رواية عودتني كل يوم اسمع انا صوتك -24
الجزء السادس عشر
في زاخر .. كانن البنات مرتبشات .. و يكتبن قائمه بشو لازم يسون عشان الجامعة ..
سارة: سلامة .. شو بدشين ..
سلامة: مادري .. تعرفين انا كنت حاطه ادارة .. بس ما كنت اتوقع اني بيب نسبه اوكية تدخلني أي كلية ..الحين ممكن أغير أفكاري و أدش تقنية المعلومات
سارة: عنلالالاتج .. .. طلعتي بنت الاستاذ من شاطرتج...
سلامة: بسم الله عليه .. عين الحسود فيها عود
سارة: شوفي .. المهم .. ماينفع .. لازم انا و انتي نكون مع بعض ..
سلامة: لا و الله ....
سارة : و الله ..
سلامة: يوم انتي تبين تربية و انا ابي ادارة .. وين بنكون مع بعض !!..
سارة: بندش كليه نكون فيها مع بعض........ وطبعا مقتنعين فيها ....يأما نختار تربية أو أدارة ..
سلامة ماردت على سارة .....
سارة وهي مبوزة: والحل ..
سلامة: ادارة و اقتصاد ..
سارة: سلالالالالالالالالامة خافي ربج ادارة صعبه .. كلها رياضيات
سلامة: اوص جب .. ماشي صعبه ..
سارة : لا صدق ..أنا الرياضيات من دخلت المدرسة وأنا ما أحبه .. وأنتي عكسي تماما تموتين في شيء أسمه رياضيات
سلامة : ســـــــــــــــــــــــــارة حرام عليج .. بنتعاون عليها ..
سارة : ممممممم ..
سلامة : ايييه .. ان ما سجلتي عندي في أداره ما بخليج تأخذين مبارك ..
سارة : لا و الله ّ!!!.. استريحي انتي و خوج ..
سلامة : اونه .. و لا جن الحبيبه تمووووووت ع التراب الي يدووسه ..
سارة : آاااه يعني افدى ارض وطاها مــــــــــــــــــــبـــــــــــــــــــارك ..
سلامة : آااااااااه ..
سارة : بعدج تفكرين ف احمد ....
سلامة و هي تنزل راسها و ترفع خصله من شعرها ورى أذنها : ليش ثرني متى نسيته .. يالبقرة
سارة وفيها ضحكه ... وتسألها سؤال غبي : سلالالالالالالامي .. انتي صدق تحبينه ....
سلامة : الا اعشق احظوره .. اعشق اغيابه .. ما تتصورين هالانسان شو بالنسبه لي ..ياسارة.... أحبه .... أكثر ما تحبين أنتي مبارك
سارة:لا والله ....
............................
بالأحد.... البنات بدن فحوصاتهن للجامعة .. و سلامة مسويه فلم هندي عند فحص الدم ..
سلامة : انزين .. دخيلج خلي ايدج خفيفة ..
الممرضة : انشالله ..
سلامة و تسحب أيدها و بخوف : انزين مافي طريقه ثانيه ممكن تاخذوون بها دم بدون هالابر ...
سارة وهي متغيضه على تصرفات سلامة : بذبحج .. سلامة
سلامة : انا مب شراتج يالمقوي ..
سارة و هي توقف بين سلامة و الممرضه و تكلم الممرضه : شوفي انا بمسكها و انتي شوفي شغلج ..
سلامة : شو انتو تبون تعدموني .. !!
سارة و هي أطالع سلامة بنظره : سلالالالالالامي .. عيب فضحتينا ..كيف راح يأخذون منج دم يوم راح تسوين فحص لعرسج من أحمد
سلامة وبنظرة حزينة : هذا غير و هذاك غير وترى كله يهون علشان عيوووووون أحمد
سارة وهي تمسك ايدها: ماراح يعورج ...
سلامة : مابا ..
سارة و هي تلف بويه سلامة الطرف الثاني عشان ما تشوف الممرضه و هي تأخذ الدم منها : حبيبي سلامة ما بتحسين ..
استغلت الممرضه هالوضع و مسكت أيد سلامة ومسحتها بالمطهر و جان تضربها بالابره .. و سلامة من حست بالابره في ايدها يلست تصارخ ..
سلامة : اكرهج .. اكرهج .. و الله ما بخلي مبارك ياخذج ..
سارة : جب جب ..
سلامة وهي مبوزة : يالعوفه ..
من بعد الفحص .. طلعن البنات و رجعن زاخر وكل وحدة منهن سارت صوب بيتها ..
دخلت سلامة البيت و كان بو محمد و أم محمد و محمد وسيف واليازية ونيرة ومنيرة وسعيد يالسين فالصاله ..
سلامة و هي تعق غشوتها : السلام عليكم ..
الكل : و عليكم السلام ..
سلامة وحاطه أيدينها على خصرها : يالله يا امايه .. ماهان عليج تخاوينا و احنا نسوي الفحوصات ..
ام محمد : ما سارتبكن أم سارة ..
سلامة : خلتنا في الصحة المدرسية وراحت السوق .. والله ظلم كنت راح أمووووت في المستشفى اليوم ....
ام محمد: حزن .. و انتي شو تبيبي الحين .. .. مو خلصتي فحصج ....
سلامة وهي تطلع ايدها : امايه يعور شوفي خذو مني دم .. غرشتين((وهي تأشر بأيدها )))
بو محمد فز من سمع هالرمسه : شو خذو منج ..!!!!..
سلامة : دم ..( و هي تمد ايدها مكان الابره ) .. شوف أبوي .. ( و كان مكان الابره احمر واااايد )
بو محمد: بيروح بعد ساعتين أن شاء الله ....
سيف : عن البطره .. ما طاح نصج.. كلها إبرة خفيفة !
سلامة : اليهال ما يرمسون يوم الكبار يرمسون ..
سيف : عنلالالاتج منو الياهل ..
محمد بلهجة تحذير : سييييييييف ..
سيف : ما تشوفها تسب ..
محمد : لا سبت و لا شي .. و ختك اكبر منك قدر و حشم منها ..
قامت سلامة من مكانها بتروح فوق ....
اليازية:سلامي وين بتروحين
سلامة:بروح أنام أحس بعمري مدوخه ......أنتي حتى الحين ما نمتي ....
اليازية:لا قمت الساعة 6 الصبح .....من قومت الصبح حتى الحين ما نمت ....
سلامة:خيبة أحسن لج تروحين تنامين .....لان الكل راح ينام بعد الغداء ....
اليازية:لا بروح أيلس على النت ....
سلامة:والله أنج رايـــــــــــــــــــــــقة......باي ......
راحت سلامة بتنام .....أما اليازية تغدت ويلست على النت ....والريم نايمه ((تمووووووت على شيء أسمه نوم))...
..................................................
الساعة 7 المغرب......
قامت سلامة من رقاد راحت تسبحت وصلت وتكشخت ونزلت تحت وحصلت العنود واليازية والريم يالسات تشربن نسكافية..
سلامة وهي تنزل من الدري :السلام عليكم ....
الكل:وعليكم السلام .....
راحت سلامة وسلمت على العنود اللي ما شفتها من يومين :اشحالج العنود ....
العنود:بخير ....اشحالج أنتي
سلامة:بخير ...لو ما الفحص الله يغربلهم ....عسى
العنود وهي تضحك : هههههه ليش فحصتي اليوم حق الجامعة
سلامة:هيه ....
العنود:أكيد اليوم كان طماشه ....ياليتني أدريبج كان راحت عندج
سلامة:ياليتج رحتي عندنا .............رحنا أنا وسارة وأمها ......
العنود:رحتن السوق
سلامة:لا....... بس ....أم سارة راحت السوق بروحها ...
الريم:أصبلج سلامة نسكافية
سلامة:منو مسويه
الريم:العنود وسلامة .......
سلامة:خلاص صبيلي ........
الريم:من عيوني
سلامة:تسلم عيونج يا قلبي ...متى قمتي من النوم الريم
الريم:الساعة 6 المغرب ....
سلامة:سلام عليج .......نومج ملخبط فوق تحت .........
العنود:بترتبه بعد العرس ....
الريم وفيها ضحكه :لا والله
سلامة:وين هل البيت عنكن ...
اليازية:راحوا صوب العزبة بيتعشون هناك ......
سلامة:أشوف البيت هادى ....قومن نطلع صوب الخيمة !!!!!
فها للحظة دخل سالم الصالة ....وكان شكله تعبان
سالم:السلام عليكم ...
الكل:و عليكم السلام ...
راحن البنات(اليازية وسلامة والريم) وسلمن على سالم....
العنود:اشحالك سالم
سالم:بخير ...يسرج الحال ...اشحالج أنتي
العنود:بخير الحمد لله ....
سالم: استرحن..........
سلامة:علومك سالم من وين ياي ....
سالم:ياي من أبوظبي ....
سلامة:ليش رايح أبوظبي
سالم:عندي شغل ...
سلامة:اها ............ أصبلك شاي ولا نسكافية ....
سالم:صبيلي شاهي ...
سلامة وهي تصب شاي :من عيوني ....
سالم وهو يمسك الكوب:تسلم عيونج يالشيخة ....
وتموا يرمسون أما العنود فكانت ساكتة وطالع سالم في كل حركة يسويها ......
في الكلية ...
مبارك : تصدق .. و الله اشتقت للعين ..والله تقول هندي مسافر وما شفت البلاد من 20 سنة ....
أحمد : ههههههههههههه .. الله يرحم سفرات أول .. خيييييييييبه تحيد يوم يلست شهرين الا من ماليزيا لتايلاند لما ادري وين
مبارك : يييه هذيج أيام الشباب ..والطيش
أحمد : ليش بوحمد ثرك شيبه اللحين ..!!!.. بعدك شباب ..
مبارك : وين شباب الله يخليك جني داق نص العشرين ..
أحمد : تدري مبارك ....أحلا عمر لريال عمر أخر العشرين وأول الثلاثين ..
مبارك : ههههههههههههههههههههههههه و شو الي محلنه ....
أحمد : الشعر الأبيض .. هههههه ههههههههههههه ..
مبارك : ههههههههههههه ... بعدنا صغار على الشعر الابيض ....
أحمد:مو الحين تقول الله يرحم أيام الشباب
مبارك:قلت ...بس
أحمد يقطعه:خلاص لا تكذبني ....
مبارك:ما كذبتك ....بس قصدي بأيام الشباب ...أيام السفرات من بلاد لبلاد ... والضحك والسوالف .....مو الحين يالسين في الكلية من تدريب لتدريب وأخر الليل غسل حمامات ....وتنظيف ساحة التدريب ....
أحمد: ههههههههههههه الله يعودها هذيك الأيام ... .أيام السفر !!!!!
مبارك وهو يأشر بأيده :الله لا يعودها ...
أحمد مستغرب:ليش الشيخ مبارك ...
مبارك:نحنا الحين في سن زواج وأن شاء الله الواحد فينا يتزوج ويسافر بزوجته .....
أحمد:أن شاء الله ....
.................................................. ...............
الساعة 1ونص الفير .....
كانت العنود تقلب في الرسايل اللي في تلفونها راحت وأرسلت مسج لسالم .......
أرسلت له ....
شلون أكتب عن "غيابك"
وأنا في غيابك "غايب" !!
ماني قايل "عــــــــــذاب"
شيء أشد من "الـــعذاب"
شيء مثل "الاكتئــــــاب "
شيء مثل "الاغــــــتراب"
شيء مثل "الاضطــــراب"
بختصار تقدر تسمي غيابك
{{مـــــــــــوت في عز الشباب}}
سالم كان يتقلب في الفراش ومقدر ينام ... ....بس من سمع بالمسج أفتر صوب التلفون اللي في الجرج وفتح الرسالة ومن قرأها تم يتبسم .....
رد عليها .......
الشوق يسريي جداكم ....
يوم العرب بالنوم غافين ....
مدري متى عيني تراكم ....
وأشوفكم يا أغلى المحبين ....
الله يااااااامكبر غلااااااكم .....
يسوى من العالم ملايين .....
مشتاق وأتمنى لقاكم ......
يالله عسى هالموعد يحين....
ردت عليه ......
انته
وأنا
أنا وأنته
فهمت
فكر
بعدك شوي
أضغط لا تيأس
مستعجل تبي تعرف
اضغط بعد شوي
بعد شوي
أخر محاولة
بعد مرة
أنته وأنا
أقوووووووول
**"عسى الله لا يفرقنا "**
رد عليها ......
ودي أكون "قربك"
ودي أسمع"صوتك"
ودي أرتمي "بحضنك"
ودي أشبك أيدي "بيدك"
ودي أنسيك كل "همك"
ماودي أجرحك
ماودي أزعلك
ماودي أخدعك
ماودي أخونك
ماودي أعيش بدونك
بحياتي وروحي
أصونك....
بس
حبني مثل ما أحبك """
ردت عليه......
الشـــــــــــــــــوق(ذوبني)
وأنا ميت فـــــــــــــــــــيك
والعين من فرقـــــــــــــاك
حتت هدبــــــــــــــــــــــها
أشفق على وصــــــــــــــلك
والقلب يرجيــــــــــــــــــــك
وأنت الحبيب اللي ........
حياتي نـــــــــــــــــــــــهبها.....
ميت وعاشق كل مافيك وأبغيك !!!
وراحتي (أنت)وحدك سببها ......!!!
تموا ساعة يالسين ومن بينهم المسجات ....وبعد أستأذن سالم من شمسة علشان ينام لان ورآه باجر دوام ......
....................................
في السيارة ...
الريم : بتخبركن .. انا قاصرني قشار من الجمعيه .. شو رايكن اوديكن كارفور....
اليازية : لا دخيلج ... ما ابغض شي كثر جمعية كارفور ... وااااااايد زحمة
الريم : وين عيل تبيني اوديج ....
سلامة : شوفي بنروووح الجمعية اللي في العين مول .... و مناك بنرووح نتسوق في الموووول ..
العنود : سلامة عقلي .. وين المول و ما عندنا ريال ... لالالالالا ..
سلامة : يالله عليج ... ترى الريم عندنا ...عادي
الريم : بسم الله عليّه .. ليش سلامي شو تشوفيني جدامج .. ريال ..
سلامة : هههههههههههههههه .. و الله انتي ادرى بنفسج ... هههههههههههههه ...
و في النهاية راحن الجمعيه اللي في العين مول و اشترت الريم الي قاصر عليها .. و بعدين راحن من الدري الي بين الجمعيه و المول علشان ترحن الطابق الثاني ... و هن توهن عند السلم المتحرك ...
اليازية : العنود .. تحذري لا يطويج هالسير ...!!!!
العنود : يالله يعله يطويج قبلي ...
اليازية : هههههههه ههههههههههههه ...
و في هاللحظه كانو اربعة شباب راكبين السلم علشان يروحون الطابق الثاني ... كانت العنود واااايد تخاف من السلم المتحرك ... ركبت سلامة و ركبت الريم ... واليازية والعنود بعدها ...
اليازية : العنود ... يالله ...
العنود : انزييييييين لا تحشريني ...
انتبهوا الشباب على اليازية والعنود و هن يالسات يكلمن بعض و معليات صوتهن ... و لا واحد منهم قدر انه يرفع عينه عن العنود ... حشى يا عرضتها اسميها تعق الطير من السماء ..
قال واحد : الشييييييييييييييييييييييييمه مستشفى ...
و يلسوو الباقين يضحكون ... من شافتهم العنود .. ما حست بعمرها .. الا و هي تركب الدري ..
...: و الله ما اخليها ..
...: شو وين تبى ... يا بويه خلها عنك ...
...: لا و الله ما اخليها ....
و يروحون الشبيبه صوب الدري الي يودي صوب الطابق الثاني ... العنود من ربشتها و خوفها من الشباب ... ركبت الدري بسرعه .. فداست على عباتها بالنعال .. فأنفتحت العباه .. ما انتبهت العنود .. و وصلن الطابق الثاني .. كان كل الشباب من يشوفونهن لازم يعلقون عليهن .... كانن حاشمات عامارهن ... كانت العنود لابسه لبس بني وااااااااايد حلو .. و سلامة لابسه وردي .. الريم لابسه عباه مسكره و متنقبه .. واليازية لابسه عباه مسكرة وفيها شغل حلو ومتنقبة (تقول أنها يوم تلبس النقاب ترتاح أكثر من الغشوة)و تمو هالاربعه يلحقونهن من مكان لمكان .. راحن صوب نكست و عيبتهن لبوسه فأشترلهن من عنده لبوسه...
سلامة : اريد ارووح كان كان ... ربعي يقولن في تشكيله يديده نازله عندهم حلوه ..أمانة خليني أروح ...
علق واحد عليها : انتي بكبرج حلوه لو لابسه يونيه بتطلعين قمر .. ما تخربين في ذمتيه ...
ذبحوهن الشباب بتعليقاتهن ... كانت العنود واليازية سكتات .. ما تحبين انهن تردين على حد ... بس سلامة و الريم ما كانن يقصرن في السب.....(((بس اذا شافهن مبارك راح يذبحهن))) ....
تمن يدورن كان كان ... مب متذكرات هو في أي طابق و الا وين مكانه .. نزلن للطابق الاول و هالاربعه بعدهم وراهن ...
الريم : انتبهتي لهالسبلان .. من الجمعيه و هم يلحقونا ..
سلامة : منوه .. .. و جان تفتر وراها ..
....: يا ويل حالي على اللابس الوردي و الله ..
سلامة : يعل حالك السل انشالله ...
...: انزين ليييييييش تدعين ..
سلامة : عيب عليكم ..
رد واحد ثاني عليها : انزين انتي ليش معصبه .... هدي اعصابج ..
الريم: يا بويه حشمو من الحرمات .. شو هالحركات .....
رد عليها هو نفسه : و الله يوم هالحركات مب عايبتنج .. شعنه تحوطين في المووووووووول ....
العنود : و الله انك ما تستحي و لا تخيل ...
...: الغاليه .. لو استحي ما يبت عيال ...
سكتت العنود من قالها جذيه ..
اليازية : الا ما ظني بتظوي الرياييل .. يوم ان المريله بعيده عن لحيتك ...
سكتوا كلهم .. كانت اليازية ساكته و لا تكلمة و هذي اول مره ترد عواحد ...
رد واحد غير عن هالاثنين الي كانو يترادودن معاهن : السمووووووحه منج الشيخه .. و ااسفين ان ازعجناكن و الا غثيناكن .. شباب يله ..(وهو يأشر بأيده للشباب))...
مشن قوم الريم و سمعن واحد يقوله ..
...: بوغيث شو بلاك ......
مطر : .. ياخي عيب و الله ... و الله بهدلتو البنات ..
...: و انت شو عليك منهن ..
مطر : لو هن من هلك بتقول شو عليك منهن ....
و ما سمعن باقي الرمسه .. و في النهاية راحن و لقن كان كان .. و عقب ما خلصن طلعن من المول .. و نزلن عند الباركنات وين كان الدريول(محي الدين) موقف السياره ... بس مالقنه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك