رواية اعشقه وصعب أنساه لاني نسيت أنساه -2

رواية اعشقه وصعب أنساه لاني نسيت أنساه -2

البارت الثاني:

كانت تطبع كعادتها رد في الموقع لما دخلت امها عليها و معها الشغاله: حطيهم هنا.... شكرا..

ام بدر صرفت الشغاله و انتظرت خولـه تلتفت لها..: خوله..

خولـه و هي مستمره في الكتابه: ثواااااني مامــــا........................... انتهيـــت..

ام بدر طلعت نفس طويل و جلست على الكنبه هي تراقب خوله تمشي لجهتها ..

خـوله جلست جنب امها و انتظرتها تبدأ : هلا مـاما ...

ام بدر بنظره شبه غاضبه : سؤال يطرح نفسه انتي جاهزه لزواج اخوك بكرا؟؟؟

خوله حاولت تتظاهر بالهدوء و ردت: كل شيء جاهز مـاما تطمني..

ام بدر: مثل اللي قلتيه يوم الملكه كل شيء جاهز و لما كنا بنطلع غيرتي رايك!!!

خوله: تعرفين اني اكره طريق المطار.. ثانيا انا وعدت خالد احضر العرس..

ام بدر و هي حاسه ان جزء من همها طاح ابتسمت و كملت: اخترت لك فستان من المشغل يجنننننننن لـونــ......

خوله: سعاد اشترت لي فستان..

ام بدر رفعت حاجب : سعاد؟

خوله مشت لجهت الخزانه و فتحتها سحبت فستان توسعت عيون ام بدر لما شافته من الغضب: ايش هذااااااااااااااااااا؟؟

الفستان كان اسود طويل باكمام طويله و فتحه صدر متوسطه فيه شريطه رماديه حول الخصر تنتهي بورده..

خوله و هي كانت متوقعه ردت فعل امها و مجهزه الرد: الفستان اللي راح البسه.... ومستحيل البس غيره مهما حاولتي!!

ام بدر قامت من مكانها بعصبيه: انتي فاهمه بتصرفك هذا راح تحرجيني... انا صاحبه وحده من اكبر دور الازياء بنتي الوحيده تلبس فستان مقرف مثل هذا!!!!!!!!

خوله نزلت راسها بحزن و رجعت الفستان للخزانه: اسفه مـاما سامحيني...... انا ما راح اسمح انك تنحطين في موقف مثل هذا علشان كذا انا ما راح اروح..

ام بدر و هي تحط يدها على راسها تكبت اللي في قلبها: خوله حياااااتي تقدرين تلبسين اللي تبينه انا اسفه اني حاولت اجبرك تلبسين غير اللي جهزتيه..

خوله بهدوء: شكرا ماما..

ام بدر: اوكي فستانك بما انه ناعم محتاج ميك اب ثقيل و تسريحه اوفر و ........

خوله: انا بروح كذا............

ام بدر: هذا اللي مستحيل يصير!!!!!!!! سااااااااامعه.......... كحل خفيف وقلووووووووس ما راح يذبحك...

خوله باستسلام : اوكي..

ام بدر ارتاحت على الاقل لقت حل لمشكله الميك اب بقت المهمه الاصعب في نظرت مشت للعلبه المغلفه بطريقه ممتازه و سحبتها: طلبت هذي من فرنســا .. مصنوعه باعلى جوده ممكنه..

خوله بتوتر و فضول في نفس الوقت: ايش هذا؟

فتحت ام بدر العلبه و كان مثل الكف على وجهها.. داخل العلبه شعر ذهبي طويل مموج لونه طبيعي و ماهو بايبن اطلاقا انه مستعار: اعتقد انه بالضبط مثــل شـعـ.........

خوله قاطعت امها بصراخ: طلعي هالشيء بره..

ام بدر: خوله.........

خوله وهي تصيح و تبكي: طلعييييييييييييييييييييييييييييييييييييييييييييييي ييييييييييييييييهاااااااا..

ام بدر بخوف سكرت العلبه و اخذت طريقها لبره.. خوله اللي انهارت على الارض تبكي كملت يوم جديد من حياتها لحالها في الغرفه...

-

-

بملل و تأفف يـوسف و هـو يوقع اخر ورقه من بريد الشركه.. استدعى السكرتير و سلمه البريد اللي استبدله السكرتير بمجموعه جديده من الملفات، منصب رئيس مجلس الاداره صعب.. شيء طبعي ابوه دايما عصبي...

رجع يوسف جسمه لورا و بدأ يتامل السقف ابتسم بالم و قال : دايما عصبي معي......... و رحيم مع غيري...

وجود يوسف في مكان رئيس مجلس الاداره كان شيء غريب نوعا ما.. السبب هو ان المدراء واللي يعتبرون جزء من عائلتهم ( بحكم انهم ازواج اخواتهم) و رئيس مجلس الاداره سافروا لجده البارح..

- قبل يــوم-

من عادة يـوسف يرجع للبيت متاخر خصوصا في الايام المتوقع فيها وجود اخواته و خصوصا الهنوف مسببت اغلب المشاكل، لكن و على غير عادته رجع يوسف قبل عادته لان ابوه اتصل فيه و طلب يشوفه..

يـوسف وهو يدخل الصاله الرئيسيه: السلام عليكم..

كانت الهنوف و العنود مع فاتن و امهم في الصاله، ردت على يوسف فاتن و العنود: وعليكم السلام..

ام فهد وهي تلوي وجهها للجهه الثانيه و بتأفف: اهلا... رجع بدري !!!

يوسف: ابوي يبيني بموضوع..

على غير عادتها ردت الهنوف وسط صدمه الكل: موجود في المكتب لا تتاخر عليه، اوكي..

يوسف استغرب مثل الكل ان الهنوف تبدي حوار ما ينتهي بمشكله معه لا و تحرص انه ما يتاخر علشان ما ينزعج ابوه!.. مشى يوسف للمكتب و هو ماهو متطمن..

يوسف و هو يفتح الباب: السلام عليكم..

بو فهد حط الاوراق اللي كان يقراها و ابتسم: هلا وعليكم السلام..

ابتسم يوسف مشى لجهة ابوه و باس راسه، اشر له ابوه يجلس قدامه: تبي شيء يالغالي..

بوفهد و الابتسامه مازالت على وجهه: يوسف يا ولدي انت تدري ان عرس اخوك بعد بكرا و انه لازم من بدري نمشي لجده..

يوسف: ادري يا يابوي و اغراضي كلها جاهزه..

بوفهد وهو شبه غاضب ان يوسف قاطعه: يا ولدي .. انت تدري ان ما نقدر كلنا نروح و نترك الشغل من غير والي... عبدالرحمن كان ناوي يقعد و يتولى كل شيء في غيابنا.. بس صار ظرف منعه من هذا الشيء و الباقي خبرتهم قلليله مثل ما تعرف و انت يا ولدي اكثر شخص اعتمد عليه في غياب عبدالرحمن و غيابي..

يوسف و هو يضغط يده من تحت الكرسي علشان ما يشوفها ابوه: افهم من كلامك انك تبيني اجلس هنا اشتغــــــــــل في الوقت اللي الغرب رايحين زواج اختي؟؟

بوفهد و بذكاء رد: قلتها بلسانك، الغرب.. تبي اترك حلالنا عند الغرب و انت ولدي المسؤول الحكيم موجود!!!

يوسف غمض عيونه بقوه و ضغط يده بقوه اكبر ابتسم و فتحها بعد ما ابتلع كل الغضب اللي كان فيه: طلباتك اوامر يا ابوي.. هذا ماهو او زواج اغيب عنه... ولا هو زواجي علشان اصر على الروحه ههه.

بوفهد طلع نفس راحه و ابتسم: تسلم.. وان شاء الله اشوفك عريس في القريب العاجل..

يوسف حرك راسه بالايجاب و ابتسم، قام من مكانه: عن اذنك برجع اغراضي للخزانه..

بوفهد: تفضل...

مشى يوسف لجهت الباب و لاحظ ظل عنده كان عارف صاحبته لما فتح الباب ما لقى صاحب الظل لكن سمع صوت عالي من الزاويه كانه قاصد صاحبه يسمع يوسف الكلام: غصب عليه بيوافق!!!

الجوهره: واذا ما وافق؟

الهنوف بتافف: تطمني انا اقنعت ابوي ان زوجك انسان معروف ومهم ووجوده في زواج الجود اهم بكثيييييير من وجود يوسف.. اصلا يوسف من يعرفه اصلا؟؟

الجوهره: كلامك صح.. على الاقل عبدالرحمن من عايله كبيره و معروفه... عمامه و خوااااااااااااااااااله معروفين و مهمين داخل المملكه و خارجها ... عكس يوسف اللي ما يعرفه الا اهلنا لا و مو كلهم بعد..

يوسف كان عارف ان الهنوف و الجوهره تعمدوا يسمعونه الكلام علشان يقهرونه وانه كان ينتظرونه يطلع علشان يحرقون اعصابه...

تحرك بعيد و بدأ يسمع ضحكهم بنجاح خطتهم دخل غرفته و فرغ شنطه في خزانته و سط حزن كبير...

في زواج الجوهره كان عمره 11 سنه.. اشتر له ابوه ثوب و شماغ مشابه لفهد لبس و تعطر بعطر عنده و نزل يجلس مع اهله قبل الزواج ام فهد لاحظت يوسف.. شكل الثوب و رغم انه مشابه لثوب فهد الا ان يوسف كان احلى و اوسم بكثير ما قدرت تتمالك نفسها تظاهرت بالمشي جنبه و مسحت صبغ الاظافر بثوبه ، ابوه عصب و حرمه الروحه لاهماله و توسيخ ثوبه.. يوسف البرئي رجع لغرفته بحزن كبير...و جلس في ذاك اليوم لحاله في البيت لان حتى الخدم راحوا للعرس (حركه من ام فهد علشان تقهره اكثر)

تجنبا لهذا الشيء رفض يوسف يروح زواج الهنوف اولا لان ذكرى زواج الجوهره مازالت في باله ولانه ما كان يحب الهنوف ورافض يكون جزء من فرحها..

زواج العنود هو الوحيد اللي حضره لانها اصرت يكون موجود و تحبه كثييييييييير...

زواج فهد كان متحجج بسفره للخارج علشان يكون بعيد عن شيء رافضه بقوه...

لهذا الشيء مافي داعي للحزن على زواج الجود اللي ما تقل كره له عن الهنوف ..

-الوقت الحالي-

يوسف بعد الاوراق من قدامه و سحب اللاب من شطنته فتح و دخل بريده كان في انتظار شيء ... والحمد لله لقاه...

رد على رساله ارسلها من باب التخفيف عن الحزن اللي داخله.. وندم انه سمح لشخص غريب حتى و ان ما كان عارف هو من يعرف هذا الشيء..

المرسل: نادي العشـاق ..

اقتباس

----------------------------------------------------------

السلام عليكم

بصراحه لفت انتباهي اعلان موقعكم خلال بحثي في المواقع عن حل لمشكلتي و قبل ما ارسل الرساله ،، بحثت وتاكدت بنفسي من ان الكل يمدح فيكم و في المساعده اللي تقدمونها للمحتاجين..

عندي مشكله من نوع مختلف و انا اظن انه صعب يكون لها حــل...

انا احـــب زوجة اخوي !!!

كان من المفروض هذي الانسانه و اللي احبها من كل قلبي و اللي كانت السبب في تحملي ذل اهل ماهم باهل...تكون لي..

استغل هالناس سفري و غيابي.. ضغطوا عليها و على ابوها و زوجوها اخوي الفاشل ..انسان ما يعطي هذي الرقيقه اي حب او انتباه عايش على وناسته و طيشه.. انسانه ما تقدر تمنع عيونها من النظر لي بحب في كل مره تتلاقى عيونا..

انا خايف علي وعليها... خايف تتسب هذي المشاعر بمشاكل اكثر و اكثر بيني و بين اهلي...

ارجوك ساعدني....

------------------------------

و عليكم السلام اخوي..طلبت تحويل الرساله لي و ان الرد يكون مني انا شخصيا لما لاحظت انها شبه معقده و تحتاج حكمه و هدوء بال...

الاعضاء الباقي رفضوا الرد و اعتبروك مجرم.. يستحق التجاهل ..

(يوسف توسعت عيونه من الكلام اللي يقراها كان بيغلق الصفحه قبل لا يلفت انتباهه السطر اللي بعده)

انا على العكس اتعاطف معـك لاني اعرف بالضبط شـعور لما ينتزع بالغصب من قلبك الحب اللي كان يمليه... لكنـا في النـهايه ما بوسـعنا الا ان نعيش من دونهم ..

و اسلم شيء لك هو انك تتزوج... وجود الزوجه مهما كان قلبك متعلق في غيرها راح يغير في اتجاه الصح مع الوقت.. و تكوين الاسره راح يعوضك الفراغ اللي تحس فيه اتجاه اسرتك..

و نصيحتي لك ان تسارع في هذا الشيء.. الشيطان راح يلعب في عقلك و يصور لك اشياء راح تدفعك لارتكاب اخطاء ممكن تكون غير قاصده و تتسبب في اشياء تندم عليها مستقبل ..

بالتوفيق.:

الرئيســه : Magi---

-

-

يوسف فجاه رد الرئيسه(يتزوج) ابوه لمح له بموضوع الزواج اكثر من مره لكنه ابدا ما فاتحه فيه بشكل رسمي على عكس فهد رجع يقرا الرساله مره ثانيه و بعدها اتخذ قراره: كلامها عين العقل اول ما يرجع ابوي من جده بفاتحه بالموضوع...

-

-

-

في قاعه الافراح الضخمه في جده كان زواج خالد الـ ..... الجـود الـ .. وسط اهلهم و احباءهم دخلت العروس فستانها الابيض الطويل المزين بالكريستال من كل جهه و تسريحتها الاخاذه كانت في قمه الجمال و الروعه .. لكنها ما كانت محط انظار الكـل.. اغلب الحضـور كانوا يستفسرون عن البيت النحيله الجالسه لحالها.. ثوبها الاسود وكانها رايحه لعزاء ووجها الخالي من المكياج.. شعرها الاسود القصير..كانت جالسه لحالها و كان العرس غير مهم بالنسبه لها ..

طاولة اهل العروس:

الهنوف وهي تأشر على البنت الجميله اللي تسلم على الحضور و تشرف على الضيافه: الجوهره هذي اخت المعرس اللي لابسه احمر ..

الجوهره: لا هذي زوجه بدر اخو خالد.. كانت حامل يوم الملكه علشان كذا ما حضرت..

العنود بابتسامه ناعمه : ما شاء الله عليها حلوه و انيقه..

الهنوف: وووووووع .. هذي حلوه؟؟؟ اختي الجود احلى منها بمليون مره..

العنود: استغفر الله العظيم،، الهنوف انا ما قلت شيء.. اختي الجود حلوه و مرت اخوهم حلوه بعد ..

الجوهره: لا مو حلوه...

العنود قامت من مكانها و قررت تمشي لطاولة امها و فاتن .. لما كانت قريبه منهم انتبهت وجود حريم ما تعرفهم كثير حتى فاتن كان شكلها متوتره و ماهي عارفه تتكلم... حركت وجهتها تدور مكان فاضي لما لمحت الطاوله اللي جالسه عليها البنت الكئيبه ذات الرداء الاسود...

العنود: السلام عليكم..

خوله بوجه خالي من اي تعابير: وعليكم السلام..

العنود وهي تاشر على احد الكراسي: المكان فاضي؟

خوله هزت راسها و سمحت لها تجلس..

العنود جلست و ساد الهدوء المكان كانت تنتظر من البنت تفتح معها اي حوار لكن البنت ما فتحت فقررت هي تفتح الحوار: ما تعرفين اي وحده اخت المعرس؟

خوله باستغراب من السؤال ردت بسؤال: ليش تسالين ما تعرفينها...؟؟

العنود: لا بس .. ماشفتها في الملكه علشان كذا ما اعرفها..

خوله: انت من اهل العروس؟

العنود بابتسامه عذبه: اي انا اخت العروس اللي اكبر منها العنود و انتي؟؟؟

خوله ردت ببرود: انا خولـه اخت المعرس..

العنود توسعت عيونها من الصدمه و فتحت فمها من المفاجأه: انتي اخت المعرس؟؟

خولـه: ليش؟ فيني شيء؟؟؟

العنود بتوتر: لا بس .... مو باين..

خوله حركت وجهها لبعيد وبدت تراقب العروس.. سعيده و تضحك.. تصور مع صديقاتها و اهلها شكلها و فرحتها ذكرتها باشياء حاولت تنساها...

العنود لما حست ان خوله ماهي راده عليها قررت تنسحب و ترجع لطاوله خواتها ...: تدرون اي وحده اخت المعرس؟

الهنوف بفضول معتاد: من؟؟؟

العنود من غير ما تأشر : البنت اللي جالسه لحالها و لابسه اسود..

الجوهره وكانها ما كانت عاجبتها : هذي مو باين اصلا ما نشوفها تسوي شيء من اليوم..

الهنوف: لا تنسين ان في الملكه بعد ما كانت موجوده.. هذا وهي اختهم الوحيده..

العنود: حتى انا استغربت.. بس ما ادري احس في عيونها حزن ... و ان عقلها ما هو معها..

الهنوف: مجنونه؟

العنود : استغفر الله... اروح اقعد مع امي و صديقاتها ابرك لي..

الهنوف ظلت تتامل خوله لمده.. الجوهره راقبت اختها و عرفت شيء واحد.. الهنوف ترسم شيء في بالها و اكيد هذا الشيء خطيــر..

-

-

-

خالد كان في قمه السعاده.. و اخيرا ما عاد في حواجز مكانيه و زمانيه بينه و بين الجــود.. اللي ما شافها الا يوم الملكه و بحكم البعد و شغله المستمر كان يعتمد على التليفون كطريقه للتواصل معها ..

خالد باعجاب و هو يتامل الجود اللي فردت شعرها الاسود الطويل على قميصها الابيض الحريري و مكياجها الثقيل و هي تتمايل بجسمها بخبث تخفيها بخجل: شلونك يا حبيبي ....

خالد وهو يطلق شهقه طويله: حبيبك؟؟؟؟؟؟؟

الجود بخبث: اكيــد انتي حبيبي... ولا شلون رضيت فيك زوج لي..

خالد: قمر والله قمر.. يالجود..

الجود: هذا ماهو شيء جديد علي... اصلا انا احلى وحده في الكون ... و لو تفكر تتزوج علي بتكون اغبى انسان في الدنيا..

خالد وهو يضحك على كلامها: هههههه الحين هذا كلام تقولينه في ليلة زواجنا؟؟؟

الجود: لازم اقولك و افهمك .. انا الجــود الـ.... و ماني اي بنت اصل و جمال و فلوووووووس.. يعني مالي مثيل..

خالد تأفف هذي العباره كانت اكثر شيء يملله في كلامه معها: اسف يا الجود الـ ... يالحلوه يا الغنيه يا بنت الاصل ممكن نسكر هالموضوع ونعيش احلى ليله في حياتنا...

الجود رفعت حاجب و ابتسمت بخبث بدت تتمايل بجسمها و خالد يمشي وراها..

-

-

بعد العــرس

 رجعوا اهل العروس للفيلا اللي اشتروها في جده علشان يقعدون فيها اذا زاروا الجود في المستقبل ..

بو فهـد: الحمد لله تم كل شيء خيـر..

ام فهد وهي تمسح دموعها: ياولي على بنتي توها صغيره ما ادري شلون وافقت ازوجها و هي بهذا السن..

بو فهد وهو يضحك: هههه بنتك عمرها 5 سنين علشان تقولين هالشيء؟؟

ام فهد: استغفر الله مالك قلب هذي بنتك اخر العنقود.. ما رضيت الا تزوجها واحد من بره منطقتنا علشان تحرمني شوفتها...

بو فهد: هذي سنه الحياه و بو بدر رجال مليونير و من مستوانا.. عكس اللي كان يخطبونها كلهم طامعين بفلوسها..

الجوهره و اخوتها و هم مقررين ينظمون للحوار: شكلك تعرفهم من زمان..

بوفهد: بو بدر صديقي ايام الدراسـه قبل لا ينتقل ما عايلته لجده... و لما بددينا التجاره بدينا مع بعض و لما كبرنا كل واحد راح لجهه..

الهنوف: علشان كذا اول ما خططبوا الجود وافقت على طول؟؟؟

ام فهد بعصبيه: الهنوف شهالكلام اللي تقولينه؟؟

بو فهد و هو يضحك: مافي داعي للعصبيه فعلا انا ما صدقت ان بو بدر يخطب الجود.. في الحقيقه انا كنت خاطب بنته خوله لفهد بس للاسف كان خاطبها و لد خالتها و موافقين عليه.. و صارت فاتن هي اللي من نصيب فهد..

الهنوف: خوله الكئيبه!! كنتوا خاطبينها لاخوي فهد المزيون!!

ابو فهد وهو يطلع نفس طويل: لا تقولين هذا الكلام يا الهنوف الله يكون في عونها خوله..

العنود: ليش يا يبه؟؟ شفيها خوله؟

ام فهد: الله يسلمك بعد ملكه دامت اربع سنوات مات زوجها في ثاني يوم من زواجهم..

العنود وعيونها امتلت بالدموع: مات ثاني يوم؟؟؟

ابو فهد: صار لهم حادث في طريقهم للمطار.. و مات على طول.. خوله بقت في المستشفى لمده ماهي طويله و بعدها طلعت ما سمعت شيء عنها بعدها حتى بو بدر كان رافض يتكلم عنها ..

العنود: الله يكون في عونها..

الهنوف ربطت اخر خيط في خطتها و اطلقت القرار النهائي بخبث: بابا انت لحد الحين تتمنى خوله لواحد من عيالك؟

ام فهد بعصبيه: هبله انتي؟؟ و ان كانت بنت صديقه تبين يزوجها ولده على بنت اخوه؟؟

الجوهره و هي فاهمه خطت الهنوف قررت تسايرها في انجاحها: الهنوف اختي ما تقصد فهد..

ام فهد: اجل تقصد من؟؟؟ لا تقولييييييييين يوسف؟؟

الهنوف بابتسامه: بالضبط... يوسف مسكينه بيشيب وهو ما تزوج لانه خايف يرفضونه..

بو فهد بعصبيه: ولدي و ينرفض ليش!!!!!!

الهنوف: الكل يعرف انه اخونا بس امه من و اهلها من .. والناس هالوقت ما يزوجون بناتهم لاي واحد حتى وان كان ابوه مليونير و صاحب مركز...

الجوهره: كلامي اختي الهنوف عين العقل.. الحرمه ماهي متزوجه ولا مخطوبه ( ارمله) و نقدر نخطبها ليوسف...

العنود باندفاع: انهبلتووواا؟؟ اخوي يوسف ماعليه قاصر.. ليش تبون تزوجونه ارمله وهو توه ولد!!!

ام فهد بعد ما اعجبتها الفكره قررت تكبرها في مخ زوجها: اسكتي انتي يا بو فهد بناتك كلامهم صح.. لا تفوت هالفرصه من بين يدك اخطبها ليوسف وخل نقوي علاقتنا فيهم .. اللي اكيد بتجيب لنا الكثير من الفوايد..

العنود: يمــه..

ام فهد بعصبيه: اطلعي براااااااااااااه..

بوفهـد دخل في عالمه الخاص .. كلام بناته و زوجته صحيح.. لكن من الظلم يزوج يوسف ارمله.... بعد تفكير و تفكير اخذ قراره مستحيل يترك بو بدر و ثروته تضيع من يده: اول ما نرجع للرياض راح اكلم يوسف و ابلغه بالقرار اللي اتخذنها...

ليت النـدم يفيد و أتنـدّم وليت القلوب تنطق وتتكلّم

من حب بقيت فيـه أتأّلم و للجروح مستسلم و مسلِّم

ليت النـدم يفيد و أتنـدّم وليت الظالـم يفهم و يتعلّم

حب بسيـط و منـه أتعلّم تعلمت منه اشلـون اتظلّم

ليت النـدم يفيد و أتنـدّم حالي ما يسر عدو ولا صديق

و قلبي يشتعل نيران و حريق وأنا بين دمعي ضايع وغريق

ليت النـدم يفيد و أتنـدّم دمّر كل مابنيتـه من قصور

وظلمني بلا احساس وشعور وأنا اللي أهديته ورد وزهور

ليت النـدم يفيد و أتنـدّم كفاية لــوم وكفايه عتاب

واليـد اللـي فتحت الباب هي لنفسها جابت العذاب

ليت النـدم يفيد و أتنـدّم الجرح فيـّا عيـّا يتحسن

ومدري أضحك و الا أحزن على حبيب مافي منه أجبن

ليت النـدم يفيد و أتنـدّم جرحي ينزف وعيـّا يطيب

والحـظ معي عيـّا يصيب و عجـز فيني كـل طبيب

ليت النـدم يفيد و أتنـدّم على حبيب لا حن ولا حس

وجرحني وظلمه كان أخس الين نطق لساني و قال بس

ليت النـدم يفيد و أتنـدّم قلبي من جرحـه صار أبكم

ماني مصدق كأنـي أحلم لو جات من غيره كان أرحم

أندم والا ماراح يفيد النـدم .. آآآه .. ليت النـدم يفيد و أتنـدم

-

-

يتبـع ...

التوقعاااااااااااااااااااااااااااااااات: هاا رجعنا من جديد ابي اسمع توقعاااتكم للبارت ادري ان الوقت مكبر بس بحط الاسئله كالعاده و البارت الجاي مقاااطع لووولـ

1- هل راح يوافق يـوسف على الخطه اللي رسموها اهله له؟

2- هل راح توافق خوله على الزواج من يوسف؟

3- شلون راح تكون علاقه يوسف باهله بعد الخطه؟

4- شلون راح تتعامل الجود مع الموقف اللي ناوين اهلها يحطونها فيه؟

5- خالد هل راح يوافق ان اخته اليائسه تتزوج اخو زوجته من ابوها ( الغير مرغوب فيه)

6- شلون راح تكون رده فعل فاتن و هي تشوف حبيب القلب مع انسانه ثااانيه؟

7-

8-

9-

ابي ثلاث توقعااات من بااالكم اوكي ..

السلااااااااااااااام شلوووووووونكم يااا حلوووين

وصل الباارت

ان شاء الله يعبجكم

كلام الناس مايسوَى شي ولا يأثر في حبنا ولا شي مهما يقولوا مايسوُّن شي

والله مايقدروا يغيروا شي لأن اللي بيننا مو أي شي وحبنا أعظم من كل شي

مين قال ما أهواك و انه عندي سواك

أنا فين وفين ألقاك تعال وأنت تشوف

اشلون أتمنى قربك وبجنون بعد أحبك

وشاري فيك قلبك تعال وكافي خوف

لا يهمك كثر الكلام فكر كيف نبني الغرام وكيف نعيش الهيـام

يالله نرجّع الأحـلام وبلاش عتاب و ملام اسمع مني أحلى كلام

لو قالوا اني ما أحبك وايش يـكون رأيك

تصدقهـم إذنك .. والا .. يكذبهـم قلبك

أدري بيكذبهم قلبك لأن ما يخيب فيني ظنك

لأنهم يحسدونك .. والا .. لأنهم يكروهونك

يقولوا مهما يقولـوا يقولوا لأنهم ما يقدروا

يلوموا والا مايلومـوا لأنهم أصلاً ما يطولوا

أصلاً هم ما يحسون فينـــا

ولا يدرون كيف تلاقينـــا

كلمهم شوي عني خلهم يغارون مني يمكن يحسون بحبي

والا يـعرفون اني صعب أبعدك عني و مالك غير حبي

أصلاً مايعرفون اللي بيننـــا

وكيف نعيش أحلى ليالينــا

البارت الثالث:

يتبع ,,,,

👇👇👇

تعديل المقال