رواية صرت اغار انا منها عليها -16
قطع تفكيرها صوت تعرفه وواحشها كثيرمسحت دموعها
وبنفسها راح اضمك وانسى الماضي راح اعيشك باقي
ايامي معاك في عسل هانسى قسوتك وجفاك بس
ماخليك يانور قلبي حتى لو ماتبيني انا ابيك
التفت وهي راسمه ابتسامه على شفاتها الحاده
لكن ماحست الا بيد ثقيله تشدها مع ذراعها بقوه وبقسوه
في بيت الشعر في المزرعه
بدر:ريان وين منصور اتصلت وجواله مقفل
ريان وهو يصب القهوه:نايم في البيت قال بيجي في الليل
صقر:محمد تعال عندي انت واخوانك اخاف تروحون
وتتركوني مثل امكم
الكل سمعه وسكت ماقدرو يتكلمون
محمد شال فراس وحطه بحضن ابوه:ماراح نتركك يابابا
ميمو:بابا امي كانت تحبك كثير
صقر وهو يحاول يتذكر ومايبي يحسس اولاده انه مريض:وانا احبها
محمد:بابا انا جبت صورها معي اذا جينا ننام بوريك الصور
صقر وهو متشوق يشوفها:طيب اول ماندخل ننام ذكرني
ميمو:بابا انا بذكرك
محمد:ههههه لا انا
صقر يطالعهم مبتسم:كلكم ذكروني
في فلة المزرعه
ام رنى وهي تبتسم:مشكورين على هالغرفه بس كبيره حيل كلفتو على انفسكم
ام ريان:مافيه كلافه ولا شي
ام منصور:تستاهلون اكثر منها
منار:ماما خلونا نطلع برا في المزروع نجلس(المزروع يعني الي كلها عشب صناعي صغار)
ام منصور:يلا بنطلع ونادي الشغالات يفرشون لنا برا
ويطلعون القهوه والشاي والمكسرات والحلى بيلاقوه في الثلاجه الخارجيه
منار:ان شاء الله .....ونادت الشغالات,,,وراحت تدق غرفة جومانه تبيها تطلع معهم
منار:جوجو ماخلصتي يلا تعالي معنا
ورجعت تدق الباب:جوجو يلا,,,,,,,,جومااااانه ردي
وفتحت الباب لكن ماكان فيه احد
منار:وين راحت هذي يمكن طلعت برا خل اطلع واشوف
طلعت عندالحريم بس ماكانت عندهم
منار:خالتي جومانه مو بغرفتها
ام منصور مستغربه دور تي في باقي الغرف
منار:ارسلت نور تشوفها
شو وخرجت عليهم نور:ماما مافي احد داخل
ام منصور:غريبه وينها
ام ريان وهي حاطه يدها على قلبها:ياولي وين بنتي
ام رنى:صلو على النبي جومانه كبيره وعاقله يمكن
متضايقه وطفشانه وطلعت تفر في هالمزرعه
شالت ام ريان جوالها واتصلت
ريان:هلا يايمه
ام ريان:ريان ياولدي ماندري وين اختك مو في الفله روح دور لها
ريان مستغرب:كيف ماتدرون وينها
ام ريان:من لما جينا ماشفتها
ريان:لحظه خل اسال ابوي وعمي,,,وبعد الجوال
ابوي عمي شفتو جومانه بعد ماجينا
ابومنصور:لا والله اساسا انا مستغرب ليش ماجات تسلم علي
ابوريان:يمكن عند غزال منصور
ريان:الو يومه بروح اشوفها يمكن عند غزال منصور وانتو دورو بطرف الثاني من المزرعه,,,,وقفل الخط
مشى ريان بسرعه ولحقوه الشباب وابوريان وابومنصور طلعوبرا البيت ينتظرونهم
وقف ريان منصدم ومسك على راسه
مشاري:هاه لقيتهم
ريان يطالع بلارض وصرخ بصوت عالي:شيلتها مرميه وكمان جوالها ياويل قلبي وين اختي
وصار يدور بكل مكان
بدر يطالع في الارض:ريان طالع اثارها بلارض كان احدساحبها
ريان يصرخ بصوت عالي:جووومانااااااه
سمعه ابو ريان وابومنصور وراحوركض لهم
ابو ريان:وين ينتي
ابو منصور شال تلفونه واتصل على حارس المزرعه
جاتهم ام ريان تركض ودموعها مغطيه وجهها وباقي الحريم وراها
ام ريان:ياويلي وين بنتي
ابومنصور:الو متولي قفل البوابات ولا تخرج أي سياره ولا شخص منها
متولي:ليش ياحج ابو منصور فيه حاقه
ابومنصور:وحده من البنات مفقوده ومالقيناها
متولي:يمكن طلعت مع ابنك منصور شفت معاه وحده
ابومنصور:لاحول ولاقوه الا بـ الله طيب ليش ماتكلم يلامع السلامه خل اكلمه,,وقفل الخط
الجميع:وينها
ابومنصور:شكل منصور جاهنا وشالها معاه
بدر:يشيلها بدون شيلتها وجوالها
ام ريان:اتصلو على منصور طمنوني على بنتي
مشاري:اهدي ياخالتي
صقر يطالعهم وماقدر يقول شي
ومحمد وميمو يبكون:جومانه لاتتركينا مثل امي
طالعهم صقر وعقد حواجبه وش ربط بين امهم وجومانه
وبنفسه اكيد انها طيبه بعيالي او يمكن تقرب لزوجتي
طلع ابو ريان جواله واتصل كذا مره بس مارد
حس ابوريان بدوخه وانتبه له بدر ومسكه بيده:ارتاح ياعمي
مسك ريان جواله واتصل على جوال منصور ونفس الشي مافيه رد
ريان:شباب تفرقو خلونا ندور لها في كل مكان,,وطالع في صقر,,صقر خلك عند ابوي
تفرقو الشباب والحريم وابو منصور راح للحارس ومحمد
وميمو راحو مع مناروفراس كان مع ام رنى
وقف عند باب الفله ونزل بسرعه وضرب باب السياره بقوه
وتوجه للباب الخلفي وفتحه ومسكها ونزلها بكل قسوه
جومانه:اتركني
مشاها بدون مايقول ولا كلمه ولما وصلو باب الجناح
جلست بلارض من خوفها:مستحيل ادخل معك وانت بهالحاله
نزل لها وشالها بين يده ودخلها وقفل باب الجناح برجله
وتوجه غرفة النوم ورمها بقسوه على السرير
جومانه وهي خايفه:اكرهك لاتقرب مني
في المزرعه
الكل رجع ورد بصوت ماحد:مالها اثر مافيه احد
ابوريان انخفض عنده السكر وانتبهت له منار
منار:عمي
راح له ريان وجلس عنده:السكر منخفض روحي جيبي
برتقال بسرعه,,,وطالع في محمد,,,محمد روح جيب علاج جدو من سيارتي بسرعه
محمد:طيب,,وراح جري
جابة منار البرتقال وعطوه ابوريان واخذ ريان العلاج من محمد وعطاه لأبوه
طلع بدر جواله وبعد منهم وحاول يتصل بس مافيه رد
وارسل له رساله(منصور طمنا جومانه معاك الكل خايف وعمك تعب علينارد علينا بسرعه)
جلست ام ريان بلارض تبكي وجلست جمبها ام منصور تهديها
ومنار تحس بشد وبالم في بطنها
مشاري:ياجماعه اتصلو على الثابت يمكن موجودين في الفله
طلعت منارجوالها واتصلت بس ماحد رد:مافيه رد
سمر جالسه تطالعهم من عند الباب وهي خايفه وتبكي
وبنفسها ياويلي لايكون منصور عرف الحقيقه والله
لايذبحني
عند جومانه
ارتفعت تبي تقوم من على السرير بس ماحست الا
بشي قوي ضرب على صدرها وتناثرمسكت على صدرها وهوي تتأوه
طالعت في الي حوالها بعيون تايهه ومو فاهمه شي
منصوربصوت عالي:شنو هذا ياتافه ياواطيه من وين
جبتيهم ومالقيتي تنتقمين مني الا في سمر الطفله
جومانه تطالع فيهم ومو فاهمه:شنو هذا
ضحك بستهزاء:موفاهمه شنو انا بقولك وبسايرك في انكارك
هذا جوال واشرطة للافلام قذره مثلك عطيتيهم سمر
صرخت بصوت عالي وحطت يدها على فمها:شنوو حرام عليك يظالم والله ماسويتها
قرب منها ومسكها بشعرها وعطاها كف:تدرين اقدر اذبحك
بطق هنا ومستحيل احد يرفع عينه فيني بعد سواتك لكن
انا راحم الناس,,,وهو يشر بيده,,,الي هناك بلمزرعه طالعين يستانسون مابي اخرب عليهم
وخرت ايده:منصور والله ماسويتها هذا انا احلف لك
عطاها ضهره وبصوت عالي:تخونيني هذي الاشياء
مستحيل تجيك,,,وشد على اسنانه وهو ينطقها,,,الا من رجال
تبكي وهي حاطه راسها بين يدينها:طلقني يالي ماتخاف ربك
ضحك بطريقه هستيريه خوفت جومانه:اطلقك بعدك حتى المده الابينا انسيها
قامت وهي تمسح دموعها:مستحيل ابقا في هالبيت
دقيقه وحده بعد اليوم وصدقني انك راح تندم اول
ماتكتشف الحقيقه
التفت لها وهو يناظرها بستحقار:حقيقة شنو,,,وسكت
وهو يحرك راسه يمين ويسار,,,حقيقة انك تخونيني مع
رجال ثاني يوصلك هالاشياء مالها مبرر الاهذا,,,حقيقة
انك ممثله بارعه حارمتني من اعضم حقوقي,,,نطقها وهو
يشد بسنانه على شفاته حتى نزفت دم
توجه لباب وهو يضرب بيده على صدره
جومانه كانت بتنجن حركته هذي يعني انه مصدق وبقوه
ومتضايق حيل تبي تتكلم بس التفت لها واشر بيده يعني
اسكتي واشرعلى اذونه بمعنى اسمعيني
رفع يده لشفاته ومسح الدم وطالع فيها:لاتفكرين ان
انتقامك مني في اختي راح اعديه لا مستحيل انا منصور
والي يقرب من اهلي انهيه
جومانه:منصور
منصور بصوت عالي وعيونه محمره وحواجبه
معقده:اسكتي ولا كلمه وقرب منها وهي واقفه ,,,تدرين
احس اني حتى لو لمستك بيدي الحين بتوسخ لانك
انسانه قذره وماتخاف ربها تبي تفهم الطفله اشياء بيني
وبينها,,,وطالع فيها من فوق لتحت وبعد عيونه وهو
يقولها,,انا اساسا ماقربت لك الا مره ومادري شنو الهدف من تصرفك الحقير
طالعته بعين قويه:لاتفكر اني بسكت على هالموضوع
طلع ورقتين من جيبه وطالع فيهم ثم رماها بوجها
وهو يضحك:هذا بداية انتقام بسيط
انزلت تلم الورق وتقرهم وكانت تقراهم وعيونها تتمتلي
دموع وشوي تقراهم وشوي تطالع فيه مو مصدقه
في المزرعه
ام ريان:ياولدي ياريان يلا بروح معاك للفلة عمك ننتاكد اذا هم هناك
بدر:خلونا ننتظر شوي ارسلت له رساله يمكن يرد علينا
محمد جالس على صخره كبيره ويبكي وميمو يطالع فيه
ودموعه بعيونه وتركي يحرك الرمل برجوله مايبي يطالعهم
لانه يحس انه بينفجر خاصه انه حاقد على منصور الي حرمه من اخته
منار:اتصلوعلى جوالها,,وكانها تذكرت وحطت يدها على
جبينها,,اف نسيت ان جوالها هنا
ابومنصور وهو معصب:انا ابي افهم كيف غفلتو عنها
ام منصور:فكرناها بغرفتها
ابو ريان:لاحول ولا قوة الا بـ الله
ريان وهويعيد الاتصال:المشكله انه مايرد,,,جواله كان
مقفل لما جينا هنا وكانت معنا جومانه والحين مفتوح ومايرد
مشاري:أيه وانا اتصلت ومارد علي
تركي يطالعهم وجالس عند محمد ومنزل راسه
في جناح منصور
مصدومه تطالع فيه وتقلب الورق:تبي تنتقم من ابوي
واخوي,,,وتمسح دموعها,,,في ذنب انا ماسويته
سحب الورق من يدها وضحك
وهي رمت بنفسها بلارض ومسكت راسها بيدينها
وصارت تبكي بصوت عالي:حرام عليك الله لايسامحك
انتبه منصور لجواله الي يدق وهي رفعت راسها واشر لها بمعنى اسكتي
منصورشال جواله ورد:نعم
بدر:أي نعم ياخوي حرام عليك ليش ماترد عمك تعبان
والكل متضايق ليش مارديت جومانه معك
منصوربهدوء وهو يطالعها وهي بلارض:ايه معي
طالع بدر في الي حواليه:ابشركم جومانه مع منصور
الجميع:الحمد لله
شال ابومنصور الجوال من بدر:نص ساعه لوماتكونون
عندي لاتشوفون شي مايرضيكم
وقفل الخط
طالع فيها ودفها برجوله وهو منقرف: فهمتي قصدي من الورق
يعني لو تتصرفين باي تصرف او تحاولين ترجعين لاهلك او
تضرين سمر اوتطلبين الطلاق بحرك هالورق في خلال
دقايق وانهي عايلتكم تماما لاني ماتشرف فيكم
قامت وهي تحس انها متدهوره وقالت بكل قوه وهي
تاشر عليه:صدقني بتندم واذا ندمت لاتحاول تدورلك عذر
وابوي واخوي الي اتهمتهم بلخيانه والسرقه الاختلاس لهم رب كريم مايظلم
طالع فيها وهو مبتسم على طرف:خمس دقايق وانتي
تحت بسياره وطلع بسرعه من الجناح وخذالدرج بخطوات سريعه حتى انه كان بيطيح لوماتمسك
ركب السياره وحط راسه على الدركسون ونزلت من عينه
دمعه حاااره وبنفسه ليش ياجومانه ليش تسوين هاشي
بعد ماحبيتك,,لوغيرك كان قطيتها بشارع مثل الزباله بس
انتي ماقدرت اقولك روحي,,,وهو يضرب بيده على
الدركسون ومنزل راسه,,,بعد ماعشقتك تخونيني
احس اني عاجزومافي يدي شي
بعد دقايق نزلت جومانه وركبت السياره في الطرف
الخلفي بس هو رفع راسه واشر لها تتقدم قدام عنده
نزلت وركبت قدام وحركة راسها بلجهه الثانيه ماتبي
تشوفه كرهته,,,مشى بسياره بسرعه جنونيه
وطلع جواله واتصل على ريان
ريان:نعم
منصور وهو يطالعها بنص عين:هلا يالغالي
ريان:الله يهداك يامنصور كان طمنتنا ابوي كان بيروح فيها
فكرنا ان جومانه صار فيها شي
منصور:طيب اسمعني
ريان:تفضل
منصور:لقيتها عند الغزال جالسه,,وسكت شوي,,وحسيت
انها تعبانه ولما جلست معاها شوي اغمي عليها,,التفت
له بسرعه وهي عاقده حواجبها,,اشر لها بمعنى ولا
كلمه,,وكمل كلامه,,فضطريت من الخوف عليها اشيلها
بدون ماخبر احد
ريان:افا السالفه كذا الحمد لله على سلامتها كيف هي الحين طمنا
منصور وهو يحط عينه بعينها:لا الحمدلله بخير
طمن الي عندك علينا وكلها دقايق ونوصل,,حب منصور
بطريقته هذي انه يهدي الاجواء عند الاهل
قفل الخط وطالعته جومانه بستحقار ورد راسه لجهه الثانيه
في المزرعه
ريان:يقول ان جومانه تعبت شوي وروحها للمستشفى الحين بخير
ام ريان:ماقالك اش فيها
ريان:مافي شي دوخه بسيطه
طالع في منار وحس انها تعبانه:منور شي يوجعك
استحت منار:الحمل متعبني شوي عشان تحركت كثير
قرب منها ومسك يدها:سلامتك ياقلبي
وطالع في الشباب وهم يطالعون في منار:شباب يهوه
وش رايكم تجون تجلسون عندها انتبهو لاتفقع عيونك في مرتي
الشباب:ههههههههه
ريان وهو يقومها:يلاحبيبي تعالي ارتاحي بغرفتنا
قامت منار ودخلو غرفتهم
اول مافتح الباب ودخلو نزل وشالها بين يديه
مناربحيا:ريان نزلني
نزلها بهدوووء على سريرها:شنو متعبك
منار بحيا:احس شد في بطني وحطت يدها على بطنها
جلس جمبها وحط يده على يدها
ونزل راسه على بطنها بيبي يسمع النبض وبعدين رفع
راسه وهو يقول:نونو حبيبي لاتعب ماما هذي حبيبتي
منار:هههههه,,,ريوني
ريان:لبيه ياروحه
منار:اذاكانت بنت شنو بنسميها
قرب منها وحط راسها على صدره وهو يلعب
بشعرهاومسك اصابع يدينها:الولد اسمه علي والبنت عليك
مناروهوي تحرك راسها:اوك انا بسمي البنت ميار
ريان:وانا بسمي الولد رامي يصير رامي بن ريان
منار وهي تبتسم:حلو كثير
في خارج فلة المزرعه كان الكل متجمع
وانتبهو لسيارة منصور المتوجهه من بعيد وقف بسيارته قريب منهم
طالعت فيه جومانه بكل قوه:انساني من اليوم وصدقني
راح تندم ,,,ونزلت بهدوء عكس نار الظلم الي بداخلها
نزل بسرعه وراح ناحيته ومسك يدها حاولت تفكها بس
ماقدرت لان الكل يطالعهم
منصور وجومانه:السلام عليكم
الكل:وعليكم السلام
راح منصور وباس راس ابوه وعمه وتاسف منهم
ابوريان:عادي ياولدي ماصار شي بس ليش مانوموك
يابنتي عندهم شكلك باقي تعبانه
طالع فيها ورد:لاتطمنو هي الحين بخير,,وطالع فيها بنظره فهمتها لوحدها وقال,,احس منا كلنا بعد
ام ريان:سلامتك يابنتي
ام رنى وام منصور:سلامتك ماتشوفين شر
جومانه بصوت مبحوح من كثره البكى:الله يسلمكم
طالع فيها:لاتخافون تراها بخير
قامت بدون ماترد عليه وعطته ضهرها ومشت رفع راسه لها:وين
لكنها ماكلمته ومشت بخطوات واثقه وجذابه
ابوريان: ماعليش تلقاها تعبانه شوي ومالها خلق للكلام
مشت بدون مانتطق بكلمه ودخلت الفله وتوجهة غرفتها وقفلت عليهاالباب
دخلت الحمام بعد ماشالت لها قميص ابيض قصير وشفاف
وفكت الماي البارد عليها وطلعت خذت لها كريمات معطره
تبي ترتاح وعطورات غرقت نفسها بيهم ولبست القميص
وراحت رمت بفسها على السرير تلحفت بلحافها ودموعها مغطيه عيونها
بعد العشاء توجهو الشباب للاصطبل وجلسو عند الخيل
شوي وبعدها رجعوعشان يشوون ويجهزون العشاء
كان الكل جالس بلمزروع جات غاده ومي وبعدهم بنص
ساعه احلام وجدتهاوكانت احلام لابسه عابايه شاده
وبعد ربع ساعه اتصل بدرعلى ابوه وقاله يجي ويجيب
سوسن معه وفعلا جاو
مناروغاده ومي وسوسن كانو جالسن على حنب لوحدهم
والحريم جالسين مع بعض
واحلام طبعآ مسكت سمر ودخلت معها الغرفة عشان
تعرف اخر الاخبار وانتبهت لهم منار وتضايقت خاصه ان
احلام اكبر من سمر بكثير وكان جوال احلام في اتصالات
متواصله بس كانت متوتره وخايفه
الشباب كانو يشون ويجهزون اللعشاء وينكتون الا منصور
كان سرحان ويفكر
المزروع كانت انواره طافيه كلها ومافيه نور الا نور نار
الشوي بس
انتبه ابومنصور ان جومانه موموجدوه وطالع في منصور الي كان سرحان
ابو منصور:منصور,,,,,,,,,,منصور,,,,,,,,,منصور
انتبه والتفت لبوه بسرعه:نعم يبه امرني
ابومنصور:جومانه باقي تعبانه
منصور تذكر:مادري ماعتقد
استغرب ابومنصور ورفع حاجب:كيف ماتدري عن زوجتك
تعبانه اولا,,,اشر له بيده,,,يلا ياولدي الله يهداك روح
شوف مرتك وتطمن عليها ولاتجي الا وهي معاك
قام منصور وهو مايبي يشوفها وصل عند غرفتهم ورفع يده يبي يدق
عند البنات
منار:سوسن مافي شي بطريق موحامل
سوسن:لاتوني مكمله من هذيك مافيه شي
غاده بقلق:بنات بدخل اشوف جوجو واتطمن عليها
منار:توني شفت منصور دخل لفله يمكن راح لها
غاده:بنتظر لين يخرج
نزل يده مايبي يدق ورجع يبي يخرج لكن لما تذكر كلام ابوه رجع للباب ودق
جومانه وهي تمسح دموعها:نعم
ماتكلم وضغط على عيونه باصابعه وعض شفاته
قامت جومانه من على السرير:نعم,,,وفتحت الباب شافته وحقدت عليه ودخلت
فتح منصور عيونه على شكلها بلقميص القصيروصار
يطالعها بطريقه لاشعوريه ودوخته ريحة عطرها الي غطت المكان
اما هي مانتبهت له وجلست على السرير:نعم شنو تبي
في تهمه جديد,,,والتفتت له,,اوتهديد جديد
انتبهت لنظراته الحاده وطالعت بلبسها وبجسمها الي
شبه مكشوف وبسرعه غطت جسمها بلحاف
انتبه النفسه وطالع في التسريحه خاف لايتهور وهو حاقد
عليها:غيري لبسك,,,طالع فيها,,,كذا مره منعتك
ماتلبسين ملابس ضيقه اومكشوفه,,وبنفسه اخاف اتهور
ودخل وقفل الباب:روحي يلا غيري ملابسك وتعالي معي ابوي جبرني اخرجك
جومانه ابنفسها ابوه جبره يعني مو هو الي يبني اطلع
انسان مايحس:طيب اطلع برا ابي ابدل ملابسي
لف كرسي التسريحه لجهة الباب بحيث يعطيها ضهره
ومايشوفها وجلس عليه:روحي بسرعه للحمام غيري ملابسك
راحت بسرعه وشالت لها بنطلون ابيض وتيشيرت بني
ودخلت وبدلت ملابسها ورشت نفسها بلعطر ولمت
شعرها وطلعت شافته منزل راسه ويلعب بجواله
وتكلمت بصوت مبحوح:كملت يلا خل نطلع
طالع فيهاوناظر بلبساها وحرك راسه بمعنى يلا
اطلعو من الفله واول ماخرجو شافوهم البنات وبدو
يصفرون يبون يحرجونهم والشباب يضحكون
طالعت جومانه وابتسمت بخفيف ومنصور مسكها بكتفها
استغربة ليش مطفين الانوار
تكلم ابوريان بصوت مرتفع:لو سمحتو الكل يتجمع هنا
قامو البنات والحريم والشباب تجمعو كلهم عند ابوريان وابومنصور وابوبدر
ابومنصور:عندنا لكم مفاجئه
وبهاللحظه انفتحت كل انوار المزروع والكل حط يده على عيونه من شدة الانوار
وبعدها بدقايق ام منصور ام ريان ريان منصور جومانه منار
سمر تركي يطالعون مو مصدقين ويضحكون فرحانين
ابومنصور/ابوريان:حياكم الله ارحبو
محمد/ملاك:الله يحيك ويبقيك(ملاك ثاني مره اذكرها في
الروايه اذكركم بها هذي اخت ابومنصور وابوريان)
سلمو عليهم ولما وصلت ملاك لجومانه ضمتها جومانه وبكت على طول
ملاك:ياقلبي انتي ليش البكى كل هذا شوق,,,ومسكتها ومسحت دموعها
منار:عمتي وانا مالي احضان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك