رواية ويبقى خالد -24
وبـ الالعاب:
ووسط الالعاب و الموسيقى ..
عبدالعزيز : يه يه ، خوش مكان
خالد : ايي عشان وليدان يستانس
شاف خالد الفرح بعين خالد و اهوه يلعب وليد و وليد مستانس و يضحك
و بعد ساعه ،
خالد : يلا ، تأخرنا
عبدالعزيز : اي يلا دوختني و اهيا تتصل علي
خالد : ما تنلام
عبدالعزيز : يلا مشينا
و نزل عبدالعزيز و وليد و راح خالد عن شهد ،
شهد : خالد ؟ كل هذا تشوف ولدك ؟
خالد : طلعته اليوم
شهد : عشتو ، بعد تطلعه ، بدال لا تطلعه طلعني من زمان مو طالعه معاك
خالد : طلعي ، احد ماسكج ؟
شهد : يا خالد انا ابي اطلع معاك ، ابي استانس
خالد: يصير خير
شهد : و بعـ .. ( حست بـ الم فظييع و سكتت ، حطت ايدها على بطنها و غمضت عينها حييل )
خالد مستغرب : شفيج ؟
شهد ماقدرت تتكلم من الالم
خالد : شهد ؟ شفييج ؟
شهد و بصعوبة : بطني
خالد : شفيه بطنج ؟! تبين تروحين المستشفى ؟
شهد ماردت عليه و ركضت راحت الفراش و انسدحت
ماخلاها خالد و راح وراها يشوف شفيها ..
خالد : شهد ؟ شصاير ؟
شهد : مادري يا خالد ، صارلي جم يوم على هالحال
خالد : قومي المستشفى اخاف فيج شي
شهد بعصبيه : مااابي ارووح خلني بروحي شوي
استغرب خالد و طلع و خلاها بروحها ..
ظل بروحه بالصاله يفكر بولده ، و طرت على باله اسراء، حس انه وده يرد لها ، خلاص مل من حياته و حس ان حياته من غيرها ما تسوى شي .. كان يتمنى اي شي يصير بس المهم يرد لها ..
خالد : شهد ، ترا مايصير الي انتي قاعده تسوينه بنفسج ! شوفي حالتج و شكلج ! لازم تروحين المستشفى
شهد و الالم طاغي عليها والدموع تسيل على خدها: خلني يا خالد ، خلني
خالد : شلون اخليج يعني ؟! عاجبتج حالتج جذي ؟
شهد : خلني يا خالد ، لما اموت و افتك من الدنيا
خالد : انتي شقاعده تقولين !! شفيج شهد شصاير ؟!!
شهد : ( وهي تمسح دموعها ) مافيني شي يا خالد مافيني شي !
طلع خالد و خلاها بروحها ترتاح ..
وأول ما طلع خالد خذت شهد الفون و مسحت دموعها و اتصلت على اسراء ،
رن فون اسراء و شافت الرقم لقته رقم غريب ، ردت ..
اسراء : الو ؟
شهد : السلام عليكم
اسراء: و عليكم السلام ؟
شهد : اسراء ؟
اسراء: اي ، انا اسراء
شهد : عرفتيني ؟
اسراء: لا والله .. ماعرفتج ؟ من حضرتج ؟
شهد : انا شهد ، زوجة خالد !
sweet memy
البارت الثاني و العشرين :
اسراء تنرفزت و توترت : خير ، شتبين بعد ؟ ريلي و خذيتيه مني بعد شتبين هالمرة ؟
بدت دموع شهد تنزل وقالت بصوت امتزج بالدموع : اسراء انا اليوم بقولج شي لازم تعرفينه ، شي مهم
اسراء : ليش ؟ في شي بعد ماقلتيه ؟ ترا انا مو ناقصه اعصاب ، اعتقد الي قلتيه و الي شفته منج كافي ..
شهد : اسراء تكفين ، سمعيني للـ آخر و لا تقاطعيني ، الي بقوله شي مهم
تنهدت اسراء : خير ..
شهد :اسراء انا مريضه ، فيني مرض الشين ، و بقولج كل شي و ببري ذمتي ، و تكفين سامحيني ، و قولي حق خالد يسامحني .. انا احب خالد ، احبه و اموت فيه ، احبه بجنون و بشكل ما تتصورينه ! حبيته من كل قلبي و عشت معاه ايام حلوة ، نسهر طول الليل نتكلم بالفون و نطلع مع بعض و نواعد .. طول هالوقت كنت احسب انه يحبني و يبادلني بنفس الشعور ! لكن اكتشفت ان كل هذا كان مجرد لعب و انه مايحبني ! و تزوج و خلاني و نسى كل الايام و ماضي حبي .. ماقدرت اتحمل صدمة الخبر و اشتعلت نار الغيرة بقلبي ، ماتخيلت بيوم من الايام انه بخليني و بفضل وحده علي و ياخذها و تصير زوجته .. كرهتج من كل قلبي حاولت بكل الطرق اني ابعده عنج و اتقرب منه ، لكن ماقدرت ، المكالمات و المسجات كلها مني و من خططي و تدبيري .. اسراء انتي مالج ذنب ، كل اللي صار مني انا السبب بكل الي صار بينج وبينه، و الاهم من هذا طلاقكم ! انا سبب طلاقكم .. خالد مسحور ، انا سويتله سحر عشان اتقرب منه و يتزوجني و ينساج ، وانا الي قلتلج عن زواجه ، قلت لازم احرق قلبج مثل ما حرقتي قلبي و خذتيه مني ، و فوق هذا كله ومع السحر خلاني و ما اهتم فيني ، ولا حسيت اني زوجه مثل باجي البنات ! خالد يحبج يحبج يحبج و يموت فيج ، آسف يا اسراء والله آسفه ، و اتمنى انج تسامحيني و ..
انصدمت اسراء وماقدرت تتكلم و طاح الفون من ايدها من غير ماتحس !
بيت بو عبدالعزيز :
كانت قاعده ع السرير ودموعها تنزل و تفكر بـ كلام شهد الي قالته ، معقوله كل هذا يصير فيك يا خالد ؟ معقوله تكون انت مسحور و اهيا تتحكم فيك و انتا مو داري ! و طلاقنا و فراقنا كان بسببها ! وانتا مالك ذنب بـ للي صار ! الله يسامحج يا شهد على كل الي سويتيييه ، فرقتي بيني و بين ريلي ، عذبتينا و خليتي كل واحد يروح بطريجه .. ضيعتي حياتي و حياته و حياة ولدي ، كل هذا بسببج !!
لمت ولدهاا حييييل و تبلل ويهه بدموعها الي نزلت بسرعه من عينها ، بجى وليد و مسحت دموعه الي اختلطت بدموعها و باسته على خده بوسه خفيف و حطته بفراشه ..
ونطقت لا ايراديا : احبك خالد و بتم طول عمري احبك ، انت مالك ذنب بـ اللي صار
ام عبدالعزيز : بس يا يمه لا تبجين ، خلاص عورتي قلبي
اسراء: يمه خالد لازم يتخلص من هالعله الي اهو فيها لازم يحس بنفسه !
ام عبدالعزيز : مابيدي شي اسويه
اسراء : خالد يبي ريال يقرا عليه ، لازم يطلع السحر منه
وبطريقه ام عبدالعزيز الخاصه قالت حق ام عبدالله و انصدمت في البداية ، مستحيل يكون ولدها مسحور ! لكن بعدين شوي شوي اقتنعت و عرفت الصج ، و قالتلها شهد بنفسها .. و قالت حق خالد وماصدق ، وعقب محاولات و اقناع بالغصب اقتنع و راح عند شيخ اكثر من مرة يقرا عليه لما يتخلص من السحر الي سوته شهد ..
وشوي شوي بدا خالد يحس و يستوعب الي قاعد يصير .. و تعافى و تخلص من السحر بفترة مو قصيرة ..
استانست اسراء حييل ماتدري ليش ! يمكن لأن كانت تتمنى الخير حق حبيبها و زوجها السابق .. ويمكن بدت تحبه مثل قبل ؟ و يمكن لأن ماكان له ذنب بـ اللي صار ! و تضايقت شوي لما سمعت خبر وفاة شهد ، ماتدري ليش تضايقت ؟ المفروض تستانس لأن اهيا كانت السبب في طلاقها ! و خراب حياتها ! بس سامحتها و تضايقت ..
ومرت الأيام ، وكبر وليد ، صار عمره سنه ونص تخرجت اسراء من الجامعه وتوظفت ، اما خالد فـ كان حاس بالوحده ، كان كئيب ماعنده احد يونسه ولا يشاركه حياته ..
خالد : يمه ، انا برد اسراء
ام عبدالله : اي يا خالد ، فررح قلبي شوي ،
خالد : يمه ما اقدر اتحمل اعيش من دونها ، خلاص تحملت بما فيه الكفاية
ام عبدالله : خلاص لاتحاتي ، انا باجر اروح و اخطبها لك و يارب توافق و ترجعون حق بعض ..
تنهد خالد : الله يسمع منج ..
خذا خالد فونه و اتصل على رفيج عمره جاسم
جاسم : هلا خلود
خالد : اهلين
جاسم : ها شفيك ؟
خالد : ابيك الحين ضروري
جاسم : شصاير ؟
خالد : انتا تعال و اقولك
جاسم : وين اييك ؟
خالد : مرني و نطلع
جاسم : صار ، يالله يايك الحين
و ع البحر ..
خالد : جسوم ، برد لها
جاسم : صج والله !
خالد : اي صج .. بس جسوم ماني قادر اعيش من دونها ، احس حياتي ناقصه و لازم تكتمل
جاسم : فرحتني الله يفرحك
خالد : يارب توافق بس ..
جاسم : وليش ما توافق ، اهيا تحبك و ما اعتقد بترفض
خالد تنهد : الله العالم ..
رجع خالد البيت و راح خالد غرفته و انسدح ع السرير ، قام يفكر بـ اسراء و يدعي ربه من كل قلبه انها توافق ، و كان حاس انها بتوافق ، اسراء تحبه و اهوا يحبها ، اكييد بتوافق .. لكن فضوله زاد و حب يعرف اذا ليلحين تحبه ولا نسته ؟
خذا فونه و دزلها مسج (اسراء ، تحبيني ؟ )
وصل المسج حق اسراء و قرته و انصدمت اول شي ! من سنة مادزلها خالد مسج !
اسراء بقلبها : اكيد احبك ، و بظل احبك و ماراح انساك طول عمري ..
و ماردت عليه .. و ظل خالد ينطر و ينطر و مل ، و دزلها مسج ثاني ( تكفين ردي علي )
قرت المسج و استحت ، حست ان قلبها يتحرك .. ردت عليه و كتبت ( انت تعرف جوابي )
و فززز قلبه اول ما سمع رنة المسج ، و فتح المسج بــ شوق و لهفه و قرا ( انت تعرف جوابي )
خالد : تحبني ! والله تحبني ! تحبني و تموووت فيني بعد .. يعني بتوافق و بنرجع حق بعض .. يارب تسهل علينا امورنا !!
بيت بو عبدالعزيز :
كانت اسراء منسدحه على الفراش و وليد يلعب يمها ، كل شوي يقعد على بطنها و يلعب بشعرها و يسولف و يخربط ..
وليد : باباا بابااا
اسراء: قول ماامااا ، بابا مو هني
وليد : بااباا
اسراء : لا حبيبي قول مااامااا ، انا ماماا مو باباا
وليد : بااباا
اسراء: وينك يا خالد ، والله اني اشتقت لك و اشتقت حق ايامك ..
و صحت يوم حست بوليد ماسك ايدها ..و يبوسها
خذته و لمته حيييل و باسته و مسحت على شعره و ابتسمت له ..
ودشت ام عبدالعزيز ..
اسراء : هلا يمه ..
ام عبدالعزيز : هلا حبيبتي ،
وقعدت يمها و تنهدت .. اسوره بقولج شي ،
اسراء : خير يمه ؟ شصاير ؟
ام عبدالعزيز : اليوم دقت علي ام عبدالله ، و قالتلي ان خالد يبي يردلج
انصدمت اسراء و فزز قلبها وسكتت !
ام عبدالعزيز : خالد يحبج و مستعد يسوي اي شي عشانج ، و انتي تحبينه و ما اعتقد انج بترفضين .. شرايج ؟!
اسراء بتردد : اي يمه بسس ..
ام عبدالعزيز : بس شنو ؟ اعتقد عرفتي ان خالد يوم تزوج عليج كان مسحور و ماكان يدري بـ تصرفاته الي كان يسويها ، و لو كان يدري و حاس جان ماسواها ! و انتي عشتي احلى ايام عمرج معاه ، وحبيتيه و حبج ، مافي مجال انج ترفضين ! فكري عدل ، لاتضيعين الفرصه .. فكري بحياتج و حياة ولدج ..
سكتت اسراء مدة و تمت تفكر بكلام امها ، كلام امها صح ، واسراء مقتنعه فيه ، فرصه ماتتعوض .. و اهيا تحب خالد و خالد يحبها .. لازم توافق ولا تعاند و ترفض ..
ام عبدالعزيز : ها ؟ شقلتي ؟
اسراء بـ حيا : انا موافقه
ام عبدالعزيز : الف مبروك حبيبتي !!
اسراء : الله يبارك فيج ،
ولمت ام عبدالعزيز بنتها حيييل و باستها .. و ابتسمت لها
بيت بو عبدالله :
خالد : يمه .. شسويتي ؟
ام عبدالله : دقيت عليهم اليوم ، و ناطرة الرد ..
خالد : تتوقعين توافق ؟
ام عبدالله : يا خالد اسراء تحبك ، و اكيد بتوافق ، لا تحاتي انتا بس
خالد : خايف يا يمه خايف ، تدرين ان ما وافقت شبصير فيني ؟
ام عبدالله : اسم الله عليك يمه ، بتوافق لا تخاف .. اصبر بس ،
و اخيرا عم الفرح في بيت بو عبدالعزيز :
بو عبدالعزيز : الف مبروك يا بنيتي ،
اسراء : الله يبارك فيك يبه
عبدالعزيز بغشمرة: و اخيرا وافقتي ، يعني بنفتك منج و بتروحين عند خالد
اسراء تشوفه بنظرة : شتبي ؟ قاعده علة على قلبك ؟
عبدالعزيز : لا بس بنرتاح من صراخ ولدج
اسراء : واي فديته ولدي ، يحصلك كل يوم تقعد من النوم على صوته
عبدالعزيز : مادري منو صوته عاد ، بلبل
اسراء: احلى منه بعد ، فديته ولدي
عبدالعزيز : واي ترا دوختينا مع ولدج ، جنة محد عنده ولد الا انتي
اسراء : محصل واحد مثل جماله ؟
عبدالعزيز( قاعد يطفرها ) : عاد من زيينه ولدج
اسراء: ايي حبيبي ، لأنك تتمنى جماله
بيت بو عبدالله :
دخلت ام عبدالله غرفه خالد و الضحكه مرتسمه على ويهها
ام عبدالله : خالد
خالد : هلا يمه ؟
ام عبدالله : عندي لك خبر
خالد فزز قلبه : قوليلي يمه ، بشريني .. وافقت ؟!
هزت راسها ام عبدالله : اي
طااااررر خالد من الفرررح وماصدق الي سمعه !!
خالد و الضحكه باينه على ويهه : صج يمه ؟ وافقت ؟!
ام عبدالله : اي وافقت
خالد : اكيييد يمه ؟
ام عبدالله : ايي والله وافقت
خالد : وااي يا يمه ماتدرين شكثررر انا مستانس !!
ام عبدالله دمعت عينها : دوم ان شاء الله اشوف الفرح بعيونك
مد ايده و مسح دموع امه و باسها على راسها
ماصدق على الله و حس انه وده يصرخ بـ أعلى صوته و يقول حق العالم كله انها وافقت ! و اخيرا خالد بـ رد حق اسراء حبيبته و زوجته ..!
خذا فونه بسرعه و اتصل على جاسم
جاسم بصوت نعسان : الو
خالد : جسوووووم ، وااافقت !
جاسم فزززز من نومه : صج والله ! مبرووووووك خلوود مبرووووك
خالد : يبارك فيك
جاسم : الله يغربل ابليسك طيرت النوم من عيني
خالد : وقته الحين نوم ، قوم قوووم استانس معاي
جاسم : مبروك يبه .. الحمدلله
بيت بو عبدالعزيز :
دلال : الف الف الف مبرووك
اسراء : الله يبارك فيج حبيبتي
دلال : ماتدرين شكثرر مستانسة عشانج
اسراء : مشكوورة حياتي ،
دلال : و اخيرا بتصيرين اسور الي اعرفها ، و بترجعين مثل قبل
اسراء : الله يسمع منج
دلال : عسى ان شاء الله طول عمرج تكونين مستانسة و مرتاحه
اسراء : الله يسمع منج ، آميين ..
وسمعت صوت الباب
اسراء : اخليج دلال الحين ، اكلمج وقت ثاني
دلال : اوكي حبيبتي ..
وقامت فتحت الباب ، لقت اسيل جدامها
اسيل : يلا اسور ماتبين تطلعين ؟
اسراء : يلا يلا كاني جاهزة
وطلعت اسراء مع اسيل تشتري اغراض و ملابس و تجهز نفسها .. حست انها عروس مرة ثانية ، استانست بالتجهيز و ردت السعادة حق قلبها ..
ماخلوها خواتها و دايما يساعدونها بكل شي .. وقالت حق خالد انها ماتبي عرس ولا حفله ولا شي ، يكفي انها ترد لـ خالد .. و استجاب خالد حق طلبها ،
و اليوم المنتظر ..
لبست اسراء احلى ما عندها و كشخت آخر كشخه و تعطرت و غيرت ملابس وليد و كشخته و قعدت تنطر خالد ، دق عليها و نزلت وركبت معاه السيارة و الحيا ذابحها ،
خالد : هلا والله ، هلا بحبيبتي ، هلا بـ الغاليه
اسراء استحت حييييل و بصوت ناعم : هلا فيك
خالد : اووه وليدان ، عطيني ايااه
و عطته وليد و حطه بحضنه
خالد : شلونك حبيبي ؟ قررب منه و باسه على خده ومشى ..
خافت اسراء شوي : خالد عطني اياه ماراح يخليك تسوق
خالد : خليه انا مرتاح
اسراء: لا ماراح ترتاح ، اخاف يصير فيك شي
خالد : تخافين علي ؟
استحت اسراء و نزلت راسها
شافها خالد و ابتسم : فديت الي يستحون والله
وليد : بابااا
خالد فرح حييل يوم سمع وليد يناديه : عيون بابا انتا
خالد : يحليله قام يقول بابا ، ولا مرة سمعته
اسراء : هالايام كله يقول بابا ،
خالد : ومايقول ماما ؟
اسراء : يقول ماما بس مادري شفيه ما يقولي ، الظاهر ما يحبني
خالد شافها و ابتسم لها : مو مهم يحبج ، المهم انا احبج و بس
ماتت اسراء من الحيا و نزلت راسها ، مد خالد ايده و رفع راسها و طبع بوسه على خدها .. استحت حيييل ولا تكلمت ..
خذاها و راحوا فندق يتعشون ..
وبالمطعم ..
قعد خالد و اسراء جدامه و وليد يمهم ، كان وليد شوي هادي و مستغرب من الوضع ، فـ كان ساكت
خالد : اكلي يا حبيبتي ، واايد ضاعفه
اسراء استحت : ان شاء الله
رفع خالد راسه و حط عينه بعينها و تم يطالعها : فقدتج وايد ،
اسراء شافته و حست ان عيونها تغورق : وانا بعد
...
وبعد الاكل و الوقت الحلو الي قضوا ردوا البيت مستانسين ، خالد كان ياي بقوة اما اسراء فكانت متغيرة حيل ، كانت حيل تستحي و تغيرت عن قبل ، تستحي تقول كلمه حلوة له ، و الوضع تغير عندها ، خصوصا ان وليد معاهم ..
حست اسراء بالنوم و خالد بعد ، اما وليد فكان مصحصح و مافي النوم ، سكرت اسراء الليتات جان يبجي وليد
اسراء : بس ماما حبيبي لا تبجي نبي انام
خالد : كل مرة يسوي جذي ؟
اسراء : اي ، هذي حالتي انا كل يوم مايخليني انام عدل
خالد : الله يعينا عيل
ورد وليد يبجي مرة ثانية
اسراء : شفيك حبيبي تبي ننة ؟ يلا اسويلك ننة اشربها و نام
قامت اسراء و سوتله الننة و شربته ، حس خالد بالهدوء و غمض عيونه شوي ، وسمع صراخ وليد مرة ثانية
خالد : شفييه ليش يبجي ؟
اسراء: مادري شفييه مو يوعان ولا دايخ ، الظاهر يبي يقعد و يلعب مع احد
خالد :\ وقته الحين ؟
اسراء: اي .. نام خالد ماعليك مني ، انا بقعد معاه على ما ينام وبعدين بنام
خالد : الحين انا ماصدقت على الله اردلج و استانس ايي وليد و يخرب وناستنا ؟
اسراء: شتسوي بعد .. لازم تتحمل ترا ولدك
تنهد : يالله نتحمل ..
وظلت اسراء تلعب مع وليد لما داخ و نام ، حطته بسريره و باسته و راحت حق خالد لقته قاعد
اسراء: خالد ؟ قاعد ؟
خالد : اي حبيبتي ، انطرج
ابتسمت اسراء
خالد : نام ؟
اسراء: اي نام
خالد : الحمدلله ..
تثاوبت اسراء و غمضت عيونها ..
خالد : تعبانه حبيبتي ؟
اسراء: عادي ، لاتحاتيني ..
خالد : فقدتج اسوره، ليش حرمتيني منج طول هالمدة
اسراء: خالد ، لاتذكرني بـ الي مضى .. الي راح راح ، و خلنا نبدي حياة يديدة( وابتسمت )
خالد : حاضر حبيبتي
وناموا و اهما مستانسين ..
sweet memy
البارت الثالث و العشرون:
قعد خالد الصبح على صوت وليد و اهوه يبجي .. ماحس بالراحة يوم نام من بجي وليد المتواصل ، اما اسراء فكان الوضع عادي عندها لأنها تعودت عليه ..
قرب خالد من اسراء و همس بـ اذنها : صباح الخير حبي
ردت عليه اسراء بصوت ناعم و متقطع : صباح النور
خالد : شلون حبي ؟
اسراء بحيا : بخير
خالد : دوم يارب ، يلا قومي .. بنتريق بره
اسراء : و وليد ؟
خالد : بناخذه معانا
اسراء : اي بس ليلحينه نايم .. اذا قعدته الحين بيبجي
خالد : ماعليه ، يبجي شوي و يسكت
اسراء : اوكي ،
قام خالد و خذاله شور دافي ينعش جسمه ، و لبس دشداشة و غترة و عدل شكله و لبس ساعته و خذا بوكه و نظارته الشمسية و رش عطر رجالي قوي ،
اما اسراء فـ خذت شور عقبه و لبست ملابس راقيه و كشخت ، و وليد كشخ و نزلوا ..
ام عبدالله : هلا والله ، هلا بـ اسراء هلا
اسراء بحيا : هلا فيج خالتي
ام عبدالله : شلونج يمه ؟
اسراء : الحمدلله بخير ، انتي شلونج وشلون صحتج ؟
ام عبدالله : الحمدلله ، ها طالعين ؟
خالد : اي ،
ام عبدالله : و هالنتفه معاكم ؟
خالد : اي ، مانقدر نستغني عنه اصلا
ام عبدالله : خلوه عندي لا يأذيكم
خالد : لاا خليه عندنا ، كافي عليج ناصر و يوسف
ام عبدالله : كيفكم ..
خالد : يلا حبيبتي مشينا
مسك بـ ايدها و مشوآ ..
و بالمطعم ..
كان الجو حييل شاعري و رومانسي ، مع انغام الموسيقى الهادية و الورد الي جدامهم ،
جو روعه بمعنى الكلمه ، بس الي خرب عليهم وناستهم شوي وليد ..
خالد : ولييه هذا الي بخرب علينا وناستناا
اسراء : خالد شفيك عليه ، ياهل اكيد بسوي جذي
خالد : يا حلاتنا أول نطلع انا معاج محد يزعجنا
اسراء : شنسوي بعد ..
سكت خالد و قام ياكل ، اما وليد فـ ماخله امه تاكل كل شوي ياخذ من صحنها شوي و يسعبل فيه و يقطه ع الارض ،
اسراء : وليد ماما لاتسوي جذي ، تعال اقعد بهالكرسي ( وحطته بـ الكرسي المخصص للأطفال ) جان يبجي ..
خالد : ولله عنيد ، اقعد هني خل امك تاكل
اسراء : ماعليه ، بقعده بحضني
ظل خالد ياكل و يشوف وليد يلعب بـ اكل اسراء و منقهر ..
واسراء قاعد تطالعه تنطره يخلص لعب عشان تاكل ،
اسراء : وليد ماما باكل ،
كان منشغل باللعب ولا اهتم ..
خالد : عطيني اياه و اكلي
شالت وليد و عطته لـ خالد
جان يبجي وليد : مامااا
خالد : اووششششش فضحتناااا ، و حط ايده على حلج وليد عشان يسكته ، و طلع صوته المقموت ..
اسراء : عطني عطني ادري ما يرتاح الا عندي
خالد : وشلون بتاكلين ؟!
اسراء : بس مابي شي شبعت ، قوم خالد نطلع
خالد : نطلع ؟! انتي ماكليتي شي ؟
اسراء : بس مابي شي ..
حس فيها خالد و قام
وبالسيارة :
خالد : خلاص مرة ثانية ماناخذه معانا ، اخليه عند امي دامها تبيه
اسراء : لا ، مابي اتعب خالتي .. وليد شيطان و دلوع ما يبي الا انا
خالد : يعني شلون ؟ ما نستانس ؟
اسراء : --
قرب وليد من امه و باسها و سعبل على ويهها
اسراء : بعد عمري انتا والله ، ليش تصير شيطان و ماتخليني ارتاح ؟
ضحك وليد
شافه خالد و تنهد ..
و بالبيت :
ردت اسراء و غيرت ملابسها و انسحدت ع الفراش ، قعد يمها وليد و خذا ايدها و قعد يسعبل عليها و يبوسها وخالد يشوفه و منقهر منه ،
خالد : وخريه عنج
اسراء : ليش ؟
خالد : شوفي شقاعد يسوي فيج
اسراء : عسسل عسسل سعابيله ، عادي متعودة عليه كل يوم يسوي جذي
قام وليد و قعد على بطنها بحركه سريعه
اسراء : آآآآي وليييييد قووم
خالد : مو قلتلج وخريه عنج
اسراء : خالد ؟ شفيك عليه ؟
خالد : قاهرني ، لاصق فيج 24 ساعه ، فج شوي
اسراء : هههههه ، شدعوة خالد ، تغار من ولدك ؟
خالد : اي اغار ، اسورة حبيبتي انا كنت بعيد عنج سنة .. ذقت الويل و العذاب ، الحين احتاج قربج ، و هالمدلل مايخلي الواحد يستانس
اسراء : خالد شفيك ، تراه ياهل و شي طبيعي بكون كله لاصق فيني
خالد : و انا ؟
قالتها بحيا : انتا حبيبي و ريلي و كل شي
خالد : و انتي حبيبتي و زوجتي و دنيتي
وليد : ماماا
اسراء : عيون ماما انتاا
انقهر خالد و قام ..
اسراء : خالد ؟ وين بتروح ؟
خالد : بنزل تحت ، لا اموت من القهر هني
اسراء : خالد من صجك ؟ تعااال لاتخليني بروحي
خالد : قعدي مع ولدج ..
نزل خالد و لقى امه و عبدالله ..
عبدالله : هلا والله بـ المعرس اليديد
خالد : اهلين
ام عبدالله : خالد ؟ مخلي مرتك و نازل ؟!
خالد : خليتها تلعب مع ولدها .. المهم ، عبيد تعال معاي
عبدالله : وين ؟
خالد : انت تعال و بالطريج اقولك
عبدالله : يالله ..
عبدالله : وين بتودينا ؟
خالد : الوكالة
عبدالله : وكالة ؟ وكالة شنو ؟
خالد : شاري سيارة بنروح نطلعها
عبدالله : اوه كشخه ، شنو نوعها ؟
خالد : بي ام اليديدة
عبدالله : ازقرت عاد ، عليها بـ العافيه
خالد : يعافيك
بيت بو عبدالله :
اسراء : وين راح خالد ؟ من صجه زعل يعني ؟
خذت الفون و اتصلت على امها ..
ام عبدالعزيز : الو
اسراء : قووة يمه
ام عبدالعزيز : هلا هلا يمة هلا بـ بنيتي
اسراء : هلا فييج
ام عبدالعزيز : شلونج يمه ؟ شخبارج ؟!
اسراء : يمه انا بخير الحمدلله ، انتي شلونج ؟!
ام عبدالعزيز : الحمدلله يـ بنيتي ، شلون خالد ؟
اسراء : الحمدلله ، خالد بخير ..
ام عبدالعزيز : عسى مستانسة ؟
اسراء : الحمدلله ، مستانسة
ام عبدالعزيز : اشتقتلج والله ، مكانج مبين بـ البيت .. وينج و وين ولدج
اسراء : يالله ان شاء الله نزوركم ..
ام عبدالعزيز : شلون وليد ؟
اسراء : والله زين ، كاهو يمي يلعب
ام عبدالعزيز : الحمدلله
ودخل خالد ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك