رواية توأمي لكن انا غير ومالي مثيل وراسي عنيده -43

رواية توأمي لكن انا غير ومالي مثيل وراسي عنيده -43

طالعها واستغرب من نفسه:وش فيك يا يامن من اولها كذا بتضعف قدامها وهذا ما صار لك يوم معاها هجل بعد اسبوع ولا شهر وش بتسوي لا ما هوب انا اللي اضعف قدام وحده صغيره وقمر

زفر بضيق وقام من مكانها وطالع هبه باحتقار وهو يذكر نفسه انكل الحريم سوا وطفى الابجوره وطلع من الغرفه بكبرها

&

دخل الجناح وهو فاتح أزرار ثوبه ومشمر اكمامه والغتره على كتفه ومبين الضيق على وجهه

اول ما دخل شافها تنتظره وقرب :السلام

سميه:وعليكم السلام وش فيك حبيبي خوفتني عليك ليه تاخرت

حصين جلس وهو يرمي الغتره على الكنب:مافي شي ماله داعي تخافين

سميه اللي جلست جنبه والخوف مبين عليها:قلت لهم

حصين وهو يطالعها:ايه

سميه بخوف:وش صار لا تخبي علي

حصين وهو ينسدح على الكنب ويحط راسه على رجول سميه:راسي مصدع يا سموي بعدين نتكلم

سميه بتنهيده:على راحتك وبسم عليك من التعب يا روحي

بدت تمسح على شعره وحصين رجع بذاكره لساعات قليله وراء

الجد بتفاحا:وش قلت

حصين:اللي سمعته يا يبه انا تزوجت واحب زوجتي وما افكر اتزوج عليها لا بنت عمي ولا غيرها

الجد طالع حصين وبصدمه:تعصاني وتفشلني وتصغرني بين الجماعه وتتزوج بدون شوري بعد

حصين وهو يلتفت لجده:يا يبه...

الجد وهو يقاطعه بعصبيه:وحطبا ولا كلمه اطلع برا

حصين اللي كان متوقع هالشي يصير:تطردني

الجد:اطردك اللي يعصاني ماله مكان عندي برا وانسى انك من الزايد وخل الحريم ينفعونك

حصين بعصبيه:راح اسوي روحي ما سمعت شي لانك اللي مربيني وعلى راسي كل لكمه تقولها

الجد:ما عرفت اربي يا حيف على تربية تخلي رجال يركض وراء حرمه مالك مكان عندي يله

حصين :كنت متوقع تسوي فيني مثل ما سويت في عمي عبدالعزيز

الجد بعصبيه:قلت اطلع من بيتي ومالك أي فلس بالحلال اللي يعصاني ما يطول أي شي مني

حصين طالع جده وبقوات عين:انا طالع بس مو من كل شي

طالع جده بثقه وطلع من المكان

الجد عصب من كلام حصين ووسند نفسه على العصا وحس بان رجوله ما تشيله وجلس بتعب على الكنب وبهمس:السنين تعيد نفسها والوقت يعيد نفسه

تنفس بضيق وضغط على عصاته وحل الهدوء في المكان وما ينسم الا تنفس الجد اللي ضاق عليه

&

بدلت ملابسها ولما دخلت الغرفه تفاجات بأنه في سريره ومتغطي

بانه باستغراب:متى جاء توني شايفته جالس في الصاله

مشت وهي تطالعه لحد ما وصلت سريرها رفعت الغطا وتغطت وكل شوي تلتف جهته تتأكد انه في مكانه ونايم

وشوي وشوي بدت جفنها تتصكر وتغط في النوم

بعد ساعه ونص

صحت على صوته

قامت وطالع جهة صقر وانفجعت وهي تسمع صوته

قامت من سريرها وتوجهت له بسرعه وصارت تهزه وبخوف:صقر صقر قوم صقر وش فيك

سكتت وهي تسمع هذيانه:لا لا نار حاره حاره نار لا احترق احترق

بانه اللي خافت هزته بقوه:صقر قوم تكفى

فز من نومه وجلس وهويتنفس بصعوبه والعرق مالي جبينه وحاس انه مو سامع ولا شي

بانه بخوف من شكله اللي مبين انه مخنوق:صـ..ًصـ..

التفت لها وبصوت مخنوق:اطلعي برا

بانه وهي توقف وباستغراب :اايش قلت

صقر بعصبيه:قلت لك برا ما تسمعين

بانه اللي انتفضت بلعت ريقها وبهمس:طيب طيب بس هدي

صقر:برا

بانه مشت بسرعه وطلعت وصكت الباب وراها وجلست على كنب اللي في الصاله وهي كل شوي تلتفت على الباب وبهمس:يا ترى هذا اللي قصدته امجاد باني بتعب اذا هذي اولها وشلون بتكون تاليها

تنهدت لما تذكرت شكله:وش فيه ليه كان يتكلم عن النار ...سكتت شوي وهي تتذكر الحرق اللي جنب وجهه:اكيد هالحرق هو سبب الكابوس اللي جاه ياترى كيف بتكون الايام معاه وكيف بتعامل معاه

رفعت راسها لفوق:الله يستر

طالعت الباب وهي تفكر في المستقبل وظلت على هالحال لحد ما نامت على الكنب

&&&

في كل صباح تشرق الشمس

لتنهي كل ما صار في الليل من همس

وتعلم انتهاء الامس

وبدايه يوم جديد كله انس

صحت من نومها وما لقتها في الغرفه وباستغراب:هذي وين راحت

قامت ودخلت الحمام(اكرمكم الله) وخذت لها شور وطلعت وصلت وبعدها لبست ونزلت تدور عليها

شافت الخدامه ونادت لها:وين سجيه

الخدامه:هزا اديه في حديقه

امجاد :زين روحي انتي

طلعت ولقتها جالسه تشرب كوفي وسرحانه

قربت منها وبهمس:سجوي

فزت من مكانها وزفرت وهي تحط يدها على قلبها :خوفتيني

جلست امجاد وهي تبتسم:غريبه ما صارختي ولا عصبتي

سجيه بهدوء:مالي خلق اسوي ازعاج ولا اصرخ

امجاد باستغراب:سجيه وش فيك احس فيك شي

سجيه طالعت امجاد وعدلت جلستها :اسمعي وش فيني لاني ما اقدر اكتم اكثر من كذا لازم اقول

امجاد باهتمام:قولي انا اسمعك

سجيه:امس لما رحنا العرس تدرين تكلمت مع من

امجاد بفضول:مع من

سجيه:مع جدة بانه

امجاد بتفاجا:من جدك

سجيه:ايه من جدي هجل امزح معاك

امجاد والنذاله تملى عيونها والابتسامه انرسمت على وجهها:وش قالت لك وش قلتي لها

سجيه:قلت لها كل شي لما سالتني اذا اعرف زوجها ولا لا وبعدها قالت لي اجي عزيمة الغداء اللي راح يسوونها وتبغاني اقول كل شي قدام الكل

امجاد بحماس:ههههههههه والله حماس و اكيد انتي ما بتقصرين وتفضحين هالشيبه الي مصدق نفسه

سجيه بتردد:بس مو حرام اهدم عيله

امجاد بنذاله:سوا قلتي ولا لا خلاص زوجته تعرف كل شي يعني خاربه خاربه

سجيه بتنهيده:ما ادري

امجاد:أي ما تدرين انا لو مكانك اروح واعلم عليه خليه يعرف كيف يهددك ويهدد بانه وملوع كبود احفاده وعياله

سجيه وهي تطالع امجاد:خلاص اتوكل على الله واسمع شورك

امجاد ابتسمت بنذاله وحطت رجل على رجل وسكتت وهي تطالع سجيه اللي تفكر وسرحانه بأفكارها

&&&&

صحت على صوت طق على الباب قامت وهي تحس راسها مصدع

مشت لحد الباب وفتحته وبهمس:نعم

طالعها وسكت وهو مفهي ومبين السرحان على وجهه

توترت من نظراته ونزلت عيونها وبهمس:نعم يا نادر بغيت شي

نادر اللي لف نص وجهه:احم لا بس شفتك ما طلعتي قلت يمكن ما صحيتي وقلت اصحيك لان الغداء في بيت جدي اليوم ويالله نلحق

دانه:طيب بس عطني ربع ساعه واجهز

نادر:طيب

مشى متوجه لغرفته وهي صكت الباب وتسندت عليه وزفرت:اوووف والله مدري اذا اقدر اتظاهر بلامبالاة واكلمه عادي وانفذ نصيحتك يا بانه ولا لا

طالعت الساعه بالمكان وبهمس:خلني اخلص علشان ما اتاخر

&&&&

ما نام جالس في الغرفه ويفكر طالع الساعه وقام من مكانه وفتح الباب وشافها لحد الحين نايمه

قرب علشان يصحيها بس تراجع وقرر يصحيها من بعيد :بانه بانه

ما شافها تحركت رجع ناداها بصوت اعلى:بانه

بانه فتحت عيونها وشافت صقر قدامها وجلست:بغيت شي فيك شي

صقر تنهد:لا بس اصحي شوفي الساعه كم

بانه وهي تطالع الغطا والمخده اللي تحت راسها ورجعت تطالع صقر

صقر اللي كان لابس عطاها ظهره وقبل لا يطلع:اجهزي علشان الغداء عند اهلك ومانبغى نتاخر بطلع ساعه وبرجع

فتح الباب وطلع وترك وراه بانه اللي تطالع الغطا والمخده وبهمس:الحمد لله طلع احسن من اللي توقعته

وقفت وهي تشيل المخده والغطا وتمغط جسمها وبهمس:اروح اشوف دانه واتجهز

&&

جالسه جنبه في السياره ولا نطقت بولا حرف بعد السخريه والكلام اللي يغث اللي جاها الصباح

طالعته من تحت لتحت ورجعت طالعت يديها اللي في حظنها وهي تتذكر

: انتي قومي كل ذا نوم

صحت وهي تشوفه قريب بعدت لوراء وبهمس:نعم

يامن بسخريه:يعني اني انا خايفه هههه والله مصدقه نفسك انا افكر اقرب من وحده حالها حال الخدم عندي

سكتت وهي تشوفه يروح ومعطيها ظهره رفعت يدها من وراه وتسوي حركات وتقلده وبهمس:لا انا اللي ميته على جمالك الاخذ

يامن اللي لمح حركتها في المرايه التفت:انتي قد حركتك اللي سويتيها

هبه بخوف:ما سويت شي

يامن بعصبيه:لو احنا مو رايحين لاهلك كان علمتك

هبه نزلت عيونها وبلعت ريقها وسكتت

يامن عطاها ظهره ودخل الحمام(اكرمكم الله)يأخذ له شور

تنهدت وغمضت عيونها ورجعت فتحتهم:الحمد لله بروح اشوف اهلي ما احس اني غبت عنهم ليله احسها سنه

قامت من مكانها وهي مقهوره من يامن ومن الكلام اللي يقوله لها

رجعت لحاضرها على صوته:وصلنا

طالعت بيت جدها وحست بفرحه ماتوصف لانها بتدخله عمرها ما توقعت انها بتحن لبيت جدها اوتتمنى لو انها تقعد فيه للابد

قبل لا تنزل مسك يدها وضغط عليها وهي التفتت له وبهمس وتهديد:احسن لك يقعد كل شي بينا فاهمه

هبه وهي تنزل عيونها:فاهمه

يامن ابتسم بحقاره وترك يدها بقرف ونزل

دخلوا البيت وقبل لا يتوجه لمجلس الرجال قابلوا مقعد

هبه اللي شافت مقعد اسرعت له وخذاها بحظنه:هلا وغلا

هبه:ههه اشتقت لك يا دب

مقعد وهو يعدل غترته ويوخرها:طبعا طبعا كيف ما تشتاقين لواحد وسيم مثلي

سلم مقعد على يامن

هبه:هههه اشتقت حتى لطنازتك

مقعد وهو يحاوطها من كتوفها:يا نصابه ما غبتي عنا الا كم ساعه

هبه:يووه مقعد يعني ما تعرف غلاك انت واخواني

مقعد وهو يبوس راسها:الله لا يحرمنا منك يا حنون يله ادخلي يا قلبي الباقين داخل

هبه بفرحه:طيب

دخلت بدون ما تلتف ليامن ويامن يتأملهم هي ومقعد وصحي على صوت مقعد:يله يا النسيب حياك ولا تفهي على اختي ترى كم ساعه وترجع لك

يامن:هههه يله

جالس مع امه في غرفتها

ام يوسف:من جدك يا وليدي

يوسف:ايه يالغاليه هجل في ذي الامور فيها مزح

ام يوسف سكتت وهي تفكر

يوسف:انتي وش رايك

ام يوسف:والله يا وليدي يزن مافي احسن منه وطبعه غير طبع اخوي اللي يصلحه ويزن ينحط على الجرح يبرى

يوسف بابتسامه:يعني انتي راضيه

ام يوسف:مدام انه بيشتغل وبيشيل نفسه ويقدر يتحمل مسؤوليه ليه لا ما به أي مشاكل بس اهم شي رأي اختك

يوسف وهو يوقف:اكيد اهم شي رايها

ام يوسف:الله يرضى عليك

يوسف وهو يبوس راس امه:يله انا بروح للرجاجيل

ام يوسف:زين يا وليدي

طلع وبعدها طلعت امه تروح لامها وتشوف اوضاع العزيمه

مجتمعين في الصاله الكبيره والضحك والسوالف في المكان منتشره

اسير:مدى

مدى اللي تضحك:ها وش تبين

اسير:شوفي ام راكان تطالعك

مدى وهي تطالع ام راكان وتلف بسرعه:وهذي وش فيها تطالعني

اسير بضحكه:يمكن حاطه عيونها عليك لولدها

مدى بخوف:فا الله ولا فالك

اسير:ههههههههههههه

مدى بنذاله:اقول روحي للوفيتك ابرك

اسير اللي انقلب وجهها احمر:وش قلتي

مدى:اللي سمعتيه ومره ثانيه قصري صوتك ترى في ناس تبغى تنام

مو تقعدين مع لافي تكركرين وتسهرينا

اسير اللي ضرتها وهي تتلفت في المكان:وش تخرفين انتي

مدى:هههههههههههه الكل سمعك اصلا

اسير اللي انحرجت وقفت وبعصبيه:مالت عليك

راحت وتركت مدى اللي ميته ضحك على اسير اللي متفشله

في مكان ثاني

واقفه وراه وبهمس:مو لازم

التفت عليها:الا لازم خلاص لازم الكل يعرفك ويتعرفون عليك يا سموي

سميه:بس اخاف ما يحبوني

حصين وهو يمسك يدها:في احد يعرفك ولا يحبك لا تخافين امي واختي اكيد بيحبونك

سميه وهي تزفر بخوف:طيب

حصين وهو يبوس راسها:يله

سميه:يله

حطت الغطاء على وجهها ومسكت يده وطلعوا متوجهين للعزيمه

دخلت وصوت الزغاريد منتشره بالمكان

توجهت لجدتها وحظنتها وباست راسها ويدها

الجده:عسى عيني ماتبكيك

دانه:اخبارك يا يمه

الجده:بخير يا نظر عيني

سلمت على الكل وباركوا لها وسلمت على هبه وجلسوا كلهم في الصاله

شوي الا دخلت بانه ومعاها سجيه وامجاد

الكل التفت لها ودانه قامت لها وحظنتها

دانه:اختي ليه جيتي

بانه:وحشتيني

دانه بهمس:ما قلت لك لا تجين الحين لو دروا عنك بتصير مشاكل

بانه:هذاك اول

دانه سكتت وهي مو فاهمه شي

سلموا بانه وامجاد وسجيه على الكل وجلسوا

الكل يطالعها ويهمس وهي تطالعهم ولا هموها

دانه اللي مستغربه نظرات الكل لها:وش فيهم يطالعونك كذا

بانه بابتسامه:لاني تزوجت

التفتت لاختها وعيونها طالعه من مكانه وبهمس:ها وش قلتي

في مكان قريب منهم

سجيه وهي تضرب امجاد:شوفيها تطالعني

امجاد:من

سجيه:من بعد العجوز

امجاد وهي تلف وجهها وببرود:طنشي

سجيه بعصبيه:يا برودك

لفت وجهها وهي ساكته وتفكر باللي بتسويه بعد كم ساعه

عند الرجال كانت السوالف مختلفه ما بين سياسه واقتصاد وامور عائليه وسوالف شبابيه

دخل عليهم والكل رد السلام الا هو يطالعه بحقد

جلس جنب يوسف ومعاذ وطالع جده ولف وبدا يسولف

الجد بهمس وعيونه تطلع منها الشرار:دبارك عندي يا حصين بس خل المعازيم يروحون

لف وجهه يسولف

مره ثواني الا دخل صقر والكل التفتوا يطالعون وقاموا يسلمون

بعد ما سلم جلس هو ومرافقه وحسن وراكان معاهم

التفت حسن بيسولف مع صقر الا لمحه جالس قدامه وظل يطالعه بتركيز وحس بشي ما عرف يفسره لما تذكر وقفته وكلامه مع سجيه

التفت ولمحه يطالعه حس أن وجهه مألوف بس وين شايفه ما يتذكر

صحى من سرحنه على صوت مقعد:سلطان قوم ضيف معي الرجال

سلطان اللي يطالع حسن:طيب

تابـع

جالسه جنب اختها وهي مو مصدقه الكلام اللي تسمعه من اختها وبعد ما خلصت اختها سكتت وما عرفت وش تقول

بانه اللي شافت دانه تطالعها:وش فيك سكتي كذا

دانه:وش تبيني اقول فاجاتيني

بانه :كذا احسن لي

دانه:والله ما ادري وش اقولك بس انتبهي على نفسك يا اختي

بانه بابتسامه:لا تخافين علي

دانه وهي تمسك يدها:ادري هههه

بانه:ههههههه

رن جوالها ورفعته ولما شافت الرقم اختفت ضحكتها وبانت الضيقه على وجهها وصكت الخط وهي تفكر

دانه اللي لاحظت تغير وجه بانه:حبيبتي فيك شي مين المتصل

بانه:مو مهم

سكتت دانه وهي ما تبغى تتدخل اكثر في اختها خصوصا لما حست انها متضايقه

مرت العزيمه على خير

في مجلس الرجال

وقف وبصوت عالي:يله يا جماعه انا اترخص

سلطان:وين يا لنسيب تونا بدري

يامن :لا وين بدري ورانا سفره لازم امر على الاهل وبعدها نروح الفندق نأخذ اغراضنا .... وكمل وهو يبتسم بنذاله:و نسافر على طول لمكان ما يخطر على البال

سلطان بابتسامه:على راحتك والله يستر عليكم ..التفت على اخوه:يا مقعد

مقعد:سم

سلطان:قل للي داخل يله

مقعد:أن شاء الله

طلع مقعد ينادي هبه ويامن طلع هو وسلطان عند السياره

عند الحريم بدا صوت البكي والزعل

ام سلطان:اهئ اهئ

الجده:اذكري الله وش بلاك اللي يشوفك يقول بنتك بتروح المريخ مو مع رجلها

ام سلطان وهي تمسح دموعها:اهئ اهئ هذي قطعه من قلبي

هبه وهي تبكي وتبوس راس امها:خلاص يا الغاليه تكفين خلاص

اسير بصوت باكي:يمه اذكر الله

ام سلطان وهي تطالع هبه:لا اله الا الله اسمعي وانا امك

هبه:امريني

ام سلطان:تتصلين علي كل دقيقه سامعتني يا قلب امك

هبه بابتسامه:كل ثانيه بتصل فيك

الجده:حشى هذا برنامج فوزيه الدريع

الكل:ههههههههههه

وصلهم صوته:يا ولد

اسير:انا بشوف وش عنده

طلعت اسير لمقعد وبعد ثواني رجعت:يله هبه

هبه وهي تلبس عبايتها وتسلم علي الكل والكل يودع ويبكي واللي سوا مناحه

بعد ما ودعتهم طلعت لاخوانها بعد ما تغطت

طلعت وشافت مقعد وسلطان وقفين مع يامن عند سيارته قربت واول ما قربت منهم

سلطان حذاها بحظنه وبهمس:بتتركينا

هبه اللي كانت ماسكه نفسها صارت تبكي وتشتهق

مقعد وهو يضرب سلطان:يالثور بدل ماترقعها تبكيها

سلطان بضحك:هههههه هبوي صايره رقيقه

هبه وهي تبعد:يا ويلكم لو تنسوني

مقعد:واحنا نقدر ننسى الضرب والقسمه

سلطان:ههههههه ولا الكسور والتربيع والجذور

هبه ضحكت وهي تمسح دموعها:ما تتركون حركاتكم

سلمت على مقعد اللي قعد يوصيها على نفسها وركبت وركب يامن اللي كان مجرد متفرج واول ما ركب حل الهدوء في المكان من غير صوت شهقات هبه الخفيفه

عند دانه كان الوضع مختلف لانها كانت بتسكن بالبيت اللي لاصق جداره ببيت جدها وكان الوضع اهدى

دانه وهي تحظن بانه وبهمس:الله يوفقك

دانه:ويوفقك يا اختي

بانه:بينا اتصال

دانه:اكيد

الجده:يله يا بنتي نادر يستناك

دانه:أن شاء الله

رجعت طالعت اختها وحظنتها مره ثانيه وبعدت عنها وبهمس:مع السلامه

بانه بابتسامه:بحفظ الله

طلعت دانه وركبت مع نادر علشان يتوجهون للفندق وياخذون اغراضهم ويروحون على بيت صافي

&

كل المعازيم راحوا وبقت العايله وسميه اللي الكل مستغرب انها ما راحت على بيتها

&&

عند الرجال بعد ما شاف المعازيم راحوا قال بهمس:يبه انا بترخص عندي كم شغله اسويها

صافي:في امان الله يا وليدي

طلع من المجلس ورفع جواله واتصل على غصون تطلع له ورفض يقولها عن المشوار اللي لازم يروحون له

&&&

نرجع للمجلس

وقف بعد ما شاف الكل راحوا حتى صقر وحسن وراكان ومرافق صقر

وبقوا احفاده وعياله وقف وبصوت عالي وبعصبيه:انا ابغى افهم انت كيف لك وجه تجي بعد ما طردتك امس

الكل التفت للجد ولحصين والاستغراب والمفاجاه تملئ وجيهم

وقف صالح وباستغراب:يبه وشفيك على حصين وش بلاك وش مسوي

الجد بعصبيه:ما تدري أن ولدك متزوج من وحده ما نعرف اصلها وفصلها

صالح بتفاجا:وش قلت

الكل سكت وصاروا يطالعون حصين اللي جالس

صالح بعصبيه:اه يالخاسي تطلع متزوج من ورانا

حصين وهو يوقف :انا ما سويت شي غلط انا تزوجت ومن عايله تشرف يعني ما سويت شي حرام

صالح بعصبيه:شب وبعد واقف وتتكلم يا قليل الخاتمه انا الغلطان اللي اوافق تروح لبلاد الكفار ظنيت انك رجال ما ينلعب عليك

حصين بحزم:انا رجال وزواجي ما ينقص من رجولتي وما هوب انا اللي تلعب عليه حرمه هذي زوجتي

الجد:انت ولا شي انت الحين تطلع من بيتي ومن كل شي ما لك شي عندي تفهم لا شركه ولا بيت ولا حتى اهل

حصين:اهلي ما في احد يقدر يحرمني منهم اخواني واختي وامي محد يقدر يمنعني عنهم

الجد بعصبيه وبصوت عالي:انت تبغى تكسر كلامي ولا وشو

حصين:انا ما اكسر كلامكم بس اهلي ما في احد يحرمني منهم مو بها السهوله

صافي وهو يوقف:يا جماعه اذكروا الله وصلوا على النبي

الكل:اللهم صلي وسلم عليه

انفتح الباب ودخلت الخدامه وبصوت عالي:بابا كبير ماما كبير قول تعال صاله داخل هزا في كلام واجد مهم

الجد بعصبيه:قولي لها بعدين

الخدامه:ماما كبير قول واجد مهم حياه او موت

الكل استغرب وتوجهوا للصاله الداخليه بعد ما تغطوا البنات وكانت سميه من بين الحاضرين

دخل حصين وتوجه لها ومسك يديها وام حصين لاحظت ولما قربت تكلم حصين قبل لا تتكلم هي :يمه هذي زوجتي سميه

ام حصين شهقت:وشو زوجتك

حصين بهمس:ايه يمه

ام حصين طالعت حصين بعتب وطالعت سميه بحقد وتوها بتتكلم الا سمعت الجد يتكلم فقررت تأجل الموضوع

الكل جلس والبعض استغرب جلوس حصين جنب سميه وهم ما يدرون انها زوجته

الجد بعصبيه:خير وشو الموضوع المهم

الجده:ماهوب انا اللي بقول الموضوع

الجد بنفاذ صبر:وشو فزوره هي اخلصي علينا يا حرمه

الجده التفتت على سجيه اللي ضرتها امجاد بكوعها وهي تهمس لها: يله

سجيه بلعت ريقها ووقفت

يتبع ,,,,

👇👇👇

تعديل المقال