رواية هدمت حياتي بيديك وجاي تقول ندمت -56
هديل ما حبت تكثر عليه اساله:شكلك تعبان روح ارتاح احسن لك
عبد المجيد: ان شاء الله
وقام عبد المجيد وراح غرفته واخذ شور وانسدح ع السرير بس ما قدر ينام وجلس يفكر بطريقه يقدر يرجع فيها رائد وراسه وجعه من كثر التفكير
:::
:::
بالبيت الكبير
الجده من عرفت بسالفه رائد وهي الدمعه ما فارقت عيونها لا ليل ولا نهار وتدعي له انه يرجع بالسلامه
الجد:وش فيك ترا الدموع ماراح تسوي شي
الجده:وانا وش بيدي اسوي غير هالدموع حسبي الله على اللي خلنا بهذي الحاله ربي يسلط عليه غضبه
ودخلت ليزا وحطت صينيه القهوه وراحت
الجد:يالغاليه ترا دموعك غاليه
ورائد بيرجع ان شاء الله بس طولي بالك
الجده:ان شاء الله والله اوضاعنا ماهي بعدله رائد من جهه وابو ضاري من جهه ومنال مره عبدالمجيد من جهه
الجد:كل شي بيتعدل ان شاء الله
الجده:ان شاء الله
:::
:::
نرجع لبريطانيا
عند الصبااااااااايااا
لياااااااان : الملااااهي
هدى :الملااهي؟؟
غروور:وش تحسين فيه الملاهي انتي
ليان :بناات تكفوون نفسي اغير جو من زمان ما لعبت الله ونااااااااااسه
مهااا : ايه والله خلوونا نغير جوو الدروس والغثاء خن نستانس
البنات عجبتهم الفكره :اووك يلااا
:::
:::
نرجع للريااااااااااااااض في مكاان بعيييييييد بعيييييد حتى عن عيون النااااااااااااس في السجن
تركي:هههههههههههههههههه الله يقطع سووالفك ياا طلااال
طلااال:ههههههه ماشفت شي بعد اصبر اقوولك مرره كناا بعد في البر
تررركي:هههههههههههههه لا تكفى تكفى خلاااص بطني مووو قااادر اضحك اكثر خلناا نوفره للضرووره
طلاال :ههههههههههههههه حلووه للضرووره بس براحتك هالسالفه عااد مره تضحك بس خلهاا للضرووره ههههه
حل الصمت بينهم دقاايق تركي سند راسه عالجدار وقعد يفكر
طلااااال: يااااخي انت ما تشبع من التفكيير اناا اهذر فووق راسك ولا انت ساااكت فلهاا وانا اخووك وربك يحلهاا
تركي وهو مسند راسه :طلوول
طلاال :لبيه
تركي :صدق انت دايم تسولف علي بس سوالفك ضحك ومزح حتى تخيل شووف كم صاار لي معااك لما الحين ما اعرف شنهي قضيتك
طلال تغيرت ملامح وجهه المبتسم :قضيتي
تركي :ايه شنوو قضيتك
طلاال وهوو يوقف :تكفى تركي انا ماحب افتح هالطااري
تركي :خلاص اجل من اليوم راح يكون بيننا حاجز ما دامك ما اعتبرتني اخووك وتفتح لي قلبك زي ما فتحت لك قلبي ولا عااد قايل لك شي عني
طلال:افاا ياااخوووك ابششر ياابوو طلاال رااح اقوولك بس موو اليووم
تركي :ههههههه على كيفك ابو طلاال
طلال:يحمد ربه ولدك اجل يصير سميي
تركي :هههههههه لا بصرااحه اخااف احسدك ع الثقه ذي
طلال وتركي :ههههههههههههههههههههههههههههههه
:::
:::
بيت ابوضاري
قام ضاري من النوم وهو يحس بألم في راسه ومسك جواله ودخل على المكالمات الى استلمها وشاف اخر الرقم دق عليه وحط اصبعه على زر الاتصال ولكن شي داخله منعه يتصل
وشوي واندق عليه الباب
ضاري:مييين
مرام :من في غيري بالبيت
ضاري:تفضلي
مرام:اخبار القمر
ضاري ابتسم ابتسامه فيها تعب: بخير
مرام وقربت عنده ومسكت خدوده:يالبيييه بس
وسحبت كرسي وجلست قدامه
ضاري يناظر فيها وهو فاهم هي وش تبي
مرام:ضاري
ودق جوال ضاري شاف المتصل عبدالمجيد
ضاري:دقيقه بشوف عبد المجيد وش يبي وطلع من الغرفه
ضاري:هلا عبد المجيد
عبد المجيد:هلابك لايكون قومتك من النوم
ضاري:لا قمت لي شوي شبغيت
عبد المجيد:ابغي اكلمك برا البيت ما ابي مرام تسمع اللي بقولك عليه
ضاري بخوف في داخله:اوكي بس وين
عبد المجيد:في الكافي اللي كنت تروح له انت ورائد الله يرجعه بالسلامه
ضاري بصوت مخنوق:ان شاء الله
عبد المجيد:نتقابل بعد ساعه يناسبك
ضاري:ايه
عبد المجيد: بس شف خلال هالساعه لا ترد على اي مكالمه الا مني اوعدني
ضاري بستغراب :ليه
عبد المجيد.اوعدني وانا اذا جيت قلتلك
ضاري وهو مو فاهم شي ولا متوقع ان اسيل دقت عليه:اوعدك
عبد المجيد براحه لانه عارف ان ضاري اذا وعد ما يخلف لو ايش يصير:يلا مع السلامه
ضاري:مع السلامه
:::
:::
بيت ابو متعب
في طلعت الحديقه وجلست وتناظر الكرسي اللي كان رائد يجلس عليه وتتذكر كل شي وكل كلمه كان يقولها ونزلت دمعتها وبعدها ذكرت يوم كانوا في المزرعه وسوا هو وضاري فيهم المقلب ابتسمت ابتسامه نزلت معها دمعه كلها حزن على اخوها وشوي وحست ان احد حط يده على كتفها
ولفت لقته ابوها على طول مسحت دمعتهااللي خانتها ونزلت لما شافت ابوها
ابو متعب ماحب يضايقها ويقولها ان لاحظ دموعها:ليه جالسه لحالك
في بصوت مخنوق: مالي خلق اجلس داخل اذا دخلت امي طول وقتها تبكي وانا اعصابي مو قادره تتحمل اكثر وحضنت ابوها وجلست تبكي بحزن
ابو متعب اللي ما كان حاله احسن من في وامها بس لازم يتماسك لانه عامود البيت: ادعي له يلا تعالي ندخل جوا احسن ودق جوال ابو متعب وكان الشغل وراح يكلم وفي دخلت لقت امها نايمه على الارض وصرخت:ماااااااااااااامااااااااااااااااااا
ابومتعب سمع صوت في وهي تصرخ قفل التلفون بدون ما يكمل المكالمه ودخل يركض:شفيك يافي
في وهي تبكي: ماما مدري ايش فيها ما ترد علي
ابو متعب بخوف: قومي نوديها المستشفى
في : طيب اجيب عباتي وعبايتها
ابو متعب: بسرعه
وراحت في جابت العبايه ولبستها امها وشالها ابو متعب الى باب السياره ركبو وراحوا المستشفى
:::
:::
بيت متعب ولين
لين:ياروحي انت انا حاسه في عندك حكي حاب تقوله
متعب:هاه لاقلبي ماعندي شي
لين:اكيد
متعب:اي حبي اكيد شفيك
لين:ولاحاجه بس لو في شي صارحني لاتخليني اعرف من غيرك وانصدم
متعب بخوف:شقصدك
لين:ماقصد شي انا بس اقولك كذا عشان ماتخبي شي
متعت بنرفزه:قلتلك مافي شي ولو في شي كان صارحتك
لين:اوك شفيك تنرفزت
متعب:اسألي نفسك اقولك مافي شي بس انتي شاكه فيني
لين:لامو شاكه ولو كنت شاكه فاهذا من تصرفاتك
متعب:وبعدين
لين:اوك انا اسفه
متعب انسدح:ماصار شي انسي الموضوع
لين:طيب
:::
:::
بالمستشفى
وصلو للمستشفى وعلى طول سو لها الفحوصات للازمه وجلسوا ما يقارب الساعه ينتظرون الدكتور يطلع
في: بابا طولو كل هذا يسوا فحوصات
ابومتعب:صادقه
وشوي وطلع الدكتور
ابومتعب:زوجتي ايش فيها
الدكتور: عندها انهيار عصبي حاد نتيجة تعرضها للضعوط وراح تبقي عندنا كم يوم
ابومتعب:لاحول ولاقوه الابالله
في: اهئ اهئ ياربي رحمتك اول اخوي والحين امي
ابومتعب ناظرها وشاف فيها انكسار عمره ما شافه
:::
:::
بالكوووووفي
جالس عبدالمجيد ويناظر الساعه وشوي ودخل ضاري
ضاري وهو يجلس:تاخرت عليك
عبدالمجيد:لا اصلا توني جاي بس خفت جد تتاخر
ضاري:وش في ترا اربكتني
وقاله عبد المجيد انه اخذ الرقم اللي دق عليه وان الرقم دق وسمعه صوت رائد
ضاري:الحقيره لو بس اعرف اسمها بس كان اخر يوم في حياتها
عبد المجيد متردد يقوله من هي بعد اللي سمعه:هدي ضاري
ضاري :قوم نطلع من هنا احس اني مخنوق
عبدالمجيد:اوك
وقامو وهم طالعين
سعود:ضاري<طبعا سعود دايم يجي للكوفي
التفت ضاري:هلا سعود
سعود:وينك انت ورائد من زمان عنكم ومن هذا الطيب اللي معك
ضاري:هذا عبد المجيد
سعود:هلابك ورائد
ضاري:رائد مختفي
سعود:وشوووووو متى
ضاري:من شهر
سعود :شلون رجل وش طوله يختفي
ضاري قاله كيف اختفي
سعود:وش كان نوع السياره
ضاري:مدري ليه
سعود:شف لي اول وش كان نوع السياره وانا اقولك ليه
ضاري: يلا بسرعه عبد المجيد ودني بيت عمي ابو متعب
عبد المجيد:من بتسال
ضاري:بسال في اذا وصلت اني ادق باب جيرانهم باب باب ما عندي مشكله
عبدالمجيد :ما معك رقمها احسن اخاف ما يبون يستقبلون احد
ضاري:الا مشكور سعود
سعود :العفو ترا بكره انتظرك هنا
ضاري :اوكي
وطلع ضاري وركب هو عبد المجيد سيارته
ودق على في
ضاري: الووو في
في بصوت مخنوق:هلا ضاري
ضاري من ربكته ما حس بصوت في المخنوق:في وش كان نوع السياره اللي شافها ولد جاركم من اخذو رائد
في:مدري ليه
ضاري بخيبه امل:بعدين اقولك باي
في بستغراب:باي
عبد المجيد:هاه عرفت
ضاري:لا بس ودني عند بيتهم
عبد المجيد بيشوف اخرتها معه:طيب
ووصلوا عند البيت
وجلس يناظر في الشارع وفي شكل عشان يلقى خيط يوصله لرائد مالقى
وشاف الهندي اللي يغسل السيارات وراح عنده وراح وراه عبد المجيد
ضاري:السلام
راج:وعليكم السلام
ضاري:بسألك انت كنت في يوم بابا رائد ينخطف
راج سكت ومارد
عبد المجيد:رد لا تخاف
راج:ايوا انا في شوف كل شي بس ما يدري من ناس جوا سياره لانه السياره كان مظلل
ضاري ناظر بعبد المجيد وبحماس:وش كان نوع السياره
راج:جيب كبير اسود
عبد المجيد بنفس حماس ضاري:كم كان رقم للوحه
راج:لابابا لوحه مافي
ضاري :الحقيره
عبد المجيد:والله حريصه ذا الاسيل
ضاري:وش قلت اسيل من
عبد المجيد:اوعدني ماراح تسوي شي
ضاري بعصبيه:قل
عبد المجيد :ترا رائد تحت رحمتها واي تصرف طايش من تصرفاتك بيضيعه
ضاري اقتنع بكلام عبد المجيد:اوعدك
عبدالمجيد قاله انه عرفها يوم كلمها غلطت وقالت اسمها
ضاري:كنت شاك انها هي ذي الواطيه والحين تأكد شكي
عبدالمجيد:بس مافي احد يدري لا تقول لاي احد بحاله انا وانت بس
ضاري:شلون وحنا ما نعرف شي الا انها سياره جيب اسود
عبد المجيد:لاتفقد االامل ولا تنسى سعود صديقك يمكن يكون عنده شي مفيد ويمكن راج يكذب وش دارك
ضاري تنهد وكان مقتنع بكل اللي قال له عبد المجيد وبعدها راحوا عند الكافي وعبد المجيد اخذ سيارته وكل واحد راح بيته وكان كل واحد يفكر في حل ولا قدر ينام هذي الليله
:::
:::
نرجع لبريطاانياا
في سيااره البناات
لياان مسنده راسهاا على الشبااك "ياربي ليه انا سوويت كذاا مهما يكوون مايجووز اللي انا سوويته استغفر الله صدق اني ثووله "
لياان:غروور ممكن ترجعيني الشقه
غروور باستغراب:ليه
ليان:برووح ابدل ملابسي هاذي وحتى كعبي اصلا مكسوور
غروور:يووه ليونه كان قلتي من الاول الحين نظطر نرجع من اوول الشاارع
ليوونه:سووري
رجعووا للشقه طبعاا كان وراهم سيارتين بس ماكان احد منتبه اللي هم سياره بندر وسياره الشباب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك