رواية صرت اغار انا منها عليها -12
مي:ههههه ولا يهمك بعد يومين نروح لهم طيب
غاده:والله خلاص طيب
في جناح جومانه
قربت وشالت الي على الكوميدينا وكانت علبة دخان
شهقت وبنفسها معقووله منصور يدخن غريبه اول مره ادري
طالعت سريرها وعرفت انه نام عليه وماهتمت
راحت على طول لغرفة الملابس وطلعت لها بيجامه زيتيه
ودخلت الحمام(اكرمكم الله)وتسبحت وتركت شعرهامبلول
وطلعت ورشت نفسها بعطرها المفضل لها فتره منه
وراحت المطبخ فتحت الثلاجه وطلعت علبة عصير المانجو
وسكبت لها فيي كاس وشربته وبعدها راحت فرشة اسنانها
ورجعت غرفتها شالت علبة الدخان ورمتها عند باب غرفة النوم
وشغلت المكيف على اعلى درجه لان الجو مررره حار
وتوجهت لسريرها المعفوس ومافكرت ترتبه بس
تبي تدخل تحت لحافها واتناام رفعت الحاف وانصدمت من الي
شافته وراحت تمسكه بيدين ترتجف تبي تتاكد انها مو غلطانه
بيت ابوريان
ريان يضبط شماغه ومنار كانت غاطه بنوم ومو حاسه بنفسها
قرب منها ريان:وباس خدها,,,,وفجئه دق جواله طلعه من جيبه
بسرعه وحوله صامت
منار:همممممم
ريان:حبيبي اسف ازعجتك بطلع اخوياي ينتظروني
هزت راسها ورجعت تتغطى بلحاف
شال مفاتيحه وتعطر وطلع من الجناح
رد على التلفون
مشاري:وووووجع يوجع عدوك ساعه اتصل
ريان:يلعن ابو الكذب ساعه يامفتري كلها دقيقتين
مشاري:يله اطلع لي عاد حنا بنمر ولد عمك الغثيث
وقفل التلفون
ريان:هههههههه غبي
طلع وشاف مشاري وتلفت ولقى حجاره عند رجوله وشالها
ورفعها يبي يحذفها على مشاري
بدر:هههههههههههههههه لالا
مشاري:لا يالمجنون لاتكسر القزاز توني مصلحه
ريان رماها على الرض وضحك وركب السياره
ريان:سلام عليكم يابدر
مشاري:هههههههههههه
هههههههههههه
بدر:خخخخخخ وعليكم السلام ياريان
مشاري تحرك بسياره ومسوي نفسه زعلان
بدر:ههههههههههه زعل الاخ
مشاري:ايه اكيد زعلان ماسلم علي
ريان:لوتطير ماسلم عليك عشان تنسى اتقفل ابوجهي
ودي ان كسرت قزاز سيارتك عشان تعيفها
بعد هذا الكلام فطس مشاري وبدر يضحكون
وريان مستغرب اشفيهم:هيه يالخوان اشفيكم سلااامات ضحك
بدر يحاول يمسك نفسه من الضحك يبي يتكلم بس ماقدر
ومشاري وقف السياره على جمب ماقدر يسوق من الضحك
وريان فطس معهم ضحك مايدري وش السالفه
ريان:ههههههههههه وجع وش السالفه
بدر شرب ماي ثم طالع في مشاري ثم رجع يكلم ريان:ههههههههه طيب بقولك
ريان:قول وخلصني
بدر:ههههه الاخ مشاري جاته حالة مراهقه وهو لحاله
هههههه,,,فقرر يطلع يغازل,,,هههههه,,,,راح عند مدرسه
ثانويه ومر من جمب بنات وقام يقول رقمه0555
الا وحد من البنات شالت حجار من الارض
هههههههه,,,طالع فيها وقال لاتكسرين القزاز
والله لو تكسرينه لانزل اطقك طق تكرهين نفسك بعده
ريان/مشاري:هههههههههههههههه
بدر:المهم البنت شالت الحجاره وكسرت القزاز الخلفي للأخ مشاري
و,,ههههههه,,وهربت من الخوف لايطقها
مشاري /ريان/بدرفطسو ضحك:ههههههههههههههه,,,هههههههه
بيت ابومنصور
منصور:يلا اسمحولي بطلع الشباب بيمروني الحين تامرون على شي
الجميع:سلامتك......
راح منصور وبعثر شعر محمد وهو يحاول يفلت منه وضحك عليه وطلع برا الفله
في جناح جومانه
في مكان ساده الهدؤ والدهشه والالم
في مكان يما احتاج للامان والحنان
محتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني
ألا أنت وينك لاتعذر بالاسباب
ابيك تترك كل شي وتجيني
سالت على خدها دمعه كادت تحرق خدها من حرارتها
طالعت على السرير ومومصدقه
كانت بيجامتها الحمراء ممدوده بطرف الثاني على السرير وعليها صوره لجومانه وهي مبتسمه
(منصور يموت على اللون الاحمروهواكثر لون يضعف امامه وخاصه اذا كان على وحده مثل جومانه بجسمها وبياضها)
جومانه وهي تبكي وبنفسها يعني منصور طول الايام الي فاتت
كان يتخيل اني نايمه ابحظنه لهاالدرجه تبي تعذبني يامنصور
ليش ماتصارحني وياترى لوصارحتني بقدر انسا الي فات
اه اه ياقلبي مستحيل اسامحك مستحيل
في المستشفى
منصور:شباب خلوكم هنا بدخل انادي الدكتور مازن
عشان يسمح لنا ندخل لصقر
الشباب:ان شاء الله
دخل منصور غرفة الدكاتره وقابل الدكتور رعد وعطاه نظره
من فوق لتحت وتوجه لدكتور مازن
د/مازن:هههههههه مشاء جاي بنفس الموعد
منصور:اكيد هذا صقر اخوي لازم اجي بنفس الوقت عشان اشوفه
قرب الدكتور مازن من منصور وحط يده على كتفه:ابيك يامنصور
تصبر وخاصه ان صقر حالته في تحسن ولو وقفنا معه راح يطيب
بسرعه اتوقع اصعب مرحله هي لما يستوعب ان زوجته ماتت
لكن دامكم معه ياوجيه الخير صدقني بيعديها
ابتسم منصور وصافح الدكتور:مشكور ياخوي شهاده اعتز فيها
د/مازن:تفضل معي
توجهو الشباب والدكتور غرفة صقر وكانت قلوبهم اتدق بسرعه
خايفين لايشوفون صقر ابوضع سيئ
دخل الدكتور ولحقوه الشباب الا منصورماقدر يتحرك من مكانه
د/مازن:منصور تفضل تعال ,,,توقعتك اول واحد بيدخل
منصور:مادري شفيني خايف
د/مازن سحب منصور:ادخل مراح اتشوف الاالخير
دخل منصور وناظر في اخوه وصديق عمره
والدمعه بعينه كان نايم مايحس بناس من حوله
قرب منه منصور وباس جبينه الي كان ملفوف بشاش الابيض
بسبب الضربه الي تعرض لها
مسح دمعته والتفت على الدكتور:ليش مايصحى هونايم والا انتو معطينه منوم
ابتسم د/مازن:عطيناه منوم عشان الجرح الي براسه يطيب
طلع من عندهم الدكتور وكلهم التفو حوله وجلسويكلمون وكانه يسمعهم
منصور:صقر اخوي قوم تراك واحشنا
مشاري:أي والله الديوانيه ماتسوى من دونك
بدر:تخيل ياصقر ان العشاء بدوانيه طبخته مرتين عقاب عشان
احرقت لهم الكبسه
مشاري:ماعليك منه ياصقراحرقه وبعد جابه مالح واكلناه
ريان:بس بس لاتخليني اعلمه بسواتك هههههههه
مشاري:بس لاتفضحني هههههههه
منصور:شنو السالفه
ريان:ههههههه السالفه............ وقال لمنصور كل الي صار لمشاري
منصور:هههههههههه والله تستاااهل ليت الحجرضرب راسك عشان تتأدب
مشاري:صقرقوم سكتهم,,,ثم سكت شوي,,,بس والله خايف لاتوقف معهم علي
الشباب:ههههههههههههه
الساعه 2 فجرآ
رجعو الشباب لبيوتهم
توجه منصور لفلتهم هو يقول بنفسه لازم انهي كل الي فات الليله
دخل منصور جناحه والي كان شديد البرووده حس بقشعريره
من شدة البروده تاكد ان كل المكيفات طافيه ماعدا مكيف غرفة النوم
راح لها وهو يمشى طق شي برجوله طالع تحت لقاها
علبة الدخان واستغرب وش الي جابه هنا
دخل وبسرعه طفا المكيف طالع في السرير وشاف البيجامه مرميمه
بطرف السرير
رجعت فيه الذاكره لوراا
(كان يجيب بيجامة جومانه وصورتها وينومها جمبه عشان يحس انها قريبه منه وكان يحضن البيجامه ويحطها على صدره المكشوف وينااام)
تنهد وطالع علبة الدخان الي اول مره يدخن بعد ماقالت له جومانه
انها بتتركه بعد شهرين كان يبي أي شي ينسيه همه
ومالقى الا الدخان الي زاد عليه االتعب
قرب من السريروطالع وجه جومانه البريئ الطفولي
وكان شعرهاالاسود منثور على وجهاالابيض
وخر شعرها المبلل عن وجها يبي يشبع منه قبل ينام
استغرب ان شعرها مبلول ومرر يده على خدها ولكنه رفعها
بسرعه من شده حرااارة خد جومانه
عقد حواجبه وحط يده على جبينها
وكان يلسعه من حرارته
حس ان قلبه بيوقف ,,,جلس على السرير ورفع راسها بيده
اليمين وصار يضرب خدها بخفيف
منصور والعرق يصب من جبينه من شدة خوفه
جومانه:امممممممم,,,ارتفعت شوي وطالعت منصور
بعيونها الكحيله لكنها حمرا من شدة الحراره
لمها منصور بيدينه :فيك شي
طالعته جومانه وهي مو حاسه بشي ودخلت وجها بين رقبته وكتفه
وحركة وجها بطريقه كانها بردانه
اما منصور من شدة حرارتها حس ان رقبته حااره
شالها بسرعه مثل الطفل ودخلها الحمام
وفسخ ملابسها بسرعه ماخلا الا الملابس الداخليه
وجومانه بين الاحساس بنفسها وبين عدم الاحساس من شدة السخونه
قربت منه وحطة ايدها على عيونه:لاتشوفني الله يخليك
اطلع انا بسبح نفسي
منصور:مراح اطلع,,,وفك الدوش عليها
جومانه:عطني ضهرك وامسك يديني عشان مادوخ وبتسبح لوحدي ارجوك
طالع منصور جسمها الابيض المايل للوردي الناعم من شدة
نعومته حس بغيره من الماي الي ينزل عليه
عطاها ضهره ومسك بيدينها وبليد الثانيه روب الحمام ومنشفه
وهي وقفت تحت الماي البارد
جومانه:خلصت,,,وحاولت تقفل المحبس بس ماقدرت
التفت لها منصور ولمها بسرعه بلمنشفه:اتركيه انا بقفله وقفله بسرعه
ثم عطاها ضهره:يلا وخري ملابسك الداخليه عشان البسك روب الحمام
انحرجت جومانه وحمرت خدودها وفسخت ملابسها بسرعه
رجع ايده على ورا وعطاها روب الحمام ومنشفة الشعر
منصور:خلصتي
جومانه بحيا:ايه
التفت وعلى طول شاله بين يدينه وروحها غرفة الملابس
نزلهاوكانت مثل الطفله قدامه صغيره قدام جسمه الضخم
طالع وجها وسحرته بشفايفه الحمرا وخدوها الورديه وعيونها الكحيله
ذاب على شفتها الي كانها لونها دم من شدة احمرارها
باسها بوسه سريعه وجومانه خافت ورجعت ورا
ابتسم:بوقف عند باب الغرفة بسرعه البسي لك بيجامه قطنيه دافيه
طلع وراح جاب لها مسكن حراره وماي ورجع ولقاها لابسه بيجامته
حاول يشيله بس منعته
جومانه:خلاص اقدر امشي لوحدي
راحت وجلست على السرير ومنصور عطاها المسكن وشربها الماي بنفسه
وقاس حرارتها ولقاها منخفضه
منصور براحه:الحمد لله انخفضت الحراره,,يلا تسطحي
انسدحت جومانه وهي مستحيه ان منصور موجود بس سرعان مادهمها النوم
ومنصور جلس على الكرسي ورجع راسه لورا مايبي ينام يبي ينتبه لجومانه
توقعااتكم
صقر كيف بيرجع لوضعه
ام رنى وعيال صقر بيرتاحون او لا
سمر شافت السديهات ولا باقي وهل احد بيكشفها
منصورشنو كان يبي يقول لجومانه
تتوقعون جومانه لما تصحى وتتذكر الي صار شنو بتسوي
لكم ودي واحترامي
البــــــــ 14 ـــــــــــارت
صحت جومانه على صوت المنبه وطفته على طول
عشان تصلي الفجر
وانقلبت على الطرف الثاني وشافت منصور نايم على
الكرسي الي قريب منها
تفاجئت لما شافته يعني كان خايف عليها وسهران
عشان يتطن عليها,,,وكان ملامحه مغطيها التعب
نزلت من السرير وقربت منه اتطالعه كانت
شكله يجنن عيونه وشفاته الحاده وانفه الي مثل السيف
تذكرت الي صار في الليل وحمرت خدودها
وبنفسها ياربي ليش مامنعته لها الدرجه الصخونه ماثره فيني
ولا الشوق له ذابحني,,معقووله انا مشتاقه له يعني احبه
تحرك منصور من الم ضهره وهو يمسك ضهره بسبب نومته على الكرسي وانتبه لشي قريب منه
فتح عيونه وجومانه ارتبكت وكانه يبي يتاكد انا الي
قدامه حقيقه مو حلم
رجعت جومانه على ورا ماتبيه يشوف الشوق الي بعيونها
له وبنفسها مستحيل اخليه يحس مابيه يذلني
مسك منصور كفها الصغيرنه بنسبه لكفه وهي التفتت له
منصور:طمنيني عنك,,,وسحبها وجلسها بحظنه
جومانه قامت من حضنه وهي متوتره:انا بخير والي صار
امس مابيه يتكرر لاعاد تستغل ضعفي فاهم
وراحت بسرعه للحمام,,,وقفلت عليها الباب وسندت
ضهرهاعلى باب الحمام وحطة كفها على فمها تكتم
شهقاتها ودموعها تتناثر على خدها,,,اااه لوتدري
اني اتمنى انك تبقى معي العمر كله قريب مني,,,بس
عذابك لي جبرني على الجفا
عقد منصورحواجبه انا استغل ضعفهاتضايق بلمره من كلامها
وطلع على طول من الغرفه وراح غرفته شال له ملابس
ومنشفته وراح الحمام وفك الماي البارد يبيه يخفف الالم
الي بداخله وبعدها طلع وصلى الفجر
وبعدها قام ورش له عطر ورجع يجلس على الكنب
وغمض عيونه وكانه تذكر كلام جومانه وبنفسه
اه فاهمه اني استغلها وانا الي كنت ابي اعتذر وافتح
معها صفحه جديده وانسيها ايام التعب والله انك غبي
يامنصور تبي اتذل نفسك لها وهي ماتحبك بديت تحبها
نسيت الي صارلك يامجنون,,,فتح عيونه وكانه تذكرشي
حس انه بيخفف عليه الام الي بقلبه وطلع بسرعه من
غرفة وتوجه ناحية غرفة جومانه وطالع تحت وبسرعه
شافه وشال علبة الدخان وطلع زقاره وراح للمطبخ وولعها
وعلى طول حطها بفه وشفط الدخان شفطه طويله
وكانه يبي يخفف الي بداخله وبعدين نفخه وهو يطالعه
كيف يتشتت في الهوا وكرر الحركه مره ثانيه وثالثه
وفي هذي المره حس بكتمه في صدره وصار يكح بصوت
عالي ويحط يده اليسار على صدره ويرجع يشفط الدخان
بكل قوته يبي يعاقب نفسه على الي سواه البارح
وصار يكح بصوت اعلى
طلعت جومانه خايفه ووقفت عند باب الغرفه اتطالعه
وهو مو منتبه لها ومعطيها ضهره ,,,مشت بخطوت سريعه
وقربت منه بدون مايحس وبسرعه شالت الزقاره من فمه
التفت لهاوكانت عيونه حمراا ووجهه شاحب
بعدت منه وهي رجعة يدها ورا والزقاره فيها
عقدحواجبه وعض على شفاته:هاتي الزقاره ياتافهه
جومانه بخوف:لا,,,تبي تذبح نفسك مجنون
قرب منها واانفاسه الحاره كانها بتحرق وجههاوالتصق
جسمه بجسمها وكان قبله وقلبها تدق بسرعه
وبحركه سريعه لف يدها وسحب الزقاره منها
ورمى الزقاره عندارجوله وطالع فيهاوداسهابجزمته بقوه
يبي يخرج حرته فيها,,وجومانه تطالعه خايفه
ورفع راسه لجومانه وكان وجهه شاحب ومصفر:تدرين اقدر ادوسك مثلها
وقرب منها ومسك عضدها:لاتعيدينها فاااهمه...ودفها
طالعته جومانه وقبضت يدينها وراحت له بسرعه وصارت
تضرب على صدره وعيونها غرقانه دموعه
جومانه:اكرهك,,,اكرهك
ومنصور اوجعه قلبه وهو يشوفها تضرب صدره كانها طفل
بس ماسوى شي الا انه بعدها ونزل يفطر
وهي كملت بكاها الي تعودت عليه بغرفتهاولما ارتاحت نزلت لحمودي عشان تجهزه لانه بيداوم من يوم السبت
في الشركه
ابومنصور:ها ياخوي كلمة الشباب قلت لهم يباشرون
العمل من اليوم
ابوريان:ايه وانا اخوك خلاص دلعناهم بزياده ههههههه
ابومنصور:أي والله
ابوريان:وصلني البريد اليوم من فرعنا الي في مصروطمنوني ان الاوضاع جدآ ممتازه عندهم
ابومنصور:الله يبشرك الحمد لله ان وضعنا تحسن في مصر
ابوريان:الاياخوي وين بنعين منصور وريان بعدماغيرنا خطة العمل
ابومنصور:وش رايك نخلي كل واحد منهم يختار المكان الي يليق فيه
ابومنصور:عين العقل ياخوي
دخل منصور وريان بنفس الوقت
منصور/ريان:السلام عليكم
ابومنصور/ابوريان:وعليكم السلام
وبعد ماطلبو لهم قهوه وجلسويتكلمون شوي شال ابومنصور التلفون
ابومنصور:خالدهات الملف الي عندك ولاتدخل علينا أحداجتماع خاص اوك
شوي ودخل عليهم خالدوعطاه الملف
خالد:تامر على شي ثاني طال عمرك
ابومنصور:لامشكور
خالد:العفو,, ورجع لمكتبه
التفت ابومنصور على ريان ومنصورونزل نظارته:اظن ايام
الدلع والعسل كملت ولا
ضحك ريان ومنصور ابتسم ابتسامه شاحبه وبنفسه أي عسل الله يساامحك يايبه
ابومنصور:اليوم السبت اول يوم دوام لكم بعد الزواج
والشباب في الشركه ماقصرو شالو الحمل عنكم طول
هالفتره,,,,وطالع بلملف الي بين ايديه,,,هذا الملف فيه
منصبين لكم وكلها اداره لاكبرقسمين في الشركه واحد
منهامساعد ونائب المدير العام والثاني مدير والمشرف
على العلاقات الداخليه و الخارجيه لشركتنا
طالع فيهم بنظره متفحصه,,,الي ابيه منكم تدرسون
اثنينتكم هالملف وكل واحد يختار الاداره الي تناسبه
تكلم ريان وهو يطالع منصور:اعتقد ادارة العلاقات الداخليه والخارجيه
من تخصص منصور وهذا قسم يبيله اداره حازمه وفاهمه
اعتقد منصور افهم بهالاداره
ابتسم منصور ابتسامة شكر لولد عمه الي واثق فيه
ابوريان:براحتكم,,,ادرسوه وشوفوه وعطونا رايكم
قام منصوروشال الملف:ولايهمكم ابشرو برضاكم
قام معه ريان وطلعو وتوجهو لاحدى المكاتب
وبعد دراسة الملف قرروان ريان يكون مساعد المدير
ومنصور مدير العلاقات
وخبرو ابائهم بهالقرار وارسل ابومنصور رسالة بريد لجميع
الاقسام الدخليه والخارجيه لشركه بهذا التعين الجديد
وباشرو الشباب دوامهم
بعد مرور اسبوعين
ومنار وريان في احلى ايامهم ومنار بدت تحس بدوخه
منصور وجومانه من هذاك اليوم مايشوفون بعض الا كل
ثلاث ايام اويومين مره وخاصه ان منصور يتغدى في العمل
ميمو داوم قبل يومين ومحمد يحاول يكون قوي
وفراس صار يحس ان جومانه امه ويناديها ماما
حتى ان محمد وميمو صارو يقلدونه
صقربدا يصحى ويرجع ينام ساعات وهذا هروب من العالم
الي يحس انه فيه غريب والشباب على طول عنده
يسولفون معاه وهو ييطالع فيهم ويحاول يتذكر ومايقدر
واذا تعب من التفكير رجع ينام
وقرر الدكتور يخرجه من المستشفى بعد يومين وعطاهم
اسم دكتور ياخذون مواعيد معه لصقر من فتره لفتره يتعالج عنده
سمرطالعت افلام وصارت ماتنام الليل اتفكر في اخوها
اللي تتوهم ان جومانه اللحين ابحظنه وصارت تبكي كل
ليله وترتجف واتداوم حالها حال الطاوله وماتتكلم مع احد
ومستواها نزل وخاصه ان المدرسات انتبهو
وماتكلم جومانه والكل لاحظ هاشي
احلام بدت تخطط الاشياء اخطر من الي فاتت
جومانه بدو الجميع يلاحظون انها من يوم زواجها ماتحط
مكياج وخصوصا انها في اول ايام زواجهم
ابومنصور وابوريان قررو يروحون هم وعوايلهم واصدقائهم
للمزرعه لمدة اسبوع اذا طلع صقر عشان يغير جو ويرتاح
وكمان هما يغيرون نفسياتهم
يوم الاثنين العصر,,,في حديق فلة ابومنصور
جومانه:ميمو يلا حل الواجب
ميمو:طيب بس تعبت
محمد يسوي نفسه كبير:ميموو يلا بلا كسل
جومانه وهي تبعثر شعرمحمد:ياحبي لك
ميموبوز:بس هوتحبينه وانا من يحبني
قربت منه وعضت خده:يالئيم وانت احبك
فراس:ماما ننه
جومانه:ياقلبي تبي ننه من عنوني
محمد:ماما,,,وحط يده على فمه,,هههه,,ااسف اقصد
خاله خلي ماريا تصلح رضعته لاتعبين نفسك
ضحكت على كلامه:وليش مو احنا اتفقنا اني اكون مثل امك,,,يعني عادي
حس محمد بحنانها الي غمرهم:ايه اكيد مثل امي
ميمو:حتى انا احس انك مثل ماما
قامت جومانه وبابتسامة حنان:يلا وانا امكم يعيالي حلو الواجب
وضحكو وراحت سوت رضعة فراس لانها ماتحب الشغاله
تسويها تحب تعقمها وتجهزها بنفسها
رجعت لهم وشالت فراس من كرسيه وجلسته بحضنها
وقربته من صدرها وحطة الرضعه في فمه
ومانتبهت لشخص الي يراقب حركاتها من شوي
منصور ونفسياته تعبانه كلها الم وشوق وشعور غير معروف
سمع صوت سياره فدخل بسرعه قبل لايحد ينتبه له
شافه محمد:عمو منصور
ابتسم منصور وجومانه رافعت راسها وطالعته وكل واحد
منهم لمح نظرة شوق يخبيها عن الثاني
قطع عليهم محمد:عمو اكيد اليوم بنروح لبابا
منصورقرب منهم وشال فراس من حضن جومانه
والتقت عيونهم بس حاول يبعد عيونه عنها
مايبيها تحس انه تعبان,,,طالع في فراس
وكأنه يبي يبتعد من نظراتها ويلتهي بفراس
طالع في محمد:اكيد بنروح بعد المذاكره
لكن التعب كان واضح في عيونه وخاصه ان المنصب
الجديديحتاج شغل وتعب كبير
جومانه كانت تطالعه بدون مايحس فيها كانت الهالات
واضحه بلمره تحت عيونه
شوي وجاتهم ماريا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك