رواية اعشقه وصعب أنساه لاني نسيت أنساه -22
البارت الثاني و العشرون..
في وسط اجتماع ممل و طويل خصوصا لما يكون مع اشخاص عمرهم ضعف عمرك كان نواف جالس بتملل معتاد، الوضع ما كان عاجبه ولا متقبله و كانه حول مجموعه من الحشـرات..
المدير التفيذي: و هذا المخطط راح يطور الايردادت الى الضعف خصوصا ان المنافسين ماهم كبار مثلنا و معارضهم ما راح تحصل اقبال مثل معارضنا..
نائب المدير العام: تعبجني افكارك... ايش رايك يا نواف...
نواف حرك عيونه بتملل لاوراق تخطيطهم للمشروع و القى نظره سريعه وبعدها رجعها: مرفوض..
المدير التنفيذي: ليش مرفوض... اغلب الاعضاء معجبين بالفكره و حتى و ان كنت رئيس مجلس الاداره .. انت...
نواف قاطعه بوقاحه معتاده: لان الفكره غبيه و اغلب الشركات متوقعتها...... اذا اردت ان تتميز فاسبق من حولك باربع او خمس خطوات لا بخطوه او خطوتين .. وهذا اللي راح نسويه ... راح نسحب عرضنا من المشروع و ننتظر الشركات الثاني تنزل بضاعتها و بهذا راح ينزل سعر البضاعه المستورده راح يظن الكل بانه سبقونا لكن بانزالهم للبضائعه و تقليل سعرها فيما بينهم حتى يحصلوا على اكثر بيع راح يعطينا الفرصه نشتري البضاعه اللي المفروض يستوردونها طول السنه بضعف سعرها و نبيعها عليهم و على السوق بشكل عام باربع اضعاف سعرها و طبعا بما ان معرض معروف راح نلقى اقبال اكثر منهم و نضرب بضاعتهم و نكسب اربع اضعاف السعر اللي تحاولون تبيعون فيه... وهي وفي النهايه مكسب كبير و ضربه على الراس لكل من يحاول يدخل مجالي الخاص...
نواف ابتسم بنصر وهو يتامل وجوه اعضاء المجلس المصدومين و الخايفين..نواف رفع حاجبه و قطع اوراق المشروع الاول : افهم من هذي التعابير ان مشروعي هو الصحيح..
بعد الاتفاق طلع كل عضو من الاعضاء لمكتبه الخاص اخرهم كان نائب المدير و احد اعضاء المجلس الغير عاملين ..
بو مشاري : صعـب ... لا مستحيل اتوقع بايش يفكر نواف حتى بعد كل هي السنين
بو نواف و هو يتعكز و يمشي بصعوبه: ههههه... معذور يا اخوي... انا مع اني ابوه و اقرب انسان له مستحيل افهمه..
بو مشاري وهو يبتسم له: هههه اكره اكون في طريقه.. او خصمه.... لانه مافي احد حاول يدخل في مجاله الا طلع منه على طول... و هو محتكر اشياء كثير بشكل خاص و عالمي...
بونواف: بس لا تنسى انه بافكاره هذي نقلنا من مجرد اثرياء الى احد اغنى اغنياء العالم..
بو مشاري وهو يغمز له: ما انكر هذا الشيء.. بس انت تعرف ان لك شي نقطه ضعف.. و نواف نقطه ضعفه انكشفت لنا
بو نواف بتنهد: نقطه ضعف قويه و خايف تدمره...
-
بعد ما طلع الكل نواف رجع ظهره على كرسيه و حط يده على راسه مهما حاول و مهما عاشرهم مستحيل يفهمونه و هو ما عاد فيه يستحمل يمثل الحب للاشخاص اللي يكرهم و الكره لحبه و دافعه الوحيد في الحياه ... ابتسم و سحب محفظته فتحها و بعد صوره عايلته كانت صورتها وراهم بالضبط... ظل يتاملها لفتره قصيره انقطعت باتصال على موبايله الخاص، رجع الصوره لمكانها باسى حرام حتى عليه انه يرتاح.. رد على الرقم الغريب: الو؟
صوت نسائي: مرحبا...
نواف بابتسامه: هلا وغلا...
......: في مجال نتكلم...
نواف: اعرف من بالاول؟؟
..............: معجبه ...
نواف: ههههههههه كذبه قويه .. بس معذوره منك يا حلوه....
................: ليش كذبه؟
نواف: لان هذا الرقم ما يعرفه الا مدير اعمالي الخاص و حبيباتي .. واللي اعرف صوتهم عدل و السيده جوري و اللي ما شفتها من كم امممممممممم... ثلاث اشهر؟؟
جوري ضحكت: ههههههههههههه يعني انا مدير اعمالك..
نواف: لا ارجوك انتي وين وهو وين ...
جوري: من غير افكار سيئه و تصورات اسوء يا عزيزي نواف..
نواف: مستحيل .. انا رجل اعمال مهم و اعرف مع من اتعامل زين و رغم كل الافكار اللي تمر في بالي عنك اتراجع بحكم الاحترام و التقدير لك اولا و العمل ثانيا..
جوري: و العمر؟؟
نواف: بنظري اجمل من اغلب النساء اللي بنصف عمرك...
جوري: او لاني اعرف انك............
نواف قاطعها: مافي داعي للجروح.... ايش هو مطلبك يا شريكتي المفضله...
جوري: الهدف القديم تدمير.. بوفـهد..... لكن هذي المره بشكل نهائي و قاضي.......
نواف: بكل سرور..
-
-
-
الوقت مر بسـرعه كبيـره على الكل خوله بدت تتاقلم مع شـغلها و مع زميلاتها و مديرتها اللي استمرت مراقبتها لخوله بشكل يومي حتى ان احيانا تشك انها تلاحقها حتى بعد ما تركب مع اخوها للبيت..
خوله بخوف و بعد ما ترددت مليون مره قدم لعند اخوها بدر اللي كان يشرب قهوته و يكمل شغله اللي ما كان ينتهي بانتهاء دوامه النهاري: بدر؟؟
بدر رفع عيونها لها و هو مبتسم : هلا خوله في شيء؟؟
خوله بلعت ريقها وقالت بتوتر: لا بـــس كانت ناقصني كم غرض من المول و ودي اخذ البنات معي اذا ما عندك مانع..
بدر رجع ظهره للورا و تاملها، خوله خافت و حست انه قرا افكارها، لكن حاولت كثر ما تقدر توقف بهدوء: اوكـي ... بس اخاف يزعجونك!!
خوله طلعت نفس راحه و ابتسمت : لا ابداآآ
بدر : اوكي انا راح اوصلك...
خوله : اوكي..
بعد ساعـه وصـل بدر خوله و بناته الصـغار للمول.. نزلت خوله معهم و مشـى بدر يكمـل له كم شـغله على ما ينتهون...
نزلت خوله و مشت بعدم ارتياح خصوصا انها ماهي معتاده تطلع بروحها و بعد هذي المره معها اطفال صغار، دخلت المطعم العائلي و سألت عن الحجر فتحت باب الكبينه و بسرعه تركوا منيره و خوله يدها و ركضوا للحرمه اللي كانت تنتظرهم..
وفاء وهي منفجر بكاء: وحشتوووووووووووووووووووووووووني... وحشتووووووووني كثيــر
منيره وخوله استمروا يبكون في حضن امها اللي صار لهم شهور ما شافوها.. واللي قدروا يشوفونها اخـيرا بعد محاولات و اقناعات اكثر من وفاء لخوله.. اللي بعد وقت من التخطيط قدرت تحصل لهم هذي الفرصه ..
خوله: ان شاء الله ارتاح قلبك يا وفاء..
وفاء وهي مستمره في البكي: اكيـــد.... اكيـد يا خوله... الطفل غاااااااااااااااااااااااالي... كثــير ولا يمكن تحسين بهذا الشعور الا بعد ما تصيرين ام...
خوله ابتسمت بحزن وهي تجلس و بالها في شيء ثاني وهي تشوف وفاء تبوس في بناتها و تضمهم لصدرها بحنان : يا ترى انتي فين يا مـامـا؟؟ تركتيني ورحتي فين ؟؟
بسرعه و بقوه كبيره انفتح باب الكبينه الشيء اللي فزت منه خوله و وفاء كانت خوله بتصرخ في وجه اللي فتحه لما القت عيونه بعيونها: بدر؟؟؟
بدر بعصبيه حرك عيونه منها لوفاء: ولما تبين تشوفين عيالك لهذي الدرجه ليه ما تجين بنفسك؟؟؟ ولا بيتنا ماهو من مستواك العالي!!
وفاء كانت بتتكلم بس بدر قاطعها و حرك عيونه لخوله: وانتي!!!!!! كنتي تظنين اني موب فاهم اللي كنتي مخططه له؟؟ وانك كل يوم تكلمينها من ورانا؟؟؟
خوله: بدر وفاء من حقها تشوف عيالها...
بدر وهو يعطيها نظره اشمئزاز: وانا ما راح احرمها منهم.. خلي عيالك عندك يا وفاء... و مصروفهم بيوصلهم كل شهر...
مسك بدر يد خوله وسحبها معه، وفاء فزت وراه: بدر لحظه ..... وقف شوووي
بدر ما رد عليها و ظل يسحب خوله معه لحد ما طلعوا من المول كله... وفاء حركت عيونها اللي كلها دموع ابدا ما كانت تتمنى تشوف بدر حبيبها بعد كل هذا الفراق بهذي النظرات وهذا الشكل الذابل التعبان ...
اخذت بناتها وبدت تضمهم لصدرها اكثر: ماما؟؟؟؟ ليش بابا راح و ما اخذنا البيت؟؟؟
وفاء: بنرجع ..... ان شاء الله بنرجع للبيت و لابوك................. ان شاء الله يااا رب
-
-
فارس فتح باب بيته بهدوء جلس على الكنبه اللي في اول المجلس الشغاله حست فيه و مشت لعنده : بابا في شيء؟؟؟
فارس هز راسه بالنفي: لا مافي شيء... ماما العنود فين؟؟
الشغاله: ماما العنود راح سوبرماركت مع سواق ... مطبخ كل مافي شيء...
فارس طلع نفس طويل و ضرف الشغاله ظل ينتظر زوجته مده و بعد نص ساعه رجعت و معها ولدها يوسف : جســي ... جسيــ...فارس؟؟
فارس وقف من مكانه و اشر للشغاله تاخذ الاغراض اللي جابتها العنود و للعنود تتبعه لدخل غرفتهم......: كيف رحتي للسوبرماركت وانا ما عطيتك فلوس؟
العنود بتوتر: لا نسيت انت.....
فارس بصوت مرتفع: العنووووووود!!!!!!! انا ماعدت مثل اول اعطيك وانســى ... الراتب الجديد ماهو بضخامه راتبي شركه ابوك وانا عارف انه ما هو كافي لحياه الرفاهيه اللي عايشينها و كل ريال صرت احسبه و اعرف فين صرفته...... والحين جاوبي كيف رحتي و من وينن حصلتي فلوس؟؟؟
العنود: فارس حبيبي ارجوك سامحني ... انا اضطريت اسحب من رصيدي في البنـك!!!!
فارس ضغط على يده بقوه كان خايف يتهور و يصدر عنه تصرف ما يرضيه ولا يتناسب مع اسلوبه و تربيه: اعتقد يا العنود اني عطيتك الخيـار... اما تعيشين معي بهذا الوضع البسيط او ترجعين لاهلك و تظلين على عزك ومالك!!! و انتي..
العنود قاطعته بحزن والم: ومازلت .. مصره على اني اظل معك انت... مع زوجي و حبيبي و ابو ولدي .... فارس انا احبك... ولا يمكن افرط فيك مهما كانت الظروف .... بس.......
فارس : اتمنى تكون هذي اخر مره...... العنود انا لا يمكن اسمح لريال حرام واحد يدخل بيتي ... وفلوس ابوك دخلها الحرام للاسف...
العنود كانت مقهوره من كلمته لكن ما بيدها حيــل كلامه كان صحيح ابوها حط يده بيد اكثـر من تاجر معروفين بسمعتهم السيئه و مخالفاتهم الكثـير و الاكثـر من هذا تسبب على بوبدر الطيب و اخذ فلوسها و شرد عائلته...: اللي تشوفه يا غالي...
فارس ابتسم لها و سحب يوسف حتى يجلسه في حضنه: ممكن الحين قلبي تجهزين لنا الغدا ترى بموت من الجـوع
العنود ابتسمت له و اشرت على عيونها: من عيوني...
فارس ابتسم و بدا يلعب مع ولده فتره لما قطع متعتهم اتصال من رقم غريب...
فارس: الو؟؟ ............. من معي؟؟؟.........؟؟ ايش.......؟؟؟ كيف حصلت هذا الرقم؟؟؟
..................: يظهر انك لحد الحين ما تعرفني يا سيد فارس...... ما في اي شيء صعب علي؟؟
فارس عطاه ضحكه ساخره: لا اكيـد اعرفك عدل،،،، كيف ما تبيني اعرفك وانت اشـهر من نار على علم
...............: هههههههههههه كلماتك جميله و ممتازه لكن هل ذكائ بمثل مستوى كلامك؟؟
فارس: انت متصل بخصوص عمي بو فـهد ؟؟
......ك ذكي بس اللي ما تعرفه ان الليانا متصل بخصوصه فيه فايده كبـيره لك مثل ما هي لي...
فارس: بس انا ما ارضى بالحرام و لا........
................: من و اللي قالك انه حرام؟ انت راح تستفيد و انا راح استفيد و نرجع لكل صاحب حق حقـه و بكذا تكفر عن الذنب اللي اخذته من مشاركه عمك في تدمير عائله بو بدر..
فارس: ماني موافق...
..........: لا تستعجل.... فكر و عطني ردك بعدين .. راح اكون في انتظارك ...
فارس من غير نفس: مع السلامه
تنهد فارس بعد ما سكر الخط و رجع ظهره للكنبه الجالس عليها ، اي شخص عادي لا يمكن يرفض طلب مثل هذا و بهذا الحجم ... لكن فارس كان مختلف، انسان يخاف ربه كثـير ومخلص لعائله عمه رغم كل اللي سووه ... كان لازم يتردد و يفكر اكثـر من مره قبل لا يوافق ..
-
-
-
خالد كان توه راجع من شغله استغرب هدوء البيت و ان خوله و لا بنات بدر موجودين و في نفس الوقت ارتاح لان عمته و بنتها ماهم موجودين ، طلب من المطعم و جلس يتفرج على التلفزيون و بعد دقايق ..
بدر بقوه فتح الباب و دفع خوله لداخله: ادخلي...
خالد بتعجب : بدر ايش اللي صاير؟؟
بدر سكت و دخل غرفته و بعد ترك خوله المسكينه على الارض تبكي و تبكب خالد ركض لعندها: خولخ خوله ايش اللي صار؟؟؟
لكن خوله ما رددت عليه و ظلت تبكي ، خالد مشى بسرعه لورى اخوه، دخل وشافه جالس على سريره و يده حول راسه: بدر ايش اللي صار تكلم؟؟؟
بدر: خولخ يا خالد!!
خالد بخوف: ايش فيها؟؟؟؟
بدر: خوله كانت تستغلفني و تسمح لوفاء تشوف البنات!!!!
خالد: بس يا بدر هي ما غلطت و انت عارف ان وفاء ماها ذنب باللي صار و من حقها تشوف بناتها مثل اي ام ..
بدر: وانا يا خالد ؟؟؟؟
خالد: انت ايش،،،،، انت مقاتل استسلم و انسحب في اول معركه!!!
بدر: ايش كنت تبيني اسوي!
خالد: تقاتل ؟؟؟ و تتحمل اي صعوبه في سبيل عائلتك و البنت اللي تحبها .... اخذ يوسف كمثال ....
بدر باشمئزاز: يوووسف؟؟؟
خالد : اكيد... انت و يوسف في نفس الحال كلكم تفرقتوا عن الانسانه اللي تحبها لكن طبعا انت موقفك احسن بكثير.. وفاء تحبك و مستعده تتخلى عن عائلتها اللي رافضك بسبب وضعك المادي الصعب على عكس يوسف اللي يقاوم و يتحمل اهاناتنا و منع زوجته اللي يحبها في الوقت اللي هي غاضبه منه بسبب اللي اخذه منا ابوه رغم انه ماله ذنب... و يظهر ان اللي صار لك هو انتقام ربي منا لانا فرقناهم عن بعض...
بدر: انا لايمكن ارجع خوله له لا يمكن....
خالد: براحتك بس تذكر ... وفاء مالها ذنب يا بدر... حاول ترجعها من جديد و ان واثق انها لا يمكن تظل بعيده و بترجع لك.. ..
بدر حرك وجهه لبعيد بتصرف طفولي خالد عطاه ظهره و مشى لبره الغرفه و انصدم: خووووووووووووله
بدر انصعق من صراخ اخوه طلع وراه و لقى خالد و بين يده خوله اللي كانت فاقده الوعي: ايش اللي صار لها؟؟؟؟ تكلم
خالد: ما اعرف كانت كذا لما شفتها ..
بدر: لازم ناخذها الطبيب و بسرعه
خالد اوكي
حمل خالد خوله بين يديه و بسرعه على الطبيب....
-
-
-
في مزرعه بو فـهد...
الهنـوف بصراخ: مستحيل لا يمكن اسوي ذا الشيء... انهبلتي..
الجود و هي تحاول تسكتها : اششششششششش فضحتيناآآآ
الهنوف: بس اللي قاعده تقولينه غباااااااااااااااااااااااء
الجود: قلت لك ابيه يعني ابيه يعني ابيه واما متعوده ان الشيء لما ابيه لازم اخذه
الهنوف: بس نسيتي انه متزوج؟؟؟
الجود: لا ماهو متزوج خاطب و لما يطلقها انها متسعده اخذه و يكون مطلق و انا مطلقه
الهنوف: وافرضي ما نجحت فكرتك وشافك يوسف ولا ناصر او عبدالرحمن...
الجود: يوسف ما يقدر يفتح فمه بكلمه و ناصر و عبدالرحمن ما راح يرجعون الا على العشاء يعني عندنا اكثر من اربع ساعات ... بليييييييييييييز اليوم اجازه و اكيد بيكون موجود!!!
الهنوف: الله يعني...اوكي راح اساعدك بس ان درت الجوهره...
الجود: لا تخافين انا ما راح اقولها...
بعد ساعتين الجود جالسه بتعب وهي تحرك يدها قدام وجهها تبرد على نفسها الحر .... هي و الهنوف كان موقفين سيارتهم بشكل جانبي في الطريق المؤدي لمزرعتهم و طلبه من السواق يفتحها يتفحصها وكانه ماهو فاهم شيء، الهنوف بتافف: الله ياخذك!!!! صارلنا اكثر من نص ساعه في هذا الحر و هذا المكان ولا احد مر و لا عبرنا ..... انا متاكده درجه الحراره بره 40 !
الجود: حتى و ان صارت 100 في سبيل اتزوجه راح اسوي المستحيل اتحمل...
السواق قرب من الباب و كلمهم : ماما الجود في سياره اجي!!
الجود بفرح فزت من مكانها و بسرعه هي و اختها وقفت شوي بعيد عن السياره و كانها تكلمه و اختها الهنوف جنبها..
الجود: الهنوف مايباخ!!!! اكيد هووو
الهنوف: يسوق مايباخ ثلاثيه الابواب... بصراح توقعته بفراري ولا بورش احسـها مناسبه اكثر للشباب
الجود: حبيبتي اختياره لسياره بهذا الرقي يدل على ذوقه العالي و انه ماله بتصرفات البزران هذي!!!
الهنوف: اقول سوي اللي مخططه له و خلصينا بموت من الحر...
الجود: طيب...
كشفت الجود وجهها و رجعت طرحتها بطريقه كلها دلع فتحت مقدمه عباتها و سمحت للبدي الفاتح يبان و بصوت عالي ما يخلو من الدلع لما لمحت السياره تخفف حتى توقف: اوووووووووووووف الله يعيناااااااا على هذا الحر..
وقفت السياره و نزل السواق الطويل العريض الاجنبي و سالهم : في مشكله يا مدام؟؟؟
الهنوف ضحكت من ورا لثمتها : خخخخ ماهو طلبك!!!
الجود: السيـاره عطلانه من مده و السواق ماهو عارف يشغلها...
السواق : اه...
الشباك انفتح وتكلم صوت قوي و كله رجوله : ماذا هنالك جونز..
السواق: سيدي يبدوا ان سيارتهم معطله....
صاحب السياره نزل نظاراته السوداء و سمح للجود تتامل ملامحهه اللي اجبرتها تفتح فمها على الاخر و تقول بصوت منخفض : oh my god
الهنوف شاركتها بنفس التفكير وهي تقول : ماهو هذا طلبك...
الجود: لا ... هذا غيــ,,ر هذااااااااا احلى بكثــير
نزل صاحب السياره و عطاها فرصه تتامل شكله الرهيب الجسم الطويل العريض الرياضي .. طبعا كان لابس سبورت و كاب مغطي فيه شعره الاسود رجع النظارات السواد فوق عيون الزرقاء ذات الرموش الثقيله: تفضلوا اوصلكم .. على ما يخصل السواق تصليح السياره ..
الجود ابتسمت بقوه وهي تسحب اختها: خطتي نجحت..
الهنوف: بس ماهو طلبك!!
الجود: بس ماعندي مانع هذا شيء خيالي...
الهنوف بتافف: استغفر الله....
الجود اختفت ابتسامتها لما طاحت عيونها على الحرمه المتغطيه بشكل كامل داخل السياره و جالسه بعيد : السلام عليكم..
الحرمه: وعليكم السلام...
دخلت الجود و اختها و جلسوا في الكرسين المقابلين للحرمه و الرجال..
الرجال بنظرات خطيره: حصلنا الشرف يا انسـات.... ما قلتوا لنا مكانكم حتى نوصلكم
الجود ما رفعت عيونها عن عيونه الزرقاء الخطيره: لنا الشرف اكثـر .. انا الجود وهذي اختي الهنوف بنات بوفـهد الـ....
بصوت خطير: جيرانا!!!
الجود بدلع: من جد...
بابتسامه خطيره: اكيـــد انا نـواف الـ............. صاحب المزرعه الملاصقه لكم...
الهنوف: ما شاء الله... انت ولد ام نواف... بصراحه ما تصورناك بهذا العمر..
نواف بضحك: يعني انا كبير...
الحرمه جنبه ضحكت: هههههه
نواف: ممكن اعرف سبب هذي الضحكه؟؟
الحرمه تجاهلته و حركت راسها لبعيد نواف ابتسم و رد سال: كم تتوقعين عمري ،،، جارتنا؟؟
الجود: يعني 22 و لا 24 بالكثير....
الحرمه رجعت تضحك وهالمره سالت الجود : قلت شيء يضحك...
الحرمه رفعت غطاها و سمحت لهم يعرفونها : اذا نواف عمرهه 33 جسـار كم يصير عمره يااا الجود..
الجود: ايمـان؟؟؟؟
ايمان رفعت حاجبها بضحك: نواف العزيز عمره 33 سنه ..
الهنوف: غريبه خالتك و اصغر منك بيكثير سيد نواف..
ايمـان ضحكت من جديد: وهذا سبب عدم تفاهمنا ... عموما ... نواف راح يوصلني المزرعه و بيرجع لشركته... وما راح يكون في المزرعه غير البنات... ليش ما تزورنا؟؟؟
الجود: اه ... والله...
ايمـان: بصراحه في بالي اكحل عيوني باشخاص حلوووووووووووين
نواف: من قصدك؟؟؟
ايمان: يوسف اخوهم الوسيم و الانيق مفتووووووول العضلات
نواف ابتسم و حرك عيونه بعيد عنهم : بس انتي متزوجه وما هو من حقكك التفكير بهذا الشيء... بعكسي...
و هو يغمز للجود.. اللي انفجرت خجل و عدم ارتياح وهي تقول بنفسها: اووووووووبس هذااااااآآآ ما عنده ستوووب ماهو هامه اختي ولا خالته ولا يعني لانها اصغر منه ما حط لها اعتبار .... بس حتى تعليقها السخيف ما اهتم له...... معقوله من النوع المتحرر لدرجه الجنون...
نواف سحب موبايله و بكل جرأه : ممكن رقم موباآآآآآآآآآآآآآآيل الوالد؟؟؟
الهنوف توسعت عيونها و تاملت اختها اللي كانت ابتسامتها واضحه على وجهها المكشوووف بكل وقاحه و جرأه : اكيـــــــد رقمه ***********
نواف و ابتسامته الساحره ما غادرت وجهه: رقمك... اقصد رقم الوالد خطيــر...
الجود: تعرف الاشخاص المهمين لازم يكون كل شيء فيهم خطير!!!!!
نواف ارسل رساله بجرأه و بعد ثواني رن موبايل الجود اللي انحرجت و قالت من غير تفكير: ذبحتنا هذي الاعلانات!!!!
صحيح ان الجود قالت هذا الا ان ايمـان و الهنوف فهموا كل اللي صار، الهنوف و رغم كل شيء ظلت متحمله و تتمنى الوقت يمر بسرعه و يوصلون المزرعه بسرعه حتى ما تتعرض للمزيد من المواقف اللي تحطها فيها اختها بتهورها...
-
بعد ربع ساعه وصلوا المزرعه و نزلت الجود و اختها و هي تلوح لهم مع السلامه و من اول ما دخلوا انفجرت الهنوف في وجه اختها : ممكن انتي ايش؟؟؟؟؟؟؟؟؟؟؟؟؟؟
الجود و هي تكتب شيء فيها : انا ما سويت غلط!!!
الهنوف: كل اللي سويتيه مافيه شيء!!!!!!!!!!!! انهبلتي الرجال واضح عليه الجرأه و انه ما هو سهل و مغازلجي درجه اولى ،،،، اصلاااااااآآآ ما كان معطي اهتمام لي ولا لخالته و طلب رقمك!!!! بكل وقاااااااااااحه.... و
الجود: ما هي مشكله...
الهنوف: انتي انهبلتي هذاااآآآآ شكله ناووووووي على شيء كبير .... كبير كثيــر
الجود: انا ما عندي مانع..... ملياردير معرووووووووووووووووووووووف عالمياآآآ و وصامته خارقه... احلى من جسـااار اللي كنت ابيه بكثــير... و
الهنوف: اكبـر منك بكثـــــــــــــــــــــــــــــــــــــــــــــــ ــــــييييييييييييييييير
الجود: هذا يدل على انه له تجارب كثـير غير ناجحه...
الهنوف: دامك عارفه هذا الشيء ليش...
الجود: لاني راح اكون التجربه الناجحه،، بجمالي و ذكائي و خبرتي الكبيره اللي مكنتني اسيطر على خـآآآلد رغم تدخلات امـه الكريهه..
الهنوف: بس يالجود... هذا غير عن خالد ... عيونه و نظرات كلها ثقه وواضح عليه الذكاء و الدهاء.... صعب تتعاملين مع شخص مثله..
الجود: تطمني.... راح اكوووووووووون عال العال!!!!!!
-
-
دخلت سياره نواف المايباخ بوابه المزرعه الكبيـره و كان الوضع مثل ما كان عليه من نزلوا الجود و الهنوف في مزرعتهم، ايمان عيونها لبره و نواف عيونه على شاشه موبايله...: جرئيه اخت يوسف صح...
ايمـان تجاهلته: .............
نواف: ما عجبتني ابدا كلمتك لهم.. بس ما حبيت احرجك!
ايـمان: ايش كنت راح تسوي يعني ؟؟؟ بتضربني
نواف بابتسامه كلها خبث: لا يا حلوهـ..... شيء ثااااااااااااااااااااني كثـــير بس راح يتاجل خصوصا ان عندي تسليه جديده...
ايمـان: اشبع فيها...
نواف: انا حر و من حقي اسوي اللي ابيه بعكسك يا حلوه..
نواف حرك يده لخدها و هي صفعتها و نزلت بسرعه .. نواف ابتسم و هو يتاملها تبعد و رن الرقم الجديد اللي خزنه..
في الطبيب:
الدكتور دخل خوله للغرفه و سوا لها مجموعه تحاليل خالد و بدر ظلوا بره ينتظرونهم ..
بعد شوي سمح الدكتور لبدر و خالد يدخلون ، الدكتور: مبروك يامدام انتي حامل ..
خوله كانت قاعده على السرير و ماقدرت تتكلم او ماكانت عارفه ايش بتقول ..
خـالد ابتسم على عكس بدر اللي سكت و قال له : الله يبارك فيك يادكتور ...
الدكتور: بس انا لازم اكتبلها بعض الادويه والفيتامينات وضروري انها تداوم عليها و وترتاح مده خصوصا انها تعاني من انيميا حاده و ارهاق جسمي كبيـير
بعد ما استلمتوا الادويه من الطبيب ركبوا سياره بدر كان هو اللي يسوق و خالد جنبه و عيونه على خوله بابتسامه: مبروك خوله
من غير نفس ردت خوله: الله يبارك فيك..
خالد: ايش فيك؟ ليه منتي فرحانه..
خوله كان حامده ربها انها ما رفعت الغطا ولا عطته مجال يشوف دموعها: ايش تبيني اسوي اضحك باعلى صوت ولا ارقص حتى تعرف اني فرحانه ... اه اه اه ..
خالد و هو يمد يده لوجهها : خولـ.
بدر قاطعه: اتركها يا خالد!!!!!!!
خالد: بس ياااا بدر..
بدر: اسمعي يااا خوله .. كلمها كا راح اعيدها ولا راح اغيرها... انتي اختي و مهما صار و مر الوقت مستحيل اتخلى عنك.... لا انتي ولا عيالك حتى وان كان ابوهم ........... ما يبيهم ...
خوله ظلت تشهق و تشهق حتى رجعوا البيت .. الطبيب عطاها اجازه كم يوم حتى ترتاح و لهذا السبب حطت راسها على مخدتها و نامت ..
اليوم الثاني في دوام خوله...
غاليه بهدوء: ايش رايك فيها يا ابراهيم...
ابراهيم بهدوء و عيونه على موبايله: بصراحه اسلوبها مع زميلاتها و مع الناس ممتاز صوتها و مستواه هما ممتاز لكن شكلها الخارجي مهم كثير...
غاليه: وعلشان كذا انت هنا؟؟؟
ابراهيم: اتمنى تسهلين علي مقابلتها ..
غاليه: انت عارف ان هذا ممنوع و ...
ابراهيم: انتي تحطين القوانين يا مديره شؤون الموظفين ... و اتمنى تسمحين لي اشوف الانسانه اللي اخترتيها
غاليه: ان شاء الله،،،، بس بالاول اوعدني انه ان تمم الله على خير راح توقف تحجيرك لاختي...
ابراهيم: ان عجبتني!!
غاليه : ان شاء الله....
ابراهيم.. ممكن اشوفها...
غاليه اتصلت على الموظفات و طلبت خوله لكن ما حصلتها ..: للاسف ماهي موجوده اليوم...
ابراهيم : يظهر اني مالي نصيب فيها..
غاليه بخوف: لا لحظه!!!! عطني كم يوم و راح ادبر لكم موعد محترم...
ابراهيم : اوكيه... و راح اأجل موضوع نهــى..
-
-
-
-
في شـركه بوفـهد...:
اجتماع مهم كان ينعقد بين بو فهد و ولده و ازواج بناته عبدالرحمن مد عرض الشراكـه...: السيد انـدريه و اللي انتهت شراكته مع مجموعه شركات نـواف الـ... مقدم عرض شركاه بينا وبينهم بمبلغ كبيــر كثــير..
ناصر و كانه ما صدق: عمي لازم نوافق هذي فرصه ما تتعوض...
عبدالرحمن: ناصر اتمنى تفكر اكثـر قبل لا تتاخذ اي قرار انت ناسي انه شريكه السابق هو نواآآآف!!
يوسف : ليش يا عبدالرحمن في مشكله بالموضوع...
بوفهد قرر يوضح نيابه عن زوج بنته الكبيره: الموضوع هو ان نواف على رأ س التجار في الوطن العربي و من اغنى الاغنياء و شركتهم ممتده في كل مجال موجود و ان كان سبب انتهاء شراكتهم هو بسبب مشكله فممكن ندخل في مشاكل اكبر ان صرنا جزء من اعدائه...
يوسف : والحل؟؟
عبدالرحمن: راح اجري اتصالاتي الخاصه و اعرف سبب انفصال الشركه اللي لها سنوات و بعدها نقرر... لانه ان كان السبب عادي و من غير مشاكل راح تجر علينا هذي الشراكه ارباح هائله... و شركاء جدد...
بوفهد: انتهى الاجتماع لهذا اليوم عبدالرحمن اتمنى تبلغني باخر التطورات الحاصله معك...ناصر اتصل بحميع شركائنا و حدد معهم موعد خاص حتى نعرض الفكره.. يوسف لا تطلع ابيك بموضوع..
يوسف وهو يتامل ناصر و عبدالرحمن اللي طلعوا: خير يا يبه..
بوفـهد: ممكن اعرف متى ناوي تنهي همي و تتزوج بنت عمك؟؟
يوسف نزل راسه و رفعه من جديد حتى يتكلم بس ابوه قاطعه: اسمع يا يوسف بنت عمك ماهي كبيره تظل على ذكرى اخوك طول العمر.. هي انسانه في مقتبل العمر و قدامها فرص كثيره لا يمكن تتركها في سبيل انها تنتظر قرارك اما تتزوجها او لا ...
يوسف: بس..
بوفـهد: اسمعني للاخر.... تزوج بنت عمك و بعدها لك اللي تبيه ... تبي تتزوج وحده ثاني .. تبي تسافر تتزوج مساير براحتك... المهم تظل هي و حفيدي في البيت...
يوسف: حتى لو رجعت خوله؟؟؟
بوفهد: اعتقد كنت واضح معك في المره الاولى.. ان رجعت هذي الانسانه راح اموت و انا غضبان عليك فاهم..
يوسف اللي يخاف من ربه و من غضب ابوه عليه سكت و نزل راسه و بعد وقت تكلم من جديد: عطني وقت اكثـر على الاقل سنه... حتى
بوفهد بانفجار: سنــه بحااااااااالها!!!!
يوسف: على الاقل حتى ما احس بالذنب اتجاه اخوي....
بوفـهد على ذكر فهد سكت و عطاه المجال... يوسف طلع من المكتب و باله مشـغول كثـير...: خوله... قدامنا سنـه حتى و ان اهنتيني و كرهتيني راح اظل احب و اتمنى نرجع لايامنا الحـلوه من جديد...
-
-
-
رن رن رن رن رن
خوله مشت بتوعك رغم تعبها للباب اللي كان يرن جرسه و سالت : من؟؟؟
غاليه من وراء الباب: انا غاليه يا خوله ممكن ادخل...
خوله استغربت ان غاليه المديره جايه لعندها بنفسها فتحت الباب و سمحت لها تدخل: تفضلي...
غاليه: دام فضلك..
خوله بخجل من منظر بيتهم البسيط نادتها حتى تجلس في المجلس الصغير: اتمنى تعذرينا البيت..
غاليه: لا ما في داعي..
خوله: ثواني و اجهز القهوه..
غاليه سحبت يده و جلستها: مافي داعي انا مستعجله وانتي شكلك تعبانه...
خوله: ما يصير لازم نشربك شيء..
غاليه: قلت لك ما ابي شيء.. انا هنا لموضوع مهم و مستعجل...
خوله حست بشيء مهم و سكتت: تفضلي..
غاليه: خوله اسمعيني زين انا.. ما احب المقدمات وراح ادخل بالموضوع بكل بساطه... لي قريب حاب يتقدم لك ايش رايك؟؟
خوله انصدمت من كلمتها: يتقدم لي ؟؟؟ انا؟؟؟
غاليه: ايوه ياا خوله يتقدم لك.... بصراحه هو ارمل توفت زوجته من مده و طلب منا ندور له على حرمه محترمه اما مطلقه او ارمله بسيطه و على اخلاق عاليه و جمال يقضي معها حياته و انا من غير تفكير رشحتك له...
خوله: بس يا غاليه انا...
غاليه: انا ماني طالبه منك الرد الحين... انا ما هان علي ان وحده ثانيه تاخذه خصوصا اني حبيتك و ابي لك الخـير..
خوله: بس يا غاليه ... اناا..
غاليه : انا قلت له كل شيء عنك و هو مستعد ان...
خوله: غاليه انا حامل....
غاليه: ايش؟؟؟؟
خوله : حامل و توني عرفت امس...
غاليه : و زوجك... اقصد طليقك يعرف؟؟؟
خوله هزت راسها بالنفي: لا ولا عندي اي رغبه ابلغه لانه مافي اي قوه راح ترجعني له...
غاليه: بخصوص ابراهيم اتمنى ان...... انا راح اقوله انك حامل و انتظر ردك... بس في مجال تقابلينه اذا ما همه وضعك الجديد...
خوله ما حست بالكلمات وهي تطلع من شفايفها: اوكي..
غاليه: ان شاء الله ينكتب لنا الخيـر .. مع السلامه..
خوله سكرت الباب بعد ما طلعت غاليه و سندت ظهرها عليه وهي تتنهد بقوه و تقول في نفسها: يا ترى ايش اللي ناويه عليه الايام الجاايه..... يوسف... اتمنى ما اكون ارتكتب غلطه عمري بهذا القرار...
-
-
-
مر الوقت بسرعه على كل العائله اولا .... غاليه اللي تصرفت بذكاء و ما بلغت ابراهيم بموضوع حمل خوله و بعد ما داومت خوله رتبت المقابله البسيطه اللي كانت محصوره بكم سؤال بينهم طبعا خوله كشفت وجهها و ابراهيم انهبل بعد ما شفاها و بعدها اصر انه ما ياخذ غيرها و فتح تحجير اخت غاليه... و لما بلغته غاليه انها حامل اخذ الموضوع ببساطه وقرر ينتظرها حتى تولد وبعدها كل شيء يصير مثل ما قرروا... خوله من جهه ثانيه قررت تستمر في الموضوع الى نهايته و تتزوج ابراهيم... خصوصا انها مستحيل ترجع ليوسف ووضعها راح يكون اصعب على اهلها اللي راح تزيد المسؤوليه عليهم بعد ما تولد و يكون عندها طفل من غير اب ، و الاب يكرهونه،، ما بلغت اخوانها باي شيء خوفا منهم .. ومنعت اي محاوله تقرب كان يقوم فيها ابراهيم.. ظلت العلاقه محصوره بينهم بسلام و كلام تنقله غاليه فيما بينهم
وفاء ظلت محتفظه ببناتها الصغار و توصلهم لعندهم كل اسبوع يشوفهم ابوهم و يظل معاهم كم ساعه و بعدها ترجع طبعا هذا الشيء صار بعد معاناه كثيره مع اهلها ، بدر كان متسانس كثير من هذا التطور و صارت العلاقه تتحسن تدريجيا مع وفاء الي صارت اللقاءت من مجرد نظرات الى ابتسامات و كلمات قليله الى كلمات اكثـر و احيانا تظل عندهم بعض الوقت، حتى عائلتها بدت تتقبل الفكره خصوصا ان حاله بدر بدت تتحسن و بدأ وضعه يستقر حتى انهم طلعوا من الشقه و سكنوا في بيت ملك احسن و اكبر..
الجود كانت غارقه في الغرام مع نواف اللي ظنت انه عريس الغفله اللي التقطته بكل فن، كان اسلوبها خطير و رهيب لدرجه ان رسايله بروحها كان تدوخها و كلامه كان غريب عجيب.. كان تطور علاقتهم تدريجي و ممتاز لدرجه ان الجود حسـت انها خلاص وقعته و ما عاد فيه يتخلى عنها..
يوسف ما كان مرتاح صحيح ان ضغط ابوه خف لكن ضغط اخواته او فاتن و ولدها اللي كان يطلعوا في وجهه طول الوقت، قلبه كان متعلق مع الانسانه اللي قهرته حاول يرجع لها خصوصا ان الوقت يمر و قريب بتطلع من العده بس ما حصلها و تغير العنوان اضافه الى الشغل الجديد الي بدأ فيه، و اللي صار ياخذ اغلب وقته ، الشراكه الجديده مع التاجر الاجنبي انـدريه جرت عليهم شراكات جديده و مشاريع اكثر.... و ارباح خياليه..
فوزيه و امـها على حالهم عايشين عاله على عيال بوبدر بس كان في تغير ملحوظ على فوزيه اللي صارت طول الوقت متوتره و حابسه نفسها اغلب الوقت و لما تطلع ترجع بنفسيه عصبيه و غاضبه و ما كان احد عارف السبب حتى امها ..
-
-
-
بعد اكثر شـهرين..
خوله قامت من سرير الفحص و جلست قدام الطبيبه عيونها كلها اسئله: بشري يا دكتوره..
الطبيبه بابتسامه: تطمني يا سيده خوله.. كل شيء تمام ..
خوله وهي تتلمس بطنها اللي كبر كثير عن اخر موعد: كم شهر لي...
الطبيبه: دخلتي الشـهر الخامس و ان شاء الله راح يتغير شكل نهائيا مع هذا الدخول..
خوله: الله كريم..
الطبيبه: اتمنى تلتزمين بلعلاج و الراحه اللي وصيتك فيها...
خوله: ملتزمه يا دكتوره و احس نفسي احسن بكثير من الاشهر الاولى..
الطبيبه: و اخبار الاب؟؟
خوله هزت راسها بالنفي: ما في اي تقدم..
الطبيبه اللي حست بمعاناه خوله لا ام تجي معها ولا زوج ... احيانا تجي للفحص لحالها و احيانا مع اخوها و كانت في كل مره تنصحها كام او اخت كبيره: بس من حقه يعرف..
خوله: مافي اي داعي.. الجواب معروف و مافي شيء راح يتغير...حياتي معه انتهت...
الطبيبه : ممكن اخذ رقمه و اكلمه...
خوله: ارجوك يا دكتوره اسمحلي لهنا و بس... يوسف انتهى من حياتي من زمان و انا مقبله على حياه جديده اتمنى يكون خارجها..
الطبيبه تنهدت و قررت تنهي الموضوع و تدخل بالموضوع الاهم: عزيزتي خوله في موضوع ودي اسالك عنه اذا ما عندك مانع..
خوله: ايش هو؟؟
الطبيبه: بصراحه انتي مانتي تبع هذا المنطقه و ما عندنا خلفيه واضحه عن تاريخ عايلتكم الطبي ..و
خوله: تقدرون تطلبونه من جده؟
الطبيبه: طلبناه بس بعض الاوراق ناقصه.. يعني اذا مافي مانع في كم شغله لازم اعرفها بخصوص ابوك و امك...
خوله: ان شاء الله بدور اللي عندي و ان شاء الله احصل كل اللي تبينه..
الطبيبه: اي فحوصات قديمه و اي تحاليل راح تكون كافيه..
خوله: ان شاء الله ...
-
-
-
في شركه بوفـهد:
كان بوفهد جالس مع شركائه الجدد و على يمينه كبيرهم اندريه الاجنبي و يساره يوسف و مجموعه شركاء من مختلف الجنسيات... وقف عبدالرحمن بابتسامه وقرر يعلن للموجودين: اجتمعنا اليوم يا ساده حتى نعلن و نحتفل في الوقت نفسه بالنجاح الكبيـر اللي حققناه خلال الشهرين الماضين...
ناصر قرر يكمل عن عبدالرحمن: جميع الارباح ارتفعت بنسبه 40 % بالمئه ، فائض الارباح وصل الى عشر اضعاف راس مال الشركه اللي ما تطورت الا بفضلكم..
يوسف: بالنيابه عن رئيس مجلس الاداره والدي اريد ان اهدي هذا النجاح و التمييز للكم يا ساده و اشكر التعاون الكبير الذي قدمتموه لنا خلال الفتره الطويله و الصعبه التي قضيناها معا فعلا كنت خير اسـره..
قعد يوسف و عيونه على عبدالرحمن كان الوضع ماهو مطمن النظرات اللي يعطونه اياهم الشركاء الجدد خصوصا انهم دخلوا بالعميق من اول ما تعاملوا معهم و اخذوا مكان كثـير من الشركاء اللي اعتادوا عليهم .. يوسف و عبدالرحمن ترددوا قبل لا يقبلون بس بوفهد و ناصـر تحمسوا للموضوع و قبلوا بسرعه البرق بعد ما حسبوا الارباح و اللي تحققت بسرعه كبيــره ...
انـدريه و قف و صفق كنوع من لفت الانتباه: اتمنى من الجميع ان الانتباه معي... ( بعد ما التفت له الكـل) صحيح ان هذا النجاح ممتاز و كبير الا اننا لا ننكر انه ما كان لينجح من دون مساعده الملكه و الملك...
يوسف استغرب الكلمه مثل شركائهم القدم و ازواج خواته: الملك و الملكه؟؟؟ ماهذا؟؟
بو عقاب احد الشركاء الجدد: احنا نسمينهم كذا يا ولدي... اكبر مالكين لاسهم الشركه الملكه اشترت 30 % و الملك هما 30% و و بينا كلنا 40% الباقيه...
يوسف وقف و بصوت عالي رد عليه:ايش هذآآآآآآآآآ
اندريه: مابه السيد يوسف ؟؟
بوعقاب: غضب من الحقيقه..
اندريه: لماذا ...؟؟ هل تظن ان شركتكم الصغيره يمكن ان تربح كل هذا من دون ان يكون لديها رئيس كبيـر و ضخم...
بوفهد: انا رئيس الشركه و غير هذا ما في احد!!!
بوعقاب: للاسف يا بوفهد من غير لا تعرف اسهم الشركه كانت تنباع في مقابل النجاح اللي كانت تكسبه الشركه خلال الشهرين الماضين و من اسبوع تقريبا انتهينا من تحويلها من شركتك الى شركه مشتركه بين الملك و الملكه... بمعنى ان الارباح هذي و النجاح لهم هم ...
بوفهد: نصااااااااااابين... هذا نصب عيني عينك... اطلعوا برااااااااااااااااااااه...
بوعقاب: ما راح نطلع يا بو فهد وانت ما تملك الحق لهذا القرار خصوصا ان كل اللي تملكه الحين هو 5% الخاصه فيك انت... و 5% اللي يمكلها السيد يوسف ... واللي ما تعطيك الحق بطرد باقي الاعضاء... احنا ناخذ اوامرنا بس من الملكه و الملك...
اندريه: بالمناسبه صديقي ... لقد وصلت الملكه و الملك و سيكونون هنا خلال دقائق...
اندريه اشـر للباب و عيون الكل تحركت له ينتظرون ظهورهم .. المالكين الجدد للشركه...
-
-
-
خوله دخلت البيت مع خالد و لقت عمتها و بدر جالسين في المجلس يشربون شاي على غير العاده سلمت: السلام عليكم
بدر بابتسامه: وعليكم السلام ... ايش قالت الدكتوره..
خالد: تطمن الدكتوره تقول كل شيء تمام..
بدر بضحك: اعتقد اني سالت خوله اختي.. ولا انت اسمك خوله!!
خالد بضحك: هههههههههههههه انا و خوله واحد..
خوله: بدر!!!
بدر: هلا حياتي..
خوله: تعرف اغراض بابا القديمه فين؟؟ الاوراق المهمه و اوراق الطبيب...
بدر: اويه موجودين في خزانه الكتب القديمه في غرفتي...
خوله: اوكي...
مشت خوله لعند الغرفه و بدت تفتش في الاغراض و الاوراق .. تدور اي شي.. تفتح ملفات و تسكرها لحد ما حصلت ملف قديم مسكر باحكام وعليه شعار مستشفى اجنبي... : ايش؟؟
فتحت خوله الملف و طاحت اوراق تحاليل و فحوصات غريبه مع انها تعرف انجليزي عدل .. الا انها ما فهمت شيء منه : تحاليل من هذي؟؟
من بين التحاليل لقت صوره... تاملتها و توسعت عيونها من الصدمه: ايش هذااااااااااااااااااااااااااااي...عمتي!!!!!!!!!!11
خوله بجنون ركضت من غير تفكير و نست انها حامل : عمتي!!!
بدر و خالد انتهوا عليها وهي تركض و وقفوا جنون: خوله ليش!!! تركضين نسيتي انك حامل..
خوله وهي تتنفس بصعوبه: عمتي... من هذي...!!!!
خوله رفعت الصوره اللي كانت لعائله قديمه زوج و زوجته معهم ثلاث اطفال طفل صغير جالس على الارض و طفل في حضن الزوج و طفل بحضن الزوجه اللي شكلها مألوف و خوله كانت تأشر عليها...
ام فوزيه بلعت ريقها و ترددت: هذـييي!!.. هذي يااا خوله............
بدر وخالد بنفس النبره العاليه: من !!!!
ام فوزيه باستسلام: امك!!!!!!!!!
خوله بعد ما انصدمت انهارت على الارض...: خووووووووووووووووووووووووووله
-
-
-
انفتح الباب و دخل نواف و هنـري للقاعه وكل واحد مبتسم و من وراهم الحرمه اللي مغطيه وجهها، بوعقاب : هلا وغلا
نواف بتفاخـر : هلا فيك اكثـر... تفضلي شريكتي العزيزه..
دخل الحرمه وبكل جرأه رفعت العباه و غطى وجهها وسببت صعقه كبيـره ليـوسف و بوفـهد.
بوفهد قام من مكانه بجنون : انتي!!!!!!!!!!!!!!!!!!!!!!!!!!!!!!!!!!!!!
الحرمه اللي كان شعرها قصير (بوي) بني و عيونها عسـليه رفعت عيونها و عطته ابتسامه نصر... يوسف حرك عيونه من ابوه المصدوم للحرمه و من غير تردد قال: الحمد لله على السلامه .. اميـ... اقصد سيده ام بدر...
نواف رفع حاجب و بضحكه ساخر: ام بدر... انت عن من تتكلم...
الحرمه حركت يدها قدامه بابتسامه: مافي داعي للحيره شريكي العزيز نواف... اسم ام بدر .. اسم استخدمته لسنوات.....لكنها شخصيه ماتت بموت بوبدر اللي عطاها هذا الاسم.... الشخصيه الجديده اللي قدامك هي شخصيه قررت تنام لسنين في سبات داخل شخصيه مصطنعه.... و اسمها الحقيق هو جــوري.... جووووووووووووووري جوزيف!!!
يوسف توسعت عيونه من الصدمه: جوري جوزيف؟؟؟؟؟؟؟؟ امــي؟؟؟-
-
-
وين رايح .. بهالسهوله هانت العشره عليـك
وين رايح .. انجرح صوتي وانا انادي عليـك
يعني مرتاح بغيابي ولا ماهمك عذابـي
كل شي والله يسألني عليــك
انا ما احبك انا اتنفس هــواك
كل مافيني يصوتلك ابيــك
ضاعت سنيني وتاليها معاك
رد روحي لا تضيعها بيديك
انت مثل العمر مره في حياتي ما تكرر مرتيــــــــــن
والله لو لي عمر ثاني والله لا اعيشك مرتيــن
ايه احبك حب اغلى من حياتي فوق كل العاشقيــن
شفت هذا البعد كله من اجيلك ما يساوي خطوتين
شفت هذا الكون كله من اجيلك ما يساوي خطوتين
كافي صدمه يا حبيبي لا ما اتحمل صدمتين
يا احبك او احبك اختار من هالكلمتين
والله دمرني الحنين شوف دمرني الحنين
-
-
-التوقعااات:
الجوري ( ام بدر ) ظهرت اخـيرا ؟ ايش رايح يصير من الحين؟
يوسف ايش رايح يسوي بعد ما قابل امه اخـيرااا؟؟
اكبـر سـر و انكشف و هو ان ام بدر هي الجوري بس شلون؟؟
خوله هل راح تتزوج ابراهيم؟
يوسف هل راح يتزوج فاتن؟وهل راح يعرف ان خوله حامل؟
بدر و علاقته مع فاتن هل راح تتحسن؟
بوفهد ايش راح يصير له بعد ما ظهرت الجوري قدامه؟
الجود هل راح تقدر على نواف و هو اللي بيقدر عليها؟؟وهل نست جسـار؟
فارس من الشخص اللي اتصل فيه و شنو كان يبي؟؟
1-
2-
3-
على ذوووقكم
ان شاء الله البااارت عجبكمم
وسووووري على التاخير
انتظركم
أذهلتني يوم صوبي مقبلة . . شفت موتي بين غتران و ظلال
لو بلف الكون كله بأكمله . . البسيـطه مثل و سهول و جبـال
ما رأت عيني جمال يخجله . . ما رأت عيني جمـال يخجله
من جماله يخرج الكون الجمال. . من جماله يخرج الكون الجمال
التدلل من دلاله دلِلَه. . . . فيه مدلول الجمال بلا دلال
جل من صور جماله و كمله. . كامل حسنه و لله الكمال
حظر داجن فوق مثنه ينشله . . ناثر القصه على قوس الهلال
و اللواحظ كالسيوف مسلله . . كني يلعب بالهدب موج الشلال
قلت له دمي لكم من حلله . . والتزم بالصمت ما رد السؤال
وش حياتي و الرماح مظلله . . وش حياتي و الرماح مظلله
لا حول عندي و لا حلها محال. . لا حول عندي و لا حلها محال
الضمير بنار كبره تشعله . . باندفاع الحب و ردود الخيال
من غلاه الروح طوع مدلله. . في الخوافي لا يحول و لا يحال
له طروق الشعر فكري مذهله. . له طروق الشعر فكري مذهله
منهله و أرويه من غزر زلال. . منهله و أرويه من غزر زلال
أنسج المعنى بحروف مرتله. . من طرايف شرد بوحي الخيال
و أشكي الام الجروح المدمله . . نالها و مو صعب المنال
أذهلتني يوم صوبي مقبلة . . أذهلتني يوم صوبي مقبلة
شفت موتي بين غتران و ظلال. . شفت موتي بين غتران و ظلال
البارت الثالث و العشرين:
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك