رواية صرت اغار انا منها عليها -14
منار:الوحبيبي
ريان:هلا قلبي
منار:يلا تعال يالغالي تاخرنا نبي نرجع لبيت
كانت جومانه تسمعها وتتمنا انها مثلهم
ريان:من عيوني دقايق وانا عندكم
قفلت منه وقالت لعمتها انه بيجي
قامت من عندهم جومانه
ام ريان:وين يابنتي
جومانه:دقايق يمه وانا عندك لاتروحون انتظروني
طلعت فوق وبعد تقريبا عشر دقايق نزلت وكان بيدها
عبايتها الكتف وشيلتها وشنطة ملابس صغيره
الكل مستغرب
منار:جومانه فيكم شي تبين تروحين معنا منصور مزعلك
ام ريان تطالعها وخايف لايكون صاير شي
ام منصور بخوف:يابنتي فهميني اشفيك
جومانه ابتسمت بلغصب:اشفيكم مافيني شي ابي اروح
مع امي اشتقت لها ولبوي ولخواني
ام ريان:بس كذا يابنتي متاكده
ام منصور:الله يطمنك خفت لايكون متخاصمين
منار:ومنصور يدري انك بتروحين
ارتبكت جومانه لما سمعت بأسمه واضطرت تكذب:أي ايه يدري
منار فرحت:حلو وناسه يعني بنفلها بكره
شوي ودق جوال منار
منار:يلا عمتو يلا جومانه ريان عند الباب
نادت جومانه ماريا ووصتها على عيال صقر وطلعت من البيت بدون تردد
على الساعه 2 كان منصور يفر بسياره مايدري وين يروح
كان يفكر بكل الي صار معه ومايدري هل هو سبب في
الي صار او ان جومانه مثل ماقالت تكرهه
منصور معقوله تكرهني بعد شنو تكرهني بعد ماتعلقت فيها
حس براسه بينفجر طلع له زقاره ويدخن وبعدها قرر يرجع البيت
وقف السياره عند الباب وجلس فيها نص ساعه
وبعدها نزل وكان خايف لايشوف جومانه
دخل جناحه وكان هاادي ومظلم طالع غرفة جومانه وتوجه
لها حس انه يبي يشوفهالما قرب من الباب ..........
توقعاااتكم
منار شنو اسباب الدوخه؟
منصور لو يدري ان جومانه مو موجوده شنو بيسوي؟
جومانه بترجع ولا شنو؟
تحيااااتي...........
البـــــــــــــ15ــــــــــــارت
منصور معقوله تكرهني بعد شنو تكرهني بعد ماتعلقت فيها
حس براسه بينفجر طلع له زقاره ويدخن وبعدها قرر يرجع البيت
وقف السياره عند الباب وجلس فيها نص ساعه
وبعدها نزل وكان خايف لايشوف جومانه
دخل جناحه وكان هاادي ومظلم طالع غرفة جومانه وتوجه
لها حس انه يبي يشوفهالما قرب من الباب
وفي هالحظه وقفه عقله وعارض قلبه الي يقوله يدخل يشوفها
وبنفسه كافي جروح يامنصور تبي تسمع كلمة اكرهك للمره المليون
دار ضهره لباب غرفة النوم وتوجه لغرفته وقف يطالع في هالغرفة
الكئيبه طالع بكل ركن فيها
اااه ليت افتك منك ياهالغرفه جبتي لي كأبه
بيت ابوريان
ابوريان:حيا الله بنتي القاطعه
جومانه:الله يحيك يبه,,,كيف حالك طمني عنك
ابوريان:الحمد لله انا بخير
جلست تسولف مع ابوها شوي وكانت كل شوي تطالع في بيتهم مشتاقه له حيل
ابوريان:اجل استاذن يابنيتي بطلع انام بكره وراي قومه من بدري
وطالع في ام ريان,, صحيني قبل صلاة الفجر
استغربت ام ريان:طيب ليش غريبه من بدري كذا
وقف ابوريان:وراي مشوار للمزرعه ابي اجهزها عشان رحلتنا
ام ريان تذكرت:اهااا نسيت ابشر ولا يهمك بصحيك بدري
راح ابوريان لغرفته
وطالعت ام ريان جومانه
ام ريان بدون تردد:طمنيني يابنتي قلبي مومرتاح فيك شي انتي وزوجك
ارتبكت جومانه:لا يمه الله يهداك مافينا الا العافيه,,,وتذكرته لما
باسها قدامهم,,ماشفتينا اليوم مو باين علينا انو مرتاحين
ام ريان:باين انه يحبك حيل حسيت من عيونه كان طول الوقت
يلتفت لحركاتك ويطالعك وهو مبتسم حسيت انه يموت فيك
انصدمت جومانه من كلام امها الي مانتبهت له,,طيب ليش مايبين لي الا القسوه
شوي ودخل عليهم ريان ومنار وهم ماسكين يدين بعض
ريان:ياحيا الله جوجو
جومانه:الله يحيك
راح وجلس قريب من جمانه واشر لمنار:مناك مناك لاتجين جمبي
وقفت منار مبوزه وجومانه وريان يطالعونا مبتسمين
منار تقلد الاطفال:مابي ابي اجلس ابحضن بابا
فطس عليها ريان ضحك وجومانه كانت تضحك وطول الوقت بالها
مع منصور وبنفسها اه اخاف احسدك ياخوي
ريان:افا ولا تزعلين تعالي بوسع لك جمبي
جومانه:ههههه لا انا الي ببعد منكم
وقامت وراحت بجلسة منفرده
منار:هههههههه فديتك ماحد يفهمني زيك ,,وراحت تجلس جمب ريان
طالع ريان في منار:وش رايك تذوقينا من يدينك هالحلوه كبتشينو
يروق السهره وتجيبين معه شوكلاته
منار حست انه يصرفها وقامت بسرعه:من عيوني تامر امر
راحت غرفتها عشان تخليهم ياخذون راحتهم
ريان طالع جومانه:وينك عنا ماشفناك خلاص صرتي قريبه من منصور نسيتينا
ابتسمت جومانه غصب:لا مستحيل انسا هلي
ريان:جوجو لوتخبين على الكل ماتقدرين تخفين علي
ضيقتك,,,ابتسم على جمب,,,يلا قولي لي هانذل منصور شنو
سوالك وانا من بكره اطقه لك
خافت جومانه لاينتبه اخوها فحاولت تغير جوها وتضحك:ههههه
ماسوى لي شي,,,وتنهدت,,,بلعكس مريحني
ريان:طيب ليش تنهدتي
جومانه عرفت ان ريان ملاحضها:مشتاااقه
ريان:ههههههاي وش شفتي فيه تشتاقين له
لكن ولا يهمك,,,وطلع جواله,,,خل اتصل فيه اوريه هالي
مايفهماإنك مشتاقه له ههههه
خافت جومانه لايتصل عليه:لالاتتصل اكيد نايم الحين
في جناح منصور
اخذ بكت الدخان وطلع منه حبه وولعها وبدا يدخن,,,,تذكر بدر
....بدر:منصور انت تدخن ومن متى
منصور معصب:بدر الله يخليك خلني لوحدي
بدر خايف عليه:منصور ماتدري انه مضر بصحه
منصور:بدر ابتنزل من السياره ولا كيف
بدر:منصور انا خايف عليك اشفيك متغير وين منصور الي ينصحنا
الحين اشوفه يدخن ماتوقعتها منك بس اتمنى ماتندم,,,ونزل من السياره
ومنصور ضرب الدركسون بيده بقوه وبعدها شغل السياره ومشى بهدؤ بعكس الالم الي بداخله.....
تنهد وطالع في طفاية الزقاير الي مليانه بزقاير وطفا فيها اخر
حبه وراح للحمام يغسل وبعدها رجع ودخل بفراشه واستسلم لنوم
بيت ابوريان
جات منار وجلسو يسولفون
منار:ايوه يادوبا علمينا عن رحلتكم لندن يانذال هههههه
ارتبكت جومانه:حلوه ورائعه
ريان يطالع منار:وش تبين فيهم دامني معك
منار:مابي احد دامك قريب مني
تذكرت جومانه منصور وانتبهت لجوالها الي مادق من لما طلعت
من البيت وبنفسها معقوله عرف اني مو موجوده
اكيد ماصدق انه افتك مني
جومانه:يلا استاذن بطلع غرفتي واحشتني حيل
ريان:فيك نوم ,,,عادي اجلسي اساسا حنا نسهر للفجر وانام ساعتين بعدها اداوم وبعد الدوام ارجع انام
منار:ماتحلى السهره الا مع الحبيب
انحرجت جومانه:لابس احس اني تعبانه شوي ومرهقه ابي انام
تصبحون على خير
منار/ريان:وانتي من هله
راحت جومانه المطبخ تشرب ماي وبعدها راحت غرفتها
فتحت الباب وهي تحس بحساس غريب
طالعت بغرفتها وعيونها كلها دموع مشت بسرعه لسريرها
ورمت شنطتها وشالت مخدتها وضمتها وهي تبكي بصوت مكتوم
جلست على سريرها تحاول تكتم شهقاتها
اه ليش تحبه ياقلبي ليش
انتكب على العذاب معك يامنصور
ميلت على سريرها وقفلت عيونهاوهي باقي ضامه مخدتها
نامت بدون ماتحس بنفسها
لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني
ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني
وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني
صحت الساعه خمس الفجروبدلت ملابسها وصلت الفجر
والتفت لجوالها وشالته بسرعه تبي تتاكد اذا منصور اتصل
فتحت الجوال وماكان فيه ولا مكالمه تحطمت معقوله عادي عنده
اني مو موجوده اه اه,,,ليتك تحس بحبي لك
مرّت عليّ ايـام والشـوق حـرّاق
لكن اشوفـه صـار طبعـك انانـي
""""""
جازيتني بعد الوصـل بُعـد وفـراق
وبان الـذي بالصـد منّـك خفانـي
""""""
وش عاد اذا قلت لك مشتاق مشتـاق
ما تنفع الكلمـه مـع اللـي جفانـي
طلعت رقم بيت ابومنصور واتصلت عليه
شوي وردت ماريا
جومانه:السلام عليكم
ماريا:وعليكم سلام
جومانه:ماريا جهزتي فطور الاولاد
ماريا:ايوا ماما
جومانه:ماريا انتبهي لاتحطين لمنصور على الحليب سكر كثير مايحبه
ماريا:حاضر ماما
جومانه:يلا نص ساعه وصحيهم وبشويش وانتي تصحينهم
ماريا:طيب ماما
جومانه:يلا بتصل بعد شوي
ماريا:ماما اذا هم يسال عنك ايش يقول
تنهدت جومانه:لاتقولين شي انا بكلهم اذا فطرو
ماريا:اوك ماما
قفلت جومانه ونزلت تحت شافت ابوها جالس مع امها يفطرون
جومانه ببتسامه حلوه:صباح الخير
ام /ابو/ريان:هلا صباح النور والسرور
راحت وباست راس ابوها وامها وجلست تفطر معهم
قام ابو ريان:بروح الحين المزرعه,,وطالع في جومانه,,وش ريك
يادلوعة ابوها تروحين معاي
استحت جومانه وفي نفس الوقت اشتاقت للجلسه مع ابوها:ابشر يبه بروح معك بس بشرط
ابو ريان فرح وحس انها بتقول الي في باله:طيب قولي
جومانه:ابي كل انواع الشكولاته
ابوريان:ههههه ماتتوبين خلاص ابشري بس بسرعه البسي
عباتك والحقيني
قامت جومانه لغرفتها وشالت عباتها وفتحت دولابها وطلعت
شنطة صغيرطالعت جوالها شالته واتصلت على ماريا
جومانه:الوماريا
محمد:انا زعلان منك ليش تخلينا
جومانه:ههههه بسم الله فكرتك ماريا
محمد:وينك ليش مانمتي هنا عمو زعلك
ميمو يسحب السماعه من محمد
جومانه:لامازعلني بس اشتقت لاهلي وحبيت انام عندهم
محمد:طيب شوي خل اكلمها
ميمو:لالا ابي اكلمها
محمد:خالتي خذي ميمو
ميمو يتعبر:وينك خفت لما شفت ماريا تصحينا
جومانه حنت لهم:ياقلبي بجيك مراح اطول اهم شي فرحونا وجيبو علامات تفرح الفلب
ميمو:طيب بس لاتتاخرين علينا,,,اليوم بسلمونا النتايج
جومانه:عارفه ابيكم تبشروني بنجاحكم مو تنسون
قفلت منهم وحولت الجوال سايلنت ودخلته بشنطه وطلعت لبوها
بيت غاده
ام غاده:غاده اصحي الصلاه فاتتك
غاده:اممممم طيب
صباح الخير يمه
ابتسمت ام غاده:صباح النور صلي وانزلي عندي لك مفاجئه
نطت غاده من عالسرير:شنو
طلعت امها:خلصي وتعالي
راحت بسرعه للحمام وتسبحت وطلعت لبست لها بنطلون جنز
اسود وجاكيت وردي وجعدت شعرها وصلت ورشت نفسها بعطر وراحت لامها
دخلت غاده على امها وكان معاها واحد اجالس بس معطيها ضهره
امها تاشرلها بمعني تعالي
غاده تاشرلها بيدها بمعنى منو هذا
..........:تعالي وبتعرفيني
فتحت عيونها كانها عرفت الصوت وراحت بسرعه
غاده:رشووووود
راشد:ههههههه ايه رشود الي شيب وعادك تنادينه رشود(راشد اخو غاده من الرضاع)
سلمت عليه غاده:يااهلين من قال انك شيبت تووك صغير
راشد:أي صغير وعمري في الثلاثين
جلست غاده جمبه:اخبارك يالغالي اشتقت لك
راشد:وانا بعد اكثر,,,سكت شوي ونزل راسه ثم طالع في
غاده,,اكيد اختي حبيبتي مراح اتردني
غاده رفعت حاجبها مستغربه:ماعاش من يردك بس في شنو,,,وشالت كاس الكوفي تشرب
طالعها راشد:ابيكم ترجعون معي الكويت
غاده:كح كح كح شنووو
راشد:هههههه كل هذا حب في السعوديه
غاده:من جدك انت
راشد:لالا امزح
هههههههه
ام غاده:الله يهداك كانت بتموت علينا
راشد:وش عرفني ان هذي سواتها
غاده:هههه الله يهداك والله خفت
راشد:اعصابك يالخوافه يعني لو من جدي كان جيتي معاي
تفشلت غاده ورفعت يدها لقربها تلمسها:لا بس مابي اكسر خاطرك
سحب شعرها بقوه:ياخطيره
غاده:هههه أي وجعتني
وبعدها رجعو يسولفون ويضحكون وراحت غاده تجهز الفطور
راشد:يمه ابي افاتحك بموضوع
ام غاده:تفضل
راشد:انا سمعت ان ابوغاده يبي يشيلها عنده وخصوصا انه
خلصت من الجامعه ولقا لها شغل يعني يبي ياخذها عشان
يوضفها ثم ياخذ راتبها
دخلت غاده على هالكلام وطيحت الكاسات الي بيدها على الارض
انتبه لها راشد وقام بسرعه وامها ماتحركت من مكانها
راشد:بسم الله عليك اشفيك
غاده ووجها مغرق بدموع:شنو يبي فيني بعد عشرين سنه
راشد مسكها وجلسها:افا مابي هالدموع اشفيكم
ام غاده:يعني مايبي بنته الا من شان الفلوس
طالعت في غاده ,,,,مراح امنعك من ابوك يابنتي
قامت غاده وحضنت امها:مستحيل اتركك يايمه مستحيل
أم غاده وهي تمسح دموعها:راشد من وين سمعت هالكلام
راشد:سمعته من ابوي قال ان ابوغاده قال هالكلام في الدوانيه
غاده بصوت متقطع:توه تذكران عنده بنت وعشان شنو عشان
اتوضف وياخذ راتبي,,,وصوتها متقطع من البكى,,خلاص مستعده
اتوضف وبعطيه راتبي بس اترك امي لا
راشد مستغرب:وليش تعطينه راتبك هو متى تعب عليك عشان تعطيه تعبك
التفتت غاده لامها كانها تذكرت شي:يمه تذكرين جارتنا الي قالت
تبيني لولدها الضايع خلاص انا مواقفه عليه بس ماروح لبوي ولا اخليك
راشد:غاده شنو هالكلام الي اسمعه ومن الي خطبك
طالع في ام غاده,,,يايمه دامني معاكم لاتخافون من احد
ام غاده:الله يخليك لنا ياولدي لولا الله ثم انت كان حنا ضايعين بدونك
راشد:لاتضايقون حالكم دامني معكم مستحيل حد يقرب منكم
وطالع فيه غاده المصدومه,,,غدو ياحلوتي خلاص لاتبكين يلا العصر بمشيك
غاده وهي تحاول تسكت من البكى:لا خويتي عازمتي الاربعاء لمزرعتهم
راشد فطس ضحك:مسرع نسيتي
غاده:دامك معاي مراح ازعل
قرب راشد وعفس شعرها
غاده ترفع يدها:بعععد
ام غاده/راشد:هههههههههه
في المزرعه
ابوريان:الو استاذ لؤي خلصتو شغل ولا باقي
الاستاذلؤي:ايوه ياعم ابوريان ركبنا ثلاث غرف نوم نفس الشكل
وغرفة نوم للاطفال وغرفة نوم منفرده
ابوريان:خلاص حولت لك المبلغ على الحساب
لؤي:عم ابوريان مش عاوز نغير غرفكم انت والعم ابو منصور
ابوريان:لا مشكور بس كنا نبي نسوي غرف لشباب لانهم تزوجو
وكل واحد يبي له غرفة مع زوجته والغرفة المنفرده لقريبتنا(يقصد
ام رنى) وغرفه نبيها لناس بيجونا الاسبوع الجاي
لؤي:العفو يلا مع السلامه
قفل ابو ريان وراح لجومانه الي كانت جالسه بعيد عنه عند الارانب تطالعها بهدوء
ابوريان:جوجو تعالي شوفي هالغزال اشتراه منصور قبل يومين
انتبهت جومانه وراحت لبوها وانصدمت لما عرفت ان منصور هو
الي اشتراه يعني يحب الغزلان وهي ماتدري (تذكرت لما قال ان عيونها حلوه وانها غزال)
ابوريان:ليش لابسه العبايه افسخيها مافي احد
فسخت العبايه كانت لابسه بنطلون جنز وبلوزه كحلي لحد الفخذ
ورافعه شعرها مثل ذيل الفرس
راحت لبوها وطالعت في الغزال كانت حلوه:حلووه
استغرب ابوريان:اول مره تشوفيهاماقالك عنهامنصور
جومانه ردت بدون شعور:لا والله اول مره اشوفها
استغرب ابو ريان:يمكن يبيها مفاجئه
توترت جومانه معقوله:ايه يمكن يبيها مغاجئه
ابوريان مسك ايد بنته:تعالي نجلس تحت ضل هذيك الشجره
لان فلة المزرعه فيها عمال يشتغلون
جومانه:يلا
راح ابوريان وجلسو تحت ظل الشجره يسولفون وشوي وجابولهم القهوه والشاهي
صحى منصور وطالع في الساعه وقام بسرعه تسبح وصلى
الفجر
وطالع في باب غرفة جومانه وبنفسه اكيدانها تحت وراح فتح
الباب كان الغرفه هاديه وريحة عطر ها مغطيه على المكان
طالع بسريرها وبتسريحتها وبدولابها وقفل الباب وتنهد
نزل تحت عند امه وابوه وام رنى وطالع فيهم كله يبي يشوفها
منصور:صباح الخير
الجميع:صباح النور
وجلس معهم على طاولة الطعام وماحب يسال عن جومانه
عشان ماتسمعه وتحس بهتمامه
ام رنى:ياولدي اليوم بيطلع صقر
منصور:ايه ياخالتي
ام رنى:الحمد لله
رجع ياكل بدون مايتكلم
ابومنصور:يمكن امر المزرعه اخوي من الفجر
ام منصور:اجهز لكم القهوه والشاهي
ابومنصور:لالا مايحتاج الشباب بيجهزون لنا بعدين جومانه هناك اذا احتجنا شي ماراح تقصر
طيح الملعقه ورفع عينه وعقد حواجبه:ليه وين زوجتي
طالعته امه مستغربه:كيف وين زوجتي ليه مو عارفه انها نايمه عند اهلها من امس
حس ان دمه فار وجهه راح الوان ووحس بركان يغلي بداخله
طالع في امه وابتسم غصب عنه:ايييه نسيت يمه هي قالت لي
البارح بس انا نسيت الله يستر على هالشغل فقدني ذاكرتي
ابومنصور:الله يهداك خف على نفسك
قام منصور وشال فاين ومسح فمه
ام منصور:افطر ياولدي مامداك
منصور:الحمد لله شبعت
طلع من البيت وهو مايشوف قدامه
ركب السياره ومشى بسرعه وطلع جواله ودق عليها
وظل يدق الين كتب لم يتم الرد
اتصل كذا مره وكمان مافيه رد
رمى بلجوال بلمرتبه الثانيه
طلع بكت الدخان وبدا يدخن واحده ورا الثانيه وفجئه سمع جواله
يدق رمى بزقاره برا وشاله بسرعه طالع في الشاشه وقفل عيونه ورد
منصور:ياهلا وغلا
د/مازن:هلا فيك,,,كيف حالك
منصور:الحمد لله تمام,,اخبارك انت
د/مازن:بخير,,,منصور صقر عطينا له خروج وابيك تجي تطلعه
لاني ابي اجلس معك شوي نتكلم عن وضعه,,,وسكت شوي
يعني ابيك تمرني الحين اذا ماعندك شغل لاني بسلم شغلي بعد
ساعه ومراح استلم شغلي الا يوم السبت
تضايق منصور ورفع يده لزراير ثوبه وفتحهم:خلاص ابشر كلها دقايق وانا عندك
قفل من الدكتور ومسح وجه بيده ومسك دقنه يفكر في جومانه
طلعت بدون ماتستاذن يعني شنو تفسيرها ماراح ترجع مستحيل اخليها لو على موتي
لو تبينااخلي العالم كله مسحيل اخليها
ضرب يده بدركسون وبصووت عالي:جومانه انتي قدري تعرفين شنو قدري
غيرطريقه وتوجه للمستشفى وصدره يغلي نار يبي يدري سبب
خروجها من البيت وفيه خوف لاتبعد عنه وماترجع له
بيت ابوريان
صحى ريان وقوم مناروهي تحس بتعب ونزلو يفطرون
ام ريان كانت تتابع التلفزيون
منار:صباح الخير
الجميع:صباح النور
منار:لاتقولون جوجو نايمه
ام ريان:لا راحت مع ابوها المزرعه
ريان:ابوي راح للمزرعه
ام ريان:ايه راح من بدري
منار حطت يدها على خصرها:ليش ماقومتني اروح معها
ريان طالع فيها مستغرب:منور من الي صحاك اليوم مو انا ولا
ماكان صحيتي
ام ريان:هههههه تعال خذلك فنجال قهوه
طالع في الساعه:يلا باخذ فنجال مع اني متاخر
جلس جمب امه وخذله فنجال قهوه وطلع بسرعه
توجه لشركه ودخل مكتب عمه وسلم عليه
ابومنصور كان متضايق شوي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك