رواية عودتني كل يوم اسمع انا صوتك -34
سارة:أنزين طلعي ...
سلامة من فتحت الباب راحت صوب سارة وقرصتها بقوا على كتفها....
سارة:اييييييييييييييي عورتيني أنا شو سويت
سلامة:ليش ما قفلتي الباب وراج
سارة:نسيت ...
سلامة:اهااااا نسيتي والله أنج متعمدة هالشيء .... أنزين ليش ما قلتي أن أحمد موجود في البيت ....
سارة: ...أمممممممم ..... كان نايم ...
سلامة:يعني موجود في البيت ...
سارة:هيه ...بس من ينام ما يحس بلي حوليه ...
سلامة:بقرة ...
سارة:حقيرة ...
سلامة:نذلة ..
سارة:متوحشة ...
سلامة:حيوانة ...
سارة:أفففففففففففففففف خلاص والله أني مليت ...
سلامة:أنزين فتحي الانترنت خلينا نضيع وقتنا شوي ....
سارة:من عيوني ...
سلامة:تسلم عيونج ...يا حرمة أخوي ...
وتمين سارة وسلامة على سوالف وضحك ....
بالباجر .....
كان الجو رهيبة ....على الرغم من أنه شويه حر الا الجو كان غيم .....والكل مرتبش لأنهم بيرحون العزبة بعد ما رتبوا أغراضهم اللي يحتاجونها ... الكل كان فرحان بها لطلعة لأنهم يحتاجون تغير جـــــــو ......
اليازية:أنا بروح عند سالم في سيارته
سلامة:.......أنا بروح عند مبارك ...
العنود وهي محتارة تروح عند منو :وأنا أروح عند منو ...
اليازية وهي تغمز للعنود :أكيد عند حبيب القلب ....
العنود وفيها ضحكة :ظنج ....
اليازية:هيه ......
راحت العنود واليازية ومنير ونيرة وسيف عند سالم في سيارته ....أما سلامة راحت عند مبارك وعندهم سعيد ....محمد راح في سيارته هو وأم محمد وبو محمد وعفراء وحمد الصغير .......
في سيارة سالم .....
كان سالم مطول على غنية ميحد حمد _دموع المحبين _
منابع دموع المحبين عيني .. تبكي على نفسي وتبكي على الــــغير
وعن الغلا يا ساريه خبريني .. هل عاد له في قلوب الأحباب تأثير
قلب الفراق اللي غدى له حنيني .. ظميان والقصة ما هي جمة البير
لكنها شوق يدفه ضنيني .. يا الله عســـــــــاها ما تطول المــــشاوير
نوارتي .. تجمعي واجمعيني .. وتغــــــــطرسي على جميع النواوير
مالي عذر حتى أقول اعذريني .. بس احفظي تركـــــيبة البيت الاخير
أشرف مثل مقاصده تحتويني .. قل العــــــــــــطا .. ولا كبار المعاذير
خلي علامات الشــــــقا في جبيني .. عطر وبساتين وورود وعصافير
أبي أشوف العيد في مقلتيني .. وآركــــــــــــــب لقلبي جناحين واطير
وابي أعيش العمر ما عاد فيني .. أصادم الأيام والا المـــــــــــــقادير
يا مشغلة خط الغرام اشغليني .. تراي جــــــــــــــــــــــوال بليا فواتير
تمردي على النظر في وسط عيني .. وتعددي على وجيه الجــــماهير
لأن المنام اللي بغيه يجيني .. عيا يجيني لين مــــــــــــــسيت بالخــير
العنود كانت يالسه وراء سيت سالم ....وكانت طالع شعر سالم اللي طالع من الغترة ......
وتقول في خاطرها :ياويلي على ألمس شعرك .... ...سكتت .....
أاااااااااااااااااااااااااااااااااااااه يا سالم خسارة الغلا ...ليش تحاول أنك تعذبني بأي طريقة ...حرام عليك اللي تسويه فيني ...والله أني ما أستاهل كل هذا ...بس شو أسوي هذي حكمة الله وهذا المكتوب .....
اليازية وهي تغمز العنود:عنوووووود شو فيج
العنود وهي تلتفت لليازية : هاه ...ما فيني شيء ...بس الغنية وايد حلوة ....
اليازية:أكيد حلوة مدام ميحد يغنيها ....
العنود وهي تفتر للمنظرة وتمت طالع سالم منها .....
فهاللحظة طاحت عين سالم في عين العنود .....لأحظ سالم لمعة حزن في عيونها وشكلها كان يكسر الخاطر .....
سالم وهو يقول في خاطرها ((أدري أنج تحبيني يالعنود ....بس ما أقدر أكون ريلج ...أنا انسان أحب ولازم أتزوج بالانسانة اللي أحبها ....يالله أنك تعوض العنود بواحد أحسن عني وتسعدها ...))
اليازية كانت تلاحظ نظرات سالم للعنود ....ونظرات العنود لسالم ...
كانت تقول في خاطرها ((والله أنج مظلومة يالعنود ....تحبين واحد ما فيه قلبه ذرة الحب أو الرحمة تجاهج ...ياربي تسعد العنود وتفرحها وتجبر بخاطرها ....يالله))
في سيارة مبارك .....
مبارك:سلامي ....
سلامة واللي ماسكة سعيد وتكلمه :عيون سلامة لك ...
مبارك:الله يخلي عيونج ......سارة قالت لج شيء
سلامة:بموضوع الخطوبة ......
مبارك:هيه ...
سلامة:لا ما كلمتني ...
مبارك:ظنج بتوافق ...
سلامة:أكيد ....
مبارك:الله يسمع منج ...
سلامة:أممممممممم ....مبارك ...
مبارك وهو يطالعها :شو فيج
سلامة:هاه ابا أقول شيء بس مستحيه
مبارك:افاااااا عليج تستحين مني
سلامة:لا.......... بس ....
مبارك:رمسي شعندج
سلامة:أنسى الموضوع ....
مبارك وهو يطالعها بنص عين:سلامة
سلامة :أنزين أنزين بس لا أطالعني جذي ....
مبارك: لا حول ولا قوة الا بالله ...
سلامة:سالم ....
مبارك:شو فيه
سلامة:أحس به واااايد متغير ....وشيء في خاطره ....
مبارك:وأنا شو خصني في الموضوع ....
سلامة وهي تغمز لمبارك بعينها :ممكن مخبرك بشيء مني ولا مناك ....
مبارك:على شو
سلامة:ممكن يحب بوحدة ....وتزوجت من قريب .....وهو حزين على فراقها
مبارك وهو يضحك : والله ما عندي خبر ....يوم بنوصل العزبة تخبريه ...
مبارك ما رد على سلامة وتم يقول في خاطرها ((هذي الإنسانة ذكيه وتفهم كل اللي يصير من حولها ))....والله يعينك يا سالم على أسئلة هل البيت تخلي الواحد يمووووت من القهر .....
وبعد نص ساعة ...وصلوا العزبة ونزلوا أغراضهم.....وبعدين الصغارين راحو صوب العراقيب يلعبون ....وأم محمد وبو محمد راحوا صوب الحلال ومحمد راح عندهم ....أما البنات وعفراء وسالم ومبارك توا يالسين في الخيمة (( اللي مسوينها يوم يروحون العزبة يلسون فيها)) .....
اليازية:عنوووود قومي خلينا نروح صوب رأس العرقوب
العنود ما تبا تتحرك تبي بس اطالع سالم وتتأمل فيه :ما فيني ...خليها بعد شوي
اليازية:قومي عنود أمانة و رفجة عيون الغالي ....
العنود وهي اطالع سالم :بس علشان عيونه أنا بروح ....
سالم ما تكلم ....وتم يتبسم ....
مبارك وهو يضحك :منو هذا الغالي ....أمممممم ....أدري تتكلمين على منو .... ((تم يطالع سالم ويرمس ))بس المشكلة ...أن الحبيب انسان ما يحس ولا عنده ذرة رحمة تجاه الحبيبة ........أاااااااااه خسارة..... لو كنت أنا والله لا أعيشج في الاحلام الوردية ....
العنود ما تكلمت وتم ويها مثل الطماطة من المستحى ............
اليازية:العنود قومي خلصينا ....
قامت العنود وراحن هي و اليازية صوب رأس العرقوب .....وتمين يالسات على سوالف وتعليقات على قوم منيرة ونيرة ....
اليازية:خاطري في نسكافية
العنود:حتى أنا ......
اليازية:أتصلي بحد منهم علشان يب لنا النسكافية هني .....
العنود:لا والله وين تلفونج
اليازية:في البيت ....
العنود:وليش حاطته في البيت ....
اليازية:بسم الله ....تحقيق ...ما فيه جرج .....
العنود:صدقتج ....
اليازية:عنود حرام عليج والله ما أكذب .....
العنود:أنزين تبينا نتصل بمنو
اليازية:أي حد منهم
........
العنود:شو رايج نتصل بمبارك ....هو ما يعرف رقمي صح ....
اليازية:شو دراه عن رقمج....
العنود وهي تضحك :بنلعب به .....
اليازية :يالله ما ورانا شغلة ....وبعدين بنخلي سلامة تيب النسكافية صوبنا .....
العنود:فكرة عجيبة ......
اليازية:أكيد ...يا أم الأفكار ....
اتصلت العنود بمبارك .......صاح التلفون .....
راح مبارك وطلع التلفون من مخباه .....ومن شاف الرقم تم مصدوم وما قدر يتحرك ......
سلامة:مبارك رد على التلفون ....شو فيك
مبارك وهو يطالع الرقم :هاه ....
وشوي .....راح مبارك وطلع من الخيمة ....ورد على التلفون ....
مبارك:ألووووو ....
العنود بصوت ناعم :ألووووووو....
مبارك:هلا وغلا بشيخة المزايين ...
العنود وهي تحط أيدها على التلفون : خطير مبارك ....يتغزل بعد
اليازية:ردي عليه ....
العنود:أشحالك
مبارك:بخير يسرج الحال ....يا ...................
العنود بدلع :منو أنا .....
مبارك:أمممممم ....
العنود:تكلم الشيخ ....ليش ساكت
مبارك :شمسة ......
العنود وهي مصدومة :شوووووووووووووووو منو شمسة أنا العنود بنت عمك .....
مبارك تم مصدوم مستحيل تكون شمسة هي نفسها العنود ....لا أكيد أن مغلط في الرقم بس كيف أنا مسجل شمسة في تلفوني بأسم راعيه المسجات ........يعني هذا رقم العنود .....هو نفسه رقم شمسة ....
العنود تمت مرتبكة وبتموووووت من الخوف ....وسكرت في ويه مبارك .....
العنود وهي تصيح وماسكة على رأسها :ياويلي شو دراه مبارك بشمسة
اليازية وهي تحت تأثير الصدمة :هاه......ما أدري
العنود وهي تصيح:اليازية والله أني بموت من الخوف ......ياربي أستر عليه .....
اليازية:لا تخافين أنا عندج .......
تمت العنود بتموت من الصياح واليازية يالسة تهاديها وما نزلن من العرقوب حتى المغرب .....نزلن علشان تصلين صلاة المغرب ......
العنود وهي تنزل من العرقوب: أاااااااااااااااااااااااااه صدق أني منحوسة .......يا ليتني مت قبل لحد يكشفني ....ياربي شو راح تكون ردت فعل سالم اذا عرف بالموضوع ....اليازية.....
اليازية:شنوووو
العنود:ظنج مبارك بيخبر سالم بالموضوع
اليازية:لا مستحيل يخبره ....
العنود:الله يسمع منج قولي أمين
اليازية وهي خايفة على العنود:أمين ....
نزلن وحصلن مبارك يطالعهن واللي كان يتوضأ.....
العنود وهي تحاول أنها ما طالع مبارك ....أما اليازية كانت خايفة أكثر من العنود ......
مبارك:أهليين ....ليش ما نزلتن ....من الصبح
اليازية:كنا نتكلم ....واصلا مافينا على حشرة قوم نيرة.....
مبارك:اها جذي السالفة
اليازية:هيه .....
مبارك:أقول عنود تعالي ابا أكلمج ....
العنود وهي مرتبكة :بعدين ...الحين بروح أصلي ....
مبارك:ما لج مفر مني .....تراني أدري بالسالفة ...بس ما خبرت سالم ....
العنود ((و خانقتها العبرة)) وهي تتقدم للمبارك :مبارك .....
مبارك وهو يطالع في العنود:أمريني
راحت العنود ومسكت أيد مبارك (((كأنها تترجاه أنه ما يخبر سالم ))) :أمانة ما تخبر سالم ....اذا لي معزة في قلبك لا تخبره ..
مبارك وهو يبعد أيد العنود منه :أمره لا تفكرين بالموضوع ما دامني أنا عندج ....
العنود وهي تصيح :الله لا يحرمني منك .....
مبارك وقلبه يتقطع على العنود اللي كاسره خاطره :روحي صلي ممكن ترتاحين شوي .....
دخلت العنود وتمت تصلي وتدعي أن ربها يستر عليها .....يوم كانت تصلي كانن الدموع تنزلن من عيونها ....
سلامة تمت مستغربه من العنود ............... واللي كانت تصلي عدالها ..................
سلامة بعد ما سلمت تمت اطالع العنود .....
العنود كانت فهاللحظة تدعى ربها وبعد ما خلصت تمت تستغفر والدموع تنزل من عيونها ......
سلامة وهي تمسك أيد العنود:عنوووووود ....شو فيج ليش تصيحين يا قلبي
العنود وهي تمسح دموعها :ما فيني شيء ....بس تراب دخل عيني .......
سلامة:لا تكذبين عليه ....شو فيج ...خبريني حد تواجع عندج ......
العنود وهي تقوم من مكانها :أقول لج ما فيني شيء ....صدقيني .....
سلامة تمت مستغربه وتقول في خاطرها (ليش العنود تبكي ....ياربي أنا لازم أعرف السالفة شو فيها ممكن متواجعة عند اليازية لا ما ظني ....بس ليش تبكي أكيد في خاطرها شيء...)
العنود طلعت من الخيمة وراحت صوب العرقوب وتمت يالسه بروحها .....أما سالم بعد ما صلى تم يطالع العنود اللي يالسه بروحه ......
اليازية وهي تيلس عدال سالم :علومك سالم
سالم واللي عيونه في العنود:هاه ....علومي طيبة
اليازية: شو فيك
سالم:اليازية ..ليش العنود يالسه بروحه لا يكون زعلتيها ....
اليازية:أنا لا والله ...بس تلقها تبي تيلس بروحها ....
سالم:تصدقين اليازية
اليازية:شنو .....
سالم:كاسرة خاطري العنود أحس أني ظالمها ....
اليازية:توك تدري أنك ظالمة .....
سالم:ليش هي تحبني .....
اليازية:.............
ما تكلم سالم وتم يطالع العنود وقلبه يلومه ليش أعذب العنود هي شو سوت حتى أكون عليها قاسي ....العنود ماهي أحسن عن شوق بشيء ....بس ....
فهاللحظة يلس مبارك .......وقطع أفكار سالم ...
مبارك وهو يطالع اليازية:وين عنود عنج
اليازية وهي تأشر على رأس العرقوب :يالس هناك ....
مبارك:خليها تنزل ......
اليازية وهي مستغربة :ليش .....
مبارك:قومي بنروح البيت ....
سالم:ليش بتروحون البيت ..........من الحين
مبارك ((وهو يدور على كذبة)):العنود رأسها يعورها وتبي تروح البيت ....
سالم وهو مستغرب من هذا العذر :ليش يعورها رأسها ....
مبارك وفيه ضحكه : والله ما أدري يا أخوي.....روح أسالها ...
سالم:وليش أنت ناقم .....
مبارك ما رد على سالم وركب سيارتها وخلى اليازية تركب عنده وراحوا صوب العنود اللي يالسه على العرقوب .....
العنود من شافت سيارة مبارك مقبلة صوبها تمت تمسح دموعها ......
مبارك وهو ينزل الدريشة :عنود
العنود:هلا ....
مبارك:قومي ركبي ....
العنود:ليش ...
مبارك:بنروح البيت ....
العنود:ليش ...
مبارك:ركبي أقولج ....
العنود:أن شاء الله....
ركبت العنود من وراء وطول الطريق ولا نطقت بكلمه ....
مبارك تم يعابل المسجل وحط منوعات
وكانت غنية راشد الماجد _تضحك الدنيا_
&((..الله لا يجيب الزعل بينك وبيني وأن زعلت أرضيك أنا يا نور عيني ...تضحك الدنيا في عيني لا رضيت وأقبل أعذارك وأسامح لو خطيت لو أقول أنك حياتي ما وفيت كيف أنا أضيع حياتي من أيديني ...الله لا يحرمني منك ومن حلاك ومن دلالك ما تمنى غير شوفك تبتسم مرتاح بالك أنا محتاج لحنانك مهما كان شوفتك عندي لها قدر وشأن أنت في بالي وأحبك من زمان أنت من يقدر يخيب فيك ظني ..))&
العنود من سمعت الغنية تمت تبكي بدون صوت ...بس مبارك لأحظ هالشيء على حركات العنود وبند المسجل ...
مبارك:العنود ليش تصيحين
العنود ما ردت على مبارك .....
مبارك وقف السيارة ......وأفتر صوب العنود ....
مبارك:العنود شو فيج .....ليش تصيحين
العنود وهي تفتر صوب الدريشة :ما فيني شيء بس خاطري أبكي ...
مبارك:على شنو تبكين
العنود:على كل شيء ....
مبارك:على سالم ....
العنود ما ردت على مبارك ...
مبارك:العنود ...تدرين أن سالم يحب بنت أسمها شمسة و يترسلون بالمسجات ....والحين طلعت هذي البنت هي أنتي ... ليش تصيحين أن شاء الله سالم بيكون لج .....
العنود:خلاص ما أبه .....
مبارك:بها لسهولة راح تفرطين فيه
العنود ما ردت على مبارك ....
مبارك:العنود أنا أكلمج ردي عليه ...
العنود:شو تبيني أقول لك
مبارك:بكل شيء .....ليش سويتي جذي ...تدرين أن سالم ما راح يأخذ غيرج ....
العنود:تعبت من كثر ما أبين له بس هو ما يحس ....
اليازية:منو قالج أن سالم ما حس فيج الحين هو قالي أنه ظالمج ....وسألني اذا أنتي تحبينه أو لا ...يعني حاس بشيء تجاهج ...
العنود:خلاص راح أحاول أنساه .....
مبارك:عنود سالم لج وأنتي لسالم خلي هالشيء في بالج .....وأنا تراني عندج و بحاول أقنع سالم أنه يأخذج ....
العنود تمت تصيح :أمانة لا تخبر سالم أني شمسة ....
مبارك:أن شاء الله بس أنتي لا تصيحين ....
العنود وهي تمسح دموعها :مشكور يا مبارك على وقوفك عندي
مبارك:افاااااا عليج كم العنود عندنا ......
فهاللحظة صاح تلفون مبارك وكانت سلامة .....
مبارك:ألووووو
سلامة:يا سلام ليش تروحون وتخلوني بروحي عند هالوحوش .....
مبارك:لا والله تراج تصيحين العزبة ....يلسي حتى تشبعين ....
سلامة وهي مبوزة:وين أنتوا
مبارك:والله قريبة من الشعبية .....
سلامة:اااااااااااااااه يالقهر ليش ما خبرتوني ........
مبارك: السموحة يالشيخة سلامة ......نسيتج ....
سلامة:منو عندك أنزين......
مبارك:منو غيرهن العنود اليازية ....
سلامة:أنزين العنود ليش تصيح
مبارك وهو مستغرب منها وتم يقول في خاطره ((يالله يا سلامة حشى ما يفوتج شيء )) :تصيح ...والله ما أدري عنها .... تبيني أسالها ....
سلامة:لا ...أوكيه مع السلامة
مبارك:في أمان الله
الـــــجــــزء الثــــــاني والعـــــشــــــرين والأخــــيـــــــر
وصلوا مبارك واليازية والعنود البيت .....
العنود أول ما نزلت من السيارة سارت صوب الباب الصغير الي يفتح في السكة تبي تروح بيتهم .....
اليازية من شافت العنود رايحة صوب بيتهم تمت تسير وراها ....
اليازية وهي تسير عدال العنود:عنود خلينا نروح بيتنا
العنود:مبا ....خليني أروح بيتنا أحسن لي ....
اليازية وهي مبوزة :الحين أنتي زعلانة!!!! ....
العنود ما ردت على اليازية .....
اليازية:أمممممم ...تتوقعين مبارك يخبر سالم بالموضوع
العنود وهي ماسكة على رأسها :اليازية حرام عليج .....لا تزيدين المواجع ......اللي فيني مكفيني ...
اليازية تمت تكلم عمرها .....
أما العنود تحس بعمرها أنها سوت غلطة كبيرة وما هي مسامحة عمرها على هالشيء ....
راحت اليازية عند العنود لبيتهم ...
أول ما دخلن البيت حصلن الريم وراشد توهم طالعين من الصالة .....
الريم :مرحبا ملالالالالالالايين ولا يسدن .....باليازية والعنود ....
اليازية وهي تتبسم :المرحب باجي .....
راحت اليازية وسلمت على الريم ....
أما العنود ما ردت عليهم وراحت لحجرتها ....
وتمت اليازية تكلم الريم ومن داخلها تفور من القهر تبي تروح صوب العنود ....بس تستحي
الريم:وين راحتوا رحت أنا وراشد صوبكم بس ما حصلن حد في البيت
اليازية : اهااااا ........راحنا صوب العزبة....
الريم:...الحين أماية داخل البيت.....
اليازية:لا بس أنا والعنود رجعنا .....واااايد حر ....والعنود رأسها يعورها ...
راشد تم يطالع اليازية من رأسها لتحت ويتبسم لها ....
اليازية:راشد
راشد:هلا ....الشيخة أمريني ....
اليازية:ما يأمر عليك عدو .....الا بقولك ...ليش طالعني جذي ....
راشد وهو يطالع في الريم :أنــــــــــــا ...حرام عليج ياليازية أشوفج شرات العنود أختي ...
اليازية:أمممممم ...شرات العنود أختك... توني فهمت .....صدج أنك بلا مذهب .....عينك بتطلع من مكانها من كثر ما أطالع فيني وتقول لي شرات أختي ...لا وبعد عندك حرمتك... ريموه ترى ريلج عينه زايغه ......بصراحة
راحت اليازية وطلعت من باب الصالة وراحت صوب بيتهم....
أما الريم تمت واقفة وراشد واقف قدامها ويطالعها (مو مصدق الريال أنه في شخص تجرأ وقال له أن عينه زايغه ) ....
راشد:صدج أن أختج ما تستحي ....ولا في ويها ذرة حياء .....
الريم:حرام عليك رشودي ....مو قصدها ....
راشد وهو معصب :أنا عيني زايغه ....بالله عليج قد شفتيني أطالع الحريم .....أشوفهن مثل خواتي.... وأصلا أنا من أشوفهن أنزل رأسي .....صدج الواحد اذا عطى غيره ويه راح يندم في الاخر ......آااااااااه يالقهر .....
الريم:خلاص راشد غير الموضوع تراني مليت من هالسالفة ......
راشد وهو يبتسم للريم:بس علشانج يا قلبي ....
الساعة 9 .....
مبارك وسلامة وسالم يالسين في الخيمة يسولفون......
مبارك:الحين أنا بتزوج وبخلي أماااايه ترتب لي القسم اللي فوق كله حقي ..أنا وحرمتي ....
سلامة وهي معصبه :لا والله كل هذا علشان سارووووووووووه .... فجأة ....سكتت سلامة ...((وحطت أيدها على ثمه)) ....
تم مبارك يطالعه بنص عين:عنلالالالالالالالالالالالالالالاتج يالخامة أفشيتي بسري ......
سلامة:أممممممممممم .....سامحني مبارك والله ما كان قصدي ....
مبارك وفيه ضحكه :الحين تقوميني طرشين الدكان من كل شيء وعلى حسابج الخاص .....
سلامة:حرام عليك مبارك أنا ما سويت شيء .......
مبارك:ما لي خص .....قومي لا أذبحج ....باجر بتخبرين الحارة كلها ...أني أحب سارة ...وبأخذها ....
سلامة وهي تقوم من مكانها:يا ويلك من عذاب الله يا لمجرم ....
مبارك ويمثل أنه معصب : سلامي ....روحي....دام النفس عليج طيبة ....
سلامة:أنزين بس لا تعصب .....
راحت سلامة منهم علشان تتصل بالدكان ...أيب لهم أكل اللي طلبه مبارك .....
سالم:حرام عليكم .....شو من خير عند سلامة .......
مبارك:لا خلها ليش تخبر بالسر.....
سالم:أي سر ....تراني أدري أنا بالموضوع ...أنك راح تأخذ سارة الخييلي .....
مبارك وهو يضحك :والله أمبوني أنا نفسي في أكل الدكان ...وتسببت على سلامة .....
راح سالم ومسك تلفونها وأتصل بشمسة ....بس كان تلفونها مغلق .....
مبارك تم يطالع سالم و يقول في خاطره :يالله يا سالم .....شو راح تسوي اذا تدري أن شمسة هي نفسها العنود ....ليتك تدري أن العنود متعذبه منك ....شو ذنبها العنود ...بس أنا لازم أخبره .أمممممم ..أخاف يفهمني غلط ....بس أنا وعدت العنود أني ما راح أخبر سالم بالموضوع ...بس كيف راح أقول له أن العنود هي نفسها شمسة اللي عوضته وحاولت أنها تنسيه شوق لا حول ولا قوة الا بالله.... الواحد أتعس من الثاني..... بس الصراحة سالم يستحق العنود ...والعنود تستحق سالم ...بس المشكلة كيف راح أقربهم من بعض والله أني تعبت من التفكير ....
فهاللحظة دخلت سلامة ويلست عدال سالم.....
مبارك:طرشتي ولا لا ...
سلامة:هيه ....
مبارك وهو يبي سلامة تطلع ممكن يقدر يفتح الموضوع عند سالم:روحي أتصلي عليه.... وتخبريه ليش حتى الحين ما يا ..
سلامة: يا سلالالالالالالام ....توني مسكرة منه ...والله ما روح .....
مبارك:أفففففففففففففففف ......
سلامة وهي تضحك :لا تحاول والله ما تحرك من مكاني .....
مبارك:عنلالالالالالاتج.... صدج أنج ما تحسين يالبقرة ....
سلامة تمت تضحك من الخاطر على مبارك وحركاته ....
تموا الكل ساكتين .......
وبعد ربع ساعة طلعت سلامة للدكان ويابت الاكل وتموا يأكلون و يسولفون .....
سالم تم ما هو في حاله يبي يعرف ليش شمسة مغلقه تلفونها ما هو بالعادة ...بس لازم تكون في هالوقت تتصل علي يالله شو فيها ....وتم سالم يتصل عليها بس يعطي مغلق ......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك