رواية صرت اغار انا منها عليها -18
في غرفة منصور وجومانه
كانت جالسه عندالتسريحه تضبط شعرها ورشت لها عطر
وقامت ناظرت لبسها بلمرايه كان تايور احمر كروهات
باسود بلوزته كت والتنورد لحد الركبه شالت روده من
عالتسريحه وحطتها على شعرها فوق اذونهاطالعت وجها
ماكان فيه مكياج كلعاده وابتسمت لنفسهابرضا وطلعت برا غرفتها
راحت المطبخ وخذت لها كاس عصير
ماريا:ماما جومانه انتي هلوووه كثير
جومانه:شكرا,,,وين البنات
ماريا:كلو برا في مزروع
جومانه:اها طيب,,,وطلعت من عندهم
خرجت وشافت الكل متجمعين
البنات يصارخون:واااو جومانه
غاده: شنو هالحلا هالبس مزود حلاتك
مي:بس لو مكملته بلميك اب
سوسن:والله انك حلوه مره بدونه بس اتمنى اشوفك بلمكياج
منار:اتصدقون اني مستغربه ليش ماتحط مكياج وهي متزوجه
احلام وهي تطالعها:يمكن منصور مانعها
طالعت فيها جومانه:لامامنعني انا ماحب احطه فهمتي
........:مساء الورد
البنات الا احلام ظلت ساكته وتطالع:هلا والله غلا
جومانه:هلا والله بلقب الطيب
حنان:هلا فيكم
سلمت على كل البنات وطالعت في جومانه:اخباركم بنات
البنات:تمام اخبارك
حنان:الحمد لله انا تمام,,,وضحكت,, جوجوالاحمر طالع عليك جنان خيال
استحت جومانه:مشكوره عيونك الحلوه
شوي وجاتهم ام رنى وسلمت على حنان الي حبتها
واجد وكان معاها فراس وشالته حنان منها لانها تنجن على الاطفال
ام رنى:جومانه عمتك ملاك تقول تعالو كلكم هناك عندهم
غاده:بس الشباب متجمعين كلهم عندهم احراج
قامت منار:اقول قومو اشتقت لحبيبي
احلام خايفه لايفشلها منصور اوملاك
سوسن تطالع في جومانه وهم متوجهين للجهه الثانيه
من المزروع:جومانه زوجك راح يخق عليك شكلك حلو حيل
ابتسمت جومانه وبنفسها بلاك ماتدرين
احلام كانت تطالع جومانه بكل كره وغيره ماتبي منصور
يشوفها بهاالشكل لانها كانت روعه خاصه في اللون الاحمر
شافتهم ملاك جاين:لازم عزيمه ولا ماتجون
منار:احمدي ربك في ناس ماكانو يبون يجون
ملاك:ههههههههه صدق ليش
منار وهي تطالع غاده:يقولون احراج عشان الشباب
محمد:هههههههههه أي احراج كاهم جالسين وماعندهم بعد
غاده ومي قلبت وجيهم احمر من الفشيله
سلمت حنان عليهم وكانت مستحيه حيل اول ماقربت من
صقر مدت يدها بسرعه وصافحته ومشت
ملاك:وين جوجو ماشوفها معكم
انتبه منصور لعمته الي مطنشته طول اليوم
منار:راحت لحمود وميمو تبي تتطمن عليهم وبتجي الحين
ملاك:ماعرفتوني على الحلوه الي معاكم
غاده:نسينا بسبة زوجك المحترم فشلناهذي حنان بنت مدير صقر
انتبه صقر لأسمه وطالعها وبعد عينه والتفت للجه الثانيه
وبنفسه مديري يعني بنت هذا الرجال الي جانا في بيت ابومنصور
ملاك ضحك على كلامها:هلا وغلا حنون
حنان:هلا فيك
طالعها صقر مستغرب يبي يتذكر لكن ماقدر ونزل عيونه عنها
احلام تطالع منصور وانتبهت لهاملاك ونظارتها بستهزاء
جومانه:السلام عليكم
الكل:وعليكم السلام
رفع راسه يبي يرد لكن ابهره شكلها
ملاك:جوجو ياقلبي طالعه تجننين
مشاري وبدر يشرون لمنصور التفت لهم
مشاري بصوت واطي:زوجتك تاخذ العقل
بدر:أي والله جمال واخلاقها خيال
شال علبة الفاين ورمها عليهم:الافظل انكم تسكتون قبل لاكفخكم
الشباب:هههههههه
بدر:ابوالغيره
انتبهة لهم جومانه والبنات لكنه عطاها نظره تعبر عن غيرته
محمد:اساسا دائمآ حظه زين في كل شي وكمل حظه لما ربي رزقه بجوجو
طالع فيه منصور وهو رافع حاجبه:اسمها جومانه مو ,,,يقلده,,,جوجو
جومانه بنفسها ليته حس فيني الا من لما عرفته وانا بعذاب
حنان تهمس بذون جومانه:جومانه حتى انتي حضك فيه ملامحه خيال
جومانه طالعت فيها وبهمس مثلها:ودك تسكتين
حنان:هههههههه
انتبة جومانه لصوت رساله جات لجوالها شالته
وفتحتها(بسرعه إلحقيني لغرفة النوم لاتتاخرين)
رفعت راسها وطالعته وهو قام على طول واشر لها
بحواجبه بمعنى الحقيني وراح للفله
ملاك:جومانه تتوضفين بشركه واحد من اصدقاء محمد
جومانه راح بالها من منصور:ايه ماعندي مانع
ملاك:اهم طالبين قسمك وانا استشرت البنات وكلهم قالو
مايبون مابقى الا انتي حلو انك وافقتي ومرتبه عالي جدآ
ملاك:حمودي كلم الرجال وقله ان جومانه بتتوضف
عندهم
محمد:لحظه لحظه منصور عارف
جومانه كانها تذكرت منصورمافكرت في ردت فعله لو عرف
ملاك:لا
محمد:طيب خل تستشير زوجها رايه مهم في الموضوع
جومانه بتوتر وهي تطالع بشاشة الجوال ومنصور
يتصل:اوك راح اساله
وردت بسرعه عااجوال:لو تتاخرين دقيقه وحده انا الي بأجي وبجيبك بطريقتي من عندهم
قفلت وقامت بسرعه وبنفسهااتوقع منك أي شي
دخلت الفله وراحت غرفتها وفتحت الباب بهدوء
كان منسدح على السرير واول مادخلت رفع راسه ورجع
شوي بجسمه لورا ثم جلس بهدوء عكس النار الي بداخله
اشر لها على دورة المياه:بسرعه ادخلي غيري لبسك
حركت راسها بمعنى ليش:مابي اغيره
وراحت لتسريحه وعطته ضهرها وشالت عطرها وبخت
بيدها وحطة ايدها على فمها وانفها
قام من على السرير وبنفسه لاتتهور مابي اتهور
انتبهت انه قريب منها والتفت بسرعه وراحت جهة الباب
تبي تفتحه قرب منها ومسكها بسرعه وضمها وبصوت
متقطع:ماقدرت اتحمل نظراتهم بدليه بلبس هادي
اشتاقت له جومانه وكلامه يثبت انه يغار عليها يعني يحبها
وبنفسهاليش ماتبين لي ليش تحسسني انها اوامر وبس
نزل ايده وهو ضامها بليد الثانيه ومسك ايده ورفعها
لصدره:ضميني
تذكرت جومانه كل الي صار ظلمه تهديده لبوها
ولخوهاوفي اللحضه ماتحملت قربه فدفته بكل قوتها
طالع فيها وهو شاد على شفاته وعاقد حواجبه
جومانه:بعد عني لاتلمسني مو انا قذره مو انت بلحظه
ظلمتني وصدقت فيني صح ولا انا غلطانه
عطاها ضهره مايبيها تشوف ضعفه ويديه على خصره
والثانيه على خده
جومانه:تكلم طالعني مو انت تبي تضيع ابو واخوي
وتتهمهم باختلاس وسرقه عشان شنو
تكلم عشان موضوع تافه مالي ذنب فيه
منصوربصوت عالي:انقلعي من قدامي وغيري ملابسك
راحت لدولابها وطلعت لها بنطلون وبلوزه لون اسود
وراحت الحمام وبدلت ملابسها وبنفسها انت الي جبرتني
وطلعت وماكان موجود بلغرفه
راح منصور للمطبخ وشرب ماي وشوي دخلت عليه ملاك
منصور بتردد:ملاك ممكن
طالعته ملاك ومشت وماكلمته
منصور:ارجوك اسمعيني تدرين ماقوى على زعلك لاتعبيني
حنت عليه ملاك وتكلمت وهي معطيته ضهرها:تكلم وش تبي
منصور:ماينفع نتكلم هنا,,ومسك يدها,,تعالي نطلع برا
ملاك:اوك يلا
ابتسم منصور وطلعو برا
شالت جوالها واتصلت على محمد:حمودي بتاخر شوي انا
مع منصور عندنا موضوع نتكلم فيه,,,اوك حبيبي ,,باي
عند البنات والشباب
جاتهم سمر:احلام تعالي ابيك
طالعت فيها احلام بقرف
وانتبة لها منار ونادتها بصوت عالي:سمور تعالي
اجلسي معاناخلي البنت ترتاح
احلام بتصنع:لاماعليش بشوف ايش تبي
وقامت لها وهي تتافف مسكتها سمر وبعدت عنهم
احلام:ها وش تبين
سمر:تعالي ابيك تجين معاي نجلس عند المسبح
ريان:منور وين الكامره ابي اصور الاطفال وهم يلعبون بدبابات
منار وهي تحط ايدها على جبينها:اوووه نسيتها عند المسبح بقوم اجيبها
ريان:لالا تقومين انا بروح اجيبها انتي حامل
بدر يقلد المصاريه:ياحيف عاالرقاله
مشاري: ياحيف ياحيف
بدر/مشاري:هههههههههه
ريان: واحد ويبي يدلع مرته وش دخلكم انتو
منار استحت من كلامهم
محمد:وش دخلكم فيه هو مرته
فطسو الشباب والبنات ضحك
جاتهم جومانه:اشفيكم ضحكونا
قالت لها منار السالفه وضحكت عليهم جومانه وطالعت
في ريان:ريان ماعليك منهم وبعدين ارتاح انا بروح اجيب الكامره
ريان/منار:مشكوووره
عند ملاك ومنصور
ملاك:تكلم ليش ساكت برر لي موقفك
منصور:ملاك صدقيني مالي ذنب
ملاك:شلون مالك ذنب فهمني والي شفته بعيوني
منصور:اسمعيني انا دخلت عشان اصحي سمر لانها
قالت لي ان سمر ماصحت قالت لي هالكلام وجومانه موجوده
ملاك:طيب وبعدين
منصور:لماقالت لي دخلت وتسبحت وصليت وخرجت ابي
اصحي سمر وهي كانت متسطحه على السرير اول
مادخلت غضيت البصر وتنحنحت وقامت وانا دخلت للغرفه
لما قربت من سمر مابعدت استغربت و مابينت لها اني
متضايق حاولت اصحي سمر وهي شالت يدي وحطتها
على صدرها وانتي شوفتينا على طول
ملاك:طيب ليش ماسبحت يدك الا لماشوفتني ليش مابينت لها انك متضايق
منصور:اساسا اول مامسكت ايدي انتي شوفتيني يعني مالنا ولا ثواني
ملاك:تعبت من الوقفه تعال نجلس عند المسبح
منصور:طيب
عند المسبح
احلام:سمر طفشتيني وش تبين فيني
سمر:ابيك تجلسين معاي
احلام:اقووول يابزر شكلك نسيتي نفسك يلا وخري عني ترا موفاضيه لك
سمر:احلام اشفيك علي ليش متغيره علي
احلام:كيفي متغيره بكيفي
سمر وهي تحاول ماتبكي:ليش ماتبيني بعد شنو بعد ماخرب كل شي
عند منصور وملاك
ملاك:منصور انت تسمع الصوت
منصوروهو يمسك يدها:ايه وقفي لاتتكلمين
عند المسبح
احلام:شنو شنو خربتي ماصار شي كاهم اخوك وزوجته مثل العسل شكلك تكذبين
سمر:شنو اكذب والله كذبت على اخوي وقلت له ان
السيديهات والجوال من جومانه بعد ماخربت بينهم تقولين هالكلام
احلام:هههههه اقول طسي عن وجهي بس ماعاد ابيك ماتنفعين لي بشي
شوي ودق جوالها وردت:هلا حبيبي
احمد:هلا فيك
احلام:اخبارك
احمد:تمام,,,ماتحسين انك طولتي علينا ليش للحين ماجبتي لنا وحده حلوه
مثلك,,ههههه,,يستهزء,,,ياحلوتي
احلام جاتها فكره:اوك الليله بيكون الي تبيه عندك,,يلا باي
وقفلت الخط وطالعت في سمر:سمووري
سمر وهي معصبه:لاتقولين سموري قولي ياغبيه ياسمر
احلام بنفسها الله يصبرني على غبائك بس:ابيك بخدمه اذا سويتيها لي برضى عليك
سمر:مو لازم ترضين علي مابي
احلام:سمر اسمعيني ابيك تجيبين لي رقم جوال جومانه
استغربت سمر وخافت:ليش وشنو تبين فيه ومنو هذا الي كلمك من شوي
احلام:ماعليك من كل هذا اهم شي جيبيه لي
سمر:مستحيل اسبب مشاكل لجومانه ولخوي اكثر من الي انا مسببته
احلام بصوت عالي خوف سمر:بتجبينه ولا شلووون
سمر:لا ماراح اجيبه
قربت منها احلام ومسكتها مع كتفها بقوه:صدقيني لو ماتجيبينه ابتندمين
بعدتها سمر:وش بتسوين اساسا انا بقول لمنصور اني
اكذب وراح اقووله انك الي عطيتيني عشان تفرقين بينهم
صرخت احلام:ايش تقولين ,,,ورفعت يدها وعطتها كف
صرخت سمر وحطت يدها على خدها:بعدي عني
راحت لها احلام ومسكتها بشعرها:تبين تفضحيني هاانا اوريك
وسحبتها جهة المسبح سمر تطالع بخووف:احلام وش تبي تسوين فيني اتركيني
رمت سمر ابجسمها بلارض لكن احلام مسكتها بطرف بلوزتها وسحبتها ناحية المسبح
سمر وهي تبكي وتصرخ:يامجنونه اتركيني
طالعت فيها احلام:مجنونه ها,,,وسحبتها بقوه ورمتها بلمسبح وهي تضحك
حست احلام بصوت احديركض من وراه والتفتت بسرعه
لكن ماشافت الا الي قفز بسرعه في المسبح
عند الشباب والبنات
منار:مو كأن جومانه تاخرت
محمد:يمكن راحت عند منصور وملاك لانهم مع بعض
منار:ايه يمكن
طالع ريان في بدر:بدر وش رايك تغني لنا
سوسن:عاد صوت بدر عذاب في الغنا
غاده تطالعه وهمست بذن سوسن:وانتي وش عرفك ان صوته حلو
سوسن:كل يوم اسمع صوته يغني بغرفته
طالعت سوسن في بدر ولاحظة نظراته لغاده
وابتسمت:بدر يلا غني لنا اغنية الاماكن
بدر وهو يلمس رقبته:احرااااج
ريان:الحلوه بدوره منحرجه ليش ياطيب مافي غريب مافي
الا بنوتات حلوااات,,وطالع في منار,,بس مو احلى من
منوري,,وكمل كلامه,,,يمكن تكون وحده منهم من نصيبك
مي وهي تقرص منار:ماتحسين ان زوجك مايستحي
منار:ههههههه بعدك ماشفتي شي
سوسن:يلا بدر صادق ريان يمكن وحده من هالحلوات
تكون من نصيبك ماااتدري بس انت اشر وانا ازوجك عاد انا
حسبت امك,,,ههههههههههه
الكل:هههههههه
ضحك بدر وعيونه على غاده
بدر:اوك بغني لكم وهالغنيه لناس حبيتهم من اول
نظره,,وطالع في غاده بسرعه ونزل عيونه عشان ماحد ينتبه
شافته غاده ونزلت راسهاراسها وابتسمت وبنفسها احس انه يقصدني
بدر:احم
الامــاكن كلها مشتاقه لكــ
والعيون الي انرسم فيها خيالكـ
والحنين الي سرى بروحي وجالكـ
ماهو بس انا حبيبي الاماكن كلها مشتاقه لكـ
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي ااه من تطري علي
المشاعر في غيابك ذاب فيها كل صوت
والليالي من عذابك عذبت فيني السكوت
وصرت خايف لا تجيني لحظه يذبل فيها قلبي
وكل اوراقــــــــــــي تمــــــــوت
اااه لوتدري حبيبي كيف ايامي بدونك تسرق العمر وتفوت
الامان وين الامان وانا قلبي من رحلت ماعرف طعم الامان
ليه كل ماجيت اسأل هالمكان اسمع الماضي يقول
ماهو بس انا حبيبي الاماكن كلها مشتاقه لك
الاماكن الي مريت انتا فيها عايشه بروحي وابيها بس لكن مالقيتك
انبهرو البنات كلهم على صوته
رفعت عيونها غاده ولقته يطالعها وابتسمت وخدوها محمره وعيونها تايهه
نزلت عيونها وهمست سوسن بذنها:موكانه يقصدك
ابتسمت غاده:موكانك مبالغه
سوسن:لامن جدي ترا اعرف بدر فاهمته زين شكلك عجبتيه
بدر هو يطالعها وغاده منحرجه تحس الكل انتبه
بدر:الاماااااااااااااااااكن الاماااااااااااااااكن
مشاري:اه يالعشق هههههههههه عرفتها
بدر وهو مبتسم بحراج:منهي
مشاري وهو يصفق: حبيبة القلب هههههههههه
ريان:ههههههههه يابو قلب حنين مداااك تحب
محمد:امانه من هي مانتبهت منو هذي الي حبها من اول نظره
غاده تحس شوي وتختفي من الاحراج
مي تهمس لها:غدو عيونه لك صدقيني يقصدك
حنان:ايه حتى انا انتبهت
منار:ولا يهمك ياغدو راح اخذلك الليله اهم الاخبارمن ريان
غاده وهي مستحيه:اقولكم بس لاينتبهون لكم سكتو
محمد:شباب قولو من هي
ريان:مالومك مانتبهت بالك مع ملوكه
محمد:مشاري قووول من هي
بدر:اوووم الحراج بس سكتووو
مشاري:محمد بقولك بعدين وعد
عند المسبح
سمر بدت تنقطع انفسها وهي تحرك يدينها
جومانه:سمر تحملي شوي وبطلعك
سمر:احس اني بموت
جومانه تبعد شعر سمر عن وجها:سمر اصبري شوي واطلعك
قربت من حافة المسبح ومسكت السلم تبي تطلع بس
ماقدرت لانها تحس بثقل سمر خاصه انه اغمي عليها
لفت انتباها يد ممتده لها رفعت عيونها تبي تشوف من
ايده شافته وعطته نظره قويه وبعدة عيونها ورجعت تحاول ترفع نفسها
راحت ملاك بسرعه لهم ورفعت جومانه بسرعه وجومانه تمسك في سمر
احلام تطالعهم وهي خايفه ومو عارفه شنو تسوي
رجعت على ورا وتطالعهم بخوف
شافها منصور وراح لها بسرعه اول ماقرب منها عطاها كف
طيحها بلارض ورجع وشالها وعطاها الكف الثاني
حس ان الدنيا تدووور فيه
فتحت سمر تطالع فيهم بخوف:انا انا....
طالع فيها منصور وهو عاض على شفاته التحتيه وعاقد حواجبه بقوه:ولاااا كلمه فااااهمه
بكت سمر وحضنتها جومانه
طالع في احلام:الحين تنقلعين من المزرعه تطلعين برا مثل الزباله
وشال جواله واتصل على كومار:جهز السياره في وحده تبي ترجع للبيت,,,وقفل الخط
ملاك:يلا خل نرجع للفله
مشى منصور وهو يحس انه مايشوف شي قدامه
جومانه مصدووومه من الي سمعته وفي نفس الوقت فرحانه انها الله برئها
ملاك متضايقه وبنفسها معقوله كل هذا صار وجومانه كاتمه بقلبها
دخلو للفله وجومانه بكل حنان دخلت سمر غرفتها
ملاك:جومانه بدلي ملابسك وتعالي لغرفة الجلوس لازم نتفاهم
حركت راسها بمعنى طيب
منصور يطالعها وبصدره شعور متناقض فرحان انهاطلعت
بريئه ومتضايق انه ظلمها وعذبها وكيف بترضى له
سمر :انا اسفه
جومانه:تاسفي من اخوك الي زعلتيه اما انا فما اخطيتي علي
سمر وهي تبكي:انتي اكثر وحده اخطيت عليها
مسحت دموعها جومانه:لاحبيبتي ماخطيتي علي إلي
اخطا علي هو الي صدقك
وطلعت على طول لغرفتها دخلت غرفتها وقفلت الباب
وصرخت بصوت عالي وراحت لتسريحه وهي تشهق
بصوت عالي وشالت كل العطورات ورمتهم بلارض وطالعت
بوجها الشاحب بلمرايه وضربت المريه بيدينهابقوه لحد مانكسرت المريه
سمعت صوت الباب يدق:جومانه افتحي الباب
جومانه:خلوني لوووحدي
ملاك:جومانه افتحي مانبي ابوك ينتبه تدرين بيتعب
افتحي الباب مانبي الكل يعرف
فتحت الباب وطالت فيها وحضنتها:تعبت ياملاك تعبت كثير ماعاد فيني صبر
ملاك اوجعها قلبها على جومانه
طالع فيها وهو مفزوع:ايدك تنزف ليش
ناظرو في المرايه الي كانت مكسوره واثار الدم عليها
دخل بسرعه ومسك ايدها وشال فاين كثير وحطه على ايدهالكن الفاين امتلى من كثرة الدم
طالع في ملاك خايف:ملاك جيبي شاش بسرعه ومعقم
طالع فيها وبسرعه ضمها على صدره:ارجوك سامحيني
ابتسمت ملاك وطلعت جابت لهم الشاش وخرجت وقفلت الباب
جومانه تبكي:مهما سويت مستحيل اسامحك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك