رواية عيني بعينه والقلوب بعاد -12
الجزء الخامس والعشرون
سمعنا امي تقول
ام علي: يمه نايف من الي كان عند
الباب
دخلت علينا الصالة
شافتني
ام على: يا هلا والله يا منى
كيفك يمه
منى: هلا بك يمه الحمدالله كيفك
انتي وش علومك
ام على: الحمدلله يمه دامك بخير
فانا بخير
وينك يمه ما عد جيتيني لي أسبوع ما
شفتك
منى: والله يمه انتوا على بالي
بس تعرفين مشغولة بالمدرسة
ماني قادر احك راسي
ام علي: ما اشره عليك يمه
والله اني عارفه ظروفك بس
قلبي ما يقدر على فراقك
اكثر كفاية الي راح
منى: خلاص يمه انسي
الي راح وان شاء الله
ما عاد ني مقاطعتك ابد
وكل ما جالي فرصه بجيك
أو كل أسبوع انا عندك
ام علي : الله يخليك يمه
و يوفقك ويرزقك بذرية الصالحة
منى: اللهم آمين الا وين علي
ما شفته
نايف: قاعد على السني
منى: وها الولد ما أجي هنا
وألقاه قدامي دايم على السني
ام علي: تعبت والله معا ها الولد
كم مره ألقوله يخليه ويقابل دروسه
بس ما يسمع الكلام
منى: خليه يمه دام باقي وقت على الاختبارات
خليه يتسلى عليه واذا قربت الاختبارات
شيليه
ام علي: اكيد يمه هاه عسى بتتعشي
معنا اليوم
منى: ايه بجلس معكم الين يخلص
خالد سهرته وبيجي يأخذني
جلست عند امي الين الساعة 12
جاء بعدها خالد أخذني
رجعنا البيت
مر علينا 3 شهور
من غير أي جديد حياتي مع خالد
نفس ما هي فيها روتين انا اصحى اروح
للكلية ارجع انتظره الين يرجع ونام
يطلع بعد المغرب ما يرجع الا 12 في أليل
وينام
هذا هو نمط حياتنا أحيان يعصب علي
على أشياء تافهة بس انا أراضيه
لان ما ابي اخسره لاني أحسه صار شي
مهم بحياتي
في ي
صحيت على صوت منبه الي منبهته لدوامي انا وخالد لفيت لجهة
خالد شفته لسه نايم
قمت اتسبحت وطلعت نشفت شعري
حسيت شعري طوال اصلا شعري
طويل بس أحسه طول زياد صار تحت
ظهري بشوي لميتة فوق وسويته ماني
فاضيه لاني ما أحب أفكه دايم ارفعه
حتى في البيت ما أحبه مفكوك
فكرت مره أقصه بس خواتي
كانوا بياكلوني ليش وانتي هبله
ومدري شو الا وغيرت رأيي
مره خالد قالي ليه ما أفكه
دايم مرفوع بس قلت له اني
ما أحبه لأنه يضايقني بس هو مره
معجبة يقول يا ويلي افكر أقصه
ليقص رقبتي
لما خلصت نزلت تحت للمطبخ اسوي
لخالد فطور لان الحين الساعة 7 ونص شوي
ويروح لدوامه لما خلصت طلعت بصينيه
فوق عشان اصحيه دخلت لقيته
لسه نايم قربت منه مسحت على شعره
منى: خالد خالد قوم الساعة 7 ونص
قوم داوم
خالد: طيب خلاص بقوم
رحت البس الكلية وأجهز وانا عارفه
ان خالد خلاص بيقوم لان نومه خفيف
وما يتعبني اذا بقومه مو زي عبدالله
اخوي ما يقوم الا بعد طلوع اروح
خلصت طلعت الصالة
جلست انتظر خالد عشان نفطر سوء
شوي وهو جاي
خالد: صباح الخير
منى: صباح النور
رحنا نفطر
خالد: متى بتداومي
منى: بشوف احلام اذا خلصت رحنا
سوء
خالد: شوفيها اذا ما بتتاخر
بأخذكم معي على طريقي
منى: طيب بس افطر وروح أشوفها
لما خلصت رحت اغسل وجيت
بطلع اشوف احلام خلصت
خالد: منى
منى: هلا
خالد: استعجليها قولي لها
بسرعه تجهز ما ابي اتاخر
منى: طيب
خالد: لا تجين الا وهي معك
منى بصوت عالي وانا عند الباب: حاضررر
رحت غرفة احلام لقيتها تتجهز
صدقهم احلام يالله تخلص حتى
اذا بنروح الدوام اصحى بعدها وأجهز وخلص وهي
باقي مدري اش تسوي اذا الوقت كله
منى: احلام يقول خالد اذا كنتي خلصتي
عشان يودينا معه
احلام: خلاص شوي وبخلص غريبة
وش طرى على خويلد بيودينا اليوم
منى:هي لا تغلطي على زوجي
احمدي ربك بتركبي معه وبيوديك
لين كليتك
احلام: عدال ليكون الي بيوديني
المدرسة الأمير وليم وانا ما ادري
منى: والله ان خلودي احسن عنه
على الأقل خلودي مسلم وهذا مدري
وش ديانته
احلام: اسم الله علي ما صار خلود
ذا الي هابه علي عشانه
منى: يستأهل زوجي العزيز
هاه بسرعه لا ناخره
احلام: خلاص بس دقايق
منى: المشكلة ان الدقائق عند ساعة
احلام: هاه شوفي خلاص خلصت
الحين بس بلبس عبايتي
منى: اجل حتى انا بروح البس
وقل لخالد يمشي
طلعت من عند احلام وانا رايحه
لغرفتي ما لقيت خالد لبست
العبايه اكيد خالد نازل تحت
ينتظرنا وانا ماشيه بطلع سمعت
صوت في غرفة المكتب عرفت انه
خالد رحت اقول له ان خلصنا
بس سمعت شي خلاني أوقف
قبل ما أدق على الباب
انتهى الجزاء الخامس والعشرون
الجزاء السادس والعشرون
سمعت
صوت في غرفة المكتب عرفت انه
خالد رحت اقول له ان خلصنا
بس سمعت شي خلاني أوقف
قبل ما أدق على الباب
سمعت خالد يكلم احد في الجوال
خالد:اسمعي انتي خلاص
انا كل ما أفض بدق عليك
خالد: أشفيك ما تسمعين قلت
لك لا عاد تدقي انتي انا
بدق لك
خالد: اووفف أشفيك ما تفهمين
خالد: اقول مع السلامه الكلام معك
ضايع وانا مو فاضي لك
خالد بحده: مع السلامه مع السلامه
حسيت انه بيطلع بعدت بسرعه عن الباب
ورحت لين الباب كأني توي جايه
سمعته يفتح باب المكتب
دخلت شفته وجهه باين عليه معصب
منى: خالد
لف علي بسرعه باين عليه مفزوع
كنه تفاجئ من وجودي اكيد بيتفاجئ
خالد:منى من متى انتي هنا ما انتبهت
عليك
منى :توي جيت أقولك انا خلصنا اش فيك
انتفضت كذا
خالد:لا ما فيه شي بس على بالي
انك عند احلام هاه خلصتوا
منى: ايه خلصنا
خالد:خلاص بروح اجيب المفاتيح وأجي
راح الغرفه وانا من داخلي مقهورة
منه من كان يكلم على الصباح معقولة
خالد يغازل لا خالد ما يسويها
ما يسويها اجل من الي كان يكلمها
ولا يقول انا بدق عليك
يمكن فاطمة أخته آه والله مدري
لازم افتح عيوني عليه الأيام هذي
زين وان طلع الي في بالي صحيح
والله يا خالد لا اطلع الدلع الي كنت
مدلعتك اياه طول الستة شهور وانا حاطتك
في عيوني وما زعلتك في شي
والله اني لطلعها من عيونك
خالد: منى اش فيك يالله امشي
منى:ها سوري ما انتبهت يالله
نزلنا تحت لقيت احلام تنتظرنا
احلام:هاه من الي تأخر اليوم انا
ولا انتوا
محد رد عليها مشينا
طول الطريق وحنا في السيارة
محد فتح فمه بحرف كلنا ساكتين
كنت احس بنار في صدري
كنت بظل مكاني عند باب المكتب
واذا طلع بواجهة اني سمعته
بس قلت اكيد بينكر ويدور له صرفه
وبعدين بيقلبها علي بيقول انا ما أثق
فيه وانا أتوهم ومن ذا الكلام
وبيطلعني انا الغلطانة وهو المظلوم
نزلنا كنت طول الوقت في
الكلية وانا سرحانة ومالي خلق
احد حتى سلوى حست علي
وسألتني كذا مره بس انا قلت
لها ان مافيه شي سكتت ومعاد
سالت
اكيد ما تبي تضايقني اكثر
كلمتني عن سالم قالت لي
ان زوجته حامل
سلوى: الله يا منى لو ترين
سالم يوم جاء يبشرنا تقولي
ملك كنوز الدنيا كان مرره فرحان
كان الدنيا مو سايعته مقد شفت سالم فرحان
كذا من بعد الحادث
منى: الله يهنيه سالم يستأهل كل خير
كيف مرته
سلوى: الحمدلله بخير
الفضل بعد الله لمها من يوم
تزوجها سالم الكل لاحظ التغير
سالم لو ندري زوجناه من زمان
بنت خايفة ربها وما تدور الا رضاه
لو تشوفي سالم كيف طاير بها ما توقعت
باقي بيحب بعد جواهر بس ربي
عوضه بمها
منى: ايه والله انا لما شفتها ذاك اليوم عندكم
ارتحت لها كلامها مره مريح ووجها يخلي
الواحد يحبها على طول
الله يهنيها معه ويعوضه بها عن جواهر
سلوى: اللهم آمين
جلسنا نسولف
لما خلص الدوام
رحت عند احلام وطلعنا
رجعت البيت والضيقة الي في صدري
احس لك مالها وتزيد
جلست انا واحلام مع خالتي
في الصالة كانوا يسولفون بس انا ما كنت
معهم انتبهت على خالتي تقول لأحلام
ان جارتنا ام حمزة بتجي أهي
وبنتها هند عندنا العصر
اصراحه مالي خلقهم ولولا
خوفي من زعل خالتي كنت ما نزلت
لهم وجلست في الجناح
مالي خلق مصاخة هند الي فيني مكفيني
دايم اذا جت عندنا ترمي على نغزات
تقهر وانا اطنش اخاف اليوم مقدر
امسك أعصابي وانفجر بوجهها
يالله الله يعين استحملهم ولله يعدي ها اليوم
على خير
طلعت فوق ونمت على غير العادة
بالعادة انتظر خالد بس مدري
ليه احس ان مالي خلق اشوف وجهه
على العصر
جت احلام قالت الي أنهم جو
نزلت سلمت وجلست اسولف معهم
وانا مالي خلق احد
ام حمزة: كيفك يا منى عساك بخير
ابتسمت لها منى: الحمدلله
خالتي كيفك انتي
ام حمزة: الحمدلله بخير
منى: دوم الخير مو يوم ان شاء الله
ام حمزة: دام عزك يا بنتي
سكت اسمع سوالف احلام
وهند بدون ما أشارك في الكلام
ام خالد: احلام يمه روحي جيبي
الشاي والقهوة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك