رواية توأمي لكن انا غير ومالي مثيل وراسي عنيده -41
لبست هبه العبايه وهي خايفه وحاسه انها رايحه للجحيم وكان في شي راح يذبحها
طالعت مقعد وبتفكير:اقول لاخواني ويفكوني منه لا يا هبه الناس راح تتكلم وراح يجيبون سيرتكم بالعاطل طيب يمكن صدفه ومو اللي في بالي يمكن يا هبه يمكن
رفعت نظرها ليامن اللي لقته يطالعها بصمت ونزلتهم بسرعه وبهمس:يارب
خفوا المعازيم واغلبهم غادر المكان وما بقى إلا القريب من العائله
حصين بصوت عالي لاهله:طلبتك يا يبه ما تردني قدام الحاضرين
الجد بشك من طلب حصين قدام الحاضرين:جاك طلبك
حصين:طلبتك توافق على زواج يزن ومازن
التفتوا الكل ومن بينهم يزن ومازن مصدومين وصاروا يطالعون بعض
صالح بعصبيه:وشو معصي انا...
قاطعه الجد:جاك طلبك
صالح :بس يايبه
قاطعه الجد:الولد طلبني قدام الرجاجيل وانا ما ارد احد طلبني قدام الرجال
حصين وهو يطالع يوسف:نبغى نطلب اخت يوسف ..والتفت على عمه صافي وكمل:وبنت عمي صافي
الجد:ها يوسف تقبل بيزن
يوسف طالع يزن وهو مو عارف أي اخت من خواته يبغى وما رد
مال عليه حصين وبهمس:رواء
الجد:ها تقبل فيه ولا لا
يوسف بحزم:بس هو ما يشتغل
يزن بسرعه:ابشتغل واتوظف في شركة عمي صافي ومن بكره لو حبيت
الكل مسك ضحكته على شكل يزن المتسرع
يوسف سكت يفكر وبعدها:انا ما عندي مانع بس لازم اخذ شور اختي
الجد هز راسه علامة الموافقه
اما يزن شق الضحكه وحس أن روحه بتطير من الفرحه
التفت الجد على صافي وقبل لا يتكلم قاطعها صافي:انا ما عندي مانع وين القى احد احسن من مازن لبنتي بس بشرط مابه عرس الحين
قام مازن وباس راس عمه:لو بعد60 سنه موافق
الكل:ههههههههههههه
صالح وقف وما عجبه أي شي من اللي يصير وطالعهم بحقد وطلع من المكان
يزن وهو يهمس لحصين:لو ادري انك تقدر تحل السالفه بها السهوله كان جيناك من البدايه وارتحنا
حصين بابتسامه:الله يوفقكم
وصلهم صوته وهو يوقف قدامهم وجنبه حسن والمرافق:انا ابغى اتقدم واطلب يد بنت عبدالعزيز وقدام هالرجاجيل والوجيه الغانمه ها وش قلتوا ترضون تناسبون عائلة الماجد ولا بتردوني
الكل التفت لصقر اللي يطالعهم ببرود وحل الصمت في المكان وصاروا يطالعون بعضهم
الجد طالعه بحقد وهو ساكت للحظات ويحرك لحيته بيده وبعدها التفت على.....
&&
لهنا أوقف واترك لكم حرية التعليق
وهذي عيديه لكل وحده فيكم وللمشاهدين بعد
حبي وودي لكم
قلب امي وروحها
أن شاء الله راح ارد على كل الردود مع ردود هالبارت أن شاء الله
&&&&
توأم لكن انا غير ومالي مثيل وراسي عنيده
البارت الرابع والعشرون
أتمنى ينال إعجابكم وقراءه ممتعه
طالع الجد حصين ولما شافه صد بوجهه وعيونه كلها رفض للفكره اللي براس جده بانت على ملامحه العصبيه وصار يطالع الموجودين اللي يطالعونه بترقب وكأنهم ينظرون رده
الجد التفت لصافي وبهدوء عكس اللي داخله:صافي
صافي:سم يبه
الجد:الحق على الشيخ وقل له باقي عندنا عقد قران واحد
صافي بتناحه:ها وش قلت
الجد بعصبيه مكتومه:مثل ما قلت لك
صافي وهو يوقف:ابشر يبه
طلع صافي علشان يلحق على الشيخ قبل لا يروح والتفت الجد لصقر واشر بيده على المكان جنبه:حياك بينا يا ولدي
صقر بابتسامه جانبيه:اعتبرها موافقه
الجد بضيق:نسب الماجد ما ينعاف
صقر ابتسم وقرب وجلس جنب الجد وجلس جنبه المرافق وحسن اللي يحس أن في شي مو مضبوط في الجلسه
&&
داخل القاعه
سرحانه تفكر باللي سمعته وقالته :ياترى انا صح ولا غلط لا لا انا صح خلاص والله تعبت على قولت ابو المجد جاء الوقت اللي ارتاح فيه افففف ياربي عيني يارب
شافتها سرحانه وقربت منها وبهمس:سجيوه
ما شافت منها رد
هزتها بقوه وبصوت عالي:سجيوه وثول
سجيه بعصبيه:خير وش تبغين
امجاد :وش فيك صار لي ساعه اناديك وما تردين
سجيه بملل:ولاشي
امجاد بشك:الا في شي وكبير بعد اخلصي علي وقولي وش فيك
سجيه وهي تطالعها:قلت لك مافي شي خلاص عاد
امجاد وهي تبعد:على راحتك مصيرك تجين وتقولين لي كل شي
سجيه تنهدت وهي تلف وجهها وترجع تسرح بافكارها
&&&&
في مكان يسوده الصمت والتوتر وما ينسمع فيه الا صوت مقعد اللي يسولف ويمزح
جالسه عند النافذه حقت السياره وحاسه بتوتر وبخوف مو طبيعي
طالعته من تحت رموشها وشافته ينصت لكلام مقعد والابتسامه مرسومه على وجهه
تاملت وجهه لحظات السكسوكه وابتسامته وسرحت
انتبه على انها تناظره والتفت لها وهي لما لاحظت انه شافها وهي تناظره ابعدت نظرها بسرعه وبان الخوف والتوتر عليها اكثر من حركة يديها اللي تضغط عليهم ويرجفون
طالع يديها كيف ترجف وابتسم بخفه وبهمس:اصبري علي واعلمك الخوف على اصوله يا ام الجمع
رجع يطالع قدامه ويسمع لمقعد اللي حس فعلا انه يحسد هبه على اخو رجال مثله
&
جالسه تتمايل في الكرسي وهي ميته ضحك
اسير وهي تضحك:انتي اليوم مو صاحيه يا مدو
مدو وهي تضحك:رهيبه هالطقاقه شو بوا هذا عااااشو
اسير :ههههههه مخربتها على الاخر
مدى:يا شيخه وش اسوي صوت الطقاقه شي عجيب يخليك تتمايلين بدون ما تحسين غصب عنك
اسير:ههههه مو طقاقه مشعوذه
مدى وهي تلتفت:الا وين سجادة قلبي
اسير بضحك:مدري
لفت وجهها وشافتها تطالعها رجعت لفت لقدام بسرعه وجلست عدل ولا تحركت
اسير اللي لاحظت هدوء مدى المفاجأ:مدو وش فيك
مدى بارتباك:ها لا ولا شي
اسير بشك:توك وش زينك فجاه هجتي
مدى:لا بس راسي صار يعورني
اسير بعدم تصديق:ما عليك شر يا قلبي
مدى وهي توقف:الشر ما يجيك حبيبتي
اسير باستغراب:وين
مدى:لدورة المياه(اكرمكم الله)
اسير:اوكي
راحت وهي تتجنب تطالعها علشان لا تتذكر راكان اللي شافها والموقف اللي صار لها وفشيلتها
جالسه جنب الجده اللي كانت سرحانه ولا تدري عن احد تنهدت والتفتت ولاحظت انها مو موجوده
ام راكان باستغراب:وين راحت
الجده اللي انتبهت:من تقصدين
ام راكان:سمر
صاروا يتلفتون ونتبهوا لها معاها واستغربوا كيف سمر تعرفها
عند سمر:ادوي
سجيه وهي تلتفت:هلا سمور وين متخبيه فيه
سمر وهي تحر يديها وتشرح:تنت هناك بث انت ما ثفتيني ودعت ودعت لحد ما طفثت دولت ادي وادولك اني هناك
(كنت هناك بس انتي ما شفتيني وقعدت وقعدت لحد ما طفشت وقلت اجي اقولك اني هناك)
سجيه:هههههه هجل قعدتي لحد ما طفشتي هههههههه
سمر وهي تبوز:ليث تدحكين انا ما دولت ثي علط (ليش تضحكين انا ما قلت شي غلط)
سجيه وهي تشيلها وتجلسها على الطاوله:افا افا سموره تزعل لا خلاص اسفه حقك علي ها رضيتي
سمر وهي تطالع مدى:ايه
مدى وهي تطالع سمور وتقبص خدها:يا ناس على الحلوين
سمر وهي تحط يدها على خدها:اااي عولتيني
مدى:هههههههههه يا لبى والله تجنن
سمر وهي تعدل الورده على فستانها وبخجل:انت بعد هلوه
مدى:ههههه يالبيه ترد بعد
اسير اللي تطالعهم:تعالي بوسيني
سمر وهي تمسك سجيه:لا ما ابعى
اسير بزعل:ليه
سمر وهي تطالع سجيه:بث
سجيه وهي تشيل سمر وتجليها على رجولها:خلاص اتركوا سمورتي في حالها يا ويل من يزعلها صح سموره
سمر بابتسامه:ثح
مدى واسير :هههههههههه
&&
الجده وهي تطالع ام راكان:بنيتكم وش يعرفها في حفيدة المصريه
ام راكان بحيره:علمي علمك
سكتوا وهم يطالعون سمور اللي تضحك مع سجيه اللي تعدل لها فستانها وتدللها
جالسه جنبها وكل شوي تطالعها وبعد ما لاحظت انها كئيبه مالت عليها وحطت يدها على يد صديقتها وبهمس:بنبون فيك شي حبيبتي
بانه وهي تطالع امجاد:لا ولا شي يا امجاد
امجاد بحنيه:ادعي لها بالتوفيق وان الله ييسر امورها
بانه من قلب:امين يارب
امجاد بابتسامه:اضحكي عاد ولا تخلين تعب لبستي للفستان يروح على الفاضي
بانه بابتسامه:الله لا يحرمني منك
امجاد بهمس وهي تتلفت:لا تصيرين عاطفيه زياده عن اللزوم
بانه:هههههههه احبك
امجاد ميلت فمها واختفت ضحكتها:انا الغلطانه اللي اواسيك
بانه:ههههههههه
رن جوالها ورفعته من على الطاوله واختفت ابتسامتها وهي متفاجاه وهي تشوف المتصل وعطته مشغول
امجاد اللي لاحظت التغير على وجه بانه:وش فيك مين المتصل
بانه بحقد:شخص مو مهم
امجاد اللي ماحبت تضايقها هزت راسها بتفهم وسكتت والتفتت على اللي يرقصون تطالعهم
&&
جالسه في طاوله بعيده شوي وتفكر في سالفة المستشفى واللي صار
غصون:انا ليه احس أن معاذ فيه شي وان سالفة المستشفى مو زياره لزوجة صديقه ردة فعله لما ما لقى المريضه مو طبيعيه
والخيبه اللي بانت على وجهه تدل على أن في شي وشي كبير بعد....تنهدت وهي تحط يدها على بطنها وتطالع بنتها:ما ادري لمتى راح نظل كذا انا تعبت
لمحت جوالها ينور ورفعته ولاحظت وجود مسج فتحته وبدت تقرا:
إنتي عمري
لو فقدتك
ما بقى
لعمري
وجود؟؟
وين أروح
بكل حبي
وإنتي
لأوطانه
أمان!!
ما لحبك
يا عيوني
في طرف
عيني
جحود؟؟
لو نسيتك
ما بقى لي
وسط
هالعالم
مكان!!
لو مطر
شوقك
ينادي
جاوبه شوقي
رعود؟؟
إنتي
كل الناس
عندي
يا بعد
كل هالناااااس!!!
نزلت الجوال والشوق فاضحها وبهمس:حتى انا لشوق ذابحني
تنهدت وغمضت عيونها وبهمس:حتى انا بدونك ما لي اوطان
جالسه تطالع سجيه وكيف سمر متمسكه فيها
سرحت في سمر والشبه الكبير اللي بينها وبين اخوها
امجاد:يالله يا امجد لو تدري بنتك وش كثر تشبهك نفس العيون ونفس لون الشعر والشقاوه والابتسامه
حست باليد اللي انحطت على يدها التفتت على بانه اللي همست:مدري والله انا اللي اواسيك ولا انتي تواسيني
امجاد حست أن الدموع تجمعت في عيونها زفرت وهي ترمش بعيونها وبأسى:صدق من قال الشكوى لغير الرب مذله
بانه:هههه والله نكسر الخاطر
امجاد من بين دموعها:ههههههههه معاك حق
التفتت ولمحتها لفت وجهها ولا كأنها شافتها وغمضت عيونها وبهمس:كل شي حولي يذكرني فيك يا اخوي الله يرحمك
تنهدت ورجعت طالعت ام راكان ولفت وجهها تطالع سمر اللي تضحك مع سجيه وانرسمت ابتسامه بسيطه على شفايفها من اثر ضحكت سمر اللي ذكرتها بابتسامة اخوها وعزوتها اللي راح منها وراح كل شي معاه
وصلوا الفندق ونزلوا ووصلوا لباب الجناح واخوها معاها
ولما وصلوا لباب الجناح فتحه يامن وبقى هبه ومقعد عند الباب
مقعد وهو يبوس راسها:تراك قطعه من قلبي لا جاء يوم وضاقت فيك الدنيا لا تقولين مالي احد تراني موجود ودام فيني نفس راح اكون معك دوم فاهمه يا اختي
هبه بصوت باكي:ايه
مقعد بضحك:هههه لا يخترب المكياج وتخوفين الرجال يله روحي
هبه:أن شاء الله
دخلت وهي تطالع مقعد وودها لو تقول ادخل معاي يا اخوي ولا خلني ارجع معاك
مقعد وهو واقف مع يامن:الله يوفقكم يارب واتمنى انك تحافظ عليها
يامن ببرود:في عيوني
مقعد :هجل اترخص مع السلامه
يامن:فمان الله
دخل وصك الباب وانرسمت على وجهه ابتسامه ما تدل على الخير ابد
التفت لها وشافها توها بتفسخ عبايتها
توجه لها و...
في السياره لحالهم هو اصر انه يسوق وصلوا الفندق بدون ما يهمس أي احد منهم بكلمه وهي اصلا ما رفعت عينها ابد
دخلت الجناح ومشت لحد ما وصلت الكنبه وصارت تتفرج على المكان اول مره تطلع من البيت وتجي لفندق عمرها ما سافرت ولا كانت تشوف الفنادق الا في التلفزيون
نزلت عيونها على صوته
نادر ببرود وهو يأشر:هذي غرفتك وفيها العشاء
واشر على الجهه الثانيه:وهاذي غرفتي اذا بغيتي شي تعالي يله تصبحين على خير
مشى ناحية غرفته ودخل وصك الباب ودانه عيونها على الباب اللي تصكر والصدمه على وجهها وبهمس:يارب عيني على هالجليد
نزلت عيونها وهي تحس بحسره
رفعت نظرها ورفعت فستانها وهي تمشى ناحيه الغرفه وتفتح الباب
انبهرت من الغرفه صحيح في بيت جدها خير بس حست أن هالغرفه تبهر
مشت فيها لحد ما وصلت السرير ولمحت شنطتها عند السرير محطوطه وفي الزاويه عربة الاكل فيها العشاء تنهدت ومشت ناحية التسريحه وطالعت نفسها وبأسى:هذا وجه عروس ههه ههههه
وتحولت ضحكتها لشهقات:طول عمرك مالك حظ وحياتك تعيسه لمتى يا دانه هالتعاسه لمتى
مسحت دعوها اللي سال معاها الكحل ومشت ناحية الشنطه وطلعت منها الجوال ومسكته واتصلت وهي مقهوره ومختنقه
&&
جات لها وهي تضحك :نام
ام راكان:يله وانا جدتك بنروح
سمر:لا ابعى العب ما ابعى الوح
ام راكان:لا يا بنتي يله بنروح خالك حسن يقول ربع ساعه ونطلع
سمر بزعل:ما ابعى الوح ابعى ادلث
ام راكان مسكت سمر وقربت منها وبهمس:اقول من هذي اللي معاك يا حبيبتي
سمر وهي تطالع ام راكان:ادوي
ام راكان:ادوي من وين تعرفينها
سمر:حالي هثون
ام راكان باستغراب:حسن وليدي يعرفها
سمر ببرائه:ايه
ام راكان:يا ويلي وانا اقول من وين اثاري حسون يعرفها
سكتت وهي تطالع سجيه اللي تضحك مع مدى والموجودين وبهمس:سبحان من جمعكم يا بنت الماجد ويا حفيدة المصريه مع الزايد سبحان الله وش كثر الدنيا صغيره
&&&&
التفت لها وشافها توها بتفسخ عبايتها
توجه لها وسحب يدها لحد ما شهقت وهي تطالعه ومفجوعه
يامن بسخريه:خفتي ها الحين تخافين
هبه وهي تحاول تسحب يدها وبخوف:وخر انت وش تبغى
يامن بحقد:انا انا يا ابلة الرياضيات تقولين لي ما اعرف اربي ولا تربيت انا
هبه وهي تحاول تفك يدها وبصوت باكي:اترك يدي
يامن وهو يمسك يديها الثنتين ويهزها:انا ما بعد جابتها امها اللي تفكر مجرد تفكير تنزل من مقامي وانتي تحتقريني وتقللين من احترامي انا مو متربي ولا عندي اخلاق انا
هبه وهي توخر عنه وبقوه مزيفه:ايه انت لما تمد يدك على حرمه وش يسمونه قلة...
ما كملت كلمتها الا صوت الصفعه دوى في المكان وشافت نفسها طايحه على الكنبه وتحس بخدها حار
توها بتحط يدها على خدها الا مسكها من يدها وسحبها له وبهمس:هذا اول انذار لك ويا ما بتشوفين مثل هذا كثير وانتي من اليوم ورايح خدامه لي ولعيالي تفهمين
هبه بحقد:انا مو خامه لاحد
يامن وهو يجرها:يا تكونين خدامه ولا راح تكونين شي ثاني
فتح باب الغرفه وهو يسحبها بقوه وسط بكائها ومقاومتها ورماها على السرير وبحقاره:ماتبغين تكونين خدامه خلاص نستفيد منك بطريقه ثانيه
قرب منها وهبه بسرعه وببكاء وهي ترجع على وراء:لا خلاص خلاص اصير لك خدامه واي شي بس لا تقرب
يامنه وهو يمسك يدها وبابتسامة سخريه:ايوه يا بابا خليك مضبوطه ولو شفت منك أي طوالت لسان ولا قوات عين تدرين وش بسوي فيه ولا اقولك بخليك تتخيلين وش ممكن اسوي فيك مع اني ما اعتقد انك ممكن تتخيلين وش ممكن اسوي
هبه بخوف:ببسوي كل اللي تقوله بس اتركني
يامن دفها لحد ما طاحت على السرير وباحتقار:بدلي هالملابس واطلعي سوي لي عشاء بسرعه لاني جوعان
هبه نزلت عيونها وهي تبكي بصمت
يامن بعصبيه:لما اقول شي تقولين فاهمه
هبه بخوف:فاهمه فاهمه
يامن مشى وخذا له لبس وتوجه للحمام(اكرمكم الله )وقبل لا يدخل:5 دقايق لو اطلع واشوفك في مكانك ما يصير لك خير
هبه وهي توقف وترجف:طيب فاهمه
دخل يامن دورة المياه(اكرمكم الله) تارك وراه هبه اللي اسرعت تأخذ لها ملابس علشان تلحق تغير وتنفذ اللي طلبه قبل لا يصير فيها شي هي ما تبغاه
في القاعه بعيد عن الضيوف تكلم بالجوال
بتفاجا:وشو انت من جدك يا صافي
صافي :ايه من جدي هجل امزح
لمياء:والله ابوك عليه طلعات ما ادري كيف يعني يزوج البنت الحين بدون ..
قاطعها صافي:يا بنت الحلال احسن لها ويله بسرعه ناديها علشان توقع ويسمع الشيخ موافقتها
لمياء:طيب بجيبها من الباب الوراني للمجلس الخارجي للقاعه
صافي:طيب
لمياء:باي
صكت من صافي ودخلت القاعه وتوجهت لبانه وبهمس:تعالي يابنتي ابغاك شوي
بانه باستغراب:أن شاء الله
مشت معاها لحد ما طلعوا من القاعه ووصلوا الحمامات(اكرمكم الله)
عند امجاد التفتت عليها سجيه وبهمس:وش فيهم
امجاد بكذب:وانا وش عرفني
رفعت جوالها وقامت من مكانها وبهمس:شوي وراجعه
عند بانه بتفاجا:وشو
لمياء:والله يا بنتي هذا اللي قالوه بس لو انتي مو موافقه ولا....
قاطتها بانه:من قال مو موافقه
لمياء بصدمه:وشو يعني انتي راضيه
بانه:ايه
لمياء سكتت وهي مستغربه من قوات عين بانه وبعد لحظات:هجل يله علشان توقعين ويسمع موافقتك الشيخ
بانه:لحظه بس ابغى امجاد تكون معاي
لمياء باستغراب:طيب
مشت وقابلتها امجاد اللي سبقتها في الكلام:وفري على نفسك الكلام اعرف السالفه
بانه تنهدت:ابغاك معي
امجاد بتفهم:طيب لحظه اجيب عباياتنا بس احتياط
بانه بتوتر:طيب
وقفت تستنى امجاد اللي راحت وجابت العبايات
سجيه وهي تشوف امجاد تأخذ العبايات:وين تون الناس على الروحه
امجاد :لا مو رايحين بس بانه بتتزوج
سجيه بتفاجا:ها
تركت سجيه المصدومه وتوجهت لبانه وعطتها العبايه ولبسوا عباياتهم وتلثموا وطلعوا لحد ما وصلوا جهة باب المجلس الخارجي وهناك كان صافي والشيخ موجودين وسألها الشيخ
:بانه عبدالعزيز هل تقبلين بصقر صالح الماجد زوج لك
بانه طالعت امجاد اللي تطالعها وسكتت وكأنها متردده
الشيخ بملل:يا بنتي يا بانه اقولك هل تقبلين بصقر صالح الماجد زوج لك
بانه وهي تطالع امجاد:....
عند الرجال الشباب ساكتين وكل واحد يطالع الثاني واغلب نظراتهم عند حصين اللي يفكر أن اكيد بعد ما ينتهي هالموضوع راح تصير له مشاكل لها اول ما لها تالي بس هو متجهز للمواجهه وبهمس:لازم يتغير كل شي جاء الوقت اللي يتغير فيه كل شي
طالعه وشافه هادي ولا في أي شي يدل على شعوره لا توتر ولا ارتباك ولاشي بس الجمود مرسومه على ملامحه
حسن وهو يهمس لاخوه راكان اللي جالس جنبه:تتوقع وش بيصير
راكان اللي يفكر:والله علمي علمك وش رايك نقوم ونتوكل احس منظرنا غلط
حسن بفضول:لا خلنا لا غلط ولا شي احنا معزومين يعني من الاهل
راكان طالع حسن بعتب وتنهد
حسن مال على صقر:يا برودك
صقر طالع حسن وما رد عليه
حسن:ما تخاف ما توافق او تغير رايها
صقر بابتسامه جانبيه:لا
حسن:يا قوي قلبك ما خفت جدها يفشلك او يطردك
صقر:ما يسويها
حسن باستغراب:وانت وش عرفك
صقر:لما تخاف من شي وتبغى تفتك منه ويجي شخص يريحك من هالشي بتقول لا
حسن:لا
صقر:خلاص
حسن اللي سكت لحظات يستوعب بعدها بهمس:اها فهمت
طالع صقر وهو يفكر:والله وطلعت داهيه اثاريك عارف أن جدها يبغى يفتك منها وما يصدق احد يأخذها ويرتاح من همها دائما تفاجآني يا صقر دائما
صحى على دخلت الشيخ اللي الكل التفت له وهو يقول:مبروك
حسن وراكان ابتسموا هذا غير صافي اللي طار من الفرحه لان بنت اخوه بتكون مع عائلة الماجد اللي ساعدوا اخوه
اما عند الجد فكان يحس انه بينفجر ويطالع حصين بحقد شديد
تــــابــع
في مكان كل البعد عن هالمكان
طلع من الحمام ينشف جسمه وشعره ومشى لحد ما وصل لنص الغرفه وهو يشوف ما فيها احد وباب الغرفه مفتوح وسمع صوت برا الغرفه مشى لبرا الغرفه ومعاه الفوطه ينشف شعره
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك