رواية صرت اغار انا منها عليها -2
في بيت صقر
صقرنايم على فخذرنى وهي تمسح على شعره
صقر:حبيبتي انتي نمتي
رنى:لا ياقلبي كيف انام وانت مابعد نمت
اخذصقريد جومانه وباسها
صقر:الله لايحرمني منك
قام صقروفصخ بلوزة البيجامه
صقر:رنى حبيبي تعالي نامي على صدري
رنى استحت بس صقر عارف ان رنى مستحيل تنام الا على صدره
حطت رنى راسها على صدرمنصور وبعدها فزت فجئه طالعها صقر مستغرب
صقر:حبي اشفيك
رنى:لا بس انت متاكد انك مانسيت شي
ابتسم صقر وقرب منها وباسه في فمها
صقر: يلا نامي قبل لاتهور
رنى:لااااابليز عيالك متعبيني يبيلهم قومه من الصباح
صقر:هههههههه اليوم بس سماح
رنى :فديتك ياقلبي
في بيت ابو منصور
صحى منصور من النوم اخذله شور وبعده صلى
وراح على طول لشناط السفرواخذجواله واتصل على منار
منصور:منووور تعالي في غرفتي اذا تبين هديتك
منار:اجيك طيران افا عليك
وقفلت الجوال ابوجهه
منصور:ههههههههههه صدق مجنووونه
فتحت منار الباب ودخلت بسرعه تركض
منار:هاااااااي
منصور:ياااامتهوره ليش ماتدقين الباب
منار:والله ماقلت لي دقي قلت تعالي خذي هديتك
منصور أخذقلم جنبه ورماها فيه
منار:ااي خشن ماتحس يلا عطني هديتي
منصور:والله كأنك عجوز في حراج
منار:ههههههههههههه ياااذوق بس
منصور:خذي هذي هديتك افتحيها ابغرفتك
راحت منار وباست منصور في خده وسوت نفسها اخلاق
منار:مشكور يا منصوري
منصور:ياشينك انتي ذويقه
منار:انتو يارجاجيل ماتصلحون الابلعين الحمرا دلعتك قلت ياشيني
قام منصور يركض ورا منار وهي هربت
منصور:تعالي اعلمك من الي مايمشي الابلعين الحمرا
ورجع منصور غرفته يضحك على حركات مناراشتاق لها كثير وبعدها لبس بنطلون اسود وتيشيرت اسودواخذ كل الهدايا وراح فيهم لأمه وابوه
منصور:خذي يمه هذي هديتك وانت يبه هذي هديتك دقايق ودخلت سمر
سمر:سلام
منصور:هلاوغلا تعالي ياروح منصور تعالي اعطيك هديتك
راحت سمر واخذت هديتها وكان منصور يأشر على خده عشان تبوسه وباسته سمر
سمرتتكلم بدلع:مشكووور
ام منصور:ماحد مخربك مثل منصور تكلمي كويس
منصور:يايمه الله يخليك خليها براحتهاعشان خاطري
ابو منصور:اشفيك يابنت الحلال خليها بنوته حلوه تتدلع على اخوها شنو المشكله
منصور يصفر ويطالع سمر
منصور:اوووه من قدك بنوته حلوه
ابتسمت سمر وراحت تبدل ملابسها وبعدها قدمو الغدا
منصور:سوسو تعالي جنبي انا بأكلك بيدي
سمر:لا انا كبرت باكل بنفسي
منصور:سوسوو ترا ازعل
منار:منصوررجاء خاص لاتخرب البنت ماصدقنا انها تعدلت بعد ماسافرت
منصور:ياغيور انت وبعدين ماااالك دخل
بعد المغرب
جومانه اتصلت على منار وماردت فاظطرت تتصل على البيت
جومانه: الو
منصور:ياهلا من معي
جومانه سكتت لانها عرفت الصوت
منصور:ياااأخت نعم تبين شي
جومانه:اووووف لوسمحت لاتثقل دمك وعطني منار
منصورعرف انها جومانه:نعم نعم ومنو انتي عشان تعلميني كيف اخفف دمي
جومانه الزمي حدودك احسلك
جومانه بصوت مرتفع:دامك عارف اني جومانه ليش ماتنادي منار
منصور:اذا تعلمتي اسلوب الكلام اتصلي وراح اعطيك منار أوانك بتظطريني أأدبك بسلوبي
جومانه:تخسي أتأدبني يالمعقد
منصور:والله لأدفعك ثمن كلامك غالي
وقفل التلفون وكان في قمة الغضب اخذالكاس الي على طاولته وكسره بلارض
وقام يضغط على راسه بيدينه بقووه لانه تذكر الايام الي فاتت في الغربه
اما عند جومانه عصبت كل ماتذكرت كلامه لما قال انو بيأدبها
اتصلت جومانه على منار وكانت معصبه
جومانه:الو منار وينك من جوالك الله يسامحك
منار:ليش اشفيك معصبه
جومانه:مادري من اخوك العله ردعلي وتهاوشنا وقفل ابوجهي لاويقول بيأدبني ههه
منار:اشفيكم من جا وانتو موطايقين بعض بعدين اخوي مو عله عاد لو تدرين انه ارسل هداياكم مع ريان يعني حاسب حسابك
جومانه:نعم هدايا لا ياقلبي مابي منه شي يفكني من شره بس
منار:تخيلي اشترالي عطر رووعه وفستان احمر وجزمه
وسمرالعاب وفستان وعطر
جومانه:الله يهنيكم فيه اسمعيني الحين متى نطلع السوق
منار:نص ساعه وانا عندك
جومانه:اجل باي خل اروح اتجهز
**************
ريان:الو منصور انزل تحت يلا نتظرك الشباب ينتظرون بلأستراحة
دقايق وطلع منصوركان لابس ثوب وشماغ ابيض كان شكله جدآملفت
مشو بسياره وطلب منصور من ريان انهم يفرون بسياره شوي لانه يبي يسمع اخبار ريان
في السوق
جومانه:منورتعالي شوفي هالبنطلون كيف حلو
منار:واااو حلو مرا
وبعدها توجهو لمحل العطورات واشترت جومانه عطورات واهدت واحد لمنار
منار:مشكورا ياقلبي
جومانه:والحين باقي شي واحد المطعم وعشاك على حسابي
منار:امااانه شكلك عارفه اني جوعااانه
جومانه:بسم الله يالمفجوعه على الاقل جاملي قولي مابي شكرا
منار:لا ياقلبي في هالموضوع ماافي مجامله
راحولمطعم قريب من المول
وبعد ماتعشو راحت جومانه تغسل يدينها الخارجيه وطلبت من منار لاتتحرك من مكانه
لما كانت جومانه تغسل جا رجال من المطعم متوجه ناحيتها
الرجال:هاي ياحلو
جومانه:لوسمحت بعد لاأنادي البوليس
*****************
منصور:ريان وقف عندهالمطعم واحشني اكله
ريان:خل ادور موقف لسياره
دخل منصور وريان المطعم وطلبوعشا
وفجئه لفت انتباه منصورشي
قام منصور وريان يناديه ومارد عليه بس اشرله بيده انو بيرجع بعد دقيقه
شاف منصور رجال يحاول يرقم بنت وهي كانت تبتعد عنه
قرب منهم شوي
البنت:لوسمحت ابعد عني
الرجال:طيب خوذي الرقم
منصور حس انو الصوت موغريب عليه وفجائه طلعت البنت جوالهاواتصلت
البنت:منار تعالي بسرعه ايه بنفس المكان
منصور انصدم وكبرت الصدمه لنا شاف اخته منار رايحه عند البنت ويحاولون يبتعدون من الرجال
ركض منصور لرجال وضربه بوقس على وجهه وبعدها قام يضربه بكل قوته
خرجو كل الي بلمطعم يحاولون يفكونهم ريان طلع بسرعه وحاول يفكهم وطلب الي حواليه يشيلون الرجال بعيد
اما منصور كان يتلفت مثل المجنون يدور للبنات وكان وجهه احمر وثيابه مقطعه
منصور:وينهم
ريان:منهم
منصور:الاخوات جومانه ومنار
ريان:ليش وشنو علاقتهم لايكون شفتهم يتكلمون مع الرجال
منصور:لا كان يحاول يرقم جومانه وهي ماحاولت تدافع عن نفسها
كانو البنات يبكون خايفين من الي صار والي راح يصير
جومانه:تتوقعين بيفهموني خطا
منار:مادري والله خاايفه
لمحهم ريان رايحين في السياره
وبعدين ركبو سيارتهم ولحقوهم
ريان اتصل على كومار
ريان:كومار ياكلب وقف السياره على جنب
وقف كومار نزل منصور من السياره زي الوحش وتبعه ريان دف منصور كومار
منصور:بعد ياغبي
كومار:بابا والله مافي معلوم
ركب منصور السياره ومأنتظر ريان ومشى بسياره بسرعه هايله
واتصل على ريان وقاله انه بيوصلهم للبيت
في الطريق كانو البنات يبكون بصوت عالي
منصور:باااااااااس ولا اسمع ولا نفس
منار:منصوراسمعني
منصور:اقول اسكتي احسن مارتكب جريمه فيكم
البنات كانو خايفين بلمره
وقف منصور وسحب بسياره بقوه
والتفت ورا وكأن عيونه يطير منها شرار
منصور:حركات البنات هذي مأبيها وان شفتكم طالعين لوحدكم مره ثانيه والله لاحبسكم في بيوتكم لين تعفنون فاااهمين
منار:أي والله فاهمين
جومانه ماردت ومنصور حاول يتجاهلها لانه مايبي يكبر الموضوع
وبعدها تحرك منصور ولما وصل بيت جومانه
نزل معها ولما صارت بلحوش مسك ذراعها
منصور:اسمعيني حركات البنات والمغازله مابيها واذا عمي ماعرف يربيك انا اربيك فاهمه
جومانه:لو اسمع هالكلمه مره ثانيه والله لاندمك العمر كله فاهم فك يدي فك
منصورقرب منها حتى صارت انفاسه تحرق وجها:ههه تندميني انا اجل تجهزي الشهر الجاي زواجنا ولو ترفضين والله لأخليك تكرهين اليوم الي وانولدتي فيه ولأسبب لك فضيحه فاهمهولاخليك تخسرين كل حياتك واهلك هذانا حلفت
بس عشان اعرف من الي راح يندم
وردك ارسليه لي بعد يومين اخذ جوالها من الشنطه وهو باقي ماسك ذراعها وسجل رقمه وبعدين نفض يده بقرف وخرج من عنها وعصب على منار
*
* *
*
بعد اسبوع من السالفه تمت خطوبة ريان على منار ووافقت بكل فرحه
ومنصور خطب جومانه وكنت بترفض بس ارسلها رساله قبلها بدقايق يتوعدها انه راح ينهي حياتها اضطرت جومانه توافق لانها خافت منصور يتهمها في شي او يظلمها خافت على نفسها وعلى عايلتها لاتتفرق
وكانت الملكه بعدها بسبوع ريان ومناركانت اجمل ايام حياتهم
أما جومانه رفضت تطلع على منصور وكمان منصور برفض يشوفها بحجة انه مايبي يشوفها الايوم الزواج
بعد مرور شهر
اليوم زواج (منصوروجومانه)
وزوج(ريان ومنار)
شنو تتوقعون لــ منصور وجومانه
هل بيستمرون في حياتهم
هل بينفذ منصور انتقامه
جومانه متى بتطلب الطلاق
البارت الثالث
اليوم زواج (منصور وجومانه)
(ريان ومنار)
صحت منار الصباح واتصلت على جومانه
جومانه مانامت من يومين كلها تبكي وان أحد سالها تتعذر بفراق اهلها
منار:صباحو ياعروسه
جومانه بصوت متقطع:هلا
منار:لااا تقولين تبكين جمون اشفيك كأنك اليوم بتموتين موزواج اشفيك
جومانه(ابنفسها) اااااااه ليت اموت وافتك من منصور
منار:يااقلبي خلاص الله يخليك قطعتي قلبي كل هذا من فراق اهلك يامجنونه منصور راح يجيبك عندهم كل يوموالله انه طيووب
جوجوتجهزي نبي انروح الكوفير ومابي اشوف دموعك اذا تحبيني
قفلت منار ودخلت جومانه تتسبح وكانت تبكي وراحت فكت الماي البارد عليها لعل يخفف الحراره الي بقلبها
اااااااااااه ليش يامنصور تبي تنكد حياتي ابأولها
تذكرت لما كانت بسوق وجاتها رساله من منصور
(لاتفكرين تشترين ملابس نوم لاني ماراح اقرب منك ابدآولا راح اقذر نفسي بيك كل الي ابيه وحده اهينها كل يوم خدامه وبس)
رمت جومانه نفسها بلبانيو وصارت تبكي بصوت عالي
ليش تجرح كرامتي والله ماخليك تقرب مني ولا فكرت اساسآ
شوي وسمعت الباب انفتح قامت ومسحت دموعها وغطت جسمها بلمنشفه وخرجت من الحمام(الله يكرمكم)
ام ريان:هاه يابنيتي جهزتي
وحطت يدها على ذراع جومانه
ام ريان:ياقلبي يابنتي ليش بارده
جومانه:مافي شي يايمه شوي واجهز
وكانت تحاول تخفي دموعها من امها لكن امها حست وراحت وضمتهاومسحت على شعرها وطلعت
تجهزت جومانه وطلعت على طول للمشغل ولقت منار هناك
منار:وينك الكوافيره زعلت من تأخيرك مابقى على الليل الا ثلاث ساعات
جومانه ماتكلمت وراحت للكوفيره كانت لبنانيه اسمها ام اياد
ام اياد:جومانه الله إيخليكي اهدي شوي موعارفه اشتغل هذي ثالث مره امسح المكياج من كثر ماتبكي
جومانه:شووي خل اخذ نفس
ام إياد:يابنت الحلال اقرأي قرآن ابنفسك من شان تهدي
حاولت جومانه تهدا لين خلصت الكوافيره
ام اياد:الله يبعتلك ايام حلوه انتي اول عروسه شوفها متوتره هيك انتي مجبوره عليه شي
جومانه حاولت تهدي عشان ماتفلت اعصابها وطلعت من عند الكوافير الساعه ثمانيه وتوجهو لصالة الافراح
عند الرجال
شوي ودخل منصور وريان وكانو في قمة الشياكه والرزه
لكن منصور كان شكله ملفت بلمره
وكان فرحته مو لانه تزوج لا لانه قدر يكسر راس جومانه
ريان:منصور ....منصور تعال ابيك
منصور:نعم
ريان:قول لي اكدت الحجوزات
منصور:هاااه ...ايه...ايه
ريان:متى موعد الاقلاع
منصور:الساعه وحده الليله
شوي ودخل صقر ومشاري وبدر
صقر:مبروووك الف مبروك
منصور وريان:الله يبارك فيكم
مشاري وبدر سلمو عليهم وباركو لهم وعلقوعليهم
مشاري:ريان الله الله خلك رجال منصور ماينخاف عليه بس انت والله اني خايف منك
ريان:ياخوي خلك من اللقافه وبعدين هذي حرمتي اتسوي الي تبيه
الجميع:ههههههههههههههه
اما منصور فما كان معاهم يفكر(اااه يامنصور كيف وهقت نفسك مع وحد ماتبيك وماتبيها)
صقر مسك يد منصور وسحبه على جنب:منصور اشفيك محتاج شي او احد مضايقك ماحسك فرحان مثل ريان
منصور الله يسعدك ياصقر ماحس فيني الا انت:لا يالغالي مافيني الا العافيه بس توتر الزواج
صقر:اكيد
منصور:اكيد
في صالة افراح الحريم
كان جميع الحاضرين منبهرين من التجهيزات
وفي احد غرف الصاله
احلام جالسه لوحدها اتدوربلغرفه :اه ياجومانه قدرتي تاخذي املي في هالحياه والله لادفعك الثمن غااالي
الساعه عشره بدة الزفه في البدايه طلعو ثلاث بنوتات صغار لابسين فساتين بيضاء لهم نفس الطول وبيدينهم سلات كبار بيه ورد احمر وكان البنات يرقصون ويرمون بلودرد على المعازيم
وبعدها طلعت بنت صغيرونه شايله بيدينها صندوق فيه عصفورين لونها ابيض ومشت بشويش الين طلعت الكوشه وبعده وقفت
وشوي طلعت اصوات مطر وخيل وأثنأها طلع طفلين لابسين لبس بابا نويل شايلين هديا وزعوها على الضيوف
كان الكل منبهر من هذا العرض الروعه
شوي وبدا صوت باب ينفتح وانفتح معه بوابة مدرج الصاله وطلع منه نور
شوي وبدت المسيقه والاغنيه بصوت راشد الماجد:
حد منكم شاف في الدنيا بدر *** مقبلٍ يمشي و من حوله بشر
من حلاه يزف للناظر ضياه *** ان ظهر للناس و لا ما ظهر
هذا ما هو بدر ليل يختفي *** مع طلوع الصبح و بزوغ الفجر
او بدر يصبح بعد مده هلال *** هذا بدر مكتمل طول الشهر
هي عروس النور في هذا الزمان *** هي ملاكٍ بس في صورة بشر
من غلاها انقول صلوا على الرسول *** يا اللي شفتوها بقلبٍ او نظر
الله يا نور في ها الدنيا نراه *** مستحيل ان نشوفه في بشر
و التقت شمس الظهيره بالقمر ***
و في محياها بدى الصبح بضياه *** مشرقً و خدودها واحة زهر
و العيون الي كما عين المهاه *** تمتزج فيها البراءة بالسحر
الليله .. الليله محلاها الليله *** الليله .. الليله حلوة و جميلة
شعرها ليل كسا الدنيا دجاه *** حالك متحدر كانه نهر
يحسبه قطعة حرير من رآه *** و الحقيقة هو حريرٍ من شعر
و الحسام الي صفا الوجنه كساه *** يبعث اشواق الحواجب للثغر
و الثنايا كالبرد بين الشفاه *** او كحبات الندى و لا المطر
عذبةٍ لو تلمس اطراف الحياه *** كل غصن فتح بوردٍ حمر
و العفاف بروحها يسقي بوفاه *** و الوفا في عينها النجلاء سهر
شاعر الوجدان واحلامه سماه *** مبدع و احساسه المرهف شعر
ماخذ من وصفه مبتغاه *** يا عسى الله يوهبه طولة عمر
الله يحفظها و يسعدها معاه *** شيخ بطيبة فواده يشتهر
والله يجعل كل دنياهم هناه *** يكتسي بالسعد كله و البشر
وطلعو جومانه ومنار بكل شموخ كان فساتينهم وتسريحاتهم ومكياجهم نفس الشكل حتى الي يشوفهم يضنهم توأم بس كانت جومانه لها جاذبيه
دخلو الصاله وكان الجميع يسمي عليهم
اما جومانه قرأت الي حافظته من القران عشان تهدى وماتبكي قدام الناس
منار كانت مومصدقه حالها انها بتلتقي مع الانسان الي تحبه
شوي واعلنو ان المعاريس بيدخلون وان الضيوف لازم يتوجهون للجهه الاخرى من الصاله
دخلوابو منصور وابوريان وبعدهم منصور وريان
طلعو للكوشه وكل واحد منهم مسك بيد بنته وسلمها لزوجها
ريان قرب من منار وباسها على جبينها وطلب يرقص معاها ارقصه الرومنسيه شغلو الموسيقه
اما منصورقرب من جومانه وكانت منزله راسها وهمس في اذنها
منصور:ارفعي راسك يابنت ابوك بدري على هالحركه
رفعت راسها وطالعته من فوق لتحت وفكت يده
ام منصور:يلا ياوليدي ارقصو شوي
اخذ منصور جومانه ونزلها من على الكوشه وبدا يرقص معاها
منصور:هذا انا كسرت راسك وبشيلك مذلوله من عند اهلك
طالعته جومانه بنظره قويه مستحيل ينساها
جومانه:ماعاش من كسر راسي او يذلني
ضغط منصور على يد جومانه بقوه لحد ماطبعت يدينه ورفع راسه وبعدين قرب وجهه من وجها لين صارجبينه على جبينها وخشمه على خشمها حست جومانه ان انفاسه من قوتها بتحرق خدها
جومانه:اترك يدي اوجعتني
منصورانتبه النفسه وترك يدها
ابو منصور:يلا يعيالي مابقى شي على الطياره خل اوصلكم
ارتبك منصوروناظر في ابوه:لا يايبه لاتعب نفسك احنا بنروح للمطار الوحدنا تعبناكم الليله
ابو ريان:اخاف تحتاجونا ياولدي
منصور وريان:لالا مشكورين
ابو ريان مسك منصور على جنب :اسمع ياولدي بنتي امانه برقبتك لا اوصيك فيها تراها حساسه والا يام الي فاتت تعبتنا كل يوم تبكي من فراقنا مابيك تبعدها عنا الين تتعود على وضعها الجديد
منصور ارتبك لما سمع كلام عمه خاف لاتكون جومانه تكلمت :ابشر ياعمي ماراح اتشوف الا الي يرضيك
طلعو العرسان بعد ماسلمو على اهلهم في سيارة منصور على المطار
لما وصلو المطارراح ريان يبي ينزل الشنط ولما جا يبي ينزل شنط منصور وجومانه جاه منصور
منصور:ريان لاتنزل شنطنا
ريان:ليش
منصور:احنا غيرنا اتجاهنا مراح انسافر مصر انا حجزت على لندن وطيارتنا الساعه ثلاث الفجر انتو روحو الحين الله يستر عليكم
ريان:انت من جدك وليش ماتكلمت من بدري كان رحنا مع بعض
منصور:ههههههههههه ياخوي واحد يبي ينفرد بزوجته في عالم الوحدهم عندك مانع
ريان:ههههه في هذي لا والله
**************
في المطار ودع منصور وجومانه ريان ومنار
وانصدمت جومانه لما عرفت انهم مراح يسافرون معاهم
خرجو من المطارركبت جومانه السياره اما منصور ظل نص ساعه يكلم برا
جومانه غريبه ليش غيررحلتنا على لندن هذا مجنون ويبي يجنني معاه يارب صبرني
**************
منصورواقف برا عند السياره ويكلم بلجوال
منصور:اهلين عم مروان اخبارك
مروان :تمام ياستاز
منصور:كيف كل شي جاهز
مروان:على ماتحب امتى حتشرفنا
منصور:كلها نص ساعه وانا عندكم
مروان:ياهلا وسهلا
منصور:يلا سلام
ركب منصور السياره وبدون مايتكلم تحركت السياره وفجئه دخل منصور في طريق مظلم ارتعبت جومانه وصارت تتلفت
جومانه:وين مروحني تكلم وين
منصور ظل ساكت وعطاها نظره سكتتها
خافت جومانه وسكتت
وبدا منصور يخفف السرعه لما قرب من سور كبيروزاد خوف جومانه اكثر واكثر
وفجئه وقف عند بوابة السورودقايق وانفتحت البوابه دخل منصور السياره وكان خلف السور شبه غابه اشجار في قمة الروعه ورود على الاطراف وانارات مشى منصور السياره وبدا يضهر لهم انوار فله
وقف بسياره عند الفله ونزل وراح يسلم على شخص كبير انتبهت جومانه ان هذا الشخص نفس الشخص الي فتح البوابه
منصور:كيف حالك ياعم مروان وكيف العمه فضه
العم مروان:طيبين والحمد لله
فضه جهزت كل شي والفله صارت جاهزه تامرني بشي يأبني
منصور:مشكور ياعم حتى السياره لاتحركها خلها مكانها انت روح نام الحين
رجع منصور السياره وفتح الباب :يابنت انزلي
جومانه نزلت وكانت غصب تمشي وتحس خطواتها ثقلت
دق منصور الباب وفتحت شغاله
سيريانا:اهلابابا منصور تفضل
دخل منصور ودخلت جومانه الفله
منصور:سريانا طلعي الاغراض فوق في الاماكن المحدده هذي ماما جومانه اتمنى الكل هنا يسمع كلامها
وكان يطالع جومانه ببتسامه غير معروفه
(وصف الفله من الخارج سور كبيروخلف هاسور زي ماقلت لكم شبه غابه اشجار كبيره وكثيره لكن منظمه فيه مسبح من الجهه اليمنى للفله وقريب منه احواض ورود على شكل قلب كبير وبعدها نافوره حواليها كراسي والارض كلها مزورع
في الجهه الثانيه ملحق صغير يعيش فيه مروان وفضه وهم المسئولين عن الفله
اما الفله راح ندخلها الحين فيها بوابتين كبار وحده في الواجهه وهذا بوابة الفله الاساسيه وبوابه من الجهه الخلفيه وهدي لضيافه كان فيه مجلسين كبيره ودورات مياه(الله يكرمكم) فيها سيب متصل بلفله يدخل عن طريق المطبخ
ننتقل للبوابه الرئيسيه اول شي فيه صاله كبيره جلساتها ارضيه وعلى يمينها غرفة طعام بعدين المطبخ وغرفة جلوس هذا الطابق السفلي ومجلس نسائي
الطابق الثاني كانت عباره عن ثلاث غرف ابدورات مياه وبوسطها صالة استراحه صغيره
وحده منها وهي غرفة النوم الرئيسه كانت في قمة الذوووق
كانت كبيره فيه زي المدرج في اعلاه سرير ضخم وفيها غرفة ملابس ودورت مياه وبلكونه كبيره فيها طاوله وكرسين من الخشب كان لون الغرفه وردي على موف)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك