رواية عودتني كل يوم اسمع انا صوتك -23
اليازية واللي قامت على الصراخ: هاه بشرنا ....كم يابت !!!!
ام محمد : توه سالم مخبرني .. قال سلامة يابت 96.8 و سارة يابت 93.9
فها للحظه استوعبن الوضع .. و تمن يتصايحن .. و أنجلب البيت فوق تحت .. و التليفونات ما وقفت .. و الكل يبارك و يهني
وبعدين تسبحت سلامة نزلت تحت وسلمت على أبوها اللي بارك لها وكل أهل البيت بركولها .....
و سلامة راحت و سوت تلفون لسارة علشان تكلمها وتبارك لها ....
سارة من شافت الرقم على طول ردت عليه :ألف ألف ألف ألف مبروك يا سلامة ..
سلامة وهي بتطير من الفرحة:الله يبارك فيج وأنت مليون ألف ألف ألف مبروك وتستحقين الخير يا سارة ...
سارة وهي تضحك :هههههه الله يبارك في حياتج .... مانج هينة يا سلامة كسرت التيم .....
سلامة: مو أقولج أنا راح يب بين 96 وبين 97 ....
سارة:الحمد لله يوم طلعن النسب ....والله أني فرحانة واااايد ....
سلامة:من خبرج بنسبتج .......
سارة:من غيره ....حبيب قلبي ..
سلامة وقلبها يدق بقوا:منو أحمد ...
سارة:هيه ...
سلامة:عني أفداء قلبيه وروحه ...
سارة:سلامة لحظة شوي ...
وراحت سارة وعطت أحمد التلفون اللي كان مسدوح في الصالة وكان شكله تعبان لانه ما نام الا الصبح ..........
أحمد وصوته مبحوح :ألوووووووووو ...
سلامة وقلبها يدق بقوا:هلا والله ...
أحمد :ألف مبروك ياسلامة على النسبة اللي ترفع الرأس ....
سلامة بصوت ناعم:الله يبارك في حياتك ....
أحمد وهو يعدل يلسته:عني أفداء هالصوت ....
سلامة:.......
أحمد:سلامة والله أني أتعذب كل يوم أكثر.... متى راح تكونين من نصيبي .....
سلامة:..........
أحمد:سلامة قولي لي شيء ......بردي قلبي اللي محترق من داخل وخارج ....
سلامة:أنا ...
أحمد:أنتي شنو يا عمري ...
سلامة:أنا ...
أحمد:دخيل ولديج يا سلامة أنج ترمسين ....
سلامة:أنا زعلانة منك ....
أحمد:افااااااا ليش ما عاش اللي تزعلين منه ....من شنو زعلانة
سلامة:منك ...
أحمد:السبب ....
سلامة:أمس الساعة 3 الفير تكلم منو وكنت تضحك من خاطرك ...
أحمد وهو يضرب راسه:يا ويل حالي أنا ...لا تكونين أنتي تغارين عليه يا سلامة ...
سلامة وهي تتنهد:ايوه ...
أحمد بصوت كله نعومة و رقة :....سلامة أحـــــــــــــــــــــــــــــــــــــــــــــــب ــــــــــــــــــــــــــج
سلامة:لا تحاول أنك تغير الموضوع.....
أحمد:قسم بالله أنه واحد من الربع اللي كنت أكلمه أمس .....
سلامة:أوكية ....بس ياويلك مني اذا تكلم من وراي ...
أحمد: من اليوم يعل لساني القطع اذا كلمت انسانة غيرج ....
سلامة:لا تدعي على عمرك ياحبيبي .....
أحمد وهو يأشر بأيدها (يحتاج هواء لانه ما يقدر يأخذ هواء من الصدمة ): هواء هواء يا سارة....... أحمد : شنو قلتي عيديها ...أمانة .....
سلامة:أممممممممممم
أحمد:أمانه قولي تراج تقطعين قلبي ...
سلامة:كل شيء بوقته حلو ...أحلى شيء اذا كانت تطلع الكلمة بعفوية ..........
أحمد:خلاص ما أقدر أستحمل أكثر من جذي ...الحين بيكم ...
سلامة:ليش ...
أحمد:علشان أختطفج ...
سلامة:لا والله ....
أحمد:والله لو بيدي يالحين أروح بيتكم واختطفج ونروح مع بعض سويسرا ....
سلامة بدلع:أحمد ...
أحمد:عيوني لج ...
سلامة:أنا بسكر عنك الحين ...
أحمد:افاااا ليش عاد ....
سلامة:بروح صوب قوم أمي ....
أحمد:سلامة
ياسعدهم يا فرحهم
اللي تعيش بقربهم
أنت الحلى أنت الغلا
ياسيدي أنت وسيدهم
أحسدهم أنا شوفتك
وأحسد عليهم طلتك
أو كلمتك أو همستك
من قدهم من قدهم
مفتون في رمش العيون
أخذت قلبي يا فتون
سلامة:مشكور يا قلبي .....وسكرت في ويه أحمد ....ما خلته يرد عليها .....سلامة كانت متخبلة على أحمد وماتصدق أنها كلمته ...وأحمد تم يضحك من الخاطر على حركة سلامة ....ويقول في خاطرة والله أنها راح تخليني بلا عقل من حلاتها ورزانتها ...............
هاليوم ما ينسى لا لسلامة و لا لسارة .. فهاليوم الله توج تعبهن و سهرهن طول الليالي بهالنتيجه الطيبة ..
وخلال هاليومين .. ارتبشو فيهن العرب واااايد .. بين التهاني و التبريكات .. و البنات راحن يتشرن هدايا لربيعاتهن ...
مبارك سمع بنسب سلامة وسارة .. و طار من الفرحة ع هالنسب .. وهنى سلامة أما سارة فما قدر يهنيها لانها مايت بيتهم وهو ما يقدر يتصل بهم .... .. وبعدين راح مبارك و تسبح و من عقب راح دبي يطمش ....وعشان يشتريلهن هداياهن ..
تواعد هو احمد .. في دبي و من عقب راحوا عشان يشترون الهدايا ..
احمد : يعني انت شو بتشتري ....
مبارك : مادري ..
احمد : خلنا نروح باريس جالري و نشتريلهن عطوره و فكنا ..
مبارك : لالالا .. مآبا .. أريد اشتر يلها شي يرزى ع هالنسب الطيبة .. وبعد وصتني أشتري هدية ثانية ...
أحمد :حق منو ....
مبارك:حق ربيعتها ...
أحمد:من هي ....
مبارك:ما قالت لي بأسهما ...
أحمد :تصدق مبارك ...
مبارك:شو
أحمد:حتى أختي قالت لي أيب هدية ثانية لربيعتها ........تقول هي غالية على لازم أهديها شيء يليق بمقامها .......
مبارك وهو يتكلم مو من الخاطر :والله الحريم عجيبات ....تحمدن ربهن أن أشترينا لهن هدايا بعد تبين لربعهن ......
وراحوا أحمد ومبارك ....صوب باريس جالري وأشترى مبارك ساعتين نفس الشيء وأربع عطور .....أما أحمد أشترى ساعتين تشكيلتها غير عن ساعات مبارك وكانن تتشبهن ...وعطور وخواتم 2 من داماس ........وبعد ما أشتروا راحوا صوب سيتي سنتر علشان يطمشون .......
الساعة 12ونص فالليل .....
كان مبارك توه ظاوي من دبي ........
وراح فوق صوب حجرة سلامة ودق عليها ....
مبارك وهو يدق:سلامة بطلي الباب .....
سلامة وهي توها طالعة من الحمام وكانت لابسة بيجامة:منو ....
مبارك:أنا مبارك ...
راحت سلامة وفتحت الباب .....وشافت قدامها مبارك وشال كيوس 2 ....
سلامة:حق منو هذي الهدايا ....
مبارك:حقج وحق سارة ......
سلامة وهي مستغربة:لسارة !!!
مبارك:هيه لسارة .....يوم راحن باريس جالري نفسي أشتري لها هدية وكل شوي دور كذبة علشان أقنع أحمد وقلت له أنج أنتي مطرشتني ....أشتري هدية لربيعتج .......
سلامة:عجيب أنت يا مبارك ....
مبارك:سمعي بعد سارة مطرشة أحمد بهدية لربيعتها وما أدري من هي .....بس حسيت أن أحمد يكذب ممكن شاريه لبنت ما يبني أعرف من هي ..........
سلامة:من سمعت كلام مبارك وقلبها يدق بقوا ......وخايفة لا يكون مبارك حس أنه فيه شيء بينها وبين أحمد ....
مبارك تم يطالع في سلامة اللي كانت مرتبكة :شو فيج...
سلامة:ما فيني شيء ....بس كنت أفكر ....
مبارك:بشنو....
سلامة:سارة راح تقبل الهدية أو لا ,,,
مبارك:قلبي يقول أنها راح تأخذها...
............. سكت ...........
مبارك :شوفي سلامة أنتي خبري سارة أن الهدية شاريها أنا ...بس اذا حد سألج قولي أنج أنت طرشتيني علشان أشترى هدية لربيعتج لان ذوقي حلو ...........
سلامة وهي تضحك:هههههه تمدح نفسك ...
مبارك:هيه ....سلامة فتحي الهدية وعطيني رايج فيها ....
فتحت سلامة هديتها وكانت ساعه رهييييييييييبه مع عطوور ......
سلامة:مشكور يا مبارك........ وراحت وحبته على خده .......الله لا يحرمني من طيبتك يا نور العين على قولت سارة .....
مبارك:اه..... لا تعذبيني أكثر يا سلامة والله على كثر ما شفت بنات وكلمتهن ...سارة غير عنهن كلهن....سارة سلبت قلبي وعقلي بس ما حد يدري بالموضوع غيرج أنت وسارة ......حتى أحمد ما خبرته .....
سلامة:الله يهنيك يا مبارك .....
مبارك:أمين ....
وقده بيطلع مبارك من حجرة سلامة :عندج قلم سلامة .....
سلامة:هيه شو تباه !!!!
مبارك:عطيني أياه وبتعرفين بسالفة .....
وراحت سلامة وعطت مبارك القلم ......وراح وفتحت الكيس اللي فيها هدية سارة وطلع كرت وكتب فيه .....................
آه من عين رمت ما ترحمى
وحد السيف فيه من قطعه فلـول
لو نياب الأسد تقطر بالدمى
عندي أسهل منك يالظبي الخجول
ألف مبروك يا سارة
سلامة:ياويل حالي من وين هذا الكلام الحلو ....
مبارك:قصيد الشيخ محمد بن راشد آل مكتوم ....
وقده بيطلع مبارك تخبر سلامة :سلامة .....
سلامة واللي كانت تلبس الساعة :هلا ....
مبارك:أشوف قسم محمد مشتغلات المكيفات يت عفراء من المستشفى ....
سلامة:هيه يت المغرب ....وباجر عندنا عزيمة على سلامتها ...
مبارك:لا تطرين باجر ..
سلامة وهي مستغربة:ليش
مبارك:لان باجر بنروح الكلية ....
سلامة:هانت يا مبارك ....بعدين بيكون عليك تدريب ...
مبارك :الله كريم...
وراح مبارك عند الشباب في المقهى ....أما سلامة يلست ساعة تتأمل في الساعة والعطور .........وتقول في خاطرها :الحين أحمد اشترى لي هدية أو لا ....لا أكيد راح يشتري لي هو بدون مناسبة ياب لي هدية عيل الحين مناسبة أكيد راح يبلي ...والله نفسي أشتري لأحمد هدية اذا رحت السوق راح أخذله ساعة من باريس جالري .........
بالميعة كانت عزيمة في بيت حمد ((بو محمد))على سلامه عفراء ........
عقب صلاة الظهر راحوا الريال صوب الميالس ....أما الحريم تغدين في الصالة ....وعفراء تغدت في حجرتها لانه ما فيها تنزل من فوق ....البنات كلهن وأم محمد وأم راشد وعفراء وسارة اللي يت بعد محايله سلامة لها ............
بعد الغداء في حجرة عفراء .....كانت سلامة وسارة والريم و العنود واليازية يالسات عند عفراء ....
سلامة:سارة أصبلج شو .....
سارة:أمممممم
سلامة:كل هذا وأنتي محتارة ....
سارة:هيه محتارة حاطين من كل أصناف العصاير والشاي والنسكافية والشاي الاحمر وغيره
سلامة وهي تقاطعها :أنزين شو أصبلج .....
سارة:ابا نسكافية ...
سلامة:من عيوني ...
سارة:الله يسلم عيونج ....
سلامة:حد تباني أصبلها شيء ...
عفراء:سلامي صبيلي عصير برتقال ....
سلامة:أن شاء الله ....
وتمين البنات تسولفن وتضحكن وبعد ربع ساعة ........
مبارك وهو راقي من الدري سمع أصوات بغرفه عفراء .. وحب يدخل يشوف حمد الصغير لانه ماشافه اليوم..وهو العصر بيروح الكلية .........
عفراء : اشوي اشوي عليه.. سلامة لالا لا تضغطين عليه بقوه.. اييه حطي ايدج تحته
العنود : ههههههههه... افا يا سلامي ماتعرفين تشلين ياهل
سلامة:هذا اللي قدرت عليه ما أعرف شل العيال الصغار ......لاني بكبري ياهل
سلامة وهي تلتفت لسارة:سارة أندوج شليه...... وعطته سارة ....
سارة: لا خوانى مااقرب منهم الا اذا صاروا يجلسون.. ولاعمري شلت ياهل بهالعمر ممكن اذا كان عمره 4 شهور أعرف بس توه طايح ما عرف .. خلاص عفراء خذيه مابي اشله .. خفيف مره اخاف يطيح....
عفراء : تعلمي ..
كان الباب مفتوح ...
أول ما دخل مبارك الحجرة وقف بمكانه ما تحرك.. كانت عفراء يالسة على السرير والعنود جالسه على طرفه .. اما الريم قاعدة قدام التلفزيون و تقلب في القنوات واليازية عدالها كل شوي تغمض عيونها لانها نايمه الصبح والحين تبا ترقد .. وسارة واقفة قدام عفراء وهي شايله ولدها ....علشان تعطيه عفراء ...وسلامة قاعدة تحت عند القهوة والشاي والعصيرات .....
مبارك:السلام عليكم ....
الكل:وعليكم السلام.....
مبارك وهو يطالع سارة :اشحالج سارة .
سارة وهي منزلة رأسها:بخير يسرك الحال وأنت عساك بخير
مبارك:بخير الحمد لله .... ألف مبروك على النسبة الحلوة !!!
سارة:الله يبارك في حياتك .....
تم مبارك واقف وسارة واقفة وتب تخبر سلامة علشان تطلعن من الحجرة بس سلامة ما انتبهت لها ...........
مبارك:عطيني عفراء ايه ...
عفراء وهي تعطي مبارك حمد:شوي شوي عليه يا مبارك ....
مبارك:من عيوني ......مبارك وهو يطالع سارة:استريحي الشيخة ......
سارة:لا بنروح ....
سلامة انتبهت لسارة: روح حجرتي سارة ... .....
سارة:عن أذنكم .....
طلعت سارة وكانت وراها سلامة من راحت سارة وكان مبارك يطالع في الباب .
مبارك:خذي ولدج ....الريم صبيلي نسكافية
الريم:أنزين .....
دخلن سلامة وسارة حجرة سلامة .......
سارة وهي طايحه فوق السرير:ما أصدق أني شفت مبارك .....الله محلاته ....
سلامة وهي تقفل الباب:شو رايج ....
سارة:لا تعليق يا سلامة كله على بعضه حلو .....عني افداء روحه وعينه وقلبه ....
سلامة وهي تروح صوب الكبت وطلع كيس :أندوج هذي الهدية ....
سارة:لا تقولين من عند مبارك
سلامة:ايوه ....
سارة تمت فتحت الكيس وحصلت الكرت وقراته وتمت متخبله وبعدين فتحت الهدية كانت ساعة رهيببببببببببببببة وعطور فرنسية غرام ...
سارة:عجيب ذوق مبارك .....نسيت ....
سلامة وهي تقعد عدالها :شو ....
سارة وهي تأشر على التواليت :هديتج .....
سلامة:حقي .........وين أنا ما شفتها ....
سارة:يوم يت خليت الخدمة توديها حجرتج ....
راحت سلامة وفتحت الكيس وحصلت كرت كبير وكان شكله عجيب ومكتوب فيه .........
مكتوب أحبك وأنقهر وأسهر الليل
ويسامر نجوم السماء دمع عيني
كنت أحسب ان الحب كذبة وتمــثيل
قصة غرام من فديم الــــــــسنيني
الحب فيه الويل وفيه الرابـــــــيل
فيه السهر فيه القهر والونــــيني
حبك سكن بالقلب ياشمعة الجيل
لا شك ماتدرين وش صار فيني
صبرت بس الحين ماعاد بي حيل
بأعلن غرامك لو مماتي يجيني
ان مت لعيونك قتيلا لمظـــــــاليل
والا تحديت الزمن يا ظنيني
والله ما بيني وبينك مراسيل
ما غير غمزه بين عينك وعيني
عاشق عيونج** أحمد الخييلي **
سلامة بعد ما قرأت القصيدة مثلت أنه مغمى عليها:ياويل حالي من أحمد ثره شاعر طلع ........
سارة وهي تلبس الساعة:محلاها يا سلامة طالع شكله غرام ....
سلامة وهي تفتح الهدية: مبروك عليج .....سلامة من فتحت الهدية تخبلت كان ساعة جلد بني وعليها قطع ألماس وخاتم الماس على شكل دمعة و2 عطرين .....
سلامة:الله يطول عمرك يأحمد ويفرحك قولي أمين ....
سارة وهي تتعطر بالعطر اللي شاريه مبارك:أمين ....
فها للحظه حد يدق الباب ....
سلامة:منو ...
مبارك:أنا .....
سارة من سمعت صوت مبارك تخبلت :فتحي بسرعة أكيد بيروح الكلية ..,,.,.,.,
راحت سلامة وفتحت الباب ...وكان مبارك واقف وهو لابس الدريس مال الكلية .....
سارة وقف قلبها و هي اتشوف مبارك و هو لابس الدريس .. يالله محلاته .. رهيييييييييييييييييييييييب هالانسان .. ماشاء الله عليه .. الدريس عاطنه هيبه ..
مبارك وهو يطالع سارة : رهيب صح ....
سارة يوم سمعت مبارك قال جذي نزلت رأسها وتمت تقول في خاطره أكيد قاعد يقرى أفكري ....عنلاتك محلاك ..
سلامة:بتروح الكلية مبارك ...
مبارك وهو ما نزل عينه من سارة:هيه ...أقول سارة ...
سارة وهي ترفع عينها على مبارك وطاحت عينها في عينه :شنو....
مبارك:شو رايج في الهدية ....
سارة:تبي الصدق...
مبارك:أكيد
سارة:غرام تسلم أيدك ....
مبارك وهو يطالع في الفراش :من يابلج هدية يا سلامة ....
سلامة وانتبهت للكرت:هاه ...أمممممم ....هذي....!.!..!. هذي سارة يابتها لي ....
مبارك وهو يروح صوب الفراش ويشل الساعة :الله محلاتها غرام ....ترى هذا ذوقي أنا وأحمد
سلامة من شافت مبارك راح للسرير ربعت ويلست فوق الفراش وقعدت فوق الكرت علشان ما يلحظ مبارك شيء:تباها خذها
مبارك:افاااا عليج هذي هدية سارة ....وسارة مو أي حد ....
سلامة ويها يتغير ميه لون :صدقت يا خوي ....
و جان مبارك يفتر صوب سارة و غمزها .. يالله فديييييييييييييتها. ...وراح يبي يظهر من الباب ...
و من قبل لا يظهر من الباب .. نشت سلامة .. و رابعت صوبه .. و لوت عليه من ورى ..
مبارك و هو يفتر صوبها : هههههههههههههههه .. خيسي الدريس .. خليهم يدبلوني فالكليه .. شو فيج ...صابج جنون البقر ....
سلامة و هي تظربه عجتفه : مالت عليك .. زطي .. أحبك شو أسوي ما أقدر على فرقاك ....( ترى هذا بلسان سارة).
مبارك : ههههههههههههههههههههههههههههه ......بس أنا ما أحبج أنتي أحب هذا القمر اللي عدالج وهو يأشر لسارة ...
مبارك:شيء في خاطرج يا سارة ....
سارة:سلامتك يا مبارك ....
مبارك و هو يحك شعره : سارة استحملي .. اسبوع و بردلج ..
سارة بدلع :خلاص أترياك ....
مبارك:ياويلي ما أقدر أتحمل أكثر عن جذي .....سارة بقولج شيء ....أنا ....
تمت سارة طالع مبارك وتضحك ...........
مبارك:أنا أحبج أعشقج أمووووت عليج........ أمانه رحمي حالي يا سارة ...
سلامة: فااااااااااااااااااااااااااارج يالسبال ..بتسويلنا مشاكل روح ....
مبارك وهو مدخل رأسه من الباب:أحبج ...أحبج ...أحبج ...
سلامة :حرام عليك مبارك الحين أنت تبي سارة ما تدخل بيتنا .............علشان خاطر سارة روح ...
مبارك وهو نزل من الدري:بس علشان خاطر سوير .......
راح مبارك الكلية هو وأحمد والشباب اللي عندهم ,,,,,,
سارة وهي تحاول تستوعب الموضوع أكثر:ما أصدق يا سلامة أن مبارك قالي أحبج .....
سلامة:شو شعورج ..
سارة:ما حس بشي ... قرصيني سلامة ...
راحت سلامة وقرصت سارة بقوا:أيييييييييييييييييييييييييييييييييييييييييييي ييييييييييييييييييي عورتيني .....
سلامة وهي تضحك:مو الحين تقولين أنج ما تحسين بشيء ....
سارة:بس أنت قرصتيني بقوا .....أه ياقلبي أشلون بنام اليوم ....أقول سلامة ...
سلامة وهي تعابل المسجل:شنو
سارة:غير حلاتها كلمة أحبج من مبارك ...
سلامة:أنا بخبرج ليش حلوة
سارة:ليش
سلامة:لانه خبير في المغازلة ويقولها في اليوم أكثر من ألف مرة ....فطبيعي أنها حلوة منه ....
سارة وهي تضرب سلامة على كتفها:لا تقولين على مبارك جذي .......أحبه والله أني أحبه ....
راحت سلامة وشغلت المسجل وحطت شريط سلمان حميد ((ياللي على البال)))
ياللي على البال تــطري
وأنت ماتدري
وش ذنبه اللي يحـــبك
وأنته خليته
وش ذنب قلب رسم لك
حبه العذري
وش ذنب دمــــــع على
طاريك هليته
سلامة:عجيبة هذي غنية ....
سارة: تصدقين واااايد أشتهرت ...
سلامة:لان كلامتها حلوة ...
سارة:هيه ...
سلامة:أقول سارة ...
سارة:عيون سارة لج ...
سلامة:مشكورة ....بس بسألج شو بتلبسين في عرس الريم ...
سارة:ممكن ما أروح ...
سلامة:ليش مانج رايحة....
سارة:أستحي ...
سلامة:والله يا تروحين وأنتي سارة بنت سيف....
سارة:أن شاء الله ..
.................................................. ...................
فالليل الساعة 11ونص ...سالم كان يالس في الصالة مالته ويقلب القنوات ما أستقر على شيء (لأن التلفزيون بايخ وخاصا في الصيف ) .......
سالم كانت فيه ضيقه ما يدري ليش ....فقال في خاطره :بأرسل مسج للمجهولة علشان ترحم حالي ويحن قلبها علي وتخليني أشوفها .....
راح وأرسل مسج للعنود .....
"...*** تسال الروح فجأه عنك وينك .. و جاوبها بدمع ٍ من عيوني .. لان الحب لي بيني و بينك .. دنا ما من وجد عاشق يصوني ***...."
العنود كانت يالسة في حجرتها .....وقاعدة قدام لاب توب وتقرأ قصة من سمعت المسج شلت تلفونها وفتحت الرسالة وقرتها
احتارت شو ترسله ...
فردت عليه ...
( احبك لو بغيت أنساك ماقدر .. احبك لا تسال القلب و اصبر .. احبك من زمن يوم الطفولة .. و يوم الوقت أحلام و تصور)
سالم يوم قرأ الرسالة أنصدم من شمسة ....((تحبني و من زمان لازم أعرف عنها أكثر ))....
فرد عليها .....
"هلا والله شمسة ....أشحالج ....صراحة صدمتيني بأعترافج بحبج لي من زمان يوم الطفولة هههههههه "
ردت عليه....
" مرحــــــــــــــبـــــــــــا مـــــــــــلايــــــيـــــــن ....أنا بخير وأنت عساك بخير...أقولك .... ليش أنصد مت"
رد عليها....
"لأني كنت متوقع اذا راح أعترف لج أنا بحبي ....راح تقطعين علاقتج فيني ....فالحمد لله أنج أنتي اللي بديت في الاعتراف
فأقولج ....أنا ........
ردت عليه....
"أنت شنو "
رد عليها.....
"أنا أحــــــــــــــــــــــــــــــــــبـــــــــــــ ـــــــــــــــــــــــــج ولازم أشوفج في أقرب لحظة ".....
ردت عليه .....
"مستعجل واااايد بشوفتي ....بس أنا ابا أعرف عنك أكثر" .......
رد عليها .....
"المهم أنا أحبج ....وأنتي تبادليني نفس الشعور .......ليش تحطين أعذار تخليج ما تبين تشوفيني" ....
ردت عليه.....
"أعترف لك أني أحبك ...وأهديك غنية ميحد حمد ...***(أحبك يا نظر عيني غناتي ...وأحب الأرض لي تمشي عليها ...وأحبك حتى أكثر من حياتي ...وأسوم الروح لجلك وأشتريها ....)***وأنا صدج أبا أعرف عنك أكثر لأني أحبك يا سالم"
رد عليها ....
"(حايره و الشوق بين عيونج ... خايفه تحبين و يلومونج ... باقيه بنص الدرب محتارة ....ما تعرفين هذا العشق و إسراره
و السهر ذبل سواد عيونج ... حايره و الشوق بين عيونج...)..
العنود ما ردت عليه ....وسالم أنتظر 10 دقايق وقال في خاطره أكيد راح تكتب شيء ....... بس العنود ماردت عليه بمسج
رد عليها .......
"شمسة وينج ترى والله أزعل عليج ....ردي علي بمسج واحد على الأقل ....."
ردت عليه........
" كله ولا زعلك !!! .........شو في خاطرك يا سالم "
رد عليها.....
"وااااااااااااااااااااااااايد ....وأول شيء أبا أعرف عنج كل شيء وين ساكنة شو جبيلتج وكم عمرج وين تدرسين أو متخرجة ...أخوانج وخواتج كم .....وكل شيء عن حياتج ....."
ردت عليه.......
"كل شيء بوقته حلو ....."
رد عليها ....
"أقول شمسة اذا أنتي حابه تستمرين بهالوضع كيفج بس أنا لا ....."
ردت عليه ......
"ليش مو عاجبك هذا الوضع ....عالفكرة هذا اللي أقدر عليه ....أما أنك تبي تشوفني فأنا أنسانة ما أحب الطلعات وايد ... وأخاف حد يشوفنا مع بعض ...."
رد عليها.....
"حرام عليج شمسة والله أنج تتغلين أكثر عن اللزوم !!!!!...."
العنود ما ردت على سالم ....أما سالم أنتظر أكثر من 10 دقايق فما قدر يصبر أكثر من جذي ,,,راح وأتصل لها بس العنود ما ردت وكانت وايد مرتبكة من اتصال سالم ....من سكر سالم راحت وأغلقت التلفون وحطته في السدة ويلست تكمل قرأيت القصة ... وسالم كان متغيض من تصرف شمسة البايخ وقال لازم أدور على حل يرضي الطرفين ..!.!.!!.!!.!.!
*&*({الجزء السادس عشر})*&*
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك