رواية هدمت حياتي بيديك وجاي تقول ندمت -5
هديل وهي تضحك عليها هي والبنات :وشو
في بعصبيه: اخوك ذا والله ما عنده اى ذوق
هديل: اجل انا ليه مسميته ثقيل الطينه من فراغ يعني
في: والله انك صادقه
في سرحت شوي وتقول في نفسها والله يااماني الله يعينك على
الى اختاره قلبك والله ما عنده ذوووووق
لين : في
في:........
لين وهي تضرخ:في
في:خير وش فيك
لين :وين سرحتي
في مالعاده تصرف: افكر بالمقلب الجاي
البنات:هههههههههه
ليان :يمه عطي نفسك فرصه تونا مخلصين ذا المقلب
في:اسم الله علي الرحمن الرحيم قولو ما شاء الله
البنات:ههههههههههههههه ماشاء الله
هديل:في بس ترى نبي اقوى من ذا
في: الحين في ذا المقلب كنتي بتموتين علينا اجل في لاقوى
وش بتسوين
هديل:انطمي بس
ضحكو البنات
وجلسو يفكرون وش يسون بالمقلب الجاي
ولساعه 2 وهم تخطيط وتفكير
وكل مايفكرون بفكره يغيرون رايهم
في وهي فيها نوووم:بناات تعبت من التفكير
هديل:ايه والله تعبنا من ذولا وحنا نفكر فيهم
ليان:ايه هين نفكر فيهم قوولي نفكر عليهم
في:بناات انا مافيني اليووم خلووها بكرا
هديل وليان:يكون احسن بعد
ليان شافت لين مسرحه وهمست لها:وش فيك
لين:هاه ولا شي
ليان :اكيد لا تخبين علي
لين وهي تبوس توامها:اكيد ياقلبي
ليان ضحكت لاختها ومسكت ايدها ولحقوا في وهديل علشان ينامون
************************************************** *********
عند العيال
ضاري يكلم رائد:تصدق كلمتني اليووم وحده صوتها يذبح
رائد وهو مطير عيونه :احللللللللف
ضاري اللي مافهمه:هيه لا تخطط عليها تراها لي
رائد وهو يضرب ضاري على راسه:ياغبي حتى انا اليووم كلمتني وحده ياعليها صووت
ضاااري:والللللللللللله
رائد:والله بس...
ضااري:لابس ولا شي خلاص ضمنا نفسنا
رائد:بدق الحين
ضاري:اجل انا يلااا برووح اكلم ولا تزعجني فاهم
رائد وهو يقلب بجواله :وانا وش اسووي
ضاري يطلع من جوااله الرقم :ياربيه فديت الرقم وصاحبة الرقم
رائد وهو منقهر :اقووول انت اركد لا تقوول عنك مطيوور ماصدق سمع صوت بنت
ضااري:وانت صادق اصلا هونت ماني مكلمها
رائد وعلامه الانتصار على وجهه:احسن بعد
ضاري لف ونام
رائد يفكر بصاحبة الصوت اللي ااسره
قام قال خلني اجرب حظي طلع برا واتصل
************************************************** ********
عند البنات
سمعوووا صووت الجووال فزوا كلهم وشافوا الرقم
البناات :هههههههههههههههههههه
في:صدق ان اخوي ما عنده حياء
ليان:يلاا هديل عليك فيه
هديل:لا لا خلاص خايفه اضحك
في:اقوول اخلصي خليني امسك عليه شي ذا المخفه
لين:بسررعه بيفصل
هديل:طيب احم احم وردت الوووو
رائد بتنهيده:يا بعد كل الووو سمعته
هديل وهي تضحك بدلع:ههههههههه
رائد:لا لا تكفين ترا ما اقدر انا
في وهي تهمس والله حركات ذا الرائد يعرف من يطلع له الكلام الحلو
تمووا سووالف نص ساااعه وطبعا هديل كلامها كله تأليف عكس رائد اللي كان مسكين مصدق السالفه وما بقى شي ما قاله
وبعد المكالمه الكل كان نايم الا لين اللي ما جاها النووم
قااامت تتمشى براا ببجامتهاعلى بالها الكل نايم ما تدري ان فيه واحد ما جاه النووم مثلها من كثر ما يفكر فيهااا
كان نفسهاا تروح عند الخيوول بس خايفه لانها لحالها بس جمعت قووتها ورااحت
مسكت فرسها ومسحت على راسهااا بعدين ركبتها
لين كانت من يووم انها صغيرره وهي تحب تركب الخيل وماهره فيها
**********************************
متعب كااان يتمشى ويفكر بكلااام امه شاااف فيه حركه عند الخيووول خااف انه يكوون حراامي او شي لان عباله الكل نااايم
رااااح بشووويش عند الخيوول لا يحس فيه وبصووت عاااالي ارعب لييين :وقففففففف لا تتحرك
الخيل ارعبه الصووت لين فقدت تووازنها وجت بتطيح متعب خااف عليها من شاافهااا وهي بتطيح ركض عندها قبل ما تطيح مسكهااا باطرااف اصابعه وهدا الخيل
شاااف لين ما تتحرك وهي بحضنه رفعها عن جسمه شوووي شااف عيوونها مليانه دمووع وهي تشاااهق من الخوووف حس انها منحرجه منه وهي بالشكل هذا
جاء بينزلها بس لين مسكت فيه لان رجلها تالمها
لين وهي بتطيح:متعب
متعب وهو مو حاس بنفسه بس ذابحه شكلها الطفووولي:عيونه
لين:رجلي
متعب خااف عليها قرب لها ومسكها :لين وش فيك
لين :رجلي مو قادره امشي عليها
متعب شالها وجلسها على الكرسي مسك رجلها:وين الالم قلبي
لين سمعت كلمه قلبي ما قدرت ترد عليه من الخجل:......
متعب :لين وين الالم
لين وهي خجلانه لانها بالبجامه ومتعب ماسك رجلها :هنا بس خلاااص الحين احس احسن برووح ارتاح شوووي
متعب بعد عنها :اوك انتي ارتااحي الحين ولا تظغطي عليها واااجد
لين وهي توقف :اوك بس ما قدرت تمشي من الالم وجت بتطيح بس متعب كان اسرع مسكهاا وختلطت انفاسهم مع بعض وكان عيوونهم تحكي اللي بقلووبهم
لين حست بالخجل بس متعب ما قدر يشيل عيوونه من عينها وبصووت هامس :لين انا احبك
لين انتفض جسمهاا من كلامه وحست ان نفسها تبكي من الاحراج
متعب واخيرا حس فيهاا شااالها وقاال :خلااص انا راح اووديك بس مره ثاانيه مو تطلعين ذا الوقت لحالك
لين وهي بقمه الاحراج :ان شاء الله
متعب نزل لين عند غرفتهم وراح لغرفتهااا وهو يفكرر باللي قااله ياربي ليه انا استعجلت ليه قلت لها احبك وانا ماتاكدت من مشااعري ياربي وش سوويت انا
*******************************************
في الصبح
في فجر اليوم التالي
اماني واقفه عند الشباك وتفكر بعادل
بحب طفولتها من يوم هم صغار كانت تحس بان عادل مايحبها وكانت لجت تجلس جنبه يروح يجلس جنب في واذا نادته تركها وراح ولجت تلعب معاه طردها وكانت تسمع الكل يقولون عادل لاماني واماني لعادل
كبرووو وكبر هالحلم من اماني
تنهدت بضيق ودخلت
ولبست بنطلون جينز وبلوزه تفاحيه وايشارب على رقبتها حطت شالها على كتوفها وتعطرت وحطت روج وردي
وطلعت حصلت امها وجدتها صاحين
قربت اماني :صباح الخير جده وماما
الجده:هلا هلا بدلوعه العايله هلا بالزين كله
اماني باست جدتها:هلا فيك جده
ام متعب بانتباه:اماني ليش مانمتي
اماني:هاه نمت ماما
ام متعب:انا امك واعرف اذا نمتى او لا
باست خد امها اماني :نمت يالغاليه لاتحاتيني
الجده:ارفقي على ولدنا يااماني تراه مايقدر على هالحلا كله
ابتسمت بحزن اماني وبخاطرها"ياليت ياجده بس عادل ماهميته لو لبست وحطيت شنو مابلفت انتباهه"
ومشت دخلت المطبخ
ليزا:اهلين ماما انت في قوم بدري
اماني جلست على الكرسي:ليزا سوي لي كابتشينو
ليزا:ان سالله واحد دقيقه بس
سوت ليزا الكابتشينو وحطته على الطاوله
اخذت الكوب اماني وطلعت من باب المطبخ الخلفي للمزرعه وجلست تتمشي
كانت متضايقه بس الجو وصوت الطيور وريحه الورود خلتها ترتاح وتروق
قربت للخيول وجلست تمسح على الخيل حقها
حطت الكوب وشالها ربطته على راسها وركبت على الخيل وهي مبتسمه وجلست تركض فيه وشعرها الطويل يطير والشال انفك وطار ضحكت اماني وتحس بسعاده وتزيد بسرعه الخيل وتضحك
شافت عادل واقف ويناظرها اختفت ابتسامتها ووقفت
قرب لها عادل:فرحانه لانهم قررو يزوجونا بالاجازه
اماني بصدمه:شنو
عادل ضحك بسخريه:بتمثلين علي انك ماتدرين
اماني نزلت من على الخيل وبقهر:انت شنو مفكر نفسك مفكر اني عاشقه وهيمانه فيك
عادل ابتسم ببرود:عيونك فاضحتك
ارتبكت اماني بس مابينت له:وعيوني شتقول لك
عادل قرب لها زياده:تقول انك مو بس تحبيني الا ميته فيني
اماني ابعدت عنه:كنت لكن هالحب من اليوم بمحيه
عادل ضحك بغرور ومسكها من دقنها:مابتقدرين
ابعدت ايده اماني ومسكت الخيل ومشت دخلته مع الخيول وشالت كوبها ودخلت عند جدتها وامها
حصلت هديل صاحيه
جلست:ماما صحيح انتم قررتو ان زواجي انا وعادل بالجازه
ام متعب:ايه وش فيك
اماني:بس انا ماابي اتزوج عادل
هديل انصدمت لان الكل يدري ان اماني تحب عادل
ام متعب:شلون وش غير رايك
اماني وقفت:خلاص قلت لكم مابيه
ومشت
هديل لحقتها:اماني
وقفت اماني:نعم
هديل:شفيك انتى كنتى موافقه على عادل شتغير
ابتسمت بسخريه اماني:اسالي اخوك وراحت
هديل ظلت واقفه ومنصدمه وبخاطرها"والله احسن شي انك ماتتزوجين عادل لانه مايستاهلك"وطلعت لغرفه البنات
.........................
اما عادل
مبتسم بنتصار"اكيد انها عقب ماعرفت اني ماحبها مابتوافق تتزوجني وهذا اللي انا ابيها"جلس يمشي وشاف شال
شاله وشم ريحته"جذابه وساحره بكل شي يا اماني بس القلب رافضك"
صادف عبدالمجيد
عادل بروقان:صباح الخير
عبدالمجيد حك عيونه وبخاطره"شصاير بالدنيا عادل يبتسم مستحيل
عادل:شفيك
عبدالمجيد:هاه ولاشي صباح النور
عادل:وش مصحيك بدري
عبدالمجيد:مثل اللي مصحيك
عادل:انا حالتي غير
عبدالمجيد:اترك عنك الغرور ياعادل
عادل:اي غرور
عبدالمجيد:من زمان ابي اكلمك بس مافضيت عادل ترا مابتلقى مثل اماني
عادل كشر:ياهالاماني يعني وش هالاماني اللي يسمعكم يقول ملاك
عبدالمجيد وهو ماشي:هي فعلا ملاك
عادل بصوت عالي:اجل تزوجها انت
عبدالمجيد طنشه وكمل طريقه"لان عادل تافه وسفيه
عادل زفر بقهر ودخل وجلس يطقطق بالجواله
.........
عبدالمجيد
دخل المطبخ من الباب الخلفي
عبدالمجيد:ليزا
ليزا التفتت:هلا بابا عبدالمزيد
عبدالمجيد:عبدالمزيد بعينك<<ههه حلوه عبدالمزيد لابق عليك<<غلو كملي وانتي ساكته ياحلوه<<ههه ابشر
ليزا:ايس يبقي بابا خلاص
عبدالمجيد:وجع بعينك تنافخ بعد<<هيه انت مارضي على ليزا
ليزا:انا في هبي انت ماما غلا وازد<<وانا في هبي بعد
عبدالمجيد:خلصونا
ليزا:ايس يبقي
عبدالمجيد:عصير اورنج
فتحت الثلاجه ليزا وصب بكوب وحطته قدام عبدالمجيد:اسرب<اشرب>
عبدالمجيد:ضفي اشوفها تنافخ شارب من حلال اهلك انا
على دخلت مرام
واستحت من شافت عبدالمجيد
عبدالمجيد وقف وظل يناظرها بفستانها الوردي
وشعرها المرفوع انجن عليها
قرب لها
وبهمس:ارفقي بس
مرام منزله راسها من الحياء
مسك ايدها عبدالمجيد وقربها له وباس خدها:فديت هالحياء انا
ليزا:بابا انا في موزود مايتلع<موجود ماطلعت>
عبدالمجيد لف عليها:يالله اطلعي الحين
ليزا بفرح:سحيح بابا وازد انت هلو<<واجد انت حلو>>
وطلعت<<راحت عند ادريس
عبدالمجيد رفع راس مرام وقرب بيبوس شفايفها وانفتح باب المطبخ الخلفي
ابعدت مرام
ضاري دخل:شتسون
عبدالمجيد:مو وقتك ابد
ضاري:اجل كنتم ناوين تفلونها وقطعت عليكم
مرام ماتت حياء وجات بتطلع مسك ايدها عبدالمجيد وسحبها له:ماشبعت منك
ضاري:كح كح بطلع قبل انحرف
عبدالمجيد ناظره بنص عين
ضحك ضاري وطلع
عبدالمجيد ناظر بمرام:احبك
مرام ناظرته وقلبها يدق بسرعه
عبدالمجيد بخفه باس شفايفها
وابتسم:فديت خدودك المحمره
مرام بحياء:عبدالمجيد
ضحك عبد المجيد
واخذ كوب العصير حقه ومداه لمرام:اشربي
شربت مرام
وعبدالمجيد شرب بعدها من نفس المكان اللي شربت منه مرام
استحت من حركته مرام وطلعت
تنهد بحب عبدالمجيد وطلع من المطبخ
............
عند الجده وام متعب
ام متعب:شنسوي الحين ياخالتي لدرا ابوها انها غيرت رايها وهو امس فرحان
الجده:اكيد عادل قال لها شي مكدر خاطرها
ام متعب:بس هم يحبون بعض
الجده:تبين الصراحه يام متعب عادل ماعمره قال انه يحب اماني
ام متعب:والحل ياخاله ابو متعب لدرا شبيسوي
الجده:مادري بس اكيد رفض اماني له سبب
ام متعب:ياربي من هالبنت وش غير رايها فجاه
بدخلت ابو متعب:اي بنت
ام متعب بربكه:أنا قلت بنت
قرب لامه ابو متعب وباس راسها وجلس وناظر بام متعب:مشكلتك ماتقدرين تكذبين
ام متعب وقفت:بشوف البنات
ضحك ابو متعب لانه عرف انها تصرف عشان تتهرب
طلعت ام متعب
التفت ابو متعب على امه:شسالفه يمه
الجده:سلامتك ياولدي
ابو متعب:يعني ماتبون تعلموني
الجده:شنعلمك ريح بالك مافي شي
تنهد ابو متعب
<<<<<
عند ام متعب
راحت لغرفه اماني
حصلتها جالسه تسولف هي وبشاير ومرام
ام متعب:اماني تعالي ابيك
اماني:ماما بليز لاتغطيون علي ام متعب قلت لك ابيك
وقفت اماني:طيب ماما
وطلعت
مرام:بيشو فهمتي شي
بشاير:لاع بس حاسه اماني فيها شي لازم لجت من عند خالتو اكلمها
مرام:اايه الا اخبار منال
بشاير تذكرت اللي كلمها امس:مادري كل ماتصلت قالو نايمه
مرام:ايه الله يحميها
بشاير:امين
...........
نرجع لام متعب واماني
دخلت اماني مع امها للغرفه وجلست
ام متعب:اماني يمه ابي اعرف ليش غيرتي رايج انتي كنتي موافقه على عادل
اماني:ماما الزواج مو اجباري انا مابيه مابيه
ام متعب:ليش
اماني:ماحبه وعادل مايناسبني
ام متعب:توك اكتشفتي هالشي مو انتي تحبينه
اماني بحزن:احبه كنت يمه
ام متعب:وش تغير
اماني:ماما بليز انا مابيه لاتضعطون علي
ام متعب:ماحنا بضغطين عليك بس كذا انتي تفشلين ابوك عند عمك
اماني بضيق:بس ياماما عادل وسكتت
ام متعب:شفيه عادل
اماني وقفت: ولاشي بروح اكلم بابا
وطلعت
راحت لعند جدتها لانها سمعت صوت ابوها يضحك
دخلت وباست ابوها
ابو متعب:هلا ببنتي
اماني تبتسامه:هلا فيك بابا ابيك شوي
ابو متعب وقف:امري يابابا
اماني:نطلع برا المزرعه
ابو متعب ناظر بامه:يالله امشي
مشت اماني هي وابوها وطلعو للمزرعه وجلسو يتمشون
اماني بتردد:بابا
ابو متعب:عيون بابا
اماني:بابا انت مابتجبرني على شي انا مابيه
ابو متعب بستغراب:اكيد يابابا
اماني:انا مابي اتزوج عادل
ابو متعب:ليش
اماني:بابا انا مابيه
ابو متعب:تبين تفشلين ابوك يااماني
اماني:لالا بابا انا مابي افشلك بس
ابو متعب مسك ايدين بنته:طالبك يااماني لاتحرجيني قدام عمك
اماني سكتت فتره وبحزن:ابشر يبه ومابرد طلبك
باسها ابو متعب:الله يسعدك
اماني:امين ندخل بابا
ابو متعب:ندخل ودخلو
وراحت اماني لغرفتها وجلست تبكي
بشاير كانت ماره من هناك وسمعت اماني وهي تصيح
بشاير راحت عند باب الغرفه ودقت الباب واماني اول ما سمعت ان احد
يدق الباب على طول مسحت دموعها وبصوت تخنقه العبره :مين
بشاير: انا ممكن ادخل
اماني:ايه تفضلي
بشاير تناظر اماني وبخوف عليها:اماني وش فيك
اماني ناظرتها وبدون لاتحس نزلت دمعتها
بشاير: وش فيك ياقلبي
اماني:يعني هديل ما قالتلك
بشاير:وش تقولي
اماني :اساليها وهي تقولك اجل
بشاير ماحبت انها تضغط عليها اكثر: خلاص بسألها
اماني راحت في حضن بشاير وجلست تبكي وتشاهق الين نامت
وطلعت بشاير من عنها ونزلت تحت شافت هديل مع الجده وام متعب
بشاير: هديل تعالى ابيك شوي
هديل: ان شاء الله بعد اذنكم
الجده وام متعب: اذنك معك
راحت بشاير مع هديل المجلس
هديل:خير ان شاء الله بشاير منال ولا مها فيهم شي
بشاير بصوت مخنوق: لا
هديل: اجل وش فيك
بشاير:وش السالفه الى بينك وبنين اماني
هديل بستغراب: اي سالفه
بشاير: هي قالتلي اسالى هديل وهي تصيح ما شفتي حالتها انتي وش مسويه لها
هديل فهمت السالفه:انا ما سويت لها شي بس هي ما تبي عادل
بشاير:وشو ليه وش صار
هديل: اكيد اخوك ثقيل الطينه ذا قايلها شي انا عارفه وانا اصلا ما ابيه يتزوجها
بشاير بستغراب: ليه
هديل: تبين الصراحه ولا
بشاير: اكيد
هديل: اخوك ما يستاهلها ما يعرف يتعامل مع اي احد حتى حنا خواته المفروض يكون
فيه شوي حنان اتجاهنا ما عنده وانا الى مصبرني ان عبد المجيد
يحن علينا شوي ويشد شوي مو ثقيل الطينه مو طايق احد
بشاير: والله انك صادقه
وشو جت في مع الشله هديل انتي هنا وحنا ندور عليك من الصبح
هديل: كنت اكلم بشاير
في الملقوفه:وش تقولون
بشاير: وحده تكلم اختها انتي وش عليك
في: يلا هديل قمي خن نستهبل شوي زهقت
بشاير: وانتم ما تقدرون تعيشون بدون استهبال
البنات:ههههههههههههههههههههههه
في: بشاير حنا نستهبل وانتي واماني ومرام عاقلين يكفي
ليان: ايه والله تخلي البيت كله عاقلين
هديل:وععععععععع نصير مثل عادل ثقلين طيبه
البنات كلهم ومعهم بشاير:ههههههههههه
في: ايه والله صادقه ثقيل طينه ولا عنده ذوق بعد
في حست انها شوي وبتكشف نفسها على سالفه المقلب مثل كل مره
صرفت قبل بشاير تنتبه : يلا بنات مطولين هنا
البنات:لا يلا
وطلعوا البنات وبشاير جلست تفكر شوي بااماني الى حالها يكسر الخاطر
وبصديقاتها منال ومها
انتهى الباااااااااااارت
بمناسبه فوز الزعيم نزلته اليوم
فديت الهلال
توقعاتكم
لين ومتعب واعتراف متعب بحبه اللي الى الان لم يتاكد من مشاعره هل راح يكتشف انه تسرع ؟
والبنات ومقلبها بالعيال لعرفو ان خواتهم هم اللي يكلمونهم خصوصا رائد وضاري وش بيسون؟
مرام وعبدالمجيد وهالحب هل سيستمر او راح تنصدم مرام من عبدالمجيد صدمه ماتتوقعها؟
اماني وعادل وموافقه اماني عشان ابوها ؟ وهل عادل راح يسكت او راح ينتقم من اماني لعرف انها مارفضت؟
منال وش مصيرها ياترى؟
بشاير من اللي كلمها ؟
البارت الخامس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك