رواية على عتبات الماضي -5
منيره:بصراحه أنا معاكم بكل اللي تقولونه لا وأزيدكم من الشعر بيت يحط لوشن معطر اذا تسبح اهئ اهئ اهئ
هيفا:ياقلبي على وخيتي تعالي بحظني فديتج تطلقي منه وأعطيج رجلي,, ها رضيتي حبي؟؟
معالي:بناااااااات بلا سخافه سولفوا علي بكل شي فاتني من سافرت لين رديت
منيره مقلده لكبيرات السن بصوره مضحكه:ياوجه الله والماخوذ اللي كل يوم مشغلته قدامتس وخلوده تعطيتس النشره الاخباريه
أول باول ماكفاتس
هيفا:لا غير مكالماتي حسره علي الفاتوره تضرب بالميتين كل شهر مايكعها الا أنا
معالي:خلاص أجل نقطني بسكوتكن ياالعوب لاجات حسون خليتها تعطيني علومها
هيفا:هههههااااااييييي حسون غارقه بالعسل مخليها رشدي أباظه بالفندق وجا شهد على عقد ملكة اخوه وعود عليها ههههههههه
والله انهم فشلونا
----:الله وأكبر والله لو أنتي مع طلال الرشيد كان محد تحاكى
منيره:هلا والله بالعروس يازين ريحة الفنادق والعرايس تهبلللللللل
هيفا:لاتذكريني بطلال الرشيد توه كاتب فيني قصيده ,,أمسي علي وش جاب لجاب
معالي :تعالي حسون ليش ماجيتي اليوم الملكه
حسنا:وش أسوي يعني أشهد مع رجلي على عقد أخوه؟؟
والله ياحبيبتي تسوقت بالافنيوز وهو جاكم ضارب طبلون سيارته ووقع العقد
وعود علي ورجعنا الفندق بعدين جاه استدعاء من الضابط راح يشوف وش يبون وبيعود ياخذني للفندق
هيفا بغمزه:وأنتي تبين الفندق هااااااااااا؟؟
حسنا بضحكة دلع:ليش أبيج أجل؟؟ أكيد أبي رجلي وبالفندق أحلى وأحلوييييييين ,,الا وين علويه ببارك لها؟؟
معالي:نامت من ساعه اليوم طول وقتها بالمطبخ تعبك لملكتها ماعاد به بنات يستحون
حسنا:خليها تنفس عن نفسها ,,شوي اللي سواه ولد عمتج؟ وخلوده وينها؟
خلود:هاي حسونه أخبارج قلبو
حسنا:أهلين خلوده والله تعبانه مافيني حيل أقوم أسلم عليج
خلود منحنية لتقبل أختها احتراما لها:أفا عليج أنسدح لج اذا تبين
هيفا تجلس بجانب حسنا :حسون ليش مافيج حيل حبيبتي ؟؟والابتسامه المصطنعه تملا وجهها بطريقه مضحكه
حسنا :فارقيني ياقليلة الحيا ,,الخلا ,,بنات وين منور؟
البنات:ماندري
حسنا:يوه هذا مشاري عند الباب يلا باي وسلمولي على أمي وعلى علويه
معالي:يوصل بس لاتنسين تجين بكره ترا رفيقاتي بالدوام بيجون وعليا مستحيه لا تطلع وخلوده تعرفين لاتنفع ولا شي والبنات ماراح يجون
حسنا مودعه بيدها:أبشري باااااااااي
نزلت بسرعه من درجات السلم لتفاجأ بآخر صوت ممكن تسمعه يأن أو يبكي!!
ليت الورق يقرا وش اللي كتب فيه ..
و ليت القلم يدري وش اللي جرا به ..//
ان كان ما تمسي فـ صدري مشاريه ..
و لا اتضايق لو تضيق الرحابــــه ..//
وا. صوتي اللي عجزت الناس توحيه ..
غريب يوم اصوات غيري تشابــه ..//
البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..//
و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..//
ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..//
و الغايب اللي يغري الشعر طاريه ..
مـا قــل قــدره لــو يطَــول غـيـابــه ..//
كم لي و انا احث القصايد تخليه ..
حتـى تلاشـت رغـبـتـي في الكتابـه ..//
و الشعر لو يفقد حروفه و اساميه ..
مـدري وش اللـي بعـدها ينبغابــه ..//
احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..//
أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..//
يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..//
و قولوا له اني من كثر ماني أغليه ..
اشـرب ســرابـه و ارتوي من سرابه ..//
و على كثر ماانسى اذا قلت ناسيه ..
دار الــزمان و جــاب عشقــه و جـابـه ..//
حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..//
ان لمت قلبي عاقبتني محانيه ..
و ان قـلـت أبرضا عـز نفسي رقابـه ..//
البارحه كنت اكسر الروح و انهيه ..
كان الـورق ارض و عيـــوني سحابـه ..//
زرعت مااحبه ولا عاد لي فيه ..
و جنـيـت احـبــه لو يطـول غـيـابه ..//
البارت السابع آخر روقان وقراءه ممتعه
----:ألو هلا حبيبي شوي وأطلع لك خمس دقايق بس
----:أوكي أنا بروح الفرع اللي قبال بيتكم وراجع لاتتاخرين
----:أبشر
تجلس في آخر زاويه بالحوش معتكفه تأن بألم,,,
تذرف الدموع بوجع ,,
منذ متى وأنتي تتالمين ونحن كلا في ملوكوته يحوم ؟
لا نعرف كيف نبتسم الا من خلالك,,
ولا نجد ما يدفعنا للصبر على مصائب دنيانا الا ضحكتك اللتي تمنحنا الطاقه لمجابهتها,,
حسنا:منور ياقلبي عسا ماشر وش فيج ؟
منيره وهي تمسح دموعها اللتي أبت أن تختفي ,,
فما أن تمسحها حتى تفيض روحها المنهكه بالمزيد ,,
:حسون وش أقول ووش أخلي ؟
لترتمي بحضن أختها المندهشه لما ترى ,,انها روحي الثانيه ,كيف لي أن أفقد البصيره عن حزنها وجعها ؟
حسنا:منور حلفتج بالله لاتكتمين بقلبج تكلمي خوفتيني ,,
ختمت جملتها وهي ترفع وجه منيره لترى عينيها برجاء لتبوح بسرها,,
الذي واضح وجلي محاولتها لكتمانه عنهن هي وبقية اخواتها,,
منيره:بمــــوت منه ياحسون ,,ماخلا فيني قطرة دم, دايم يهين ويجرح واسكت,,يهزاني قدام امه وابوه ولا اتكلم,,يعايرني قدام عيالي
وانطم,,والحين داق يكمل علي يبي يجلطني عشاني تاخرت عليه مارديت البيت بدري وانا قايله له ان سيارة السايق خربانه من
الساعه ثمان وهادي مشغول مايقدر يصلحها ,,شسوي بروحي أروح أنا وعيالي مشي يعني؟
والا أشحذ لي سايق من الجيران؟
حسنا:وليش ماجا ياخذج سي السيد؟
منيره:لاتنشديني عنه أنا آخر اهتماماته والله لولا أبوه وأمه والا ماعينت من يسنعني أنا وعيالي ,, شايفه الشين منه, وعيالي حماي فارس هو الله يجزاه خير اللي ياخذهم لمدرستهم
حسنا:شنو قالج بالضبط يامنور؟ خلاج تنهارين الحين وأنتي كاتمه في قلبج؟
منيره وهي تعود للبكاء الشديد مع اعتلاء صوت شهقاتها قالتها بقهر ,,بضيق ,,باحساس بالخيبه ,,والفشل
قالي أنتي طالق
&&&& &&&& &&&& &&&&
----:مبروووووووووووووك ياعريس منها المال والعيال
----:وش دعوه وانا شايفني حظرت جنابك أخلي عليها المال والعيال
----:بصراحه أحلى شي تتنازل عن مسؤولياتك كامله لهالحريم مهوب هن اللي يطالبن بالمساواه عاد أحنا بنعطيهم اياها وفوقها
حب خشوم
----:أنت ؟ أبو المراجل أصلا من اللي بيوصل مواصيلك
----:الا على طاري المراجل ,,يقولون بدوا ينقرضون الرجاجيل ذاالحين مابقى الا أنا وحرمتك
----:تخسي وتهبى ياالضفعه أنت داق علي تغث والا تبارك ؟
----:هههههههههه طيب أمسك كلم مهوي لانها بتفهمك نفس جوك وسوالفك
محمد اللذي يحذف سماعة الهاتف على مها وصوت رائد اللذي بدا واضحا غضبه به
مها:السلام عليكم--وهي تكتم الضحكه خوفا من ردة فعل رائد المعروفه بالشراسه--
رائد:يرد متمالكا أعصابه:وعليكم السلام وش لونج يابنت عايد أربج طيبه ومستحمله ذاالمره
مها بضحكة خبث وهي تنظر الى محمد:طيبه ياابن الحلال الله يعين مقدر ومكتوب
رائد:ابتسم ورد بلباقه مغيرا مجرى الحديث أخبار الغربه ماحنيتي للحر ونسمات العليل عندنا ؟
مها:اي بالله اللي يسمعك يقول أحنا باوروبا ترانا بمصر يعني صبه رده ياجنوبي نفس الحر والكتمه
رائد:بس عندكم أهون
مها:لاابد نفس الشي ,,اي على البركه العرس والله أنك خذيت سرديفي الخالق الناطق--تقولها وهي تبتعد عن مكان جلوس محمد--
محمد:خيــــــر ياأم كرش ناويه تردحين فيني بس ترى محلوله ومبيوحه
رائد:وش يقول حمود؟
مها:ماعليك أكيد يبي حاجه مني
رائد:خلينا بسرديفي ,,أجل مزيونه ؟
مها:مزيونه ؟ ,, الا تطير ضبنات العأل على قولة أخوانا اللبنانيين
رائد:والله أنا كنت ناوي العرس عقب عيد الأضحى شكلي ذالحين بخليه عقب عيد الفطر
مها:الله يوفقك ويتمم عليكم يارب تراها دلوعه حبتين بس قوامه بتبرد كبدك
رائد:على خير ها تامرين بشي
مها:سلامتك سلملي على أمي جمله وعلى حسون وحبلي ريمه وصغارها أما غلوي فقل لها أني حمسانه عليها
رائد بضحكه رنانه:أفاااا غلوي الخبل تزعلين عليها وأنا لا ؟ ,, حتى أنا أدور عليها الزله خلاص بخاصمها على قولت ربعنا اللي
حولكم 0يلا مع السلامه
أغلق سماعة الهاتف ليعاود امساكها من جديد وهو يضرب رقما حفظه عن ظهر قلب
&&&& &&&& &&&& &&&&
----:وين أهلك يامترك ؟
مترك يلعب بمسبحته بيده اليسرى ويجلس بأريحيه متسندا على المسند بجانبه الأيمن:عند أهلها
فارس:غريبه كيفا" لك خليت مرتك تمسي عند أهلها ؟
مترك يحول المسبحه ليده اليمنى لاخفاض حدة توتره:وخير ياطير تمسي وش المشكله ؟
فارس يلتفت على شاشة التلفاز :أنت بحياتك أبخص,,بس أنا ظني أن حالكم مش ولا بد
مترك بغضب:وش دخلك أنت ماتفهمني ؟ ,, بتسويلي فيها فطين وتفهم يعني ؟
فارس يلتفت بحيره من أمر أخيه:مترك أنت شارب شي ؟!
مترك بغضب كاسح:تفوووو عليك ياالهيس الأربد شايفني عربيد يومك تقول شارب؟؟ والا معودك أجي البيت سكار؟؟
فارس يقف بدهشه من تصرفات أخيه الخارجه بكل تأكيد عن السيطره:مترك أذكر ربك أنا ماأقصد,,كلمه تنقال عادي
واذا زعلتك السموحه أنا أصلا باطلع وأفضيلك المحل بصراحه اليوم أنت ماتنطاق
خرج بسرعه فمترك اليوم فقد عقله,,
وبكل تأكيد أفقد زوجته صوابها وفرت هاربه لأهلها
:بروح لرائد أخير لي أشوف وش صار على سفرة بكرى
&&&& &&&& &&&& &&&&
----:وبعدين يعني كل ذا تنقيع عند الباب أخلصي علي
ركبت السياره بصمت ليتحدث ونبرة الاستهزاء تغلف كلامه:وعليكم السلام بصراحه صوتج عالي وأنتي تسلمين سمعتي جيرانكم
لارد-----------------------
حرك السياره وهو متأكد أنها تلقت خبرا غير مفرح,,
توالت الوساوس في نفسه ,,وكثرة الهواجيس ,,
لايريد أن يسالها سيترك لها المجال لتتحدث بنفسها,,
اما أن تخبره وتشركه بما يجول في نفسها أو تتركه لوساوسه وحيرته ,, وهنا هو من سيسألها,, لكن ليس بالسياره بل عندما يصلان
دخلا السويت فهربت من أمام ناظريه الى غرفتهما ثم دخلت الى دورة المياه لتطيل الجلوس بهالايعلم كم مر من الوقت الا أنه
متأكد بأنها تبكي لكن لماذا وعلى من ؟؟ لايعلم
تركها حتى خرجت عليه بوجه خالي من الزينه ومازالت ترتدي روب الاستحمام وعيناها النجلاوان محمره من شدة البكاء,هم واقفا
ليحتظنها فما توقعه صحيح لكن ماهو هذا الامر الرهيب الذي عكر مزاجها الرائق اليوم
مشاري:حسنا أمسكي أشربي لج ماي وأذكري الله
شربت الماء ثم عادت الى الغرفه فانزوت على نفسها بسريرهما بعدما أخفت معالمها أسفل الغطاء
لم يستطع الانتظار أرهقه القلق تبعها وأندس خلفها تحت الغطاء ليحتظنها كطفله ويدهده عليها وبصوت قلق:
حسنا عسى ماشر ماعاد فيني حيل أصبر وأنا أحاتيج وضعج من رجعنا مهوب عاجبني
حسنا:أبد متضايقه شوي
مشاري:الا شويات شاللي صاير؟
حسنابصراحه ومن دون مقدمات:منور تطلقت
فز من تحت الغطاء مذهول :متى وليش شاللي صاير؟
حسنا:لاتنشدني عن ولد عمك أنا للحين مومستوعبه الوضع منور اللي عمرنا ماحسينا أن فيها شي طلعت شايله من الهموم كبر
الجبال
مشاري محاولا تخفيف وطأ الصدمه على حسناؤه فهو لم يصدق فكيف بها:لاتبكين أزمه وبتعدي كلمه وبيتراجع عنها انا اعرفه
,يعلم ان مترك متغير منذ زواجه رغم انه هو من اختار الزواج من منيره بالذات عن غيرها تزوجها صغيره حتى قبل أن تتزوج
أختها الكبرى هيفاء لاصراره عليها فالكثير يظنون بأنهما كناري الحب كما صورا لمن حولهما رغم ذلك لم يخفى عليه بأن ابن
عمه تغير بعد الزواج للأسف للاسوأ بطباع كريهه لمن يعاشره,,لم يعد يحظر تجمعات أبناء العمومه ولم يعد يهتم بما يدور حوله
لكن ماالذي تغير وماهو الذي غيرك ؟؟؟
&&&& &&&& &&&& &&&&
يجلس على غمارة السياره يرتشف السيجاره برويه يتلذذ طعمها المقزز وينفث الدخان رويدا يرى الدخان يخرج من فمه يشتت منظر
الشارع ويغيب النظر لصديقه الواقف أمامه
:تدري أن أخوك أغرب بني آدم شفته بحياتي
:أخوي تغير يارائد ماكان كذا ولا هذي باطباعه,,ماأبي أظلم بنت الناس بس هو من أعرس تبدل
رائد يرمي السيجاره ويدوسها برجله وباله وعقله مع صوتها لا مع ابن عمه وصديقه
فارس يلوح بيده أمام عين رائد:ياهوووووه وين رحت؟
رائد:أبد رحت سوريا دوجت بالزبداني وجيتك ,, وين باروح يعني عندك؟؟
فارس :ومتى بنمشي بكره عبدالمحسن وفايز ترا بسيارتهم لانهم بيمرون مزرعة خالهم عقب بيلحقونا للرياض
رائد وقد تذكر شيئ ضروري:عبد المحســـــــــن,,ماذكرتني أبلغه بملكتي الله يخسك؟؟
فارس :يخس وجهك ياالمعفن شرهتك على اللي مهمل البيبي حقه وسوالف ناعمات العود وجاي يسمر معك بلغه أنت ,,ملكتك والا ملكتي ؟
رائد يمسك كتف فارس وهو يضحك:فويرس أقص ايدي أن كان اللي تحاكيهن ناعمات عود الا دفشات عود-جثلات عود-بس ناعمات ماأظن
فارس :الا ناعمات ماتشوفهن سادحات صورهن بالبلاك بيري بجراءه وعاااادي لا تحاتي أبو ولا أخو
رائد مكتفا يديه:ها وش تبي بهن؟؟مضيعة وقت وخبال,,دور لك على مره تسوى خدشات البيبي وتوسع صدرك وبالحلال
فارس :صاحي أنت والا مجنون-بصراحه ماأبي أقول شارب شي لاتسوي سواة مترك
رائد:هههههههه مترك ضايق من فرقى الوليف,,جرب أنت الوليف وتسوي لافارقتك سواته
فارس باعتراض:سلامتك,,أناااا بدج,بأكلم,بغازل,بصيع,ليييييييين أقول هدى وبعدين بتوب لوجهه سبحانه
رائد:منا لذاك الوقت قدني أنا ابو سبعين سنه,,وأنت على مشارف السبعين يعني بتخرف ياولد عمي ماشبعت من الخبال
فارس:رائد فكني من ذاالسيره لابغيت العرس صرت عديلك
رائد:أفاااا ماتبي تناسبنا ياولد عمي؟؟
فارس بحرج:من يعيف نسبك ياالغالي,,وهذي حبت خشم --أنا من لي غير بنت عمي
توقفا عن الحديث لسماع صوت دورية الشرطه قريبه من حي منزل رائد 0
&&&& &&&& &&&& &&&&
:النوري جهزتي اغراض اخوانج بنرجع للبيت
النوري:اي يمه جاهزه وين ميري ماتجي ترتب وياي
:ماسكه اخوانج هالمقرده عني انا بتمكيج وبالبس
النوري:تلبسين حق من ؟ ابوي نايم
:بالبس وباكشخ لاهلج يافالحه والا اجيهم عقب السفر مخلقنه خلني اجي واحر سويره بلبسي
النوري:ليش تحرين عمتي اصلا هي ماتحتر ولبسها حلو
:فكينا زيييييييين,,,الا تعالي دليل عنداهلها
النوري:عمتي دلال اي موجوده ليش؟
:ولا شي مجرد سؤال؟
النوري:يمه انتي جبتي لجدتي نورا هديه نفس جده حصه
:هذا الناقص علي ليه مكلفه بجدتج انا يالله اجيب بضاعه اتفيود منها لاحقه اجيب لغيري شي يعني؟
النوري:لاتاخذين البضاعه لبيتنا لانهم ماراح يشترون
:على كيفج انتي ليش ماراح يشترون؟
النوري:انا سامعه عمتي سارا تقول لجده انها ودلال متفقات مايطلبون بضاعتج لانج تدبلين الاسعار وهي اصلا قديمه
هدى:لااااااااااا عدال ياللي يتبعون الموضه من زينهم المخلقنات اصلا ماعرفوا اهلج الماركات الا لمن دخلت بيتهم قطيعه
تقطعهم
النوري:يمه انتي ليش ماتحبين اهلي ؟
هدى:حشى ملسنه هالبنت اكييييييييد طالعه على عماتج خلني اروح اكمل لبسي ابرك لي وانتي رتبي الاغراض عدل
ونعم التربيه نحث ابناءنا على احترام الكبير وعدم التقليل من شان الاخرين حقا هدى نموذج للتربيه الحديثه الرائجه هذه
الايام من اغلب الامهات,,فمادخل الابناء بنزاعات الكبار التافهه اللتي يراها الصغار امورا لاتستحق النزاع والكراهيه
انا افضل ان نتعلم من اطفالنا بعض القيم اللتي يفقهوها اكثر منا 0!!!!
&&&& &&&& &&&& &&&&
----:ههههههههههههه بصراحه قصيركم هذا فللللله
----:وين فله الله ياخذه اجل جايب للماجرين الشرطه بذاالوقت ؟ يخليهم لين بكره
----:يارجال وش له بوجع الراس ياجر ببيت كبر القوطي لعزابيه هنود ؟ ومايبي مشاكل ؟!
:شرهتك على الشرطي اللي جاي بذاالوقت والدعوه انه يبي يظهر الماجر,,لو المشكله كبيره كان ماجاك هالشرطي يركض
كان اجلها وقال عندنا شغل وقضايا اهم--الحمدلله والشكر بس
انهيا جملتهما مع صوت الشرطي وهو يجر احد المستاجرين بقسوه لانه لم يستطع دفع الاجار لظروفه الماليه
ليهم رائد بشهامه ويخرج محفظته ويدفع للجار المستبد اجار هذا العامل
رائد وهو يدفع المال للجار:هذي اجار شهرين كاملات خل المسكين يترزق الله تحدونهم على المحقه بمعاملتكم
وتقولون ليش الجرايم واجد ؟
منكم تجيبون ذاالهنود على كفالتكم وتهدونهم بذاالشوارع وعقب ياتدفع غصب اجار غرفه
حاشر فيها الف هندي والا بجيب الشرطه؟؟
الشرطي يفلت الهندي وبغضب:اسمعني انت وياه انا عندي قضايا اهم مهوب كل شوي مناديني امسك لك بهالهنود اللي ماادري من وين
جايبينهم؟؟
رائد باستهزاء واضح من صوته:اقول اشوفك جاي تركض ماشالله كل مااستدعاكم ابو فهد والا لو شي اكبر قلتوا قضايا ومهمه
الشرطي يركب الدوريه ويرد على لهجة الاستهزاء بتحقير: انا منصبي مايسمح لي ارد على هالاشكال لو بغيت اجي على خناقة بزران
انا حر واقضب ارضك يابو الشهامه و عدل الفاظك
رائد اشتد الغضب لديه حتى كاد ان يذهب ليلقن الشرطي درسا على اسلوبه الفظ لولا ان امسكه فارس بقوه
:انت استخفيت وماعاد بقى في راسك ذرة عقل ؟
اجل تحارش الشرطي وهو يادي وظيفته ترا فيها سجن وانت رجال توك متملك ؟
مااخبرك يارائد متهور كذا ؟
رائد يلتفت بقوه على الجار الذي يتحدث بالهاتف:انا لو الله يفكني من هالشايب العايب كان ارتحت وانت لاعاد تتدخل انا اعرف
اتصرف
فارس باستغراب:رائد ؟ علامك ؟ اخبرك اعقل واحد في الشله شكلك عديت على عبدالمحسن وبتصير راعي مشاكل وخناقات
رائد يعود لهدوئه:فارس بذمتك هذا اسلوب يكلم فيه الرجاجيل
فارس بمصارحه:انت اللي حديته يرد وش عليك بالهندي ومعزبه فلعنته يحبسه يذبحه بصره
رائد:والله انك صادق ,بس انا رحمته حرام ساحبينه كنه خروف عشان كم دينار ؟ لابو هالفلوس لابو كلب اللي بتذل العباد
فارس يعود بصحبة رائد لمنزل الاخير وهو ينظر الى رائد بابتسامه اخ وصديق محب
&&&& &&&& &&&& &&&&
------:سود الله وجهه الكلب الخمام
----:يمه هي اللي عطته وجه والا ليش من البدايه ماحاكتني وقالت لي عن فعايله
------:يمك بزر ماتبي تشغلك بهمها تحسب المره الجيده اللي تستحمل وتسكت عن حقها وانا اعترف اني فهمتها غلط المفروض انبهها ان
الرجال اذا خذا من رقبة المره مداسا له ووطت له رقبتها بكيفها مهيب مفلحه ياصرم حالي على بنيتي
----:والله العظيم ان يسنع
-----:والا بتخليه كذا اي بالله اخذ حق اختك هو يحسب ان ماوراها احد؟
هادي بغضب يخرج بعدما صفعته امه بخبر طلاق مترك وزواجه السري في وقت واحد كيف انساها والغيها من حساباتي وادفع بها الى
التيار العاصف ليهتك بجسدها وروحها في دوامته وانا اتفرج من بعيد
اعلم بان مترك تبدل مئه وثمانون درجه ولم يعد صديق الطفوله اللذي يشاطرني احلامي 0احلام الطفوله 0وطيش المراهقه 0
وعنفوان الشباب باتت في طيات الماضي الجميل,,لكن,,,,
اختاه لما السكوت عن الحق؟
لما نكران الذات؟
لما الانصياع لتيار البحر المهلك؟
هل انا من غرس فيك الضعف بقوتي؟
ام انكي عزلتي من دون ادنى قصد مني؟
لم اقصد ان انحيكي من اهتماماتي بل هذا القدر الذي اعمى بصيرتي عنكي بمشاكل غيركي؟
لكنني اليوم لك وحدكي ساحيي روحكي الميته من بين يديه وساطالب بالقصاص منه
الى اقفى النهار وقبل الليل ماادنيه
معي ضيق صدرا" من تغلاق الاشفاقي
سقى الله ضحى ذااليوم والعصر لاتسقيه
نهار اجتماع حل فيه التفراقي
نهارا" سعيدا" اوله واقشرا تاليه
توادعت انا واللي له القلب مشتاقي
وياقو عزمي يوم قفى وانا راعيه
اجامل وانا لدموع عيني تسيباقي
وياعاذلي لاتمحن القلب وتقاصيه
تحاكيه ودموعه مراميس وعتاقي
جبرني زماني وانتزح واحدا" اغليه
وكبدي على شوف الحبين محراقي
عذابي من اللي يجرح القلب ويداويه
وهو راس مالي في البراري والاسواقي
غدى كل همي في خياله وفي طاريه
وخليت دورات المعيشه والارزاقي
خذى الروح كله مابقى له شريك فيه
وجعله فدا" له مامضى منه والباقي
البارت الثامن
&&&& &&&& &&&&
يتقدم من مديره لطلب اجازه لاسبوعين من غير راتب ,,
يحتاج الابتعاد والانعزال عن عالمه,,,
يريد الابتعاد بجسده عل روحه الهائمه حولها تشتاق لجسده وتفارقهااليه,,
ليتركها وحيده هناك بلا جسد,,,
ويترك قلبه ايضا رفيقا لروحه بلا حسنا!!!
------:صعبه يامشعل أنت أحسن مهندس عندي
مشعل يتقدم بنصفه العلوي للأمام قليلا مقتربا من مديره:
أبو عيسى قدر ظروفي الله يرضالي عليك أنا تعبان, منهك راعني شوي
:ولو يامشعل أنا محتاجك هالفتره وعندنا مهندسين جدد أبيك أنت اللي تشرف عليهم
:ماوقفت الدنيا مثل مافيه أنا , فيه غيري وأحسن
:كم تبي يابو عايد مادامك تعبان على قولتك
:أسبوعين ومن غير راتب
أبا عيسى يقف ليعود لمكتبه وبذوق:أنت تستاهل رواتب نص هالمهندسين لك اللي تبيه وفوقه أسبوع راحه مني
وبيجيك معاشك بعد وش تبي؟؟
مشعل باحترام:أبي سلامتك,هذا العشم يابو عيسى ولاجيت كدشني مع هالمظفين الجداد رقبتي سداده
أبو عيسى يوقع ورقة اجازته وباحترام مشابه لهيبة مشعل:يكدش غيرك يابوعايد أنت تستاهل اللي يحطك فوق راسه
خرج بسعاده مبتوره ليس هذا ماأريد ,,
أريد الراحه,, السكينه ,, الهدوء من ذالك الضجيج القابع داخل صدري
ركب سيارته ليلمح ورقه؟؟
&&& &&& &&&
----:منى جهزتي أوراقج كلها ؟؟
بمر أبو عادل أربه يخلص الاجراءات بسرعه,,
منى:اي ياعمري أوراقي جاهزه , بموت وأشوف جنسيتي
:عن قريب يامنى ,أنا مادخلت وساطه الا عشانج أبيها تطلع بدري من حنتج
طرقات قويه على الباب ؟؟ ,, وفي وقت مبكر من الصباح ؟؟
لااحد يعرف بمكانه ؟؟ ,, لم يخبر أيا" كان بزواجه؟؟
من هذا المتطفل القادم هنا ؟؟ ,, وبوقت غير مناسب للزياره؟؟؟
----:منى أنتي تنطرين أحد؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك