رواية صرت اغار انا منها عليها -25
طالعته جومانه وهي مستغربه ورجعت تطالع بلبسها:شنو المشكله
عند احلام واحمد
احمد:وليد بسرعه جيب شاش
دخل وليد بسرعه وهو خايف:اشفيكم
احمد:هالمجنونه تبي تورطنا فيها جرحت يدها
قرب منهم وليد ومسك يدها:هههههه جرح بسيط لاتخاف
كمل شغلك,,وطلع فاين من جيبه ورماه عليها وناظر في
جسمها بطريقه هستيريه
احمد وهو يطالع وليد بخوف:متاكد انه بسيط
وليد:انت ياخواف ايه بسيط
طالعت فيها احلام بغضب:يلي ماتخافون الله اما وريتكم
طلع وليد وهو يضحك:شكلها تبي تاديب وانت يااحمد
ما قدرت عليها خلها علي
حس احمد باحراج وقرب منها وعطاها كف وشد يدها بقوه ورماها على السرير بكل قوته
واحلام تصرخ بطريقه محزنه ومخيفه لكن لاحياة لمن تنادي
عند منصور وجومانه
جومانه:منصور تكلم شنو هالمشكله الي مخليتك تبتسم
منصور وهو ياشر على شفاتها:هنا المشكله
راحت جومانه للمرايه تبي تتاكد ان روجها مضبوط وطالعت فيه مستغربه بعد ماتكدت:اشفيك روجي مرتب ومافيه شي
منصور وهو يتنهد:المشكله في اللون الاحمر على شفاتك الحاده الصغير
انحرجت جومانه وحمرت خدودها وحطت يدها على شفايفها
منصور:اخاف اتهور واكل كل الروج الي على شفاتك بأي
لحظه ,,وقرب منها بخطوات هاديه
لكن جومانه شالت فاين من على التسريحه وراحت جري
لدورة المياه وقفلت عليها الباب ومسحت الروج بسرعه وهي مبتسمه
ضحك عليها منصور وراح لتسريحه وشال الروج الاحمر
وحطه بجيبه وشال عطر جومانه وتعطر فيها
طلعت جومانه بدون ماتطالع في منصور وشالت عباتها
وشيلتها وشنطتها وطلعت مع منصور
واول ماوصلو بيت ابوريان طلعت قلوص وردي فاتح وحطت
لها خفيف شافها منصور وضحك على تصرفاتها
دخلوا البيت ولقوا الكل متجمع وكانت ملاك توها جايه
سلمت جومانه عليهم وكانت ملاك طول الوقت تطالع فيها وتحس انها فرحانه
اشر منصور لملاك وقام وهي لحقته
دخلت عليه ملاك:ها بشر
قرب منها منصور وباس جبينها:مشكوره ياملوكه رجعتيلي
جومانه في لحظه حسيت اني بفقدها
ملاك:العفو ولو ماسوينا شي ,,وابتسمت,,ماتدري يمكن احتاجك
منصور:والله تامرين امر لا انتي ولا محمد
مرت منار من عند الباب وانتبهت لهم
منار:احم احم
اشر لها منصور:تعالي يااحلى اخت بدنيا تعالي يام منصور
منار:هههههه خلاص حددت المولود واسمه
منصور وهو يمسك دقنه:افا ماراح تسمينه بسمي
منار:على كيف حبيبي ريون
منصور يستهزئ:منو ريون لايكون ريان بذمتك هالدلخ
لا تدلعينه قدامي مره ثانيه
وملا فطست ضحك عليهم
منار وهي تاشر بيدها:اما وريتك وقلت له عشان اعلمك من الدلخ
قام منصور بسرعه:تعالي يافتانه
ومنار طلعت بسرعه وهي تضحك ,,ومسك منصور يد
ملاك ورجع لصاله اول ماشافه محمد طالع فيه من فوق
لتحت ومنصور ابتسم وسحب ملاك وجلسها جمبه
محمد:انا ماحس ان احد ناشب في زوجتي غير هالادمي
منصور:هههههههه ياخوي احبها
محمد:وجع حبك برص ماقلنا شي حبها لكن لاتنافسني
فيها صرت اغار منك
فكت ملاك يد منصور وراحت وجلست جمب محمد:كل شي الا زعل الغالي
منصور:يانذله
قامت جومانه وجلست جمب منصور ومسكت يده وهي
تضحك:وانا كل شي الا زعل ننو
طالع فيها منصور مستغرب
ملاك:ننو
جومانه:ننو دلع منصور حبيبي
ابتسم منصور وهمس بذونها:احبك
وهي انحرجت ونزلت عيونها ورفعت يدها لرقبتها
قام منصور:يلا نستاذن ورانا سفر ونبي نودع اهلي
عند احمد واحلام
احلام طايحه بالارض كانها جثه هامده قام احمد وهو
يتنفس بشده ولبس ملابسه وطالع فيها وتفل عليها
وخرج من عندها
وليد:ها بشر سبع ولا ضبع ههههههههه
احمد:ابشرك سبع
وليد:والحين دوري
احمد:ادخل وخذ راحتك
وليد:رح شوف تصويركم للحين ماشفته
احمد:هههههه ابشر
دخل عليها وليد وقرب منها وشالها وهو منقرف منها ودفها لحمام
ناظرت فيه احلام بخوف وكل جزء في جسمها المكشوف يرجف
وليد:بسرعه تسبحي قدامي مابي اقرب منك وانتي نجسه,,هههههههههههههههه
وصرخ بصوت عالي وهو شاد على اسنانه:بسرعه
راحت بسرعه وفكت الماي عليها ودموعها تسابق الماي
وبعدها دخل وليد وشدها بشعرها ورماها على السرير
واحلام تصرخ وتترجى فيه لكن بدون رحمه بدى يضربها كف ورى الثاني
عند الجده نور
المسكينه تدور في البيت وهي ماسكه عصتها وكل
شوي تطالع بساعه وترجع تدور
الجده:ياويل حالي وين هالبنت الوقت تاخر
وفجئه زلقت عصاتها بلارض وطاحت وسالت من عينها
دموع حاره كلها خوف وحزن وتعب
قربت من الجدار وحاولت تتمسك فيه لين قامت وجلست على الكنب
وقالت بصوت هادي عكس الخوف الي بقلبها:بنتظرها هنا ولا راح انام حتى تجي
بيت ابومنصور
دخل منصور وجومانه وجلسو يسولفون مع ابومنصور وام
منصور
وبعد نص ساعه دخلت عليهم سمر
مسكت جومانه يد منصور وطالعت فيه بترجي:سامحها عشاني
حرك راسه بمعنى لا
رفعت حاجبها وابتسمت:عشاني
سمر كانت اتطالع فيهم ومنحرجه اشرلها منصور بمعنى تعالي
جات له وهي منزله راسها وكان منصور جالس قام منصور
وياس خدها وهمس بذنها:لاتعيدينها
ضمته سمر:اوعدك ماعيدها
جلس منصور وسمر راحت تجيب عصير
جومانه بهمس:ياويلك لو تضم غيري
ابتسم منصور بحب وهمس لها وهو يطالع في امه وابوه لا ينتبهون له:اشتقت لك
بعدت عنه جومانه وسوت نفسها ماسمعته وهو ابتسم
وطالع في ابوه:يايبه ابيك تاذن لي انت وامي راح
نسافرجده الساعه ثلاث الفجر
ابومنصور:الله يستر عليكم انا اهم شي عندي الشغل دبرت احد يجلس مكانك
منصور:ايه وصيت خالد الفهد المساعد تبعي هو الي بيدير
اشغالي واي شي مهم يحتاج توقيعي راح يرسله لي
فاكس
ابومنصور:دام كذا ماعندي مشكله اتروحون وترجعون بسلامه
طالع منصور في امه:وانتي ياست الحبايب
ام منصور:اهم شي عندي راحتكم تروحون وترجعون بسلامه
منصور:الله يخليكم لي
طالع في جومانه وهو مبتسم:ليش جالسه قومي جهزي
اغراضنا كلها كم ساعه ونطلع للمطار
قامت جومانه ومنصور وودعو ام منصور وابو منصور وسمر
وراحو لشقة صقر واول ما شافو الاطفال جومانه راحو لها جري وضموها
منصور:وين ابوكم
ميمو:داخل بغرفته
منصور:روح ناده هو وجدتك
ميمو:طيب
جاهم صقر وام رنى وسلمو عليهم جومانه ومنصور وعطوهم خبر انهم بيسافرون
ميمو:لاتنسون هديتي
محمد وهو يدق ميمو:عيب
جومانه وهي ماسكه يد منصور:من عيوني
واشرت لهم بمعنى باي
ارجعو لجناحهم ولما وقفوا عند باب الجناح طالعو بعض وكل واحد في قلبه خوف مايبي يذكر الايام الي فاتت بها الجناح
جومانه:فيني خوف
قرب منها وضمها يبي يحسسها بالامان:لكن حنا توعدنا ننسى الماضي
ابتسمت وفتح منصور الباب ودخلو وكل واحد منهم مايبي يذكر أي شي
طالع منصور في غرفته وراح بسرعه وقفل بابها بلمفتاح
دخلت جومانه غرفتها وتنهدت ولحقها منصور وشافها واقفه بنص الغرفه وتطالعها
قرب منها وضمها من ورى وهي التفتت وباسها بخدها:من اليوم ورايح هذي غرفتنا كلنا
جومانه وهي مبتسمه: اكيد
راح منصور وجلس بنفس مكان جومانه على السرير:هذا مكاني
جومانه وهي مبوزه:لا مكاني ماقدر انام الا فيه
قام منصور وهو يضحك:لالا الا التكشيره هذي مابي اشوفها انا والمكان كلنا ملكك وحلالك
جومانه:فديتك واناكلي ملكك
وراحت غرفة الملابس وطلعت الشنط وطلعت الملابس
ورتبتها ومنصور انتبه لصوت جواله يدق وراح وشاله وطالع
فيه وهو رافع حاجب ومستغرب وطالع في الساعه كانت 12:30
ورد على الجوال:هلا جدتي نوره
الجده نوره:تعال ياولدي يامنصور بسرعه
منصور بخوف:جدتي فيك شي انتي تعبانه
الجده نوره بصوت مهزوز وتبكي:ماقدر اتكلم في التلفون
تعال بسرعه ولاتقول لاحد انك جاي عندي
منصور:ابشري كلها دقايق وانا عندك,,وقفل الخط
دخلت عليه جومانه:من كنت اتكلم
منصور وهو باين في وجهه الخوف:كنت اكلم واحد من اخوياي في العمل
جومانه:طيب ليش خايف صار فيه شي
منصور اضطر يكذب:لا بس جا عليه حادث وهو بخير بس الشرطه ماسكينه يبون كفيل
جومانه:دامه بخير الحمد لله
قرب منصور منها بسرعه وباس جبينها:يلا مع السلامه تجهزي كلها ساعه واجيك
طلع من عندها وهي راحت لغرفته وفتحتها وهي خايفه
دخلت الغرفه وكانت معفوسه جلست عند فراشه وشالت
مخدته وضمتها انتبهت لشي تحت المخده ورجعت
تشيله كانت صوره من صور جومانه قبل لاتتزوج
استغربت كيف وصلت هالصور لمنصور لانها كانت مخبيه صورها
قامت ورتبت الغرفه وطلعت فراشه برى وشالت ملابسه
وطلعتهم ورتبتهم في الشنط
عند الجده نوره
وصل منصور ونزل بسرعه ودق الباب وبعد دقايق فتحت
الجده نوره الباب وكان وجها مغطى بدموع
مسك كتفها منصور بخوف:اشفيك
مشت الجده نوره بخطوات مهزوزه قرب منصور ومسك يدها وسندها ومشى معاها
منصور:جدتي تكلمي اشفيك
بكت بصوت عالي:احلام طالعه من العصر وللحين مارجعت
جلسها منصور على الكنب:كيف طالعه من العصر وين طالعه ومع منو
الجده نوره وهي منزله راسها وتمسح دموعها:مادري
منصور وهو معصب ويمسح وجهه:كيف مادري هالبنت الله يستر منها
طلع منصور من بيت الجده نوره وقف عند الباب ينتظرها وشوي وخرجت معاه الجده نوره
طالع فيها منصور بهدوء يبي يطمنها:ادخلي بنتظرها وانتي ارتاحي داخل
الجده نوره:من وين تجيني الراحه وبنتي مو موجده
حست بدوخه ورجعت على ورى انتبه لها منصور ومسكها ودخلها وراح يجيب علاجها الضغط اول ماشربته حس
بصوت سياره وطلع بسرعه والجده لحقته
اول مافتح الباب وقفت سياره عند الباب ورمت بحلام في الارض ومشت بسرعه جنونيه
صرخت الجده نوره وراحت بسرعه وشالت احلام ومنصور
راح بسرعه يبي يسجل رقم السياره لكن ماقدر بسبب الضلام
دخلت الجده نوره وهي تمسح على وجه احلام الي غطته الكدمات والدم
الجده نوره:بنتي اشفيك تكلمي لاتسودين وجهي قدام الناس
بكت احلام وجلست على الدرج بدون ماتنطق بكلمه
دخل منصور وهو معصب والشرار يتطاير من عيونه وبصوت
عالي ومشحوب من الخوف:منو هذولا تكلمي وين كنتي
نزلت راسها على ركبها وصارت تبكي بصوت عالي ومالت
عباتها من على ركبها طالعت فيها الجده نوره بدون
ماتتحرك عيونها من عليها ودموعها وقفت
قرب منصور ومسكها بيدها وقومها بقوه وصرخ عليها:تكلمي
انتبه لشي بدرج وطالع فيها ورجع يناظر في احلام
وهو مفتح عيونه بقوه من الصدمة
جات الجده نوره وطالع في الدرج وصرخت:فضحتيني
التفت احلام وناظرت في الدرج الي كان مغطى بدم بانكسار
وفجئه طاحت الجده نوره بانكسار عند ارجول منصور ونزلت لرجول منصور بسرعه وباستها:نخيتك ياولدي يامنصور
نخيتك استر بنتي وتزوجها
نزل منصور ورفع الجده نوره وهو عاقد حواجبه والدنيا
اتدووور من حواليه ومافي قدام عينه الا شيئن حبيبته
جومانه الي توهم تفاهمو وكل واحد صارح الثاني بحبه
ووعدهم لبعض انهم يكونون اوفياء وينسون الماضي
وجدته الي نخته انه يتزوج احلام
قرب من الجده نوره بعد ماناظر في احلام وقال بصوت
ومنخفض:...................................!
تـوقـعــــاتــكم:.
1/منصور وجومانه هل بيسافرون اولا؟
2/منصور شنو تتوقعون رده لجدته الي نخته ومنو بيختار؟
3/هل بتعرف جومانه بسالفة احلام وشنو ردة فعلها؟
4/احلام وحياتها المقبله كيف بتكون؟
البــــــــ22ــــــــــــارت
طاحت الجده نوره بانكسار عند ارجول منصور ونزلت
لرجول منصور بسرعه وباستها:نخيتك ياولدي يامنصور
نخيتك استر بنتي وتزوجها
نزل منصور ورفع الجده نوره وهو عاقد حواجبه والدنيا
اتدووور من حواليه ومافي قدام عينه الا شيئن حبيبته
جومانه الي توهم تفاهمو وكل واحد صارح الثاني بحبه
ووعدهم لبعض انهم يكونون اوفياء وينسون الماضي
وجدته الي نخته انه يتزوج احلام
قرب من الجده نوره بعد ماناظر في احلام وقال بصوت
ومنخفض:جدتي,,وناظرها بنظرة عجز
عند جومانه
شالت جوالها واتصلت على غاده
جومانه:صباح الورد غدو
غاده وهي تحاول تفتح عيونه وطالعت على طرف وشافت
الساعه:هلا صباح النور
جومانه:اخبارك
غمضت غاده عيونها بقوه:انا تمام,,وسكتت
شوي,,فهميني ياجمون هذا وقت اتصال
جومانه:هههه كنت ابي اودعك قبل لاسافر
غاده:امانه راح تسافرين
جومانه:ايه راح اسافر جده وحبيت اودعك قبل ماسافر
غاده:الله يستر عليكم لا اوصيك في منصور
جومانه:افا عليك بعويني
وطالعت في الساعه ,,وتكلمت بسرعه:غدو حبيبتي يلا
باي منصور بيجي الحين,,وقفلت الخط وقامت بسرعه
عشان تخرج الشنط
بيت الجده نوره
رفعت الجده نوره يدها لفم منصور بمعنى اسكت بعد
ماشافت العجز واضح من عيونه:افظالك ياولدي مغطيتنا
ولاانا ولا هالبنت الي وطت راسي وحطته بتراب
رفع منصور عيونه لها: لاتقولين افظالي الي عندي هو
حلالك وماعاش من ينزل راسك
طالعت الجده في احلام بنظرة ندم واحلام رمت بنفسها
في الارض وحطت رسها على الدرج وغطت وجها وبكت بصوت عالي
طالع فيهم منصور ومسك يد الجده نوره:طلبتك ياجدتي تعطيني فرصه استر عليها لكن بلعقل
الجده نوره:شنو تقصد
طالعت فيهم احلام بخوف وبنفسها يبون يذبحوني
منصور:عطيني فرصه اطلع فيها الي اعتدى عليها
واخليهايستر عليها صدقيني لو نسكت عليه مصيره
يعتدي على بنات الناس خليني اادبه واعلمه
كيف يتعدى على شرف الناس
الجده نوره:وان مالقيته او انك لقيته ورفض او انكر وش نسوي
نزل راسه ووشد شفاته وقبض على يده:في هالحاله راح
اتزوجها زواج على الورق بس واستر عليها لكن ماعليك انا
منصورقدها والله لعلمه كيف يعتدي على شرف الناس
قربت منه الجده ومسكت يده:ادري ياولدي اني حملتك
فوق طاقتك وادري ان لا لك ولا لزوجتك ذنب لكن مالي
ولد في هالدنيا الا انت كلهم تركوني
تذكر جومانه وعقد حواجبه وتنهد طالع في الجده نوره
وباس جبينها:انا ولدك وتامرين علي امر ماتمنيت انك
تنخيني في شي الا هو في غمض البصر عندك لكن
ماقدر اضحي بزوجتي عشان وحده ,,وطالع في احلام من
فوق لتحت,,تبعت طيشها وماقدر اخرب حياتي عشانها
تنهدت الجده:مالومك ياولدي لوتقول عنها أي شي وانا
اسآسآ اخطيت يوم طلبتك تتزوجها لكن ضاع عقلي ومالقيت الا هالحل
انتبه لجواله يدق ولماشاف اسمها تنهد ورد:هلا
جومانه:هلا حبيبي ,,,وينك
منصور:كلها نص ساعه واكون عندك انزلي تحت
رفعت احلام راسها وعرفت انه يكلم جومانه وطالعت فيه بحقد
حست فيه جومانه من صوته الي باين عليه
الضيقه:حبيبي فيك شي
منصور وهو يطالع احلام الي منزله راسا وتبكي:لا مافيني شي بس شوية ارهاق
قفل الخط وطالع في الجده نوره:استاذن وراى سفر
الجده نوره بحيره والم:الله يستر عليك,,
طالع في احلام وقرب منها وسحب شنطتهابقوه ونثر كل
الي فيها بلارض وطاح الجوال وشاله وطلع اخر رقم لقاه باسم احمد
طالع فيها:احمد تدرين وين بيته
رفعت راسها وهزته بمعنى لا
دخل الجوال بجيبه وعطاها ضهره ومشت معه الجده لحد الباب
التفت منصور وطالع في احلام وتكلم بصوت عالي وهو
ياشر على احلام:هذي مابيها تعتب الباب الين الاقي لها حل
ومسك كتف جدته وهمس بذونها:لازم تقسين عليها
عشان تحس بخطاها ودامني معكم لاتخافين انا راح
اجيبه واخليه يتزوجهاغصب عنه
وطلع من البيت وفي قلبه الم على جدته الي نخته يتزوج
بنتها وهورفض وبنفسه مابي اضيــع جومانه بعد
مارجعتلي الحياه انا احبها ووعدتها ومستحيل اخيبها
اواخلف وعدي معاها تموت احلام ولا اخسر جومانه
طلع جواله وارسل رساله كتب فيها(استاذخالد الفهد ابيك
اتطلعلي صاحب هالرقم(0.......0)ضروري وفي اقرب وقت
اجمع لي كل المعلومات الي تخصه واذا تقدر تحضره لي
راح اكون شاااكر لك)
فتح قائمة الاسماء واتصل على اسم غزالتي الكحيله
منصور:حبيبي جهزتي
جومانه:ايه جاهزه انتظرك
منصور:اذن دقايق بطلع ابدل ملابسي ونتحرك
جومانه:اوك انتظرك
عند منار وريان
ريان:منار انتي بعد يومين بتدخلين الخامس
منار:ايه بديت احس بحركته اكثر من الاول
قرب منها وحط يده على بطنها:ليش مايتحرك
منار:هههههه نايم
مسكت يده وابتسمت؛حبيبي اطلب منك طلب
ريان:امري
منار:ماعليش انروح نكشف على جنس الطفل
عقد حواجبه:مستحيل
منار:الله يخليك
ريان:انتي تعرفين راي في هالموضوع ليش تكررينه
منار:لاني متشوقه اعرف شنو الطفل ولد او بنت
ريان:وليش مانخليه مفاجئه
منار:مصيرنا نعرفه ليش انأجله
ريان:قلت مستحيل خلاص قفلي الموضوع
قامت منار وشالت كاسات العصير وطلعت برا الغرفه وهي متضايقه
عند منصور وجومانه
اول مادخل الجناح شاف جومانه جالسه بصاله تنتظره
تنهد وغمض عيونه وابتسم لحد ماضهوت غمازته الي تنجن عليها جومانه
ابتسمت جومانه وشالت ملابسه وعطتهم له:بدل ملابسك وانا بنتظرك هنا لاتتاخر
طالع فيها وابتسم وسوى نفسه مبوز ورجع بضهره على الجدار:يعني مااحد بيلبسني ملابسي
حمرت خدود جومانه ونزلت راسها
قرب منصور ولمس خدها وهو يضحك:انا مايذوبني الا
حياك لكن ياويلك من في جده راح انفرد فيك
ودخل غرفة النوم عشان يبدل ملابسه
بعد مرور ساعتين في احدى الفنادق الضخمه بجده
جلس منصور على كنب منفرده يفكر في مشكلة احلام
والهم مغطي ملامحه وكان ماسك جواله ويطالعه بعيون
تايهه وبسرحان
دخلت جومانه وكانت لابسه بيجامه استغربت انه مانتبه
لها راحت من وراه وحطت يدينها على راسه
وحركت اصابعها على راسه بهدوء
انتبه لها منصور وتنهد وغمض عيونه واسترخى بكل جسمه
جومانه بصوت هادي:حبيبي فيك شي
تنهد وبنفسه اخاف اقولك الموضوع واخسرك واخاف
اسكت وتعرفين من غيري واخسرك,,فتح عيونه وشال يده
وحطها على رقبته:حتى لو في شي دامك بقربي راح انسى كل همي
ومسك كفها بهدوء وسحبها لحد ماجلسها بحضنه نزلت
جومانه راسها بحيا,,تكلم منصور بصوت مبحوح:جنني خجلك
رجع راسه على ورى وتذكر كلام امه(ام منصور:ياولدي
ماتحس انكم تاخرتو ليش جومانه ماحملت للحين
حس منصور بتوتر:ليش مستعجله يمه العمر طويل
ام منصور:ياولدي ابي اشوف عيالك قبل لاموت
رد عليها منصور بخوف:عقب عمر طويل يومي ولا يومك يمه
ام منصور:اخاف لاتكون مثل عمتها وماتنجب
عقد حواجبه وقبض يديه:الله يهداك يمه شنو هالكلام
ام منصور:لاتفكر ياولدي اني راح اصبر وانتظر جومانه لين
تحمل بعد كم سنه لكم هالشهرين تحللون وتشوفون من التاخير منه
رفع حواجبه مستغرب:يمه اشفيك اسلوبك غريب ليش تتكلمين بهالطريقه
ام منصور بحزن:ياولدي الله يخليك حس فيني والله ابي اشوف عيالك قبل لاموت
تضايق منصور وفك الزرار الاول لثوبه:يمه كلامك خوفني تحسين بشي متعبك
ام منصور بتوتر:لا ياولدي مافيني الا سلامتك
منصور:طيب يمه لاتنطقين على نفسك بشين
قام منصور وفي قلبه خوف غريب وباس جبين امه وطلع جناحه)
جومانه وهي تضرب خد منصور بخفه ونعومه:ننو حبيبي وين سرحت
فتح عيونه وابتسم:افكر فيك,,يلا خلينا ننام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك