رواية صرت اغار انا منها عليها -27
عند منصور
في احدى مطاعم جده الساعه 10 مساء منصور وجومانه جالسين يتعشون
جومانه:اشتقت لاولاد صقر
منصور:لاتكثرين بلحكي عنهم ترى اغار
ابتسمت جومانه:مستحيل يوصلون لغلاتك عندي
نزل راسه وحرك الملعقه بصحن :اتصدقين صقر كلمني
يقول يبي يرجع لبيته وام رنى راح تنتقل عند اقارب لها
في ابها طبعا بعد ماتتطمن على اولاد بنتها
طالعت فيه بحزن:طيب ليش ينتقلون من عندنا بعد
ماتعودنا عليهم وبعد ماتعلقت بلاولاد وام رنى كيف بتترك
الاولاد عند صقر وهو لوحده ماعنده احد يهتم فيهم
منصور:هنا الموضوع المهم
استغربت جومانه ونزلت ملعقتها وخذت كاس العصير:شنو هالموضوع
شال منصور فاين ومسح يدينه وفمه:ام رنى وصقر ارتاحو
لحنان وحسو ان الاطفال متعلقين فيهاعشان كذا ام رنى
اقنعت صقر انه يتزوج بحنان
فرحت جومانه وابتسمت:ياقلبي ياحنون هالبنت طيوبه واسم على مسمى حنونه حيل
منصور:ابيك تكلمينها وتشوفين رايها وتردين لنا خبر
جومانه وهي تاشر لعيونها:من عيوني
منصور:تسلم لي الكحيله
كانت جومانه بتتكلم لكن قطع عليهم صوت جوال
منصورشال الجوال وكان المتصل (خالد الفهد)رد عليه منصور بسرعه
منصور:هلا خالد
خالد:هلا فيك استاذ منصور
قام منصور واشر لجومانه بمعنى انتظري هنا شوي وراجع
حركت راسها بمعنى طيب
وطلع من المكان الي هو فيه وجلس على احدى الطاولات المنفرده بلمطعم
منصور:ها خالد طمني
خالد:استاذ منصور جمعت المعلومات عن صاحب الرقم اسمه احمد بن مساعد الـ....
فتح منصور عيونه بقوه من الصدمه:شنو انت تدري منو
مساعد متاكد من معلوماتك يمكن تكون غلطان
خالد:لا متاكد حتى انا انصدمت انه ولد الامام مساعد
ماتوقعت ابوه شيخ كبير وامام مسجد لكن خلني اكملك باقي المعلومات
منصور:اسف قاطعتك لاتلومني من الصدمه
خالد:ياطويل العمر ابوه متبري منه من تقريبا سنتين لانه
اعتدى على بنت جارهم ورفض مايسترها ويتزوجها وفي
هالحاله ابو البنت مالقى حل الا انه يقتل بنته لان احمد
طلع نفسه بريئ وقال ان ماعتدى عليها وان البنت كانت راضيه
مسك منصور راسه بيده الثانيه وغمض عيونه بقوه:لا ياأحمد يالحقير
خالد:طبعا مايشتغل ومعه صديق واحد بس واسمه وليد
وهو مثله ولد فقر وعندهم عماره قديمه بحي الــ......
وهذي هي المخبا تبعهم وتقريبا انهم يصورون البنات في
هالعماره ويهدوونهم بصورهم والمشكله ماحد قدر
يمسكهم للحيـن,,سكت شوي,,نسيت اقولك
معه سياره قديمه وانسجن قبل ثلاث شهور على سرقة
محلات,,سكت وبعدها تكلم,,هذي كل المعلومات الي انت تبيها
منصور والدنيا اتدور فيه:خالد ابيك تطلب لي الملازم رائد ضروري لاتتاخر
خالد:استاذ منصور ممكن سؤال
قام منصور ودخل يده بجيبه:تفضل
خالد:وش تبي في مثل هالاشخاص الي مثل احمد مو
من مستواك لاتقرب منهم وتوسخ نفسك فيهم
منصور:خالد مشكور انا عارف شغلي اهم شي اطلب لي الملازم رائد باسرع وقت
قفل الخط وضرب الطاوله بقوه وبنفسه يتوعد لاحلام واحمد
رجع عند جومانه ,,طالعت جومانه بساعه الي
بيدها وهي مبتسمه:تدري ان لك عشر دقايق مخليني لوحدي
منصور وهويطالع بلجوال:انشغلت شوي
استغربت جومانه على رده السطحي لكن ماحبت تزعجه
طالع فيها منصور:يلا مشينا
قامت جومانه وشالت شنطتها وضبطت شيلتها ومسك يدها منصور وطلعو
ركبو السياره وكان منصور طول الطريق تايه يفكر وجومانه
تفكر في رسالة رعد وفجئه طلعت له سياره من
الطرف اليمين لشارع ومنصور سحب بسرعه
بيت ابومنصور
صقر:ياعمي ابومنصور انتو ماقصرتو معاي طول فترة تعبي
حتى اولادي حسيت ان كانهم اولادكم من
اهتمامكم وصرفيتكم عليهم
ابومنصور:ياولدي صدقني ماحسبك الا مثل اولادي وزعلتني لما طلبت هاطلب
صقر:صدقني ياعم ضروفي تحسنت وعملي راح ارجعله
هاليومين ماقصر ابو راشد وافق ارجع لشغلي
ابومنصور:دامك مصمم الله ييسر امورك مابليد حيله
قام صقر وباس راس ابومنصور:مشكور ياعم لاخلى ولاعدم
ابومنصور:الله يسلمك ياولدي
طلع من عنده صقر وهو مرتاح وراح لاولاده عشان يقولهم هالخبر
عند غاده
من لما عرفت بلخبر وهي مقفله عليها بغرفتها وامها تهدي فيها لكن بدون فايده
اتصلت عليها مي وهي فرحانه وخبرتها ان مشاري راح يتقدم لها هاليومين ويخطبها
بكت غاده من كل قلبها لما سمعت هالخبر لانها تذكرت
كلام بدر(بدر:انتظريني راح اتقدم انا ومشاري ونخطبكم
انتي ومي وبيكون زواجنا بيوم واحد)
خافت مي لما سمعت صوتها تبكي
مي:غدو ليش تبكين
غاده:تقدم لي واحد وابوي وافق عليه
حطت مي يدها على فمها:ليش
غاده وهي تضرب بيدها على وسادتها وتبكي:مادري ,,مادري
مي:غدو صلي على النبي اهدي شوي
غاده:كيف تبيني اهدا وابوي يبي يزوجني بواحد مااابيه
والمصيبه انه كلم امي وقال ان الملكه الاسبوع الجاي
مي:طيب وش بتسوين
غاده وهي تدور بلغرفه:مادري
عند منصور وجومانه
وقف السياره وطالع في الي قدامه تاكد انه ماصار فيه
شي وحرك السياره ولف فيها على طرف الشارع
وناظر في جومانه الي للحين مغطيه وجها بيدينها قرب
منها وبعد بيدنها وحط يده ورى راسها وقربه ولحد ماصار
على صدره:لاتخافين ماصار شي
بعدت جومانه وطالعت فيه وهي تحاول تفتح عيونها من الخوف
ابتسم مجامله لها ورحع ضهره على ورى وغمض عيونه وخذ نفس عميق
حست جومانه ان فيه شي ومسك كفه:حبيبي فيك
شي احسك نفسيتك تغيرت بعد الاتصال الي جاك
فتح عيونه وضغط على البنزين ومشى بهدوء بدون مايرد عليها
وجومانه لزمت الصمت عشان يهدى شوي
وقف عند شاليهات ونزل وبعد خمس دقايق اشر لها تنزل
نزلت جومانه ولماقربت منه ابتسم ومسك يدها
جومانه:وين رايحين
اشر على شفاته اسكتي ومشى فيها الين دخلو الشاليه
جومانه:واااو روعه
منصور:حجزت لنا في الشاليهات
ضمته جومانه:مشكور حبيبي
بعدت عنه وطالعة في الشاليه:طيب واغرضنا باقي في الفندق
منصور:وصيت سواق الفندق يجيبها
مشت جومانه وتبعها منصور شافت المسبح كان خيال
على شكل قلب كبير وبوسطه ورود لونه احمر وابيض
التفت لمنصور ابتسمت بشكر
ضحك منصور:هالمسبح لازم نسبح فيه
ضحك جومانه بنعومه:اسبح فيه لوحدك
اشر لها بمعنى لا
بيت الجده نوره
جالسه بغرفتهاتبكي وتتذكر الي صار(دخل احمد وشغل
التلفزيون ونادى وليد ورمى على احلام عباتها
احلام تطالعهم مثل المجنونه
اول ماشافت تصيورها بلفيديو صرخت بصوت عالي
ضحك احمد وليد وضربو بكفوف بعض بانتصار
وقومها احمد وهو يركضها برجوله وسحبها وطلعها من
العماره ورماها بسياره ومشى بسرعه)
دخلت عليها الجده نوره وحطت الاكل وحركت راسها بندم من عند الباب ورجعت وقفلته
واول ماقفلت الجده الباب رمت بلمفتاح بلارض ورفعت يدها لوجها وبكت من حرقه والم
في الشاليه
جالسين على البحر وبيد كل واحد منهم كاس عصير
انتبهت جومانه لجوال منصور يدق شالته ومدته لمنصور
الي كان سرحان ومو معاها
جومانه:ننو حبيبي جوالك يدق
طالع فيها بعيون تايهه وشال جواله ورد بدون ماينتبه للاسم
منصور:مرحبا
.......:السلام عليكم
منصور:وعليكم السلام
......:كيف حالك
منصور ماعرف الصوت:الحمد لله تمام من معاي
.......:افا ينذل ههههههه ناظر بشاشة الجوال
بعد الجوال من اذنه وطالع بشاشة الجوال وضحك ورجع
يكلم:هلا وغلا ومراحب حيا الله هالصوت المعذره مانتبهت لصوت
الملازم رائد:هلا فيك وينك يانذل يعني ماتسال عني الا اذا تبي شي
منصور:لا يالغالي مانسيتك جيت لحد باب بيتك مرتين ابي
اسلم عليك ويقولون لي الاهل انك مو موجود واتصلت عليك وجوالك مقفل
الملازم رائد:ادري يالوافي طمني عنك اخبارك واخبار الوالد وعمك والشباب
منصور:كلنا بخير وسلامه اخباركم انتو واخبار الوالده
تكلم الملازم رائد بحزن:كلنا بخير والوالد الله يرحمها توفت
عقد حواجبه:انا لله وانا اليه راجعون الله يرحمها ويعظم اجركم
الملازم رائد:اجرنا واجرك
منصور:وينك الحين
الملازم رائد:وين اكيد برياض الا قولي كلمني خالد وقال انك تبيني امر وانا اخوك
ارتبك منصور وطالع في جومانه ورفع يده لشعرها وبعثر وقام وطالع فيها:شوي وراجع
جومانه:خذ راحتك
مشى منصور وحاول يبعد من جومانه
الملازم رائد:امر ياخوي
منصور:مايامر عليك ظالم,,سكت شوي مو بعارف كيف
يبدا ولا كيف يتكلم,,ياطويل العمر فيه واحد ابي اادبه
وابيك تساعدني
رائد:مافهمت عليك وضح لي
تنهد منصور ورفع عيونه لسما وتكلم:هذا واحد اسمه
احمد هالشخص يخدع البنات ويشيلهم معه لشقه
ويعتدي عليهم ويصورهم واعتدى قبل فتره على بنت لكن
ماعرفها وحبيت اساعدها,,تذكر احلام في هاللحظه
ولعنها بنفسه لانها جبرته يكذب ويقول انه مايعرفها,, طبعا مابنقدر عليه لانه
ذكي هذا على حسب المعلومات الي جمعها لي خالد
طبعا هو ولد الشيخ مساعد
رائد:اها عرفته هذا انسجن عندنا قبل فتره على قضية سرقه
منصور:ايه اهو نفسه الي انا ابيه
رائد:طيب وش تبي مني بتحديد
بيت ابومنصور
منار:تصبحون على خير
ابومنصور/ام منصور:وانتي من اهله
طلعت منار ومسكت مخدتها ودفنت وجها فيها وبكت بصوت مكتوم
عند ابومنصور:غريبه ليش منار نايمه عندنا فيهم شي هي وريان
ام منصور:لا بلعكس ودعو بعض وهم يضحكون بس هي تبي تغير جو
ابومنصور كنه تذكر شي:الا قولي لي وينك اليوم الصباح اتصلت وقالت ماريا انك موموجوده وجوالك كان مقفل
ارتبكت ام منصور:ايه كنت بسوق اشتري اغراض للبيت
ابومنصور:توك طالعه قبل يومين
ام منصوروهي تطالع بتوتر:ايه نسيت اغراض ورجعت اشتريهم
ابومنصور:يابنت الحلال ريحي نفسك خلي السواق والشغاله هم الي يشترونها
ام منصور:احب اطلع السوق فيها اغير جو وفيها اختار الي ابيه
قام ابومنصور:براحتك دامك انتي الي تبين
عند صقر
منسدح على ضهره يتذكر ام رنى نزلت على خده دمعه
حاره وبنفسه مدري ليش احس لوتزوجت حنان اني
بخونك تعلقت فيها وحبيتها لكن عندي احساس اني
اخوانك,,تنهد وورفع عيونه,,يارب ساعدني,,وقام يصلي ركعتين عشان يرتاح
عند جومانه
جالسه تفكر في حبيب قلبها منصور وتبتسم سمعت
صوت نغمة رساله وفتحتها(غيري مكانك اذا كنتي عند
منصور راح اتصل بعد خمس دقايق) رمت جومانه بلجوال
وخافت وحست ان قلبها يدق بسرعه تلفت يمين ويسار
تبي تتاكد اذا فيه احد يرقبها
دق الجوال وهي فزت من مكانها وبسرعه ردت
جومانه:احسلك بعد عني انامرتبطه واحب زوجي حرام عليك
رعد:طيب اسمعيني
رفعت جومانه يدها الثانيه وحطتها على اذنها:مابي اسمعك
رعد:ترضين انتحر
عصب جومانه:انت مجنون وش الي بيني وبينك يخليك توصل لدرجة الانتحار
رعد:لك فرصه يومين تختارين فيها تتطلقين و تتزوجيني ولا اذبح
حبيب قلبك منصور وتتزوجيني بعدها غصب,,بعد ماقالها
رعد شد بسنانه على شفاته التحتيه وغمض عيونه عارف
انه مو بقد هالكلام وبنفسه اعذريني مالقيت الا هالكلمتين
فتحة عيونها بصدمه وحطت يدها على صدرها وتكلمت
بصوت مهزوز:لو تلمس شعره من منصور انهيك واخليك تدفن نفسك
رعد يحاول يتكلم بثقه وهويطالع حوله:حددت المده وانتهى
الكلام عندك شي تبين تقولينه الحين بسرعه
حست جومانه بصوت احد يمشي بجهتها والتفتت بخوف
ولما شافته فتحت عيونها بخوف وقفلت الجوال وتجمدت مكانها..............
توقعـــــاتكم:.
1/غاده بتوافق على الي تقدم لها ولا بترفضه؟
2/تتوقعون موقف بدر لما يعرف بلموضوع كيف بيكون؟
3/ام منصور من شنو متعباها وهل احد بيعرف بتعبها؟
4/الملازم رائد ومنصور على شنو اتفقو؟
5/رعد هل بينفذ تهديده؟وجومانه شنو بتختار؟
6/تتوقعون جومانه منو شافت بشاليه؟
البـــــ00الاخير00ــــارت
حست جومانه بصوت احد يمشي بجهتها والتفتت بخوف
ولما شافته فتحت عيونها بخوف وقفلت الجوال وتجمدت مكانها
طالع فيها وهو مبتسم:اشفيك مرتبكه
جومانه تحاول تبين طبيعيه وقربت منه ومسكت يده
بقوه:مافيني شي
منصور:من كنتي تكلمين
جومانه:غدو تكلمني متضايقه
منصور:ليش وش فيها,,حط يده على كتفها ومشى معاها
توترت جومانه ماتبي تكذب عليه:لابس متقدم لها واحد وهي ماتبيه
منصور:تقدم لها غير بدر
جومانه:ليش انت تدري ان بدر يبيها
منصور:ايه قالنا وقال بيتقدم لها الاسبوع الجاي
جومانه:ياحرام احس انه بينصدم لو يعرف غدو من لما وصلها الخبر وهي متضايقه
طالع منصور بساعة الجوال:مادري بدر صاحي الحين ابيه يلحق قبل لاتروح غاده منه
جومانه:المشكله ان ابوها موافق
منصور:سلامات كيف موافق وراى البنت يعني تتزوج غصب عنها
تنهدت جومانه:ماتدري يمكن تتزوج غصب عنها يعني مثلي وبعدها ترتاح ابحياتها
وقف منصور والتفت لجومانه:ليش تتذكرين تبين تفهميني انك للحين مغصوبه علي
انصدمت جومانه من كلامه:ننو حبيبي وش هالكلام لو كنت مغصوبه عليك كان تركتك من زمان
شد منصور على يدها وطالع بعيونها:اكيد
جومانه:حبيبي اشفيك
مشى منصور وهو ماسك يدها بدون مايطالعها:مادري بس كلامك وترني
طلع منصور جواله واتصل على بدر
بدر:هلا وغلا
منصور:صباح الخير
بدر:صباح النور
منصور:ليش مانمت للحين,,ورفع المايك
بدر:افرغر انا ومشاري بشوارع الرياض انسولف في تجهيزات الخطوبه نبي نودع العزوبيه
طالع منصور في جومانه وهي عقدت حواجبها برحمه لبدر
منصور:بدر ابي اكلمك بموضوع مهم
بدر:تكلم وش بخاطرك
منصور:غاده انخظبت وابوها وافق
وقف بدر السياره وطالع في مشاري
بدر:منصور وش تقول
منصور:الي سمعته
بدر:مستحيل غاده قالت ابتنتظرني ماقدرت تصبر للاسبوع الجاي,,وضرب بيده على الدركسون
مشاري:بدر وش السالفه
تكلم بدر بصوت عالي:غاده يامشاري غاده انخطبت ووافقت على الي تقدم لها
مشاري:أيــش
منصور:بدر اسمعني ابوها ووافق بدون ماياخذ رايها البنت الحين متضايقه اكثر منك من الصباح وهي مكالمات مع جومانه ماتدري وش اتسوي
بدر:طيب ترفضه تقول لابوها انها ماتبي عالي تقدم لها
جومانه تهمس بذن منصور:فهمه ان ابوها تاركها مع امها من وهي صغيره
منصور:يابدر اهدى يالغالي واسمعني جومانه تقول ان ابوها ماسال عنها وتاركها عند امها من صغرها يعني مابينهم علاقه قويه
تكلم بدر بصوت عالي:منصووور لة تبي كان رفضت هذا
زواج مولعبه لكن خل جومانه تقولها الله يوفقها فيما
اختارت,,وقفل الخط
منصور:مجنوون
جومانه:حرام عليه البنت تعبانه عشانه وهو يقول لوتبي كان رفضت
منصور:تكلم بهالطريقه لانه معصب اذا هدى راح اكلمه وفهمه الموضوع
عند بدر ومشاري
بدر:مشاري هذا زوااج مو لعبه يزوجها غصب عنها
مشاري:انت انجنيت تدري بعادات بعض الناس مايستشير البنت ويزوجها الي يبي
بدر:مشاري ولي يسلمك اسكت لاتحاول تجيب لها عذر,,وسكت شوي,, شكلي طحت في يدين لعابه
تكلم مشاري بصوت عالي:بدر انت انجنيت عيب عليك
وقف السياره ونزل راسه عالدركسون:استغفر الله
مشاري:بدر انزل خل اسوق بدالك والليله بنام في الدوانيه
بدر بصوت مخنوق:لا مشكور روح لامك وابوك لاتخليهم
مشاري:خلاص تجي تنام معاي في البيت مافيه احد
اخاف انك تغازله مافيه الي امي والله لو تسمع منك كلمه
مو مضبوطه ان تمددك بعصاها هههههه
طالع فيه بدر وابتسم غصب عنه ورجع راسه وطالع لطرف الثاني وتنهد بصوت عالي
بيت ابو منصور
صحت منار وبدلت ملابسها ونزلت تحت لقيت امها منسدحه بصاله وتتالم
مناربخوف:يمه اشفيك
ام منصور وهي تبكي:احس بطني يتقطع من الالم
منار:يمه عذبتيني معاد فيني صبر لازم اكلم ابوي ومنصور
طلعت منار جوالها تبي تتصل قامت ام منصور تبي تشيل
الجوال من يدها لكن التعب كان اقوى منها وطاحت مغمى عليها
صرخت منار:يمااااه
رفعت راس امها ولامته على صدرها:يمه الله يخليك لاتخوفيني اصحي طالعيني
نادت الشغاله عشان تنادي السايق وطلعو على طول للمستشفى
منار:الو يبه تعال للمستشفى امي تعبانه
ابومنصور:ايش وليش وش جاها
منار وهي تبكي:يبه صدقني مادري تعال انت وبتفهم كل شي
قفل ابومنصور وطلع من الشركه متوجه للمستشفى
في جده
صحت جومانه طالعت في منصور كان غاط في النوم ومو
حاس فيها قامت وبدلت ملابسها وشالت جوالها وخذت
لها عصير طبيعي وتوست وطلعت عند البحر
ناطرت في البحر الي كان يتحرك بهدوء وخذت نفس عميق
شالت جوالها وطلعت الرقم وهي متردده
لكن ضغطت على نفسها واتصلت وفي نفسها الوضع
تطور وانا لازم انهي هالمهزله,,واتصلت على طول عشان ماتتراجع
تكلمت جومانه وهي متردده:صباح الخير محمد
محمد:هلا صباح النور ,,تكلم بخوف لانه مستغرب اتصال
جومانه لها فتره ماتصلت فيه,,جومانه فيكم شي غريبه ليش متصله
حست جومانه بتوتر زياده بعد ماسالها:محمد ملاك عندك
استغرب محمد لانها لوتبي ملاك بتكلمها على جوالها:في المطبخ ليش تبينها
جومانه:لا ابيك انت ابموضوع لكن اطلع من الشقه ابي اكلمك براحتي
محمد:جومانه فيكم شي خوفتيني منصور فيه شي تكلمي
جومانه:لا مافيه شي هالموضوع خاص فيني انالوحدي
انت اطلع من الشقه واتصل فيني
انتبه محمد ان ملاك تبي تدخل الغرفه الي هو فيها وتكلم
بصوت منخفض:يلا باي نص ساعه وراح اكلمك
جومانه:اوك باي
في المستشفى
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك