رواية احبك لين تنزلني أيادي الناس في قبري -10
عليا: كنت بتغدا بس ما كان لي خااطر
خولة: خلااص بنروح نتغدا ف جيليز
عليا:حد بيكوون وياانا
خولة: لا لا محد ...بس اترياج
عليا: اقولج انتي مري علييه مب متفييجة اسوق بصرااحة
خولة: خلااص اوكيي
عليا :باي
خولة: باي
رحت صووب الكبـت ..ظهرت لي بدي تركووااز ويا بنطلون جينز ..تلبست ع السريع ورسمت عيووني وحطييت جلووس
نزلت تحت جفتهم متيمعيين
ابوية:وين رايحة علياا
عليا: بظهر ويا خوولة بنتغدا برع
حمدان: انتي كيف تظهرين ..انتي متطلقة الحين وفي العدة
عليا: اووو يعني لازم ايلس في البيت 24 ساعة
ابوية: حمدان لا تتدخل...رووحي عليااا
ظهرت وركبت سياارة خوولة
عليا:هاااي
خولة:هاياات..ليش تاخرتي
عليا:هالوحش حمدان اونه لا تظهرين
خولة:مب على كييفه يقهر
عليا: المهم عندج اغنية بعيد تااركني
خولة:هييه
عليا:حطييها
شغلت خوولة الاغنية
بعيد تاركني ادور لك اعذار على الغياب و صدتك و انعزالك ..
معقول ما جالك على البال زوار اللي عطالك فرحته ما طرالك .
شهرين و اسرار الغلا ما لها دار تاهت و هي تبحث في غابة خيالك ..
ما تدري ان مفارق الخل جبار و ان الفراق اكبر سبب للمهالك ..
انا وحيد و ما معي غير تذكار لو تنشده عن حال خلك حكالك ..
كانت حياتي قبلك دروب و اسفار حتى ملكت اللي بقى في وصالك ..
حبيبك محطم جروح ٍ و منهار حاله عليك من الوله عكس حالك ..
قبلك انا و سهيل و الجدي سمار نشرح تغنج حلاك و دلالك ..
نسـيـتـني في الليل و نجوم الاسحار قيلت مالي مـرقـد ٍ في ضلالك ..
خليتني اتعب على جزل الافكار قلت القصيد وقلت لك طاب فالك ..
نقلت قدام العدد كل الاصفار حطيتني رغم الفقر راس مالك ..
انا غريب الدار غريب بالأطوار بالمختصر انا خذت لك شخص هالك ..
و الحين من شهرين من صار ما صار و انا اتمنى يا حبيبي سوالك ..
غمزت لي خوولة :حق منو
عليا:مب حق حد وبليز لا تيبين لي طاارييه
صدييت الصووب الثااني تذكرت ان رااشد بيخطب اسبوع الياي...
قطع تفكييري صووت خولة: علاية بناخذ الاكل وبنروح بييتنا لان واايد زحمة
عليا:بييتكم لاااء
خولة:لا تخاافيين رااشد مب في البييت...من رحتي بييت اهلج مايرد الا الفيير
عليا:اوكييي
.................................................. .................................................. .................
وصلنااا بييت عمي والحمدلله محد في البيـت..تغديينا ورحنا حجرة خوولة
عليا:ويين حميد
خولة:ويا الريم من امس
عليا: هييه
خولة: المهم عليا انا عندي موضوع يخصني وبغييت ااخذ راايج
عليا:شو
خولة: خالتج حصة دقت لي اليووم
طالعتها بنظرة اني مستغربة خالتي شو تبا بخوولة
خولة: عليا خالتج خطبتني حق ولدها عزوز
عليا:وانتي شو راايج
خولة:مادري..انتي شورايج
عليا:بصراحة انا ماعرفه عدل بس انا كل اللي سمعته من فطامي ان ماعنده خراابيط ..
خولة: بغيتي الصدق انا صليت استخارة وحسيت اني ارتحت..بس حميد
عليا:شوفييه حمييد ..حميد بيرد بيت ابووية
خولة: لا عليا ..انا بوافق على عزوز بس شرطي الوحيد هو اني اربي حميد
عليا:مادري احس عزوز مابيوافق انكم تربون ولد مب ولدكم...
خولة: والله مب عايبنه خلاص خل يجوف غيري
عليا:بغيتي الصدق ..الصح ان حميد يرد بيت ابووية وانتي شوفي حياتج
ع الساعة 4 ونص العصر
رن تلفووني "منال"
عليا: هلا منال
منال:اهليين..وينج عليا
عليا: انا ويا خولة
منال: اهاا ..
عليا:بغيتي شي
منال: مب الحيين يوم بترديين البيت
عليا: اوكي براحتج..يلا تيك كير
منال: يو تو باي
عليا:باي
صدييت صووب خوولة حسييتها مستغربة
عليا:هههههههههههههههههههههه شوفيج
خولة: هاي اختج
عليا:هيه منال
خولة: شو نازل علييج
عليا: لا عادي هاي اختي لو شو ماستوا
خولة:زيين يوم الله هدااج
عليا:المهم خوولة رديني البييت
خولة: افاا ليش
عليا:امم بس جي عندي شغل شوي
خولة:خلاص بلبس عباتي
عليا:عطييني مفتاح السياارة ..بترياج في السيارة انا
خولة تعطيني المفتاح:يلا اوكيي
نزلت تحت ومن فتحت الباب شفت راشد ..نزلت رااسي.حسيت اني مشتاقة له واايد
راشد: اشحالج عليا
ماسوييت له سالفة ورحت صووب سيارة خولة
تمييت اصييح..انتبهت على خوولة اللي يت صوب السيارة..مسحت دموعي بسرعة..مابغييتها تجووفني اصييح
دشت خولة السيارة وكاانت ساااكتة..وانا صادة الصوب الثاني اجوف الدرب
وصلنا البييت واول مابغييت انزل
خولة: جفتي راشد
عليا:هيه..يلا باي
خولة: باي
دشييت الصالة وما حصلت حد...رحت فووق ودشييت حجرة عباادي
وكاانت منال تدرسة..وشكلهم مانتبهوا علييه...انتبهت على ملامح منال..كانت كووبي بييست مني بس الفرق اني حنطية وهي سمرة
رفعت منال رااسها: سووري بس هو مب راضي يسوي الواجب بروحة
تنهدت:سوري على شو؟؟لانج درستيه..نفس ما انا اخته انتي بعد اخته..انا بروح حجرتي
منال: لحظة عليا ..بغييتج بموضوع..عبادي رووح العب برع
ظهر عباادي..صديت صوب منال وقلت:شو السالفة
منال: اليوم انا تغدييت برع ويا رااشدط
حسييت بغيرة يوم قالت لي انها شافت راشد
رفعت راسي ..اترياها تكمل كلامها
منال: عليا انا سمعت راشد التسجيل بصوت عبير يوم اعترفت بكل شي
عليا:وشو قالج
منال: عليا ما تتخيلين راشد كيف متضايج ..راشد يحبج ومايبغي غييرج
عليا:كيف وهو بيخطب شما
منال: اي شما..
عليا:عبير قالت لي ان راشد بيخطب ربيعتها
منال:ماعلييج هاي بس تبا تقهرج...تقص علييج..راشد مايفكر غير ان يردج
عليا:...............
منال: جوفي عليا تبين رايي ..راشد ريال زين ويكفي انكم تحبون بعض..خلي عنج غرورج..تراج تحبيينه...انا اقول ردي لريلج احسن
..وعلى فكرة الطلاق فلحظة غضب يستوي ترديين له بدون لا محاكم ولاشي
عليا:ماعلييه انا برد له بس مب على طوول..
منال: اهم شي رااحتج..وفكري عـدل
عليا:ان شاءالله...ثانكس منال تعبتج وياية
منال: لا تقوليين هالكلام ..اذا انا ماوقفت ويااج منو بيوقف ويااج
عليا:تسلميين
رحت حجرتي خذت لي شور وتلبست..يلست ع اللاب انزل اغااني..لين اذن المغرب..توضييت وصلييت...وردييت ايلس ع اللاب مرة ثاانية
شوي ودش ابووية..نشيت من مكااني احترااما له
ابوية:مشغولة عليا
عليا: لا لا ماعندي شي..حيااك ايلس
ابوية: عليا راشد اليوم يااني يبغي يردج
عليا:...................
ابوية: موافقة علياا
عليا:مادري بابا خلني افكرر
ابوية: فكري وردي علييه...يلا انا بظهر تامريين بشي
عليا:سلامتك
ظهر ابووية من حجرتي ..ورحت صوب اللاب شغلت اغنية"تهبل بزينك"
هالاغنيية واايد احبها تذكرني بايام الخطووبة يوم ظهرنا ويا رااشد وحط الاغنيية اهداء لي..احس شعووري ماينوصف اليوم..انا وراشد بنرد حق بعض
بعد صلاة العشا
نزلت تحت شفت حمدان وسلطان ومنال وسارة..وابوية مب في البييت
عليا: السلام علييكم
حمدان: اول مرة في التاريخ
عويت بوزي: شوقصدك
حمدان: لا يعني اول مرة تسلميين شرات الناس
طالعته بنظرة وقلت بصوت واطي: مالت
حمدان:شوقلتي علي صووتج
عليا:ماقلت شيي
حمدان: زيين شو رايكم تتزهبوون الحيينة بودييكم فيستيفال سيتي
عليا: الله كششخة
حمدان: لالا خلاص غيرت رايي
سارة:هههههههه حرام علييك ودهم
منال: الله يخلييك حمداان
حمدان:زييين يلا تزهبوا بسرعة
رحت فووق ..فتحت الكبت ظهرت لي تنوورة جينز وبدي اسود ومخطط باللون الاصفر..وبعد ماخلصت...لبست عبااتي وشيلتي
شوي ورن تلفووني "حمدان"
حمدان: ويينج
عليا: ياية
حمدان: اترياج في السيارة
عليا: اوكي باي
صكييته قبل لا يقوول بااي..ورحت صووب القراج وركبت سياارته رنج سبوورت السودة
انا ومنال يالسيين ورا وهو يالس جدام برووحه
حمدان: اييه انتو لا يكوون دريولكم انا...بسرعة وحدة منكم تنزل وتركب جداام
عليا:مابا
منال: انا بعد مابا
حمدان: خلاص عيل انزلوا مابودييكم
عليا: لا لا خلاص انا بركب جداك
حمدان: احم هييه جي اباكم
نزلت وركبت جدام
دشييينا الفستيفاال سيتي...حمدان راح ييلس في الكوفي شووب..وانا ومنال نسوي شوبينج
..واي شي كنت ااخذه كانت منال تاخذ نفسي عسب نطقم
انتبهت ع السااعة شفتها 11 ونص...اتصلت بحمدان ويا صووبنا
حمدان: يلا بنروح نتعشا وبنرد البييت
عليا: اوكييي
رحنا ويلسنا بمطعم..طلبنا..وبعد مايابوا الطلبية..بديينا نتعشى شوي ورن تلفوون حمدان
رد ع الفون وسمعته يقول:اهليين..الحمدلله اشحالج انتي..هيه انا ويا اختي..لا لا مب الريم..ويا عليا ومنال..ان شاءالله ما بتاخر برد البيت وبكلمج..باي
طالعته بنظرة: وانته اي بنية ترمسها تعطيها اسامي خواتك
حمدان: لا عليا هاي ميثا مب اي حد...هاي بنت نااس وانا ان شاءالله برمس ابووية يخطبها لي
عليا:زيين يوم الله هدااك
حمدان:الحمدلله
.................................................. .................................................. ..........................
وصلنا البييت..دشييت حجرتي ..لبست بيجامتي...ومن حطييت رااسي بغيت ارقد لكن قطعني صوت التلفون
ردييت وانا ماادري منو المتصل
.....:الو
حسييت اني مشتااقة لهالصوت واايد
راشد: فدييت هالصوت انا
عليا: لا والله
راشد:فدييت رووحج تولهت علييج..فديت قلبج انا
عليا:....................
راشد:عليا انا مابطول علييج بس بغييت اغني لج قبل لارقد وعلى طول بصكة
عليا:.......................
راشد يغني:لك غلا زايد بحده فوق حده
ولك محبه ف وسط قلبي يا محبوب
وقلبي ياللي مامثل طبعك يصده
والذي شرواك له قدر محسوب
واخر شي قالي :احبج موت
طوط طوط طوط
حظنت تلفوووني حسييت اني مستاانسة واايد.....ورقدت
.................................................. .................................................. ..........................
نشييت على صووت تلفووني..انتبهت وجفت "منال" ردييت علييها
عليا:الوو
منال: عليا بعدج رااقدة الساعة 11 ونص الحيين نشي الريم في المستشفى وبتربي..ونحن وياها
عليا: يلا انا ياية ..باي
منال:باي
نشييت من مكاني تغسلت وتلبست وكشخت..وبعد ما خلصت نزلت تحت وشفت سلطان كان توة بيروح لهم وقلت له اني برووح ويااه
.................................................. .................................................. .......
وصلنا المستشفى
ودشيينا عند الرييم..سلمت علييها وحظنتها بالقو
عليا:مبروك حبيبتي
الريم:الله يبارك فيييج
عليا: هييه صح شو يبتي
الريم:بنت
عليا: احم اكييد تشبهني
جاسم:لا طبعا تشبه ابوها
حمدان: والله ماشي شغل تشبهكم..يعني بدون كلام تشبه خالها
عليا:جب من حلاتك...شو سميتوها
جاسم:حــــور
عليا:وااااااو وايد حلوو الاسم..بروح اجووفها
رحت صووب حجرة اليهاال ..جفت خوولة عندها
خولة: تعالي جوفييها عليوو وايد كتكوتة
شلييتها من ايد خوولة وبستها..واايد كيووت كوبي بيست من ريموو
خولة: انا بروح البييت من الصبح هني تعبت والله
عليا: اوكي الله يحفظج
ظهرت خوولة ..وتمييت ويا حــــور..صدييت صوب الباب ..شفت راشـد..من صـدييت صوبـة تم يغني
راشد:يامن نوييت بعادي..والله فراقك مووت
نزلت رااسي مستحيية..ردييت حور مكانها وبغييت اظهر
بس مسك راشد ايدي
عليا:.......
راشد: عليا
عليا: هلا
راشد: دخييلج بطلب منج طلب بس لا تردييني
عليا :اامر
راشد: ردي البييت اليوم...والله حياتي بدونج ماتسوى
عليا: بفكر
.................................................. .................................................. ...................
بعد اسبوعيـن رديـت حـق راشـد وكنا مستانسيين وااايد...وتونا راديين من ملجة منال وسعيـد
دشيينا الحجرة وقلت حق راشد: روح خذ لي اسكريم من باسكن روبنز
راشد: خلاص ان شاءالله ..الحيين برووح
ظهر رااشد...وخذت لي شور ولبست بيجاامتي..اتصلت بخوولة وقلت لها اتي تيلس عندي ليين رااشد يرد
ويت عندي وتميينا نطالع فيلم السلم والثعباان..وف نص الفيلم قالت لي : علياا بسالج بس ف ذمتج تقوليين الصدق
عليا: ههههههه الله يستر اسالي
خولة: انتي حامل صح
تمييت اطاالعها مصدوومة:كييف عرفتي
خولة: لا بس يدوو لاحظت علييج
عليا: ههههههه ماشاءالله علييها ..هيه حامل بس مابغييت راشد يعرف
خولة: ليش يعني
عليا: بس جي استحي..مابقولة الحيين
خولة:والله مينونة ..احس لو عرف انج حاامل..بتهدى المشاكل بيينكم..المهم ف اي شهر انتي
عليا:بعدني الاول
خولة: اهاا
شوي ودش راشد
راشد: بعض الناس يتوحمون على باسكن روبنز
من قالي جي ..حسييته سمعنا..وقالت خولة بصوت واطي:جكووه (وظهرت من الحجرة)
تجدم رااشد صووبي ولو علييه: فدييت رووحج انا
عليا: اييه هدني
راشد:لا مابهدج..ليش ماقلتي لي
عليا: استحي
رفعت راسي وسالته:تحبني
راشد: بتم احبج لين تنزلني ايادي الناس في قبري..لين يغمرني تراب القبر وغباارة
النهايـة
ههههههههههه لا طبعا لازم تعرفون شو استوا بعديين
حمدان: ابوية خطب له البنية اللي يباها من بعد ما سالنا عنها..وان شاءالله بيملجون قريب
سلطان:سافر برع يكمل دراسته
منال وسعيـد تزوجوا ومنال الحيين حامل
عمي سيف تزوج فطامي بنت خالتي وسافروا شهر عسل
وخولة وافقت على عبدالعزيز ووافق انها تربي حميد
وعبيـر تزوجت واحـد يقرب لنا من بعيـد وتاخر علييها الحمل..ويوم سوو تحاليل اكتشف ريلها انها ماتييب عيال وتزوج بنت عمه ..وعبير طلبت الطلاق
أنا وراشـد من تزوجت عبيـر ارتحنا وبعدنا عن المشاكـل ..والحيـن عندنا بيبي "حمااني"
النهايــــــة
تجميع روح زايـــــد
اللهم لك الحمد حتى ترضى وإذا رضيت وبعد الرضى ,,, اضف تعليقك