رواية هدمت حياتي بيديك وجاي تقول ندمت -83
متعب:يبه في تضبط الحفله بالبيت انا بحضرها
ابو متعب:لاحول ولاقوة ألا بالله دكتور بكرا يجيك من الصبح
الدكتور:اوكي
وطلعو رائد ومتعب وابو متعب
وهم متضايقين بس يحاولون ينسون حالهم
ورجعو البيت وفي ترتب الحفله لااماني وعادل
ببيت عادل واماني
اماني قافله ع نفسها بالغرفه وتتضبط
لبست فستان احمر قصير وشعرها لفته كله وخلته مفتوح
وحطت روج احمر وتكحلت وحطت قلوس وتضبطت وتعطرت وناظرت نفسها بالمرايا بقتناع
وابتسمت وفتحت الباب وطلعت
وكان عادل جالس التفت ومن شافها فتح فمه وهو منسحر كانت بقمه الانوثه والجمال والنعومه
فستانها راسم جسمها وكان مغري وشعرها ومكياجها كل شي فيها يجننه
نزل مشعل وقام لها وهو مو حاس بشي
اماني منزله راسها مستحيه من نظراته
عادل قرب لها وحاوط خصرها:انتي زوجتي والا غيرها
اماني ضربته ع كتفه بخفيف:انت شرايك
عادل وهو يبل ريقه:تهبلين
اماني استحت وناظرت ولدها:عادل ولدك
عادل ضمها:احبك
اماني:وانا اموت فيك
وابعدت عنه
عادل:شفيك
اماني ابتسمت:ولاشي بس يالله اجهز عشان مانتاخر
عادل:اوكي
وراح الغرفه واماني جلست مع مشعل اللي يلعب
وع ماعادل تجهز وطلع
اماني خقت عليه:لبى هالرزه
عادل ابتسم لها:فديتك يالله
اماني قامت لبست عباتها وطلعو لبيت ابو متعب
ببــــــيت ابو ضاري
لين وهي تنزل:يالله يامرام اخرتينا
ابو ضاري وهو يشيل منها فهد ويبوسه :فديت حفيدي
لين تبتسم:حفيدك اشتاق لك ياجده
ابو ضاري وهو يناظرها:فديتك انتي بس
لين ابتسمت لأبوها
نوره وهي تنزل بمحمد:هاه خلصتو
لين:باقي الاميره مرام
مرام وهي تنزل:تسلمين
ابو ضاري ابتسم وهو يشوف رزتها وجمالها وهي احلى بناته
لين:اي هين خلصي بس
مرام ناظرت ابوها وابتسمت:ماعلي منك يالله بابا نروح
ابو ضاري:يالله
ولبسو وطلعو ركبو سيارتهم وراحو لبيت ابو متعب
بشقـة ضاري وفجر
ضاري وهو يتعطر ويغني"احبك والقمر يشهد احبك و
فجر دخلت وتصفق:الاخ وين رايح
ضاري حقرها وطنشها
فجر:اظني اكلمك
ضاري اخذ مفاتيحه ومشي
فجر بصراخ:عساك تطلع من هنا ولا ترجع
ضاري التفت عليها وصفقها كف:اذا عليتي صوتك مره ثانيه بقصه لك فاهمه والا لا
فجر وهو تحس ان فكها انكسر :.....
ضاري ناظرها بكره وتفل عليها:وسخه
وطلع وتركها وراه ولا اهتم
وركب سيارته وحرك لبيت ابو متعب
ببيت ابو عبدالمجيد
عبدالمجيد:هديل يالله
بشاير وهي نازله مع تركي:يومها سنه هالبنت
عبدالمجيد:ياسعدك ياتركي عندك بشاير بسرعه تخلص
تركي:فديتها احنا نسبقكم اجل
عبدالمجيد:الله معاكم
وطلعو وعبدالمجيد ينتظر هديل
عبدالمجيد بصراخ:هديلووووووووووووووووووه
هديل نزلت من فوق:هاه جيت
ابو عبدالمجيد دخل:وش فيكم
عبدالمجيد:بنتك يبه تغث الله يعين وليد عليها
هديل تنكدت من هالطاري بس مابينت
ابو عبدالمجيد:ع طاري وليد يبي الملكه عقب اسبوعين
هديل سكتت فتره عقبها قالت:اوكي يبه
ابو عبدالمجيد:يعني موافقه
هديل تتصنع الفرح:اي
عبدالمجيد:تاخرنا
هديل:يالله يالله فضحتنا
وطلعو وراحو لبيت ابو متعب
ببـــــــــــــــــــــيت ابو متــــــــــعب
في وهي تركض لفوق:الناس وصلو وانا ماجهزت
رائد يضحك ع شكلها:انتبهي لاتطيحي
في:مالك دخل دب ملقوف
متعب:هههههههههههههه بديتو
رائد:اختك هبله
في بصراخ من فوق :انت الاهبل
متعب ورائد:هههههههههههههه
ام متعب:الناس وصلو قومو لقسم الرجال
متعب ورائد قامو:يالله
متعب حس بنغزه بقلبه وقف
ام متعب قربت له وهو حاط يده ع قلبه:شفيك يمه
متعب ناظر امه وقال:قلبي
رائد خاف وخربها:قالك الدكتور لازم تجلس عندهم وبكرا تسوي عمليه بس انت مادري وش فيك
متعب ناظر رائد اللي حس ان لسانه فلت
ام متعب ناظرت رائد وعيونها غرقانه دموع:وش هالكلام
متعب:كذاب يمه لاتصدقينه
ام متعب نزلت دموعها وهي تلمس وجه ولدها:وش فيك يمه قلبك وش فيه
متعب وهو مو متحمل شكل امه:مافيه شي يمه تطمني
رائد حس ان ابوه لازم يجي يشوف امه ويفهمها وراح يناديه
ام متعب تبكي:انا كنت حاسه ان طيحتك امس مو سببها ارهاق
متعب:يمه لاتخافين والله انا بخير
ابو متعب دخل ووجهه ماينوصف ورائد معاه
ابو متعب:الله يهديك ياام متعب عمليه ولدك سهله يالله امسحي دموعك مانبي في ولا احد يعرف
ام متعب وهي تجلس وتحاول تقوي نفسها:ولدي توه صغير وشي هالعمليه قلبه شفيه
ابو متعب:بس عنده انسداد باحد صمامات القلب لاتحاتينه
ام متعب:متى يبون يسونها
ابو متعب:بكرا بيدخل المستشفى وعقبه عمليته
ام متعب تمسح دموعها وتناظر متعب:كل هاللي فيك عشانها
متعب جلس جنب امه:يمه ابيك تكوني قويه تكفين
ام متعب تحضنه وتناظر بابو متعب ورائد:لاتخاف انا قويه
واندق الجرس
متعب قام:جو الناس
ام متعب:يالله ع مجلسكم
كلهم ضحكو وراحو لمجلس الرجال
ام متعب رااحت تغسل وجهها عشان مايبين عليها البكاء
وفتحت الباب بطريقها
وكانو الكل حاظرين والجده معاهم
ام متعب:حياكم
الكل:الله يحيك
ودخلو وجلسووو
وفي نزلت لهم
في:هلا هلا والله بالكل
الكل بستثناء لين:هلا فيك
في ناظرتها وحست انها زعلانه
لين:خالتي ليه احساس ماجت
ام متعب:مادري يامك
لين:متعب ماجابها
ام متعب:لا والله
لين اخذت جوالها وقامت
وفي مقهوره ومو مصدقه الكل مو مصدقين
ان لين تدور احساس وتسال عنها
في:وش السالفه
ام متعب ناظرت بنتها بعتب عقب امس:السالفه ان لين احسن منك وشافت احساس ونقاوتها
في حبت تغير السالفه:اقول امون وش هالكشخه كيف عادل تركك بس
اماني ضحك بخجل:انثبري ياللي ماتستحين
في:هههههههه وانا صادقه تهبلين انتي نمبر ون بالكشخه وعقب مرومه
مرام:تسلمين
هديل:وانا نمبر ثري
في:بدري عليك انتي بعدين الرابعه
هديل:ههههههههههه انقلعي بس
الجده:اقول ياام متعب وش اخباره متعب عقب امس
ام متعب خنقتها عبرتها بس مابينت :تمام الحمدلله
الجده:اي الحمدلله
في قامت:نبي نرقص ياجماعه
الكل:يالله
في:بشغل وفيت
هديل وهي تغني:وفيت وماتوقعت الخيانه وقلت اللي يكفيني حنانه
الله عليك يافي
في ضحكت وقات شغلتها وجلسو يرقصون
نتركهم ونطلع للين اللي تكلم بالحوش
لين:ليه ماجيتي والله مالك داعي
احساس:سامحيني والله تعبانه
لين:كلمي متعب يجي ويجيبك تكفين
احساس:والله تعبانه يالين مسخنه وحالتي حاله
لين:متعب يعرف انك تعبانه
احساس:لا مايدري
لين:ليه ماقلتي له
احساس:لا مابي اخوفه مابيه يعرف تكفين
لين:الا يمكن تحتاجي مستشفى
احساس:لاتطمني بس برتاح وبصير احسن
لين:طيب حبيبتي بكلمك ثاني واطمن عنك
احساس:اوكي يالله باي
لين:يالله باي
وقفلت ودخلت عند البنات اللي يرقصون وكملت رقص معاهم
..........
نــــــــــــــــــــرجع لبــــــريطــــانيــــا
البنات وهم يطلعون من المحاظره
والشله تطلع معاهم
احمد:مهاوتي ممكن
مها وهي تبتسم:اي اكيد
وراحت معاه
ليان:اوف بس لو مو محترم كان علمته شغل الله
راشد :غروري وحشتيني
غرور بدلع:وانت كمان
راشد وهو يخق عليها وقلبه يدق اول مره تعجبه بنت ويبي يكسر راسها بس يحبها:فديتك كيف كانت المحاظره
غرور:حلوه
راشد:اجل اتركك الحين واكلمك بعدين
غرور:اوكي ياقلبي
راشد تنهد:فديت قلبك والله
وراح
غرور:الله يقرفك
ليان:مادري كيف متحملته
مشاعل:عشان تهينه لازم تتحمل لازم تخليه يحبها لحد الجنون يعشق حروف اسمها
غرور بثقه:وهذا اللي بيصير
ليان:مادري شقول
هدى ناظرت سعود وصدت وهي تحس انها تتوتر منه كل ماناظرته تقراء كل اللي بقلبه بعيونه
وهالشي يتعبها
وجود تناظر خالد بكره ووحقد وانه اليوم لعب عليها
ليان:بنات جوعانه تعالو نشوف لنا شي ناكله
البنات:يالله
مها جتها تركض:استنوني
ليان:وش كان يبي
مها:عطاني رساله وهديه
مشاعل:وش الهديه
جود:ورينا
مها تطلع سلسال عليه اسمه واسمها:هذي هي
غرور تمسكها:والله جنان
ليان:طلع ذويق
هدى:تتنهي فيها حوبي
مها:تسلمون يالله بتروحون الكوفي
ليان:اي جوعانه يالله
وراحو يشوفون لهم شي ياكلونه
.............
باأأأأأأألريأأأأض
ببيت ابو متعب
بمجلس الرجال
متعب يلعب ولده ويبوسه وهو منجن عليه وخايف
بكرا يصير له شي بالعمليه ويتيتم ولده
خايف حده
رائد لاحظ متعب وهمس له:شفيك
متعب:خايف
رائد:خليها ع ربك ولاتخاف
متعب تنهد:ان شاء الله
ضاري:وش تتساسرون عليه
رائد:ياحبي للقافه
ضاري:نفسك والا نسيت نفسك انت
رائد:لامانسيت بس مو زيك
ضاري:الخلا بس
الكل:هههههههههههههههههههه
عبدالمجيد:نبي ندخل نفلها عند البنات
الجد:لاياشيخ تبي تدخل عند محارمنا
عبدالمجيد:وشي محارمكم ثنتين خواتي ووحده زوجتي
عادل:وزوجتي كانك نسيتها
ابو ضاري:واخت زوجتك
رائد:وفي كمان
عبدالمجيد:اي ياليتني ماتكلمت
الكل:ههههههههههههههههههه
الجد:ادري ماتنبسطون الا معاهم
عبدالمجيد:مو القصدد جدي بس هي حفله عادي يتغطو وندخل
الجد:شرايك يابو متعب
ابو متعب:بكلمهم واشوف
وقام كلم ام متعب
اللي بدورها قالت للبنات وتلثمو ولبسو عباياتهم الكتف وجلسو والشباب دخلو
لين قربت لمتعب:ممكن
متعب ناظر بعيونها اللي سحرته وعشقهم ولازال يعشقهم:اكيد ومد لها فهد ومن انحنت تشيله همس لها:احبك
لين ارتجف كل شي فيها وهالشي ماخفي عن متعب اللي فرح بهالشي لانه يدل ان لين للان تحبه
واخذت ولدها وراحت جلست
الجد:ايوا وين الهدايا
الكل قامو وكل واحد جاب هديته وحطوهم ع الطاوله
ضاري:امون هذي هديتي لك
في وهي تمد علبه كبير:وهذي هديتي انا
هديل:وانا هذي هديتي
رائد:وانا هذي هديتي
مرام:وانا هذي هديتي
لين:وانا هذي هديتي كل عام وانتم بخير
عادل واماني :وانتم بخير
الجده:وانا هذي هديتي
اماني تبوس جدتها:الله يخليك لنا ياجده
عبدالمجيد:هذي هديتي انا وفروحه
بشاير:وهذي عني وعن تروك
عادل واماني:مشكورين جميعا
متعب:انا ماجبت لكم شي اعذروني
اماني تخصرت:وليه مالنا دخل نبي هديتنا
متعب ناظرها وابتسم بتعب:والله ماقدرت بعطيكم فلوس وتصرفو
عادل:اعتبر هديتك وصلت يابو فهد
متعب:تسلم
لين قلبها حاس ان متعب فيه شي بس مو قادره تتكلم
ام متعب:هالهديه عني وعنك
متعب:شكرا يمه ورجع شعره اللي طولان ع وراء
لين تحس انها مو قادره تشيل عينها عنه تحس فيه شي مو قادره
مرام ناظرت مجود اللي يناظرها واستحت
في:ماودكم ترقصون
رائد:الله يافي الا والله ودنا نرقص
هديل:شرايكم نسوي اهدائات كل واحد يهدي اللي يبي
في:فكره حلوه
مرام:انا ابي اهدي
في:شنو تبين
مرام:اهدي مجود اغنيه ماجد المهندس انسي
عبدالمجيد صرخ:يااااااااااااااااااااااااااااااااااااااااااااا اااالبيه
مرام استحت
في قامت وشغلت الاغنيه ومجود ومرام داخلو جوهم الخاص
ومن خلصت في نطت
في:انا ابي اهدي بس مابحدد
هديل:ليش
في:كيفي وشغلت الاغنيه
وكانت لضاري
اغنيه خالد محمد مستحيل
أنكرك وانساك سابع مستحيل
ومستحيل أعود ثاني لدنيتك
بك برود العاطفة أكبر دليل
وأنت تزييف المشاعر سكتك
شوف دمعي من على خدي يسيل
بالصدق ماهو بشروا دمعتك
عشت في حبك متيم بك بخيل
ياخسارة شوف نفسك غرتك
أتحرى ان الذهب يبقى اصيل
مايغيره الزمان وخطوتك
لاتلوميني ترى حان الرحيل
وش تفيد جروح قلبي رقتك
العزى ميفيد في قلب (ن) جتيل
والتسامح مايغطي غلطتك
خلني احيى وسط حلم(ن) جميل
وأعشقك وأهوآك وأهوى سمعتك
أترجى وأطلبك طلبة خليل
في خيالي لآتشوه صورتك
أبتعد عني ودور لك بديل
جآن تلقى من يدآري عشرتك
أنكرك وانساك سابع مستحيل
ومستحيل أعود ثاني لدنيتك
بك برود العاطفة أكبر دليل
وأنت تزييف المشاعر سكتك
والكل فهمو في من تقصد
ضاري ضاق صدره وتنكد خاطره
رائد حس فيه وحب يلطف الجو :اقول وش نبي بالاهدات نبي رقص يالله شغلو ماروم بس
هديل:اي احسن بعد
وشغلت ماروم
وجلسو يرقصون وبس كل واحد وهمه بقلبه
متعب ماكان يرقص جالس يناظر لين اللي جالسه وبحضنها فهد
لين بعد صمت تجرات وقالت له:شفيك
متعب اللي تفاجاء من سؤالها ماتوقعه:تعبان
لين:سلامتك
متعب:الله يسلمك لين
لين:هلا
متعب:وربي احبك
لين:...
متعب:والله يالين ماخنتك والله
لين:متعب احساس تستاهل الحب وهي وحيده اشوف انك لو تعطيها حبك يكون احسن
متعب:ماقدر لين تعبان والله تعبان
لين ماقدر تتكلم حست انها راح تبكي
متعب:انا ....خلصت الاغنيه وسكت
لان الكل جلسو
وسوالف وضحك واكل كيك ووناسه
وكانت حفله رووووعه
مجود وهو يحضن مرام بالمطبخ:انا بنجن منك والله بنجن
مرام وهي مستحيه:اتركني لاتفضحنا
مجود:مو بيدي ويبوس وجهها
:احم احم
مرام ابعدت عنه
لين:العن اوم الناس الفلتانه
عبدالمجيد:ههههههههههههه هادمت الملذات
لين:مالقيتو تختلو ببعض الا بالمطبخ
مجود:وش نسوي زحمه برا
لين:هههههههههههه مروم بنروح يالله
مرام مشت من جنبه بسرعه وطلعت
ولين لحقتها
مجود انقهر :اوف بس
وطلع ورجعو الكل لبيوتهم
.............
بشقة متعب واحساس
دخل متعب وماحصل احساس
متعب:احساس
بس ماحد رد استغرب
وراح الغرفه ويسمع صوتها وشافها ضامه حالها بالسرير وترجف
متعب قرب لها :وش فيك
احساس تناظره ويشوفها مزرقه:تعبانه
متعب يحط يده ع راسها:يوه مره مسخنه
احساس غمضت عيونها اللي تدمع من الحراره
متعب قام بسرعه وراح جاب كمادات وجلس يكمدها وهي تهذي
احساس:متعب انا احـ،،ب،،،ك
متعب راحمها وكيف تركها وهي تعبانه كيف ماعرف بهالشي
وظل حاطها بحضنه ويكمدها
بشــــقة ضاري وفجر
دخل وهو متضايق من الاغنيه اللي اهدته اياها في
وشاف فجر نايمه بالصاله
قرب لها ويناظرها بكره ناظر يدها المحروقه وحس بقهر
ماحس بنفسه الا يضربها ويضربها بعنفوانيه
فجر صحت منخرعه وتبي تفك نفسها
بس كان ضاري يفرغ كل اللي فيه فيها
ضاري وهو يرفسها ويضربها بكل وحشيه:اكرهك هدمتي حياتي الله ياخذك وربي لااموتك
وسحبها من شعرها للغرفه وهو يسحب فيها
وفجر تصرخ بس لاحياه لمن تنادي
ضاري من دخل فيها الغرفه رفعها من شعرها ودفاها ع التسريحه وانتثرت الاغراض وضرب راسها بالمرايا وانجرح راسها فرت الدنيا فيها وطاحت بالارض مغمي عليها
وضاري ماهتم رمي نفسه ع السرير ونام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك