رواية من أعماق أحضان مجنونة -10
هو بروحه ظل مكانه ويلعن بنفسه ذيك اللحظات..
حتى مريم اللي كان جاي لها سلم عليها سلام عابر وسئلها عن احوالها ومشى...
ماقدر يوقف حس بالعجز والخوف؟؟
معقولة هي هنا؟؟طول ها الوقت هنا؟؟؟
لامستحيل لو كانت هنا كان عرفت من بداية ارتباطنا؟؟؟
بس شلون توها تدري!!
وليه ها الحظ الاقشر عاد؟؟؟
بشاير...من بين كل العالم تطلع بشاير قريبة مريم؟؟وش ها المصيبة ياربي.؟؟
ليش ماكانت أي وحدة عابرة مرت بحياتي وانتهت؟؟؟
ليش البنت اللي كنيت لها مشاعر خاصة بقلبي رغم كل علاقاتي الثانية هي اللي تطلع قريبة خطيبتي!!!
شتسوي بس شتسوي يامشاري؟؟؟
والله ان الدنيا صارت سودة بعيوني ومو قادر افكر بشي....
رفع جواله واتصل في مريم وبعد السؤال المكرر عن اخبارها قال لها...
مشاري قلتيلي من من قرايبكم جايكم البيت؟
مريم بيت خالي...
مشاري كيف يعني بيقعدون زيارة ولا؟
مريم انت وش ذكرك فيهم؟
مشاري بلعثمة ها...لا بس زينة قالت لي انها جلست مع احد غير اختك وقلت خل اسئلك؟
مريم أي....يمكن تقصد نسايم بنت خالي لان بشاير ماكانت موجودة؟
مشاري وهو يداري صدمته ثنتين يعني بس نسايم وبشاير؟
مريم أي بنتين وولدين بس....
مشاري اممم
مريم لا بيقعدون لهم نصيب في البيت ووصية جدي كانت انهم يرجعون البيت من جديد
مشاري وقلبه بيوقع على رجلينه يعني لمى اجي بيتكم بيكونون موجودين؟
مريم بلا مبالاة هم لهم قسمهم الخاص واحنا لنا فلتنا المستقلة بس نزور بعض طول اليوم بس لاتخاف اذا جيت عندنا مجالس بروحنا..
مشاري وهو يداري أي...لاني قلت يمكن فيها احراج اني ازورك انا اليوم كنت بقعد بس جاني اتصال باخر لحظات من الشباب وماعرفت بس قلت بما اني وصلت خل اسلم عليك...المهم مريم انا بقفل اللحين وبرجع اكلمك؟
قفل بدون مايعطيها أي مجال تقول شي لو حبت وتنهد...
وهاذي بشاير شي واقع يامشاري وكل يوم بتشوف مريم وبتحكي معها؟؟اه بس اه....انا لازم اشوفها لازم تفهم انها هي اللي تركتني واني من قلبي حبيتها وماكنت اتلاعب فيها ابدا !!!
كانوا قاعدين سوالف وضحك ووناسة وفجاْة طاح غسان على الارض بدون مقدمات وصرخت دارين صرخة قوية بكل مافيها..
ركضت ناحيته من الخوف وقامت تهزه...
دارين بانفعال غسان شفيك اسم الله عليك؟
غسان بالم مدري والله مدري....حاس ان فيني شي تاعبني مو قادر....روحي نادي ابوي...
طلعت تركض تبي تشوف اذا ابوها موجود ولالا ومالبست حتى عبايتها جت بتدخل الفيلا الثانية الا وهي صادمة بواحد كان مبين انه طالع من قسم بيت ابوها الثاني(قسم ام وليد)
مطلق وهو يناظرها عمية؟؟؟
دارين وهي تبكي مسكت يده وسحبته تعال...تعال بسرعة الله يخليك غسان مدري شفيه؟
عيونه كانت رايحة تتاْملها بس بكيها وسحبتها له خلوه يمشي وراها بسرعة يشوف غسان...
دخل وراها وكان غسان بعده على وضعه..
مطلق شفيه؟
دارين وهي تبكي مدري...فجاءة طاح علي!!!
تقرب منه مطلق وقال وهو يشوف ملامح وجه غسان تتاْلم
مطلق وش اللي حاس فيه؟
غسان بتعب وهو يعصر روحه عصر مدري بس احس اني مو قادر....
وقف مطلق وقال بقرب السيارة وبجي..وانتي لبسي عبايتك؟.
قالها وطلع ودارين راحت تركض تجيب عبايتها وجوالها علشان تدق على ابوها...
زينة اقول بابي..
ابو مشاري ترك الملف اللي بيده وقال هلا يبى زيونة؟
زينة كنت بسئلك عن عيال ابو احمد..
ابو مشاري شفيهم؟؟؟
زينة هم كم واحد؟
ابو مشاري الله يحفظهم عنده اربع بنات وثلاثة شباب...
زينة ومنهم اخوان مريم اللي من نفس الام ..عيال ام وليد؟
ابو مشاري وليد واروى بس...
زينة بعد تفكير يعني احمد وغسان من المرحومة..
ابو مشاري أي من المرحومة....لكن ياهم عيال...يرفعون الراس صدق هي تربية وادب واخلاق وعلم ماشاءالله...ليت وليد طلع ربعهم الا متعب ابوه معه باستهتاره...
زينة باعجاب أي مبين عليهم غسان واحمد غير وانهم رزة صدق اصلا حتى ماتنرفع عيونهم لامريت من جنبهم....
ابو مشاري لالالا بصراحة خوش عيال....
زينة ومافكروا يشتغلون مع عمي بو احمد بالشركة..
ابو مشاري والله يابنتي هو وده بالاثنين...بس احمد دوامه بالصيدلية ماخذ كل وقته بس وعد ابوه انه يجيه كل يومين في كل اسبوع ويتعلم منه وغسان على خفيف يتعلم...
زينة احمد يشتغل بصيدلية خاصة يبى؟
ابو مشاري لا يبى يشتغل تابع صيدلية مستشفى الملك فهد؟
زينة وغسان وين يدرس؟
ابو مشاري يدرس بجامعة الحقوق بالكويت....
زينة امممم طب وليد ليه ماصار مثلهم؟
ابو مشاري لانه مايبي يصير؟
زينة احمد متزوج صح يبى؟
ابو مشاري أي...
زينة وغسان مافكر يرتبط؟
ابو مشاري قال له ابوه تزوج وخذ مرتك معك بس هو مارضى قال بعد مااتوظف واكون حالي بتزوج؟
بعد ماطلعت من غرفة مريم ونزلت تحت علشان تطلع قسمهم التقت مع وليد اللي مبين توه داخل وماكو غيره بالمكان...
وليد وهو يتفحصها من فوقها لتحتها لانها كانت سرحانة ووجهها مفتوح وعبايتها مو مسكرة عدل هلا وغلا...
مابعد انتبهت لكلامه وهو اخذها فرصة وتقرب منها اكثر وقال باذنها قلنا هلا وغلا..
رفعت راسها تناظره وقال ببتسامة يعني ماتسمعين الا من ها القرب يابنت الخال؟
بشاير بحدة نعم؟؟؟
وليد برواق هذا اللي واضح؟
بشاير بانزعاج ابعد بس ابعد...مو ناقصتك الا انت بها الوقت؟
وليد ليه عسى ماشر يالغالي...
بشاير بحدة احترم نفسك احسن لك..
وليد وهو يتقرب منها وانا شقلت عاد؟
بشاير رفعت شنطتها ودفته فيها وقالت بقوة انا بروحي شياطيني قدامي فلا تغلط معي علشان مااغلط عليك فاهمني!!!قليل الادب...هذا وانا بنص بيتكم يحقير؟
وليد بحدة انتي لايكون مصدقة حالك؟يبى شفناك تكسرين الخاطر قلنا نسليك ولو انك ماتستاهلين يا......بنت الخال؟
مابغى ينتهي دوام هالة الا من عمر جراح...
الغريب رغم جلسته الطويلة والمملة الا انه يحس بلذة غريبة وهو ينتظرها تطلع ليه ماهو عارف السبب؟
بس شافها جاية تمشي علشان تطلع غطى وجهه بالجريدة لاتعرفه..وبس عبرت البوابة قام وراها.....
ركب سيارته وتبع سيارتها....
ماهي رايحة البيت ياجراح...شوف الطريق غير؟؟
وين بتروح وليه؟؟؟شفيها؟صاير شي معها ومع علي؟؟؟
انتظرها لين تنزل بالعمارة اللي وقفت سيارتها عندها...ونزل يسال البواب....
جراح عندك احد هنا ساكن باسم علي عبدالرحمن؟
البواب لا والله..
اجل لمنو جاية هالة ياجراح...معقول بتكون جاية ل.....
جراح بسرعة طب احمد فلاح ال...
البواب أي موجود...
جراح باي دور ساكن؟
البواب الثالث....حاب ادق لااهله لو تبي منه شي؟
جراح بارتباك لا والله انا كنت ابيه هو شخصيا بس ماوصل بعده من دوامه خلاص بمره العصر....شكرا يعطيك العافية..
في المستشفى....
مطلق خلاص كاهم بيطلعونه اللحين يقولون تلوق مدري تسمم في الاكل؟
كانت تكلم بجوالها ونص معه ونص لا..
دارين أي يبى خلاص قربنا مدري هذا يامطلق ياجراح؟قالتها وهي تناظر فيه وكاْنها تستفسر..
قال بثبات مطلق..
دارين أي يبى مطلق....خذ كلمه...
مدت له بالجوال وهو عينه ما انشالت من عليها.....
واخذه وكلم ابو احمد فيه...
مطلق هلا بو احمد....الله يقويك ..لالاعادي ماعندي شي...لا مايحتاج كاهم بيطلعونه بس يقولون تسمم..اي يالله الله يسلمك...لالاعادي...مافيها كلافة...
مد لها بالجوال واخذته منه..
دارين شكنت تقول مااسمعك...
تسند على الحاجز وه يناظرها او يتفحصها بمعنى اخر وقال يقولون تسمم وبيطلعونه اللحين...
دارين باعتذار انا اسفة.....لقيتك بوجهي وماعرفت اتصرف....وقلت لو اروح لوليد اكيد مابيشيلني من ارضي...معليش انا فعلا اسفة ..انا ادري ان احنا مان
قاطعها مطلق بحدة في مواقف يابنت العراقية يطلعون فيها الرجال وينسون كل شي...سمعتيني كل شي لان الحياة والموت تحتها كم خط احمر ؟
دارين وهي عيونها بالارض معك حق الرجال تطلع بالمواقف ويوم
قاطعهم تلفونه اللي دق وسكتت هي..
طلعه من جيبه بملل وعطى المتصل بيزي ورجع يناظرها...
فجاْة رفعت راسها وناظرته بذهول.....
معقول....هو نفسه؟؟؟
بانت الصدمة بعيونها وقال بشماتة ها...توك تكتشفي اني رجال ياحلوة يابنت العراقية؟
دارين باحراج وهي تشيل عيونها عنه لا...
مطلق وهو يستدرجها اجل....وش له تناظريني كذا؟؟
دارين يمكن مشبهة اني شايفتك بمكان؟
مطلق بشماتة اكيد شايفتني بالبيت يعني وين؟
دارين في نفسها معقولة بالبيت؟؟؟لا انا حتى يوم الخميس مالاحظت وجوده؟؟؟بس اللي انا متاْكدة منه انه هو نفسه اللي كان بالكورنيش؟؟
مطلق بشماتة انتي وش ماْكلته بالضبط؟
ريم بتاكلين اللحين ولا بتنتظرين احمد ترى ماباقي شي ويرجع؟
هالة ناظرت بريم وقالت بعد تاْمل ريم ماله داعي تمثلين علي انك راعية لبيت وانك قايمة بضيافتي!!
ريم بقهر بس انا فعلا راعية البيت ولاانتي شايفة غير كذا!!
هالة بلامبالاة يمكن تكونين بس الاكيد ان هالة اذا دخلت مكان صار لها وصارت تنهي وتاْمر فيه؟
ريم بحدة ماتتناسب مع شخصيتها الا بيتي ياهالة انا راعيته وبظل راعيته...
هالة بتنهيدة ساخرة زين اللي قلتيلي...ترى احمد بيتصل فيك الحين وبيقولك اذا تبين تاكلين اكلي لانه بيمرني وبنروح البيت غسان تعبان...
سكتت ريما وبان الضيق عليها لين دق احمد على جوالها بعد ثواني اخذته ودخلت غرفتها بعد ماشافت ابتسامة الشماتة بوجه هالة....
في غرفتها..
ريما هلا.....
احمد هلا حياتي..
ريما لاتقولي مطول..
احمد لايبى انا قريب من البيت...بس وينك ماحركب باخذ هالة وبنمشي بتجين معنا؟
ريما بضيق وين؟
احمد بجدية غسان تعب وودوه المستشفى وبنروح نشوفه
ريما متى صار ها الحكي؟
احمد توها هالة داقة لي تخبرني تقول مااتصلت فيها دارين غير قبل شوي....
ريما بضيق لا ماحجي بس سلم عليه....
احمد الله يسلمك...عفية قولي لهالة تنزل انا وصلت مو متصل فيها..
ريما بهدوء طيب....
في بيت ابو احمد....
بالصالة كانوا غسان وابو احمد وهالة واحمد ودارين جالسين ويسولفون...
احمد طب من شنو جاك التسمم؟
غسان والله مدري...
هالة بصوت عالي اكيد من اكل برى...
غسان أي بس انا مااذكر اني اكلت شي من برى...
هالة راجع ذاكرتك اكيد انك ماكل ومو ذاكر..
ابو احمد دارين وين الشاي الاخضر؟
دارين لازم يعني؟
ابو احمد لاوالله...
دارين بضحكة خلاص بقوم اسويه...انا بروحي للحين خايفة من شكل غسان وهو طايح...
ابو احمد زين اللي كان مطلق موجود....
غسان أي ماقصر صراحة انا مستحي منه؟
هالة عشتوا!!وليه مستحي ان شاءالله؟
ابو احمد ياليت اللي في بالي يجي يقعد معنا ...البيت فاضي بس الله يهداه مايسمع الكلام؟
احمد بارتياح يبى انا مرتاح بوضعي...
ابو احمد كذا اريح لك ياولدي..
هالة واوفر لك بعد بدل الايجار....
احمد باقتناع لالا انا مرتاح....
ابو احمد يكلم هالة ماكو فايدة مربيته مرته!!
احمد بحب مربيتني مرتي مربيتني مرتي...والله علومي مشرفتني..
هالة تكلم ابوها شوف حتى بغيابها يحسب لها الف حساب!!
احمد طبعا هاذي العزيزة الغالية؟
ابو احمد باحتقار واحنا شنطلع يااحمد؟
احمد بطيبة افا يااغلى الناس...انتوا قدركم غير....
دق جوال هالة وشالته وطلعت من باب الصالة علشان تكلم برى بعد مااستاْذنت...
ظلت تمشي وهي تكلم حوالين قسم ابوها ومبين تكلم الجوهرة وهي تسولف لها عن اللي صار لغسان وريما وسكرت وجت بترجع الا جراح واقف بوجهها ومكتف يدينه وكاْنه ينتظرها...
جراح بشماتة وعيونه كلها حب وانا اقول ليه البيت اليوم مظلم...اتاريك هنا واحنا ماندري؟؟؟
هالة بحدة أي وبعد...غير اني ظلمت البيت وش سويت بوجودي اليوم؟
ظلمتي حياتي مو بس البيت؟؟؟كانت تدور بعقله بس ماقدر ينطقها...
هالة بحدة خفيفة اسمعك يالله قول؟
قالتها وكتفت يدينها مثله..
جراح والله يابنت العراقية..
هالة بقوة لاتقولي بنت العراقية لو سمحت!!!لي اسم على مااعتقد!!
جراح صدقّ!!! وش اسمك...؟مااعرفه؟
هالة مو رادة عليك...تدري ليه؟؟لسبب بسيط انك ماتستاهل احط لساني بلسانك يا....فاضي؟
يوم مرت من جنبه كان هادى جدا وبس تقربوا من بعض لفها بقوة ناحيته وسط نظراتها الحارة وقال منو الفاضي ياهالة؟
هالة بقوة اللي بس يتسكع وماعنده شغل ومشغلة؟؟باختصار انت!!!
جراح انا ماعندي شغل ومشغلة؟؟؟طب ابوك عارف انك عند احمد ياهالة؟
ناظرت فيه بهدوء يحرق القلب وقالت وانت شيخصك بالله!!
جراح بهدوء يعني ماهو عارف؟
ضحكت بقوة وقالت ليه لمى الوحدة تزور اخوها لازم ابوها يدري!!
جراح بمسخرة لاطبعا بس لمى تترك زوجها وتنام عند اخوها لازم يدري؟صح ولاانا غلطان!!!
ارتخت نظراتها عليه...هذا شعرفه اني نايمة عند احمد...
جراح وهو يتقرب منها اكثر شفتي اني مو فاضي ياهالة وهذا انا ادور وراك واجمع اخبارك؟بذمتك ماهو شغل ؟
....
اشوفكم بكرة على خير
هلا وغلا فيكم حبايبي
منوريني طبعا وكعادتكم دائما,,
البارت الثالث عشر,,,,
ناظرت فيه بحدة وقالت لاوالله؟
جراح بتميلح أي والله؟
هالة باحتقار تعرف انك بايخ؟
جراح وبعد!!!
هالة تافه؟؟؟
جراح امممم وشو كمان؟
هالة بحدة وسخيف وقليل ادب بعد...
جراح خلاص ولا في شي بعد؟
لفت عنه بتمشي بدون ماترد عليه وجرها بالقوة من يدها وصرخت بوجهه..
هالة شيل يدك عني عمى بعينك!!
جراح اللحين انا بايخ وتافه وسخيف وتبين تمشين...منو قال اني بتركك تمشين بدون ماتسمعين شي عن نفسك يابنت العراقية؟
هالة شيل يدك عني!!
جراح غبية...وفاشلة...وماتنبلعين من ثقل دمك...والجمال بجهة وانتي بجهة ثانية...وشوفتك تجيب المرض والعلة...
هالة اممم وشنو بعد!!
جراح ماابي اطلع كل عيوبك بيوم واحد تموتين من الصدمة بعدين خلهم بالتدريج!!!
قالها وشال يده عنها لانها كانت تناظره بنظرات حارة ونارية..
وبس شال يده مشت عنه وماكاْنها تشوفه وعيونه تلاحقها وتقول..
حبيبي بساْلك ليه الهوى منك وفيك,,
ليه المشاعر ماتعيش الا بساعة شوفتك
ليه المحبة والوفا وابيات شعري تهتويك
وليه انت وبس اللي اموت ببسمتك
تدري لو مرة اقول اني كرهتك
يرجع علي صوت الصدى...
يقول الله مااكبر كذبتك!!!
....
مريم شفيه غسانوا ياحافظ؟
ام وليد شفيه؟
مريم يقول ابوي انه تعبان؟
وليد اول مرة اشوف احد يتعب من كثر الراحة؟
ام وليد أي يمه وانت الصادق....
وليد يمه هم يسوون كذا علشان ابوي ينتبه عليهم اكثر...
ام وليد بحقد ادري فيهم عيارين على امهم العراقية...
مريم لاوابوي يقولي روحي تعافي له بعد!!
وليد وان شاءالله بس مارحتي!!!
مريم لاطبعا...
وليد اااخ بس يالقهر انا لو بيدي ذبحتهم من اولهم لااخر هم ومابقيت فيهم احد وخصوصا ها الاحمد؟
ام وليد ........
وليد بحقد اكبر وكاءنه ملك نازل من السماء عند ابوي كل ثلاث كلمات وقال لك شوف احمد وصير مثل احمد؟؟؟مدري شفيه زود ها الاحمد....
ام وليد هذا اذا قلت لك روح قابل ابوك والشركة وخل عنك السهر والمصاخة والحركات اللي مامنها فايدة تطيعني وتصدقني!!!شوفه هو اللحين على دوامه بالمستشفى كاهو يروح يتعلم الشغل من ابوك وين ماتبيه يرفع قدره فوق وينزلك بالحضيض؟
مريم انا اكره ماعلي اذا سوى روحه احمد فاهم وقام يتفلسف مثل يوم يخطبني مشاري...ثقلي مو ترمين حالك عليه وبلاش حركات الدلع واتركي نفسك طبيعية ومدري شنو؟خيبة خابته...
ام وليد لو ماهو عاقل مااخذ ها القروية اللي ابوكم مايبيها ومايواطنها...
وليد والله هذا اللي مو قادر افهمه يعني ابوي مو مقتنع فيها وللحين مايكلمها عدل ليه وافق انه يتزوجها؟
ام وليد مو اقولكم عيال العراقية طالعين عليها ماتصدقوني...قول لنفسك يالله...ابوك مايبيها ومايحبها ليه بعد رضى انه ياخذها ماتقولي!!!
الليل في شقة احمد وتحديدا بغرفة ريما واحمد...
رجع احمد متاْخر لان هالة سبقته وخلت السايق يردها لانها مو متعودة تتاْخر اذا عندها دوام اما هو ظل جالس مع ابوه واخوه ومارجع الا بعد الثنتين...
كانت ريما بالفراش والانوار مطفية....
دخل بهدوء وقال وهو يهمس لها وهي عاطيته ظهرها نمتي!!
قالت وهي مغمضة عيونها بهدوء شرايك انام وانت مارديت البيت يااحمد؟
احمد تمدد بتعب طب كاهو احمد رد البيت وين استقباله؟
ريما ظلت مكانها وماتحركت......
لف لها احمد وقال باهتمام اكلتي شي ولاظليتي كذا!!!
ريما الحمدلله....
احمد معليش ياقلبي انا اخذتني السوالف مع ابوي واخواني وماانتبهت على الوقت..
ريما لاعادي اهلك ذولا...
تقرب منها اكثر وقال حبي...شفيك حاسك زعلانة؟
ريما لاحبيبي بس نعست وعيني معاندتني مو قاوية تغمض وانت مارديت؟
احمد وهذا انا رديت يالله نامي!!
ريما كاني بنام....
احمد بهمس انتي زعلانة مني لاني تركتك اليوم بطوله وتوني راد صح؟
ريما لا
احمد بهمس مو صحيح....
ريما لا صدقني مو كذا السالفة هذا انا بنام؟
احمد هالة زعلتك يوم رجعت بكلمة؟
هزت راسها بالنفي...
احمد اجل شفيك؟
ريما بدون نفس وش فيني يعني بنام؟؟؟
احمد أي بس انتي اول مرة تنامين وانا مابعد جيت وسولفت معك؟
لفت له وفتحت عيونها وقالت بنعس يالله سولف انا اسمعك..
احمد بحب ريما....
ريما بتعب احمد والله نعست....
احمد طيب اثبتيلي انك مو زعلانة وتعالي نامي بحضني!!
تقربت منه ريما وحطت راسها بحضنه وقام يلعب بشعرها...
رفعت راسها بعد ثواني وباسته على خده وقالت وهاذي بوسة علشان تصدق اني نعسانة مو زعلانة؟
ضمها لصدره بقوة اكبر وهو يبتسم..,,,
مطلق ظل سهران طول الليل بخيمة جراح ..
كان قاعد بروحه ومافي أي شي قباله,,,
افكاره رايحة ومتشتتة بكل جهة وبكل مكان,,,,
مو عارف وين تروح افكاره ولا عند ميين بالضبط؟
كل شخص محتل جزء من تفكيره....
هالة,,,يمنى,,,بناته...امه وابوه..علاقاته ...طليقته وطلباتها...واليوم دارين؟؟
بس هل معقول انه يقدر يتسلى معها براحته وهي اخت هالة؟؟؟
الانسانة اللي ظلت لها مكانة كبيرة بقلبه بدون مايشوفها ولاحتى يعرف شنو اخبارها...كانت مجرد حلم وبس ...
هل من المعقول يجي اللحين ويتسلى مع اختها؟
مع بنت الشخص اللي متشارك معهم نفس البيت؟؟؟
بس شكلها دارين مو حق ها السوالف ابدا وبيطول معها لو كانت له ها النية؟
اه يامطلق اه...شصاير لحياتك ومخليها كذا تتعبك؟؟؟
ليه منت قادر تستقر مع بناتك ومع بنت تحبها وتنهي كل شي...
يمنى....وهل بتطلقها وتنهي كل الايام الحلوة اللي عشتها معها ولالا...
لان يمنى بالذات بتصير له سالفة لو يدري عنها ابوه انه متزوجها...
وهو ماعنده نية حاليا يطلقها لين يجيه بديل !!!!
هالة....ماشافها الا ذيك الثواني يوم الخميس على السفرة واللي تحجج بتلفونه وقام علشان مايقعد معها وقت اطول....
ماكان يبي يشوفها....يبي يبعد عيونه عنها...مايبي يشوفها ويتذكر ايام الطفولة اللي كانت...
يبي يتناساها خلاص...
اساسا هو مايستاهل يفكر فيها..طول عمره حاطها في باله شخصية مميزة وملكت قلبه وبس!!
لاعمره تعب وعرف اخبارها ولا حتى كان يدور عن أي شي ينتمي لها ...
وجراح احق منه فيها...
كان دايم يشوف صورها عند جراح وتحت مخدته....
دايم يسمعه يسال ويعرف اخبارها من كل مكان...
حتى بتوظيفها بالخبر كان بفضل وواسطة من جراح!!
ذاك يحبها يامطلق مو انت!!!
يكفي حياته كلها متوقفة على اسم هالة وبس!!!
يكفي يمشي ومايشوف جنبه ولابنت من ها العالم تتكلم ولاتتنفس ولااي شي,,,,
تنهد بقوة وظل يفكر ببناته...
كيف ياخذهم معه ويسكنون بنفس البيت؟؟
بيظل محاسب على كل حركة وكل طلعة؟
بيكونون هم على قلبه ومابيقدر يعيش حياته مثل مايبي....
ياليت لو.....استغفر الله....
وطليقته وطلباتها والضغط انه يياخذ بناته ولا انه يظل بس هات وهات وهات وتعجزه...ولا انها ترجع له بحياته من جديد وتربيهم له وها الشي هو مايبيه؟؟؟
ماعمره ارتاح معها ولا شاف السعادة..كل حياتهم كانت نكد ونكد...كل شي بينهم تروح تقول لاابوه وامه...
كل شي تشوفه تعلم فيه وها الشي اللي كرهه فيها..
ماخلت حياتهم ستر وغطى..
همها تاخذ اخباره وتفتن عند اهله...
كرهت نفسها في قلبه وفشلت علاقتهم وهو اللي من اول اصلا ماكان قلبه مايل لها,,,
تنهد بقوة اكبر وتسند وغمض عيونه....
يبي يرتاح من ها الامور كلها...بس شلون؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك