رواية عشر اسباب خلتني احبك تسع منها مدري ليش -35
دانيال سحب يده بهدوء وقال : يبه شفيك ؟
الاب ب ندم كمل : قبل لا اركب الطياره جاتني بنت بليس وقالت لي ايش الي صار بينكم بالضبط ! وانك جد ماكنت عارف ب شي ! انا مادري كيف شككت ب اخلاقك
دانيال ب ابتسامه ساخره : يعني صدقت الكافره يا يبه ! وانا ولدك ماصدقتني !
الاب خنقته العبره : خلاص دانيال انا اسف وخلونا نبدأ صفحه جديده
دانيال راح حظنه وباس راسه : لاتعتذر يا يبه ! والله قدرك عالي ولو سويت الي تسوي بظل احبك
لورا دخلت عرض وحضنتهم
ناظرت دانيال وقال ب ابتسامه : الحين امنية امي تحققت !
.
.
صبـآح يوم جديد
صرآع وموت شخص جديد
حزن والم شخص جديد
خيآنة مشاعر شخص جديد
عشق قلب شخص جديد
مصير امل شخص جديد
فرحة وبهجة شخص جديد
هذآ مايحدث في كل صبـآح يوم جديد ~
.
.
دانيال دخل الشركه والكل كان يسلم عليه
ومستانسين بـ رجعته !
راح اتجآه مكتب ابوه ~
وشـآف ريمـآ !
راح لهآ و منشغله بالاوراق ولا انتبهت له !
دانيال: السـلآم عليكم
ريما جمدت كل خليه فيها
ورفعت راسها تدريجيا تتأكد من الي فِ بالها
بعد ما تأكدت نزلت راسها و ......
ريما بإبتسامه : انت رجعت (بدت تضحك) ههههه (سكتت و وقفت ب رسميه) ا أ إ الحمدلله ع سلامتك دانيـ..(ضربت ع جبهتها) استاذ دانيال
دانيال : ههههه شفيك ؟
ريما : لا ابد بس مو مصدقه انك انت !
دانيال باستفهام : ههه مو مصدقه اني انا ؟! لالا الظاهر فيك شيء اليوم (كمل ب مزح) كل هذا مشتاقه لي ؟
ريما ابتسمت
و هدّت من نفسها وتنهدت
وكملت بـ نبره رسميه : الحمدلله على سلامتك استاذ دانيال , والله اني اعددت كل التقارير الي تبغاها والله كاملين ومش ناقصين مثل ماكنت تقولي حتى لو ماتصدقني شوفـ.. ...........
قاطعها دانيال بصوت خافت : أحبك
ريما بـ تردد : شـنـ؟ شـن ـو قـ ـلت ؟
دانيال كمل بتوضيح : قلت لك "صدددقتك" ماله داعي حلف !
ريمآ بقلبها : وصلت للأوهآم ياريمآ , الله يعين قلبك بس !
دانيال وهو يتصفح التقارير : اولله كل هذا صـآر ! اجل انا مشغول مره اليوم
ريما : أ إ أ صآحبك طلال ترك رساله يقول فيها ان عرسه قريب ويبيك تحضر
دانيال ابتسم : جـــد ..؟
ريمآ : ايه (كملت بنبره صادقه) عقبـآلك ان شاء الله
دانيال ب اندفاع : الله لايقولهآ !
ريما ارتبكت وكملت بسخريه : هه كيف الله لايقولها ؟ هذي سنة الحيآه !
دانيال : آنآ أكره الزواج يا ريمآ والحريم طاحوا من عيني وصدق ربي لما قال ان كيدهن عظيم
ريمآ ب دفاع : بس هذا مو عذر و .........
قاطعها بحده : انتي شفيك ؟ لو سمحتي ريما وقتنا محدود لانضيعه بنقاشات تافهه
ريما =( : حاظر استاذ
خآرج العنآيه المركزه
عيونهم غآفيه تنتظر كلمة الدكتور
من الليله الماضيه
تعب تفكيرهم
دعوآ
صلوآ
الي يشوفهم يقول هم الي بيموتون
الي نايم ع الكرسي
والي متسند ع الجدآر وراسه مايل بتعب
كلهم ينتظرون
حيآة شخص عزيز عليهم !
صحت سحر ~
اتمنت انها تصحى بالبيت ويجي فراس يزعجهآ
اتمنت ان تشوف كل اهلها حولهآ
الكل سعيد وتملئ قلبه الفرحه
بس للاسف
صحت من نومهآ وظهرها يوجعها من النومه الغير مريحه
صحت من نومها وقالت بقرف : اففف ريحة المستشفى
" تلك الرائحه المميزه الي تحملها زوايا المستشفى
عطرهآ يسترجع ذكريات كل شخص
سواء كان مريض او دكتور او حتى عامل نظآفه
لآ أدري ! أهي رائحة معقمآت ام ماذا ؟ لآزلت اسميها
رآئحة المستشفى "
صحت من النوم
وشافتهم صحوا قبلهآ
امهآ
لمياء
مجيد
وليـ.... بس لحظه وين وليد ؟
أووه صح ! اتهاوش مع لمياء البارح قدآم الخلايق وازعجوا الناس
وطلع وهو متضايق !
آخخ .. خربت الي بينهم "قالت سحر"
الام شافت سحر: حبيبتي صحيتي من النوم ؟
سحر : صباح الخير يمه بشري على فراس ؟
الام بحزن : ادعي له
سحر : طيب و......
قطع نقاشهم مجيء الاب ~
الاب : ها شصصاير ؟
مجيد : بددري !
الاب طنش ولده : قولولي وش صاير ؟
سحر : فراس مسوي حادث سياره وهو بالعنايه الحين
الاب بسخريه : انا قلت له لا يطلع ! بس هو مايسمع الكلام ! وهذا هو فراس بس تفحيط سيارات وهيات , مو غريبه عليه هالحوادث (بحده) يستاهل
الام عصبت : وشوو يستاهل انت ماتخاف ربك ؟ ولدك كان رايح المسجد وهو الحين بين الحياه والموت !
الاب سكت ونزل عينه للارض
كآن يكابر
من دآخله ميت من الرعب ع ولده
طلع الدكتور
وكلهم راحوا اتجاهه بشكل سريع
الام : بششر يادكتور بشر
الدكتور نزل راسه بحزن : وش ابشر ! الولد حالته صعبه
سحر دمعت عينهآ : اخووي شفيه ؟ تكلم !
الدكتور : اذا طلع بالسلامه راح نعتبرها معجزه
سحر طنشت كلام الدكتور وفتحت الباب ودخلت بشكل سريع
الدكتور : ياا بنت يااااابنت (نادى) ياممرضات طلعوا البنت بسرعه
سحر دخلت
شافت فراس ع السرير
وشآفت –على قولتها- انابيب الحيآه
الي كانت ع صدره وذراعه وحتى كفوفه واصابعه
ماتوقعت تشوف فراس بهالحآله
قربت منه وبهدوء قالت : فراس ... فراس !
التفت لهآ بصعوبه وبحركه بطيئه جدآ
سحر فرحت : الحمممممممدلله الحمدلله يارب !
فتح عينه
سحر قربت منه وتلمست وجهه : فراس انت بخير ؟
دخلوا الممرضات والدكتور
الدكتور : لو سمحتي لازم تتطلعين حالة اخوك خطره جدآ
جات ممرضه ومسكتها تبي تطلعهآ
سحر بعنف : بعددددي عني (التفتت ل فراس) فراس رد علي !
فراس مسك يدهآ بصعوبه وتلمس اطراف اصابعها وقال بصعوبه : هبه
ابتسمت سحر وقالت : ياعيون سحـ...(سكتت وقالت ) هبه ؟؟؟؟
فراس كمل بصعوبه : هـ ـبـ ـه .. آن ـآ .. آس ـف
سحر عصبت : فراس انا سحر !
الممرضه سحبتها : لازم تطلعي
الممرضه سحبت سحر
وبعدت عن اخوها
وكان ماد يده ولما الحين يلامس يدهآ
الممرضه سحبت سحر و خذتها اتجاه الباب
وكآن فراس مآد يده ..
نزلهآ تدريجيا
سحر : فررررراس !
فراس ابتسم بصعوبه ولمعت عينه بالدموع وقال : أحبك
طلعوهآ برا الغرفه
وتسسكر الباب
الام سحبتها : سححححر بششري قالك شي ؟
سحر ابتسمت بصعوبه : ايه اتكلم ! ان شاء الله يقدر يقوم !
الام رفعت يدها : الحممدلله يارب الحمدلله !
ثوآني قليله وطلع الدكتـــــور
ب وجه ثاني غير عن الي قبله =)
ان شاء الله يكون خير !
الام ب أمل : بشششر يا دكتور !
الدكتور : البقآ ب راسكم
الولد عطاكم عمره
ـــــــــــــــــــــــــــــــــــــــــــ
في صـآلة بيتهم ~
الام : وهذي الساعه المباركه يا ولدي ,واخيرا اقتنعت بكلام ابوك
الاب بفرح : ان شاء الله ربي يمد ب عمري لما اشوف احفادي
هبه ب ابتسامه : وجا اليوم الي نفرح فيك
هاني ابتسم : تسلمون حبايبي والله , ويعلم الله ان فرحآن كثير
هنوف : اكيييد اكييد بتفرح حبيبي لانهآ صآحبتي
الاب : والله انا ماوافقت الا لما شفت أخوهآ محترم ماشاء الله عليه
الام : هوّ يابو هاني ! ماوقفت ع الاخو بس ! شوف امها وابوها واختها واخوانها ماشاء الله عليهم عيني عليهم بارده
هنوف : واحسسسن شي سحوره !
الاب طنش : اجل عجلي يا ام هاني واخطبي البنت نبي نفرح جميع
الام : ان شاء الله قريب يارب !
ـــــــــــــــــــــــــــــــــــــــــــ
في غرفة المعيشه المظلمه
جآلسه ع الكنب
والضوء بس من التلفاز
الي جالسه تتأمله ودآخله جو مع الفلم
كانت حآطه علبة البوب كورن ع بطنهآ الي صار بارز بشكل سريع
بيتر من بعيد : سأذهب للتنزه هل ستأتين معي ؟
روني علت صوتها : لآ بيتر سأشاهد الفيلم
بيتر – بوي فريند صاحبتها –ايميلي- سابقـآ وهو الشخص الي نقل لها المرض عشان كذا حس بالذنب وسكن معها عشان يساعدها بفترة الحمل , لانه هو الاب
بيتر قرب وهو يسكر ازرار القميص : هل انتي متأكده ؟
روني لمحته : نعم ... (صغرت صوت الفيلم) بيتر
بيتر : نعم ؟
روني ناظرت الارض : بيتر يجب ان تذهب معي الى هنآك
بيتر قلب عينه بطفش
روني : ارجوك بيتر لمصلحتنآ جميعآ , لقد هربت من المركز دون ان اخبرهم , لاجلك ! يجب ان تأتي معي يابيتر
بيتر تنهد : سأفكر !
روني : يجب ان تأتي معي ! لا ان تفكر
قرب منهآ وباسها ع خدهآ : لك مـآ اردت ~
ـــــــــــــــــــــــــــــــــــــــــ
في غرفة ألين
اللمبـآت شغاله
واشعة الشمس تخترق الستـآئر
و سدن تناقز ع السرير -_-
ألين تغطي روحها باللحآف : سدوون حبيبتي خلاص خليني انام !
سدن : ماما وبابا قالو لازم تقومين من النوم
ألين بصوت باكي : سدن تكفييييين طلعي والله مانمت عدل البارح
سمعت صوت صفعة البـآب
.
صوت شهقـــه قووويه
ساره منصدمه : وانتي لما الحين ماجلستي ؟ ياغبيييه اليوم عرررسك قووومي !
ألين خافت وغطت روحها بإحكام : ابي اناااااااام
ساره رفعت عنها البطانيه : قومي قومي الساعه 10 تأخرنا !
الين : والله اني تعبانه ابي انام !
ساره : محد قالك تسهرين امس
دخلت الام وهي لابسه العبايه
الام : يـلآ انا تجهـ....(انصدمت وهي تشوف بنتها ع السرير , ضربت ع صدرها ) وانتي ماقمتي ؟
ساره : الينو قومي , والله بنادي لك فيصل , عاد تدرين كيف بيجلسك من النوم !
ألين قامت بطفش
طلعوا وخلوها براحتها !
خذت لها شـآور وريحت اعصابها !
ودآيركت ع الكوافير !
عند طلال !
نايم بغرفته ومقفل الباب عشان محد يزعجه
وسليمان مسوي عرس جنب الباب عشان يصحى
بس لا حياة لمن تنادي !
سليمان يطبل ع الباب : يالمعررس , عرووستك لك , لك وحدك , ولا اله الا الله ! على طلول ماشاء الله !
الخدامه داخله عرض : لولوولولولولويش !
سليمان التفت عليها : خير ؟ شتبين ؟
الخدآمه : لا بس عشان يقعد طلال
سليمان : اقول لايكثر (رفع يده) لا اصفعك الحين !
الام مرّت جنب الغرفه : سليمان شوي شوي ع الخدامه توها جايه امس !
سليمان : يمممه احنا مانحتاج خدآمه مادري ليه جايبتها !
الام : شوف غرفتك بالاول بعدين اتكلم !
سليمان : اوهووو !
سليمان راح لابوه
سليمان : يبا طلول لما الحين ما جلس !
الاب : شوي واجيه !
سليمان راح عند باب غرفة طلال وطبّل بحماس !
سليمان : جــآآآك المووت ياتارك الصلالالاه !
طلال عرف بسرعه وجلس وتجهز !
بس كل تفكيره دانيال , وهل صار فيه شيء ؟
" تذكر دائمــــآ
عندمـآ تكون ب قمة الفرح
هنآك شخص
ب قمة الحزن "
.
.
في المسجد
بعـد مـآ خلصوا صـلآة الميت
وبعد التكبيرات الاربع
اللهم اغفر لحينا وميتنا وشاهدنا وغائبنا وصغيرنا وكبيرنا وذكرنا وأنثانا
اللهم من أحييته منا فأحييه على الإسلام ومن توفيته منا فتوفه على الإيمان
اللهم اغفر لفراس
اللهم اغفر له وارحمه
وعافه واعف عنه وأكرم نزله ووسع مدخله واغسله بالماء والثلج والبرد
ونقه من الخطايا كما ينقى الثوب الأبيض من الدنس
اللهم أبدله داراً خيراً من داره
وأهلاً خيراً من أهله
وأدخله الجنة وأعذه من عذاب القبر ومن عذاب النار
وأفسح له في قبره
" بيجي اليوم الي نسمع فيه الامآم وهو يدعي لنآ بهالدعآء =) "
خلصـوا من الدعـآء
وحملـوا الجنـآزه الى المقبره !
وكآن مجيد والاب و وليد وجميع الاحبآب والاهل هنآك
"السلام عليكم أهل الديار من المؤمنين والمسلمين وإنا إن شاء بكم لاحقون"
حملوا الجنآزه واتوجهـوا للقبر !
وكآنت اصواتهم تردد : لآ اله الا الله
الاب اتأمل ولده وهو يلفه الكفن الابيض ونزلت منه دمعه حرقت خده
مجيد ربت ع كتف ابوه : بالجنه يا يبه ان شاء الله بالجنه !
دخل شخص للقبر عشـآن يتأكد من اللحد ...
وشآف شي :|
الشخص : يآآجمآآعة الخير ياجمآآعة الخير !
.
.
.
.
خلص البآرت
اددددددددري انه قصير ><
ان شاء الله ب نزل بارت هالاسبوع
توقعآتكم =p
اممم باغير اسم الروايه الى [ صفحــآت من حيآة أليـن ]
او صفحآت الين ..شرايكم؟
الفصل الثالث – الجزء الـ17
.
.
الاب اتأمل ولده ب حزن
والي كان يلفه الكفن الابيض
نزلت دمعه حرقت خده
مجيد ربت ع كتف ابوه : بالجنه يا يبه , ان شاء الله بالجنه !
دخل شخص ((( للقبر ))) عشـآن يتأكد من اللحد و و
وشآف شي :|
الشخص : يآآجمآآعة الخير ! ياجمآآعة الخير !
الرجـآل ارتبكـوآ
مجيد : شفيك ؟ شصـآير ؟
الشخص استخرج شيء ملفوف وكأنه قطيفه مدفون بالتراب
وبالصدفه كآن رجل دين معهم
وبعد مـآ شآفه
قال : أعوذ بالله هذا سحر ! تخلصوا منه بالطريقه الصحيحه (انهى كلامه ب ابتسامه خفيفه جدا)
مجيد انقهر : وش يضحك بالموضوع ياشيخ !
جآوب : اكيد هالسحر معذب اصحآبه ! و وفاة فراس كانت سبب عشان ينفك (رفع اكتافه) وبالنهايه الله اعلم
مجيد عقد حواجبه وماقتنع ب كلامه
.
.
عند الحريم
عبير وكآنت حآمل وبطنها بدأ ينتفخ : الميت ماتجوز عليه الا الرحمه يا خاله
لمياء حظنت امها : خـلآص يمه هدي من نفسك
الام تبكي : وش اهدي من نفسي ! هذا ولدي هذا قطعه مني هذا فرااااس
لمياء حظنت امهآ وبكت ع فراق اخوهآ
دخلـوا هنوف وامها وهبه
هنوف على طول صعدت ل غرفة سحر
ام هاني راحت لام مجيد و قالت : عظم الله اجرك يا ام مجيد ادعي له .. ادعي له
ام مجيد وهي تبكي : اجرنآ واجرك
هبه ب تردد : عظم الله اجرك يا خاله !
ام مجيد ردت عليهآ ب دمعه وبعيون حزينه
ونزلت عينهآ للارض
ام هاني وهبه جلسوا
ام هاني وهي تتأمل البيت : ماشاء الله ماشاءالله ! وش هالبيت وش هالزين وش هالتناسق بين الالوان !
هبه من قلب : استغفر الله يارب لاتخسف فينآ (كملت بجديه) ولدهم متوفي وانتي تقولين هالكلام ؟
ام هاني ب تطنيش : اقوول بس ! اصلا ماجيت هنا الا عشان الي بيقدمونه (ناظرت بتفحص) عاد وين الاكل ؟ (التفتت ع هبه) هوّ لايكون مافي عششا ؟
هبه ماردت عليهآ
.
.
هنوف صعدت ل غرفة سحر على طول
فتحت الباب وقالت بتردد : سحر ؟
دخلت الغرفه ماشافت احد
مشت بالممر وسمعت صوت انين
راحت وقفت عند الغرفه الي يصدر منهآ الصوت وقالت : سحر ؟
فتحت الباب بهدوء
وشافتها ع سرير فراس
حآظنه المخده وتبكي بحرقة قلب
هنوف راحت لها وعينها مدمعه : سحر !
سحر بكت : شفتي وش صار ياهنوف (انهارت بكاء) فراس تركنا وراح
هنوف حظنتها وبكت معهآ
وظلـوا مده يبكون
هنوف ماساعدت ابد , لان خذتها المشاعر
.
.
عند الحريم
وبعد لحظآت ..............~
حرمه التفتت ع لمياء : الا اقول .... مطول عشآكم يا لميا ؟
لمياء تبي تتأكد من الي سمعته : وش قلتي ؟
الحرمه : اقولك العشا مطول ولا ؟
لمياء بحده : انفجعنا ب موت ولدنآ , وما مدانا نفكر بالعشا (كملت بحرقة قلب) عساك ماتنفجعين ب عيالك
الحرمه فهمت : اهآأ اوكي .. (اشرت للحريم الي جنبهآ = يلا قوموا)
بعد ماسمعوا كلمة لمياء
بدأت الناس تتسحب ب شوويش -> الناس المصلحه !
ام مجيد مو مصدقه عيونها وقالت بهمس : وش هذا يا لمياء ؟ كلهم قاموا ؟ كلهم جايين عشان عشا ؟
لمياء باستخفاف من الحياه : شفتي كيف يا يمه ! مو قلت لك لاتصاحبين هالاشكال
بس بقـوا الاقآرب والاصدقاء المخلصين والناس المقربين جدآ
ام هاني عصبت : افففف قومي نادي اختك لا بارك الله بهالعزومه الي جايين فيها
هبه : لاحول ولا قوة الا بالله , هذي مو عزومه , وبعدين مو انتوا ناويين تناسبونهم هاللي ماعجبوك
ام هاني ب تردد : وش؟..هذآ..لايكون !!!...(كملت باستفهأم) هذا بيت سحر الي نبيها ل هاني ؟
هبه : أي ..!
ام هاني بتقوم : وينهآ امها خل اكلمهآ !
هبه مسكت يدها وجلستها : وش فييك انتي ؟ ولدها ميت وانتي تبين تكلمينها عن خطبه !
ام هاني بصدمه : الي متوفي ولد سحر ؟ يعني هي متزوجه ؟
هبه بسرعه : لآ لآ (سكتت بطفش)
ام هاني هي بعد طفشت : قومي قومي نادي هنوف خل نطلع من هنآ
هبه قامت
في الغرفه
هنوف بين بكاءها : سحر .. انا خايفه اموت مثل فراس ! خايفه اموت وانا دمرت حياة لمياء و وليد ! مع اني عارفه جد ان وليد تاب وماعاد يسوي حركاته
سحر : جد ؟ بطل حركاته
هنوف : أي من زمآن ! لازم نحاول نصلـح الـ ..... ....
دخلت هبه
هبه ب رسميه : السلام عليكم سحر ! عظم الله اجرك (توجه كلامها لهنوف) يـلآ هنوف ب نمشي !
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك