رواية على عتبات الماضي -77

رواية على عتبات الماضي -77

ريمه وهي تضرب كتفه بخفه,,

:مصدق نفسك أنت وخشتك

بتال ينظر للباب ثم التفت عليها وبعتب,,

:تراش مهمله البنيات حيل ياريمه

ريمه بغصه,,

:ماأدري ليش مالي خلقهم ولاخلق راكان ماأبي احد ولالي خلق أشوف أحد

او حتى آكل

بتال بلوم,,

:اي قالت لي أمي أنش من صبح لاأفطرتي ولاكليتي

يعني تبين أجي أاكلش بنفسي

موب كذا ياريمه بلاها دلع وأجعي مثل أول

ريمه تتنهد بضيق,,

:مليت يابتال قوم روح الديوانيه ماأبيك جنبي

بتال وهو يقف,,

:هذا اللي الله قدرش عليه مليت وروح

بقولش شي الشي لازاد عن حده ينقلب ضده وأنتي زودتي بالدلع

قومي صحصحي ولافيش الا العافيه أما انش تهملين بنياتش وعذرش مالش خلقهم

هذا مايدخل العقل

ريمه تجلس بعصبيه,,

:وش قصدك أنا أدعي يعني ؟؟

ثم بكت بمراره وهي توجه سيل الكلام أليه,,

:بتال لو أدري أني لاأنحديت عليك بالقى هالمعامله ماجيتك أشتكي

بتال جلس بجانبها وبضيق,,

:طول عمري أدور رضاش واللي يريحش ولاشفتيه لي وألحين يوم بغيتش تقومين من هالضعف اللي ماله داعي

جايه تعاتبيني كأني أنا المخطي ؟؟

ريمه ببكاء,,

:خلاص بتال روح ماأبي منك شي

لاتعاتب ولا أعاتب

أنا غلطانه أني كلمتك تجيني من الأساس

بتال وقف وهو يلتفت نصف التفاته,,

:ريمه شوفي البنيات تراهم مشتهين عليش خص ليان تراها بزر ولاتفهم اللي تمرين فيه

وتركها تصارع ألم روحها,,

أعلم بأنك محق بكل كلمه’’’

لكنني أحتاجك,,

أحتاجك اليك فلا تتركني’’’

***

**

*

تركب بجانبه بعدما عادا من العياده النسائيه,,

انشغل قليلا" بالمكالمه’’’

ثم التفت عليها,,

:ليش الحلو شاكت ؟؟

غلا وهي تخرج هاتفها,,

:انت تتكلم بالتلفون وش أقولك وانت مشغول ؟؟

هادي بابتسامه وهو يحرك السياره,,

:وألحين تردينها لي لأني كنت أكلم بالتلفون ؟؟

غلا وهي تضع الهاتف على أذنها وتبتسم له,,

ثم اتاها صوت والدتها من الهاتف,,

:يالبى عينج شلونج يمه ؟؟

:لاأبشرج اليوم الموعد أحسن من المره اللي فاتت

:اي المشيمه محلها زين

:لا من قالج أنها نازله

التفت على هادي بغضب ثم اردفت,,

:يمه ماعليج منه

:شلون يعني باكذب عليج ؟؟

اعاده نظرتها لهادي,,

لكنه هذه المره يراها بغضب من غضبها’’’

ثم قالت لوالدتها,,

:يمه أنا أعرف منج ومنه بمصلحتي

:اي أعرفها

:أوكي سمعت كلامج بس ماراح اجي روحي للعمره مع رائد ولاعليج مني

ولو بجي بالبيت حمود ومهاوي

:أبشري بس أوعديني تروحين مع رائد

:طيب باي

التفت بضيق على هادي,,

:ليش تقول لها ؟؟

هادي بعصبيه,,

:قصري حسج ولاعاد ترفعين صوتج قدامي لاعلى أمج ولاعلي

غلا بضيق وتأفف,,

:يعني مسويلي فيها تبي مصلحتي رايح تشغلها علي ؟؟

هادي ببرود,,

:اذا الورعه اللي عندي ماتعرف مصلحتها اي بقول لامج وأخليها تسنعج

غلا بضيق,,

:تدري كذا بتقعد بسبتي ولاهيب رايحه للعمره مع رائد والله أنك سخيف

هادي نظر اليها نظره غاضبه,,

:مشكوره على المدح يجي منج أكثر

اعادة الاتصال على والدتها,,

:يمه حلفتج بالله تروحين ولاتضيقين صدري

:خلاص بنام بغرفتج وبخلي مهاوي تنام عندي

:اوكي لبيج والله المهم أدعيلي فديتج

يلا مع السلامه

هادي بتهكم,,

:ها وقفت حياتها عشانج ؟؟

كلا" بيعيش يومه وأنتي ولاهامج روحج

غلا بمصارحه,,

:هادي أنت تعرفني ماأعرف أقعد بمحلي وتبوني أنسدح لاوارفع رجولي ؟؟

هادي بغمزه,,

:أحلى شي وش نبي أكثر

غلا بعصبيه من بروده,,

:هادي ماراح أتحرك من بيتي ولاراح أحرج مهاوي معاي وبشوف اهتمامك فيني هالمره

هادي بضحك,,

:ياوالله الللييييييل الطويل بتنشبين بحلقي بدلي أكلني شربني

غلا وهي تنظر للطريق,,

:الله لايحدني عليك ولاعلى غيرك

هادي وهو يقترب منها,,

:أدري انج تدعين بداخلج يارب يحدني عليه وأشوف غلاتي بقلبه

لاتخافين غااااليه

***

**

*

تكلم أختها بتأنيب,,

:جاتني سوالف الشواهه ماأخبرج كذا علويه

عليا وهي تمد شفتيها للامام بملل,,

:ياأختي ماقلت شي هي بحسبة أمي وعلى عيني وراسي بس من حقي أروح أنا وزوجي بروحنا

هيفا بغضب,,

:أقصري حسج لاتسمعج المره كلها عمره تعمروا وتعوذي من الشيطان ولاحقه على رجلج

عليا باقناع,,

:مو القصد هيوف أفهميني أنا لو تقول غلاوي كذا والله العظيم ماألومها من حقها

هيفا بتهكم,,

:اي حبيبتي من حقها لأنج تدورين مبررات لنفسج قمتي تبررين لغيرج

لا ياروحي كلنا بنزعل وأولنا أمج لو ماتقول وتبين أنه عادي عندها بس بيضايقها

ياعلويه عمره يعني لاهو تسوق ولاخرابيط ورجلج أصلا ملتزم يعني لو تروحون بروحكم مايحب السوقه والخبال

عليا بتأفف,,

:انزين تخاويني بكره أشتري لي ثوب وعباه أحرم فيهم ؟؟

هيفا وهي تمشط شعر ابنتها امامها,,

:ابشري بفر واياج الفحيحيل كلها وش تبين بعد ؟؟

عليا تنظر للباب حيث قدوم رائد,,

:خلاص هيوفتي كلميني بعدين عشان تعلميني وش تبين من مكه

وذكري خلود تطرش لي مسج باغراضها اللي تبيها

اغلقت الهاتف لتتوجه لزوجها,,

حملت منه حقائب السفر الفارغه’’’

وأخذت منه شماغه وضعته على المنضده,,

رائد يجلس بتعب,,

:هذا الجناط اللي تبينها ؟؟

عليا تجلس بقربه,,

:اي فديتك بحط اغراضي واغراضك بجنطه وحده

رائد برفض,,

:لا حطي أغراضي بروح وأغراضج بروحهم بانزل جنطتي لامي تحط اغراضها معي

عليا بتساؤل,,

:ليش يعني ؟؟

رائد وهو يسند رأسه للكرسي,,

:بس فيها شي ؟؟

عليا باستنكار,,

:لااستغربت بس

رائد يتقدم بجلسته منها,,

:أمي معيه لاتجي أصلا" معنا وانا باحطها قدام الامر الواقع عرفتي ؟؟

وابيج أنتي ترتبين أغراضها

عليا بحرج,,

:لافديتك علمها وترتب هي أغراضها على عينها يمكن يضايقها لو انا دخلت غرفتها وحست بين دواليبها

رائد بتعجب,,

:استغرب انج اخت حسنا !!

عليا عقدت حاجبيه بتعجب من كلمته ليردف,,

:تدرين ماأحد يحوس بغرفة أمي ويرتب أغراضها معها ولاجات من سوق وجابت لامي شي حطته بنفسها بدولاب امي الا حسنا ؟؟

عليا بخجل,,

:ماأدري يمكن أمك ماخذه على حسون أكثر وبصراحه انا استحي من عمتي

رائد بابتسامه,,

:أمي ؟؟

بالعكس تراها ماتذكرج الا بخير ولا تعدج الا بنتها

لاتحطين هالحدود أنتي بتتعبين

عليا وقفت تلبيه لرغبته,,

فجل مايهمها هو’’’

أراد والدته بالمرتبه الاولى او هي,,

المهم ان أريحه,,

أخذت ترتب أغراضه ووضعت بعض أغراضه بحقيبتها,,

ليكون بحقيبته متسع لأغراض والدته’’’

نزلت على مرأى منه وهي تسحب الحقيبه,,

تركها تؤدي عملها وذهب لاخذ قيلوله للراحه’’’

نزلت ولم تجد أم مشاري لا بالصاله ولابغرفتها,,

دخلت بتوجس غرفتها,,

وفتحت دولاب ملابسها’’’

أظهرت بعض ثيابها لتقف وهي تسمع صوت أم مشاري تتساءل,,

:عليا ؟؟

وش تسوين يمتس ؟؟

***

**

*

التتمه

سلم مفتاح شقته لصاحب العماره,,

وأبلغ منى بقراره’’’

اخلاء الشقه منها ومنه,,

وأن المفتاح موجود عند الحارس’’’

ان كانت تود أخذ باقي أغراضها,,

وصلتها الرساله وهي تتناول الطعام برفقة أختها ووالدتها وزوج أختها,,

لينهرها زوج أختها بقسوه,,

:هذا اللي حصلتيه من هالبدوي المعقد

منى بضيق,,

:لو سمحت ماأسمح تتدخل أو تتعدى على مترك مهما كان هذا كان زوجي وبينا عيش وملح

أم منى,,

:وأهو صاج يعني شبيصير لو خلى لج الشقه تاخذين أغراضج براحتج بعدين أحنا نبي شقتج

بنسكن فيها مو عدله نقعد مع فطوم وزوجها

زوج أختها,,

:خالتي شدعوه الشقه واسعه وتاسعنا كلنا خليكم وايانا

فاطمه وهي ترفع المائده,,

:يمه تكفين قعدوا أنتي ومنى عندنا شبيصير بالعكس والله مستانسين فيكم

منى وقفت لانهاء هذا الحوار العقيم,,

:بحاجي صاحب العماره وبأجر الشقه آنا ارتحت لها وتكفيني آنا واياج يمه

الحمدلله وظيفتي تعيشني كينجه

ذهبت وتركتهم منهيه النقاش اللذي يخصهاأكثر منهم,,

متعبه منهم ومن النقاش بحياتها من بعده’’’

ينقصني الكثير لأكون مثلك مترك قاسيه,,

كم قلبك قاسي الذير رماني بعيدا" عنه’’’

وكم خسرتك مع اعتقادي أنك ستكرر ماحصل بينك وبين منيره معي,,

وستاطلب بي بحياتك كما طالبت بها’’’

الآن أيقنت بأنني بالنسبه لك صحوه من غفوتك,,

لتعيي مدى حبك لمنيره وقسوة بعدها عنك’’’

لكن من سيكون صحوتي من غفوتي اللتي اعيشها الآن,,

فلا أريد حبك الا باحلامي فقط

***

**

*

ترتب أغراض فارس,,

عطوراته اللتي اشتروها مؤخرا"’’’

وتزين غرفة الجلوس ببعض الاكسسوارات,,

والتحف الفنيه الناعمه’’’

جهزت كل مايخصه,,

فهي أخته لازوجة أخ فقط’’’

كانت بغطائها كاملا",,

ترتب العطورات حسب رغبته’’’

وأيضا" لتجعل مكان لاغراض أختها,,

ويوجهها كل من فارس ومترك على السرير لايتركهم من سخريته’’’

منيره بتأفف,,

:مترك الله يخليك أسكت خلنا نرتب عدل والا ترا بتنطرد

فارس بضحك,,

:هههااااووو لقط فييييسك والا أقول لاتنقلب عيونك الخضر وتصير زرقا أنا بالقطه لك

مترك يقف بضحك وهو يمسك أحد العطورات,,

:هذا ريحته حلوه صح مناير ؟؟

منيره تلتفت نصف التفاته لانشغالها,,

:يهبل أحلى واحد أخترته أنا واياك ناسي ؟؟

مترك بخبث,,

:أنسى لاوالله غيري اللي ينسى أقول فروس تراه مهوب موجود بالكويت وش رايك اعبي غرفتك من ريحته

وهو يمسك العطر ويهدد برميه على السيراميك,,

فارس التقط مقصد مترك ليمسك العطر من يدي أخيه بقوه,,

:اي جاتنا حركات البزران

منيره بملل,,

:فارس والله أغراضك واجد عجزت وأنا أحاول ارتبها بشكل حلو وعشان اعطي مساحه لأغراض خلود

فارس بتفكير,,

:حلتها واجد أختج ؟؟

منيره بتهويل,,

:وااااجد ؟؟

الا قل زين ماحذفت كل أطيابك

فارس يحمل بعض عطوراته,,

:فداها التسريحه وراعيها حطيلي طيبين كفايه وباقي أغراضي بحطها بدولابي

مترك بضحك وهو يفتح دروج الكومودينا لرؤية مابها,,

:أنا أشهد أنها جابت راسك اللي مفضي لها الدروج كلها والتسريحه بعد

فارس بابتسامه,,

:شنسوي لو مافضيت لها المحل هي بتقط أغراضي بنفسها فخلني آخذ العز راس وأفضي من نفسي

منيره بتساؤل,,

:فروس ماقلتلي بتسافرون ؟؟

فارس برفض وهو يجلس بجانب مترك,,

:لا ماطرا لي أسافر بصراحه ماعندي فلوس يالله بالحفله

مترك بعتاب,,

:أفا وأنا وأخوك وين رحنا أنا ومحمد وأبوي

فارس باحترام,,

:جعل عماركم طويله بالصحه والطاعه أنا رجال قلت لأبوي بعرس بفلوسي

ماأبي أحد يعطيني من عنده

منيره بدعابه,,

:ياابن الحلال الله يخلي البنك الوطني وقروضه

فارس بضحك,,

:والله ولاوطني ولاهم يحزنون أنا مجمع فلوس

مترك بتساؤل,,

:مجمع ؟؟

مانيب خابرك تحفظ الفلوس دايم دوجه

فارس بهمس لمترك,,

:جعلك العافيه الله يخلي اللي يعبن لي الرصيد عشان يسمعون صوتي العدل واللي جايبه لي

كروت بانزين تعبئه والا اللي تعشيني على حسابها والا اللي تشتريلي عطوراتي وين اصرف

أمس علي لاتسمعني أخت المدام ويهونون

مترك بضحك,,

:دااااااااااج ولا ينفع معك طب طبيب الله يعين خلود عليك

منيره وهي تخرج مصطحبه المهملات لترتيب الغرفه بشكل كامل,,

:ياشين المساسر مااا أداانيه

فارس بصوت عالي ليصلها,,

:مترك يقول يبي يعشيج اليوم مفاجأه ولاأبي أخرب عليه

مترك يضربه على كتفه,,

:اي دبسني بعشا اليوم

لتعود منيره على آخر جمله,,

:عشا يعني عشا تراني فااتحه بطيني

عاد مترك لفارس بجديه,,

:أخبارك اليوم عادك متضايق أو مهموم ؟؟

فارس وهو ينظر لغرفة نومه,,

:خلاص مترك لافات الفوت ماينفع الصوت ماعاد بقى على العرس الا كم يوم

مترك بضيق,,

:ماتبيها طلقها ماأنت بمجبور تكمل

فارس برفض قاطع,,

:لا ولا ولا أبيها وباخذها وخلاص أنسى السالفه أو أني اشتكيت لك ياابن الحلال

مترك وقف بقلق واضح من صوته,,

:تراك مشغلني معك يافارس

فارس وقف بجانب أخيه,,

:ياابن الحلال ربكه قبل العرس وتعرف أخوك مايحب أحد يحد من حريته بس صدقني بتغير نظرتي للموضوع

أنا متفاءل خير

مترك وهو يخرج,,

:المهم اذبح لها قطو عتوي أسود من اول ليله خلها تعرف من هي خذت

فارس بضحك,,

:اي عشان هي اللي تعيفني

خرج مترك ليتركه يفكر بوضعه,,

فتاه متربيه وخلوقه’’’

وان كانت تلك الصغيره ذات الشعر القصير فهي تحمل من الجمال مايعجب أي رجل,,

ويكفيني بأن هادي سيصبح خال لابنائي أفخر ويفخرون به’’’

ماذا أريد أكثر من ذلك ؟؟

***

**

*

ترتب أغراضها وعطوراتها لتصحبها هيفا وعليا لترتيبها ببيت زوجها,,

جلست بقربها عليا وبتأنيب,,

:ماتعلميني ليش ماشريتي وتقضيتي عدل ؟؟

خلود بعصبيه,,

:عليا كرميني بسكوتج

الا انتي متى عمرتج ؟؟

عليا بعصبيه,,

:أكرمج بسكوتي والا أجاوب ست خلود ؟؟

خلود بضيق,,

:عليا لاتمسكين لي على الحبه

ها متى سفرتج ؟؟

عليا وهي تجلس بقرب أختها,,

:بكره الفجر وبارجع قبل ليلة عرسج

خلود ببكاء فاجأ عليا,,

وهي تلف وتضم عليا بقوه’’’

فهما أقل من الأخريات قرب,,

ودائما" تدخلان بعراك لفظي حاد’’’

ولاتتفقان على رأي واحد,,

هل ستفقدني هذه الصغيره ؟؟

عليا بهمس,,

:بس خلوده شفيج ؟؟

خلود بتصريح,,

:بفقدج وبفقدكم كلكم

ماعاد بقى على العرس الا اربع أيام بتروحين ولاراح اشوفج الا بالعرس

عليا وهي تمسح على ظهر أختها,,

:ياقلبي على الحساسات لاتحاتين أصلا رائد مايبينا نطول عشان عمتي تقول بترد تشوف رمرومه

تعبانه وغلاوي يبيلها راحه وهي تحاتيهم

خلود تبتعد قليلا",,

:انزين علويه أدعي لي أتقبل فكرة هالزواج

عليا وهي تعيد أختها لحظنها,,

:أبشري والله بادعي وبادعي فديتج بعدين فارس الكل يمدحه

نسيتي يومانج تقولين ياحلوه يهبل بعرسي ؟؟

خلود بضحكه,,

:مانسيت وهذا اللي مخوفني العين خيره ماأزينه

عليا بضحكه,,

:أمه سوريه ومزيونه وش تنطرين

ثم أدرفت بحماس لتغيير مزاج أختها,,

:يوه ماعلمتج يوم دخلت علي عمتي وأنا فاتحه دولابها ؟؟

خلود بحماس,,

:لاماعلمتيني

عليا وهي تجلس بشكل مريح أمام خلود,,

:تخيلي دشت علي وأنا فاتحه دولابها وتوني مطلعه أول جلابيه

والا تسألني وش تسوين عليا ؟؟

هني وقف قلبي وش أقول لها هي رافضه لاتروح وانا أستحي منها خلقه

ولاعمري دشيت غرفتها الا هي مطرشتني وفجأه تلقاني بغرفتها وفاتحه دولابها

خلود,,

:انزين وبعدين ؟؟

عليا باكمال,,

:تخيلي ماعرفت وش أقول الا تعين لها ثوب بجنطة ولدها وتشوف احرام رائد

صحكت بوجهي وقالت ياامتج يعني بتفاجؤوني أنا داريه ومجهزه أغراضي بالجنطه الثانيه

ياأنا حقدت على رائد

خلود بضحكه,,

:يعني مسوين لي فيها بتفاجؤون بالأخير هي اللي فاجأتكم

الا انتي موب قلتي بتروحين أنتي ورجلج بروحكم

عليا بابتسامه,,

:كاااان بالماضي البعيد بس رائد مارضى قال ماراح اهمل أمي وبيني وبينج كلها كم يوم

خليه يكسب فيها أجر وانا اتعمر وأتعبد ربي

خلود وهي ترفع حقيبتها,,

:زين ماسويتوا والله الا رحتي لغلاوي ؟؟

عليا وهي تقف,,

:ألحين بروح لها أشوف وش أخبارها وهي رافعه رجولها

خلود بضحك وهي ترافق أختها,,

:لا لو تشوفين هدوي شلون رايح راد عليها تموتين من الضحك

عليا بضيق,,

:آآآآآه ياخلوده عقبالي يارب أول شي بندعيه أنا ورائد لاشفنا الكعبه أن الله يزرقنا مشتهيه بيبي بموت

خلود وهي ترتب على كتف أختها,,

:المهم بنوته سميها خلود رجاءا"

عليا بابتسامه,,

يتبع ,,,,

👇👇👇

تعديل المقال