رواية هدمت حياتي بيديك وجاي تقول ندمت -40
مرام ولين:صباح الخير بابا
ابو ضاري:صباح النور
نوره انقهرت من حركه ليان لان محمد جالس جنبها ومتمسك فيها خايف منها
نوره:محمد تعال أغيرلك
محمد بخوف وهو يناظر ليان:ليان انتي راح تغيرين لي صح
ليان بإبتسامه:صح
محمد فرح وباس ليان :أنا أحبك ليان
ليان:وانا بعد أحبك
نوره بصرااااااخ:محممددد
محمد ورى ليان
ليان :خلاص نوره انا بغير لها ارتاحي انتي
نوره بتمثيل:بس مابي اتعبك
ليان :لا حمود شاطر مابيتعبني مو حمود
حمود :ايه
رن الجرس راحت نيني تفتح الباب
أبو ضاري:منهو يانيني
ساندرا:هازا في معه رائد بابا
أبو ضاري :خليهم يتفضلون
لين ومرام راحوا سلموا على في
وابو ضاري ورائد راحوا المجلس
رائد:أجل ياعم وين ضاري
ابو ضاري بخوف لانه توقع يكون عندهم:ليه مو عندكم
رائد:لا من أمس اتصل جواله مقفل
ابو ضاري :هاه
رائد:عسى ماشر ياعم
أبو ضاري:ماشر ياوليدي
::
::
عند البنات طلعو فوق عند ليان
ليان ضمت في
ليان:هلا يادوبا أخبارك
في:تمام وأنتم وش مسوين
البنات:حنا ماشي الحال
لين:غريبه في جايه ذا الحزه
في نست مرام :مو حنا كنا في المستشفى علشان منال ولدت
لين وليان ناظروا بأختهم
في :سوري مرام
مرام بإبتسامه :لاياقلبي انتي ماقلتي شي بس يلا لازم نروح نزورها ونسوي الواجب
في:يلا تجهزواا رائد تحت
مراااام قلبها قاعد يتقطع من جوى بس مو قادره تسوي شي
::
::
::
::
::
::
بالمستشفى
الكل كان مبسوط وفرحان إلا عبد المجيد إللي مستغرب من أفعال منال معه
شوي اندق الباب ودخلت في وبعدها لين وبعدها ليان والكل كانت عيونهم على الباب ينتظرون مرام دخلت بعدهم مرام ورائد
الجده:هلا والله ببنياتي
مرام:هلابك جده
مرام قربت لمنال وسلمت عليها :الحمد لله على السلامه
منال:ربي يسلمك
وسلموا البنات ع منال
مرام:مبروك ماجاك ياعبد المجيد
عبد المجيد وهو يناظر مرام بشوق ومنال كانت تناظرهم :الله يبارك فيك
منال :عبدالمجيد
فز عبد المجيد من سمع منال تناديه:لبيه
منال:بشوف بنتي
عبدالمجيد :طيب راح أشوف الدكتور إذا يقدر يجيبهاا هنااا
طلع عبدالمجيد وراح للدكتور
وطمنه الدكتور إن حاله البنت مره كويسه وزنها حلو وهي مولوده قبل وقتها
فرح عبد المجيد:طيب يادكتور تقدر تخلي أمها تشوفها
الدكتور:أكيد بس ماتطول كثير
عبد المجيد :طيب
شوي ورجع عبدالمجيد ومعه النيرس وهي شايله فروحه
شالتها منال وباستهاا وجلس جنبها على السرير عبدالمجيد وهو بقمه السعاده وهو يشوف بنته وزوجته وقرب لفرح وباسها وبعدين قرب لمنال وباس راسها
الكل كانو يطالعهم وكيف عبدالمجيدمبسوط
مرام:أنا استأذن بروح اشرب ماي وارجع
وطلعت مرااام بسرعه وهي تداري دمعتها لا تطيح وتفضحهااا وطلعت في الحديقه وهي تمسح دمووعهاااا وشوي حست بإيد وهي منزله راسهااا تمسح دموعهاااا
......................:إلا دموعك ياامراام
مراااام رفعت راااسهااا:؟؟؟؟
وانتهي البارات
توقعاتكم
تركي وبشاير هل ولدت منال بتكون من صالح تركي وتحنن قلب بشاير عليه؟
منال وعبدالمجيد هل خلاص بتطلع فعلا من حياته؟
عبدالمجيد بيتخلي عن منال؟
عادل واماني والخاتم دليل بالنسبه لعادل انها لسه تحبه هل هذا دليل كافي على ان اماني لازالت تحبه؟
ابو ضاري وطردته لولده؟
ضاري وين راح وليه جواله مقفل؟
نوره واللي تسويه مع البنات هل ابو ضاري بيكشف خبثها من بدري او بيكون تاخر؟
رائد لو عارف ان ابو ضاري طرد ضاري عشان نوره ايش بيسوي؟
مرام من اللي مسح دمعتها؟
انتظرونا الاثنين
دن دن
البارت الواحد والعشرون
::
::
::
::
::
::
........:إلادموعك يامرام
مراام رفعت راسهاا:عبد المجيد
عبد المجيد:قلب وروح عبد المجيد انتي
مرام وزادت من بكاها:كافي ياعبد المجيد خلاص وش تبي روح لزوجتك وبنتك
عبد المجيد قرب لها ومسك ايدها :بس انتي دنيتي
مرام سحبت ايدها :هذا ماضي ياعبدالمجيد ماضي ولازم تنساه
عبد المجيد:وليه مانخليه المستقبل بعد
مرام :عبدالمجيد تبي شي أنا لازم أروح
عبدالمجيد:مرام أنا أبيك أنا أحبك أحبك خلاص كافي عذاب
مرام:مع السلامه ياعبد المجيد
ومشت مرام
عبد المجيد بصوت مسموع:مرام انتبهي لروحك وإلا دموعك تكفين لا تنزل وترا أنا عندي أمل أننا راح نرجع لبعض لأن حبنا كبير يامرام وردد الكلمه حبنا كبيير
::
::
::
الغرفه عند منال
منال من شافت مرام طلعت وعبدالمجيد لحقها
وهي تحس بغصه
::
ومتعب يناظر لين ونفسه يضمها ويطلعها من العذاب اللي هي فيه
متعب قرب عند لين :لين انتظرك برا أوك
لين:أوك
وطلع وشوي طلعت بعده مسك ايدهااا
متعب:أخبارك قلبي
لين وهي تناظر الأرض:الحمد لله
متعب:لين لا تخبين علي تكفين ترا والله خايف عليك
لين نزلت دمعتها بالغصب:متعب أنا تعبانه
متعب ضمها:بسم عليك من التعب قولي لي يا لين وش فيك
لين وهي تبعد عن متعب :بابا يامتعب بابا مو هو الأولي تخيل يامتعب اهى اهئ بس يصدق نوره لو انها كذابه مادري وش فيه اهئ اهئ
متعب:اشش ياروح متعب كلها اسبوعين وراح تجين عندي
لين:متعب أنا مابي أتزوج
متعب طير عيونه:ليش
لين:مابي أروح وأخلي خواتي
متعب:ياروحي انتي خواتك أكيد عندهم ضاري يحميهم بس أنا أخاف عليك من نسمه الهواء
لين بحزن:ضاااري
متعب:ايه ضاري
لين:متعب أنا بأقولك شي بس أوعدني ماتقول حق أحد
متعب بخوف:وعد
لين :بابا طرد ضاري من البيت
متعب بتفاجئ:شنووووو
لين هزت راسهاا بحزن
متعب ضغط على ايد لين:وعد يالين انكم راح ترجعون مثل أول وأحسن وضاري راح يرجع وذا النوره أنا أوريك فيها الحيه وزياده عقابها عند الله
::
::
بعد المستشفى الكل راح لبيته
::
::
::
::
بيت تركي وبشاير
بشاير:ياقلبي عليهاا فروحه تزنن
تركي وهو مبسوط من حركات بيشو لإنها أول مره تكمله كذا:ايه ياحليلها نفسك تاكلها
بشاير:تركي
تركي:قلبه
بشاير وردت خدودها:تسلملي بس أنت تحب الأطفال
تركي:وأموت عليهم بعد
بشاير:أهاا
تركي وبنظرات لبشاير :عقبالي بس عسى ربي يحنن اللي بقلبي علي ترا ماأقدر أتحمل بعدها
بشاير وهي تناظر الأرض وتحرك رجولها من التوتر:............
تركي وبنظرات أمل وترجي لبشاير:بيشو
بشاير:لبيه
تركي:لبى قلبك بس تكفين قولي لها
بشاير وبإبتسامه:إن شاء الله
تركي رد الإبتسامه لها
::
::
::
::
::
::
::
في بيت ابو ضاري
دخلوا لين وليان ومرام
نوره جالسه بالصاله وتاكل فصفص ومليه الأرض
مرام:السلام
نوره:وأخيرا بدري كان ماجيتوا
ليان:اووف اللهم طولك ياروح
نوره:وش عندك انتي تأففين أخلصي فصخي عباتك وتعالي اكنسي الأرض بسرعه
ليان وتمسك ايد خواتها:تحلمين وهي ماشيه على الدرج نزل لها حمود وضمها
محمد ببرائه أطفال:ليان لاعاد تروحين وتخليني
ليان:قلب ليان أنت إن شاء الله ماراح اروح مره ثانيه بدونك
محمد وهو يجر ايد ليان بفرح :ليان تعالي اوريك الإستاذ وش كتب لي
ليان:طيب
محمد وهو يطلع دفتره:شوفي
ليان وهي تبوسه:شاااطر حبيبي تدري وش راح أجيب لك هديه
محمد بفرح:شنو
ليان:اممم وش تبي أنت
محمد:أبي سيكل
ليان:بس ابشر بكرا العصر نروح أنا وياك ونشتري سيكل
محمد وهو ينط على ليان:ييس ليان أنا أحبك
ليان وهي تضحك:وأنا بعد أحبك بس وخر عني يادوب
محمد وخر عنها وهو مبرطم:أنا دوب
لياان:إلا أحسن الأولاد بعد
::
::
::
::
::
::
ببيت ابو متعب
عند متعب جالس بالحديقه سرحان نط عليه رائد
رائد:بووووه
متعب فز من مكانه:وجع روائيد قسم ماني رايقلك
رائد تعدل بجلسته:أفا وأنا أخوك وش فيك
متعب:حاله بيت العم ابو ضاري ماهي عاجبتني بالمره
رائد:ايه الله يعين ضاري والبنات
متعب :وأنت ماتدري أخر التطورات بعد
رائد :شنو
متعب:العم بو ضاري طرد ضاري من البيت
رائد :شنوو؟؟ ليه طيب
متعب:علشان ذا النسره متبليه عليه
رائد وعيونه كلها غضب :حسبي الله عليهااا
ياعمري ياضاري وينه الحين
متعب:مادري عنه يقولون من يوم طلع مااتصل عليهم وجواله مقفل
رائد:ايه صح أنا أتصل عليه مقفل وارسلت له ولا رد بس أنا أعرف وينه فيه بس خله يرتاح هاليومين
متعب بإهتمام:تعرف وينه خواته خايفات عليه
رائد:قول لهم ضاري سبع وماينخاف عليه وأنا راح اجيبه لهم بيدي
متعب :أكيد يارائد
رائد:أكييدين هذا ضويري أنا وياه رفقه عمر
متعب ابتسم وقام
::
::
::
::
اليوم الثاني
بيت ابو ضاري
وهم جالسين يفطرون
محمد:ليان
ليان وهي تحط يدها ع راسه:وشو حمود
محمد:لاتنسين اللي قلتيلي عليه
ليان :ابشر كم حمود عندي انا اليوم العصر اذا جيت من المدرسه بروح اشتريه لك
نوره :بس ما نبي نكلف عليك>لاو الله احلفي بس وانا اصدق>توأم روحي انتي وش دخلك الحين>اقول بس ترا اللي ماسكني عنك غلو وبنت السعوديه>لاخفت>تخافين غصب ووخري عن وجهي اكمل
ليان بخاطرها"لا ياشيخه ما تبين تكلفين"لاعادي هذا حمود الغالي
وخلصوا فطور وراحو مدراسهم
::
::
::
::
::
بيت ابو متعب
رائد بصوت عالي:في
في:خير قصر صوتك ع الصبح
رائد:يلا عشان بوديك المدرسه
في بستغراب:وش عندك مو عاده
رائد:بقول شي وبنزلك بنص الطريق
في:لا والله اجل بروح مع السواق احسن
رائد:يلا وعن التميلح
في:اووف طيب بلبس عباتي
ولبست عباتها وطلعت ركبت السياره
رائد طول الطريق ساكت
في:يلا تكلم بنوصل وماتكلمت
رائد:ضاري
في بخوف:شفيه
رائد:لامافيه شي بس ابوه طرده من البيت
في وهي صوتها مخنوق:ليش
رائد:من ذا الحقيره اللي متزوجها ابوه متبليه عليه
في:وش قايله
رائد:ما ادري والله انا من امس ادق عليه ومايرد بس اسمعي لاتقولين للين وليان انك تعرفين الا اذا هم قالوا لك خلاص
في هزت راسها
وصلو للمدرسه
في وهي تنزل :رائد حاول مره ثانيه لين ما يرد
رائد :ان شاء الله
وحرك وراح لكليته
ودخلت في المدرسه
شافت كل الشله جالسه وراحت جلست جنبهم وهي ساكته
هديل حطت يدها على كتف في:شفيك في
في ببتسامه مصطنعه:مافيني شي
هديل:لافيك وين في اللي اول ما تدخل ترج المدرسه صح بنات والتفت على لين واليان لقتهم نفس حاله في قامت وقفت:شفيكم
لين ببرائه:بابا طردضاري اهئ اهى
في اول ماسمعت لين انفجرت بكاء
هديل:خلاص في ان شاء مافيه شي
في وهي تبكي:شلون ما فيه شي ورائد من امس يحاول يكلمه وجواله مقفل
ليان وهي تحاول تكون متماسكه:لاتخافين على ضاري اخوي واعرفه
في ناظرت ليان وعيونها كلها دموع
شوي واندق الجرس وصفو طابور الصباح الغثيث ودخلو الفصول وكان يوم دراسي طويل وممل عليهم
في:اووف متى نطلع زهقت
هديل:ايه والله اول مره اشوف حصه رياضيات الاخيره
ليان:وهذي ماترحم تدريب وراي تدريب والله اللي ماتفهم من الدرس بتفهم من التدريبات
ودق الجرس
لين قامت ونطت:اوووف اخيرا صفرت
وقاموا وطلعوا وراحوا بيتهم
::
::
::
::
بالمستشفي
منال لبست عباتها لان الدكتور كتب لها خروج
وطبعا شالت بنتها وعبدالمجيد مسك ايدها وهو مبتسم
مايدري انه يزيد عذاب منال
ركبو السياره وحرك عبدالمجيد
منال:عبدالمجيد
عبدالمجيد:لبيه
منال:ودني بيت اهلي
عبدالمجيد:طيب حبيبتي<وبباله انها بتجلس بس فترت نفاسها يعني عند اهلها
منال:وابيك تطلقني
وقف السياره فجاه عبدالمجيد وبصدمه:اطلقك
منال بعبره وتحاول تمسك نفسها لاتنفجر بالبكاء:ايه طلقني انا قلت لك بيننا هالتسع شهور بعدها كل واحد بطريق
عبدالمجيد مسك ايدها:بس انا ابيك وشاريك ومرتاح معاك
منال صدت لشباك وسحبت ايدها ودموعها تنزل"اسفه ياعبدالمجيد اسفه عندي اعيش ع ذكراك بس اشوفك مستانس":بس انا مابيك
عبدالمجيد حس بنبرتها الباكيه:دامك ماتبيني ليه تبكين
منال ماقدرت وانفجرت بالبكاء:ودني بيت اهلي الله يخليك
عبدالمجيد:طيب بس لاتبكين وحرك السياره
وصلو لبيت اهل منال
نزلت وشاله بنتها بعربيتها ومشت فيها دخلت
وكنت عيون عبدالمجيد تراقبها
ماقدر ونزل ولحقها
دخل وراها الحوش ومسكها:منال
منال ناظرته ودموعها ماوقفت
عبدالمجيد مسح دموعها:منال لاتبكين ياروحي
منال مسكت وجهه بيدها وتتحسسه وتامل وجهه لاخر مره
عبدالمجيد مسك ايدها وباسها:انا شاريك
منال ضمته وتشاهق:انا احبك والله احبك بس
عبدالمجيد شد بضمتها ضمها اكثر:لا بس ولاشي وانا مرتاح لك وماحس بالسعاده الا معاك
منال ابعدت وببكاء:بس تحب مرام
عبدالمجيد:...............
منال:شفت انا ادري قلبك عندها
وانا مو زعلانه لاني دخلت بينكم وفرقتكم كسرت قلب صديقتي صرت انانيه وكنت ابيك تنساها وتحبني بس اكتشفت ان حبك لمرام اكبر من اني انسيك اياه وجلست بالارض وتبكي:طلقني ياعبدالمجيد طلقني
عبدالمجيد كان قلبه يتقطع عليها تقطع قرب وجلس قدامها
ومسك وجهها وصار يبوسها ويبوس دموعها ورجع ضمها:ابيك منال افهمي
منال ابعدته وقامت وشالت بنتها:احلى شي بحياتي اني جبت بنت منك وغير كذا انا مابي شي ودخلت
عبدالمجيد ظل واقف فتره يبي يستوعب وبعدها طلع ركب سيارته وحرك
::
::
::
::
::
ببيت ابو متعب
بغرفه اماني
منسدحه ع سريرها
وايدها ع بطنها تحس بحركه ولدها وسعادتها لاتوصف
رفعت ايدها وناظرت بالخاتم اللي اشتراه لها عادل وابتسمت
ودق جوالها صوت رساله
اخذته شافت رساله من عادل
....حسبت أن شوقي لك مع الوقت
يهدا~¤
مادريت أن كل ماطال وقتي لك أشتقت¤~
ابتسمت بخبث وارسلت له
ماعاد قلبي بعد هاليوم يغليك
دور ع حب جديد يسليك
عذبت قلبي روح الله يهنيك
انتظرت شوي
ودق جوالها
ردت كالعاده
اماني:نعم
عادل:اماني انتي ليه مو راضيه تفهمين اني اخطيت وابيك تسامحيني
اماني:منت بطفل اعلمك كيف تحكي ولانت ابوي اسامحك كل ماخطيت
وقفلت
وحطت الجوال جنبها
وحطت ايدها ع بطنها"جرحني وجاي يقول اخطيت وسامحيني"
::
::
::
ببيت ابو عبدالمجيد
عند عادل
بعد ماقفت اماني
جالس ويحس بقهر
وانه تعب من كثر مايحاول يراضي اماني تعب من صدها
انسدح بضيق"اوف يارب تعبت احاول اراضيها تعبت<بس انا عذبتها كثير اهنتها وضربتها وتحملتني حييل وانا بسرعه تعبت لا انا لازم اصبر لين ارجعها لي<
اندق الباب وفز:ادخلي هديل
انفتح الباب:انا عبدالمجيد مو هديل
عادل ببتسامه:هلا عبدالمجيد
قرب وجلس جنبه
عبدالمجيد:تعبان
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك