رواية صرت اغار انا منها عليها -26
قام منصور وفي قلبه خوف غريب وباس جبين امه وطلع جناحه)
جومانه وهي تضرب خد منصور بخفه ونعومه:ننو حبيبي وين سرحت
فتح عيونه وابتسم:افكر فيك,,يلا خلينا ننام
بيت ابو ريان
صحت منار وهي تحس بصداع غريب طالعت جمبها مالقت
ريان قامت ووضت وبدلت ملابسها بروب حمل وصلت
وشالت جوالها ونزلت تحت شافت ريان وتركي يلعبون مع
بعض وابتسمت وراحت المطبخ وخذت لها كابتشينو
ورجعت لصاله
منار بهدوء:صباح الخير
ريان:صباح النور
شغلت التلفزيون وجلست بدون ماتتكلم
ريان مستغرب:منور فيك شي
طالعت فيه:لا مافيني أي شي
ريان:انتي باقي زعلانه عشان سالفة البارحه
منار وهي تطالع بتلفزيون:وليش ازعل انت امرت وانا وانفذ
عقد حواجبه وطالع في تركي:حبيبي تركي روح عندماريا
خلها تطلع العابك في الحديقه
قام تركي وشال لعبته وطلع من عندهم
وريان قام وجلس على الجلسه الي جمب مناروتكلم
بصوت منخفض:من متى وانتي تكلمني وانتي معطيتني ضهرك
ماطالعت فيه منار ورجعت تقلب في القنوات وكانه ماتكلم
تكلم ريان وهو شاد على اسنانه:منار اضن اني اتكلم
التفت له بدون ماتطالعه وحطت كاسها عاطاوله:اعتقد
اني اسمعك مو بلازم انك لاتكلمت اناظرك
ريان وعلامات الاستغراب واضحه على وجهه:وش هالحركات
قامت منار وشالت كاسها ومشت بدون ماترد عليه
قام ريان بسرعه ولحقها والعصبيه واضحه عليه ومسك
ذرعها ولفها لجهته بقوه:اذا كلتمك تردين علي مو
تعطيني ضهرك,,وسكت شوي ونزل عيونه ثم رفعهم
بعصبيه وترك يدها وطلع برا البيت
ومنار راحت المطبخ وطلبت من الشغاله تقدم الغدا
ورجعت تجلس مع عمها وعمتها
ابو ريان:منار وين زوجك شفته طالع وكانه معصب
ردت منار بتوتر وخاصه انهم لاحضوه:مادري ياعمي يمكن انه طفشان
نزلت راسهاحطت يدها على جبينها وضغطت عليه بقوه وتنهدت ومانتبهت للي دخل وجلس قبالها
ام ريان:منار فيك شي لايكون تعبانه مانتي عاجبتني
رفعت راسها والتقت عيونهم وطالعت في عمتها:لا
مافيني شي لكن طفشانه وبروح لاهلي الليله اشتقت لهم
طالع فيها مسغرب ورجع يقلب بالجوال
ام ريان:ايه يابنتي اطلعي عشان ترتاحين لاتحبسين
نفسك بلبيت لو ادري انك تحبين جلساتنا يالكبار
كان شلتك معاي
منار:ماتقصرين يالغاليه
دخلت عليهم االشغاله ونادتهم للغدا وكلهم قامو الا منار
طالعت فيها ام ريان:يلا يابنتي للغدا
منار:مشكورامالي نفس اذا جعت باكل
طالع فيها ريان وحرك راسه ومشى
ابو ريان وهو واقف عند الباب:يابنتي تراك حامل لازم تتغذين
طالعت في ريان الي مشى بدون مايقولها شي وردت
على عمها:لاتخاف ياعمي راح اتغذى
بعد ماطلعو من عندها شالت جوالها من عالطاوله وتذكرت
الي مضايقها وتنهدت واتصلت على امها
منار:مساء الخير
ام منصور:مساء النور يابنتي
منار:كيف حالك يمه طمنيني عنك
ام منصور:ابشرك احسن من اول
منار:رحتي المستشفى
ام منصور:ايه
منار:ها وش قالو لك
ام منصور:سولي شوية كشوفات وعطوني علاجات
منار:طيب ماقالو لك شنو نوعية الورم
تنهدت ام منصور:لا ماقالو ,,وسكتت شوي,,لايكون احد عندك
منار:لا يالغاليه مافيه الا انا بصاله
ام منصور:انتبهي يابنتي لاحد يدري
منار:ابشري مع اني معارضه سالفة سكوتنا على الموضوع
ام منصور:لا تتكلمين وبس
منار:ابشري يايمه تامرين امر
قفلت منار الخط وطلعت غرفتها وقفلت الباب وفتحت
الراديو ورفعت الصوت في حده وجلس على طرف السرير
عند غاده
ام غاده:يمه ياغاده جوالك يدق
غاده:دقايق واجيك خلي اجهز قهوتنا
دخلت غاده عند امها وحطت القهوه وصبت لامها فنجال وجا في بالها بدر وابتسمت
ام غاده:ليش مبتسمه
غاده:تذكرت شي
ام غاده وهي تبتسم:وشنو هالشي
وفي هالحضه رجع جوال غاده يدق وشالته وابتسمت
وردت:هلا بلغالي
راشد:هلا فيك
غاده:غريبه ليش متصل لايكون تبي فلوس ترى ماعندي
ضحك راشد:الا عندي لك علوم زينه
تربعت غاده:هاه قول شنو هالعلوم
راشد:فيه واحد تقدم لك اليوم وابوك وافق عليه
سكتت غاده والابتسامه والفرحه مغطيه ملامحها
راشد:مشاء الله رجال كفو ونشمي وانا سالت عنه والكل يمدحه
تذكرت غاده بدر ووعده لها انه بيخطبها وابتسمت وبنفسها الله لايحرمني منك
راشد:معه شركات في جده والكويت واسمه هشام وعمره 30
فتحت عيونها وقامت بسرعه طالعت فيها امها مستغربه لكنها طنشت ورجعت تتقهوى
طلعت غاده لغرفتها وتكلمت بصوت يملاه الخوف:رشود انت من جدك
راشد:اشفيك ايه من جدي تراه رجال ماينرد وفوق هذا
ابوك الموقر مانتظر ردك وافق عليهم على طووول
امتلت عيونها دموع ورحعت ضهرها على طرف التسريحه
وتنهدت
راشد:بنت ترا ماينرد
غاده:مستحيل اتزوجه
عصب راشد:ليش انتي تعرفينه عشان ترفضينه ولا دلع بنات وبس
غاده تحس ان الدنيا اتدور من حولها رفعت يدها لفمها عشان تكتم شهقاتها
راشد:ليش ساكته انا عني موافق عليه وبنسبه لموافقتك ابوك وافق بدالك
تكلمت غاده بلغصب:راشد انا بقفل الحين امي تناديني
راشد:اوك فكري لان ملكتك الاسبوع الجاي
غمضت عيونه وعضت على شفاتها ونزلت دموعها على
خدها وقفلت الجوال
رمت بجوال على السرير ورمت بنفسها بعده وجلست
تبكي وتكلمت بصوت مخنوق:ليش يبه تبي تخرب حياتي
في طفولتي وحتى في زواجي
تبي تعيشني بتعب وحزن طول عمري
ارتفعت من على السرير وهي تمسح دموعها:مستحيل
اخليك تخرب حياتي بعد مالقيت الانسان الي حبيته
وبنفسها وينك يابدر ليش تاخرت حرام عليك
طالعت في جوالها وشالته واتصلت على رقم خوية دربي
لكنها ماردت ورجعت تدق وهي تتكلم بصوت متقطع:الله
يخليك ردي علي محتاجه لك
عند منار
طلع ريان وسمع صوت الاغاني مغطيه المكان وفتح باب
الجناح ودخل وقفل الباب بسرعه وتوجه لغرفة النوم
ومسك مقبض الباب وحركه لكن الغرفه مقفله حركه بقوه
ودق الباب لكن ماحد يرد رجع ودق بقوه وسمع الباب
ينفتح حط يديه على خصره وطالع فيه وهو عاقد حواجبه
ودخل بسرعه وطفا الراديو:خير ان شاء الله ليش راافعه الصوت بهالطريقه
مشت منار وشالت عباتها وشنطتها وطلعت برى
الغرفه,,طالع فيها ريان وحس ان راسه صدع من العصبيه
طلع من غرفة النوم وضرب بالباب بقوه ووقف موااجه لها
حاولت تتحرك لكنه ماخلاها
تكلم بصوت عالي:تشوفيني طفل قدامك عشان تمشين وانا اتكلم
منار:ليش ارد على واحد يعاملني كاني طفله كل شي يبه على كيفه
ريان:اشفيك انجنيتي
حركت راسها بمعنى ايه وتكلمت بصوت واطي:بعد خلني
اتحرك ابي انزل السواق ينتظرني عند الباب
فتح عيونه بعصبيه:نعم نعم وش دخل السواق وانا موجود ومن طلبه
بعدت منه:انا طلبته
طلع الجوال واتصل على السواق:الو,,لاتنتظر المدام ماراح تخرج
قفل الجوال واشر لها بيده بمعنى لا:لاتفكرين تطلعين من
البيت بدون ماتقولين لي,,وسكت شوي وخذ
نفس:لاتفكرين اني سكت لما تكلمتي عند اهلي عشان
شي انا سكت لاني مابي افشلك قدامهم
جلست على طرف الكنب:اعتقد اني ماخطيت انا طلبت اروح لهلي
ريان:لا انتي ماطلبتي انتي قررتي وكلمتي السواق ولاكاني موجود
منارببرود عكس الالم الي بقلبها:طيب ممكن تروحني لاهلي
ريان:مافيه طلعه اليوم لاي مكان خليك مره ثانيه تعرفين
ان معك رجل في البيت مو تتصرفين من راسك
وشال مفاتيح سيارته وجواله وطلع من الجناح ومن البيت بلكامل
رفعت منار يدها لوجها وبكت من قلب وبعدها طلعت
جوالها واتصلت على كومار
منار:كومار تعال ابي تروحني بيت ابوي
وقفلت الخط ونزلت تحت تنتظر
عند منصور وجومانه
صحت وهي تحاول تفتح عيونها وشالت جوالها الي له فتره وهو يدق
التفت لها منصور وهو مقفل عيونه وحط يده على بطنها
وتكلم بثقل:قفلي هالجوال ولا صمتيه ازعجني
عطته ضهرها وردت:هلا غدو
غاده وهي تبكي:جومانه ليش مارديتي علي حرام عليك لي ساعه ادق
جومانه:كنت نايمه اشفيك
غاده:تخيلي فيه واحد تقدم لي وابوي وافق عليه وبدر واعدني يكلم ابوي هالاسبوع
ارتفعت جومانه وبعدت يد منصور من على بطنها بهدوء
ونزلت من على السرير وطلعت برى الغرفه وقفلت الباب بهدوء
جومانه:غدو قفلي ربع ساعه واكلمك
غاده:طيب اساسا امي تناديني بروح اشوف وش تبي
جومانه:اوك يلا باي
قفلت الخط ودخلت غرفة النوم بهدوء وراحت غرفة
الملابس وجهزت لهافستان رمادي وخذت روب الحمام
ودخلت تتسبح وسيحت شعرها وطلعت ولبست الفستان
وجزمه رمادي وبروش وورده حمرا على طرف وطلعت
ولقت منصور باقي نايم ابتسمت وطلعت من عنده وصلت
وبعدها راحت للمطبخ طلعت لها عصير برتقال وطلعت
لصاله
وشالت جوالها تبي تتصل على غاده انتبهت لرساله
فتحتها(بقولك كلام وانتي فكري فيه انا حبيتك وتعلقت
فيك لحد الجنون ادري ان الي انا اسوي خطا لانك متزوجه
لكن احس لو ماتكونين لي راح اموت
كل مأتذكر انكم في جده وانه منفرد فيك اتجنن,,ارجوك
فكري فيني)
حطت يدها على صدرها وهي تتنفس بقوه من الخوف
وبنفسها وش يبي يسوي هالمجنون وش عرفه اني
بجده طالعت في الجوال ومسحت الرساله بسرعه
انتبهت لجوالها يدق وردت بسرعه
في بيت ابومنصور
سمر:منار شوفي هالفستان هديه من امي لي
شالته منار وبقلبها حزن وطالعت في امها:روعه,, دائما امي لها ذوق في الملابس
ام منصور:مانسيتك هديتك فوق بغرفتي
منار:ياقلبي يايمه مشكوره
ام منصور وهي تضغط على بطنها:اخ العفو
منار بخوف:يمه تحسين بالم
ام منصور:الم خفيف لاتخافين
سمر:دائما اسمعها تتوجع من الالم وقالت لااقول لابوي ولا منصور
منار تصرف سمر:حبيبتي سمور روحي جيبي هديتي من غرفة ماما
قامت سمر:طيب بس يمكن اتاخر بروح لغرفتي اول
منار:عادي خذي راحتك
التفتت منار لامها وهي تحاول تحبس شهقاتها ماتبي
تبكي قدام امها:يايمه ياحبيبتي خلينا نطلعك برى
المستشفيات الي بلخارج احسن من هنا
ام منصور:يابنتي مافيني الا العافيه لاتفكرين كثير وللحين ماعرفو شنو نوعية الورم
منار:يمه تبينا نجلس لحد مايعرفون نوعيته
كانت ام منصور بتتكلم لكن سمعو صوت الباب يدق
قامت منارتشوف من واستغربت لان الباب فاتح وشافت
صقر واقف عند الباب
صقر:اسف ازعجتكم لكن بغيت عمي ابو منصور
منار:والله مو هني يمكن في الديوانيه ليش محتاج شي
صقر:لا ابيه بموضوع صغير
منار:طيب اتصل بجواله
صقر:ان شاء الله ,,يلا مشكوره اختي منار
منار:العفو,,الله لايهينك اخوي صقر ناد عمتي ام رنى تجي تسولف معانا
صقر:طيب
رجعت منار ومالقت امها بمكانها وانتبهت لجوالها يدق
راحت وشالته ولقته روح روحي يتصل بك حولته على
الصامت ودخلته بشنطتها وراحت غرفة الحلوس
عند جومانه
جومانه تتكلم وهي معصبه:وين عايشين يوافق بدون مايسالك
تنهدت غاده:مااادري المشكله حتى رشود اموافق عليه ومقتنع فيه كثير
جومانه:حرام وبدر احس انه تعلق فيك
غاده:الله يخليك لاتذكريني تريك تقطعين قلبي
جومانه:طيب ليش ماتصلين صلاة الاستخاره
غاده:جوجو الله يهداك كيف استخير وابوي متمم ومواافق
جومانه:طيب كلمي ابوك وقولي له انك ماتبين هالي متقدم لك
غاده:مستحيل تدرين ياجومانه بعلاقتي بابوي انسان من
يوم انخلقت وهو مايدري وين اراضيي احس لو نلتقي بشارع مانعرف بعض
جومانه:يابنت الحلال (عسى ان تكرهو شيئآ وهو خيرآلكم)يمكن هذا نصيبك
غاده:جوجو تدرين كيف تعلقت في بدر ماقدر الحين افكر بغيره
جومانه:ايه ادري لكن مابليد حيله,,وكلي امرك لربك وهو راح يحلها
غاده:ونعم بـاالله
انتبهت جومانه للي واقف عند الباب طالعت فيه ابتسمت
تكلم منصور بصوت منخفض:صباحك ومسائك انا,,وحط يده على شفاته وارسلها بوسه
ابتسمت جومانه غطت سماعة الجوال بيدهاوحطته على طرف:صباحي ومسائي طلتك الحلوه
ورجعت وحطت الجوال عند اذنها
ومنصور ابتسم بحب ورجع لغرفة النوم
جومانه:غدو يالغاليه صدقيني وكليها على الله وهو راح
ييسر الامور ويختار لك الي فيه الخير
غاده:اللهم اني وكلت امري لك,,وسكتت شوي,,يلا
حبيبتي جوجو تعبتك معاي روحي لزوجك
جومانه:لاتعب ولا شي تعبك راحه
وقفلت الجوال وقامت لغرفة النوم وسمعت صوت الماي
بلحمام وراحت ورتبت السرير وفتحت الدرايش وطفت
المكيف وشغلت الانوار
طلع منصور وهو لاف المنشفه على خصره وصدره
مكشوف وشعره متناثر على وجهه وطالع بوجهه شعر خفيف
اول ماشافته جومانه نزلت راسها بحياوتوجهت لباب تبي تخرج من الغرفه
ابتسم منصور:ياويلك لوتطلعين بلحقك وانا بلمنشفه
طلعت جومانه وهي تضحك بضحكه مبحوحه ذوبة منصور
طلع بعد ماشال شي من جيب بنطلونه وتبعها وهي
انتبهة لها وتجمدت مكانها كان شكله روعه ولاحظت انه مرجع يديه وراه
قرب منها لحد ماختلطت انفاسهم
وعيونه تحكي شوقهم وحنينهم لبعض
ضمها منصور على صدره وبعدها عنه ورفع يده لشفاتها لمسها بطرف اصابعه
وطلع يده الثانيه الي كانت ورى ضهره
طالعت جومانه الي بيده وابتسمت:شنو هذا من وين جيبته ماشلته معاي
منصور:شلته وانا في الفندق
ورفع الروج الاحمر لشفاتها
جومانه وهي تضحك:وش تبي تسوي
منصور:ابي احط لك روج عندك أي اعتراض
جومانه:اكيد ايه
منصور:لاتعترضين واشر على شفاتها هذا من ممتلكاتي
وخصوصياتي مالك دخل فيها
حمرت خدود جومانه ونزلت راسها وهي مبتسمه
ابتسم منصور ورفع رسها ورفع الروج وحطة على شفاتها
ومرره عليها بخفه وجومانه تطالع عيونه بهدوء
بعد منصور الروج وطالع في عيوها التايهه فيه ونزل بعيونه
لخشمها ثم لشفاتها الحاده الناعمه الي غطاها اللون
الاحمر وقرب منهاوطبع بوسه طويله على شفاتها
نزلت جومانه راسها لانها استحت منه ومن حركاته الي ذوبتها
حس منصور انها استحت لان هذي نقطة ضعفه وضمها
بقوه وجلسها بحضنه وهمس بذونها:احبك يامجنونه
رفعت جومانه يدها لشفايف منصور وابتسمت ومسحت
الروج من شفايفه ورجعت راسها على صدره
يـاروعـة الـضـمـه ؟ عـلـى صـدر مـِشـتــاق
مــع واحـــداً ؟ دايــــم تـمـنـى ؟ تــضـمـه
لاتـرجـمـت صـدره ؟ تـعـابـيـر الاشـــــواق
ومــن الـغـلا ؟ تــشِـــده عـلـيـك ! وتـلـمـه
كـنـك تحـس إنـه ؟ بـعـد ضـمـه إفـــــــراق
تـِشـد فـي ضـمـه ؟ وهـــو ؟ ازداد هـــمـه
يـفـوح ريح الـعـشـق ؟ من بـيـن الافــــــاق
واكـيــد مــع ضـمـه ؟ تـمـــنـى تـِـشــــمـه
إحسـاسهـا ؟ فـي داخـل الجـسـم يـنــساق
بـيـن الـعـروق ؟ إلـى حــدود ! الـمـطـمـه
وهـنا المـطـمـه ؟ رعـشـة ً تـتـبع إرهــــاق
مـنـهـا الـجـسـم ؟ مـاكــن ! يـكـفـيـه دمـه
من بعـدها تحس بـ غـلا الشخـص بأحـراق
وتـجـلـس تـمـنى انـك ؟ تجـيـه وتـضـمـه
وتـجـلـس تـمـنى انـك ؟ تجـيـه وتـضـمـه
وتـجـلـس تـمـنى انـك ؟ تجـيـه وتـضـمـه
بيت ابو ريان
في جناح ريان ,,,جلس على كرسي التسريحه وهو
معصب وطلع جواله ورجع يدق لكن ماحد يرد
طلع رقم السايق واتصل عليه:من الي سمح لك تروح المدام لبيت عمي
السايق:يابابا مافي انا هذا كومار هو الي روح مدام
قفل الخط وشال مفاتيح سيارته وطلع برى البيت وركب سيارته وتحرك بسرعه
وقف عند بيت عمه ابومنصور ودخل للحديقه وشاف محمد وقاله ينادي منار
دخل محمد وكانو مجتمعين وقف محمد وطالع في منار
محمد:خالتي عمو ريان ينتظرك في الحديقه
انصدمت منار وش الي جايبه الى هنا وتذكرت انه صمتت جوالها العصر
نزلت عيونها ورجعت ورفعتهم:حمودي خلاص انا بجي عنده الحين
انتبهت ملاك لتوتر منار لانها من لما جات من عصر وهي
تحس ان منار متغيره وبنفسها غريبه اشفيها هالبنت
حتى لما جيتهم العصر كان استقبالها لي بااارد الله يستر
ام منصور:حمود قله يدخل للمجلس
طلع محمد ورجع لهم:قال لا ماراح يدخل يبي منار دقايق وبيروح لانه مستعجل
طالعت ملاك في منار مستغربه:منار شفيك قومي زوجك ينتظرك وانتي للحين جالسه
قامت منار بدون ماتنطق بكلمه وطلعت للحديقه شافت
ريان معطيها ضهره ويحرك التراب بجزمته بطريقه قويه
مشت بهدوء لحد ماوصلت له
حس فيها ريان والتفتت وهو عاقد حواجبه ومرجع ايدينه
وراه :دقايق وانتي بسياره وفي البيت بنتفاهم على
طلعتك غصب عني
منار ودمعتها بعينها وتتنفس بشده عشان ماتبكي:ريان
الله يخليك ابي انام عند امي الليله وبكره برجع معاك
انتبه لها ريان وقرب منها:منار انتي تبكين اشفيك صاير شي
ضمته منار وبكت بصوت مسموع:تعبانه ومتضايقه حيل احس اني الدنيا ضايقه فيني
بعدها ريان ورفع يده لوجها ومسح دموعها:حبيبي لاتخوفيني فيك شي تكلمي
مسحت دموعها وخذت نفس:مافيني شي ضيقه خاطر وبتروح
ريان:طيب وش السبب لايكون عشان تعرفين نوع الجنين اذا عشانه يله الحين نروح كله ولاشوف دموعك
منار:لا موعشانه متضايقه بدون سبب خلني انام الليله عند هلي وصدقني برتاح
ريان:خلاص دام بترتاحين نامي عندهم الليله مع اني مادري كيف بيجيني النوم
منار:بكره وانا عندك اصبر شوي حتى انا مدري كيف بنام
بدونك لكن احس نفسياتي راح تتحسن اذاغيرت جو ونمت عند اهلي
باسها ريان خدها ومسك يدها:طيب عالاقل تعالي خل
نسولف شوي لاني بشتاقلك وانتي بعيده عني
عند بدر ومشاري
بدر:كلمت ابوي بلموضوع وقال عالاسبوع الجاي راح نخطب غاده
مشاري:الافضل يكون بين الحريم كلام قبل لاتتقدمون
بدر:ايه سوسن قالت راح تكلمها هاليومين
مشاري:انا بروح اخطب مي بكره كلمت اخوها وقلت له راح نجيهم هاليومين
بدر:طيب اخوانك بيروحون معاك
تنهد مشاري:كلمت اخوي الكبير وقال انه مشغول مايقدر
يروح معاي واختي كلمت امها
بدر:يعني اقولك مبروك من اللحين
مشاري وهو يضحك:ايه اكيد بارك لي
عند منصور
في احدى مطاعم جده الساعه 10 مساء منصور وجومانه جالسين يتعشون
جومانه:اشتقت لاولاد صقر
منصور:لاتكثرين بلحكي عنهم ترى اغار
ابتسمت جومانه:مستحيل يوصلون لغلاتك عندي
نزل راسه وحرك الملعقه بصحن :اتصدقين صقر كلمني
يقول يبي يرجع لبيته وام رنى راح تنتقل عند اقارب لها
في ابها طبعا بعد ماتتطمن على اولاد بنتها
طالعت فيه بحزن:طيب ليش ينتقلون من عندنا بعد
ماتعودنا عليهم وبعد ماتعلقت بلاولاد وام رنى كيف بتترك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك