رواية اعشقه وصعب أنساه لاني نسيت أنساه -9
البارت التاسع:
في بيـت بو بـدر:كان بو بدر جالس يلاعب حفيداته الوحيدتين خوله و منيره في الوقت اللي كان بدر يلعب شطنرنج مع اخوه خالد الل يكان باله ما هو مع اللعبه..
بدر طلع نفس طويل من تملله و حرك عيونه من اللعبه لخالد: خااااااااااااالد دوورك!
خالد فز من شروده وحرك قطعه من القطع: اسف، سرحت شوي.
بدر رفع حاجبه و بحركه بسيطه طار ملك خالد و خسـر: اصلا لو كنت منتبه ما خسرت بهذي السهوله.
خالد رجع ظهره على كرسيه و بدأ يتأمل السقف لاول مره ينتبه على الالوان المستخدمه في تنسيق ديكور البيت، امـه فعلا انسانه ذويقه: خايف من المواجهه؟
خالد التفت لابوه اللي نزل خوله الصغيره (بنت بدر) من حضنه و ابتسم له: اكيـد
بدر ابتسم لبنته اللي بدت تمشي مثل البطريق لجهته مه اختها: لا تخاف اول ما تدخل شيل خوله او منيره معك و سلم عليها و اكيد بترضى عنك!!خخخ
خالد عصب: تضحك؟
بدر ابتسم وهو يخفف عنه: خالد امي صحيح عصبيه و كل شي عندها جد بس هما تحبنا و تتمنى لنا السعاده وانا متأكد انك لما تعتذر منها راح تسامحك و تنسى اللي صار..
خالد: الله يسمع منـك...
بدأ بدر و خالد لعبه جديده و قبل لا تنتهي رجعت ام بدر بكامل زينتها مع وفـاء: السلام عليكم..
الكـل رد: وعليكم السلام..
ابو بدر ابتسم وهو يراقب زوجته: شلون الحفله؟
ام بدر من غير نفس وهي عيونها على خالد اللي نزل راسه اول ما شافها: عاديـــه!!
وفاء استغربت رد خالتها وقررت تتكلم: على العكس خاله الحفله كانت تجنن و ام المعرس ما شاء الله عليها تقولين عمرها بالعشرينات...
ام بدر رفعت حاجبها و كان كلام وفاء ما اثر فيها: اي نسيت..
بدر دفع بنته خوله بخفه لجهة امـه، ام بدر برفق حملتها و باستها: الله يرجع عمتك بالسلامه البيت من بعدها ما يسوى شيء..
خالد حس ان امه تقصده راقبها وهي تنزل خوله و تعطيهم ظهرها قام من مكانه و قرب منها: يمـه..
ام بدر وقفت و بسرعه قبل لا يكمل: ما بيني و بينك كلام..
خالد احزنته كلمتها ما توقعها بهذي القسوه ابدا، بدر قام من مكانه وجا لجهتها: يمـه خالد يبي يكلمك!!
ام بدر كانت عيونها بارده و غاضبه منه: كلامي واحد وغير قابل للنقاش، اوامري فوق كل شيء في هذا البيت ، وزوجته لازم تسمع اوامر من غير اي نقاش..
بدر حرك عيونه لاخوه اللي هز راسه بالموافقه: خالد موافق..
ام بدر: لازم يوافق ولا يطلع من البيت ..لانه اولا و اخيرا بيتي انااااا..
خالد طلع نفس طويل و تكلم: موافق يا يمه وانتي الداخله وانا و الجود اللي طالعين .. بس ارجوك سامحيني..
ام بدر التفتت له ومازالت علامات الغضب على وجهها: سامحتك!
خالد ابتسم وحس اخيرا بالراحه قرب منها و باس راسها، كان موبايله في مكانه يرن من فتره وهو مطنش و متعمق في حواره مع امه لما قطعت هي حوارهم : رد على موبايلك ازعجنا
رجع خالد لموبايله وهو متوقع تكون الجود تسـال عنه وعلشان كذا طنشها اولا لانه ماله خلق لها و ثانيا لانه يبي يثبت لامه انها هي اهم منها الف مره، تفاجأ لما شاف رقم الدوام: الو؟؟.......... اي نعم.........خيـر؟؟؟............................... ...................................أأأأأأأأأأأأأأي ش؟؟؟؟؟؟؟؟؟؟؟؟؟؟؟
كل الموجودين تفاجأوااااا من ارتفاع صوت خالد فجأه، بدر: خالد ايش فيك!!!
خالد: متـــى؟؟؟؟؟؟.................. وين؟؟........ لحظه ثواني واكون عندكم..! اي مسافه الطريق..
خالد بسرعه سكر موبايله و سحب مفاتيح سيارته و ركض للباب: خااااااااااااااالد!!!
بدر ركض وراه للسياره، ام بدر صرخت: بدر طمنا ايش اللي صار...
بدر لحق على خالد قبل لا يحرك بالسياره و ركب جنبه: خالد فهمني ايش اللي صار..
خالد حرك بسرعه و ظل مركز بالطريق تجاهل سؤاله و استمر في السياقه، لحد ما وصل مقـر شغله نزل و نزل معه بدر.. دخل غرفه المسؤول و اللي كان مع مجموعه محققين في انتظاره..: السلام..
المحقيقين: وعليكم السلام، من هذاا؟
كان المحقق ياشر على بدر اللي كان جنب خالد، خالد جا قدامه و تكلم بنبره جاده نادرا ما كان بدر يشوفها: اخوي الكـــبير بدر و اعتقد ان من حقه يدري باللي صار...
بدر تعجب من كلامه ايش اللي صار و اللي مهم علشان ينادونه مجموعه محققين.. مسؤول التحقيق دفع مجموعه صور لخالد و اشر له يلقي نظره عليها، مشى خالد و تامل الصور و بدر من وراه واللي انصدم لما شافها: فـــهد؟؟
خالد بعد ما تامل الصور حرك نظره للمسؤول: سبب الوفاه؟
المحقق 1: طلقه مسدس في القلب..
خالد وعيونه مصدومه: بالقلب؟؟؟
المحقق2: وهذا الشيء يعني انه اما انا نتعامل مع قاتل محترف و هو شيء خطير، واما انه حظ المبتديئن..
بدر ما كان فاهم اخر كلمه اشر لخالد يفهمه، خالد: معناه ان الشخص هذا عديم الخبره و ماله في هذي الامور لكن تصرفه كان ناتج عن مشاعر مكبوته اما الغضب و الحقد وانا حب التملك..
المسؤول: والمرجح انه الخيار الثاني... لان بعد استجواب الموظف اللي اكتشف الجريمه تأكدنا ان الضحيه كان على موعد مع وحده كان يدعي انها زوجته، وتاكدنا من هذا الشيء..
المحقق 2: بس الموضوع ماهو اكيد لان الحرمه على قوله الموظف كانت متغطيه بالكامل فلا يمكن تعرف ان كانت حرمه ولا رجال و ان كان قاتل محترف راح يكون تقليد مشيت حرمه شيء سهل جدا!!
المحقق 1: بس بعد استجواب صديق المقتول واللي كان موجود في نفس المطعم اكد لنا ان الضحيه كان على موعد مع وحده بسيطه و ماهي غنيه لدرجه استأجار قاتل!!
خالد: تعتقد ان هذي الحرمه هي القاتله؟؟
المسؤول : مافي اي دليل لكن بعد التحقيق راح نتأكد خصوصا انك تعرفها!!
بدر وخالد حسوا بقشعريرها في جسمهم من كلمته: من؟؟
المسؤول: موظفه عند امـك و اسمـها جميـله الـ..
بدر اللي يعرف اغلب الموظفين سواء في شركة ابوه او اعمال امه توسعت عيونه من الصدمه و من غير لا يفكر قال : جممممممممميله؟؟؟؟؟ مستحيل؟؟؟
خالد التفت له بسرعه: ليش مستحيل؟؟؟
المسؤول دقق بعيونه على بدر و سأل شيء كان مأجله لوقت ثاني: ايش تقدر تفيدنا عنها بالضبط يا سيد بدر..
بدر بلع ريقه وهو حاس انه تسرع في رده و حط نفسه في موقف صعب: ما اعرفها حق المعرفه .. كل اللي اعرفه انها موظفه عند الوالده من ثلاث سنوات و حصلت على ثقتها و ثقه اغلب الموظفين الشيء اللي ترك الوالده تعينها في منصب سكرتيرتها الخاصه في المشغل،، هي متزوجه من موظف يشغل في الشركه الرئيسيه و عندها منه طفل انسانه بسيطه و على قد حاله و ملتزمه دينا و اخلاق مستحيل وحده مثلها تقدم على شيء مثل هذا..
المحقق 2: يا سيد بدر اللي عرفته سابقا من خالد انك رجل اعمال كبير و ناجح ، وشخص مثلك لازم يكون على درايه تامه ان اي كتاب لا يمكن يحكم عليه من غلافه، وان المظاهر تكون خداعه في اغلب الاوقات...
بدر فاجأه كلامه و حس فيه اهانه: تقصد ان جميله كانت تخدعنا؟؟ ليش برايك تسوي شيء مثل هذا يا حضره المحقق و عائلتي ما قصرت فيها نهائيا؟؟
المحقق 1: لا تعتبر اللي قاله زميلي اهانه يا سيد بدر بل على العكس هو مجرد تنبيه ممكن يقودنا الى اشياء ثانيا، ممكن تكون هذي الانسانه كانت تخدعكم من زمان و مستغل ثقه امك و ابوك لحسابها الخاص..واللي باذن الله راح نكتشفه لما نبدأ التحقيقات..
خالد و نظره حزن على وجهه : راح تستجوبون الوالده؟
المسؤول: هي اهم فرد في التحقيق الى جانب زوج المتهمه و صديق القتيل، بس نظرا لمركزها الاجتماعي و المادي و لانها والدتك راح تتم التحقيقات في اماكن عامه خارج قسم الشرطه...
خالد هز راسـه: اللي تشوفه سيدي...... بدر!!
بدر التفتت لخالد: خير؟
خالد: ارجع البيت و طمن الاهل بس بليــز باسلوب هادي ومن غير انفعال...
بدر: وانت؟؟
خالد: راح اظل علشان التحقيق، محد راح يمسك هذي القضيه غيري ... وراح اقطع اجازتي...
- بعد نص ساعه في بيت بو بدر-
ام بدر كانت تتصل على خالد للمره العاشره خلال نص ساعه و طبعا ما رد، كانت جالسه على اعصابها هي و ابو بدر و وفاء اللي نومت عيالها و جالسه تتامل موبايلها و موبايل بدر اللي نساه ممكن يتصل على واحد منهم
ام بدر سكرت الموبايل وو رمته بعيد عنها: ما يردووووون!!!
وفاء بخوف: اخاف صار فيهم شيء...
بو بدر: مافي داعي للخوف يا وفاء، اكيد خالد نسى موبايله في سيارته ونزل منها...
ام بدر بعصبيه: وليش لما طلع ما بلغنا هو لوين رايح!! على الاقل خف عنا هذا التوتر...
بو بدر طلع نفس عميق و اشر لها على وفاء اللي دخلت في ازمه توتر شديدها وخوف واضح عليها: خففي عنها بدل لا توترينها...
ام بدر وهي رافعه حاجب: اخفف عنها و انا من الاساس متوترها.....
بعد دقيقه دخل بدر البيت وعلى وجهه نظره من القلق و التوتر وكان واضح انه في جعبته شيء ماهو بسيط: السلام عليكم..
وفاء ركضت لجهته و مدت موبايله له: خوفتنا عليك!!! وين كنت؟؟؟؟؟؟؟؟؟؟؟
ام بدر تأملت المكان ورا بدر و ماشافت خالد: وين اخوك يا بدر؟؟
بدر بلع ريقه و حرك عيونه على الثلاثه الموجودين: خالد!! راح الدواااام عنده قضــيه طارئه!
بو بدر قام من مكانه و مشى لجهته: قضـــيه طارئه!! اتطلعه بهذاا الشكل؟؟؟ ثانيا خالد في اجااازه؟؟؟ مستحيل يتصلون عليه من سبب مقنع قول الحقيقه ايش اللي صاير وقفت قلبي...
بوبدر كان حاط يده على قلبه بخوف ام بدر مشت لجهته و سمحت له يسند يده على كتفها : بدر تكلم خوله فيها شيء!!!!!!
بدر تفاجأ: لا ابدااا!!!!
ام بدر: اجل ايش تكلم!!!
بدر بلع ريقه مره ثانيه و بتوتر تكلم وهو منقهر انه انحط في موقف مثل هذا: فـهد!!
بوبدر استغرب : فهد! اي فهد انت عن من تتكلم؟
بدر: فهد اخو الجود زوجة خالد!!!!!
ام بدر من غير نفس: اي عرفته ايش فيه ماسكينه الشرطه؟؟؟
بدر هز راسه وهو منزل عيونه: لا .................لقوه مقتول في مطعم...
بو بدر: ايش!!!!!!!!!!!!!!!!!!!1
بدر وبسرعه كمل: واللي مشتبهين انه قاتله.... جميله سكرتيرتك!!!
ام بدر تفاجأت و انصدمت من اللي يقوله والكلام اللي زاده تمم صدمتها: ايش اللي قاعد تقوله جميله مستحيل تسوي هذا الشيء.
صراخ من الطابق الثاني و تحديدها من استراحه جنب السلم انسمع في الطابق التحتي...، وفاء و بسرعه تعرفت الصـوت: الجود!!1
ام بدر في نفسها: كانت تتسمع لحواراتنا!!!
ركضت وفاء لجهة الجود ولقتها منهاره على الارض تبكي بجنون.. مشت لجهته و حضنتها بعطف : اطلبي له الرحمه يا اختي .... اطلبي له الرحمه...
ام بدر صعدت وراه و تأملتهم تأملت الجود المنهاره و وفاء الحنونه واللي تحاول تهديها بعطف وطيبه معتاده منها وتركت بو بدر وبدر بروحهم لان بدر ماكان يقدر يجي جنب الجود وهي طبعا بلبسها المعتاد حتى بوبدر كان يكره يشوفها في البيت لان لبسها حتى في نظره غير اخلاقي..
ام بدر تاملت الجود من جديد وهي تقول في نفسها: حتى بعد كل اللي كانت تسويه فيك يا وفاء مسامحتها و تخففين عنها بهذا الشكل... مع اني واثقه لو كنتي انتي في هذا الموقف كان ما اهتمت فيك ولا احترمتك...
مدت يدها لكتفها و تكلمت باكثر قدر من الحنان عندها: عظم الله اجرك يا الجود....
الجود ما ردت عليها و ظلت دافنه نفسها في حضن وفاء تبكي و تبكي لوقت طويل..
-
-
اليـوم الثاني...
في شقه يوسف:
فتحت خوله عيونها بتعب و ارهاق شديدين ناتجين عن البكاء الطويل في اليومين السابقين و الم فظيع في بطنها منعها من الخروج و هي اتخذته عذر تقنع نفسها فيه و الحقيقه انها مالها وجه تقابل يوسف بعد اخر حوار بينهم..شلون تواجهه بعد اخر كلمه قالتها له...
:انتي لسى تحبينه صح؟
: اكيــد ولا يمكن احب احد بعـده..
خوله غمضت عيونها و نزلت دمعه خفيفه منها: مستحيل اواجهه بعد اللي قلته، هو حتى وان كان ما يحبني وانا ما احبه!!! هو رجال و اي رجال يعتبر زوجته وان كان ما يشعر اتجاهها باي شيء جزء من ممتلكاته! و تصرفي
طعنته في رجولته خصوصا ان عرف ان............
خوله انقطعت افكارها لما سمعت طرق الباب مستحيل يكون احد غير شخص واحد شخص رافضه تقابله في الوقت الحالي و في اي وقت قريب ، غمضت عيونها وتظاهرت بالنوم، يوسف دخل بعد كم طرقه، عيونه تاملتها وهي متمدده على سريرها و مغطيه اغلب جسمها باللحاف ثقيل، يوسف قرب من جهتها و تامل وجهها النايم او بالاحرى المتظاهر بالنوم....طلع نفس عميق وتكلم: متى ما حستي بانك تبين تطلعين اطلعي ... الفطور جاهز!! و ما اعتقد في سبب في الدنيا يجبرك تحبسين نفسك حتى لو كان انا...
قال يوسف الكلمات في وجهها المتظاهر بالنوم و طلع بسرعه خوله بعد ما سمعت الباب يتسكر فتحت عيونها و بدت تتامل الباب: كان عارف اني اتظاهر بالنوم...
خوله ظلت تتامل الباب لفتره وبعدها استسلمت للامر الواقع وقررت تطلع بما انه عارف من البدايه انها ماهي نايمه بدلت ملابسها و لبست بنطلون اسود واسع و قميص واسع ابيض باكمام ثلاث ارباع، مشت لبره الغرفه و شافته عند طاوله الطعام يصفف البيض المسلوق في طبق مع بعض الخضار بطريقه انيقه: صباح الخير..
يوسف من غير ما يطالعها: صباح الخير..
خوله تاملت الاكل بتفحص كان عبارة عن بيض مسلوق مع خضار، كوبين حليب وجبن وزيتون يوسف لاحظ تاملها و قرر يقطع الصمت: ادري انه ماهو من مستواك بس هذا اللي عرفت احضره..
خوله فاجأها كلام يوسف ماهي عادته يوضح لها اي شيء من تصرفاتها و يجابوها على تساؤلاتها و الحين من غير لا تسال جاوبها ما عرفت ايش تقول واكتفت: انعم الله عليك و كثر الله خيرك ما قصرت..
يوسف ابتسم بتكبر و بدأ يأكل: يا هلا..
اكل يوسف وخوله بهدوء تام و صمت كبير بين الاثنين لحد ما قرر يوسف ينهيه و يشبع الفضول اللي كان داخله من يومين: ممكن اعرف سبب حسبك لنفسك؟
خوله حست بتجمد أطرافها ما توقعته يـسال هذا السؤال خصوصا في هذا الوقت بلعت ريقها وهي عارفه ان الجوابين محرجين لكن : بطني يعورني وتعبانه..
خوله كان عندها انها تقول ان بطنها يعورها اهون من انها تقول له انها مالها وجه تشوفه بعد ما قالت انها لسى تحب زوجها السابق.: سلامات..
خوله نزلت راسهاا للصحن و حمدت ربها انه صدقها: الله يسلمك..
يوسف اكل شوي و بعدها رجع نظره له: الوالد كان بيرسل لي بعض الملفات اصححها و اردها له و بما انه ما ارسلها راح اكون فاضي اليـــوم..
خوله كانت مستغربه ليش يقول لها هذا الشيء وهو في العادة قليل ما يكلمها: وايش ناوي تسوي..
يـوسف بنظرها كلها برود: ممكن تكلميني عن فيصل!!
خوله طاحت شوكتها من يدها و هي تشوف عيونه الجاده وهي تراقبها و تنتظر جوابها باصرار ، خوله قامت من مكانها بس يوسف اللي كان متوقع هذا التصرف مسكها: لما اكلمك لا تتركيني من غير جواب!!!!!!11
خوله حركت عيونها لجهته بخوفه كانت هذي المره الثاني اللي يشوف هذي النظره منها وهي شفايفها اللي تتحرك بخوف مافي كلام يطلع منها ظلوا بهذا الشكل لدقيقه كانت مثل السنه لحد ما ترك يوسف يدها و ركضت لغرفتها...وتسكر الباب من وراها...يوسف ظل في مكانه متحسف ونادم على كلامه ماهو قادر يتحمل هذا المخلوق اللي اسمه فيصل لازم يعرف اي نوع من البشر كان.. لدرجه يترك وحده مثل خوله تحبه لدرجه ترمي حياتها و متقبلها كله حزن عليه....
رن رن رن رن
موبايل يوسف رن مشى لجهته و هو متوقع ان يكون ابوه تفاجأ لما شاف ان رقم بو يوسف زوج العنود..
يـوسف: الو؟
بو يـوسف: يوسف شلونك؟
يوسف حس ان صوت نسيبه فيه شيء غلط: الحمد لله بخيــر طمني عنكم اخباركم
بو يـوسف تنهد وتكلم بوضوح: يوسف ابيك تسمعني زين و تذكر ان الله مثل ما يعطي ياخذ وان......
يوسف قاطعه بانفجار: العنود فيهاااااااااا شيء؟؟؟؟؟؟؟؟؟؟؟؟؟؟؟؟؟؟ تكلم يااا فااارس..
بو يوسف بنبره تخفيفيه ليوسف: ماهي العنود يا يوسف..... اخوك فهد عطاك عمره!!!
يوسف توسعت عيونه و هو حاس انه دخل عالم ثاني : فــــــهد!!!!
بويوسـف: مات مقتول البارح...........
يوسف وهو يحس بصوته يتقطع: مقتول؟؟ من اللي قتله؟؟
بو يوسف: التحقيق مازال جاري البيت مضطرب و ابوك ماهو طيب... لازم ترجع في اقرب وقت ممكن...
يوسف : ان شاء الله بدور على اول رحله عوده..
بويوسف : راح نكون في انتظارك...
يوسف سكر الموبايل و رمى نفسه على الكنبه ورمى موبايله بعيد وغطى وجهه بيده.: يوسف؟
خوله طلعت من غرفتها على صوته و مظهره كان كافي انه يبين لها ان الشيء اللي صاير له ماهو سـهل: ايش فيك؟؟
يوسف صوته كان متقطع وحاس انه بالكاد يتكلم: اخوي فهـد مات.....
خوله توسعا عيونها و حست برجفة فهد كان مكلمه من يومين اخر شخص كلمه من اهله وضع يوسف الحالي ذكرها بحالها لما بلغوها بموت فيــصل مشت خوله لجهة يوسف و حطت يدها على كتفه وسحبت راسه لحضنها: الله يرحمه في جنات النعيم ان شاء الله...
يوسف ما تكلم وظل ممده راسه في حضنها للمره الاولى في حياته احد يخفف عنه الشعور اللي كان فيه نساه السبب الرئيسي لحزنه..
يـوسف حجـز تذكره سـفر على اول طياره للرياض له و خوله حواره معاها كان مختصر و قليل من سمع الخبر وصـلوا البيت ظـهر اليـوم الثاني طبعا يوسف نزل على طول لمجلس الرجال و ترك خوله عند باب الحريم: وين اروح؟
يوسف تجاهلها و دخل مجلس الرجال اللي كانوا الناس داخلين وطالعين منه..خوله ماعرفت ايش تسوي دخلت ونزلت لثمتها عن وجهها وتفاجأت بحريم كثير موجودين في العزاء شافت ام فـهد جالسه في المنتصف وكثير من الحريم حولها، قامت وحده و مشت لجهتها: خوله؟؟؟
خوله بعد ما قربت منها الحرمه عرفت من هي: هلا وفاء.
وفاء و هي تسلم عليها: الحمد لله على السلامه..
خوله مشت مع وفاء لداخل: الله يسلمك.... انتي من متى هنا..؟؟
وفاء وهي تمشيها للجود اللي كانت غارقه في بكاءها و شكلها ابدا ما كان الجود اللي تعرفها خوله: وصلني بدر امس مع الجود ...
خوله بعد ما وقفت جنبها: عظم الله اجرك يا الجود..
الجود اكتفت بنظره حزن باكيه كرد على خوله، مشت بعدها مع وفاء لخوات الجود وامها وبعدها جلست جنب وفاء بشكل شبه جانبي عنهم : وين امي؟
وفاء : راح تجي مع خالد بعد ما ينتهي التحقيق..
خوله فاجها كلامها: اي تحقيق؟؟
وفاء: يوسف ما قالك ان اخوه مات مقتول؟؟ وان المشتبه الاول في الجريمه جميله سكرتيره خالتي؟؟؟
خوله انصدمت : ايش؟؟؟؟
في جده في مشغل ام بدر :
كانت ام بدر جالسه في مكتبها ومعها خالد و محقق ثاني يوجه لها بعض الاسئله: اللي عرفته منك ان اخر مره شفتي المشتبه فيها كانت في اليوم اللي سبق يوم الجريمه..
ام بدر بهدوء متغلله بعض الحزن: هذا صحيح كانت شاردت الذهن في ذاك اليوم وطلعت فيه بدري لانها حست انها تعبانه ..
المحقق: اللي عرفته من مسئوله الطرود ان المتهمة استلمت طرد من شخص مجهول في ذاك اليوم..
ام بدر : ما كان طرد كثر ما كان مجموعه من الصور انهارت بعد ما شافتها ..
المحقق بتركيز على كلامها: وشلون عرفتي انها صور؟
ام بدر: انا كاشفت الصور بس لمحتها لما انهارت و صارت تبكي الشيء اللي دفعني لاعطاءها راحه في ذاك اليوم..
المحقق : بس انا عرفت من اكثر من موظف انك انتي وجميله ما حضرتوا في يوم الجريمة!!
ام بدر ابتسمت وهي مغمضه عيونها و عارفه قصد الموظف وهو التستر على جميله: و ما قالك هذا الموظف اني ما احضر للمشغل بشكل يومي.. وان مشاغلي كثير..
خالد كان يتـأمل المحقق اللي اسالته طلعت عن المحور الاساسي: وايش هي مشاغلك في ذاك اليوم..
ام بدر: كانت عندي حفله عرس في ذاك اليوم... وكنت في الكوافير طول اليوم مع زوجة ولدي...
المحقق بدأ يتلفت حوله في الغرفه وبعدها سـالها: اللي عرفته من خلال ترتيب مكتبك و اجوبتك انك انسانه منظمه سيده منيره..
ام بدر: اطراء افتخر فيه..
المحقق و هو يأشر بيده على خزانة الكتب: بس وحده مثلك ما اعتقد تترك خزانه سريه مثل هذي مكشوفه...
ام بدر تفاجأت وحركه عيونها لخزانة الكتب اللي كانت مايله ، قام المحقق و قرب منها و دفعها و شاف خزنة ام بدر..
ام بدر توترت : يظهر اني نسيتها..
المحقق شافها و لاحظ ان جزء من ورقه كان واضح من تحتها: واضح انك مانتي اخر وحده فتحتيها!!
ام بدر: انا اخر وحده...
المحقق: ممكن تفتحينها!!
ام بدر: ممكن افهم ايش علاقة هذا بالموضوع؟
المحقق: له علاقه مهمه..
قربت ام بدر من احد الادراج و كانها بتطلع شيء بس تفاجأت و ظلت تبحث عنه في مكان ثاني لحد ما طلعت مفتاح..
ومشت تفتح الخزنه مع الرقم السري
المحقق انتبه على حركتها وهو يقول في نفسه : معقوله ناسيه مكان المفتاح او انك تتسترين على شيء يا ام بدر...
ام بدر فتحت الخزنه و سمحت له يشوفها، كان اغلبه ملفات : ايش هذي الملفات..
ام بدر: حسابات المشغل و بعض التصاميم المستقبلية اللي ناوين ننفذها..
المحقق: بمعنى ان سكرتيرتك الخاصه تفتح هذي الخزنه..
ام بدر من غير نفس : اي نعم تفتحها بس في وجودي انا معها..
المحقق انتبه على علبه المخملية في الخزنه و سحبها: وايش هذي؟
ام بدر : مجموعه احجار كريمه نزين فيها بعض التصاميم..
المحقق ابتسم و فتح العلبه و اشر لها عليها: فاضيه..
ام بدر انصدمت: ايش؟؟؟؟؟؟؟؟؟؟؟؟؟
المحقق: مستحيل تكونين اخر من فتحها يا سيده منيرة..
خالد: يمـه ايش معنى هذا الشيء...
المحقق : واضح يا سيد خالد ان المشتبه فيها كانت هنا يوم الجريمة و في ساعة عارفه ان ما راح يكون احد موجود فيها و بما انها سكرتيره السيدة منيرة فيه عارفه اليوم اللي تجي فيه واليوم اللي تكون فيه مشغولة استغلت غياب الكل و سرقة الاحجار الكريمه و بعض الملفات ( وهو يـاشر على ملف كان خالي من الاوراق) و بعدها توجهت للضحية و قتلته و اختفت..
ام بدر انتبهت على اخر كلمه: اختفت؟
المحقق: لحد الحين ما لقينا اي اثر لها مع اسرتها و اذا استمر الوضع على هذا الحال راح تتسجل القضيه ضد مجهول خصوصا انا ما نملك دليل قاطع ضدها...
خالد: والمعنى؟؟؟
المحقق: تقدر تسافر يا محقق خالد مع الوالده و ترجعون في اسرع وقت ممكن تحسبا للظروف...
خالد هز راسه وهو يتامل وجه ام الشارد و اللي كان يسال نفسه الف سؤال و سؤال..
في الرياض وتحديدا في عزاء الرجال في بيت بو فـهد..
كان الرجال يدخلون و يطلعون بو فهد كان جالس شبه منهار على جنبه الايمن بو بدر و بدر و على جانبه الايسر يـوسف اللي كان التعب واضح عليه يومين ما نام الاول كان يشتغل و يفكر بموضوع خوله و فيصل الثاني في المطار يبحث عن تذكره سفر و سافر و رجع واقف على طوله في العزاء... ويسمع تعليقات كريهه..
................: من هذا اللي جنب بو فهد..
.................: اعتقد انه ولده يـوسف..
....................: يوسف؟اول مره اعرف ان بوفـهد عنده ولد غيـر فـهد..
.................: انا اعرف ان عنده ولد دايما يسافر وما يقعد عندهم اسمه يوسف ومن جلوسه قربه متأكد انه هو..
...............: يسافر طول الوقت؟... فعلا عيال هالوقت ما منهم فايده..
................: اي وسمعت بعد انه تارك الشغل كله على ابوه ... استغفر الله يربونهم صغار و لما يكبرون يتركونهم علشان الوناسه..
................: الله يعين بـو فـهد على ما ابتلاه
...................: اي والله راح الطيب الزين وبقى التافه الفاشل
يوسف كان الوضع الكريهه اللي كان فيه يزيد ضغوطه النفسيه و الجسديه اكثر و اكثـر... اغلب الناس ما تعرف ان بو فـهد عنده ولد اسمه يوسف..
لان بوفـهد كان يتفاخر و يمدح بس في ولده فـهد... و حتى لما تكون في مناسبات و افراح و عزومات كان ياخذ فـهد بس .. ويترك يوسف للشغل مع الموظفين الشيء اللي نسب كل نجاحات بو فـهد لفـهد ولده يوسف صار الولد الغير معروف
يوسف قام من مكانه و مشى لبره: يوووووووسف لوين رااااااايح...
يوسف التفتت لابوه و ابتسم بحزن: تعبان و بريح...
بو فهد انفجر عليه كالعاده خصوصا ان موت فهد كان كافي يصنع منه وحش يبث سم بدل الكلام: دااااااااايما متحجج بالتعب و الارهاق... و تتركني لما احتاجك اي ولد انت...
يوسف المصدوم من طريقه كلام ابوه له و هو بين الناس حرك عيونه على الموجودين اللي زادت تعليقاتهم الوقحه عليه و نظرات خوال فـهد الكريهه حس في الدنيا تدور فيه و استسلم للارهاق..
طاااااااااااااااااااااااااااااااااااخ
.....................................:يوووووووووووووووووووووووووووووسف-
ابا عز الدموع الي غشت خدي عقب فرقاك
واداوي نزف جرح سال دمه من شراييني
واعز النفس عن حبك مدام اني عجزت القاك
تعبت من الصبر واتعبت من كثر السهر عيني
تعبت استعطفك وارجيك وامشي في سبيل ارضاك
وتلعب بي على كيفك تبعدني وتدنيني
تحملتك وانا صابر وادور لك عذر لخطاك
ولكن ما نفع صبري معك واليوم يكفيني
خلاص اليوم قررت انسحب من دنيتك واسلاك
ابا ارحل منك فد لو صاح في صوتك يناديني
ابا ارحل للبعيد الي ينسيني اسى ذكراك
وابترك كل شي منك لا شفته يبكيني
ابختفي عنك وين ارحل ولا تسأل علي انهاك
اذا قادك فضولك يوم انسى انك تلاقيني
بعوض ما مضى لي من سنين عشتها وياك
كفى ما ضاع من شانك من احلى واجمل سنيني
ابا اركب مركبي وابحر وادور لي بدل مرفاك
شواطيك الكئيبه حطمت كل الامل فيني
بكن الهم في صدري واسافر للبعيد هناك
عسى الايام والغربى من جروحك تداويني
صحيح بغربتي بتعب ولكن في سبيل انساك
بعزي بالصبر نفسي ولو محدن يعزيني
نعم ملييت نكران الجميل وطبعك ومبداك
وقلت البعد منك ارحم مدامك ترفض اتجيني
يــتبع:
انا فعلاا اسـفه على الموقف اللي صار..
يا ربي لا يكون منزلته في موضوع ثاااني
خصوصا اني كنت نعسانه ..
المهم انتظر توقعات طوووويله اوكي...
عارفين قصــدي..
1- يـوسف ايش اللي صار له في اخر البارت و ايش راح يصير له بعد موت فـهد.
2-هل راح تتغير معامله خوات فهد ليوسف و خوله بعد اللي صار؟
3- ام فـهد شلون بتكون حياتها؟
4- شلون بتكون الجود بعد موت اخوها؟ و معاملتها لخالد وفاء؟
5- ام بدر شلون بتعامل الجود بعد اللي صار؟
6- فاتن و مصيرها في البيت بعد موت زوجها؟
7- خوله هل راح تظل متمسكه بقرار الانفصال؟
8- جميله هل فعلا قتلت فهد واختفت بعد ما سرقت مجوهرات ام بدر؟
اليوم هو أحلى أيـام حياتـي في هاليوم انولد حبي وغلاتـي
اليوم أعيش أحلـى ذكرياتـي وبستقبـل التبريكات والتهانـي
مثل هاليوم انولد حبي الوحيـد ومن ذاك اليوم والحب يزيــد
بعدهـا انكتب لي عمر جديـد و زان عمري و صار شي ثانـي
اليوم بنثر كل أنـواع الـورود اليوم شوقـي أبد ماله حـدود
الذكـرى بقلبي اليـوم تعـود و تنعاد أحلى و أغلى الأمانـي
الكل
الكل عنـدي اليـوم موعـود الوناسه هنـا والفرح موجـود
بوزن الأوتـار وبعزف العـود أنا اليوم بغني أحلى الأغانـي
اليوم الكـل بيشعل الشمـوع ومافي مكان للحزن و الدمـوع
اليوم الفـرح والضحك مجموع الكل جاني ومن ورده أهدانـي
البـارت العـاشـر....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك