رواية صرت اغار انا منها عليها -13
منصور ونفسياته تعبانه كلها الم وشوق وشعور غير معروف
سمع صوت سياره فدخل بسرعه قبل لايحد ينتبه له
شافه محمد:عمو منصور
ابتسم منصور وجومانه رافعت راسها وطالعته وكل واحد
منهم لمح نظرة شوق يخبيها عن الثاني
قطع عليهم محمد:عمو اكيد اليوم بنروح لبابا
منصورقرب منهم وشال فراس من حضن جومانه
والتقت عيونهم بس حاول يبعد عيونه عنها
مايبيها تحس انه تعبان,,,طالع في فراس
وكأنه يبي يبتعد من نظراتها ويلتهي بفراس
طالع في محمد:اكيد بنروح بعد المذاكره
لكن التعب كان واضح في عيونه وخاصه ان المنصب
الجديديحتاج شغل وتعب كبير
جومانه كانت تطالعه بدون مايحس فيها كانت الهالات
واضحه بلمره تحت عيونه
شوي وجاتهم ماريا
ماريا:ماما جومانه ماما منار هنا قالت تعالو داخل
رفع منصور راسه بتعب وطالع جومانه يبي يشوف شنو بترد
جومانه برتباك من نظرته:اوك الحين بنجي
محمد حس ان منصور تعبان وقرب من ميمو
وهمس بذنه:ميمو خلنا ندخل داخل شكل عمو تعبان
هز ميمو راسه بمعنى طيب وقامو ودخلو لشقتهم
رجع منصور يبوس فراس وكأن جومانه مو موجوده
قامت جومانه وشالت جوالها من عاطاوله وراحت من عنده بدون ماينطقون بكلمه
أول ماعطته ظهرها رفع عيونه وطالعها الين اختفت من قدامه
دخلت جومانه الفله وكانت امها ومنار موجودين
جومانه طارت من الفرحه لما شافت امها:حياكم الله ياهلا وغلا
ام ريان/منار:الله يحيك
سلمت عليهم جومانه وجلست جمب امها
ام منصور:ههههههههه شوفي كيف وجه جومانه استهل
يوم شافتك يام ريان,,, ابتسمت جومانه وطالعت في امها
ام ريان:هههههههه والله انهاواحشتنا لكن من شافت منصور نستنا
دخل منصور على هالكلام وانتبهت له جومانه
كملت ام ريان الي مأنتبهت لوجود منصور:عافتنا من شافت حبيبها منصور
نزلت راسها جومانه وتنهدت ومالاحظها الا منصور
منار:شوفو استحت
رفعت راسها وابتسمت بدون ماتنطق
منصور:السلام عليكم,,,ياحيا الله من جانا
قامت ام ريان ومنار وسلمو عليه:الله يبقيك
منصور:كيفكم واخباركم
ام ريان:والله انحن بخير دامكم بخير ياماخذ عقل بنتي
منار:ههههه بخير,,,ياويلك منها
مشى منصور لجهة جومانه وجلس جمبها:هههههه
ليش ياعمتي وش سويت
ام ريان:وش سويت اسال تروك الي كل يوم يبكي
مشتاق لجومانه,,ولا انا الي كل شوي اطلع لباب اشوف
متى بتدخل علي
قرب منصور ومسك جومانه مع كتفها وباس جومانه
وفي نفسه اه كم انا مشتاق لك:وش اسوي هي الي
جننتني بدلعها,,,وطالع بعيون جومانه
جومانه بصوت منخفض:مايحس ابد
سمعها منصور وطنش
منار:اوووه ارحمونا من غزلكم بديت اغار
جومانه تحاول تجامل عشان ماحد يحس:هههه ارحمونا
مو انتي الي خربتو ابوي وامي بحركاتكم,,وطالعة منصور,,ورومنسيتكم
منار:ههههههه وش تبينا نسوي احيانآيطق عندنا الشوق وحن عندهم
ام ريان:أي والله يبنتي احيانا احس انحن بلخارج اذا دخلو علينا مناروريان
ام منصور كانت تطالعهم وتبتسم:عندك وعندنا خيرحتى احنا اولاد اخر زمن مايحشمونا ههههههههه
الجميع:ههههههههههه
الامنصور وجومانه كانت ضحكتهم مصطنعه
استغل منصور الوقت وهم يضحكون وطالعها:ليتك تحسين فيني
جومانه:يعني انت الي حسيت فيني
ارتبكت جومانه من كلامه وطالعت في امها تخفي توترها:الا يومه وين تروك حبيبي
وكانت يدها على الكنب وماحست الا بمنصور يضغط على يدها لما سمع بكلمة حبيبي
سحبت يدها بسرعه
ام ريان:برا بلحديقه يلعب مع اولاد صقر
جومانه:منور تعالي معي ابي اسلم عليه
وطالعت في منصور:انت بتطلع تنام
منصور:ايه
ابتسمت له ومدت يدها وهي مشتاقه له بس تحاول تبين
قدامه انها تمثل:اجل قوم اوصلك لغرفة النوم وانومك
وارجع اشوف ترووك حبي
فتح عيونه وهو يسمع كلامها ومد يدها بدون تردد
وفي هالمره ضغط على يدها بقواوقام ومافك يدها
منار:اطلعي نومي البيبي حقك وانا بروح اشوف سمور واحشتني
طالعتها جومانه وابتسمت
مشت جومانه وهي ماسكه يد منصور ولما وصلو لدرج
قرب من اذنها وهو يشد على اسنانه:كلمة حبيبي ماعاد ابي اسمعها لاي
مخلوق على وجه الارض فاهمه
ابتسمت جومانه بنفسهاانه يغار عليها
ولما دخلو جناحهم
طالعهامنصور:وسالفة انك بتنوميني كلام قلتيه وتحمليه
والله ماينومني الحين الا انتي هذا انا حلفت
خافة جومانه من انها بتكون قريبه منه خافة لاتضعف
قدامه:لا انا ماقصد ما انت قلت مانبين قدامهم أي شي غير المحبه
حاولت اريح امي وفهمها ان بنتها مرتاحه اني حسيت انها خايفه علي
مشى لغرفة النوم وعطها ضهره واشر لها بيده:الحقيني بسرعه ابي اناااام لاسمع كلام زياده
وقفت جومانه محتاره وقلبها يدق بسرعه تروح وتجي من
الحيره في الصاله خايفه لاتضعف
وماسمعة الا بصوت عالي
منار تدق باب غرفة سمر
سمر كانت مشغله اللابتوب واتابع الفيديو الي معطيتها
احلام وكانت حاطه ايدها الي ترتجف على فمها وتبكي
وانتبهت لصوت الباب وقامت بسرعه وطفت اللابتوب
ودخلته دولابهاومسحت دموعهاوعفست شعرها على انها نايمه
منار:سمور افتحي الباب
سمر:طيب ,,,جايه ...كانت مشتاقه لمنار حيل
فتحت الباب وضمت منار وبكت بالم ومتضايقه تبي تخرج ضيقتها بلبكا
منار:سمر حبيبتي كل هذا شوق
سمر وخدوها وعيونها حمرا:ايه مشتاقه لك كلكم ماعاد اهتميتو فيني لانتي ولامنصور
تذكرين منصور الي كان على طول معي الحين ماعاد يفكر فيني كله مع جومانوه
تضايقت منار على اختها وخاصه انه صغيره وباستها بخدها
ودخلت الغرفه:اوعدك ماعاد اخليك وبتواصل معك على
طول,,وبقول لمنصورانه يهتم فيك
انتبهت منار ان السرير مرتب وماكأن احد نام فيه
مناربشك:سمر ماكنتي نايمه
سمر اتطالعها وراحت اجلست على كرسي التسريحه:ايه
منار:طيب سريرك مرتب ,,,وغرفتك ليش اتقفلينها وانتي
نايمه بلعاده تخافين ماتقفلين الباب
ارتبكت سمروراحت تضبط شعرها:عادي سريري نمت
على طرفه وبعدين الجو حار ماتلحفت
وغرفتي لازم اقفلها من بعد ماجاو عيال صقر الغثه
عقدت منار حواجبها:سمووور فيك شي ليـــه اسلوبك
تغيروتصرفاتك صارت غريبه من متى وانتي تكرهين الناس
من متى وانتي متعاديه جومانه
خافت سمر بس مابينت:مااافيني شي,,بعدين لوسمحتي اطلعي من غرفتي ابي اذاااكر
منارعصبت:يابزر خلي منك هالحركات وخليني اسمع ان
جومانه او عيال صقر شكو منك والله ان تشوفين شي
مايعجبك,,,
قطع عليها صوت جوالها الي دق
(المتصل مايا)
طالعت منار سمر وهي معصبه:لاتفكرين ان الموضوع انتهى عاد لك حساب ثاااني
وردت على جوالها:هلا والله وغلا
مي:هلا فيك
اخباركم واخبار الوالده وعمتي ام ريان وجوجو
منار:كلنا طيبين,,,انتو اخباركم
مي:الحمد لله,,,منور نبي نزور جومانه غدو متضايقه تبي تشوفها
منار:حياكم الله وانا عندهم تعالوخلونا نرجع لايام زمان
مي فرحانه:أي والله خلاص جهزو الشيبس البيبسي وبعد جهزي لنا افلام رعب ههههه
منار:مجنونه هههههههههه
في جناح منصور وجومانه
منصور:يابنت
تدور في الصاله وتفرك يديها سمعت الصوت ورفع
راسهالماسمعت اسمها الي ذكره:ننعم
منصور:بسسرعه قلت بدون تاخير,,وبنفسه(مومصدق انها بتكون قريبه مني)
جومانه ياربي وش اسوي مابي اضعف قدامه
منصوريسوي نفسه معصب:لاحووووول مابي اعصب
راحت بسرعه لغرفة النوم خايفه لايعصب وتنتبه لها امها
كانت الغرفة بااارده وظلاام ونور خفيف حست ان قلبها
يدق بسرعه
كان منصور كاشف صدره ولابس برمودا ومتسطح على
ضهره ونايم بطرفها على السرير
جومانه بنفسها ياويلي هذا الي بيجنني
اشر لها منصور بيده يعني تعالي
دوخها عطره الي مغطي المكان
جومانه بتردد:نام لوحدك انت مو طفل
تنهدمنصوربصوت عالي:ياالله هذي الي تبيني
اعصب,,,ورفع يده على عيونه وغطاهم,,,مابي اتكلم
زياده لافتح عيوني الا وانتي جمبي
خافت جومانه وقربت منه وكانت ترتجف وراحت من جهتها
وطالعت فيه:بعد من مكاني روح نام بطرف الثاني عشان انومك
مسكك منصور يدها بهدؤ وسحبها وبيده الثانيه مسك خصرها بهدؤ
وجومانه ترتجف قربها منها لحد ماصارت بحضنه
وقلبه يدق بسرعه حط يده على صدرها اشفي دقات
قلبك سريعه ليش خايفه
بعدت يده:مافيني شي موخايفه
بعد يدهاوقرب يدها من وجها ولمس خدهاوتنهد
تقطع قلب جومانه عليه لما تنهد
رفع راسها وطالع بعيونهاتاهت بعيونه وهو تاه فيها
منصور وهو ضايع بعيونها سحب اللحاف وغطها وتغطى
معها لانه حس بها وهي ترجف:المفروض يسموك الغزال
عيونك تعذبني
نزلت جومانه عيونها عنه
منصور وهو مسك يدينها:يلا نوميني ابي احس اني طفل
بحضن امه الغزال
ارتبكت جومانه بس الشوق الي بداخلهانساها الربكه
وخاصه انها قريبه منه حطت يدها على شعره وبدت اتمرر
اصبعها بين شعره وتتنفس عطره
ومنصور كان يحس نفسه بعالم ثاني بحلم موحقيقه
كان يطالعها ومايبي يبعد عيونه عنها
حضنها وهويذووب بحنانها عليه
ومن شوقه ومحبته وبنفسه خلاص بقولها الحين اني
احبها ومستحيل اخليهامستحيل نفترق
بعترفلك بس آخر إعتراف:
إنت«وحدك»بس يلي
تهمني
دامني مغليك ماعندي خلاف•
وإن تبعثر مني غلاك
لمني•
إعرف إنك وسط قلبي
ماتخاف°
سمني°مجنون حبك°
سمني
لوحبي لك ورا صدري ينشاف`
كان تقوم بلا شعور و◦تضمني◦
جومانه بتفسها احبك وبموت لو يفرقنا الزمن
بيت مي
ام مي:متى بتروحين
مي:الساعه تسع
ام مي:الله يحفظك,,اكيد بتروح معك غاده
مي:اكيد اساسا انا مارحت الا عشانها احسها تعبانه
ام مي خافت:ليش وش فيها
مي:مافيها شي بس مشتاقه لجوجو
ام مي بحكمه:يابنتي لازم الوحد تنشغل اذا تزوجت لازم تصبر فهميها وان امك
مي:ان شاء الله
يلا يماما استاذن بطلع اصلي والبس ملابسي مابقى شي على روحتنا
ام مي:الله يسهل عليكم سلمي عليهم
راحت مي غرفة اخوها سامي وركضت الباب بقوووه برجلها
فز سامي من على السرير
سامي:ووووجع يامي
مي:ههههههههه اصحى يلا بروح لبيت جومانه صديقتي
وقوم الصلاه فاتتك وعادني ابر امر غاده بتروح معنا قوووم
عصب سامي:اقول انقلعي من عند الباب لا والله ماروحك لهم
خافت مي وتحركت بسرعه من عند الباب
قام وهو مكشر:مجنووونه وراح يتسبح ويصلي
تغطت عيون جومانه بدموع وبدت تسيل على خدهاوبللت
خد منصوروبعدت عنه ولمت نفسها بيدينها
ارتفع منصور مستغرب:اشفيك انتي تبكين
جومانه:بعد عني ارجوك احس تنفسي بينقطع بعد قربك يخوفني
تنهد منصور ومسك يدها بس جومانه صاحت وتركت يده
وقامت وصارهذاك اليوم يدور قدام عينها
مسكت راسها بقوووه:ااااه مابي اتذكر
وجلست بلارض تبكي
اما منصور كان واقف وموعارف وش يسوي ويمسح وجه بيده ويرجع ايده على شعره
قرب منها وجلس قريب منها,,بس جومانه غطت وجهها بيدينها
منصور:انا عارف اني غلطت معك هذاك اليوم بس والله ان ندمت على تصرفي
جومانه:وش ينفع الندم وانا كرهت قربك بسبب تصرفك
منصور:كرهتيني
وقام من عندهالان جوال جومانه يدق بستمرار راح منصور وشاله
(منور المتصل)
منصوربصوت تعبان وحزين:هلا منور
منار انحرجت:اسفه منصور لايكون ازعجتكم
تنهد منصور:لاعادي امري جومانه,,,وطالع في جومانه الي
منزله راسها لارض وشعرها مغطي وجهها,وكمل
كلامه,,,جومانه بلغرفه الثانيه
منار:سلامتك يالغالي بس ابي اقولها ان صديقاتنا بيجون ابي تتجهز وتنزل
احاتر شنو يقول:ابشري ولا يهمك
وقفل الخط وسند بجسمه على التسريحه ورجع ايدينه ورى موعارف شنو يقول
رفعت راسها ودموع مغطيه وجههاوطالعته بنظره كسرت خاطره
منصور:انا....انا
قامت جومانه:انت شنو قول شنو دمرتني عذبتني
عيشتني بكابوس سببتلي حاله نفسه
منصور منصدم من كلامهاومفتح عيونه وقلبه يتقطع
جومانه اشرت بصبعها السبابه لباب:اطلع برااا
منصوربضعف:افهميني طيب
جومانه:ابتطلع ولا الم عليك اهلي واهلك واطلب طلاقي واعلمهم بكل شي اعلمهم ان بنتهم في عذاااب
نزل منصور راسه وطلع من عندها ثم طلع من البيت كامل
يحس ان راسه بينفجر من الضيقه وصدره مكتوم طلع يفر بسياره
وجومانه رمت بنفسها على السرير تتنفس ريحة عطره
وتبكي اه اه ليش يصير معي كذا
بعد نص ساعه
بدلت ملابسها ولبست فستان ليموني قصير
كت داخل فيه اللون الموف بخفيف
ولففت شعرها ورشت نفسها عطر
ونزلت ولقتهم متجمعين في الصاله انصدمت لما شافت
غاده ومي
وقفت مصدوومه ومفتحه عيونها ولانطقت بكلمه
منار:هههههههههه افا ماتعرف اترحب في الناس
الجميع:هههههههههه
انتبهت جومانه:هلا والله حياااكم الله
وسلمت عليهم وضمت غاده واحشتها حيييل
وتطمنت على احولهم واخبارهم
جومانه وهي تطق يد منار:منووور يانذله ليش ماقلتي لي انهم جاييين
استغربت منار:ليش ماقالك منصور اتصلت على جوالك وقلت له
افتشلت جومانه:ايه هههههه ايه شكله قال وماسمعته
غاده:افا عندجوال وماتعطيني
جومانه:ماله معي الافتره قصير,,,وبالها مع منصور الي طلع متضايق
غاده:يلا هاتي رقمك
جومانه بخوف من تحذير منصور الاخير تتذكر كلامه(لاتعطين رقمك غير اهلي واهلك):طيب بعطيك
غاده:الحين ابيه
انحرجت جومانه وعطتها الرقم
استاذنت ام ريان وام منصور وام رنى وطلعو برا يسولفون
وجومانه راحت عند تركي الي كان يلعب مع عيال صقر
وجلست عنده شوي ثم رجعت للبنات
مي تبي تحرج جومانه:جوجو طمنينا كيف حبيب القلب نومتيه
غاده:اكيد نومته ماتشوفينها تاخرت عنده
جومانه تبي تسكتهم وخايفه لاتغلط بلكلام:مانام طلع يشوف صقر
منار:ااه يابنات لي فتره احس كبدي لايعه ومابي اشوف الاكل
غاده:يمكن حامل
فز قلب منار:لا مو حامل مدري
جومانه بنفسها اه ليتني احس مثل المتزوجين واعيش عيشتهم
مي حطت يدها على خصرها:وين الشيبس والبيبسي
منار:هههههههه يالمشفوووحه
قربت غاده من جومانه:لاتقولين اني مو منتبهه
نزلت عيونها:لشنو مو منتبهه اتركي منك الوسوسه
منار:بدينا بلاسرار
مي:احس ان منصور يغار من غاده ومن محبة جوجو لها
جومانه بنفسها ههه اساسا هو يعرف عني شي غير اسمي
جومانه تبتسم كجامله ومسكة خد غاده:هذي غدو حبيبتي ماتبونه يغار منها
منار:طيب يامدام جوجو اما قلت له
الجميع:ههههههههه
شوي ودخلت عليهم ماريا:ماما جومانه يلا تفزلو للعشا
لوت منار فمها:اخس ياجومانوه قدك المام حقتها وانا نستني
جومانه:هههههههه الله يخس ابليسك عليك طلعات احيانا
راحو لطاولة الطعام وتعشو ورجع يجلسون اما جومانه كان بالها طول الوقت مع منصور
تذكرت جومانه:غدو مايا تجون معنا الاسبوع الجاي بنطلع
رحله لمزرعتنا
مي:مدري بشوف سامي وامي وبرد عليكم
جومانه:سامي للحين ماعقل ههههه
تضحك تحاول تنسى الي صار
غاده:بشوف امي وبقولكم,,,جوجو ابي اشوف جناحك
جومانه ارتبكت:حياك الله
غاده:مي منار تعالو معنا
مي:مراح اطلع معاكم شفة جناكم لما جيت لمنار قبل الزواج
غاده:هههههه احسن اجلسي هنا
طلعو الدرج وجومانه كانت شوي متوتره
غاده: جومانه فيك شي تراك مو عاجبتني
وين جومانه هذيك الي بسمتها ماتفارقها
جومانه تصرفها وتبتسم لما وصلو لباب جناحهم
جومانه:تفضلي لعشي الزوجي هههههه
دخلت غاده:مشاء الله بسم الله جناح فخم روعه
مسكت يدها ورحتها بسرعه لصاله تفرجها عليها
خايفه ماتبيها تشوف غرفة منصور
استغربت غاده:جوجو اشفيك خليني اتحرك براحتي
جومانه خايف:مافيني شي
طالعت غاده الصاله والمطبخ وناظرت في الغرفه الي
مقفله على جمب وماهتمت فيها راحت غرفة النوم وقفت
عندها وابتسمت:تسمحيلي ادخل
جومانه:اكيد
دخلت غاده وطالع يمين ويسار في الغرفه:وااااو روووعه
تستنشق الهو,,,هههه اذووب على العطر الرجالي
حست جومانه بغيره وضربت غاده:هيييه انتي لاتنسن انه
زووجي,,حست انها اول مره تنطقها وحطت يدها على
فمها وضحكت
راحت غاده وجلست على السرير:اذووب على الرقه
زوووجي,,,ورفعت يدينها فوق,,,يااارب زوجني
جومانه:ههههههههه مجنونه انتي الي تردين الخطاب
ولا لو على الخطاب كانك متزوجه من زمان
قامت غاده من على السرير:انسى زواج مراح اتزوج
تبيني اتطلق واتعذب مثل ماما,,,ومسكت يد جومانه
تعالي بس خلينا نسولف واطلعت برا غرفة النوم
واشرت للغرفة الي جومانه خايفه منها
غاده:هذيك غرفة الجلوس صح
جومانه بتوتر:ايه
مانتبهت غاده وراحت لهاوهي ماسكه يد جومانه وراحت
لغرفة الجلوس وفتحتها
غاده:يلا تعالي خلينا نسولف واااحشتني سوواا
كان الفراش مفروش بلوسط وملابس منصور مرميه بكل
مكان وعطوراته بلارض واوراق مشتته بكل مكان
التفتت غاده لجومانه وهي مفتحه عيونها
غاده:جووومانه شنو هذا
جومانه تغطت عيونها بدموع ونزلت راسها ماقدرت تتحمل زياده
غاده رفعت حواجبها وخافت على جومانه وعلى طول
ضمتها:جوجواشفيك انتي متخاصمين
ومسحت دموعها,,,عادي يبايخه تصير عند اكبر العائلات يادلوعه
مسحت جومانه دموعها وابتسمت:تزاعلنا ونام هنا وانا
نمت في غرفة النوم ,,,هههه بس اليوم ترضينا,,,تبي
تصرفها ولاتبيها تنتبه
غاده:لوعادكم متزاعلين كان حشرت نفسي وقلت
اشفيكم ههههه بس دامكم تراضيتو خلاص
وينك يامنصور تشوف دلوعتك شكلك ماتدري انها حساسه
جومانه:ههههههه يلابروح اغسل وجهي واجيك
غاده:بسسرعه
غاده بصوت عالي عشان تسمعهاجومانه:وانا اقول احس فيك شي اثاريه مزعلك
دخلت جومانه الحمام وتذكرت شكل غرفته كان كل شي منثر والزقاير اكوام وملابسه منثره في كل مكان
غسلت وجهها وهي تحاول تمسك دموعها
لما حست انها ارتاحت خرجت ولقت باب جناحها مفتوح
وعرفت ان غاده نزلت ولحقتها كملو سهرتهم في الحديقه
وعلى الساعه وحده رجعوغاده ومي لبيوتهم
ومابقى الا ام منصور وام رنى ومنار وجومانه
ام ريان:يابنتي منار كلمي ريان نبي نرجع البيت مسكين تركي مايقدر ينام الابيتنا
منار:ابشري
واتصلت على ريان
منار:الوحبيبي
ريان:هلا قلبي
منار:يلا تعال يالغالي تاخرنا نبي نرجع لبيت
كانت جومانه تسمعها وتتمنا انها مثلهم
ريان:من عيوني دقايق وانا عندكم
قفلت منه وقالت لعمتها انه بيجي
قامت من عندهم جومانه
ام ريان:وين يابنتي
جومانه:دقايق يمه وانا عندك لاتروحون انتظروني
طلعت فوق وبعد تقريبا عشر دقايق نزلت وكان بيدها
عبايتها الكتف وشيلتها وشنطة ملابس صغيره
الكل مستغرب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك