رواية عندما تضئ الشموع بيد الحزن -18
الجزء الخامس و الثلاثون
بنشاط كانت تتحرك في المطبخ لما سمعت الجرس يدق أستغربت من جأيهم الحين معقول مشعل نسى مفتاحه
أريج ساتي شوفي الباب
ساتي اوك مدام
دقائق و دخلت عليها فجر سلام
أريج بغرابه فجر فيك شئ ؟
فجر بسم الله عليه لا
أريج بنظرة و ليش جأيتني قبل أذان العصر حتى ؟
فجر مليت من البيت لوحدي بس
أريج اهااا بس
فجر اللهم أني صائمه حرام أكذب جيت عشان متأكدة أنك بتذبحين نفسك هنا
أريج و مخليه أمي لوحدها ؟
فجر أمي عندها سيلا
أريج بضحكة اوكيه أن ما خليتك تندمين على جيتك الحين نزلي عبأتك و تعالي بروح أتصل في مشعل أشوفه وين تأخر....
*****************
بالغرفه كانت تقلب في النت تدور على طبخه طريقتها سهله و سريعه بدون أي فائدة بالأصل ما تعرف تطبخ شئ تأففت بقهر على دخلة مرام عليها
مرام شو فيك ؟
ريم أبي شئ و ما حصلته
مرام شو هو ؟
ريم طبخه سهله و سريعه
مرام مستغربه ليش ؟
ريم مدري خاطري أسوي شئ نأخذه معنا عند أريج
مرام أكيد الشغالات أمي قايله لهم يعملوا شئ
ريم لا شئ أنا أسويه بيدي أصلا أريج هي تطبخ بس ناني تساعدها و الأن فجر معها
مرام هما متعودين يطبخوا خالتي معلمتهم
ريم بتحدي بخليها تعلمني أنا كمان....
*************
طلعت لصالة على صوت مشعل الي جأي من برى و ينأدي عليها
أريج هلا
مشعل دخلت لك الشغاله كل الأغراض ؟
أريج إيه ما قصرت
مشعل ناقصك شئ بعد ؟
أريج لا خلاص جهزت كل شئ
مشعل تمام أجل بطلع أخذ لي شاور و أريح شوي
أريج زين جوالي معي لبغيت تنزل دق علي
مشعل ما بتطلعين تبدلين ملابسك ؟
أريج بعد ساعة مو الأن
مشعل خلاص لطلعتي أنزل
أريج زين تبي أجهز لك ملابس .؟
مشعل لا خلاص خلصي شغلك أنا أخذ لنفسي...
نزلوا مع بعض من فوق ناحية أبوهم الي كان جالس بالصالة لوحده و باين إنه متضايق و على أعصابه
ريم نحن جاهزين بابي
أبو مشعل و هو يطالع الساعة روحي أجل خلي الشغالات يجهزون الفطور بالسيارة
مرام و مامي وين ؟
أبو مشعل بعصبيه أمك هذي ما تتغير الحين تقول فلانه مسويه فطور و بتروح لها و ولدها الي عازمها من أمس ماله أي قيمة عندها
مرام يعني ما تبي تروح ؟
أبو مشعل تقول أمك ذي مليت من تصرفاتها خلاص ما ينفع معها لا طيب و لا بطال
مرام خلاص يبه أنت صائم لا تعصب أنا أطلع أشوفها
ريم بعد ما رجعت من المطبخ جهزوا كل شئ يالله نمشي
مرام أنتم روحوا السيارة و أنا بشوف أمي و أجي
أبو مشعل لو ما تبي تروح تعالي و أتركيها ما فيه وقت....
**************
نازلين مع بعض في اللفت [ المصعد ] بداخله مبسوط اليوم حس بشعور جديد عليه برغم بساطته لكن إحساس المسئوليه يعطي ثقه أكبر لرجل في نفسه
أريج مشعل أحط كل الفطور لكم قبل الصلاة ؟
مشعل لا أبوي ما يأكل إلا بعد الصلاة
أريج أبوي كمان كذا ما توقعت عمي كمان
مشعل جهزي مويه عصيرات تمر و فواكه و الباقي خلي الشغالات يحطونه و إحنا بالمسجد لا تطلعين أنتِ
أريج طيب خلاص كل شئ جاهز بالمطبخ و مقسم هم يودونه
مشعل يعطيك العافيه ما قصرتي اليوم بس لا تعبين نفسك زين
أريج لا ما فيه تعب فجر معي ما قصرت
مشعل إيه والله تعبناها اليوم
أريج بضحكة هي جأت من نفسها......
*******************
جلسة بينهم على السفره بروح متكبره تطالع الي حولها بدون نفس بعد ما قدرت تقنعها مرام تروح لعزيمة مشعل كانت تتأمل كيف التجهيز و التنسيق ما فيه شئ ممكن تنتقده على أريج و هذا الي يزيدها قهر
أم عبدالله و هي ترفع صوتها تعالي يا أريج بيأذن
أم أريج هالحين تجي خالتي
فجر مشعل عندها و إلا رحة سحبتها لكم
ريم و هي توقف خلاص أروح أنا
أريج و الي كانت جأيه من وراها وين تروحين ناقص شئ ؟
أم عبدالله ناقص جلستك يمه تعالي جمبي
أريج جأيه جدتي بس كنت أجهز حاجه لمشعل
في هـ اللحظة دخلت ساتي معها صحن حطته قدام أم مشعل و راحة
أريج خالتي هذا فطورك مشعل قالي ما تحبي تبدي إلا به
أم مشعل أخذة نفس إيه ما قصرتي
أم عبدالله و النعم هذي لمن حاطتها ؟
أم مشعل بأكل خالتي بس الواحد يبداء بفواكه و سلطات عشان يحافظ على صحته
أريج يالله قولوا بسم الله أذن.....
*****************
طلعت المجلس مع الشغاله الي كانت شايله صينية الشاهي دخلت بهدوء سلمت على عمها و أبوها و جلسة معهم
أبو مشعل كيفك يا يبه ؟
أريج الحمدلله عمي وش أخبارك أنت ؟
أبو مشعل الحمدلله ما قصرتوا على الفطور يبه عاد المره الجأيه فطوركم عندي
أريج واجبكم عمي و أعذروني على القصور
أبو أريج ما جاء منكم قصور يبه
مشعل بس ما أكلوا عاد أقولك
أريج لا يكون بس أكلي ما أعجبكم أروح أطبخ لكم شو تبون ؟
أبو مشعل كان مبهور أن أريج الي طبخة فسكت متفاجئ وأنتبه له مشعل الي أبتسم في وجهه
أبو أريج افى بعد كل هـ السفرة بتطبخين ثاني لا والله ما صلينا لا عشاء و لا تراويح
أريج أجل ليش ما أكلتوا ؟
أبو أريج والله أكلنا يبه هذا رجلك الي ما أكل
مشعل بضحكة ههههه بترميها علي عمي ؟
أريج رجلي لو ما أكل عادي أنتم ضيوفه أنتم الأهم
أبو مشعل ما قصرتي يبه أكلنا لين شبعنى ما شاء الله عليك طباخه مثل أمك....
*************
بالصالة كانوا مجتمعين قدام التلفزيون و بين سوالفهم و أصواتهم الي بدت ترتفع رفعت ريم على صوت التلفزيون
أم عبدالله يا ريم قفلي هذا و تعالي أجلسي معنى
ريم جدتي بس بشوف شوي
أم عبدالله الله يتوب عليكم منه
أم مشعل عادي يضيعون وقتهم فيه
أم عبدالله بدل ما يضيعونه بشئ ينفعهم
أم أريج خالتي الدين يسر ما نبي نقسى عليهم يتركونه بكره بيطفشون هم منه
مرام و هي تطالع ساعتها أريج أنا بروح خلاص مشكوره على الفطور
أريج وين بدري ؟
مرام خلاص قرب الأذان الأن يأدوبي أوصل
أم عبدالله إيه هذي بنتي الي ترفع الرأس
مرام بفرح الله يخليك جدتي شو رأيك تروحين معي اليوم ؟
أم عبدالله و منو بيوديك الحين ؟
مرام بشوف أبوي ينزلني في طريقه
أم عبدالله خلاص أجل أروح معك
أم مشعل يالله أجل كلميه حتى أنا بروح البيت كمان
ريم من مكانها أنا بروح مع فجر بيتهم و يمكن أنام هناك
أريج خليكم والله بدري مرام ما تقدري تتغيبي يوم نبي جلستك
مرام عندي تسميع اليوم مره ثانيه أجيك
أريج الله يوفقك
مرام عندنا يوم الأربعاء محاضرة شو رأيك تجين ؟
أريج والله مدري أشوف مشعل لأنه عازم سلطان بس ما أذكر قالي الأربعاء و إلا الخميس
ريم لا تقولين رجع ؟
أريج بضحكة الفجر طيارته
ريم يعني باي باي مشعل
أريج و ااحسرتاه
فجر وش تحت رأسك أنتِ و هي ؟
ريم مشروع سلمي
فجر أشك والله.....
****************
بالسرير أتمددت بتعب سيطر عليها و الأم كانت بظهرها غير طبيعيه مفتقدتها من فترة طويلة محتاجه لمسكن بس المشكلة إن النوعيه هذي بالذات الي تحتاجها ما هي عندها .. دخل الغرفه بعد ما رجع من المسجد و فز قلبه لمنظرها و ملامح التعب في وجهها كانت تحاول تعدل المخده وراء ظهرها على وضعيه معينه تريحها لما مد يده بيعدلها لها و بدون قصد منه لمس أسفل ظهرها و صرخة بألم
مشعل بخوف عورتك ؟
أريج أخذة نفس و أسترخة بهمس لا
مشعل ما رحمتي نفسك من الصبح أنتِ ؟
أريج لا عادي ما تعبت أهم شئ ما نقصنا بحقهم
مشعل خلينا نروح المستشفى طيب
أريج ما يحتاج
مشعل حضن وجهها بيدينه و ضغط بسبابته حول عيونها عيونك ذبلانه
أريج برتاح و ترجع طبيعيه
مشعل تمدد جنبها ولف يده حول كتوفها فـ صرخة أريج غصب عنها مره ثانيه معليه حبيبي شيل يدك ما أني مستحمله أحركه
مشعل قام و مشى ناحية الكبت جلستي كثير خليني أبدلك و نروح تأخذين لك مسكن و إلا شئ
أريج بتعب مشعل ما فيه أروح و ما بيعطونك بسهوله لازم أشعه و ما أني عارفه أيش
مشعل طيب حبوبك هذي ما فيها مسكن تأخذيه ؟
أريج لا ما حصلته أظن في غرفتي هناك عند أهلي
مشعل دقي على فجر تطلعه لسواق هالحين أرسله
أريج لا بتعرف أمي أني تعبانه و ما بترتاح
مشعل و الحل تجلسين تعبانه ؟
أريج بكره أكلم فجر تجيبه
مشعل طيب تعرفين أسمها ؟
أريج إيه
مشعل أخذ ورقة و قلم و قرب منها أكتبي أسمها أجيبها لك من الصيدلية
أريج ما بيعطونك بدون وصفه طبيه
مشعل أكتبيها و ما عليك أنا أعرف كيف أجيبها....
*******************
بالمسجد طلعت قدام جدتها و هي ماسكة يدها تسندها اليوم حست بشعور حلو معها حد من أهلها يشاركها في شئ بدت تحبه
مرام جدتي فيك شده تمشين لين البيت و إلا أخلي السواق يجي ؟
أم عبدالله و أنتِ ترجعين مع السواق كل يوم و إلا تمشين ؟
مرام لا أنا أروح و أرجع مشي البيت من هنا قريب علي بس عليك أنتِ مدري ؟
أم عبدالله خليني أمشي معك لين بيتكم و بعدين توصلوني بيت عمك
مرام خليك نامي عندنا اليوم
أم عبدالله والله يمه هناك تعودت و أرتاح
مرام ليله جدتي بس يعني طول الوقت في بيت عمي يعني أبوي مو ولدك كمان و إلا تحبين عمي أكثر ؟
أم عبدالله محبتهم وحده يا يمه و أبوك البكر عاد فرحتي الأولى
مرام أجل بتنامين عندنا و عشاني لا ترديني
أم عبدالله بس يا يمه بيتكم دورين و أنا رجولي ما طلعني الدرج
مرام فيه غرف تحت و أنا أنام عندك حتى ريم الليله بتنام عند فجر يعني البيت فاضي عليه........
الجزء السادس و الثلاثون
فتحت عيونها بتعب على صوته يهمس بإسمها تتذكر إنها أخذة الحبه من يده و ما تدري شلون نامت و إلا كم الساعة الحين
مشعل قومي غسلي و أتسحري يالله بيأذن الفجر
أريج كم الساعة ؟
مشعل ثلاث و نص
أريج بتعب بدري باقي أكثر من ساعة أبي مويه بس قبل يأذن بعشر دقائق صحني
مشعل أريج الأكل جبته لك هنا قومي منتي صائمه بدون ما تأكلين
أريج فتحت عيونها بالغصب و شافة الأكل على الطاولة قدامها لكن هي فعلا ما لها أي نفس تأكل شبعانه
مشعل أنتِ لسى تعبانه ؟
أريج لا أحسن
مشعل قام أخذ الأكل و جلس على طرف السرير مقابلها و حطه على رجوله كلي شوي و إلا ما فيه صوم
أريج بإستسلام فتحة فمها و كأنها توها تستوعب رحلة سلطان ما هي بعد شوي ؟
مشعل إلا
أريج ما بتروح له ؟
مشعل لا أخوانه بيأخذونه للبيت
أريج بس أنت كنت رايح
مشعل و هو يحط ملعقة السلطة بفمها خلاص أريج كلي أنتِ الحين عندي أهم سلطان لاحق عليه......
********************
خلصة الي في يدها و أبتسمت بفرح تحس إنها عملت إنجاز كبير اليوم لا يمكن ينوصف
ريم خلاص كذا السفرة جاهزة ؟
فجر لا تطورتي صراحه
ريم تلميذتك
فجر طبعا ما تنكرين
ريم بضحكة روحي زين حده صحن فول و نواشف
فجر قبل ما تعرفين تسوينه
ريم بطلي هذرة بيأذن
فجر بروح أصحي أمي و أبوي
ريم نفسي أعرف جدتي كيف نامت عندنا
فجر إلا قولي وضع أمك كيف معها
ريم بنظرة ترى الي تتكلمين فيها أمي
فجر أنا وحده ما أعرف أجامل
ريم زين روحي صحيهم برد الأكل يا خليفة شيخه في الأرض
فجر و هي رايحه فديتها راح عليها فولك.....
*******************
اليوم و على غير العاده صاحيه من بدري و جالسة معهم على مضض أبدا هي ما ستحمل وجود أم زوجها معها في البيت و تكره فيها كثرة إنتقاداتها لها و الي ممكن تكون في محلها
مرام جدتي تبين تنامين شوي قبل العصر ؟
أم عبدالله لا يمه الي نمته يكفي خلاص أنا صحوتي وحده من الصبح كذا تعودت
أم مشعل بس خالتي الواحد صائم يحتاج ينام لجل ما يتعب
أم عبدالله و ليش يصوم كأنه بينام الظهر كله على كذا ما حس بمعنى الصوم و لا حكمته زمان كنى نصحى مع صلاة الفجر و نروح لأشغالنا في بيوتنا و المزارع و لا عاد ننام
أم مشعل خالتي الله يهديك زمان ما هو مثل الوقت هالحين كل شئ تغير
أم عبدالله بحكمة بس ربنا و دينه ما تغير
أم مشعل أكيد ما تغير بس الدنيا تيسرة لنا
أم عبدالله الله وزع رزقه على عباده إن تيسرة عليك تقترت على غيرك و إن دامة لك يوم مهي دائمه على طول
مرام بدت تحس إن فيه حرب بتقوم بينهم فحبت تغير السالفة و قامت فتحة التلفزيون على قناة المجد و رفعت الصوت.....
**************
من أول ما أرتفع أذان المغرب و هي على طول على كأس المويه اليوم بذات تحس بعطش غير طبيعي
مشعل بضحكة كلي تمر أول
أريج عطشانه حيل
مشعل لجل ما شربتي بيدك يعني ؟
أريج بخجل لا بس السلطة كانت ملح مره
مشعل بلؤم والله يعني لسى يبي لي دروس بضبط الملح
أريج أنت الي ملحتها ؟
مشعل و سويتها بعد لك بيدي
أريج ليش ناني وين كانت ؟
مشعل بضحكة بغيتك تحسين الفرق بين طعم أكلها و صنع يدي بس وين كنتِ خبر خير
أريج أبتسمت مشعل تغير كثير عن أول ما أتزوجوا بدا يبين لها إهتمامه خوفه لا شعوريا تمتمت بشفايفها [ فديتك والله ]
مشعل شو قلتي ؟
أريج حست بشعور غريب من داخلها يتحكم في تصرفاتها قرب أذنك أقولك
مشعل قرب منها و تجمدت أحاسيسه على حرارة بؤسة أريج الي طبعتها على خده مشكور تعبتك معاي اليوم......
***************
طعم الجمعه بينهم مختلف عن جو بيتهم الي صار يجيب لريم الكأبة بعد ما عايشة الجو في بيت عمها و حست الفرق
فجر والله خاطري حد يصور لي مقطع فيديو لحياة جدتي من أمس
ريم راحة علينا والله كان مرام سوتها لنا
أم أريج الله يتوب عليكم يعني شلون بيكون يومها هذاك بيت ولدها كمان
فجر إيه بس الحمامه تختلف عن النسره
أم أريج بنظرة فجر
ريم بضحكة خليها خالتي هذي محد يقدر عليها
فجر أنا أقول الحق و الحق ما يزعل
ريم الله يعين ماجد بس
أم أريج أي والله قومي قبل أبوك يرجع من المسجد دفئ الشربة و هاتيها
فجر يمه أنا أعرف أطبخ ريم هي الي تبي تتعلم
أم أريج ريم هي الي سوتها معي و أنتِ بتحطينها على السفرة
ريم وهي واقفه أصلا أنا بروح أصلي
فجر يالله بس متى أجي ضيفه لذا البيت مثل أريج
قالتها و جري على المطبخ قفلت على نفسها و هي تضحك على ملامح أمها و ريم المصدومات من جرأتها.......
*******************
لفت شيلتها عدل و طلعت من الباب الخارجي متجهه للمسجد لكنها رجعت بخطواتها داخل الحوش لما سمعت جوالها يدق
مرام هلا
مها هلا بك يالقاطعه أبد ما عاد تسألين
مرام مشغوله بالتحفيظ
مها لين الفجر يعني معقول عشر دقائق ما تقدري و إلا فيك شئ زعلانه مني مثلا
مرام أخذة نفس عميق أنتِ تعرفي ليش
مها لا ما أعرف
مرام يعني الي سويتيه بين مشعل و أريج مو غلط ؟
مها بهتت شو سويت ؟
مرام ترى كلنا نعرف أنك رديتي على جوال أريج هذاك اليوم و إحنا عندها
مها هااا
مرام ليش ما ترضين أن مشعل خلاص ما هو من نصيبك صارت له حياة بعيده عنك أنسيه فكري بنفسك بحياتك بدون مشعل أنتِ عارفه أنه عمره ما فكر فيك ليش تهينين نفسك بذي الصورة
مها مرام أنا حبيته فاهمه شو يعني حب والله قلبي يتقطع كل ما أشوف أريج غصب عني
مرام أريج المسكينه مالها ذنب تكرهيها و تخربي حياتها هي عمرها ما فكرت بمشعل و لا تعرف ملامحه قبل تتزوجه
مها هذا الي يقهر أنا الي سنين أحلم فيه و هي تجي تأخذه
مرام هو الي يبغيها يا مها فهمتي
مها طيب ليش شو الفرق بيني و بينها شو ناقصني أنا عنها يعني مشعل يترك الكل و يختار أريج بالذات
مرام نصيب يا بنت الناس مكتوب خلاص
مها محد يحس بالي بقلبي حتى أنتِ متغيره
مرام لإني شفت السعاده بعيون أخوي عرفت معناها فهمت وش كان ناقصه و ناقصنا.......
********************
مدت له العطر و هي تتأمله مبتسمه الظاهر سلطان يعني له أكثر من صديق جدا مبسوط على رجعته
أريج شكلي بغار من هـ السلطان
مشعل افى ليش ؟
أريج يعني كل هـ الكشخه و الإبتسامه له
مشعل حب يغيضها شوي هههههه يستاهل حبيب قلبي والله
أريج و أنا الي رحة فيها ماشي يا مشعل خل حد بكرة يسوي لك فطور سنع لسلطان
مشعل بنظرة أفكر أخليه بعد كم يوم
أريج ليش ؟
مشعل أنتِ لسى تعبانه
أريج بإندفاع لا لا أنا مجهزة كل شئ على بكره
مشعل طيب خلي الخميس لين ترتاحين
أريج المسكن هذا قوي لما أخذه معاد أحس بشئ بعدين الخميس عندك مشوار
مشعل عندي أنا وين ؟
أريج امممم السوق
مشعل بتعجب أنتِ تبي تروحي ؟
أريج لا أنت و ريم
مشعل و ليش ما تروح مع السواق ؟
أريج مسكت يده شعولي السوق في رمضان زحمه ترضاها لريم تتمشى لوحدها بين الرجال بعدين أنا ناقصني كم غرض و أبيها تشتريهم لي معك
مشعل وهو يقرصها بخدودها شعولك هااه تدلعيني عشان ما أقول لا ؟
أريج برجاء أنت ما بتقول لا صح عشاني ؟
مشعل طيب و ليش ما تروحين أنتِ معاها ؟
أريج أنا ما أحب أروح برمضان لأنه زحمه رحة قبل و أنت بالمانيا مع ريم و فجر أشتريت كم غرض و الباقي بوصي ريم عليه
مشعل ااه يا قلب مشعل الي ما يعرف يقول لا
أريج يعني موافق ؟
مشعل الساعة تسع تماما يوم الخميس تكون جاهزة تسع و ثانيه أمشي و خليها تأخذ فجر معها ما ظنتي بستحمل المشي وراها من محل لمحل.....
*************
بزاويه من المسجد كانوا جالسات مع بعض و يسولفون علاقتهم بدت تحلو مع بعض و تتعدى حدود المسجد
مرام شوفي أنتِ لازم تجيني البيت
عبير المفروض أنتِ أول لإن بيتي على طريقك كل يوم
مرام بس أنا أكبر منك
عبير بشهرين ههههه
مرام إيه أكبر منك بيوم أعرف منك بسنه
عبير بضحكة يعني ستين سنه
مرام حشى بعمر أبوي يا مفتريه
عبير والله أمي عيونها علي الحين تقول ليش تضحكين بالمسجد
مرام صارمه أمك ؟
عبير فوق ما تتخيلين بس أحلا أم لما تضحك تصير فله
مرام امم ما عمري شفتها إلا تبتسم بس
عبير تعالي البيت و تشوفين الوجه الحقيقي لها
مرام هههه يبي لي......
*************
صرخة بفرح بعد مكالمة أريج الي خبرتها أن خطتهم نجحت و وافق مشعل إنه يوديها
فجر و الله قلت فيه شئ تحت رأسك
ريم شئ سلمي
فجر بس الي مسبب لي صداع مشيعل كيف وافق
ريم و هي تظربها على كتفها مشيعل هااه والله لاخبر أريج عنك
فجر ساحره هـ البنت
ريم فديتها ياي مني مصدقه أنه وافق تخيلي أول مره بروح معه
فجر تطور ههههههههههه إلا أنتِ وش طاق برأسك إلا معه
ريم بتردد كذا أحسن تحسين أنه لك سند
فجر اهاا
ريم ترى أنتِ كمان بتروحين معي
فجر بغرابه من قال ؟
ريم مشعل بنفسه
فجر مدري أشوف أبوي
ريم أعرفك بتقدرينه إذا أنها في رأسك يالله أنا بروح و الخميس أشوفك
فجر وين رايحه ؟
ريم البيت صيفة عندكم
فجر بمزحه توك تعرفين
ريم ههههههه تقريبا.....
*************
دخل البيت يدور عليها و بيده كيس أغراض وصته يجيبها معه و هو راجع في خاطره يضحك صار يحس السواق معاد له أهميه لكن الحقيقه هو ينبسط لما تطلب منه شئ
مشعل أريج
طلعت له ناني من المطبخ و أخذة الأغراض مدام فوق في سطح
مشعل مستغرب لوحدها ؟
ناني يس مستر
طلع مشعل و هو مستغرب منها شو مطلعها لسطح هـ الوقت بعد الساعة 12 و الجو بدا يبرد شوي لكنه أول ما شافها أبتسم و بخاطرة ( وين أنا عايش )
مشعل أريجوه وش عندك ؟
أريج التفتت بسم الله خرعتني
مشعل من متى هذي عندك ؟
أريج شهر
مشعل وش محببك في الأرانب ؟
أريج تسليني
مشعل هههه نونو
أريج عادي قول الي تبي
مشعل زعوله
أريج لا
مشعل أصلا أنا محد يزعل مني
أريج كتفت يديها و أبتسمت شو معنى ؟
مشعل أخذ يدها و جلس يعد على أصابعها طيب حبوب و سيم و أهم شئ في ناس يحبوني
أريج منو يحبونك ؟
مشعل أنا أعرفهم دائم أقراء بعيونهم بس لسانهم يتغلى
أريج فضلت تسكت ( يا خوفي يقصدني أنا معقوله مكشوفه عنده لهدرجة ).....
الجزء السابع و الثلاثون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك