي والله بس ماابي حد يقول لها
سمر : ممكن تعرف
نهال : لا مااتوقع .. رنيم تفكر في شي ثاني .. ابد ماراح تتذكر عيد ميلادها
عواد : زين اجل بنسوي لها حفل لا صار ولا استوى
نهال : ياترى كم يصير عمرها
عواد : اممم 20
نهال : يعني بتصير بعمري ههه
عواد : زين والله .. سمر راح نسوي الحفل بقاعة البارتيه الي هني بالقصر جهزيه وكملي شركة تزيين الحفلات وابي كل شي جاهز اوكي
سمر : ان شاء الله
نهال : هههه ونااسه .. بقوم وخبر سيف
---------------------------------------------
الساعه 10:55
لجين ورنيم طالعين من قاعه المحاظره
رنيم : ههههه سبحان الله للحين ثلاث محاظرات طلعت انا وياك فيها
لجين : زين لجل نبقى مع بعض
رنيم : اي والله زين
لجين : الا المحاظره حقتك الثانيه متى
رنيم : امممم ساعه 11 يعني شوي
لجين : اهاا واااا انا ماعندي محاظره
رنيم : هههههههه تتطنزين ها
لجين : ههههههه - وشوي يرن جوالها وردت - ياهلا والله بخوي
شادي : ياهلا فيك
لجين : انا زعلانه منك بصراحه
شادي : له له له وشدعوه
لجين : البارحه كلها ماكلمتني غير بالصبح
شادي : والله كنت مشغول بس كاني اتصلت وان شاء الله كل ششوي بتصل عليك بزعجك
لجين : هههههههههه ماحزرت انا اصل ابي شذي
شادي : ههههههههههه اوكي
لجين : فديتك اشلون بابي
شادي : تماام والله
لجين : لبارحه كلمته ووحشني صوته
شادي : عاد مااقدر
لجين : ههههههههه
شادي : اي انتي الحين بالجامعه
لجين : ايون
شادي : اوكي بتتركك الحين وان شاء الله بتصل عليك
لجين : اوكي
شادي : مع السلامه
لجين : باااي - ضغطت ع الاحمر لكن موب زين يعني ماقفلت الخط وحطت الجوال قدامها
اما شادي فما قفل الخط اتكل ان لجين خلاص صكت يعني خلاص بس الي ماتوقعه انه للحين يسمع صوت لجين لكن ماتتكلم وياه
لجين : اي رنووم وين زوجة اخوك الا قلتي راح تجي ابي اشوفها
رنيم : هههههههههههههه راح تشوفينها راح تجي بكره
لجين : ههه اجل زين
رنيم : اقول ترا راح تجلسين ويااي لين تخلص محاظرتي الثانيه
لجين : ياويلي ياويل حالي
رنيم : هههههههههههههههههه
شادي مو مصدق سمع صوت كان وده يسمعه سمع اسم يحبه وايد سمع اسمه وحده في قلبه سمع اسم الوحيد الي دخلت قلبه
شادي بنفسه ( معقوله لا شكل يتهيئ لي والله هذا صوتها ياربي من كثر ماابي اسمع صوتها صرت اسمع صوت اي بنت صوتها يارب ساعدني ابي رنيم ابي حياتي ابي قلبي ودنيتي )
شادي مسك جواله وصكه مايبي يسمع صوت البنت الي افتكر انها مو رنيم مايبي يسمع صوت رنيم ومايقدر يكلمها
لجين : عسى دوم هالظحكه
رنيم : يدوم نبض قلبك حبيبتي
لجين : الا ماقلتي لي قد حبيتي ..؟؟
رنيم تذكرت شادي :..............
لجين : سوري بس قلت دام البارحه بالمسن قلتي لو تحبين الي اخوك رافضه وشذي حسيتك تحبين
رنيم : ههههههههه لا عادي ماشاء لله عليك ع طول كذا حسيتي
لجين : هههههههههه شايفه اشلون ....... يعني تحبين
رنيم : اي احب احبه واموت فيه بعد تصدقين كنت ابد ماأأمن بالحب بس ماعرف اشلون حبيته
لجين : سبحان الله باين من عيونك تحبينه وايد
رنيم : واااااااااايد
لجين : وشنو اسمه ..؟؟
رنيم : شادي الوحيد الي حبيته شادي
لجين : قلتي شادي ..؟!!!
رنيم : اي شادي الوحيد الي دخل قلبي ماعرف اشلون ولا كيف .. مفتاح قلبي كان ضايع بمكان بعيد وهو لقى المفتاح ودخل قلبي ونا بنفسي خذيت المفتاح ورميته لني ابد ماراح احب
غيره
لجين ( قالت شادي ممكن يكون اخوي لا مو ممكن صح في شي اسمه صدفه بس موب شذي لا ماتوقع ان شادي اخوي ولا اقول خلني اسئلها اكثر واسئل اخوي بعد )
لجين : ربي لا يحرمكم من بعض
رنيم : ياريت دعيتي هالدعاء من قبل خلاص الحين ماعرف وينه مدري ليه راح وتركني
لجين ( لا يكون اخوي انا لزوم اعرف ان كان اخوي لن يقول الي كان يحبها هني بــ دبي ) : ليه شنو صار
رنيم : ههههههههه اسفه والله بزعجك بهمي
لجين : لا والله ياقلبي عادي
رنيم : فديتك ... راح اقول لك كل شي دامك رضيتي بس الحين ساعه 10 محاظرتي راح تبدي راح اقول لك بوقت ثاني
لجين : شنو رايك تجين عندي اليوم
رنيم : اممممم
لجين : تكفين حبيبتي لا تكسرين بخاطري تكفين
رنيم : اوكي ياقلبي من عيوني
لجين باستها بخدها : تسلملي عيونك حياتي
رنيم : ههههههه يلا بلحق المحاظره
-------------------------------------------
نهال : اي ياقلبي اشلونك
سيف : من سمعت صوتك ونا زين
نهال : دوم حياتي
سيف : اي ياقلبي ونتي اشلونك ..؟؟
نهال : زينه ياقلبي .. اي حبي تعرف ان عيد ميلاد رنيم بعد يومين من اليوم
سيف : جد والله زين ذكرتيني كنت ناسي
نهال : اي زين اني ذكرتك جدوو يقول راح نسوي لها حفل
سيف : اي اكيد
نهال : بس حبيبي لا تقول لها بنخليها لها سبراايز
سيف : هههههه اوكي
نهال : اي ابي اروح السوق
سيف : ليه ياقلبي
نهال : ابي اشتري لها هديه
سيف : اي ونا بعد خلاص بكره نروح سوا
نهال : اوكي ياقلبي
------------------------------------------
الساعه 5:00
عواد : اي يابنتي اشلون الجامعه اليوم
رنيم : زينه والله .. نهال ترا بكره تروحين مالي لجين تبي تشوفك
نهال : ههههههههه ان شاء الله
رنيم : اي جدوو ابي اروح اليوم لــ لجين
عواد : ومنو لجين
رنيم : صديقتي بالجامعه تكفى جدوو ابي اروح
عواد : اوكي حبيبتي
رنيم نقزت وباسته : فديتك ... يلا بطلع اجهز - وطلعت جناحها
نهال : زين انها ماتذكرت عيد ميلادها
عواد : ههه اي والله زين
الساعه 7:00
جهزت رنيم وطلعت ركبت السياره متوجه لقصر ام شادي ام لجين ومن وصلت
لجين تسلم ع رنيم : ياهلا والله وغلا وكرتوووون حلا
رنيم : هههه ياهلا فيك حياتي
لجين : منووره والله
رنيم : عاكسه نورك فديتك
لجين : دشي تفضلي ياقلبي
ام شادي : ياهلا
رنيم : هلا فيك خالتي
لجين : مامي هذي رنيم صديقتي
ام شادي : ياهلا يابنتي منوره
رنيم : تسلمين خالتي بوجودك
لجين : تعالي نطلع جناحي افضل
رنيم : براحتك
لجين : اجل يلا
وطلعوو جناح لجين
لجين : اي شنو رايك بجناحي
رنيم : حلوو
لجين : ههه بس اكيد موب احلى من جناحك
رنيم : ههههههههههههه اكيد
لجين ضربتها بخفه بكتفها : هههههههههههه هبله
رنيم : اي بقول الصدق
لجين مسويه نفسها زعلانه : سكتي سكتي
رنيم : هههههههههههههههههههههه
لجين : اي قولي لي وين راح حبيبك ..؟؟
رنيم هجدت وتذكرت شادي : ماكو بس هو كان يحبني ونا ماكنت اعرف
------------------------------------------
ام نهال : اي يابنتي ذاكرتي
زين : اي مخلصه توي
ام نهال حست ان زين تبي تقول شي : انزين وش فيك
زين : ها لا مافيني شي بس
ام نهال : بس شنو
زين : بس بغيت اقول لك
ام نهال : اي
زين وهي تروح غرفتها وراسها ع الارض : ان فيصل وامه جايين اخر الاسبوع - ودخلت الغرفة وصكت الباب
ام نهال : ههههههههههههههههههه والله زين ان بنتي تستحي هههههههههههه افضل من الي وجيهم مغسوله بمرق هههههههههه فديتها
-----------------------------------
رنيم : وخوي طرده من الشغل من سمع انه قال يحبني
لجين ( لا والله شكله اخوي ياربي اشلون شذي ) : وماعرف انك بعد تحبينه
رنيم : لا انا اصل من قال لي انصدمت ماعرفت شنو اسوي ماعرفت شنو اقول جلست شذي ساكته ومتجمده بمكاني
لجين : انزين ماحاولتي انك تدورين عليه
رنيم : اكيد حاولت قلت للبودي قارد يدورونه ولقووه ساكن بفندق ويوم رحت يقولو كان موجود بس الحين طلع يعني ماعاد عندهم
لجين ( انا لزوم اسئل شادي الي يحبها شنو اسمها اذا كان رنيم فأكيد هذي هي زين ويصير انا اجمعهم ) : ان شاء الله بتلقينه
رنيم ببتسامه : ان شاء الله
--------------------------------------------
الساعه 10:50 ليلاً
راما جالسه بالصاله تتفرج وشوي دخل راشد بباقة ورد وراما ولا ناظرت فيه
راشد : السلام عليكم
راما وماناظرت فيه : وعليكم
راشد استغرب : وعليكم
راما تتفرج : ...................
راشد : خذي ياقلبي هذي لك
راما تتفرج :...................
راشد جلس جمبها وباسها بخدها : وش فيك ياقلبي
راما : شنو فيني
راشد : حبيبي شكل مع الحمل تنفعلين اطلعي ارتاحي
راما تتفرج : ماابي
راشد ( لزم مااضايقها ) : اوكي - وقام طلع الجناح يبدل
راما ( بتشوف راشد ) وقامت طلعت الجناح ومن دخلت شافته يفتح ازارير تيشيرته
راما : وين كنت ...؟؟
راشد : بالشغل
راما : الشغل من الساعه 6
راشد : اي البارحه مكلمني السكرتير ويقول اكو اجتماع وراح يكون الساعه 7 ولزوم احضره انا كنت ابي اقول لك بس انتي نمتي وبعدين انا حطيت لك ورقه - والتفتت وماشاف الورقه -
كاه يعني قريتيها
راما : اي قريتها ومنو الي اتصل عليك البارحه يوم كنا نتعشى
راشد : قلت لك السكرتير
راما ( لسى يقول السكرتير ) : راشد وين كنت اليوم بالصبح من بدري ومنو الي متصل عليك البارحه
راشد : راما لشنو تبين توصلين تكفين تكلمي بوضوح شنو قصدك اني ماكنت بالشغل الصبح وان الي مكلمني البارحه موب السكرتير يعني اكذب عليك
راما : لا بس....
راشد : بس شنو انزين قولي شنو قصدك بوين كنت ومنو كنت تكلم ..؟!
راما : انزين شسوي البارحه كنا نتعشى وجاتني هذي الرساله - وفتحت الرساله الاوله ورته هي - وبعدها ع طول صج جاك اتصال وبعد ماقفلت وسمعت انك قلت اوكي ماراح اتاخر
جاتني هذي - وفتحت الثانيه وورته هي- يعني شنو تبيني اسوي وبعدها يوم طلعت اتصل وشوف منو هي ماردت رسلت لها منو انتي ارسلت هذي - وفتحت وورته - واتصل ماترد
شنو تبيني اسوي كل شي صار قدامي
راشد ( هذي اكيد عبير الي مدبره كل شي ) : يعني انتي موب واثقه فيني
راما : ياقلبي موب سالفه موب واثقه فيك بس شسوي كل شي صار قدامي وصج
راشد خذا منها الجوال وتصل ع الرقم من جواله وفتح مكبر الصوت
راشد : الوو
عبير : ياهلا والله وغلا فديت صاحبة الالوو
راما انصدمت يوم سمعت صوت عبير مو مصدقه البنت الي تعتبرها صديقتها تسوي فيها شذي
راشد : منو
عبير : منو يعني رشود انا عبير الوحيده الي تحبك وولا راح تحب غيرك
راما وبدت دموعها تنزل
راشد : انتي شنو ليه ترسلين لــ راما اني جاي افطر عندك
عبير : ليه يعني ابيها تبعد عنك بصراحه انا ذكيه قدرت افرق بينكم يعني اكيد راجع لي
راششد قفل الخط وقفل الجوال بالكامل
راشد : شايفه هذي عبير صديقتك
راما وهي غارقه بكى : بس هي ليه تسوي شذي انا شنو مسويه لها كنت معتبرتها صديقتي
راشد حظنها : خلاص ياقلبي ماتستاهل دمعه من عيونك
راما : بس انا شنو مسويه فيها والله ابد ماتوقعتها شذي ليه تبي تفرقنا
راشد : زين ياقلبي انك عرفتيها ع حقيقتها خلاص حياتي كفايه بكى
راما حظنت راشد بقووه : اسفه ياقلبي والله اسفه
راشد : عادي حياتي لا تتأسفين
راما : احبك والله احبك ولا راح احب غيرك
راشد : ونا بعد حياتي احبك .. يلا ياعمري كفايه بكى مو يقولون ان البيبي فـــ بطن امه يحس فيها تبين طفلنا يحس ان امه حزينه
راما هزت راسها بـــ لا : لا
راشد : انزين خلاص ياقلبي كفايه بكى
راما جاتها الجرئه وباسه بشفايه وبخجل : اوكي
راشد : ههههههههه فدييتك
-----------------------------------------
رنيم : هههههههههههههه يلا حبيبتي اشوفك
لجين : اي موب تقطعين
رنيم : لا اكيد ونتي بعد عقبال ماشوفك عندنا
لجين : هههههههه ان شاء الله
رنيم : يلا ياقلبي بااي
لجين : باااي حبي
طلعت رنيم وركبت السياره وتوجهت لـــ قصر عواد جدها
اما لجين فطلعت بسرعه جناحها وخذت جوالها تتصل ع شادي
بس للاسف طلع مقفل
لجين : امممم اتصل ع الثاني
وتصلت وترن ترن ترن ترن ترن ترن ترن ترن وتم الرد
لجين : اي الوو شادي
ابو شادي : لا يابنتي انا مو شادي
لجين : ياهلا بابي
ابو شادي : ياهلا فيك حبيبتي
لجين : اشلونك وحشني موووت
ابو شادي : والله ونتي بعد حبيبتي اشلونك ..؟؟
لجين : والله زينه .. الا وين شادي
ابو شادي : والله ماعرف كان عندي بمكتبي وطلع وترك جوالاته هني ونا يوم شفته يرن وايد وشفت مكتوب جي جين عرفت انه انتي
لجين : جي جين ايا شادي يالمفتري مسميني جي جين
ابو شادي : هههههههههه موب هو شذي يدلعك
لجين : والله بوريه يسميني جي جين
ابو شادي : هههههههههههههه
لجين : يلا بابي اكلمك بعدين ويوم يجي شادي قوله يكلمني وبوريه منو هي جي جين
ابو شادي : هههههههه اوكي
لجين : هههههه يلا بااي
ابو شادي : ف مان الله
صكت لجين وتسبحت وبدلت ونامت
--------------------------------------------------
الساعه 8:00 صباحاً
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك